|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zya abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Banakristu banji basyoma kuti Yahushua uyoolela bulelo kukabe kutamani nkaambo ategwa walo ngo Leza; aboobo, bulelo mbubwakwe. Kujanza limwi, Mangwalo ayubununa cifwanikiso ciimpene ca kuboola kwa bulelo, kuti mbulelo bwani, alimwi akaambo keni Yahushua ncelelela bulelo oobo.
Mbuli mbwali Muleli uulilela, bulelo mbubwa Leza. Pele ino ngu Leza uuli? Mbaaleza botatwe na? Pe, kutali kweendelanya aa Yahushua.
|
Intembauzyo kanjaanji yaamba Yahuwah mumajwi aakuti uuzulilwa ku bwami:
Intembauzyo 47:2 Nkaambo Jehova Mupati Kampatila ulayoosya! Ngu-Mwami mupati wanyika yoonse!
Intembauzyo 103:19 Yahuwah ulikazikide cuuno cakwe cabwami mujulu, Nkabela bwamj bwakwe buleendelezya kuli boonse.
Mbuli mbwali singuzuzyoonse, nkokuti bulelo mbubwa Leza. Pele ino ngu Leza uuli? Mbaaleza botatwe antoomwe na? Pe, kutali kweendelanya mbwaamba Yahushua. Mu mupailo wakwe wa malailile, Yahushua wakaamba kuti bulelo mbubwa Taata:
Mateyo 6:9-10 Mbuboobu mbumweelede kukomba: Taateesu ooli kujulu, Alilemekwe izina lyako. 10 ‘Abuze bwami Bwako. Alucitwe luyando lwako, ansi aano mbubonya mbuli kujulu.
Mumakani ngeenya, Yahushua alimwi utondezya kuti bulelo mbookwa Taata, kabwiita kuti mbulelo Bwakwe:
Mateyo 6:33 “Pele amusangune kuyandaula Bwami bwa Yahuwah a bululami Bwakwe, elo zintu zyoonse ezi mulaziyungizizigwa azyalo.
Alimwi, aciindi cimwi, Yahushua uyumya kwaamba kuti bulelo mbookwa Taata ncobeni:
Mateyo 26:29 29 “Ndamwaambila kuti nsikooyoonywa limbi micelo eeyi yamusaansa kuzwa sunu kusikila kubuzuba oobo mbunjooyinywa mipya antoomwe anywebo mu Bwami bwa Taata.”
Mbuli mwami wa Malengelo woonse, Yahuwah wakasala kwaabanya bulelo Bwakwe ku mukowa wa bantu:
Matalikilo 1:26 a 28 Elyo Leza wakaamba kuti, Atupange muntu mucinkozya cesu, abe mbubonya mbuli ndiswe. Baendelezye inswi zyamumaanzi, abayuni bakujulu, aŋombe, anyika yoonse, abauka boonse bayavula ansi. 28 Yahuwah wakabalongezya, Yahuwah wakabaambila kuti, Amuzyalisye, muvule, muzuzye nyika akwiibombya. Amweendelezye inswi zyamulwizi abayuni bakujulu abanyama boonse baputauka ansi.”
Kuzwa ku matalikilo, makanze ookwa Yahuwah akali aakuti muntu alele atalaa nyika mucibaka Cakwe.
