As ortodoksie sê dat geloof in Christus se goddelikheid en die leerstelling van die Drie-eenheid nodig vir verlossing is, kan ons verwag dat dit in die kroniekboek oor die verspreiding van die evangelie in die vroeë Kerk moet wees. Wat het Lukas byvoorbeeld in die Boek van Handelinge aangeteken aangaande Petrus se Christologie? Het die vernaamste onder die twaalf geleer dat Yahushua Christus was? Sy redevoering voor die Sanhedrin voorsien ons van die antwoord.

As ortodoksie sê dat geloof in Christus se goddelikheid en die leerstelling van die Drie-eenheid nodig vir verlossing is, kan ons verwag dat dit in die boek oor die verspreiding van die evangelie in die vroeë Kerk moet wees.

In Handelinge hoofstuk 3, kom Petrus en Johannes te staan voor `n kreupel man wat van hulle almoese vra by die tempel poort wat die Skone genoem word. In stede daarvan om hom aalmoese te gee, het Petrus die kreupel man genees “in die naam van Yahushua Christus, die Nasárener, staan op en loop!” Toe die skare die kreupele man sien loop en opspring en Yahuwah prys, het die mense in verbasing na Petrus en Johannes gehardloop. Petrus het die geleentheid gebruik om die skare te vertel dat Yahushua die Christus van Yahuwah is, wie hulle gekruisig het, maar wat Yahuwah uit die dood opgewek het. Boonop het hy van Yahushua gepraat as die dienskneg van Yahuwah, wie gestuur was om hulle te seën deur hulle weg te keer van hul bose weë. Daarom moes hulle tot bekering kom tot Yahuwah. Maar in geen oomblik dui Petrus daarop dat Yahushua `n goddelike wese is of, dat Hy vooraf in die Hemel bestaan het nie, of dat Yahuwah `n drie-enige wese is nie.

Hoofstuk 4 van Handelinge gaan met die verslag voort. Toe Petrus en Johannes met die mense gespreek het, het die priesters, die hoof van die tempel wagte, en die Sadduseers na hulle gekom, baie woedend. Wat was dit wat die Apostels geleer het wat die toorn van die Joodse leiers so opgewek het:

Handelinge 4:1-3: En terwyl hulle besig was om met die volk te spreek, het die priesters en die hoofman van die tempel en die Sadduseërs op hulle afgekom, ² baie ontevrede dat hulle die volk leer en in Yahushua die opstanding van die dode verkondig. ³ En hulle het die hande aan hulle geslaan en hulle in die gevangenis gesit tot die volgende more toe, want dit was al aand.

Die heersende gesag het Petrus en Johannes gevange geneem omdat hulle verkondig het dat die dode in Christus Yahushua tot `n nuwe lewe opgewek sou word. Die Sadduseers het nie in die opstanding van die dode geglo nie, want dit sou vir hulle offensief wees. Maar daar was meer wie die boodskap gehoor en geglo het as hulle wie gehoor en kwaad geraak het:

Handelinge 4:4. En baie van die wat die woord gehoor het, het geglo; en die getal van die manne het omtrent vyfduisend geword.”

Die skare het die boodskap van Petrus geglo wat hy uit Handelinge 3 geleer het: die Nasaréner was die Messias van Yahuwah…

Wat het hierdie menigte geglo omtrent Yahushua? Dat hy Yahuwah is wat vlees geword het? Of die tweede lid van die drie-eenheid? Of glo jy dat hy Yahuwah is om gered te word? Nee, maar hulle het die boodskap geglo wat Petrus in Handelinge 3 geleer het: die man van Nasaret was die Messias van Yahuwah, nie dat hy Yahuwah-die-Messias was nie

Indien Petrus en Johannes geleer het dat Yahushua Yahuwah was, saammet die Vader, sou die strenge monoteïstiese Jode hom eerder daarvoor gevange geneem het, en hulle vir godslastering aangekla het. So`n lering sou veel meer gruweliker gewees het as die verkondiging van die opstanding.

Waarom het Petrus nie die skare meegedeel dat Yahushua Yahuwah was of dat die Heilige Gees ook Yahuwah was, in hierdie geval nie? Dalk het Petrus die openbaring van Yahushua se godheid gebêre vir `n latere invloedryker gehoor. Indien dit die geval was, was hy op die punt om sy geleentheid te kry.

Onder Verhoor Voor die Sanhedrin

Die volgende dag, toe die apostels onder verhoor voor die Sanhedrin was,¹ was hulle gevra onder wie se gesag hulle die kreupel man genees het. Dit was een ding om `n boodskap te verkondig, maar heeltemal `n ander ding om dit te bekragtig met tekens en wonders:

Handelinge 4:7-12 “en toe hulle hulle voorgebring het, vra hulle: “Deur watter mag en deur watter naam het julle dit gedoen?” ⁸ Daarop sê Petrus, vervul met die Heilige Gees, aan hulle: Owerstes van die volk en ouderlinge van Israel, ⁹ as ons vandag ondervra word oor `n weldaad aan `n siek man, waardeur hy gesond geword het, ¹⁰ laat dit bekend wees aan julle almal en aan die hele volk van Israel dat deur die naam van Yahushua Christus die Nasaréner, wat julle gekruisig het, maar wat Yahuwah uit die dode opgewek het, dat deur Hom hierdie man gesond voor julle staan. ¹¹ Hy is die STEEN WAT deur julle, DIE BOUERS VERAG IS, maar WAT `N HOEK steen GEWORD HET. ¹² En die saligheid is in niemand anders nie, want daar is geen ander naam onder die hemel wat onder die mense gegee is, waardeur ons gered moet word nie.”

Dit wil voorkom asof hierdie geleentheid om die evangelie te verkondig aan die Joodse leiers verorden was. Yahushua het inderdaad geprofeteer dat dit sou gebeur:

Lukas 12:11-12 “En wanneer hulle julle sal bring voor die sinagoges en die owerhede en die gesaghebbers, moet julle jul nie kwel oor hoe of waarmee julle jul sal verdedig, of wat julle sal sê nie; want die Heilige Gees sal julle in dieselfde uur leer wat julle moet sê.”

As daar ooit `n tyd vir Yahuwah was om bekend te maak dat Hy nie een was nie–in die sin dat die Jode Hom vir millennia so verstaan het–maar `n drie-ledige persoonlike wese, was dít die tyd. Maar Petrus het geen woord gespreek van die Drie-eenheid van Yahushua se veronderstelde godheid nie.

Nes Yahushua se woorde, het Petrus nie `n boodskap gespreek volgens sy eie nie maar was gevul met die Heilige Gees. Die vraag is, wat was Petrus gelei om te sê? As daar ooit `n tyd vir Yahuwah was om bekend te maak dat Hy nie een was nie–in die sin dat die Jode Hom vir millenia so verstaan het–maar `n drie-ledige persoonlike wese, was dít die tyd. Maar Petrus maak geen melding van die Drie-eenheid of Yahushua se veronderstelde godheid nie. Daarteenoor verkondig hy `n boodskap ooreenstemmend met sy vorige preke en Yahuwah se openbaring.² Dat Yahushua, die man van Nasaret, die Christus is wat hulle gekruisig het wie deur Yahuwah opgewek is uit die dode en die hoeksteen gemaak is.

Die Hoeksteen.

Die hoeksteen was `n argitektiese term wat verwys het na die eerste steen wat gelê is in `n gebou. Dit was `n integrale deel van die struktuur, omdat sy plasing die stewigheid van die struktuur sou bekragtig en al die ander stene geplaas sou word deur die standaard te volg opgestel deur die hoeksteen. Petrus brei uit op hierdie tema en sy geestelike toepassing in sy eerste sendbrief.

1 Petrus 2:4-8 Kom na Hom [Yahushua], die lewende steen wat deur die mense wel verwerp is, maar by Yahuwah uitverkore en kosbaar is; ⁵ en laat julle ook soos lewende stene opbou, tot `n geestelike huis, `n heilige priesterdom, om geestelike offers te bring wat aan Yahuwah welgevallig is deur Yahushua Christus. ⁶ Daarom staan dit ook in die Skrif: “KYK EK LÊ IN SION `N UITVERKORE EN KOSBARE HOEK steen, EN DIE WAT IN HOM GLO, SAL NOOIT BESKAAM WORD NIE.” <sup>7</sup> Vir julle wat glo, is Hy kosbaar; maar vir die ongelowiges geld die woord: Die steen wat die bouers verwerp het, dit het `n hoeksteen geword; en: `n STEEN VAN AANSTOOT EN `N ROTS VAN STRUIKELING”; ⁸ vir dié wat hulle daarteen stamp, omdat hulle aan die woord ongehoorsaam is, waarvoor hulle ook bestem is.

