Print

Makani Mabotu Aa Cizuminano Cakale!

Charles-Spurgeon-mukubusi-kalaa-myaka-20Charlie wamyaka yakuzyalwa kkumi amusanu wakali kumuyanda Yahuwah, pele cintu cakali kumuungilila mumizeezo nzinyonyoono zyakwe. Aakale, naakalanga musyule lya buumi bwakwe, walo wakaibaluka kuti, “Ime ndakali kulombozya kuti neetakazyalwa buyo.”

Buumi bwakasika mpobucinca eelyo naakaibaluka kuti nokuba kuti wakali sizinyonyoono mupati, pele wakalijisi a Mufutuli wiinda waawo bupati. Charlie wakaaba buumi bwakwe kukwaabanya mulumbe wa kulekelelwa a luyando lwa Yahuwah. Zyuuluzyuulu zyabantu bakalongomoka kuzyoomuswiilizya. Ciindi aciindi wakali kukambaukila makamu aasika 10,000 akwiinda waawo. Bantu bakalaa nzala yakumvwa mulumbe wa Charlie.

“Eelyo muntu nasyoma muli Kristu,” mbwaakabaambila Charlie, “aciindi mpeenya aawo, mumeso ookwa [Yahuwah], uba mbuli kuti kunyina pe naakacitide cinyonyoono mubuumi bwakwe boonse.”

Nokuba sunu, kakwiindide myaka 130 kuzwa Charles Spurgeon naakafwa, bantu bacifwaamina milumbe azilembedwe nzyaakali kukulwaizya. Masimpe ngakuti: kufumbwa Munakristu ulatingaana mizeezo yakulimvwa kubaa mulandu. Tulayanda kuti tube mbuli Yahushua, Pele swebo tulazumanana kucita zinyonyoono. Cilatuminya kuyeeya zibi zyesu alimwi ncuubauba kulimvwaanga tatukonzyi kulomba kulekelelwa kusikila twalitondezya kweetezyegwa akulijata notusunkwa ziindi zisika X.

Ooku kupiluluka kubisya akweempwa—akubisya alimwi—kupandululwa biyo munzila ngubauba eeyi: tucili mu Cizuminano Cakale. Inzya, swebo tucili muceendelezyegwa aa luzyalo alimwi Yahuwah wakatulekelela kale. Pele kasimpe katakonzyi kukakwa nkakuti, swebo tucicita zinyonyoono! Aboobo citobela ncakuti, mulawo uciyandika kutegwa cibi ciyubununwe muli ndiswe.

Cizuminano Cakale ncipego cesu! Paulu wakapandulula kuti, “Ime neetakazyiba kuti cibi ninzi ikuti niwatakali mulawo waanditondezya. Nkaambo Ime neetakazyiba kuti kunyonokela ninzi ikuti mulawo niwatakaamba kuti, ‘Yebo utafwidi munyono.’” (BaLoma 7:7, NKJV) Mulawo wa Yahuwah ncimbonimboni, utuyubunwida waawo mpotulezya kulitondezya ciimo cabulemu. Ngomulimo wawo ooyo! Alimwi ulayandika kuli ndiswe. Swebo tulayandisya kubamba mulawo; tuyandisya kuti tube mbuli Yahuwah, pele tulabisya akwiinduluka kubisya alimwi. Ncecicitika eeco yebo nocili Mucizuminano Cakale.

Eelyo cizuminano cokwa Yahuwah nicaaletwa ku Bana Isilayeli, abalo mbuli Banakristu bamazubaano, bakali kuyanda kuteelela. “Aboobo Mozesi wakeza akwiita balupatipati akataa bantu, akubasansulwida majwi woonse aaya Yahuwah ngaakabalailila. Mbube bantu boonse bakaingula ajwi lyomwe antoomwe kwaamba kuti, ‘Zyoonse eezyo Yahuwah nzyaamba swebo tuyoozicita.’” (Kulonga 19:7 & 8, NKJV) Bakalisinizyide ncobeni pele tiilyakalampa kakwiindide buyo mvwiki zyongaye, bakali kukomba moombe wa golide. Mbweenya mbuli basyomi bamazubaano, tiibakamvwisyisya kuti kuyandisya buyo kucita cintu cimwi anguzu zyakukakatila kucita cintu tazyili biyo zintu zilikke ziyandika kuti kocilaa ciimo ciwide mucibi.

Cisyomyo ca Yahuwah, nokuba boobo, ncakuti Walo uyoobambulula penzi eeli kwiinda mukubamba Cizuminano Cipya andiswe. Eeci nceciimpene akataa Cizuminano Cakale a Cipya. Yahuwah ulatucitila swebo eeco ncotutakonzyi kulicitila tobamuka mwini. Eeci tacili mu kucinca mulawo Wakwe, pele kwiinda mukucinca Bantu Bakwe.

“Alazya mazuba,” mbwaamba Yahuwah, “eelyo Ime neyoobamba cizuminano cipya abantu ba Isilayeli abantu ba Judah. Tacinooli mbuli cizuminano Ime nceekabambide aba basikale benu eelyo neekabajata mujanza akubasolweda kuzwa mu Egipita, nkaambo bakatyola cizuminano Cangu, nokuba kuti Ime ndakali mbuli mulumi wabo,” mbwaamba Yahuwah.

