|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kuswata Nyika yamu Bbaibbele iili akatikati ka mulengalenga, a mulengalenga uuvwunikide atalaa njiyo, ncintu ciyandika kapati ciyubununa kasimpe, nkaambo eezi zintu zilafwamba akumaninizya kupasununa bucenjezu, lweeno, akubeja kujatikene mu kusyoma akutambula muzeezo uuna Darwini wakuti zuba ndelili akataa mulengalenga.
|
Izintu zisyomwa munyika yoonse izyakalengelezyegwa aa buleya, ziligagambide kapati akunyonwanyonwa mu mizeezo ya baabo bazyalwa kabayiisyigwa zya nyika; bunji bwabaabo bakakomezyelwa kabali mu mpuwo ya zintu eezyo, tabakonzyi kumvwisyisya bupati bwa mulimo ooyo Ime abamwi banjaanji ngotubeleka limwi ambabo cino ciindi kuti tusindinganye kutondezya zintu eezyo.
Mukubala makani aa Bbaibbele aakuti Nyika Ilaakatikati ka mulengalenga alimwi mulengalenga kuuvwumbide atalaa njiyo, ncintu ciyandika kutegwa kuyubununwe kasimpe, eeyi mizeezo ilakonzya kufwamba akumaninizya kudibaula lweeno, lucengo, a bubeji bujatikene akutambulwa mu lwiiyo luna Darwini lwakusungilizya kuti izuba ndelilaakatikati ka mulengalenga. Aaya makani alakonzya kumwayulula kupelengusya kuyiisya ooko malelo aanyika nkwaakasisikizya kusyanga mumizeezo ya baabo baangilidwe mu lwiiyo lwabo. IBbaibbele mbuli mbolili kasensa ka luzyibo, lilijisi nguzu zya kukwabilila bantu a cceba lya lwaanguluko, eezyo zikonzya kubaangulula kuzwa kukudyakaizyigwa. Mulumbe mubotu, ncobeni, ulaa nguzu zya kwaangulula bazike kufumbwa kuti aabo bazike kabayandide lwaanguluko.
Mukubula coolwe, bunji bwa bantu tabakubwene kuti balisinkilidwe, alimwi aboobo, tabakonzyi kumvwisyisya zitondezyo azyeezyo nzibaasiya musyule aabo bakasoleka akati kesu kwiiya maseseke aaya, akuzyoka kuti tuzyikwaabanye kuli mbabo. Swebo twakabbukizya kuti bunji bwabo bakobelela buyo aasyoonto kuteelela bwiinguzi bwa zintu zikopa boobo. Kabatabikkide maanu, mbasyoonto bakonzya kumvwisyisya kupelengusya, ambweni bakazezulwa maanu aabo kunzaa bweende bwa nyika mpya. Aboobo cintu citobela ncakuti, bunji bwabo tabayandide, nokuba kubikkila maanu kuvwuntauzya mukondo wazintu eezyo nzitwaabbukizya. Aaya maseseke ncencico banjibanji ncobatakubwene kuti kuli nguzu nzyobataninga mvwisyisya, eezyo zilwana mukowa wabantu kwa zyuulu zya myaka, akuzumanana lwiiyo lwa busongo bwaa nyika abupaizi bwa kubeja.
Ime inga ndaba mutaanzi kuzumina kuti cilangikaanga ncintu ciyumu kusyoma kuti lwiiyo luna Darwini lwakuti izuba ndelili akataa mulengalenga, kuti lubonwe kuti nducengo lwakalengelezyegwa, akusungilizyigwa, akusumpauzyigwa kwa myaanda-myaanda ya myaka abaabo basisikizya akukamantana mumakanze omwe: kujuzya nyika kuli Lusifa ooyo ngobakomba mbuli leza. Makanze aabo nga kukamantanya nyika yoonse kuti yeendelane mu bweende, mu bupaizi, mumakwebo, mu lwiiyo, amumfulumende kwiinda mumbungano ya (United Nations) eeyo yuukwete kweendelezya mulimo ooyu pele aakale kuti ikawulekele kubweendelezi bwa simukazya-kristu, leza uutali waanyika. Ncobeni, zintu zili boobo zisyomwa zilangika kukondelezya akuyeekezya cintu eeco umwi muntu ncanga walangila ikuti bamuyasa ndonga zya misamu iikola mpoonya bamujalila mukaanda katakwe mulyango kakwiina cimvwika kuzwa anze; alimwi nokuba boobo, kasyoma nokuba kutasyoma, kuti eeci ncencico cini aabo balupatipati abalo ncobasyoma, nokuba ncobalidunda caantangalala anyika kuti ncencico cini eeco ncobakanzide kucita.