Om seker te wees, was Yahushua die eerste lewende steen wat gelê was in die geestelike tempel aan Yahuwah toegewy. Almal wie in hom glo word as lewende stene gevoeg by die geestelike huis sodat ons saam geestelike offers mag bring. Let op dat ons offers nie aan Yahuwah en Yahushua gewy word nie maar aan Yahuwah deur Yahushua Christus. Die tempel is nie vir Yahushua nie; maar, hy is die hoeksteen onder die ander stene, bv., die gelowiges, wat die tempel van Yahuwah uitmaak. Dit is Petrus se punt voor die Sanhedrin. Die enigste weg om na Yahuwah te kom is deur die hoeksteen, dit is, Yahushua die Messias:

Handelinge 4:12 “En die saligheid is in niemand anders nie; want daar is geen ander naam wat onder die mense gegee is, waardeur ons gered moet word nie.”

Die enigste weg om na Yahuwah te kom is deur die groot hoek steen, dit is, Yahushua die Messias.

Die Sanhedrin het Yahushua verwerp, die enigste gesag deur Yahuwah gegee om toegang tot Yahuwah en die ewige lewe in die koninkryk te kry. Yahuwah het nie die patriarge en profete of die lede van die Sanhedrin gekies om die hoeksteen van die geestelike tempel te wees nie. Maar dit was hierdie Yahushua, die Nasaréner.

Hoe tragies dat die Kerk rade die hoeksteen uitgebeitel het en die vierde-eeuse, filosofiese idee oor Yahushua ingepas het. Instede daarvan om die nederige dienskneg “ware God van ware God” te wees, iets wat die Skrifte nooit geleer het nie.³ Ongelukkig het die post-Bybelse tradisie die hoeksteen van die Messias met die hoeksteen van Yahushua se godheid en die leerstelling van die Drie-eenheid vervang en gesê dat jy nie daarsonder gered kan word nie.

Yahushua se Gesag is van Yahuwah.

Dit is belangrik om op te let dat hierdie naam of gesag wat Yahushua besit nie inherent syne is nie. Maar, dit was gegee of aan hom gedelegeer. Ten minste tien keer, word ons meegedeel, baie daarvan deur Yahushua self, dat Yahushua `n man onder gesag van Yahuwah die Vader is.⁴ Dit moet ons nie verbaas dat Petrus hiervan praat in sy eerste sendbrief nie:

Dit is belangrik om op te let dat hierdie naam of gesag wat Yahushua besit het nie inherent syne was nie. Maar dit was aan Hom gegee deur die Vader.

1 Petrus 1:3 en 3:22 ³ Geseënd is die God en Vader van onse Here Yahushua Christus… ²² wie heengegaan het na die hemel en aan die regterhand van Yahuwah is, terwyl engele en kragte en magte aan Hom onderwerp is.

Nie alleen het Yahushua `n Vader nie, maar hy het ook `n God. Hierdie God het engele, outoriteite, en magte aan die gesag van Yahushua onderwerp, wie die Christus is. Indien Yahushua Yahuwah is, kan hy nie `n God het nie, omdat dit die ware definisie van Yahuwah sou uitdaag. Boonop sou hy nie verwag van Yahuwah om alle dinge aan hom te onderwerp as hulle wesenlik aan hom onderwerp was nie.

Tensy ons die waaragtigheid van Petrus se boodskap bevraagteken, laat dit bekend wees dat Yahushua dieselfde getuienis aangebied het:

Johannes 17:1-3 Dit het Yahushua gespreek,en Hy het Sy oë na die hemel opgehef en gesê: Vader, die uur het gekom; verheerlik U Seun, sodat U Seun U ook kan verheerlik– ² soos U Hom mag oor alle vlees gegee het, sodat Hy aan almal wat U Hom gegee het, die ewige lewe kan gee. ³ “En dit is die ewige lewe, dat hulle U ken, die enige waaragtige God, en Yahushua Christus wat U gestuur het.

Beide Yahushua en Petrus, eintlik die hele Skrifte, getuig dat die Vader die enigste ware God is, terwyl Yahushua die Christus is aan wie gesag gegee was om te heers en te regeer onder die soewereiniteit van Yahuwah.⁵

Die Raad se Dreigement en Petrus se Respons

Nadat Petrus verkondig het dat Yahushua die herrese Christus is, het die Raad privaat bymekaargekom om te besluit wat gedoen moes word:

Handelinge 4:16-22 en gesê, Wat moet ons met hierdie manne dien? Want dat daar `n kenlike teken deur hulle plaasgevind het, is duidelik vir al die inwoner van Jerusalem; ons kan dit nie ontken nie. ¹⁷ Maar dat dit nie nog meer onder die volk versprei word nie, laat ons hulle dreig om nie meer in hierdie Naam met enige mens te spreek nie.¹⁸ En hulle het hul geroep en hulle bevel gegee om in die geheel nie in die Naam van Yahushua te spreek of te leer nie. ¹⁹ Toe antwoord Petrus en Johannes en sê vir hulle: Of dit reg voor Yahuwah om julle meer gehoorsaam te wees as Yahuwah, moet julle self beslis; ²⁰ want vir ons is dit onmoontlik om nie te spreek oor wat ons gesien en gehoor het nie.” ²¹ En nadat hulle hul nog dreigemente bygevoeg het, aangesien hulle geen rede kon vind om hulle te straf nie, het hulle ter wille van die volk hulle losgelaat, want almal het Yahuwah verheerlik oor wat gebeur het. ²² Want die man aan wie die teken van genesing plaasgevind het, was meer as veertig jaar oud.

Waaroor was dit dat die Joodse regerende gesag besorgd was mag versprei? `n Nuwe leerstelling dat Yahushua die vleesgeworde Yahuwah is? Nee, want daar was geen leerstelling aangaande Yahushua se veronderstelde tweeledige natuur nie, `n leerstelling wat nie ten volle kon ontwikkel het tot die vierde eeu nie.

Waarom was die Joodse regerende gesag besorgd oor wat mag versprei? `n Nuwe lering dat Yahushua Yahuwah is wat mens geword het? Nee, omdat daar geen lering was aangaande Yahushua se veronderstelde tweeledige natuur nie, `n lering wat nie ten volle wasdom bereik het tot en met die vierde eeu nie. Maar hulle was besorgd dat die apostels steeds sal spreek dat Yahushua die opgewekte Christus was.

Na die Sanhedrin Petrus en Johannes vrygelaat het, het hulle met die gelowiges byeengekom en verslag gedoen oor wat gebeur het. Toe het hulle hul stemme verhef en gebid:

Handelinge 4:23-31 En nadat hulle losgelaat was, het hulle na hul eie mense gegaan en alles vertel wat die owerpriesters en die ouderlinge aan hulle gesê het. ²⁴ En toe hulle dit hoor, het hulle eendragtig die stem tot Yahuwah verhef en gesê: Here, U is die God WAT DIE HEMEL EN AARDE EN DIE SEE EN ALLES WAT DAARIN IS, GEMAAK HET, ²⁵ wat deur die mond van U kneg Dawid gesê het: WAAROM HET DIE NASIES GEWOED EN DIE VOLK NIETIGE DINGE BEDINK? ²⁶ DIE KONINGS VAN DIE AARDE HET SAAM GESTAAN EN DIE OWERSTES HET SAAM VERGADER TEEN DIE HERE EN TEEN SY CHRISTUS.’ ²⁷ “Want waarlik, Herodus en Pontius Pilatus het saam met heidene en die owerstes vergader teen die Here en teen U heilige Kind Yahushua wat U gesalf het, ²⁸ om alles te doen wat U hand en U raad vooruit bepaal het om plaas te vind. ²⁹ En nou, Here, let op hulle dreigemente en gee aan U diensknegte om met alle vrymoedigheid u woord te spreek, ³⁰ deurdat U u hand uitstrek tot genesing, en tekens en wonders deur die Naam van U heilige Kind Yahushua plaasvind. ³¹ En toe hulle gebid het, is die plek geskud waar hulle saam was, en hulle is almal vervul met die Heilige Gees en het die woord van Yahuwah met vrymoedigheid gespreek.

Dit is belangrik om uit te wys dat die gelowiges onderskei tussen Yahuwah, die Skepper, en Yahushua, wie hulle twee keer die heilige kneg van Yahuwah genoem het. En, hulle het Yahuwah versoek om Sy hand uit te strek om te genees en om wonderwerke uit te voer deur die naam van Sy heilige kneg, Yahushua. Hulle het verstaan wat baie hedendaagse Christene nie verstaan nie. Yahushua het nie wonderwerke gedoen omdat hy Yahuwah is nie, maar omdat Yahuwah deur hom gewerk het. Dit is presies wat Petrus op die Dag van Pinkster gespreek het:

Handelinge 2:22 “Israeliete, luister na hierdie woorde! Yahushua, die Nasaréner, `n man deur Yahuwah vir julle aangewys met kragte en wonders en tekens wat Yahuwah deur Hom onder julle gedoen het, soos julle ook self weet–

Hoe het Yahuwah op hul gebed gereageer? Hy het met krag geantwoord, want die plek waar hulle ontmoet het was geskud, en hulle was almal met die Gees vervul en het begin om die woord van Yahuwah met vrymoedigheid te spreek! Wat was die boodskap wat hierdie Gees-vervulde Christene so vrymoedig gedeel het? Dit was ongetwyfeld dieselfde boodskap wat hulle van Petrus gehoor en geglo het. En nie soos hedendaagse preke, bevat dit nie een van Yahushua se veronderstelde godheid of `n oortuiging in `n drie-enige God nie. Is dit nie tyd dat ons begin om dieselfde boodskap te verkondig wat Petrus verkondig het nie?

---

¹ Alhoewel die teks nie verwys na die vergadering van oudstes, heersers, en die owerstes van die Sanhedrin nie, is geleerdes eens dat dit `n byeenkoms van die rabbynse geregtelike en administratiewe hof was. Sien Handelinge 4:19, waar Lukas na hierdie vergadering verwys as “die Raad.”

² Matthéüs 16:13-17.

³ `n Frase uit die Niceense Geloofsbelydenis, https://www.creeds.net/ancient/nicene.html

⁴ Matthéüs 9:6 en 8; 11:27; 28:18; Johannes 3:35; 5:26-27; 13:3-4; 17:1-3; Efesiërs 1:17 en 20-22; 1 Petrus 1:3 en 3:22; Openbaring 2:27.

⁵ 1 Korinthiërs 15:25-28.

⁶ Handelinge 4:4.

---

Dit is `n nie-WLC artikel. Bron: https://onegodworship.com/peters-christology-before-the-sanhedrin/

Ons het al die paganistiese name en titels van die Vader en Seun uit die oorspronklike artikel gehaal en dit vervang met die oorspronklik gegewe name. Verder het ons die name van die Vader en Seun in die Skrifte herstel, soos dit oorspronklik deur die geïnspireerde skrywers van die Bybel geskryf is – WLC Span

Petrus se Christologie Voor die Sanhedrin

[Vers 1]
Toe die skare byeenkom by die poort van die Skone,
Het hulle `n groot wonder gesien wat hul lot oorwin.
Want `n kreupel man was genees wie gebedel het vir goud,
Deur die mag van geloof wat antiek was en vrymoedig.
Petrus het gespreek met die skare van Yahuwah omhoog,
En van Yahushua Christus en die teken van Sy liefde.

[Koor]
Nou is die waarheid eenvoudig gemaak deur die woord van die Koning,
Nie `n drie-hoofdige verborgenheid waarvan ons sal sing.
Want Yahuwah is Een op Sy hemelse troon,
En Yahushua Sy kneg, is Heiland alleen!
Met `n triomfantlike kreet laat die heelal lui,
Aan die Vader van lig en die lof wat ons bring!

[Vers 2]
Dan word die priesters en die heersers baie kwaad,
Deur die vasberade waarheid wat die apostels bely.
Die strenge Sanhedrin, was aangedring om te spreek,
Maar die mag van die hemel laat tiranne swak.
Petrus het gestaan vir Yahuwah met moed so groot,
En het Yahushua Prins van die pad van die land genoem.

[Koor]
Nou is die waarheid eenvoudig gemaak deur die woord van die Koning,
Nie `n drie-hoofdige verborgenheid waarvan ons sal sing.
Want Yahuwah is Een op Sy hemelse troon,
En Yahushua Sy kneg, is Heiland alleen!
Met `n triomfantlike kreet laat die heelal lui,
Aan die Vader van lig en die lof wat ons bring!

[Brug]
Hoewel hulle sê dat `n drie-eenheid heers uit die lug,
Het die apostels van ouds gewys dat die mite `n leuen is.
Want die Soewereine Yahuwah het uit die dood opgewek,
Die Messias Yahushua, die kerk se ware hoof.
Nie `n godheid gebore in `n hemelse verlede,
Maar `n kneg wiese koninkryk uiteindelik sal triomfeer.

[Koor]
Nou is die waarheid eenvoudig gemaak deur die woord van die Koning,
Nie `n drie-hoofdige verborgenheid waarvan ons sal sing.
Want Yahuwah is Een op Sy hemelse troon,
En Yahushua Sy kneg, is Heiland alleen!
Met `n triomfantlike kreet laat die heelal lui,
Aan die Vader van lig en die lof wat ons bring!

[Slot]
Bekeer dan en keer terug na Yahuwah vandag,
Want die duister wolke van dwaalleer beweeg weg.
Deur Yahushua die Heiland, is die stryd gewen,
Deur die mag van Yahuwah en die dade van die Seun!
Ons is ferm en vasbeslote soos ons die lig volg,
Want die waarheid het geseëvier oor die dwaal en die nag!