|
Ibbala lya “kulela” mu cibalo eeci ndyakuti radah muci Hebulayo, alimwi liiminina: kweendelezya atala.1 Kuzwa ku matalikilo, makanze ookwa Yahuwah akali aakuti muntu alele atalaa nyika mucibaka Cakwe. Ncobeni, basicikolo balanganya Adamu mbuli mwiiminizi mutumwa wa bulemu ookwa Yahuwah ooyo wakatumwa kuzyoolela nyika, pele wakeelede kulela mubweendelezi bwa Yahuwah. Ibbuku lizubulula makanaa Bbaibbele lina Wycliffe lyaambilizya cintu eeci nolyaamba kuti:
[Muntu] wekeelede kuba mwiiminizi munkutwe uulondola nyika, uubeleka kuyanda kwa Mulengi akuzuzika makanze aa bulemu. Bweendelezi bwa nyika bwakeelede kupegwa ku cilengwa leza cipya eeci….Eeci cilengwa leza ceebeka, antoomwe a zintu zibotu nzyaakazumizyidwe amikuli mipati, wakeelede kupona akweendeenda munzila ya bwami.2
IBbaibbele lya New Oxford Annotated lilazumina mulimo wa muntu wa kulela nyika mbuli mwiiminizi ookwa Yahuwah:
Kabambidwe mu cinkonzya ca Leza, muntu ngo cilengwa leza oomo Leza mwayendelezya buleli Bwakwe anyika. Ooyu mulaka utondezya “lwiiyo lwa bulemu bwa leza”…Mbuli mwiiminizi wa Leza, muntu wakapegwa bweendelezi (Intembauzyo 8:6-8).3
IBbaibbele lya Spirit Filled alyalo lilabandauka busena bwaandeene bwa muntu mbuli mutumwa wa Yahuwah a nyika:
Leza wakalenga muntu kuti abe mutumwa wa bulelo bwakwe, kuti kalela akweendelezya malengelo woonse, kusanganya a makamu aa Saatani aabulwani, aayo aakali aafwi kulilongela ali njiyo.4
Davida, mwami lwakwe, wakabandauka kunyandwa akulumbaizya makanze aabulemu aayo ku mukowa wa bantu kuti balele mubusena bwa Yahuwah:
Davida, mwami lwakwe, wakabandauka kunyandwa akulumbaizya makanze aabulemu aayo ku mukowa wa bantu kuti balele mubusena bwa Yahuwah.
|
Intembauzyo 8:4-9 Ino muntu ncinzi nowamwiibaluka? Amwana amuntu ncinzi, nomuswaya? 5Nekubaboobo wamupa bupati bwasi elane abwa-Leza, Wamusamika munsini wabulemu awabwami. 6Wamupa bwami bwakweendelezya milimo yamaanza aako, Azintu zyoonse wazibika kunsi lyamaulu aakwe: 7Imbelele aŋombe zyoonse, Abanyama bamusokwe; 8Bayuni bakujulu, answi zyamulwizi, Azyoonse zyeendeenda mukati kalwizi, 9O Yahuwah Mwami wesu, Izina lyako lilatembaulika munyika yoonse
Nokuba kuti Adamu wakalaa busena bwaandeene mbuli muleli mubweendelezi bwa Singuzuzyoonse, wakanyansya akunyangwa cuuno akutandilwa anze lya Muunda wa Edeni. Ooyo wakamwaatula, Saatani, wakaba muleli naa “Leza” wa nyika eeyi:
1 Johane 5:19 Alimwi tulizi kuti tuli ba-Yahuwah anyika yoonse iikede muzibi.
Pele Yahuwah taakaleka makanze aakwe aakuti muntu akalele nyika mucibaka Cakwe. Naakawide Adamu, Yahuwah wakaambilizya mwaalumi uumbi, wakali kuyoozyalwa aa mukaintu, ooyo, nokuba kuti akacisigwe aa Saatani, uyoomukoma kumamanino.5 Kuyungizya waawo, ooyu mwaalumi unooli wa lunyungu lwa Mwami Davida 6, alimwi uyoolela bulelo kukabe kutamani. Paulu waamba mwaalumi ooyu kuti ngu Adamu wamacaalizyo,7 pele uzyibidwe kapati kuti ngu Yahushua waku Nazaleta, ooyo wiitwa akuti Kristu. Kristu weelene aa Messiah, wiiminina kuti munanike ookwa Yahuwah, mutwe wa zina lya yooyo Yahuwah ngwaakasala kulela atalaa bulelo buciboola.
Yahuwah wakabelesya mushinshimi Mika kuti aambilizye kuti, mbweenya mbuli Adamu mutaanzi, mwami uuboola uyoolela mubusena bwa Yahuwah:
Mika 5:2 “Pele webo, O Betelehemu-Efrata, nekuba kuti uli muniini buyo akati kamikowa ya-Juda, mulinduwe momuyoozwa uuti kaendelezye ba-Israyeli. Kweendeenda kwakwe nkwakalekale, nkwamazuba aaciindi.”
