Mubuzyo: Basyaabupampu batabaliki bakabanda kuzinguluka nyika. Mukasandulula buti kaambo aaka kuti Nyika kiili ililandabele?
Bwiinguzi: Aaba basyaabupampu / beenzya mato bakagama buyo Kujwe nokuba Kumbo kusikila bakabweeda kucooko nkobaatalikila musinzo wabo.Eeci kunyina pe nocitondezya kuti nyika ili bulungene mbuli bbola. Eelyo nokubelesyegwa cipimyo camabazu kweendeenda atalaa nyika nanka mulwizi, lyoonse inga kacitondeka Kunyika, aboobo Kujwe aKumbo inga kwazyibwa mpeenya aawo. Polaris, “Nyenyezi ya Kunyika,” ayalo ilasyomeka kutondezya Kunyika kwini, kutegwa Kujwe aKumbo kukonzye kujanwa kakunyina kulubila pe. Atalaa Nyika Iibandalele, kuti muntu waunka kugama Kujwe nokuba kugama kuya Kumbo kakunyina kuleya alimwi kweendelana anyenyezi ya Polaris, inga waakusikila mpaakatalikila kweendeenda alimwi.
Amubikkile maanu kuti Kunyika mpaakatikati ka Nyika yoonse. Nkabela magolelo aanyika aali mumbali oonse nko “Kumusanza”. Kuti muntu weenzya bwato kugama Kujwe nokuba kugama Kumbo kataleyileyi, inga wabweedela kucibaka nkwaakatalikila kweenzya bwato.
Amubikkile maanu: Basyaabupampu mumyaka yakuma 1700s a 1800s bakeezyeezya kuti bakali kweendeenda kwiinda bamaile bali zyuulu makumi osanwe (50,000) eelyo nibaali kusoleka kuzinguluka nsumbu ya caanda iili kumusanza, eeyo iili kumagolelo aaNyika Iilandabele (mbuli James Cook, James Clark Ross, ankamu ya British “Challenger). Amucenjele aawa kuti, kweendelana ambunga ya NASA, balo bategwa Nyika ili buyo bamaile zyuulu makumi obile azyosanwe (25,000) kwiizinguluka.