|
Ito ay isang hindi-WLC na artikulo. Kapag gumagamit ng mga pinagkukunan mula sa mga labas na may-akda, kami'y naglalathala lamang ng nilalaman na may 100% pagkakatugma sa Bibliya at sa mga kasalukuyang paniniwalang biblikal. Kaya ang ganitong mga artikulo ay maaaring ituring na parang direktang galing sa WLC. Kami'y lubos na pinagpala sa paglilingkod ng maraming tagapaglingkod ni Yahuwah. Ngunit hindi namin inaabiso ang aming mga kasapi na galugarin ang iba pang gawa ng mga may-akda na ito. Ang mga gawang iyon ay hindi na namin isinama mula sa paglalathala dahil ang mga iyon ay naglalaman ng mga kamalian. Nakalulungkot, wala pa kaming nahahanap na paglilingkod na walang dungis. Kung ikaw ay nagulantang sa ilang hindi-WLC na inilathalang nilalaman [artikulo/episodyo], tandaan ang Kawikaan 4:18. Ang aming pagkakaunawa ng Kanyang patotoo ay umuusbong, sapagkat mas maraming liwanag sa ating landas. Mas itinatangi namin ang katotohanan nang higit sa buhay, at hangad ito saanman ito matatagpuan. |
Ang pariralang “ang Diyos ni Yahushua” ba ay maka-Kasulatan? Sa Efeso 1:17, ang apostol na si Pablo ay isinulat ang “Diyos ng ating Panginoong Kristo Yahushua, ang Ama ng kaluwalhatian.” Malinaw kay Pablo na ang Diyos ni Yahushua ay ang Ama ng kaluwalhatian. Bilang pagsisimula sa kanyang sulat sa mga taga-Efeso, sinabi ni Pablo na “ang Diyos at Ama ng ating Panginoong Kristo Yahushua, na siyang nagpala sa atin kay Kristo.” Sa pagwawakas, siya ay nagbasbas sa kanila ng “kapayapaan…at ng pag-ibig na may pananampalatayang mula sa Diyos Ama at sa Panginoong Kristo Yahushua” (Efeso 1:3; 6:23).
Sinabi sa kanya ni Yahushua, “Huwag mo akong hawakan, sapagkat hindi pa ako nakaaakyat sa Ama. Pumunta ka sa mga kapatid ko at sabihin mo sa kanila, ‘Aakyat ako sa aking Ama at inyong Ama, sa aking Diyos at inyong Diyos.’” (Juan 20:17).
|
Sa Juan 20:17, sinabi ni Yahushua kay Maria, “Aakyat ako sa aking Ama at inyong Ama, sa aking Diyos at inyong Diyos.” Sa Juan 17:3, tinutukoy ni Yahushua ang kanyang Ama bilang “ang tanging tunay na Diyos.” Si Yahushua ay isang unitaryang mananampalataya sa Isang Diyos.
Iyong mga naniniwala sa doktrina ng Trinidad ay sinasabi na ang isang pagtanggi ng walang hanggang umiiral bago isilang na “Diyos Anak” ay pinapababa si Yahushua sa pagtanggal ng kanyang kabanalan. Ngunit ang isa ay maaaring tanggihan ang doktrina ng Trinidad at patuloy na panindigan ang “banal na kalikasan” ni Kristo sa pagturo sa kanyang natatanging pinagmulan bilang Anak ni Yahuwah. Noong ang “kapangyarihan ng Kataas-taasan” ay lumilim kay Maria, ang “Anak ng Kataas-taasan” ay isinilang (Lucas 1:32, 35). Ipinahayag ni Yahuwah ang Kanyang pagiging Ama ni Yahushua noong tinawag Niya si Yahushua na, “minamahal kong Anak” (Mateo 3:17). Ang mga Kristyano rin ay mapuno ng lubos na kapuspusan ni Yahuwah (Efeso 3:19).
Ang ilan ay naniniwala na si Kristo Yahushua ay isang “simpleng tao” — hindi naiiba mula sa ibang tao — maliban na lang na siya ay walang kasalanan. Pinababa nila si Kristo. Sa paninindigan laban sa kamalian ng Trinidad, minsan nilang binababa ang estado ni Yahushua. Wala nang kailangang pagmamalabis. Ang mga napukaw na manunulat ng Bagong Tipan ay nagsasalita tungkol kay Yahushua sa panukdulan. Ang grapikong talinghaga ng ipinatapon na si Juan ay inilarawan ang dili kaya’y hindi mailarawang bumangon na Panginoon! (Pahayag 1:14-16).
Si Yahushua ay “ang larawan [litrato] ng hindi nakikitang Diyos” (sa kanya nakikita natin ang Ama nang malinaw); “ang liwanag ng Kanyang kaluwalhatian” (sumalamin sa ating mga mukha); at “ang tumpak na larawan ng Kanyang katauhan” (nakatatak sa atin, nag-iiwan ng pangmatagalang impresyon)! Hindi pa ba tayo magagalak sa ating kahanga-hangang Panginoon?
Hindi natin dapat isipin na si Yahuwah ay mas itinataas kapag ang Kanyang Anak ay pinababa. Anu-anong mga tagumpay ng anak ang hindi sumasalamin nang mabuti sa katauhan ng kanyang makalupang ama? Gaano naluluwalhatian ang Ama ni Yahushua kapag pinupuri natin ang walang dungis na buhay, mga gawang napakahusay at walang pag-iimbot na sakripisyo ng kanyang Anak? At ang kanyang rebelasyon ng lihim ng pagiging imortal sa kanyang Ebanghelyo ng Kaharian (2 Timoteo 1:10).
“Gagawin ko anumang hilingin ninyo sa aking pangalan, upang ang Ama ay maluwalhati sa pamamagitan ng Anak.” (Juan 14:13).
…sa Diyos ng ating Panginoong Kristo Yahushua, ang Ama ng kaluwalhatian, na bigyan kayo ng Espiritu ng karunungan at ng pahayag upang lubos ninyo siyang makilala (Efeso 1:17)
|
Ang espiritu ni Yahuwah ay nagbubukas ng patotoo tungkol kay Yahuwah at sa Anak, ngunit para lamang sa mga lehitimong naghahangad ng Katotohanan. Ito’y tiyak na isang paksa ng pang-unawa, isang bagay gaya ng pagbili ng bagong kotse at pagkatapos ay titingin sa napakaraming kaparehong gawa at modelo sa lansangan. Nahanap namin ang Isang Diyos ni Yahushua kung saan hindi namin Siya nakita noong una. Kami’y hinikayat at napukaw ng Bibliya, subalit kung kailan ang Panginoon ay “binuksan ang aming mga mata” sa kung gaano katiting ang aming nalalaman, natanto namin kung gaano karami at katindi ang aming nakaligtaan.
Isang halimbawa ng kakulangan ng pang-unawa na ito ay kung paano nakikita o hindi nakikita ang kahalagahan ng 1 Corinto 8:6, na malinaw na nagpaalala sa atin na “may iisang Diyos, ang Ama, na siyang pinagmulan ng lahat ng mga bagay, at para sa kanya tayo'y nabubuhay, at may iisang Panginoon, si Kristo Yahushua, na sa pamamagitan niya ay nagkaroon ng lahat ng mga bagay, at sa pamamagitan niya, tayo'y nabubuhay.” Paano naging posible para sa “isang Panginoon” na nakita na kapwa katumbas ng “isang Diyos”?