Intembauzyo 2 iyungizya kupa bumboni bupati bwakuti Messiah uyoolela mbuli mwami uunanikidwe ookwa Yahuwah.
|
Intembauzyo 2 iyungizya kupa bumboni bupati bwakuti Messiah uyoolela mbuli mwami uunanikidwe ookwa Yahuwah. Aawa, mucibeela cisyoonto, ncinshinshimi eeco Petulo ncaakaamba cakazuzikwa muli Yahushua:
Intembauzyo 2:1-2, 6-8, 10-12 Ino bamasi batingilalilanzi? Bantu bayeeyelanzi zyabuyo?2 Bami baansi balalibamba, Abalo beendelezi balalayana, Kukulwisya Jehova amunanike wakwe…6 “Waamba kuti, Ndime ndakazika mwami wangu Acilundu cisalala ca-Zioni. 7 Ndaluula makani. Yahuwah wandaambila kuti, Nduwe mwanaangu, Ndime ndakuzyala mubuzuba obuno. 8 Kabila kulindime, elyo njookupa masi kuti abe lukono lwako, Amagolelo aanyika ukaavube…10 Lino amucenjele, nubami. Amuswiilile, nubabetesi baansi. 11 Amukombe Yahuwah cakuyoowa, Akusekelela cakukankama. 12 Amulibombye kumwanaakwe, naatakooyookalala, Kuti mutanyonyooki munzila, Nkaambo bukali bwakwe bulafwamba kubuka. Bali acoolwe boonse bamusyoma!
Izaya wakaamba akuti buleli bwa Messiah buli mu bweendelezi bwa Yahuwah. Mucibalo cilaa mpuwo ca kupenzyegwa kwa Messiah, walo ubuzya kuti, “Ino nguni wakazuminina makani esu? Nguni wayubunwidwa kuboko kwa-Yahuwah?” Izaya ubelesya kaambo kakuti “kuboko kwa Yahuwah” mukwaamba kuboola kwa Messiah. Eeli nde “kuboko Yahuwah,” eelyo liyoolela mubusena bwa Yahuwah:
Izaya 40:10 Amubone! Mwami YAHUWAH uleza anguzu, Kuboko kwakwe nkokumweendelezezya. Uleza abulumbu bwakwe, acilumbyo cakwe cili kubusyu bwakwe.
Ezekiya awalo waambilizya kuti mwami uuboola nguyooyo uuyoobeleka, kutali mbuli Yahuwah, pele mbuli mulanda wa Yahuwah:
Ezekiya 34:23-24 “Lino njoozibusizya mweembeli omwe, mulanda wangu Davida, Ngonguwe uyoozyeembela. Uyoozisanina akuba mweembeli wazyo. 24 Ambebo nde-Yahuwah njooba Yahuwah wabo, amulanda wangu Davida uyooba mweendelezi akati kabo, Ndime Yahuwah wacaamba.
Ezekiya 37:25 25 “Bayookala munyika eyo njiyonya mobakakede bamauso, nyika njendakapa mulanda wangu Jakobo. Bayookala mulinjiyo, balo abana babo abana babana babo, lyoonse buyo mane kukabe kutamani. Nkabela Davida mulanda wangu nguuyooba mweendelezi wabo kukabe kutamani.
Yahushua ngo mweembezi mubotu a mulanda ookwa Yahuwah ooyo wakasumpulwa ku janza lyalulyo lwa Yahuwah mbuli Mwanaa Mwami a Mufutuli.
|
Izina lyakuti Davida, nkaambyo ka kwaambilizya Messiah uuboola. Walo uyooba mbweembezi wabo a mwanaa mwami, kakuli Yahuwah uyooba Leza wabo. Ncobeni, Yahushua ngo mweembezi mubotu a mulanda ookwa Yahuwah8 ooyo wakasumpulwa kujanza lya lulyo lyokwa Yahuwah mbuli Mwanaa Mwami a Mufutuli:
Milimo 5:30-31 “The Leza wamatateesu wakabusya Yahushua, ngomwakajaya, mwakamwaanzika acisamu. 31 Oyu, Yahuwah wakamusumpulisya kujanza lyakwe lyalulyo, abe Mwami a-Mufutuli, ape Israyeli kweempa akujatilwa kwazibi.
Ncintu cipati kubikkila maanu kuti Yahuwah wakasala Yahushua kuba abusena oobu; walo taakali mwami kusikila leelyo Yahuwah naakamusala kuba umwi:
Intembauzyo 89:27 “Njoomubika kuti abe mwanaangu mutaanzi, Mupati kubami baansi.