Inzya, cimvwika kuba ca busondosi. Pele, nkaambo kakuti iwoola lilaafwi kugola, alimwi akaambo ka kulidunda kwabo, tabakombeleli nokuba kusisa milimo iili boobo alimwi basyoma buyo kuti bantu baanyika tabacinookonzyi kubalesya. Ooku kusyoma boobu ncencico ncobalidunda caantangalala kujatikizya makanze aabo eelyo nobatundulula bantu. Kulitukumuna atalaa bantu baanyika, ncencico cibapa kuululusya ndembela ya mbungano ya (United Nations) eeyo yiiminina mfulumende yeendelezya nyika yoonse, iijisi antoomwe cifwanikiso ciluleme ca nyika mbwiilengedwe bwini. Kuli mbabo, indembela ya (United Nations) yiiminina kuzwidilila kuzunda nyika yoonse. Mbweenya buyo sinkondo mbwanga waimikizya ndembela yakwe atalaa cisi ncaakakoma, a cooko, nokuba mfulumende njaakazunda; ooku kwiimikizya ndembela abuzuba kwa mbungano ya (United Nations), kwiiminina citondezyo kuli baabo bazyi kuti eeyo nkamu yamaseseke ya tubungabunga tusyoonto ya (Freemasoni) yakazuzika muzeezo ookwa Pike wakulwana nkondo zyotatwe akukamantanya nyika yoonse mubweendelezi bwa nyika mpya bomwe.
Kuulusya ndembela iitondezya Nyika mboyiimvwi bwini, atalaa masi aakamantene, kuti ngo mutwe wa bweelendelezi bwa mfulumende yaanyika yoonse, eeco ncintu citondezya kuti badyaaminide nyika yoonse, alimwi, munzila ya masesya imwi, kusyoma kwa bantu kuti zuba lili akatikati ka mulengalenga woonse, ooko nkuziluka kwinikwini. Kuulusya ndembela zili boobo takuli buyo kulidunda bweendelezi akusumpuka atalaa nyika, pele a mweelwe wa kupelengusya lweeno lwabo, kapati eelyo nobakazya ceeco ncotulibonena ameso eesu kuti cili masimpe.
Muzeezo uuna Darwini wakuti zuba ndelili akatikati ka mulengalenga wakasolweda bantu banji kuleya kubala mulumbe mubotu kwiinda muzeezo uuli woonse.
|
Muzeezo uuna Darwini wakuti zuba lilaakataa mulengalenga, uli kumbele kwiinda muzeezo uumbi uuli woonse, ooyo wakasolweda bantu banji kuti baleye munzila akuleka kubala mulumbe mubotu. Eeci ncecipandulula kaambo keni cifwanikiso ca nyika iipapalele ncocibikkidwe atalaa ndembela ya UN alimwi eeco citondezya ncokuyandikila kuvwuntauzya kapati mukugwasyilila musela uuno kuti usinsimuke. Cimwi cipati kapati kwiinda buyo kuzyiba kuti nyika ilipapalele alimwi ivwunikidwe kunsaa mulengalenga uuvwukumene, nkuyubununa kuti Taata a Mwana bakkede atalaa mulengalenga ooyo.
Kwiinda buyo kubbejela kuti zintu zyoonse zilalicitikila mukubaa coolwe, swebo tulikamantene eelyo nyika niiyaa kuya kumbele ku mamanino aayoo aayaa kulibonya kaayoosya akucumba basofweede. Aciindi nceenya, eeci ciyoosolweda mamanino aacishinshimi aalibotela ku baluleme. Kunze lyaboobo, muciindi cakuti mamanino akabe aakukamantanya nyika yoonse mumafunze aa mfulumende yaanyika mpya, alimwi a mubuzike ku mfulumende iidyakaizya bantu, iitasyomi leza, yeendelezyegwa aabaleza bamuzwa kule, twasika aciindi caa magolokelo mumusela wanyika aawo Mwana Simuzyalwaalikke wa Mulengi, Yahushua Mufutuli Messiah, nazyokela kuzyooyobolola butebuzi Bwakwe, akujokolosya bweende bwa zintu bululeme. Walo uyoolesya kuungwawungwa kwakuyeeyela baleza botatwe mu mubili omwe. Boonse aabo bajatikene akutola cibeela mukusumpauzya akuyungizya busofwaazi, kufumbwa naa mbangele nobaba bantu, boonse bayoobetekwa kweendelanya amilimo yabo iisofweede akupelengusya kwabo.
