1/NDILILI, MUUNZILA NZI, alimwi NKAAMBO NZI Yahuwah ncayoobbama milomo iisungilizya kusyoma "nyika ibambidwe mbuli bbola'? Masimpe kuti Bbaibbele ndibbuku lyaamba nyika iibandalele. Aboobo, muzeezo wamaanu kuti, bubambe bwanyika buyootola cibeela cipati, kuutanagola musela uuno
— WLC_Team_Citonga (@WLC_Team_Cit) April 9, 2022
2/Mutaanzi kusungilizya nyika mbuli bbola wakali Pythagoras wamusela 6 kataninga zyalwa Messiah. Bamatata ba Cikombelo cina Plato bakuuzumina muzeezo. Mpoonya, wakaba lusyomo lwa Bunakristu. Kanjaanji majwi aabasyomi akalilaukila muzeezo ooyu; cuusisya ncakuti bakawuntuluzyigwa
— WLC_Team_Citonga (@WLC_Team_Cit) April 9, 2022
3/BaJuuda aba Mozilemu basyoma Nyika ilipapalele, ya Cizuminano Cakale amu Quran. Mumyaka 500 yakainda, Nyika iipapalele yaakakwa akusumpya nyika iikoya bbola. Kulangisya mazubaano 99% bantu basyoma nyika ili mbuli bbola. Nciiyo ciswaanganya bantu antoomwe canyika mbuli Bbola.
— WLC_Team_Citonga (@WLC_Team_Cit) April 9, 2022
4/Mumuzeezo wanyika iili mbuli bbola, Saatani wakazandula Yahuwah a zilengwa leza, a kusulaika kasimpe ka Nyika iipapalele. Sunu, Bbaibbele talicibelesyegwi kululamika lwiiyo lwa zilengwa leza. Lyakaba bbuku lya tulawolawo atwaano tukkomanisya; talibelesyegwi kupandulula nyika.
— WLC_Team_Citonga (@WLC_Team_Cit) April 9, 2022
5/Saatani wakazunda Yahuwah KAINDI KASYOONTO BUYO. Yahuwah uyoozunda muzeezo wanyika iikoya bbola akuuzyozya banji batabaligwi kuli Nguwe, akukasimpe Kakwe: 'Ma, mbupati buvwubi, busongo aluzyibo lwa Yahuwah! Mbeta Zyakwe tazyilangiki aziyanza Zyakwe tazitobeleki!' Baloma. 11:33.
— WLC_Team_Citonga (@WLC_Team_Cit) April 9, 2022
6/Lino, atusumpauzye mweenya waankamika ngotukkede mujungusi lyawo. Mu Bbaibbele, kulenga mulengalenga uuvwunikide nyika wakali mulimo weebeka kutondezya nguzu zya Yahuwah. Kunyina ciinda bupati bwa nguzu Zyakwe zyakulenga mulengalenga. Cilanyandya cileebeka akutapandulukika.
— WLC_Team_Citonga (@WLC_Team_Cit) April 9, 2022
7/Mulengalenga uli ziindi 7 mu Matalikilo 1. Muci Hebulayo mulengalenga ngu raqia, muyanda wabbala lya raqia wiiminina ‘kuumauma naa koololola.’ Mulengalenga wiimvwi nji wakalengwa muli bwabili kumalengelo, Yahuwah wakauti 'ndijulu.' Ijulu amulengalenga mabala aacincauzyigwa.