Lusyomo lwa tunsiyansiya, nokuba boobo, luyiisya kuti Yahushua uyoolela nyika, kutali nkaambo kakuti Yahuwah wakamusala, pele nkaambo walo, lwakwe, ngu Yahuwah. Bamwi bazumbauzya kuti Yahushua a Yahuwah eelyo nobaitwa kuti Mwami wa Bami a Simalelo wa Basimalelo kuti mbobumboni bwa buleza bwa Yahushua. Nokuba boobo, aabo bataminina boobu balangika aanga tabakubwene kuti twaambo ooto majwi buyo aaci Hebulayo aakuti mupati ali boonse na mubotu kwiinda boonse. Kuyungizya waawo, kubelesya mabala aaya takuzumizyidwe buyo kuli baleza pele kulakonzya akubelesyegwa ku mwami uuli woonse. Ngooyu mukonzyano, Mwami Artaxerxes waku Persia a Mwami Nebuchadnezzar waku Bbabbuloni bakali kwiitwa kuti “bami ba bami” nkaambo ka buvwubi bwabo, nguzu, a malelo mapati. Saa Messiah tayindi aawo na!
Bamwi bakazya kuti Yahushua weelede kuba Yahuwah nkaambo Yahuwah alikke nguukonzya kulela nyika. Mukubula, coolwe, ooku kwaamba boobu kuyubununa kutamvwisyisya makanze ookwa Yahuwah ku muntu kuti alele nyika mbuli mwiiminizi Wakwe. Kuyungizya waawo, kutondezya kwaalilwa kukosozya kaambo aaka mu Mangwalo. Ngooyu mukonzyanyo, Paulu ulemba kuti Yahushua wakali sumpudwe aa Yahuwah abusena bwakwe bulaa julu, kutali kuti walo lwakwe ngu, Yahuwah, pele nkaambo kakuteelela Yahuwah:
BaFilipo 2:8-11 8Lino naakabonwa kuti waba acikozyano camuntu, wakalibombya akuzumina nikuba kufwa, nkukuti kufwa kwakubambulwa aciingano. 9 Nciceeco Yahuwah ncaakamusumpula akumupa izina ibotu kwiinda mazina oonse, 10 kuti BOONSE BAFU GAME MAZWI cakulemeka izina lya-Yahushua, nibaba baansi nibaba bakujulu nibaba bali kunsi anyika, 11 alimwi kuti indimi zyoonse zizumine kuti Yahushua Kristo ngu-Mwami, cakulemeka Yahuwah Taateesu.
Yahushua wakasumpulwa aa Yahuwah alimwi wakapegwa izina lilaatala aa woonse, abweendelezi atalaa boonse. Ncobeni, Yahushua ulazyibya ziindi zinjaanji kuti Yahuwah nguwakamupa bweendelezi.
|
Yahushua wakasumpulwa aa Yahuwah alimwi wakapegwa izina lilaatala aa woonse, abweendelezi atalaa boonse. Ncobeni, Yahushua ulazyibya ziindi zinjaanji kuti Yahuwah nguwakamupa bweendelezi. Ngooyu mukonzyanyo:
Mateyo 11:27 [Yahushua wakati] “Zintu zyoonse ndazipegwa kwa-Taata, nkabela taakwe muntu uuzi Mwana pele Taata alike, alimwi taakwe muntu uuzi Taata pele Mwana, antoomwe amuntu oyo ngwayanda Mwana kumuyubununa…
Mateyo 28:18 [Yahushua wakati] “Lino Yahushua wakeza, wabaambila wati, Ndapegwa bwami boonse nibuba bwakujulu nibuba bwaansi.
Johane 3:35 “Wisi uyanda Mwana, wakamupa zintu zyoonse mujanza lyakwe.
Alimwi kweendelanya ku zibalo zina Paulu izyaambwa kale, wakali Yahuwah Taata ooyo wakabikka zintu zyoonse mumaanza aa Kristu Wakwe. Mumajwi amwi, kwakali ciindi cimwi eelyo zintu zyoonse nizyatakali mumaanza aa mwaalumi waku Nazaleta, pele lino mozibede. Kuyungizya waawo, kusumpulwa kwa Yahushua atalaa zintu zyoonse kwaambwa kuti nkwakupa bulemu kuli Yahuwah, Taata, kutali Mwana. Nkaambo nzi? Nkaambo zyoonse ngu Yahuwah wakazicita. Yahuwah wakasala Kristu. Yahuwah wakananika akupa Kristu nguzu zya bweendelezi. Yahuwah wakabusya Kristu kuzwa ku bafu. Yahuwah wakasumpula Kristu ku janza Lyakwe alimwi akubikka zintu zyoonse mu maanza aakwe.
