|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Ndakanyampula bbuku lya Edwin Lutzer, One Minute After You Die, mpoonya ndakatalika kubala Caandaano Cipati catatu camutwe wakuti: “The Ascent into Glory.”
Majwi aakwe akali kutelemuka cakukondelezya, pele akali kupapa akakununkila mbuli musinza uusaside. Ino ncinzi cini ncendaamba aawa?
Lutzer, pe maawe, ooyu muntu uulengelezya zyabempelenge. Mpeenyaawo Mangwalo ayubununa bbuku lyakwe lya mutwe wakuti, One Minute After You Die, kuti ndya lweeno. Busanduluzi buli mu caandaano citaanzi acabili manyongwe aalo alo, pe ma atuye ku caandaano catatu, oomo tujana ba Lutzer bacizumana kusendekezya twaambo twakupunga tuzyila mulwiiyo lwa Plato!
Andigumegume aasyoonto buyo makani aali mu Caandaano catatu. A peeji 55, uguminizya 1 Bakolinto 3:21-23: “zintu zyoonse nzizyenu, alimwi inywe muli ba Messiah Yahuwah,” kumwi kaamba kuti lufu ncipego cesu cizwa kuli Yahuwah. Icintu ncatabwene nciceeco cileba bantu aabo basyoma baleza botatwe (akataa zinji zimwi). Eeci cibalo cilasalazya kuyubununa mbwalitolaansi Yahushua, Messiah, kuli Yahuwah. Mbwaanga lusyomo lwa baleza botatwe lusendekezya kuti Yahushua ngu Yahuwah, aabo basyoma muli baleza botatwe mumakani aaya tabakonzyi kupandulula Yahuwah mbwanga walitolaansi kuli Lwakwe mwini Yahuwah. Icibalo cilamaninizya kuti, “yebo uzulilwa kuli Messiah, alimwi Messiah uzulilwa kuli Yahuwah.”
A peeji 56 Lutzer alimwi ulaliguunkula naamba kuti, aabo batakombi Leza tabakonzyi kunyanga Banakristu cipego ca lufu eeco cinga cabasindikizya kuyoosikila mpabede Yahuwah. Yebo inga wayanda kumutumina kagwalo ooyu Mwaalumi. E.R. Lutzer ujisi mulongo wa tumpango twaambilizya “lufu” tutondezya kuti teesyi mbocibede oobo pe. Kunyina pe naba omwe wakafwa akusindikilwa kuyoosika mpabede Yahuwah. Tacikonzyi kucitika eeci kusikila akuboola kwabili kwa Yahushua Messiah akubuka kuzwa kulufu. Ime inga ndamwiibalusya Lutzer ooyu majwi ookwa Paulu mwini: “Munzila eeyi [ya kubuka kuzwa kubafu nokuba kwiimpuka kuyoocingauzya Yahushua akuboola kwakwe] tuyooboola kuzyooba aa Yahushua” (1 Batesalonika. 4:13-17).
Anselelo lya peeji 56, mulembi wesu utusomba muzeezo wakwe ooyu: “Mbweenya oobo, lufu mbwiili nzila eeyo imibili yesu mbwiilyookezya eelyo miya yesu niisindikilwa kuyoonjila mumilyango ya kujulu.” Nguni uusindikilwa aabani? Kondipa mpokulembedwe mu Bbaibbele kuti. “Miya yesu ilasindikilwa” kuya kujulu aciindi cakufwa? Kuti muntu wafwa, akwalo kuswaangana akataa muya a mubili kulafwidilizya antoomwe; muya amubili nuucisangene antoomwe ulakonzya kufwa. Ba Giliki baciindi ca (Plato) bakayiisya kuti mubili tuukwe mulimo aboobo lufu lugwasyilizya muya kuti ulisamunune ciwa ca mubili akuuluka kuyoopona lyoonse buumi bwawo kuuli ulikke. Banakristu batunsiyansiya aabo bakayiya Giliki, kaayindide mazuba aa Bbaibbele, bakazuminizya kuti muzimo wiingaila ulaa busena nkuugama: ategwa mizimo mibotu iya kujulu (kutala lyookuya), mpoonya mizimo mibyaabi iya mubwina musiya mbi bwa Cuumbwe nokuba Mumulilo uutazimwi. Mubwini, nokuba boobo, Mangwalo aamba kuti mubili amuya uukonzya kufwa, muntu woonse mbwazulwa, ulalyookezya nokuba koona mu lufu (Daniyele. 12:2) kusikila akubuka kuzwa kulufu akuboola kwa Yahushua ciindi waakumvwika kusiba mweembo wa ciloba, kutali aciindi cimbi kacinatasika ciindi eeco pe (Ciyubunuzyo. 11:15-18). Oolu lwiiyo lwakuunina lwabu Giliki, lino ndobasumpauzya bunji bwa Banakristu, kapati Bakatolika aba Calvini, muzeezo uulubide cinicini wakaanzwa mubucenjezu cakuti wakaba “lusyomo mu lwiiyo lwa buleza” mucuulu camyaka yainda.
Mucibalo nceenya eeci ca bbuku lyakwe, Lutzer waamba kuti “miya” yesu ilasindikilwa kuya kujulu. Pele ooku nkutamvwisyisya kuleta kuyeeyela kuti muntu ucilaa buumi bumbi akuti ucipona kujulu. Masimpe kuti aciindi cakuzyalwa Yahuwah utumizya muya Wakwe kuzyootalisya buumi mu mwana. Ooyo muya wa Yahuwah ulakkala mumuntu kusikila wafwa. Ooyo muya tuukwe ciwa nokuba mbuulangika, pele Yahuwah ulawutola alimwi, eelyo buumi bwasika kumasimpilo. Mboobu bumboni: “Nguni uuzyi muya wamuntu wiimpuka kuya mujulu, amuya wa munyama uuya ansi mubulongo” (Mukambausi. 3:21). “Bulongo buyoojokela kubulongo mbweenya mbubwaabede: alimwi muya uyoopiluka kuli Yahuwah ooyo wakuupede” (Mukambausi. 12:7). Mpeenya aawo “bafwide kunyina pe ncobazyi nociceya...Taakwe cicitigwa munyika yabafwide [mucuumbwe, muli shilo, Hadesi]” (Mukambausi. 9:5, 10). Kubuka kuzwa kulufu kulikke njenzila yakuzwa mu lufu (Johane 11:11, 14)!
Eeci cibalo citali ca-WLC cakalembwa aaba Wayne Stallsmith.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina as Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC