|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్‌సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్‌సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్‌సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము. |
యోహాను సువార్త 11 వ అధ్యాయం మరణానికి సంబంధించిన శక్తివంతమైన సత్యాల కారణంగా కొంతకాలం నన్ను తీవ్రంగా ఆకర్షించింది. ఆ అధ్యాయం యొక్క చిన్నపాటి వివరణలో అది చెప్పేదాన్ని మరియు చూపించేదాన్ని ఎక్కువ మంది నిజంగా పరిశోధన చేసినట్లైతే, లేఖనాలలోని వాస్తవ సత్యాలకు అనుకూలంగా మనం ప్లేటో సంబంధిత మరణం లేని ఆత్మ అనే ప్రముఖ నమ్మకాన్ని మరింత ఇష్టపూర్వకంగా విడిచిపెట్టవచ్చు అని నేను తరచుగా అనుకుంటాను. మనం కళ్ళు తెరవడానికి సిద్ధంగా ఉంటే, బేతనియలోని తోబుట్టువుల కుటుంబ కథలో ఆశ్చర్యకరమైన కొన్ని విషయాలు కనుగొనవచ్చు.
ఖచ్చితంగా, చాలా మంది కొత్త నిబంధన విద్యార్థులు యోహాను సువార్త 11వ అధ్యాయం యొక్క ప్రాథమిక సంఘటనల గురించి ఎరిగి యుంటారు. ఇక్కడ యహూషువః చేసిన గొప్ప ఆశ్చర్యకార్యాన్ని గూర్చి యోహాను చెబుతాడు. ఇది యహూషువః స్నేహితుడైన లాజరు మరణం నుండి పునరుత్థానం చేయబడిన కథ. దీనికి ముందు కూడా యహూషువః చనిపోయిన ఇతరులను తిరిగి బ్రతికించాడు - విధవరాలి కుమారుడు (లూకా 7) మరియు యాయీరు కుమార్తె (మార్కు 5), కానీ వీరు అప్పటికి కొద్ది సమయం ముందే మరణించిన వ్యక్తులు. అయితే లాజరును బ్రతికించుటకు యహూషువః వచ్చినప్పటికి అతడు మరణించి నాలుగు రోజుల క్రితం సమాధి చేయబడ్డాడు. అలాంటి అద్భుతం యహూషువఃయే మెస్సీయ అని ఎటువంటి సందేహం లేకుండా తెలియజేస్తుంది, ఎందుకంటే ప్రజలు మరణించి సమాధి చేయబడిన తరువాత తిరిగి రారు. అప్పుడే చనిపోయిన వ్యక్తి విషయంలో అయితే తప్పుగా నిర్ధారణ చేసినట్లుగా సంశయవాదులు చూడవచ్చు — వారు నిజంగా మరణించలేనట్లు మరియు తరువాత వారు ఏదోవిధంగా యహూషువః ద్వారా స్వస్థత/పునరుద్ధరించబడినట్లు చూడవచ్చు. కానీ ఒక “వైద్యుడు” 4 రోజుల పాటు పూర్తిగా మరణించియున్న వ్యక్తిని బ్రతికించలేడు — సమాధి కోసం శరీరాన్ని వస్త్రముతో చుట్టి/సిద్ధం చేసి, తరువాత సమాధిలో ఉంచిన దేహాన్ని గూర్చి ప్రత్యేకంగా చెప్పనక్కర్లేదు. లేదు, అలాంటి సంఘటన ఒక యదార్ధమైన అద్భుతం మాత్రమే — యహువః శక్తి “అసాధ్యాన్ని” సుసాధ్యం చేయగలదు. లాజరు చాలా అనారోగ్యంతో ఉన్నాడని విన్న తర్వాత అతడిని "నయం" చేయడానికి యహూషువః తొందరపడకపోవడానికి కారణం ఇదే. యహూషువః అతనిని చూచుటకు వెళ్ళడానికి ముందు రెండు రోజులు వేచి ఉన్నాడు. ఆయన అక్కడికి చేరుకునేలోపే లాజరు చనిపోతాడని ఆయనకు తెలుసు. అందువల్ల అతడు చనిపోయినట్లయితే అది అద్భుతాన్ని పెద్దది చేస్తుంది. ఇది యహూషువః నిజానికి యహువః కుమారుడు అని రుజువు చేస్తుంది — యహువః ఎన్నుకున్న/పంపిన మెస్సీయ. అయితే, ఇంకా చాలామంది ఇప్పటికీ నమ్మలేదు.
|
"యహూషువః కన్నీళ్లు విడిచెను.”
|
కథలో ఫలితాలు అందరికీ తెలిసినవే. ఆయన బయలుదేరుట ఆలస్యం చేసి, తరువాత, యహూషువః బేతనియకు వెళ్లి, లాజరు సోదరీమణులను సందర్శించి, వారి దుఃఖంలో పాలు పంచుకొని కన్నీటి పర్యంతమయ్యాడు (దీని విషయమై బైబిల్‌లోని అతిచిన్న వచనం ఉంది: "యహూషువః కన్నీళ్లు విడిచెను," యోహాను 11:35). అంతిమంగా, యహూషువః గతంలో మరణించిన లాజరును "బయటకు రమ్ము" అని పిలిచే విస్మయం కలిగించే ఆశ్చర్యకార్యాన్ని చేశాడు — ఫలితంగా లాజరు తిరిగి ప్రాణం పొంది మరియు కట్టబడిన ప్రేత వస్త్రములతో తన సమాధి నుండి బయటకు వచ్చాడు.
దాదాపు అందరికీ తెలిసిన విషయమే అయినప్పటికీ, ఈ కథ వివరాలలో అనేక సత్యాలు దాగి ఉన్నాయి. లాజరు గురించి యహూషువః స్వయంగా ఏమి చెబుతుండెనో, యహూషువః మరియు లాజరు సహోదరి మార్త మధ్య జరిగిన సంభాషణలో ఏమి తెలియజేయబడుతున్నదో మరియు చివరకు లాజరు పునరుత్థానం అయిన తర్వాత అక్కడ సంభవించిన మొత్తం "నిశ్శబ్దం" ఏమి చెబుతుండెనో మనసు తెరిచి పరిశీలించినప్పుడు ఈ సాధారణ సత్యాలను గుర్తించవచ్చు.
యహూషువః తన శిష్యులకు లాజరు పరిస్థితి గురించి ముందుగా ఏమి చెప్పాడో చూద్దాం. యహూషువః తిరిగి యూదయకు వెళ్లడానికి సిద్ధమైనప్పుడు మరియు ప్రయాణానికి కారణం వారికి చెప్పినప్పుడు, ఆయన వారితో ఇలా అన్నాడు, "మన స్నేహితుడైన లాజరు నిద్రించుచున్నాడు, అతని మేలుకొలప వెళ్లుచున్నాను" (యోహాను 11:11). శిష్యులు యహూషువఃకు అందిన "ప్రభువా, యిదిగో నీవు ప్రేమించువాడు రోగియైయున్నాడు." (యోహాను 11: 3) అనే వర్తమానమును తప్పక వినియుంటారు. నిద్ర సహజంగా అనారోగ్యంతో ఉన్న వ్యక్తికి కొంత మేలు చేస్తుందని వారు భావించారు: "శిష్యులు ప్రభువా, అతడు నిద్రించినయెడల బాగుపడుననిరి." 11:12. ఏదేమైనా, నేటి అనేకమంది వలె, మరణాన్ని వివరించడానికి బైబిలు యొక్క నిద్ర రూపకాన్ని యహూషువః ఉపయోగిస్తున్నట్లు శిష్యులు గ్రహించలేదు. "లాజరు చనిపోయెను" (యోహాను 11:14) అని స్పష్టంగా చెప్పడం ద్వారా యహూషువః దానిని స్పష్టంగా చెప్పవలసి వచ్చింది.