— WLC_Team_Citonga (@WLC_Team_Cit) April 9, 2022
8/Ntumpango twa Bbaibbele twa cilengwa leza ciyumu ceebeka: - Inga wayala talabalanga lyajulu Anguwe, wakaanzika majulu, Mayumu mbuli bbulo lisyomekwa libekema cimbonimboni? Joobo 37:18 - Julu litondezya bulemu bwa Yahuwah; Julu litondezya mulimo wa maanza Aakwe. Intembauzyo 19:1
— WLC_Team_Citonga (@WLC_Team_Cit) April 9, 2022
9/#Amumutembaule Yahuwah!Amutembaule mucikombelo cakwe. Amumutembaule munguzu zyamajulu aakwe! Intembauzyo 150:1- Nguukkede atala lyamubalo wanyika, Nkabela bantu bali mbuli nsozi. Ngonguwe uuyala ijulu mbuli cisitilizyo akuliyanika mbuli itente lyakukkalila mumo. Izaya 40:22
— WLC_Team_Citonga (@WLC_Team_Cit) April 9, 2022
10/Mulengalenga ncibumbwa cikulwaizya bweebesi kubantu Bakwe mumisela yoonse. Bakakkala cakuliiba mukasimpe kakuti eeco cibaandaanya kuzwa kuli Yahuwah, mulengalenga atala lyabo uutali kulaale pe. Mulengalenga muyumu ncecintu cakabakulwaizya kukkazyika camba akusyoma mu Mulengi.
— WLC_Team_Citonga (@WLC_Team_Cit) April 9, 2022
11/Mazubaano mumizeezo yabantu 99% nyika yoonse kunyina mulengalenga pe. Uli buyo mutwaano twakusobana mu Bbaibbele twakapasununwa mulwiiyo lwa 'zilengwa leza.' Mulengalenga waanzikidwe atala nyika iitazungaani, mucibaka cawo kusendekezyegwa buyo mweenya uutagoli uutakwe cintu.
— WLC_Team_Citonga (@WLC_Team_Cit) April 9, 2022
12/Pele eeco cilaafwi kucinca. Bbuku lya Ciyubunuzyo lyaambilizya [citola busena], akunyonyweeda limwi muzeezo wa 'nyika iibambidwe mbuli bbola', wabaabo bakeenwa alucengo lwa Saatani. Yahuwah muli COMWE buyo, uyoozimaanya kubeja ooko Saatani nkwaakasungilizya mu zyuulu zyamyaka.
— WLC_Team_Citonga (@WLC_Team_Cit) April 9, 2022
13/Icintu ciyootola busena cinamatizyo ca cisambomwe caakujulwa: #'Ndakalanga naakanamatula cinamatizyo cacisambomwe, kakuli muzuzumo mupati wanyika, izuba lyakasiya mbi mbuli cisani caboya cisiya, mwezi wakasanduka mbuli bulowa, inyenyeezi kujulu zyakaloka ansi mbuli mukuyu...
— WLC_Team_Citonga (@WLC_Team_Cit) April 9, 2022
14/ ..mbuuwisya micelo kiitana bizwa, wazungaanyigwa luwo lupati. Ijulu lyakalivwungaika mbuli bbuku mbulivwungaila, zilundu zyoonse atusumbu toonse zyakalonzegwa kumasena aazyo. Mpoonya bami baansi abeendelezi abasinkondo bapati abavwubi abasinguzu abantu boonse nibaba bazike...
— WLC_Team_Citonga (@WLC_Team_Cit) April 9, 2022
15/nibaba bazyale bakalisisa mumigodi amumampangala aamumalundu, akwaambila malundu amandomba kuti, Amutuwide, mutusise kubusyu bwayooyo uukede acuuno cabwami akubukali bwa Mwanaa mbelele!' Ciyubunuzyo 6:12-16 Kuyoocitika zintu ziyoosya mu cinamatizyo ca cisambomwe.
— WLC_Team_Citonga (@WLC_Team_Cit) April 9, 2022
16/Cintu ciinda kukankamya nkuvwumbuka mulengalenga mbuli bbuku livwungailwa. Caakucitika kuvwuuma akuyobeka kuyoomvwika kuyoosya kapati. Ijulu liyoolivwungaika, Yahuwah uyoolibonya kakkede acuuno cabulemu, kululyo lwakwe kuyoolibonya mwaalumi uubekema mubulemu Yahushua Messiah.
— WLC_Team_Citonga (@WLC_Team_Cit) April 9, 2022
17/Nkaambo bantu boonse bakkalaa nyika iipapalele, aciindi comwe bayoomubona ntongola meso Yahuwah a Messiah. Eelyo muzeezo wanyika iibambidwe aanga ndibbola uyooyabaila akumwaigwa mumizeezo amyoyo yabaabo basyoma kapati kuti aayo masimpe aatadonaikwi mulwiiyo lwa zilengwa leza.