“Eeci nce Cizuminano Ime nceyoobambana abantu ba Isilayeli caakwiinda ciindi eeco,” mbwaamba Yahuwah. “Ime ndiyoobikka mulawo wangu mumizeezo yabo akuulemba amyoyo yabo. Ime ndiyooba Leza wabo, alimwi balo bayooba bantu bangu. Tabacikayiisyi basimukobonyina, nokuba kwaambilana umwi kuli umwi kuti, ‘Ulimuzyi na Yahuwah, nkaambo boonse bayoondizyiba Me, kuzwa kubaniini kusikila kubapati,” mbwaamba Yahuwah. “Nkaambo Ime ndiyoobalekelela busofwaazi bwabo alimwi nsyekayibaluki kabili zinyonyoono zyabo.” (Jelemiya 31:31-34, NIV)

Kulijata-amoyo

Eelyo musyomi nalikankaizya kutaminina mucisyomyo eeci, ulapegwa Muya Uusalala cabwini. Amuciyeeyele mbuli kusisya Muya Uusalala ku muntu. Ooku kusisya ncecisyomyo citondeka ku Cizuminano Cipya eeco ciyoobambwa eelyo Yahushua aakuzyokela akuyaka bulelo bwa Yahuwah anyika. Aciindi eeco, Yahuwah uyootugwisya ziimo zyesu ziwide mucinyonyoono akulemba mulawo Wakwe a myoyo yesu! Tatukoongoongwi kucita cinyonyoono alimwi pe.

Ooko “kusisyigwa” moza uukkalilila mukati, kwiinda mukusyoma, kucita mulimo mupati. Kusandulula basyomi kuti baleke kuba bantu bacimwa mulawo akuba baabo bayandisya mulawo, kuzwa kukuba bayandi bacinyonyoono, akuba bacimwa cinyonyoono. Eeci ncintu ciyandika citaanzi. Yahuwah tasinikizyi kuyanda kwa muntu pe. Walo takalembi mulawo Wakwe amuntu uuli woonse uucimwa mulawo wabulemu, walo ooyo mulawo nceciimo cabulemu cilembedwe mumabala.

Paulu wakapandulula mulimo ooyu munzila mbotu kuti: “Lino ngu Leza uupa kuti toonse iswe andinywe twiimikile nji muli Messiah. Walo nguwaatunanika, akubikka caando Cakwe ali ndiswe, akuyobozya Moza Wakwe mumyoyo yesu, kasyomezya ndiswe kuli ceeco ciciboola.” (2 Bakolinto 1:22-23, NIV) Nkaambo ka ziimo zyesu ziwide mucinyonyoono, tucizumana kulinontola akuwida mucibi; tucizumana kuyandika kuyubunwidwa mulawo aawo mpotwaalilwa kukonzyanya cakulondoka aaciimo cabulemu. Jemusi lwakwe wakazumina kuti, “Toonse tuladadalika munzila zinjaanji.” (Jemusi 3:2, NIV)

Nokuba boobo, mbokuli cipego ca Muya Uusalala mu Cizuminano Cakale, cibi citalika kutusesemya eelyo notulangila kuti tusalale mbuli Yahuwah. Kufumbwa zinyonyoono nzitwaacita zyaacitilwa nkaambo ka ciimo cabuntu kutali kuti twakali kuyanda kunyansya mulawo wa Yahuwah. Kunyina musyomi uusandukide ncobeni uunga kacizumanana kucita cinyonyoono cizyibidwe.

Cizuminano Cipya ncecisongola penzi lya cinyonyoono ncotucizumanana. Ziimo zyesu ziwide mucinyonyoono ziyookwaatulwa akulembwa mulawo wa Yahuwah amyoyo yesu. Aciindi eeco, basyomi bayoozuzyigwa muya wa Yahuwah cakumaninina. Mpoonya aawo alimwi eelyo buyo basyomi nobayootobela mulawo wabulemu, akuba cimbonimboni cizwidilide cinkonzya ca bulemu.

Njoomugwisya kulibamasi akumuyobolola kuzwa kunyika zyoonse akumusisya kunyika yanu. Njoomusansaizya maanzi aanjoloma kuti musalale. Busofwaazi bwanu boonse azimpangaliko amituni yenu yoonse, njoomusalazya kulinzizyo Njoomupa moyo mupya akubikka muuya mupya mukati kanu. Njoogwisya moyo wabbwe mumibili yanu akumupa moyo wabuntu. Njoobikka Muuya wangu mukati kanu akucita kuti mweende mumilazyo yangu akubamba imbeta zyangu eezyo. Lino muyookkala munyika eeyo njiyonya njindakapa bamauso, nkabela muyooba bantu bangu, ambebo njooba Leza wanu. (Ezekiel 36:24-28, NKJV)

Cizuminano Cakale, nokuba kuti cilengelezya kuti basyomi bacimwe cibi akuyanda mulawo, tiicakali kukonzya kulesya naba omwe kucita cinyonyoono nkaambo boonse balaa ziimo ziwide. Cisyomyo ca Cizuminano Cipya ncakuti boonse, kwiinda mukusyoma, balyeendelanya a Isilayeli, akulemeka Muya Uusalala kuti ubasimpe mucisyiko cawo, bayootola cibeela muciimo cabulemu eelyo Yahushua aakuzyokela akubamba bulelo bwa Yahuwah anyika. Mbube Yahuwah Lwakwe uyoolemba mulawo Wakwe amyoyo yabo. Eeci ncecisyomyo ca Cizuminano Cipya.

mukaintu-uulaa-bulumbu