1/ MISUNKO YOTATWE IIYOOKOSOZYA MAUMI EESU. MUSUNKO 1 MBULENGWE BWA NYIKA
— WLC_Team_Citonga (@WLC_Team_Cit) April 13, 2022
Eeyi misunko ilipampanudwe mu Ciyubunuzyo 14. Bantu ba Yahuwah bakacenjezyegwa ncokuyandika kuzwidilila misunko kutegwa bakanjile mubuumi butamani mumusela uuboola. Eeci cibalo cigamide musunko mutaanzi.
2/Atutalikile kwaamba cili mumusunko mutaanzi:
— WLC_Team_Citonga (@WLC_Team_Cit) April 13, 2022
'Mpoonya Ime ndakabona awumwi mungele kauluka akataa julu, kalaa mulumbe mubotu uuteeli wakukambaukila baabo bakkala anyika—kucisi cili coonse, luzubo, mulaka, abantu— kaamba ajwi pati kuti, “Amumuyoowe Yahuwah akupa Nguwe bulemu,
3/nkaambo woola lyalubeta Lwakwe lyasika; alimwi amumukombe Walo wakabamba julu anyika, lwizi atusensa twa meenda.”
— WLC_Team_Citonga (@WLC_Team_Cit) April 13, 2022
Nzyeezyi zijuzyo mukampango:
-Mulumbe uuteeli ngwa bulelo butamani bwa Yahuwah munyika. Kuzwa kumatalikilo, makanze aa Yahuwah nkubamba bulelo butamani anyika.
4/Adamu naakawa mucibi wakalelemya makanze Aakwe. Nokuba boobo, makani mabotu ngakuti muli Messiah aaya makanze aciya kumbele, alimwi aciindi eeci taakasinkilwi cili coonse. Aaya makani mabotu ncobeni.
— WLC_Team_Citonga (@WLC_Team_Cit) April 13, 2022
5/Mulimo wa misunko yotatwe ngwakuyubununa muntu woonse mbwalibambide kupenga akubikkilila kutegwa alitondezye mbwayandisya kuyoozulilwa mubulelo buteeli oobo. Banjaanji bayoojaigwa nkaambo kakukakatila kwabo kuti bakajanwe kabasyomeka kuba mumunzi wa Yahuwah uutamani.
— WLC_Team_Citonga (@WLC_Team_Cit) April 13, 2022
6/Cabili mukampango:
— WLC_Team_Citonga (@WLC_Team_Cit) April 13, 2022
Musunko wabili utwiibalusya lubeta lwabulemu toonse ndotulangene. Mazubaano banji [Banakristu abatali bakristu] tabakubwene kuti kuli lubeta lutola busena ciindi cino. Mulimo wesu nkoompolola kwaambilizya misunko yotatwe kutegwa tusinsimune bantu boonse.
7/Catatu cili mukampango:
— WLC_Team_Citonga (@WLC_Team_Cit) April 13, 2022
Lino mbotwazuminina buyo kuti kuli lubeta lwabulemu lucitika cino ciindi, citaanzi cijata moyo nkutilimuka akuyoowa. Nkaambo ooku takuli kwiimikila kumbelaa mubetesi waanyika, pele nkwiimikila kumbelaa Mulengi wesu Yahuwah, eeco nciindi cilemu kapati.
8/Cane cili mukampango:
— WLC_Team_Citonga (@WLC_Team_Cit) April 13, 2022
Ikuti 'kuyoowa' kwasinsimunwa mumoyo mbuli mbokuyandika, inga kwaletelezya kuyandisya kukomba akutembaula Mulengi, ooyo uuyandide kutwaabila buumi mumusela uucizya. Mbubotu bwa Yahuwah bupa kuti atucenjezye kulubeta lutola busena cino ciindi.
