CIBALO 139
Ninzi cisyomezyedwe baabo balomba
akuyandaula zintu nzyobabulide?
“Uli woonse uulomba ulatambula, alimwi ooyo uuyandaula ulajana; kuli yooyo uukonkomona uyoojulilwa.” Mateyo 7:8.
Mbubuti Mufutuli mbwatondezya kuyandisya kwa Julu kwaabila baabo balomba?
“Nkabela, kuti inywe nobabyaabi, kamuzyi bwakupa zintu zibotu kubana benu, hena ono Taata wenu uuli kujulu inga taainda aawo kupa zintu zibotu kuli baabo balomba Nguwe?” Mateyo 7:11.
Muuzina nzi motweelede kupa mipailo yesu kuli Yahuwah?
Alimwi kufumbwa ncoyoolomba Muzina Lyangu [Yahushua], Ime ndiyookucitila, kutegwa Taata akalemekwe mu Mwanaakwe. Kuti walomba cili coonse Muzina Lyangu, Ime njoocicita. Johani 14:13-14.
Ninzi ncokuyandika kumulomba Yahuwah zintu zyoonse eezi?
“Cipego cibotu
cili coonse alimwi acipego cilondokede cili coonse zizwa kujulu, zilaseluka kuzwa
kuli Taata wamimuni yakujulu ooyo uutasanduki naa kucinca mbuli zimvwule
zicinca-cinca. Jakobo 1:17.
Muunzila nzi eezi
zipego mozitambwidwa?
“Uli oonse uulomba ulatambula.” Mateyo 7:8 “Nkabela, kuti inywe nobabyaabi, kamuzyi bwakupa zintu zibotu kubana benu, hena ono Taata wenu uuli kujulu inga taainda aawo kupa zintu zibotu kuli baabo balomba Nguwe?” Mateyo 7:11. “Alimwi kufumbwa ncoyoolomba Taata Muzina Lyangu, Walo uyookupa.” Johani 16:24.
Hena tweelede kupaila kuli Yahuwah.
“Njoopaila mumuuya, alimwi ndilapaila mumoyo wangu cakuteelela amwalo.” 1 Bakolinto 14:15.
Ninzi ncayelede kusanganya mumipailo yakwe uukomba?
“Amucenjele; pele muli zyoonse zyamipailo akukombelela kuti mubikkilizye kulumbaizya akuzyibya nzyomuyanda kuli Yahuwah.” Filimoni 4:6
Ninzi cikonzya kwiindulukwa mukulombesya kwesu, kutegwa tukkomanye Yahuwah?
“Kunze lyaboo, kuti kakwiina lusyomo tacikonzyeki kukkomanya Nguwe; nkaambo ooyo uboola kuli Yahuwah weelede kusyoma kuti Nkwali alimwi Nguulumbula baabo bamuyandaula cabusungu”. BaHebulayo 11:6.
Hena kuli mipailo yeelede kwiindulukwa antangalala kutegwa bakumvwe bantu?
“Pele ciindi nomupaila, mutani
kwaambi majwi ngeena cakwiinduluka mbuli bantu bamasi mbobacita,;nkaambo
bayeeya kuti bayoomvwugwa ikuti babelesya
majwi manji.” Mateyo 6:7.
Ninzi ceelede kusolweda mipailo yesu, kutegwa tumukkomanye Yahuwah?
“Kunze lyaboobo, ikuti kakunyina lusyomo tacikonzyeki pe kumukkomanisya Yahuwah; nkaambo ooyo uuswena afwaafwi kulinguwe weelede kusyoma kuti nkwali ncobeni akuti nguulumbula baabo bamuyandaula cabusungu. Bahebulayo 11:6
Ino Lusyomo oolu lweelede kuyuma buti?
“Ncencico eeci
ncendimwaambila kuti: Zyintu zyoonse nzyomupailila akulomba,
amube alusyomo lwakuti mwazitambula kale, eelyo muyoozitambula ncobeni.”
Maako 11:24.
Notupailila kulekelelwa, mbubuti mbotweelede kulimvwa kujatikizya baabo batubisyila?
“Alimwi nomwiimikila akupaila, amulekelele kufwumbwa muntu ncaakamubisizya, kutegwa awalo Uso wanu uuli kujulu akonzye kumulekelela milandu yanu.” Maako 11:25.
Ninzi cinga calangilwa kuti tiitwacita oobo?
Pele kuti kamutalekeleli, awalo Uso wenu uuli kujulu takonzyi kumulekelela zibi zyenu”. Maako 11:26.
Ninzi ncotweelede kucita kuti katuli mumapenzi?
“Hena kuli uuciswa akati kenu? Kapaila ooyo. Jakobo 5:13.
Hena tweelede kupaila camaseseke na?
Pele nywebo ciindi nomupaila, amunjile muŋanda yanu, alimwi mwajala mulyango, amupaile kuli Uso uutalibonyi; Mpoonya Uso uubona maseseke oonse uyoomupa bulumbu caantangalala.” Mateyo 6:6.
AMUCENJELE: Kuyandika mipailo yamaseseke tacili cintu cakwaamba buyo, mbobuumi bwa muuya.
Kucibaka nzi Mufutuli ooko nkwaakaya kuti akalyookezye mumipailo yamaseseke?
“Lino naakamana kumwaya makamu aabantu, Walo wakatanta acilundu alikke kuyoopaila : nkabela eelyo mangolezya naakasika, Walo wakaliko kuya alikke.” Mateyo 14:23
Pele kuti twalijana akataa bantu basulaika mipailo, nokuba kukaasyigwa kupaila, hena tweelede kuleka cilengwa cesu cakupaila na?
“Lino Daniele naakazyiba caamba mulazyo ooyo wakasimbwa, wakaunka kuŋanda yakwe: nkabela mpulungwido zyakuzyuli kwakwe kazijulidwe kugama ku Jelusalema, wakafugama amagondo aakwe ziindi zyotatwe abuzuba, akupaila akupa kulumbaizya kuli Eloah wakwe, mbuli mbwaakali kucita kale.” Daniele. 6:10.
Ninzi caambwa kujatikizya Cornelius amukwasyi wakwe?
“Mulombwana uukubwene, walo uyoowa Yahuwah abamuŋanda yakwe boonse, wakalikupa zyaabilo zinji kubantu, akupaila kuli Yahuwah lyoonse.” Incito 10:2.
Hena Basyomi baapositoli bakalikubwene kuyandika kupaila? Hena bakali kubunga kuti bapaile na?
Naakamana kuyeeya kaambo aaka, wakaunka kuŋanda ya Maliya banyina Johane ooyo uutegwa Maako, ooko kwakabungene bantu banji kabapaila.” Incito 12:12.
Ziindi zyongaye mwaapositolo naambila mbunga yacikombelo kuti ipaile?
“Kamupaila lyoonse
amipailo yoonse akulitolaansi mu Muuya.” BaEfeso 6:18.
Ino ulyaamba buti lwakwe kujatikizya ceeci acibaka cimbi?
“Amupaile cakutaleka.” 1Tesalonika. 5:17.
Mumukonzyanyo wa mukamufu uuzumanana, nkaambo nzi mubetesi nkaakapeda kuti avwiile kukombelezya kwakwe?
“Nokuba kuti nsyeyoowi Yahuwah, nokuba kulanganya muntu; pele nkaambo ooyu mukamufu wandikopa, nkabela Ime njoomujokezyela, nkaambo inga kayoozumanana kuboola akundikatazya ime.” Luka 18:4-5.
Mbubuti Mufutuli mbwabelesya mukonzyanyo ooyu?”
“Mpoonya Mwami wakati: “Amumvwe ncaakaamba mubetesi ooyo nokuba kuti taluleme!
Aboobo hena inga Yahuwah takajokezyeli basale Bakwe bakwiilila Nguwe isikati amasiku, nokuba kuti ulabakkazyikila moyo?” Luka 18:6-7.
Ninzi acimwi Mufutuli ncaamba kuvwiila mubuzyo Wakwe aawa?
“Ndamwaambila lino kuti Walo uyoobakosweda makani cakufwamba mubululami.” Luka 18:8.
Mubuzyo nzi ngwabuzya Mufutuli mpeenya aawo?
“Nokuba boobo, Mwana
wamuntu aakuboola, sena masimpe uyoolujana lusyomo luli
boobu anyika?”
Hena ooyu mukonzyanyo waapedwa mulimo nzi?
“Mpoonya wakabaambila
cikozyanyo citondezya mbobakali kuyandika kupaila lyoonse akuti bataleki, kuti
bantu beelede kupaila lyoonse akutalekezya.” Luka 18:1.
Ninzi acimwi Mufutuli
ncaakasiya cilaa mpindu kuli baabo banoopona mumazuba aakuboola Kwakwe kwabili?
“Aboobo
amupakamane lyoonse, kamupaila mipailo yakukombelezya ciindi coonse kutegwa
mukakonzye kufwutuka muzyintu zyoonse eezyo zyeelede kucitika akwiima kumbele
lya Mwana wamuntu.” Luka 21:36.