|
"మన స్నేహితుడైన లాజరు నిద్రించుచున్నాడు, అతని మేలుకొలప వెళ్లుచున్నాను" . . . "లాజరు చనిపోయెను"
|
మరణం గురించి యహూషువః ఎందుకు అలాంటి రూపకాన్ని ఉపయోగించాడు? సమాధానం చాలా సులభం. ఎందుకంటే మొత్తం హెబ్రీ బైబిలు మరణం గురించి చాలాసార్లు చెప్పింది. 1 మరియు 2 రాజుల గ్రంథాలు రెండూ పదేపదే రాజు తరువాత రాజు మరణించటము "తమ తండ్రులతో నిద్రించటము" కోసం చెబుతున్నాయి. యోబు స్వయంగా చెప్పాడు, "నరులు పండుకొని తిరిగి లేవరు. ఆకాశము గతించిపోవు వరకు వారు మేలుకొనరు. ఎవరును వారిని నిద్ర లేపజాలరు” (యోబు 14:11, 12). మరియు దానియేలు ప్రవక్త ఈ కీలకమైన పునరుత్థాన సత్యాన్ని అందించాడు: "సమాధులలో నిద్రించు అనేకులు మేలుకొనెదరు; కొందరు నిత్యజీవము అనుభవించుటకును, కొందరు నిందపాలగుటకును నిత్యముగా హేయులగుటకును మేలుకొందురు." (దానియేలు 12: 2). యహూషువః ఖచ్చితంగా ఈ భాషను ఉపయోగించారు — అవి శతాబ్దాల క్రితం మాట్లాడిన యోబుతో సమానమైన మాటలు: "నేను నిద్ర నుండి అతని మేలుకొలప వెళ్లుచున్నాను."యహూషువః ఎక్కడా లాజరు శరీరాన్ని గూర్చి గానీ లేదా ఆత్మను గూర్చి గానీ ప్రత్యేకించి ప్రస్తావించలేదని నేను గమనించాను. యహూషువః కేవలం లాజరు అనే వ్యక్తి గురించి మాట్లాడాడు. అతడు వెళ్లి లాజరును మరణం నుండి మేల్కొల్పాలని అనుకున్నాడు — శరీరాన్ని ఆత్మతో తిరిగి కలపాలని కాదు. చెప్పబడినది మాత్రమే సత్యం. యహూషువః లాజరుని మరణ నిద్ర నుండి మేల్కొల్పాలని అనుకున్నాడు. ఇది తరువాతి ప్లేటోనిక్ తత్వశాస్త్రం ద్వారా అత్యంత భయంకరంగా విషపూరితం చేయబడిన సాధారణ సత్యం.
తరువాత యహూషువః మరియు లాజరు సహోదరి మార్త మధ్య చాలా ముఖ్యమైన సంభాషణ జరుగుతుంది. యహూషువః బేతనియకు సమీపిస్తున్నట్లు మార్త విన్నప్పుడు ఇది జరుగుతుంది. తమ సోదరుడిని కోల్పోయినందుకు వారిని ఓదార్చడానికి వచ్చిన ఇతరులతో తన సహోదరియైన మరియ ఇంట్లో దుఃఖిస్తూ ఉన్నప్పుడు ఆమె యహూషువఃను కలుసుకొనుటకు బయలుదేరుతుంది. మార్త యహూషువః వద్దకు వచ్చినప్పుడు, ఆమె అతనికి చెప్పిన మొదటి విషయం, "ప్రభువా, నువ్వు ఇక్కడ ఉంటే, నా సోదరుడు చనిపోయేవాడు కాదు." అతడిని స్వస్థపరిచే శక్తి యహూషువఃకు ఉందని మార్తకు తెలుసు. ఆమె తదుపరి ప్రకటన ఆమె పరిపూర్ణ విశ్వాసానికి సాక్ష్యమిస్తుంది: "ఇప్పుడైనను నీవు యహువఃను ఏమడిగినను యహువః నీకను గ్రహించునని యెరుగుదుననెను."
