Mubuzyo: Mato alibonya kubbilila eelyo naayaamba kuya kulaale atalaa meenda. Hena tabuli mbumboni oobu kuti ciwa ca Nyika cilivwungumene?
Kwiingula: Nokuba kuti aciindi cimwi kwakali muzeezo wakuti ciwa caNyika (nokuba cameenda) cilivwungumene akupa kuti ndembela yamato ibbilile akuleka kulibonya eelyo naaya akulaale atalaa meenda kuzwa kuli yooyo muntu uulangilizya, tulizyi lino kuti eeci cili boobu nkaambo ka “mulawo wa mbozyilibonya zintu.” Mato manjaanji aalekede kale kulibonya kumeso aamuntu inga alibonya alimwi kubelesya muncini uulanga zintu zyilikulaale kapati nanka uukomezya kantu kasyoonto kuti kalibonye kuba cintu cipati.
“Ooyu mulawo wa mbozyilibonya zintu tuluuswaanganya kubbazu kuli koonse nkotulanga; tuukonzyi kukakwa pe. Kuti koli mumugwagwa uulandabele alimwi uutanyonauki pe, twalanga mulongo wamalambe, woonse aayelene kukomena, inga twabona kuzwa mpotwiimvwi aawo kuti bulamfu bwamalambe aayo inga buyaa kuceya kuya mumabali; pele kuti swebo twaswena kumbali ooko, notuyaa kuswena munsimunsi, malambe alimwi inga alibonga kulampa mbuli kutaanguna. Alimwi, mumulongo uutaleyileyi, kuti twalanga lwizi lwacaanda kuzwa kulaale, inga twabona bantu bamwi baselemuka atalaa caanda kabalibonyaanga balaselemuka kabali amagondo aabo, pele, kuti twaswena munsimunsi, inga twabona kuti baselauka aametende aabo. Kuya kumbele, kuti twalanga mukati kabwina mbuli mugonti, tulabona kuti mabazu oonse alaswenana akuswaangana kumamanino. Ngomulawo ooyu uupa kuti malundu alibonye kubbilila eelyo noya kulaale angawo, nanka ndembela yamato kulibonya kubbilila eelyo bwato nobuya kulaale. Ime inga ndaamba akuti eelyo lizwi nolunyina mayuwe, bwato inga kabucilibonya kuti muntu uulangilizya wabelesya muncini uulanga zintu zili kulaale kapati eezyo zitacilibonyi ameso buyo, aboobo eeci cipa bumboni kuti bwato tiibwaya kunze lyamulundu wameenda ulaatala lya nyika iivwungumene, pele mubwini oobo bwato buciyaamba atalaa lwizi lulandabede .”(Terra Firma: Earth Not a Planet, Proved from Scripture, Reason, and Fact, p. 75, David Wardlaw Scott)