|
Kuli mweelwe wa banakristu uunyandya basisikizya kusyoma zintu zilibedelela. |
Hena wiimvwi lubazu lwa kulenga zilengwa leza? Naa kulubazu lwa zintu zilibonya kakwiina wakazilenga?
Ooyu mubuzyo uulaa maanu. Kuli bana Krisu banjaanji bataminina kuti basyoma Bbaibbele pele kumwi balasyoma amumuzeezo wa “Big Bang” wakuti zintu zyakalibonya kwiinda mukusandauka kwazintu zyakaliko kale.
Pele malangelo akusandauka zintu ziliko kale tiili mizeezo buyo ya matalikilo aabuumi munyika. Mizeezo iiyubununa tusimpe twa kululamikwa akusalazyigwa ooko bantu boonse nkobeelede kumvwisisisya.
Lusyomo lwa kulenga zintu zijwana mumulengalenga azimwi zyoonse kuti zyakalengwa kakwiina kubelesya cintu ciliko kale pele buyo kwiinda mujwi lya Yahuwah.
Kulibonya zintu kakwiina kulengwa ncintu ciindene. Ooyu muzeezo utaminina kuti buumi bwaanyika bwakatalika kwinda mu kuyaa kusandauka zintu kwa mabbiliyoni aamyaka. Eeci ncintu cikazyanya a Mangwalo:
Nkaambo Walo wakaamba, mpoonya cakacitika;
Walo wakalailila, mpoonya zyakaimikizyigwa. (Langa Intembauzyo 33:6 a 9.)
Eeci ncitu ciyandika kuti webo umvwisyisye nkaambo eeyo nzila nyika mbuyakabambwa, yebo ulamvwisyisya mulimo wa kulamikwa akusetekanyigwa mbuubelekwa.
Yahuwah wakabamba nyika kutegwa ayubunune bulamfu bwa, ziiyo zya muuya. Paulu wakalimvwisyide makani aaya naakapandulula kuti: Nkaambo kuzwa kumalengelo aanyika makani Aakwe aatabonwi alaboneka kukumvwigwa kuncito zyakwe, nkukuti inguzu Zyakwe abu-eza Bwakwe tazimani. Nkaambo kaako tabakwe bwiinsyo. (Langa BaRoma 1:20.)
Mbweenya mbuli nyika mbuyakalengwa kakwiina kubelesya cintu cakaliko kale kwiinda mujwi lya Yahuwah, aboobo, awalo, moyo wamubisyi lengululwa- kwiinda mujwi lyakulenga ndyeenya.
Muzeezo wazintu zipona kakwiina kulengwa uutoneka moyo mupati, watusimpe tupa bulangizi mu Mangwalo,twakuti: kufumbwa Yahuwah ncaamba mbocibede oobo. Mpeenya aawo.
Izaya 55 upandulula kasimpe kayandika aaka, kabelesya mukonzyanyo wamvwula mbwiisandula nyika njumu nta. iilaa cimpayuma, kuti ibe nyika iizwide mbolezi abulimi.
“Mbubonya mbuli mvwula acivwulamabwe mboziloka kuzwa kujulu,
Alimwi tazipiluki nkuko,
pele zilatilaila nyika akwiizyazya akwiisyuusya,
kuti ipe mbuto zyakubyala ansima yakulya kuli yooyo uulya.
Mbubonya oobo alyalo jwi Lyangu lizwa kumulomo Wangu,
talikooyoozyokela kuli Ndime cinkwa maanza,
liyozuzika makanze Aangu akucita kabotu makani ngendalitumina. (Izaya 55:10-11, KJV)
Ibbala lini lyakuti Yahuwah lijisi nguzu zyakumanizya kucita cintu ncolyaamba.
Kulengulula moyo wamuntu, mbuli kulenga nyika, ncintu cili munguzu zya Yahuwah. Mangwalo apandulula nguzu zyakulenga zyokwa Yahuwah kuti: “Nkaambo wakaamba, mpoonya cakacitigwa; walo wakalailila, mpoonya cakamikizyigwa.” (Intembauzyo 33:9, KJV)
Ku malenegelo, ndilili zintu nizyakacitika kwiinda mumajwi ookwa Yahuwah nozilibonya? Eelyo naakali kuyanda mumuni, Walo wakaamba buyo jwi mpoonya mumuni wakaba, pele ino ndilili mumuni niwaalibonya? Kakwiindide tunzumina tosanwe na? Kakwiindide woola na? Naa mumuni wakalibonya Walo mbwaakaambila buyo jwi?
Kuti koyeeyela kuti kwakainda cisela cakanzumina nokaba komwe akataa Yahuwah naakati “Akube mumuni” aniwakalibonya mumuni, nkokuti yebo usyoma muzintu zilibonya kakwiina kulengwa, uli muntu uusyoma kuti nyika mbotwiibwene mazubaano yakatola ciindi kulengwa.
Ono kokonzyanisya bweende bwazintu oobu kululamikwa mu buumi bwako mu moza.