9/Casanu cili mukampango:
— WLC_Team_Citonga (@WLC_Team_Cit) April 13, 2022
Yahuwah tatwaambili buyo lubeta luyookosozya nkwaagama maumi eesu pele WALO ulatwaambila ambotweelede kumukomba akupa bulemu kuli NGUWE, munzila iikkomanisya NGUWE. Eeco nkuzumina kuti WALO ngo Mulengi wa Julu a Nyika, eeco ncecimukkomanisya WALO.
10/Muucibeela eeci bantu bali 99.5% mobaafweela, nkaambo nyika ajulu njobataminina kusyoma, zyiliimpene 100% kulaale kuzwa kuli yeeyo nyika ajulu njaakalenga Yahuwah.
— WLC_Team_Citonga (@WLC_Team_Cit) April 13, 2022
Yahuwah wakalenga akusimpa nyika kutegwa itanikweendeendi. Kunyina niipilamuka nokuba kuzinguluka.
11/Ijulu Yahuwah ndyaakalenga ndiyumu alimwi livwunikide atalaa nyika yoonse. Eeco civwunisyo, ciitwa kuti mulengalenga mu Bbaibbele ncecitondezyo cilaantangalala ciinda zyoonse kwiiminina Nguzu Zyabulengi Zyakwe Zitamani. Mu Bbaibbele, civwunisyo cilalangwa akwaankamika kapati.
— WLC_Team_Citonga (@WLC_Team_Cit) April 13, 2022
12/Kukomba akutembaula Yahuwah munzila njatwaambila kumulanganya kuti ngo Mulengi wa Julu a Nyika, kulipanduludwe mu Bbaibbele. Kupindula mulangelenga/julu anyika Yakwe iitazungaani akubikka cimbi mucibaka cazyo, citondezya cibi cipati ali zyoonse ncotucita iswe notukonzya kufwa.
— WLC_Team_Citonga (@WLC_Team_Cit) April 13, 2022
13/Mu Jwi Lyakwe, tujana-
— WLC_Team_Citonga (@WLC_Team_Cit) April 13, 2022
1 Mulengi: Yahuwah
1 Wiimvwi akataa Yahuwah a muntu: mwaalumi uupedwe bulemu Yahushua
1 Nzila iisolweda kubuumi buteeli: nkusyoma lufu lugwisya cinyonyoono lwa Yahushua
1 Mulumbe mubotu: Mulumbe waambilizya Bulelo.
a civwunisyo Ciyumu/julu
14/1 Malengelo: Nyika iitazungi a civwunisyo Ciyumu/julu
— WLC_Team_Citonga (@WLC_Team_Cit) April 13, 2022
1 Kubbizyigwa: kunyikwa kunsaa meenda
1 Lusyomo
Mbuli mbotuli zilengwa leza zyakwe tatuzumizyidwe lwaanguluko lwa kupindula malailile Aakwe aakayoyelwa Moza. Walo ngo Mulengi alimwi swebo tuli zilengwe buyo.
15/Tatukonzyi kusalauzya kufumbwa ceelela mizeezo yesu cimvwika kabotu kuzwa mu Jwi Lyakwe akukaka citeendelani a 'zyakubeja nzyotweenwa kuti nduzyibo. Kasimpe kalijatene atusimpe tunjaanji. Komwekomwe kayiminina cibeela ca masimpe.
— WLC_Team_Citonga (@WLC_Team_Cit) April 13, 2022
16/Ikuti notukkwene maanu twaliyandila kukaka komwe kasimpe, nkaambo buyo kuti takeendelani amizeezo iyiisyigwa akuluulwa aabantu bayiide munyika, nkokuti twamukaka Taata. Kuti kacimvwikaanga nkusondoka kweendelana ciyiisya Bbaibbele aciyiisya 'basyaazyibwene ba zilengwa leza,
— WLC_Team_Citonga (@WLC_Team_Cit) April 13, 2022
17/Saatani ngo mubeji 'weena nyika yoonse.' Ciyubunuzyo 12:9. Wakacenga Bakristu kuti kunyina julu lyaanzikidwe,kuli mweenya uutakwe cintu a nyika iipilimuka akuzinguluka. Lubeta lwa Yahuwah ndwiito lusinsimuna kusowa mizeezo ya malengelo iinyongene njobatambwide 99.5% bantu.
— WLC_Team_Citonga (@WLC_Team_Cit) April 13, 2022
18/Inga twakkomanisya buti kunembo Lyakwe notukaka kasimpe ka malengelo akubikka kubeja kwa Saatani mucibaka cankako? Musunko 1 akataa yotatwe ngwakuti takuli biyo kusyoma Yahuwah kuti ngo Leza Omwe a Kristu kuti Mwanaakwe wabuntu wakabambwa camaleele mwida lya Maliya.
— WLC_Team_Citonga (@WLC_Team_Cit) April 13, 2022
19/Tuleelede akusyoma akutambula ceeco WALO ncaakaamba kujatikizya nyika amulengalenga, nokuba kuti tuyeeyela bwiindene. Tatukakonzyi kupasa musunko wabili awatatu wa Ciyubunuzyo 14, ikuti katuyumya nsingo kulamatila kubeja kwa Saatani kutucenga mbwiibambidwe nyika ajulu.
— WLC_Team_Citonga (@WLC_Team_Cit) April 13, 2022
20/Musunko wabili awatatu muyumu kwiinda musunko mutaanzi. Mumusunko watatu, bantu banji bayoojayilwa kaambo kakukaka kukwelelezyegwa. Kulikke kulomya kupasa musunko wabili awatatu nkupasa musunko mutaanzi akweempwa mizeezo ya Saatani,
— WLC_Team_Citonga (@WLC_Team_Cit) April 13, 2022
21/iikulwaizya kuti kwiina julu lyaanzikidwe a nyika iipilimuka akuzinguluka mbuli bbola. Ikuti cacituyumina eeco, inga twaakuzwidilila musunko 2 a 3 wiinda kuyuma uuzyaa kuswena?
— WLC_Team_Citonga (@WLC_Team_Cit) April 13, 2022
Lino camusalalila kapati basikwiiya Bakwe batonkomene ncobatakonzyi kujanwa mu Zikombelo ziwide.
22/Zikombelo zyamazubaano zyakawa [kakwiina kugwisyila nociba comwe] mukutambula akusumpauzya Saatani mukubeja bubambidwe nyika akuti kwiina julu. Eezi zintu zikulwaizya kweenwa Saatani.
— WLC_Team_Citonga (@WLC_Team_Cit) April 13, 2022
23/Luyando lwa kasimpe ka malengelo Aakwe lweelede kusolweda mizeezo amyoyo yesu, notuyaa kubaa camba kwaambila nyika yoonse kuti woola lya lubeta Lwakwe lyasika, aboobo atumuyoowe akukomba NGUWE, mbwaanga mulengi wanyika iitazeleembi amulengalenga muyumu waanzikidwe atala lyesu.
— WLC_Team_Citonga (@WLC_Team_Cit) April 13, 2022
24/Tuli kale mumusunko mutaanzi wa Ciyubunuzyo 14. Aabo bazwidilila musunkooyu bayookonzya kupasa musunko wabili. Tuzyi biyo basyoonto bapaside musunko mutaanzi awabili, pele tucilangila akulinda musunko watatu. Tulaa myaka misyoonto biyo kusikila akuboola kwabulemu kwa Kristu.
— WLC_Team_Citonga (@WLC_Team_Cit) April 13, 2022
25/Kukakatila kwesu akoongole akutawizuka kufumbwa ciyootucitikila akataa lino akuboola kwa Kristu. Buumi buteeli antoomwe a Yahuwah a Yahushua [anyika eeyi] bulindila basyomeka. Oobo buumi bulaa mpindu kapati kwiinda cili coonse ncotunga twasweekelwa kubbadelela buumi oobo.
— WLC_Team_Citonga (@WLC_Team_Cit) April 13, 2022