|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kululamikwa kuletela bululami buzukide 100%, pele takubikkidwe mukati kesu. Ncinzi nceyiminina mukwaamba bbala lya “infused”? Ndaamba kuti bululami tabutililwi muli ndiswe. Tabuli mukati muli ndiswe pe. Kulumaikwa kutuletela bululami bukkwene 100%, mpoonya bubalilwa mucibaka cesu.
Ime ndikkomene kuti Walo taakabubikka mu nkomo yangu nkaambo cimwi ciindi nibwakandisweeka, nanka kuti muntu umwi naakandibbida. Ikuti Walo naakabubikka mukati muli ndime, Ime neekabubikka aateelede. Nokuba boobo, ooko kululamikwa bulowa bwa Kristu nkokutuletela kwaambwa kuti mbululami, oobo bujanwa muli Kristu, uuli kujulu. Walo ngo bululami bwangu. Kristu mbululami bwesu, alimwi bulikkwene 100% kulondoka. Yebo ubalilwa kuti ulilondokede kufumbwa biyo mboobeda Munakristu, kwa mazuba aabuumi bwako boonse, kufumbwa biyo kuti kosyoma mu bulowa. Eelyo nosyoma mubulowa bwa Kristu, yebo ubalilwa kuti uli londokede 100% , nokuba kuti tolondokede. Ooko nko kululamikwa. Kulikkwene 100% pele takubikkidwe mukati muli ndiswe.
Kululamikwa kuletela bululami bwa “kubikka mukati,” “bubikkwa mukati.” Muya Uusalala ulanjila akusandula ziyanza zyesu, mizeezo, zintu nzyotuyanda, a nzyotucimwa. Ngwakubelekela mukati, pele tuumaninide. Hena wateelela yebo na? Kululamikwa mbululami bumaninide kukkwana, pele tabuli mukati muli ndime pe. Kusetekenyigwa, mbululami bukkala mukati muli ndime – mpampawo aabede Muya Uusalala a kusanduka ooko Walo nkwaletelezya – pele oobo tabumaninide. Kusetekanyigwa mulimo uutola buumi boonse. Muntaamu iisumpukide yomwe yomwe, kucili zinji zyakubweza. Aboobo, yebo toyelede buyo kuyaamina ku kusetekanyigwa kwako kulikke pe. Yebo utatyompokelwi akwaamba kuti, “Langa zyii, ndalubizya alimwi! Indaamba cintu nceteelede kwaamba,” nanka kuti “Ime nsyebambidwe mbweyelede kuba.” Yebo toyelede kulilekelezya kuti ulimvwe kutyompwa.
Lyoonse nozumanana kulimvwa kutympokelwa, citalika kuba cuubauba kucita cinyonyoono alimwi. Kuti wafwamba kulibbakamuna akunyampuka kuzwa mu zinyonyoono zyako akwaamba kuti, “O Mwami ndalubizya. Kondilekelela akaambo ka bulowa ba Kristu, alimwi ndigwasye mweya munzila yangu. Ndalumba Mwami” – eelyo nofwamba kucita boobu, ulacesya kulangilwa kubisya alimwi. Kunyina cizwidilila mbuli kuzunda, kunyina ciletelezya kwaalilwa mbuli kwaalilwa.
Eelyo notwaamba kuti bululami bwa kusetekanyigwa buli mukati muli ndiswe, pele kutali 100% bwinibwini, swe twaamba ceeci kutegwa yebo usyome luzutu mu bululami bwa kulamikwa. Oomo mobuyeeme bulangizi bwako. Eelyo yebo nolanga mukati, yebo uyeeya kuti, “Ime njeeya kuti nde cifuswa-mwakowa eepengede! Mbubuti Mwami mbwanga weengelela muntu mbuli ndime?” Pele eelyo nocengulukila ku bululami bwa Krist, yebo waambilizya kuti, “Nceeco mwabona tee! Nkaambo ka Nguwe!” Koibaluka ncaakmba Paulu kujatikizya Onesimus kuli Philemoni? “Yebo weelede kundibalilizya mbuli mulongwaako, kumutambula kubee walo ndime.” Ncenciceeco Yahuwah ncacita; Walo utulanganya aanga swebo ndiswe Kristu lwakwe.
Bululami bwa kulemekezyegwa, eelyo Walo natupa mibili mipya amizeezo mipya, bulikkwene alimwi bubeda mukati kesu. Yebo ulasamununa ciimo cakale ca cinyonyoono akusiya muzangi ooyo uuli mukati muli nduwe. Kuzwa aciindi eeco kuay kumbele, yebo ulilondokede ciimo alimwi tokapenzyegwi kabili amasunko aakucita cinyonyoono.
Mukukosozya makani, bululami bwa kululamikwa bulikkwene 100%, pele tabuli mukati muli ndime. Buli mukati muli Yahushua, alimei Ime nsyekonzyi kubusweekelwa kufumbwa biyo kuti nkesyoma muli Nguwe. Bululami bwa kusetekanyigwa mukkalila muli ndime. Muya Uusalala uletela bululami oobo mukati muli ndime a kundisandula Ime; nokuba boobo, tabumaninide kukkwana 100%, aboobo Ime nsyekonzyi kuyaamina muli mbubo. Tabuli bululami bwa lusyomo oobo buboolela buyo mu kululamikwa.
Kusetekanyigwa kuyandika zinji kutali buyo lusyomo; kuyandika mulimo uukkubwene, kukakatila, akukamantana. Swebo tubelekela anze eeco Muya Uusalala ncabelekela mukati muli ndiswe. Muya Uusalala taciti mulimo wa kuyanda nokuba kucita mulimo. Walo ubeleka muli ndiswe kuti tuba kuyandisisya akucita ciyandika, pele Walo tali nguwe uucita kuyandisisya nokuba kucita ciyandika. Pele bulikke bululami bwa kulemekezyegwa mbobuli 100% kukkwana akuba mukati muli ndiswe.
Eeci ncibalo citali ca-WLC caba Dr. Desmond Ford.
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC