|
Banakrtistu banji balayoowa kweenda mu moza kwa masimpe kwamu Bbaibbele nkaambo Saatani wakabba ziyanza eezyo cakuti lino, bunji bwa basyoma bayeeyela kuti eezi ziyanza zya moza nzyabu Saatani muli lwazyo. Casika lino ciindi ca kuyobolola ziyanza zya moza eezi zyakasweeka. |
Imulumbe wakali mufwaafwi alimwi wakali wakujata maanka. “Nomuyandwa Baama a Taata, Ndakomba mutanoomvwidilili Enya kabili. Ime ndapandulula ndasika amunzi.”
Oolo lugwalo wakazyila kumwaneesu kaandula nkanya, ooyo wakaunkide kukwiiya Bbaibbele ku mavwuka. Kwaacitika kuti, umwi mufundisi wakaambila bakubusi kuti inymbo zya Musela Mupya zipa mizeezo ya muntu kuti italike kuyaa kusabaila alimwi eelyo nocicitika eeco, citamba madaimona kuti aboole kuzyootalika kweendelezya mizeezo yako. Walo wakaganta kugaminina kwaamba nyimbo zya mwiimbi waku Ireland, Enya, kuti ngo mukonzyanyo wa nyimbo eezyo zyeelede kweelebwa.
Kusyoma mizeezo eeyi: cibi cizyokela kuli uulaaco. Kutungumana kuyeeya. Kunjilanya zyoonse muli comwe. Kwiindilizya acintu cizyibidwe. Ikuti yebo koli mbuli ndime, wakayiisyigwa kuti eezi nziyanza zyabu Saatani izyakayambukila kuzwa ku bupaizi bwa Kujwe. Ncobeni, Banakristu kunyina ncobayanda cijatikizya Saatani, aboobo bunji bwa Banakristu balazyeeleba ziyanza zili boobu.
Eeci ncintu citakwe coolwe nkaambo mukucita boobo, abalo bantu basyomeka bakaide kusiya kumbali ziyanza zili mumulawo eezyo ziyiisyigwa amu Mangwalo. Koibaluka kuti Saatani takonzyi kulenga cintu. Walo ukonzya biyo kupilinganya cilubide kusanganya antoomwe acisela ca kasimpe; eelyo nayungizya kasimpe kucintu cilubide, icintu citaluleme cilaindila kubaa bucengi.
Saatani wakabba ziyanza zya moza eezi kuzwa ku Bunakristu kwiinda mukuzisamika ciwa ca majwi aakuti Musela Mupya. Casika lino ciindi cakuyobolola ziyanza zya moza ziyandika eezi akutambula lukono lwesu lwa moza uusalala wamu Bbaibbele.
"Mutacengwi: Yahuwah takonzyi kunongwa. Muntu utebula ceeco ncasyanga." (BaGalatiya 2:7
|
“Utacengwi: [Yahuwah] takonzyi kunongwa. Muntu utebula ceeco nceenya ncasyanga. Kufumbwa uusyangila kuti akkomanisye bantu banyama, kuzwa kubantu banyama uyootebula lunyonyooko; kufumbwa uusyangila kukkomanisya Muuya, kuzwa ku Muuya uyootebula buumi buteeli.”
(BaGalatiya 6:7-10, NIV)
Yebo tokonzyi kujana muzeezo wiinda wa “Bupaizi bwa Kujwe” kwiinda muzeezo wakuti oobo muntu mbwalimvwide ncintu cakaboolela mukaambo ka micito yakwe yakaindi. Inzya, bupaizi bwaci Hindu buyiisya kuti eeci cintu citola lubazu lupati alimwi kaciinduluka kwa maumi manjaanji; eeco taciluleme. Pele kuli mulazyo wa moza aawa, Mangwalo ayiisya kuti micito ilaa bulumbu.
“Majwi aamulomo wangu akulizeeza kuli mumoyo wangu azibe zitambulika kunembo Lyako, O Yahuwah, onguzu zyangu a Munununi wangu.” (Intembauzyo 19:14, NKJV)
"Majwi aamulomo wangu a kulizeeza kwa moyo wangu akube kutambulika kunembo Lyako..." (Intembauzyo 19:144)
|
Bupanduluzi bwa bbala lya “kulizeeza” mbwakuti “Kuzumanana kuyeeyela cintu mu mizeezo, kuyeeyela; kusoma; kucengulukila naa kuzembeembya kufumbwa ciiyo mu mizeezo; mubululeme nanka munzila iitaluleme pele kuleka biyo kuyeeyela kutakwe kampenda, nokuba kulanganya tusimpe tupati twa bupaizi” (American Dictionary of the English Language).
Ibbala lyakuti “kulizeeza” lilajanwa ziindi 14 mu Mangwalo. Ziindi fuka akataa zyeezyo zili mu Ntembauzyo. Ibbala lya “kutontomana kulizeeza” lilalibonya ziindi zili cisambomwe mu Mangwalo, zyoonse kazili mu Ntembauzyo. Kulizeeza ncintu cili munsimunsi kapati a kupaila alimwi ncintu cimwi iciinda kuyandika eeco ncotweelede kucita mu milimo ya moza njotunjila. Nkuyeeyela jwi lya Yahuwah eelyo Muya Uusalala nuukonzya kusalazyila mizeezo yesu ku kasimpe akukkalilila muli ndiswe kutegwa tutazungaanyigwi. Intembauzyo 49:3 itabilila makani aaya, “Mulomo wangu uyookanana busongo, alimwi kuyeeyela kwa moyo wangu kuyoopa kumvwisyisya.”
