|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Mazubayaa aayinda Ime ndakamvwa mweelwe wabantu kabeezyeezya kuti ino mbubuti mulumbe mubotu wa Bulelo bwa Yahuwah oobo buciboola mbuunga wasandula maumi aabantu. Mbubuti mulumbe ooyu kuugama ncuuli yooyo lufutuko moluboolela? Eeyi mibuzyo mibotu. Aaya nga makanze aacibalo eeci kusozya kwiingula ncokuli nguzu zili boobu mumulumbe wa Bulelo kuti wasyomwa, alimwi akukulwaizya kutonkomana kwesu mulusyomo oolu lwakapedwe aciindi cimwi.
Yahuwah wakalenga muntu kuzwa mumamvwu aansi, akumuyoyela Muya wa buumi muli nguwe, mpoonya wakaba muntu uupona (muzumi, Matalikilo 2:7). Twakomba bikkila maanu kuti muntu wanyama tajisi muzimo, muntu susu lwakwe ngo muzumi. Mbube Mulengi wakabikka bana Bakwe munzila iibagamika kubuumi Yahuwah mbwaakababambila — kuyoolela nyika (Matalikilo 1:28). Musamu wabuumi wakali kunoobakkutya mu mibili. Zyuuluzyuulu zyamyaka nizyakainda mwami-mushinshimi Davida wakazuminizya awalo kuti ooko nkokwakali kugama buumi bwamuntu ncobeni mu Intembauzyo 8:3-8.
Kakwiindide munsaa cuulu camyaka mu Cizuminano Cipya, mulembi wa BaHebulayo utwiibalusya kuti nokuba kuti tatuninga sika nkotuya, tuyoosika mumusela uuboola (Langa kampango 2:1-8). Alimwi camamanino, katusyomezyedwe mu Ciyubunuzyo 5:10 kuti aabo bantu susu bayoobusyigwa kuzwa muzyuumbwe akusandulwa kubaa mibili ya muuya, bayoolela bumwi buzuba anyika, twasika ku caandaano camamanino mu Bbaibbele oomo muntu mwasika aawo Yahuwah mpaakamutuma alimwi cisamu cabuumi ciyoojokela akubaa mulimo munyika, kuponya masi (Ciyubunuzyo 22:1-2).
Inzya, kucili makani manjaanji aakuzuzya kaano, kapati kujatikizya kasimpe kakuti Yahushua Messiah wakaambilizya Bulelo bwa Yahuwah, aboobo wakajayigwa akaambo kaako, alimwi wakabusyigwa kuzwa kubafu kuzuzika kuti walo nguwaananikwa aa Yahuwah kuti ajuzye Bulelo oobo, malengelo mapya. Kaambo keni aawa nkakuti, ooyu mulumbe ookwa Yahuwah wa Bulelo bucizya azintu zijatikizya Yahushua Messiah kweendelanya ku Bulelo oobo buli mumulumbe mubotu — nciyubunuzyo ca makanze ookwa Yahuwah ku mukowa wabantu a makanze Aakwe aakoonda mulimo ooyo. Banalumi abamakaintu bacipedwe bulemu bwa Yahuwah oobo bumwi buzuba buyoopegwa mubukkwene ali mbabo. (2 Bakolinto 3:18; 1 Johane 3:2).
Ono wabona kayi, mulumbe uuzwa kuli Yahuwah kwiinda mumulumbe mubotu ulasalala; bantu bamibili yanyama bakabambwa aamamvwu aanyika balijisi ciimo eeco cipa kuyandigwa mumeso aa Mulengi/Wisi wabo kuti bakonzye kweendelezya milimo akataa malengelo Aakwe kabalaa cilongwe ca Wisi/Mwana Anguwe. Inzya, ooku kuzwidilila kuyandika kutaanguna nkwakuti, bana ba Yahuwah basyome mulumbe ooyo uugwasyilizya mulimo ooyu. Nkaambo tulizyi kuti kanjaanji bana bavwuzya kuyeeyela kuti bazyali babo tababasyomi ncobeni bana babo kuti balaa ciimo “cibotu” nkaambo kakuti (baciyandika kukomena akubaa maanu aabupati), kuti inga kabayooba bantu bayoosya bacifuswa makowa mumaumi aabo. 
