|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Mubusanduluzi bunji, ibbala lyaci Giliki lyakuti (genesis) lisanduludwe kuti “kuzyalwa”: “Kuzyalwa kwa Yahushua Messiah kwakali kutobela boobu...” Oobu tabusyi, nokuba boobo, ncoliiminina cinicini. Ibbuku lipandulula mabala aaci Giliki lyokwa Thayer litaanguna kusandulula bbala lya (genesis) kuti “kumatalikilo” naa “kutalikilwa.” Mbweenya mbuli bbala lya “Genesis,” mbolyuulikidwe bbuku litaanzi lya Bbaibbele, liiminina kutalikilwa, naa kwaazyilwa, naa kumatalikilo — mbuli bbala ndeenya lyomwe! Muntu umwi inga wayeeyela Mateyo 1:18 a 20 inga lyakosozya makani mbwaanga Yahushua utondezyedwe kuti wakazyila mwida lya Maliya.
Pele basanduluzi bakalitondezya kusalauzya kwabo. Nkaambo nzi? Langa biyo mbungano zisandulula mabala. Basanduluzi ba Bbaibbele lya KJV boonse bakali ba Anglikani/Cikombelo caku England. Hena musololi wa cikombelo cabo, Mwami James lwakwe naakakkomana ikuti nilyaasandululwa mubululeme kalilwana cuuno cakwe na? Ino mbuti lya NIV? Basanduluzi balyo bakali Bakomba baleza botatwe nokuba ba Pentecosti — boonse bakasimpauzya kusyoma kutii Yahushua ngu Yahuwah Singuzuzyoonse Lwakwe. Mbweenya oobo mbociya kumbele mubusanduluzi bwa Cikuwa boonse bulaa mpuwo kuzwa ku bu busanduluzi bwakataangunwa kusandululwa.
Mazyalani aali muli Mateyo a Luuka, woonse atondezya Yahushua kali wa luzubo lwa Davida, naakasalazyigwa kuti Yahushua wakalaa basikale/bamukowa. Pele cintu cini ciiminina bbala lya “wamukowa” alya “sikale” kulangikaanga cakasiilwa anze.
Yahushua wakati mubili wakwe wakazwa kujulu, hena takusyi nkwaakazyila? Johane 6:33: “Nkaambo cinkwa ca Yahuwah nciceeco ciseluka kuzwa kujulu, akupa buumi ku nyika.” Alimwi mutumpango 48-51: “Ime ndime cinkwa ca buumi. Bamawuso bakalya manna munkanda, pele bakafwa. Eeci nce cinkwa ciseluka kuzwa kujulu umwi ncakonzya kulya akutafwa. Ime ndendime cinkwa cizumi cakaseluka kuzwa kujulu; kufumbwa uulya cinkwa eeci uyoopona kukabe kutamani; icinkwa nceyoopeda buumi bwa nyika mubili wangu.”Kuli woonse uusyoma kuti Yahushua wakali kupona kataninga mitwa camaleele mwida lya Maliya: Hena ulasyoma kuti Yahushua wakali kupona kalaa mubili wa buntu kujulu kataninga mitwa mwida lya Maliya? Tumpango twa Johane caandaano ca cisambomwe, kuti cabalwa bwinibwini mbocaamba, ncenciceeci cini ncociiminina. Ambweni Yahushua wakali kubelesya maambila mbali aayo zimwi ziindi aakatazya kuteelela? Langa James mbwabelesya majwi aakuti “kuboola ansi” mu kampango 1:17 amu 3:15-17.
Kujatikizya mabala aayo zimwi ziindi aasanduludwe kuti “walo” akuti “nguwe” mukwaamba “jwi” muli Johane caandaano 1: Ijwi lya Yahuwah ndijwi Lyakwe mbweenya mbuli jwi lyangu mbolili jwi lyangu. “Ijwi” mubusanduluzi bumwi lisanduludwe kuti “ci”, kusanganya abusanduluzi buli lusele kakutaninga sandululwa bwa KJV mu 1611. Mabala aapandulula bwaalumi abukaintu taakwe ncaajatikizya ku zibeela zya mubili. Majwi eeni aasanduludwe kuti “walo” akuti “nguwe” alakonzya akusandululwa kuti “ci” eelyo notwaamba zintu zitaponi. Basanduluzi balasala mabala kweendelanya azina lya cintu caambwa. Kubusena kumwi mu Mangwalo, ndyeenya bbala lisanduludwe kuti “ci” lyaamba kujatikizya majwi aamuntu, azimwi zinjaanji.
Cikonzyene a bbala lyaci Spanish lyakuti “sombrero” lyaamba musyobo wa cikwepesi. Nokuba kuti ndibbala lya bwaalumi, mukubelesya mabala, eeli bbala lyaambilizya cintu citakwe buumi. Aboobo “ijwi” talili muntu, mbweenya mbuli bbala lyakuti “sombrero” mbolitali muntu.
Amukkomane nomubala. Aabo bazuunyene kukapaula kasimpe a moyo uusalala bayookajana. Yahuwah uyoobagwasyilila.
|
Aboobo ijwi lya Yahuwah lyaamwa kuti “walo,” ikuti lyasandululwa bululeme. Kusandulula kuti “walo” mpaali kaambo. Eeco talili penzi mubusanduluzi boonse pe, alimwi ncobeni tiicakali cintu cakabulide muci Giliki. Munzila njeenya, “buumi” a “mumuni” tazili bantu, nokuba kuti zyaambwa aanga muntu mbuli “busongo” mu bbuku lya Tusimpi caandaano 8. Ijwi lya Yahuwah lyakaba muntu Yahushua. Eeci tacaambilizyi kuti Yahushua wakaliko kale, kataninga zyalwa, mubwini lyakali jwi lya Yahuwah. Pele Yahushua kuli ndiswe ndijwi lya Yahuwah mukuti walo nguuli akataa Mulumbe wa lufutuko mu Bulelo buboola.
‘Imungele wakamwiingula kuti, “Muuya Uusalala uyooboola alinduwe, anguzu zya Yahuwah Sijulu wamajulu ziyookuvwumbilila. Aboobo mwana uusalala ooyo ngoyoozyala, uyooitwa kuti Mwanaa Yahuwah.” Nkaambo nzi mungele ncaamba kuti “akaambo kaako” IKUTI walo naakali Mwanaa Yahuwah kataninga zyazyigwa muli Maliya? Luuka taakalizambaila lwakwe pe. Eelyo umwi naamba kuti Yahushua wakazyalilwa kujulu, Ime ndabuzya, Ncinzi ncoyiminina eelyo noamba kuti, “wakazyalwa aa Yahuwah kujulu”? Inga wasandulula kaambo aako mumajwi maubauba kumvwugwa na? Hena waamba kuti “Yahuwah wakatumbukila kujulu na”? Luuka upandulula cintu caacitikila Anyika!
Amube aa kukkomana nomubala. Aabo batonkomene kuyandaula kasimpe amoyo uulungumene bayookajana. Yahuwah uyoobagwasya.
Eeci ncibalo citali ca-WLC cakalembwa aaba Terry Robinson.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