Ang tradisyon ay sumasagot na ang Isang Diyos ay binubuo ng 3 Katauhan: ang mga magkakatumbas na Ama, Anak, at Espiritu Santo. Hindi natin dapat maliitin ang kakayahan ng tradisyon para mapaunlakan ang patotoo ng Bibliya bago isiwalat ito sa mistisismo. Gaano karaming oras sa gaano karaming buwan sa gaano karaming taon ang mga teologo ng Simbahan ay nagtalo sa katanungan tungkol sa ambag ni Yahushua sa pagpapadala ng espiritu? Ang mga simbahan ng kanluran at silangan sa katunayan ay nagtiwalag sa isa’t isa sa katanungang ito! Isang mabilis na tanaw sa Mga Gawa 2:33 ay agad malulutas ang isyu: “Dahil iniluklok siya sa kanan ni Yahuwah, at tinanggap niya (Yahushua) mula sa Ama ang ipinangakong Banal na Espiritu, nakikita at naririnig ninyo ito na ibinuhos sa amin ngayon.” Ang mga salita ni Yahushua sa Juan 16:7 ay kinumpirma na ang Espiritu ay nanggaling mula sa Ama at Anak.
Mahirap na paniwalaan na ang kaparehong Martin Luther na nilabanan ang Simbahan ng Roma sa pahayag na “ang matuwid sa pamamagitan ng pananampalataya ay mabubuhay” sa katunayan ay tinukoy ang aklat ni Santiago bilang “isang sulat ng dayami” at bukas at aktibong anti-Semitiko.
At ito ang buhay na walang hanggan: ang makilala ka nila na iisang tunay na Diyos, at si Kristo Yahushua na iyong isinugo. (Juan 17:3)
|
Kami’y kinilabutan nang matutunan namin na ang dakilang Calvin ay maaaring hinatulan si Servetus, isang kapatid kay Kristo, na sinunog hanggang mamatay sa istaka (dahan-dahan, sa kahoy). Anong kagimbal-gimbal na erehya ang ipinahayag ni Servetus? Itinuro niya na ang ritwal ng pagbinyag sa sanggol at ang paniniwala ng Simbahan sa Trinidad ay hindi maka-Kasulatan.
Ang aking paniniwala ay ang mga Kristyano sa mga taong darating ay makikita ang doktrina ng Trinidad kung ano ito: ang produkto ng isang pagtitipun-tipon ng mga obispo na binuo ni Constantine ang Dakila upang pagkaisahin ang pagtuturo ng Kristyanong Simbahan sa pinagtatalunang paksa ng Ulo ng Diyos. Sa ilalim ng lundo, ilang obispo ang sumuko sa kasunduan laban sa kanilang mas mabuting pananalig at ang paksa ang naisaayos. Ito’y itinakda sa bato at ginamit upang “garotihin” ang iba tungo sa pagsunod.
Tangi lamang kung kailan ang simbahan ay tatanggapin ang 1 Corinto 8:6 bilang tunay na kahulugan ng Ulo ng Diyos, ito’y magagawang maipahayag sa mga Hudyo: “Ang Diyos nila Abraham, Isaac at Jacob ay Diyos rin ni Yahushua — iyong Mesias at Tagapagligtas nating lahat!” Sa buong mundo, may dalawang malakas na pwersa na nakakandado sa sagupaan: ang Espiritu ni Kristo at ang espiritu ng anti-kristo.
Kapag bumalik si Yahushua, ang isang katawan na bumubuo ng parehong Hudyo at Hentil — ngunit hindi mapaghihiwalay sa pananampalataya at sa admisyon ng Isang Tunay na Diyos at Kanyang Anak, si Kristo Yahushua — ay babangon upang makasama ang Panginoon sa himpapawid, at pagkatapos ay bababa kasama niya upang mamuno sa mga bansa.
“At tayo’y makakasama ng ating Panginoon magpakailanman.”
Ito ay isang hindi-WLC na artikulong isinulat ni Peter Barfoot.
Tinanggal namin mula sa orihinal na artikulo ang lahat ng mga paganong pangalan at titulo ng Ama at Anak, at pinalitan ang mga ito ng mga orihinal na pangalan. Dagdag pa, ibinalik namin sa mga siniping Kasulatan ang pangalan ng Ama at Anak, sapagkat ang mga ito ay orihinal na isinulat ng mga napukaw na may-akda ng Bibliya. -Pangkat ng WLC