Eeci nciimo biyo camizeezo ya buntu. Cinyonyoono ncecitobela kutasyoma. Mbombuboobo mbocaabambwa kuti kacibede munzila eeyo. Ooku kusyoma kuyandika mu bazyali ncecintu cikulwaizya kulimvwa kuti mwana uuli woonse ulaa mulimo akuyandwa mumoyo wakwe kuti abe mbuli mbwaakalengwa kuba. Ikuti tootalikila ambaakani eeyi, eeco ceelela kulibonya inga tiicazwidilila. Munzila imwi, yebo weelede kujokela kumataliklo. Mwana (nokuba mupati) uutalikila abusena oobu ulaa ciindi cibotu cakuzwidilila kukomena kuba mupati kuti akabe mbuli ncaakazyalilwa kuti abe. Alimwi, eeci mbucaabambwa oobo. Ooyu mulazyo ngweenya wacilongwe ca Wisi/Mwana, ngo moyo wini uucita kuti zintu zibelekele antoomwe mucilongwe cesu a Yahuwah akukonzya kuti tukajane buumi mbutwaabambilwa abulemu oobo mbwaakatulengela Walo kuti tubaa mbubo. Ncenciceeci mulumbe mubotu, naa “ijwi lya Bulelo, nanka biyo kuti “ijwi,” ndye Nguzu zyokwa Yahuwah zya lufutuko kuli boonse basyoma ndilyo (kweezyekanya Mateyo 13:19; Maako 4:14; Luuka 8:11). Muu mulumbe ooyu Yahuwah mwapozya kubikkila camba mu cilengwa Leza cakwe ciinda zyoonse — bana Bakwe baciwa cabuntu. Mumajwi aali woonse aa mulumbe ooyu, kuyeeme nguzu ziyumyayumya zya muya uusalala kuti ucengulule buumi bwa muntu, kweendelanya akusyoma mulumbe ooyo (1 Batesalonika 2:13). Kwiinda mukubambwa kwa Yahuwah, mbombuboobu muzeezo wamuntu mbuubeleka.
Mukubula coolwe, kutasyoma mumulumbe ooyu uuzwa kuli Yahuwah, ncecintu citonkela kumbele kupyopyonganya mukowa wabantu akuyandisya zinyonyoono kuzwa kumatalikilo. Kolanga cakatola busena mpeenya biyo bazyali besu nibaatulumbaizya kuti tuzumanane kuya kumbele mulusyomo. Mu Matalikilo 3 kuli makani masyoonto aa kutasyoma, kwakatobelwa kunyansya, ambukwaayambukila cakusisikizya kwiinda mu kweenwa asinkondoma dyabooli. Mubwini tulijisi bana basolwedwa kusyoma kuti kucili ncobayanda kutali biyo kuba bantu kutegwa batambulike mumeso ookwa Yahuwah. Mukuyeeyela kuti, kwiinda buyo mukujana luzyibo lweetwa mu muuya, tiibakanooli kugola buyo kupona buumi mumibili yabuntu. Bakaambilwa makani aakubeja kuti “tabakafwi ncobeni” (Matalikilo 3:1-5) kwiinda mukutasyoma mulumbe ookwa Yahuwah akunyansya. Mubili wabuntu inga wafwa, pele buumi bucinoozumanana munzila imwi ya “mizimo”. Alimwi masimpe ncobeni, munzila zinjaanji, lusyomo lwa “muzimo uutafwi” lwakayambukila nyika yoonse akutambulwa cakuti inga caambwa kuti musemo wabupaizi bomwe bwa nyika uyakilidwe atalaa luzyibo lwa kubeja. Eeci nceciimpene a kululamikwa kwa Bbaibbele mu “kululamikwa kwiinda mu kusyoma” (BaLoma 1:5; 16:26) kwiinda muluzyalo lwa Buzyali bwa Taata wesu. Ooku kweenwa kututumina mulumbe wabumpelenge wakuti bantu tabeeleli kabotu kusika aciga eeco Yahuwah- ncaakabalengela, alimwi akulesya bana ba Yahuwah kukomena mumoza. Kuunka kujulu (nokuba kumulilo uutamani) kwiinda mu muzimo uutafwi tacili biyo cilubide kweendelanya aa Bbaibbele, pele cijazya mizeezo amoyo wabana ba Yahuwah. Alikke makani mabotu aa Bulelo bwa Yahuwah buciboola akubuka kuzwa kubafu kwa bantu susu ncobeni aabo bayookutauka mu Bulelo inga zyaba nguzu zilulamika aakubambulula muzeezo amoyo wamuntu.