Kasimpe kakuti Yahushua wakasumpulwa aa Yahuwah kuti akkale kujanza Lyakwe lya lulyo, kapedwe nguzu zipati atalaa boonse mbuli mbocikonzyeka, alimwi akubikka zintu zyoonse mu bweendelezi bwakwe, eeco citondezya buntu bwa Yahushua, kutali muzeezo wa leza uuzyila ku musela wane. Nkaambo ikuti Yahushua naakali Yahuwah ncobeni, walo naakaalijisi kale zintu eezi. Ncintu citakwe maanu kwaamba kuti Yahuwah wakasumpulwa kuba abusena acuuno eeco ncajisi lino. Kujanza limwi, twaambo twa Paulu tuyoyedwe moza tuleendelana cabunkutwe amakanze ookwa Yahuwah kuti muntu alele anyika.
Kuti Yahushua taakali mukamwini wa bulelo mbuli Yahuwah, eeco cilitondezyedwe mu Mangwalo. Mushinshimi Daniele wakalemba cilengaano oomo mwaakabona Mwanaa Muntu waletwa kunembo lya Yahuwah akupegwa bweendelezi, bulemu a bulelo:
Mushinshimi Daniele wakalemba cilengaano oomo mwaakabona Mwanaa Muntu waletwa kunembo lya Yahuwah akupegwa bweendelezi, bulemu a bulelo.
|
Daniele 7:13-14 “I ndakabona muzilengano zyamasiku, ndabona umwi uuli mbuli mwana amuntu uleza amayoba aakujulu, wasika afwaafwi akuli-Sinsiku, watambulwa kulinguwe. 14 Nkabela wakapegwa bweendelezi abulemu abwami, kuti bantu bazisi zyoonse abamisyobo yoonse abamyaambo yoonse bamumanine milimo. Bweendelezi bwakwe mbweendelezi butamani butakonzyi kweela, abwami bwakwe tabukonzyi kunyonyoonwa.
Tulabona cishinshimi eeci kaciindulukwa mu makani aakuzyalwa kwa Yahushua:
Luuka 1:32 “He Unoozooli mupati, uzootegwa Mwana a-Sijulu lyamajulu, Yahuwah Leza uzoomupa cuuno cabwami cawisi Davida.
Kaambo kakuti, “cuuno ca Wisi Davida” ciiminina Messiah akuboola kwa bulelo. Kuyungizya waawo, Yahushua lwakwe, upa bukamboni kuti wakali Yahuwah Taata ooyo wakamupa bulelo:
Luuka 22:28-30 “Pele nywebo ndinywe mwandiiminina mumapenzi aangu, 29 eno ndamubika bwami mbubonya Taata mbwaakandibika, 30 kuti mukalye akunywa atafule lyangu mubwami bwangu, alimwi muyookala azyuuno zyabwami akubeteka misyobo iili kumi ayobile ya-Israyeli.
Ikuti Yahushua naakali Yahuwah, naatali bulide muntu naba ni wakuti amwaabile bulelo, nkaambo nibwali bwakwe kale. Pele Yahushua ngu Adamu wamacaalizyo ooyo wakanununa mukowa wa bantu bawide mu cibi, aboobo Yahuwah wakalekela bulelo mu bweendelezi bwakwe.
Mbweenya buyo Adamu mbwaakapegwa kweendelezya nyika pele kacili mu bweendelezi bwa Yahuwah, Yahushua awalo uli mu bweendelezi bwa Wisi mu bulelo oobo:
1 Bakolinto 15:23-28 pele umwi aumwi kuciindi cakwe ceelede, Kristo ngukabalwebalwe, elyo kusule bana ba-Kristo kuciindi cakuboola kwakwe. 24 Ndilyonya naayooba mamanino, nayootambika bwami kumaanza aa-Yahuwah wisi, nayoolobesezya boonse beendelezi abami abasimutwe. 25 Nkaambo uleelede kweendelezya mane do nanooyoobikide basinkondonyina boonse kunsi lyamaulu aakwe. 26 Sinkondonyina musyaalizi uuyoolobesegwa ndufu. 27 Nkaambo zintu zyoonse Yahuwah wazibombya kunsi amaulu aakwe, Pele na kwaambwa kuti zintu zyoonse zilibombesedwe, ncobeni nkokuti teensi kwaamba oyo iwakamubombesezya zintu zyoonse. 28 Lino naamana kumubombesezya zintu zyoonse, elyo alakwe Mwana mwini uzoolibombya kuliyooyo iwakamubombesezya zintu zyoonse, kuti Yahuwah abe malondwedo aazintu zyoonse:
Mangwalo aambilizya kuti Mwana ucinooli mu bweendelezi bwa Yahuwah mu bulelo buboola.