Alimwi eelyo bunji bwa bantu nobacikaka kuti nyika ilipapalele akuvwumbililwa aamulengalenga uuvwukumene, mbuli mutwe wa makani, aayo aajisi bulemu bupati bwakujanya lufutuko kuli bamwi, masimpe ngakuti oolu luzyibo nga masimpe alimwi luli mumulawo kujana lufutuko lwa banjaanji. Ime mbweli muntu uugatela, mulanda, uusanzya matende aa SInguzusyoonse Yahuwah, Ime njanda kuyubununa makani aamutwe woonse aaya mbuli kasimpe, nokuba kuti alakonzya kulibonyaanga nga masesya, nokuba kumvwika kubula mulemeko kuli bamwi. Kuyubununa kasimpe munzila iili yoonse ncibeela ca mulimo wa muntu uugatela, ncintu ncatumidwe kucita, alimwi nga makanze aakwe kapati muciindi cino atalaa nyika eeyi.
Mbanji baliko cino ciindi bakugwasya baabo benu bayanda kuteelela akuboola kukwiibaluka aawo mputwakaleya akuwa kuzwa mu ciimo cesu citaanzi. Ikaambo keni ncotuli anyika iiwide aano, muciimo cesu cino ciindi, nkumvwisyisya kuti tuli bantususu babambidwe muciimo ca Taata Mubumbi wesu.
Kondeenzya mulusinizyo lwako, undiiyisye, Nkaambo nduwe Leza walufutuko lwangu; Buzuba boonse ndakulangila. - Intembauzyo 25:5
Tuma mumuni wako alusinizyo lwako, Zindeenzye akundisisya kucilundu cako cisalala akucikalilo cako! - Intembauzyo 43:3
Njiiyisya inzila yako, O Yahuwah, kuti njeende mulusinizyo lwako; Mbe simoyo omwe kukulemeka izina lyako.- Intembauzyo 86:11
Nkabela bakamutumina basikwiiya babo aba-Heroda, bakati, Mufundisi, tulizi kuti uli musyomesi, ulaiisya inzila ya-Leza cakusinizya, tolikataazyi bantu, nkaambo tolangilili busyu bwabantu. - Mateyo 22:16
Awalo Ijwi wakalifungula waba mubili wabuntu uwakakalakala akati kesu, uwakazywide luzyalo abwini, aswebo twakeebela bulemu bwakwe, bulemu ububa anga mbwa-Mwana uuzyalwa alike kuli-Wisi. – Johane 1:14
Nkaambo mulawo wakapegwa Musa, pele luzyalo abwini zyakazwa kuli-Yahushua Kristo. - Johane 1:17
…Yahushua wakabaambila ba-Juda abo abakamusyoma kuti, Mwajatisya majwi aangu, ncobeni mwaba basikwiiya bangu, alimwi muyooziba bwini, abwalo bwini buyoomunununa.” - Johane 8:31-32
…Ndime nzila, ndime bwini, ndime buumi. Takukwe uuza kuli-Taata, pele mulindime. - Johane 14:6
Nkaambo majwi ngookandipa ndakaapa mbabo. Bakaatambula, bakazibisya kuti nkasimpe ndakazwa kulinduwe, bakasyoma kuti nduwe owakandituma. - Johane 17:8
Ubasalazye abwini bwako, ijwi lyako mbobwini. - Johane 17:17
O Yahuwah, ngwani uukonzya kusekelezegwa mucilao cako? Ngwani uukonzya kukala mucilundu cako cisalala? Ngonguwe uuenda cakulondoka akucita bululami, Uuamba lusinizyo mumoyo wakwe; - Intembauzyo 15:1-2
Nzeezi incito nzimweelede kucita, Amwaambe lusinizyo umwi aumwi kumweenzi nyina, Imbeta nzimubeteka kuminzi yanu zibe zyabuswini azyaluu-muno; - Zekaliya 8:16
Nkaambo kaako amuleke bubeji, mwaambe lusinizyo umwi aumwi kumweenzinyina, ikuti toonse tuli basizizonyina mumubili omwe. - BaEfeso 4:25
Nobana bangu, luyando lwesu lutabi lwamajwi buyo niluba lwalulumi, lube lwamulimo alwalusinizyo. - 1 Johane 3:18
Mitwe yamajwi aako ndusinizyo. Imbeta zyako ziluleme zilakalilila lyoonse. – Intembauzyo 119:160
Mbukanze bwakwe mwini mbwaakatuzyalila mumakani aalusinizyo, kuti tukabe mbuli bakabalwebalwe babaabo mbalengede. - Jakobo 1:18
Anywebo mwakaswiilila ijwi lyalusinizyo, Makani Mabotu aalufutuko lwanu, elyo nimwakazuminina nguwe mwakabikilwa citondezyo, nkukuti Muuya Uusalala ngutwakasyomezegwa kale. Oyu Muuya nguwenya ncecitondezyo calukono lwesu ncitwapegwa sunu mane do kusikila kuciindi ncituzoolya lubono loonse akutembaula bulemu bwakwe. - BaEfeso 1:13-14
Lino yeeya kuzwa nkowakawida, uempwe akucita milimo yako yakusaanguna. Kwataba boobo, nzooboola kulinduwe cakufwambaana, nkagwisye cibikilo celampi lyako kuzwa kubusena bwaco, mane uempwe. – Ciyubunuzyo 2:5
Kondiyeekezya kuti naa kakuli ciyubunuzyo comwe ciinda kukomena kwiinda cakumvwisyisya cintu comwe kuti swebo tuli akataa mulengalenga woonse. Tubambidwe mu cinkonzya ca Mulengi wesu. Walo wakatuyanda kapati cakuti Walo wakatupa kulisalila kupona munyika eeyi iilibonya. Walo wakatuma Mwanaakwe Mwini kuzyootunununa kwiinda mukululamika kuwa kwesu, pele cintu cipati kwiinda zyoonse, Walo ulazyokela linolino kuzyoomanya busofwaazi akulwana munyika eeyi. Walo uyoofwambaana kukosola mangwemba aabubeji akujokolosya bululami muciga cibweelede, akumaninizya mbeta kuli boonse. Kutali biyo kuli baabo babombe myoyo abatakwe nguzu, pele akuli baabo balilanganya kuti tabeendelezyegwi aamilawo, aabo beeleba bululami, bavwubi bakali kupindulula mbeta zya mulawo.
Eelyo malelo aanyika eeyi aakuba malelo aa Simalelo a Mwami wesu, baluleme bayoolelekwa akubaa ciindi cibotu ca kunjila mu lufutuko. Walo uyookwaabila, omwe omwe akati kesu, akutupa lukono luteeli oolo luguminizya buumi bwa kukkala mu Paladaisi a Nguwe kukabe kutamani lyoonse. niilangwa mbuli ciiyo, nyika iipapalele niijatikizya ziyubunuzyo zya lubeta azipego zya lufutuko, inga yapasununa lusyomo luna Darwini lwakuti zuba ndelili akataa mulengalenga oolo lutakubwenwe kubantu banjaanji mucibeela cipati ca maumi aabo. Ooku kusyoma kwakasolweda bunji bwa mukowa wa bantu ku kutamvwisyisya mbotulengedwe bwini muli lwesu a zilengwa leza zyaanyika zilengedwe nsini. Balo bayanda kuti swebo katusyoma kuti twakalibedelela kwiinda mukusandauka kwa zilengwa leza.
Kalikke kaambo keni ncokuli buumi nkakuti, Inyika kweendelanya mpiikkede mbuli bwaambwa mu lwiiyo lwa zilengwa leza kuti mpaa cooko ca Goldilock, abusena aawo nyenyezi iili yoonse mumulengalenga mpiibambilila kuti inyika eeyo iikkede mpawo ikonzye kubaa buumi mucooko eeco. Inyika iili mubusena oobo tiikonzyi kunjila mubuyumuyumu bwakuumpwa nkaambo kakuba munsaa zuba nokuba kuba kulaale a zuba. Balo bazumbauzya kuti nyenyezi iili yoonse iilibonya mumulengalenga wa masiku, kunooli ibambidwe mbuli zuba, akuti nyenyezi yomweyomwe ilakonzya kubaa mulengalenga wayo uuzinguluka njiyo kwiigaminina. Nyenyezi iili yoonse ilakonzya kulengelezya akugwasyilizya buumi buyaa kusandauka kusikila ambaakani eeyo njotubona aNyika iino. Kulangila kuti inga kwaba buumi kucooko kumbi kunze lya ansi aano, ncintu citadonaikwi kweendelanya ansaamuzi zya basyaazyibwene ba zilengwa leza. Mu kuyeeyela kwabo, ikaambo keni takali kakuti naa kuli zilengwa leza ziputauka kunze lya ansi aano, pele nkakuti naa eezyo zilengwa leza zilisumpukide kale kwiinda busongo bwa mukowa wa bantu, mumaanu, mukukonzya kucita zintu alimwi naa zilisumpukide kwiinda ndiswe?