Eelyo muntu natambula lusyomo lwa lufu lwa Mufutuli mucibaka cakwe, Yahuwah ubikka bubotu bwa buumi bwa Yahushua butakwe cinyonyoono akububalila mucibaka ca mubisyi weempedwe. Yahuwah ulanganya mumtu uusyoma kuti mululami. Aciindi mpeenya aawo mubisyi weempedwe ulamimikila kunembo lya Yahuwah kubee kunyina naakacitide cinyonyonyo. Ooku nkukulumamikwa kwiinda mukusyoma. Kuti Yahushua kaimvwi mucibaka cesu, nkokuti swebo lino tulaa luumuno akati kesu a Yahuwah.
Aboobo, katululamikidwe kwiinda mukusyoma, tulaa luumuno akati kesu a Yahuwah kwiinda muli Simalelo wesu Yahushua Messiah, alimwi kwiinda muli nguwe tulaa lwaanguluko kwinda mukusyoma kweengelelwa, aakukkomana mukulangila bwa bulemu bwa Yahuwah. (Langa BaRoma 5:1-2.)
Lino, nolulamikidwe, ndilili yebo nomulaa luumuno antoomwe a Yahuwah?
Hena ndileelyo webo noyooleka kufweba?
Hena ndileelyo webo noyooleka kulangilizya zipekupeku azifwanikiso zya cisaaza amantanda quit watching porn?
Hena ndileelyo webo noyooleka kunyema cakuti waalilwa kulijata?
Hena ndileelyo nozwidilila kulijata notempaulwa mumasunko aakucita cibi ncosisikizya kucit?
Nee pe! Kweendelanya ajwi lyokwa Yahuwah—eelyo jwi lilaa nguzu zyakucita ncolyaamba —webo kobaa luumuno antoomwe a Yah ono.
Eelyo Yahuwah nakululamika yebo, (akukubalila kubululami), Walo ulakutambula, aciindi cini eeco , kuti ululondoke kwiinda mu Mwanaakwe. Webo toceelede kulindizya kusikila wasetekana kuti ulanganyigwe kuti uli mululami. Kululamikwa ncipego ca kweengelelwa alimwi ncecitalisya mulimo wa kusetekana.
Yahushua wakayiisya kasimpe aaka kufumbwa nkwaakali kuya. “Mpoonya bakamuletela sicilema uuyuminide mubili, kalede abulo. Eelyo Yahushua naakabona lusyomo lwabo, wakati kuli sicilema, ‘Mwanaangu, sekaseka, nkaambo zinyonyoono zyako walekelelwa.’” (Langa Matewo 9:2.) Bikkila maanu aawa: cibeela cabbala cakuti “zya” ncibeela cabbala cicitika cino ciindi! Yahushua wakali kwaambila mwaalumi ooyo kuti, “Zinyonyoono zyako zyalekelelwa cino ciindi mukanzumina kaciindi cino!”
Kumukaintu wakabbukilwa mamambe, Yahushua wakati, “Ambeyo nsyekupi mulandu; koya utakaciti kabili cinyonyoono.” (Johane 8:11, NKJV) Aboobo nguzu zyakuteelela zyakali mu kulailila kwaluyando ooko.
Johane 1:12 uyubununa kuti “ono boonse bakamutambula [Yahushua], kuli mbabo wakabaabila nguzu zyakusanduka kuti babe bana ba Yahuwah, akuli baabo basyoma muzina Lyakwe.” Ooku nkokusetekana! Alimwi kutalikila aciindi eelyo mubisyi nalanganyigwa kuti waba mululami.
Hena webo uli muntu uusyoma zintu zilibeda kakwiina kulengwa, hena usyoma kuti uyoolulamikwa eelyo waakulitondezya kweetela nkaambo kazibi zyako kwiinda mukweeleba akulilesya kucita zibi eezyo kwaziindi zyongaye kumbelaa mazuba aacizya kumbele?
Naa yebo usyoma kuti kuli malengelo aazintu zyoonse, ulilibambide alimwi ulizuminide kutambula cipego ca kululamikwa cokwa Yahuwah aca kusetekana aciindi cino?
Kunyina canga wacita muntu muli lwakwe kutegwa avwozyegwe kululamikwa akulekelelwa, mbweenya mbuli mbotakonzyi kulisetekenya, pele eezyi nkozyili kakwiina muulo. Cilikke ncoyelede kucita webo nkulindila akulibambila, kotaninga salazyigwa akululamikwa, akupegwa nguzu zyakuba mwana wa Yahuwah. Zyoonse eezyi nkozyili ulipedwe cino ciindi, aciindi cini cino.
Amulange, nduyando luli buti ndwaakatupa Taata swebo kutegwa twiitwe kuti tuli bana ba Yahuwah: aboobo nyika tiituzyi swebo; nkaambo tiiyakamuzyiba Walo pe.
Nobayandwa, lino tuli bana ba Yahuwah, alimwi takuninga libonya mbotuyooba: pele tulizyi kuti, eelyo Walo nayoolibonya, swebo tuyooba mbuli Nguwe; nkaambo tuyoomubona mbuli mbwabede. (1 Johane 3:1-2)