ఇప్పుడు ఇక్కడ విషయాలు చాలా ఆసక్తికరంగా ఉన్నాయి. "మీ సహోదరుడు మరల లేచును" (యోహాను 11:23) అని యహూషువః ఆమెకు బదులిచ్చాడు. ఇది ముఖ్యమైనది. కృంగిపోయి ఉన్న మార్తతో యహూషువః చెప్పిన మొదటి మాటలు ఆమె సహోదరుడు మరల లేస్తాడు అని. తమ సోదరుడు స్వర్గంలో దేహరహిత ఆత్మగా ఎన్నడూ లేనంత సజీవంగా ఉన్నాడని యహూషువః చెప్పలేదు (నేను ఇటీవల ఒక మంచి బాప్టిస్ట్ అంత్యక్రియల సందర్భంగా విన్నట్లుగా!) ఆమె సోదరుడు మళ్లీ "లేవగలడు" అని ఆయన చెప్పాడు. ఇప్పుడు మార్త ప్రతిస్పందనపై శ్రద్ధ వహించండి. ఆమె ఇలా చెప్పింది, "అంత్య దినమున పునరుత్థానమందు లేచునని యెరుగుదుననెను." (యోహాను 11:24). మార్త గ్రీకు తత్వశాస్త్ర విద్యార్థిని కాదు. ఆమె ప్లేటో సంబంధమైన ద్వంద్వవాదంలో నిమగ్నమైన దేనినీ అందించదు. పరలోకంలో మెలుకువగా ఉన్న దేహ రహిత ఆత్మగా అతడిని మళ్లీ కలుస్తానని తాను అనుకుంటున్నట్లు ఆమె చెప్పలేదు. లేదు, ఆమె కూడా హెబ్రీ లేఖనాలను అర్థం చేసుకుంది మరియు యుగాంతమందు — అంత్య దినమున — తన సహోదరుడు మృతులలో నుండి పునరుత్థానం చేయబడునని ఆమెకు తెలుసు. ఇది హెబ్రీ నిరీక్షణ, ఇది మన రబ్బీ యహూషువః ద్వారా పంచుకోబడింది.
ఆమె మాట్లాడినది తప్పైతే లేదా పూర్తిగా ఖచ్చితమైనది కాకపోతే, ఆమె సోదరుడి ఆత్మ తక్షణమే వేరే చోట నివసిస్తున్నట్లైతే ఆమెను సరిదిద్దుటకు యహూషువఃకు ఇక్కడ మంచి అవకాశం ఉందని మనం గ్రహించాలి. లాజరు యొక్క జీవించియున్న ఆత్మ "మంచి ప్రదేశానికి" లేదా చెడ్డ ప్రదేశానికి పంపబడి ఉంటే, యహూషువః కనీసం ఆమె మాటలకు బదులిస్తూ "అతని శరీరం భవిష్యత్తులో ఏదో ఒక రోజున పునరుత్థానం చేయబడుతుంది, కానీ అతని ఆత్మ ఇప్పుడు సజీవంగా ఉంది" అని తన ప్రకటనను జోడించాలి. అప్పుడు యహూషువః ఆమెను ఈ విధంగా ఓదార్చవచ్చు: "కానీ, ఆ చివరి దినానికి ముందే, ఏదో ఒకరోజు మీరు అతనితో పరలోకంలో తిరిగి కలుస్తారు." నేటి దినాలలో ప్రియమైన వారిని కోల్పోయిన ఒక వ్యక్తిని ఎవరైనా ఓదార్చుచున్నప్పుడు సాధారణంగా వినిపించే దానితో ఇది సరిపోతుంది. ఆ ధోరణిలో, “లాజరు ఇప్పుడు సంతోషంగా మీ తల్లిదండ్రులతో కలుసుకున్నాడు” అని చెప్పాలి. (వారు కథలో పేర్కొనబడనందున వారు ఆ సమయంలో మరణించే ఉన్నారని నేను ఊహిస్తున్నాను.)
