|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kabandika a mwaapositolo Johane, Yahushua wakati Walo wakalaa “cijuzyo ca Davida” (Ciyubunuzyo. 3:7). Kunze lya Izaya 22:22, aawa luzutu mu Bbaibbele mpaa busena bwaamba “cijuzyo ca Davida,” alimwi aboobo kuli manjezyeezya mapati aajatikizya cijuzyo eeco mbucaabede ambocicibede lino.
Bamwi babala inga balanganya cibalo eeci kuti ncamanjezyeezya, Pele Ime njeeya kuti ndizyi cijuzyo ca Davida kuti cakali buti. Pe ma, kaasye ndipandulule.
Davida wakalela kali mwami wa Hebuloni atalaa mukowa wa Judah kwa myaka iili ciloba. Mbube mikwasyi yoonse yakaboola antoomwe kuzyoomubikka Bwami atalaa nyika yoonse. Kubikkwa kwakwe acuuno ca Mwami wa Isilayeli kulilembedwe mu 2 Samuyele 5:1-5.
Aciindi cakunjila bwamwi, munzi wa Jelusalema wakaba mubweendelezi bwakwe. Mulimo Wakwe mutaanzi kali mwami aboobo, ulilembedwe mutumpango tutobela kampango ka (2 Samuyele. 5:6-8). Davida wakalwana munzi wa Ziyoni. Nkaambo nzi? Nkaambo Yahuwah wakamuyubunwida cintu eeco, ambweni kwiinda mu mushinshimi Samuyele, kuti uyooba mwami wa Isilayeli bumwi buzuba, akuti munzi wa Ziyoni uyooba munzi wakwe mupati, Ziyoni “Ŋanda Iituba.” Ziyoni wakasalwa aa Yahuwah kuti ube cuuno ca mfulumende ya Bulelo bwa Davida.
Eelyo Jowabu naakatanta katobelezya mugonti wa maanzi (1 Makani 11:1-9), wakaunka ku mulyango wa munzi uukwabilidwe kuti akaakujule mulyango nkuuli mukati. Niwaajuka mulyango, yoonse mpi ya bana Isilayeli yakali kukonzya kunjila mumunzi uukwabilidwe akuzunda munzi wa Ziyoni.
Penzi lya Jowabu lyakali lya kujana cijuzyo cakujuzya mulyango wa Ziyoni. Mumazubaayo, munzi uukwabilidwe boobo wakajisi citendele ca butale, alimwi mulyango ooyo wakali yumizyidwe a micinjili yazibulo zipati. Izibulo eezyo zyakali simpidwe kakwiina kuzungaanyigwa a nkanka, acakukobeka eeco cilesya nkanka kuti itagwisyigwi aamuntu uutazumizyidwe. Kufumbwa wakajisi cijuzyo wakali kukonzya kukopolola akugwisya nkanka, akujula micinjili ya zibulo kuti mulyango ukopoloke, nkabela akujula mulyango ngwaa.
Cijuzyo ca Davida cakali cijuzyo ca munzi uukwabilidwe wa Ziyoni. Eelyo Jowabu naakazinguluka kalonga ka meenda, wakaajana aakali cijuzyo, wakakopolola mulyango, mpoonya akujula mulyango nkuuli mukati, walo wakajulila Davida ankamu ya lumamba yakwe kuti injile akufumpa munzi uukwabilidwe wa Ziyoni. Davida wakabweza cijuzyo mumaanza akuwiita kuti Ziyoni, “Munzi wa Davida.” Ooyu munzi uukwabilidwe wakaba Ŋanda Iituba yakwe.
Cijuzyo ca munzi wa Ziyoni cakali kwiiminina nguzu zya mfulumende zya bulelo buna Davida. Davida wakabweza cijuzyo eelyo Ziyoni niwaafumpwa akuzundwa.
Munzila njeenya eeyo Jowabu mbwaakaimikizya mufolo wa meenda akukopolola cikwabilizyo ca munzi uukwabilidwe nkocili mukati, Yahushua wakafwa, wakazikkwa, wakanjila mucuumbwe akujula milyango ya cuumbwe mocili mukati. Mpaaciindi naakabuka eelyo Walo naakabweza “cijuzyo ca Cikkalilo ca Bafu a Lufu” (Ciyubunuzyo. 1:18). Aciindi ca kutempaulwa kwakwe, Saatani wakasomba Yahushua kumupa cijuzyo kufumbwa biyo kuti Walo akakombe nguwe; kunze lyaboobo, Yahushua wakasala kubweza cijuzyo kuzwa kuli Saatani.
Yahushua ngo Mwami wakakona cuuno ca Sikale wakwe, Davida, alimwi Walo nguulaa lwaanguluko lwa kweendelezya atalaa bweende bwa bulelo buteeli oobu.
|
Lino, Yahushua ujisi cijuzyo ca Davida—nkokuti, icijuzyo ca nguzu zya mfulumende ya bulelo buna Davida. Walo ngo Mwami ooyo wakakona cuuno ca Bulelo bwa Sikale wakwe, Davida, alimwi Walo ulaa lwaanguluko lwa kweendelezya atalaa bweende bwa bulelo buteeli oobu. Eezyo nguzu zitondezyedwe mu cijuzyo ca Davida eeco ncaakabweza aciindi Walo naakabuka kuzwa ku bafu.
Davida wakabweza cijuzyo ca munzi uukwabilidwe wa Ziyoni; Yahushua wakabweza cijuzyo ca Cikkalilo ca Bafu aca Lufu.
Mwaalumi uujisi cijuzyo watwaambila kuti swebo, “Ime njoomupa zijuzyo zya bulelo bwa kujulu” (Mateyo. 16:19). Kufumbwa eelyo Yahushua napa nduwe cijuzyo ca bulelo, caambilizya kuti Walo wakupa nguzu zya kukopolola cintu cigaminina mukati ka bulelo bwa Yahuwah. Aboobo kubelesya cijuzyo eeco mpaaboolela nguzu zya kweeta buleli Bwakwe bwa lwaanguluko mu busena buli mu bulelo oobo.
Hena yebo ulangene aacintu cisinkilidwe na, alimwi tozyi mbokonzya kukopolola mulyango wa cintu eeco? Komulomba Yahushua akupe cijuzyo ca bulelo bwakwe cigaminide ku cintu naa busena buvwuukide kusinkililwa basangu.
Alimwi koibaluka lyoonse kuti: Kajaluzyo kasyoonto kalakonzya kujalula dyango lipati.
Eeci ncibalo citali ca-WLC cakalembwa aaba Bob Sorge.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