“Lino Leza wa luumuno Lwakwe, akusetekanye cakumaninina; kutegwa muya wako mbuuzulwa, muzimo, amubili uyobolwe kuutakwe kampenda kusikila akuboola kwa Mwami wesu Yahushua Messiah.” (1 Batesalonika 5:23, NKJV)
Ibbuku lipandulula mabala lya Ziyanza zyaku Amelika lipandulula bbala lya “mubuzwide” kuti “Muzeezo naa lusyomo lwakuti icintu cikkwene mubuzwide ncipati kwiinda kusanganya antoomwe zibeela zyaco.” Ooyu muzeezo, uuteeledwe kale muzyooko zya Kujwe, wakatalika linolino kubaa mpuwo mu busilisi bwa Kumbo. Mangwalo aalo ayiisya kuti kuli cintu ciswaanganya kapati mubili, mizeezo a muuya. Mu Tusimpi 3:7-8 kuyiisyigwa kuti: “Utabi musongo mumeso aako omwini; koyoowa Yahuwah akusiila limwi cibi. Eeci ciyooletela buumi bubotu ku mubili wako akusanina mafuwa aako.” Yahuwah uyanda ndiswe kuti tube bantu bakwaninide muli lwesu: mu mubili, mu mizeezo amu muuya. Kufumbwa cinyonganya mubili cilanyonganya a mizeezo a muuya.
“Mutayanzani aabukkale bwa bantunsi, pele amusandule buumi bwanu mukupa myoyo mipya. Ndendilyo nomutiikonzye kusola akuzyiba kuyanda kwa [Yahuwah]—mulaziba bubotu bwakwe, zimubotela a zilondokede nzyayanda
(BaLoma 12:2, NIV)
Mutayanzani aabukkale bwa bantunsi, pele amusandule buumi bwanu mukulengulula myoyo yanu bupya..." (BaLoma 12:2)
|
Kwiimpuka atalaa cintu cizyibidwe kunooli talili bbala lizyibidwe kumvwugwa, pele ino kwaamba “kutonkomana kulizeeza ooko kukwiimpula mu moza”? Eeli bbala liiiminina buyo “kuba muciimo ciindilila ncozyibide” (The Century Dictionary). Ncintu cimvwika kuti Banakristu balanzya mancenga kufumbwa ciyanza cikwelelezya mizeezo a kulimvwa kwa muntu kuli Saatani – alimwi mbanji bacita boobo. Aciindi mpeenya aawa, kaambo keni koonse dyabooli ncaakakonga Banakristu kuti bayoowe kulimvwa kulemununwa kwiinda mbobazyibide nkakuti eeco ncintu cilaa nguzu kapati, mu muuya wa buleza. Bakolinto Babili 12:2 Second Corinthians 12:2 bapandulula cintu eeci.
Aabo balangila muli Yahuwah uyoobabukulusya akubapa nguzu zyabo. Bayoobabama mbuli basikwaze; bayoozuza pele tabakawizuki, bayokweenda pele tabakanetauki.” (Izaya 40:31)
Ncobeni, kuli kwiimpana akataa ziyanza zya moza eezyo Saatani nzyaakasola kupindulula a milimo iisalala ya moza eeyo yiisyigwa aa Mangwalo. Kwiimpana kuli mukulimvwa nkwalimvwa ooyo uucita ziyanza eezyo. Ziyanza zya Musela Mupya ziimpula kuliyanda kwa muntu, kanjaanji kusikila waawo mpataminina kubaa bulemu bwa buleza. Ime nsyeli leza. Yebo toli leza. Kuli biyo Leza wakasimpe omwe, alimwi ooyo ngu Yahuwah. Ziyanza zya kubeja zya muuya ziyandisya koongelezya ciimo ca buntu ciwide. Ziindi zinjaanji zivwuzya kukazya Mangwalo alimwi zilakonzya kuba zya lweeno. Pele kutali boobo ziyanza zya Moza tazisangene a kulubizya kwa buntu. Eezyo zisolweda kuswena munsimunsi, alimwi akunjila mu cilongwe citonkomene a Mulengi wesu akutubambila ku mazuba aazya kumbele.
“Mpoonya Ime ndakamvwa jwi limwi kalizwa kujulu kaliti, Kamuzwa muli nguwe, nobantu bangu, kutegwa mutabi nomutola cibeela muzibi zyakwe, akuti mutanjili mu manyongwe aakwe.” (1599 Geneva Bible)
Ooku takuli kutambwa kusangana mbungano iimbi pe; aaya malailile aakusiila limwi kufumbwa bupaizi bwakupangilila. Nkutambwa kutobela Mwanaa mbelele mu bweende bwa moza butonkomene kwiinda cili coonse webo andime mbotutaninga limvwide. Casika ciindi cakuyobolola ziyanza zya moza eezyo Saatani nzyaakabba akutalika kukondwa kweenda aa Taata wakujulu kwiinda mboninga mvwene kweenda aanguwe.
|
Kutegwa umvwe makani aayungizya, kolangila sikapepele wa WLC uulaa mutwe wakuti “Walking with Yah: Reclaim Your Spiritual Heritage! |