కానీ యహూషువః అలాంటిదేమీ చేయలేదు. తన సోదరుడు చివరి రోజు పునరుత్థానంలో మళ్లీ జీవం పొందుటను గూర్చి ఆమె చేసిన ప్రకటనను యహూషువః సర్దుబాటు చేయలేదు, సరిచేయలేదు లేదా జోడించలేదు. ఆయన ఎవరో మరియు ఆ భవిష్యత్తు 
పునరుత్థానంతో ఆయనకు ఉన్న సంబంధాన్ని ఆమె పూర్తిగా అర్థం చేసుకున్నదో లేదో తెలుసుకొనుటకు ఆయన ఆమెను పరీక్షిస్తాడు. యహూషువః ఆమెతో, “పునరుత్థానమును జీవమును నేనే; నాయందు విశ్వాసముంచువాడు చనిపోయినను బ్రదుకును; బ్రదికి నాయందు విశ్వాసముంచు ప్రతివాడును ఎన్నటికిని చనిపోడు. ఈ మాట నమ్ముచున్నావా? అని ఆమెను నడిగెను." తరువాత తడవుచేయకుండా మార్త తక్షణం ఇలా చెప్పింది, “అవును ప్రభువా, నీవు లోకమునకు రావలసిన యహువః కుమారుడవైన క్రీస్తువని నమ్ముచున్నానని ఆయనతో చెప్పెను." యహూషువఃయే మెస్సీయ అని మార్త అర్థం చేసుకుంది. ఆ అంత్య దినమున చనిపోయినవారిని ఆయన పునరుత్థానం చేస్తాడని ఆమెకు తెలుసు. యహూషువః భూమిపైకి వచ్చిన ఒక ప్రధాన దేవదూత అనే తరువాత వచ్చిన అభిప్రాయాలకు మార్త ఖచ్చితంగా సభ్యత్వం పొందలేదు!
చివరగా కథ ముగింపును వివరంగా పరిశీలిద్దాం. యహూషువః (తన తండ్రి అయిన యహువః శక్తి ద్వారా) లాజరును తిరిగి బ్రతికించిన తర్వాత ఏమి జరుగుతుంది? సరే, లాజరు సమాధి నుండి బయటకు వచ్చాడని మనకు చెప్పబడింది మరియు యహూషువః అక్కడున్నవారితో "అతడి కట్లు విప్పి అతడిని పోనియ్యుడి" అని చెప్పాడు. పాతాళం ద్వారా తన పర్యటన గురించి లాజరు ఏమి చెప్పాడు? నాలుగు రోజుల పాటు చనిపోయి, తరువాత తిరిగి జీవం పొందిన మొదటి వ్యక్తి గురించి లేఖనాలు ఏమి నివేదిస్తున్నాయి? ఏమీ లేదని మీరు చెప్తున్నారా? సరే, అది ఒక విరామానికి కారణం కాదా? ఆ సమయం తర్వాత లాజరు గురించి కొంచెం కూడా చెప్పలేదు. ఎందుకు లేదు? లాజరు పరలోకం నుండి బయటకు లాగబడితే, తనను శాశ్వతమైన ఆనందం ఉన్న ప్రదేశం నుండి బయటకు తీసుకెళ్లినందుకు యహూషువఃపై ఆయన ఎందుకు చింతించలేదు? మరియు లాజరు నాలుగు రోజులుగా నరకం అనుభవిస్తూ ఉంటే అతడిని అక్కడ నుండి బయటకు తీసి మరో అవకాశం ఇచ్చినందుకు (ఇప్పుడు మళ్లీ పాపములనుండి పరిహరించుకునే అవకాశం కల్పించినందుకు) అతడు యహూషువః పాదాల వద్ద ఎందుకు కృతజ్ఞతలు చెప్పడం లేదు? పరలోకం లేదా నరకం ఎలా ఉంటుందో ఎవరికైనా ప్రత్యక్షంగా తెలియజేయడానికి అతడికి ఇది ఒక అవకాశం. లాజరు అనుభవాలు ఆ ప్రదేశాల గురించి “వ్యక్తిగతంగా” ఆదర్శవంతమైన సాక్ష్యాన్ని అందించి ఉండాలి. లాజరు ఎంత గొప్ప సాక్షిగా ఉండేవాడు! అతని శరీరం మరణించిన తర్వాత అతని ఆత్మ జీవించిన ఆ నాలుగు రోజుల వివరాలన్నింటినీ లేఖనాలలో పొందుపరిచటానికి ఇక్కడ ఎంత గొప్ప అవకాశం ఉంది. లాజరుకు వేటికోసం కోసం ఎదురుచూడాలో — లేదా వేటిని విడిచిపెట్టాలో వివరించగల అవకాశాన్ని కలిగి ఉన్నాడు. అయితే లేఖనంలో మనకు ఏమి చెప్పబడింది? ఏమిలేదు. ప్రశ్న "ఎందుకు చెప్పలేదు?" ఇది పెద్దది. లాజరు మరణించిన నాలుగు రోజుల గురించి ఎందుకు ఏమియు నివేదించబడలేదు?
నాకు సమాధానం స్పష్టంగా స్పష్టంగా ఉంది. లేఖనం మరణానికి నిద్ర రూపకాన్ని ఉపయోగిస్తుంది కాబట్టి, మరణం నుండి పునరుత్థానం కేవలం "మేల్కొలుపు" (యోబు, దావీదు మరియు యహూషువః సూచించినట్లు) అని సాధారణ తార్కికం మనకు తెలియజేయాలి. యహూషువః అతడిని లేపినప్పుడు మాత్రమే లాజరుకు తెలిసింది, అతడు మరణించి అపస్మారక స్థితిలోకి వెళ్లినప్పటి నుండి అతడు తదుపరి స్పృహలోకి వచ్చిన క్షణం ఇదే. నివేదించడానికి ఏమీ లేనందున అతడు ఏమీ నివేదించలేదు. అతనికి తన అనుభవం గురించి ఏదీ తెలియదు ఎందుకంటే గ్రంథం ఇలా వర్ణిస్తుంది: "చచ్చిన వారు ఏమియు ఎరుగరు" (ప్రసంగి 9: 5); "నీవు పోవు పాతాళమునందు పనియైనను ఉపాయమైనను తెలివియైనను జ్ఞానమైనను లేదు." (ప్రసంగి 9:10); "మృతులును మౌనస్థితిలోనికి దిగిపోవువారును యహువఃను స్తుతింపరు" (కీర్తన. 115: 17). లాజరు ఒక విద్యుత్ దీపంగా ఉన్నాడు, అది ఆపివేయబడిన తర్వాత తిరిగి వేయబడింది. కాంతి ఎక్కడికీ వెళ్లనట్లుగా అతడు ఎక్కడికీ వెళ్లలేదు. శక్తిని పునరుద్ధరించే వరకు అది ఉనికిలో లేదు. యహువః యొక్క జీవింపజేయగల శక్తి యొక్క శక్తిని యహూషువః లాజరుకు పునరుద్ధరించాడు మరియు లాజరు మరోసారి జీవించాడు/ఉనికిలో ఉన్నాడు.
|
నిద్రపోవడం అనగా మీకు స్పృహ లేదు అని అర్థం. మీ చుట్టూ ఏమి జరుగుతుందో మీకు తెలియదు. కనుక ఇదే మరణంలో ఉంటుంది. మీ విద్యుత్ దీపం ఆపబడింది. మీ కాంతి ఉనికిలో లేదు. చనిపోయిన వారు యహూషువః తిరిగివచ్చి మరియు విద్యుత్‌ను తిరిగి ప్రారంభించే వరకు వేచి ఉండాలి.
|
ఈ సాధారణ సత్యం గ్రంథం అందించే నిజమైన ఆశ. మరణానికి నిద్ర రూపకాన్ని ఉపయోగించడానికి కారణం ఇదే. మనం చనిపోయినప్పుడు మన మెదడు చనిపోతుంది. మన మెదడు మన చైతన్యానికి కేంద్రం. సజీవ మెదడు లేకుండా, మనకు స్పృహ లేదు. మరోసారి చైతన్యవంతమైన ఉనికిని పొందాలంటే మనం తిరిగి జీవం పొందాలి. భవిష్యత్తులో మృతుల నుండి పునరుత్థానం అవసరం అనుటకు ఇది అద్భుతమైన కారణం. యహూషువః తన రెండవ రాకడలో పరలోకం నుండి శరీరము లేని ఆత్మలను పునరుత్థానం చేయబడిన శరీరాల్లోకి తీసుకురావడం (స్పష్టంగా) అర్ధంలేనిది. గ్రంథం అలాంటి విషయాన్ని ఎన్నడూ వివరించలేదు. అప్పుడే పునరుత్థానం చేయబడిన శరీరాలలో ఆత్మలను తిరిగి చొప్పించటం అనేది గ్రంథంలో ఎక్కడా కనిపించదు. అటువంటి దృష్టాంతంలో నిద్ర రూపకం అస్సలు పనిచేయదు. దాని గురించి ఆలోచించండి. అక్షరానుసారమైన నిద్రలో ఉన్న మానవులు "గతంలో కంటే ఎక్కువ మేల్కొని మరియు చురుకుగా" ఉండరు! అలాంటి ప్రకటన అసంబద్ధం అవుతుంది. నిద్రపోవడం అంటే మీకు స్పృహ లేదు అని. మీ చుట్టూ ఏమి జరుగుతుందో మీకు తెలియదు. కనుక ఇదే మరణంలో ఉంది. మీ విద్యుత్ దీపం ఆపబడింది. మీ కాంతి ఉనికిలో లేదు. చనిపోయిన వారు యహూషువః తిరిగివచ్చి మరియు విద్యుత్‌ను తిరిగి ప్రారంభించే వరకు వేచి ఉండాలి. మనం మరోసారి జీవించడానికి ఆయన మనల్ని మొత్తం శరీరం/మెదడు/ఆత్మ కలిగిన జీవులుగా పునరుత్థానం చేయాలి. అది మొత్తం బైబిల్ లో అందించబడిన సాటిలేని సందేశం.
యోహాను 11 యొక్క వివరాలు మరణం తరువాత తక్షణ నిత్య జీవం అనే అత్యంత ప్రజాదరణ పొందిన వీక్షణకు చాలా భిన్నమైన చిత్రాన్ని చిత్రించాయి. యహూషువః నిద్ర రూపకాలంకారాన్ని వాడటం, తన సోదరుడు ఎప్పుడు ఉనికిలో ఉంటాడనే దానిపై మార్త యొక్క అవగాహన, మరియు నాలుగు రోజులపాటు చనిపోయిన లాజరు అనుభవం యొక్క పూర్తి నిశ్శబ్దం, ఇవన్నీ ఆత్మ తాను జీవించుటకు శరీరం యొక్క మరణం నుండి తక్షణమే తప్పించుకొని విడిపోయే దృశ్యాన్ని అందించవు. దీనికి విరుద్ధంగా, మరణం అనేది నిష్క్రియాత్మక కాలం అని అవి దృఢమైన సాక్ష్యాలను ఇస్తాయి — చనిపోయిన వారికి "ఏమియు తెలియదు" (ప్రసంగి 9: 5) మరియు వారు "సమాధులలో నిద్రపోతారు" (దానియేలు 12: 2). మరియు నిద్ర లాంటి నిష్క్రియాత్మకత కాలం యహూషువః తిరిగి వచ్చి ఆ నిద్ర స్థితి నుండి వారిని బయటకు తీసుకువచ్చే రోజు వరకు కొనసాగుతుంది. యోహాను 5:25, 28-29లో యహూషువః స్వయంగా ధృవీకరించిన శక్తివంతమైన చక్కనైన నిజం ఇది:
"మృతులు దేవుని కుమారుని శబ్దము విను గడియ వచ్చుచున్నది, ఇప్పుడే వచ్చియున్నది, దానిని వినువారు జీవింతురని మీతో నిశ్చయముగా చెప్పుచున్నాను. దీనికి ఆశ్చర్యపడకుడి; ఒక కాలము వచ్చుచున్నది; ఆ కాలమున సమాధులలో నున్నవారందరు ఆయన శబ్దము విని మేలు చేసినవారు జీవ పునరుత్థానమునకును కీడు చేసినవారు తీర్పు పునరుత్థానమునకును బయటికి వచ్చెదరు." సంఘానికి వెళ్లేవారిని విషపూరితం చేసిన ప్లేటో సిద్ధాంతంపై యహూషువః విజయం సాధించును గాక.
ఇది రాన్ షాక్లీ రాసిన కథనం. WLC కథనం కాదు.
మేము అసలు వ్యాసం నుండి సమస్త అన్య నామములను మరియు తండ్రి - కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్‌సి బృందం.