— WLC_Team_Citonga (@WLC_Team_Cit) April 9, 2022
18/Eeco cintu caakucitika, ciyoojula mulyango akukukkula zintu zibotu zinjaanji kulubazu lwa Yahuwah: - Bana Isilayeli bayoolyeempa zibi zyakusulaika Messiah ngubakacili kulindila. Bayoobona nembo nzyaakagagaidwe. Banoolibambide kutambula Kristu bwakaambilizyigwa mu Mateyo 23:39
— WLC_Team_Citonga (@WLC_Team_Cit) April 9, 2022
19/Ba Mozilemu basyomeka lino bayoozumina lufu lwa Kristu kufwida zinyonyoono zyabo, ooyo ngubaali kukaka kusikila waawo. Bayoobona nembo ali Kristu, kakkede munsaa Leza Omwe ooyo ngobasyoma. Lino bayoolizakamuna kukaka bupaizi bwa Izilamu akukonkezya lusyomo lwabo muli Kristu.
— WLC_Team_Citonga (@WLC_Team_Cit) April 9, 2022
20/Banakristu basyomeka bayokweempwa kusyoma Baleza botatwe baakubona Yahuwah alikke ukkede acuuno cabulemu a Kristu kamweka bulemu kaimvwi kululyo. Bayoomvwisya kuti taakapona kataninga zyalwa. Bayoomvwisya kuti Muya Uusalala Muya wa Yahuwah, tali leza watatu weelene aanguwe pe.
— WLC_Team_Citonga (@WLC_Team_Cit) April 9, 2022
21/Bakomba mituni basyomeka abakaka kuti leza nkwali bayookankama akugonkelwa baakubona mulengalenga walubulo nkuuvwungaika kubulemu bwa Yahuwah a Kristu. Bayookonka kuyandaula kasimpe akulibbakamuna kuboola kulubazu lwa Yahuwah akutambula lufu lwa Kristu lunununa kuzwa ku zibi.
— WLC_Team_Citonga (@WLC_Team_Cit) April 9, 2022
22/Tatuzyi naa nciindi cilamfu buti julu lyalubulo nolinoojulikide. Kunooli ntunzumina tongaye naa mawoola mbwaabede. Pele lyaakuvwumbila, basimalelo banyika, kabasolwedwa aa Saatani, bayootanga nkondo kulwana kasimpe awutobela lubazu lwakasimpe. Zyuulunzuma zyabantu bayoojaigwa.
— WLC_Team_Citonga (@WLC_Team_Cit) April 9, 2022
23/Ciyootola ciindi cisyoonto [cipimwa myaka] kuzwa akujula cinamatizyo cacisambomwe kusikila kumamanino aacinamatizyo ca ciloba, akumaninizya mukuboola kwa Kristu kuzyoolela bulelo buteeli bwa Yahuwah. Kuvwumbuka julu mbuli mulembo kuyokwiinda zintu zyaakacitika mumisela yoonse.
— WLC_Team_Citonga (@WLC_Team_Cit) April 9, 2022
24/Kuvwungaika julu kuyootalisyigwa aa Yahuwah kutegwa zyoonse zikeelane akusunka boonse. Caakwiinda eeci kucinoonyina uutikataminine kuti kunyina ncazyi. Cimwi ciyoosunka boonse ciyoobonwa abantu boonse aciindi comwe. 'Ma, mbupati buvwubi buli mubusongo bwa Yahuwah'. HALLELUYAH
— WLC_Team_Citonga (@WLC_Team_Cit) April 9, 2022
25/Kwiinda mukuvwumbula mulengalenga, Yahuwah uyokwaangulula basyomeka Bakwe boonse bayandaula kasimpe kuzwa mutooze tubatundulula mazubaano. Eelyo bayoolombozya kufwa kwiinda kuti badukwide syule kukasimpe.
— WLC_Team_Citonga (@WLC_Team_Cit) April 9, 2022