Mbuli babali besu banji mbobazyi, musemo walusyomo lwa muzimo uutafwi ooyu muzeezo wakuti mubili wabulongo “mubi,” nokuba kwaamba kuti tuuli mubotu mbuli muzimo uukkede mukati kamubili ooyu, ooyo uulangwa kuti “mubotu.” Muntu “wini” mumuzeezo wakusendekezya ooyu, muzimo uutamani/uutafwi, kakuli mubili ncikwama biyo cikkala kwakaindi kasyoonto citajisi mpindu. Ooyu muzeezo wa busongo bwaci Giliki, mweenzu ku Bbaibbele, alimwi wiingilila lusumpuko mu muuya. Ulaa ciyanza cakuca bantu mukooze ka cinyonyoono, kunyonyoona mibili ya bana ba Yahuwah mbaakalenga mucinkonzya Cakwe. Usungilizya makani aakuti “Yebo kwiina nconga wazwidilila kucita” kubana babulongo aabo Yahuwah mbaakabumba kuti kabayandisya luyando akulumbaizyigwa Kwakwe, mbwaanga Walo ngo Muzyali wabo kutegwa bayibaluke mbobeelela akuyandwa. Pele masimpe ngakuti tuli bayandisi Bakwe mbweenya mbotulengedwe kale nkaambo twakalengwa mucinkonzya ca Yahuwah, alimwi nkaambo biyo kakuti Taata wesu mbwaamba kuti mbocibede oobo. Ono oolo ndoluzyalo, luzyalo lwa Taata kubana Bakwe! Ncuubauba, cilacitikika alimwi ncamaanu, pele cilakankamanisya! Ma, nguzu zya mulumbe ooyu kumizeezo amoyo wa buntu!
Ooku kubaa mubili wabulongo/amuzimo antoomwe takujanwi mu ciyubunuzyo eeco ciboola kuli ndiswe kuzwa kuli Yahuwah kwiinda mu mangwalo aaci Hebulayo, nanka mucizuminano Cakale a Cipya. IBbaibbele lilatwaambila ciindi aciindi kuti muntu ngo muzumi, alimwi ooyu muntu muzumi (uulaa mubili wabulongo) ulafwa (Ezekiya 18:20; Mateyo 10:28). Aciindi cakufwa, muntu omwe-omwe uloona kusikila mubili wabulongo ukabusyigwe kuzwa mucuumbwe akupegwa mubili wabulemu, uutafwi. Alimwi, mulumbe wa Yahuwah ngwakuti eeco cibambidwe aabulongo/cibumbidwe “ncibotu”; kakuli makani aabupaizi bwakubeja kuzwa kumatalikilo ngakuti eeco cibambidwe aabulongo “tacikkwanisyi kubota bwini.” Bana tabakonzyi kukomena kabotu nokuba kuzwidilila mumilimo, kuti kabayeeyela mulumbe wabupaizi. Inga batalika kubaa bukandu, kwiindilana, kufwidana munyono, kunyoomenenwa, kucita mamambe, abujayi akataa babunyina mubupaizi bwa musyobo ooyu. Muya wa Yahuwah tuukonzyi kubeleka mumuzeezo nokuba munyika eeyo iiyakilidwe atalaa lusyomo luli boobu (lwalo mubwini “nkutasyoma”).
Ncenciceeci mulumbe wa Bulelo bwa Yahuwah ncuuli kasimpe aako kaangulula baalumi abanakazi kuzwa mukooze ka cinyonyoono akubula mulawo (Johane 8:32; Luuka 4:18). Kuli biyo cintu comwe cakutusilisya penzi eelyo litucumba, alimwi ooyo mulumbe wa Bulelo. Munyika iizwide musinze, ooyu Mulumbe ngo mumuni wa bulangizi bwa lufutuko uumwesya akuponya.
Yahushua wakali kulibonyaanga wakali kubbejela kuti eelyo aakuzyokela anyika takajani naba omwe uucilaa “lusyomo” anyika (Luuka 18:8). Mbuli bweende bwazintu, walo kulibonyaanga wakali luleme. Pele kuli baabo basyomede kuti uyokwaamba kuti “Amukone Bulelo mbutwaabambilwa kuzwa kumatalikilo aanyika” (Mateyo 26:34).
Bikkila maanu aawa: Muzeezo wa Baleza Botatwe ooyo waamba kuti Yahushua, mwanaa Yahuwah, muntu uuteeli wakaliko kataninga zyalwa, ooyo muzeezo uujatene kweendela antoomwe awakuti muzimo wamuntu tuufwi. Alimwi, tulabuzyigwa (akukongwa kuyandigwa muzikombelo) kuti tweelede kusyoma kuti kuba muntu tacili cibotu maningi. Ncenciceeci ooku kuyiisya alusyomo oolu ncolulaa ntenda kubantu amukukomena kwabo mumoza.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina as Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
Eeci cibalo citali ca-WLC cakalembwa aaba Robin Todd.