|
Mangwalo aambilizya kuti Mwana ucinooli mu bweendelezi bwa Yahuwah mu bulelo buboola:
Johane 14:28 “Mwakamvwa mbwendakamwaambila kuti, Ndainka, alimwi ndaboola kulindinywe. Kuti nomwali kundiyanda, nomwali kukondwa nkaambo nja kuli-Taata, nkaambo Taata mupati kwiinda ndime.
Eezi zibalo tazimvwiki kubaa maanu ikuti Yahushua kali Yahuwah. Nokuba boobo, zilatusalalila eelyo notumvwisyisya kuti Yahushua tali Yahuwah pele ngu Kristu wa Yahuwah.
Yahushua ulakonzya kulela mbuli mutumwa wa Yahuwah, pele kumamanino, bulelo mbookwa Yahuwah Taata.
Yahushua, Adamu wamacaalizyo, wakali kusyomeka kuli Yahuwah munzila iili yoonse. Kuteelela kwakwe kwakajulila ndiswe nzila ya kuzyokela ku bulelo, kutali mbuli banyenzi pele mbuli bamwi mu mfulumende ya bulelo oobo:
Daniele 7:18 a 27 ‘Pele basalali ba-Sijulu wamajulu bayootambula bwami, nkabela bayoovuba bwami lyoonse mane kukabe kutamani.’…27 ‘Lino bwami abweendelezi abupati bwazisi zyoonse zyaansi, zyoonse ziyooabwa mumaanza aabantu babasalali ba-Sijulu, Bwami bwakwe mbwami buteeli, nkabela misyobo yoonse iyoomulemeka akumumanina milimo.’
Luuka 12:32 “ Mutayoowi, nokatanga kaniini, nkaambo Usowanu ulakondwa kumupa bwami bwakwe.
Luuka 22:28-30 “Pele nywebo ndinywe mwandiiminina mumapenzi aangu, 29 eno ndamubika bwami mbubonya Taata mbwaakandibika, 30 kuti mukalye akunywa atafule lyangu mubwami bwangu, alimwi muyookala azyuuno zyabwami akubeteka misyobo iili kumi ayobile ya-Isilayeli.
Ciyubunuzyo 3:21 ‘ Ooyo uuzunda njoomuzuminina kukala ambe acuuno cangu, mbubonya mbuli mbundakazunda ambebo, aboobo sunu ndikede a-Taata acuuno cakwe.
Ikuti, mbuli bamwi mbobasendekezya kuti kulela mu bulelo buboola caambilizya kuba leza, nkokuti yebo a ndime inga twaitwa kuti ndiswe Leza, aswebo. Pele Mangwalo apa bumboni bwakuti kutola cibeela mu bweendelezi tacitondezyi kutola cibeela mu Buleza. Kunze lyaboobo, mbumboni mbwakuti Yahuwah wakasunga cisyomyo cakwe ku muntu ca kulela bulelo bwakwe bujisi bulemu. Aboobo, atusangane mwami wesu mu kupaila kuti, “Taata, bulelo Bwako abusike!”
1 New American Exhaustive Concordance lya Bbaibbele, #7282a radah.
2The Wycliffe Bible Commentary, Charles F. Pfeiffer, ed., (Chicago, IL; Moody Press, 1962), peeji. 4.
3 The New Oxford Annotated Bible (RSV), (Oxford University Press,1977), mapeeji. 2-3.
4 The Spirit-Filled Bible (NKJV), Jack W. Hayford, ed., (Nashville, TN: Thomas Nelson, 1991), peeji. 5.
5 Matalikilo 3:15; Johane 12:31.
6 Milimo 2:29-32; Luuka 1:33, azimwi.
7 1 Bakolinto 15:45; BaLoma 5:14.
8 Johane 10:10, 14; Milimo 3:26; 4:27, 30.
Eeci cibalo tacili ca-WLC. Cakazyila ku: https://oneGodworship.com/my-fathers-kingdom/
Twakagwisya mucibalo citaanzi woonse mazina aa mituni ngobaita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya muMangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