Nyika iipapalele a mulengalenga uuvwunikide atalaa njiyo ziyaa kupasununa makanze, kukakatila, a kukanza kwa Lusifa, bangele bazangide, a nkamu zya maseseke eezyo zyeendelana aa Mulazyo wa Nyika Mupya…
|
Kweendelanya ku mizeezo yabo ya nsaamuzi, ncintu cili masimpe mu nsaamuzi kuti kuli mweenya wa mulengalenga uuteeli, a nyenyezi zitabalwi zikonzyanya aanyika amilengalenga iizingulikide nzizyo, kazikonzyene a Nyika yesu. Mubuzyo wini ngwakuti naa oobo buumi nkobuli kulaale okuya alimwi kuli mumisyobo ya zilengwa leza iili buti. Hena kuli zilengwa leza zyakasandauka akusumpuka kwiinda ndiswe, kuyeeyela kuti zyakasumpuka kwa zyuulunzuma zya myaka nokuba zyuulu atalaa zyuulunzuma zya myaka kakutaninga ba muntu? Aaya manjezyeezya aalwiiyo lwa zilengwa leza asowelwa kumbali kufumbwa biyo muntu nayibaluka kuti, kweendelanya a mulumbe wa bweende bwa malengelo mu bbuku lya Matalikilo, abweende bwa ciindi bwa Bbaibbele, zyoonse zilengwa leza zili mumulengalenga, kusanganya a zyeezyo zyaambwa kuba a nyika, zijisi buyo meenda amumuni, mbuli bwaambwa mu mangwalo. Mukumaninizya, kunyina pe mulengalenga woonse cintu cikonzya kusandauka cilengedwe mbuli zintu zyoonse; bubambe ba nyika, amisyobo ya bulongo bwayo bwiimpene, bulaandeene kweelanya aku zilengwa leza zilaa mumuni zya kujulu zili mumulengalenga. Mumuzeezo wangu, Mangwalo azumina kuti kunyina zilengwa leza zimbi ‘zikonzyanya-nyika’ mububambe bwazyo, eezyo zikonzya kuba makkalilo aazilengwa leza zimbi zinjaanji zyakalengwa aa Yahuwah, eezyo zinga zyakkala mumasena aayo. Ooku kwiibaluka inga koongelezya muntu umwi kuti acinculule mbwayeeyela zintu zyoonse nzyaakayiisyigwa ku cikolo zyakuti inga kakunooli manyika aambi aakonzyanya a Nyika iino, eeco cintu cilakazyigwa cigaminina mu kasimpe ka mulumbe mubotu mbuli mbokwaalibonya mu lweeno lwa mbungano ya NASA a nkamu iyiisya zilengwa leza.
Bunji bwa zintu zisumpauzyigwa aanga nzilengwa leza, nzya lweeno atalaa lweeno. Lweeno lwansiku lwa bamuzwa kule, nkweena kulimbaikidwe mbuli luubilili, ooko kwakalengelezyelwa kuca makunga aabantu kuti batobele lwiiyo lwa ziengwa leza kubee ndolusyomo alwiiyo lwini. Nokuba boobo, inyika iipapalele, amulengalenga uuvwukumene kuuvwumbide atalaa nyika, uyaa kupasununa bucenjezu, kukakatila, amakanze aa Lusifa, bangele bazangide, ambungano zya maseseke eezyo zyeendelana aa Mulazyo wa Nyika Mupya, ooyo uukanzide kujuzya lweeno lupati mbuli bupaizi bwa nyika yoonse kuti basumpauzye Apollyon/Abaddon kuti ngu leza-simukazya-kristu. Aaya makani agwasyilila kusyomeka kwa zinshinshimi zya Bbaibbele zya nsiku eezyo nzitwaatambula kuzwa kuli bamatata baHebulayo, eeco caambilizya kuti aaya maseseke aa mulumbe mubotu akayoyelwa Moza wa bulemu’ nkaambo mbubuti muntu mbwanga wazubulula Bbaibbele mbolipandulula nyika kuti ndibbuwa lipapalele livwunikidwe kunsaa mulengalenga wa kujulu?
Inyika iivwunikidwe mulengalenga, nkasimpe kataanzi kakasweeka ku bantu kwa myaanda ya myaka, lino kayaa kuyubunuka alimwi mu kuvwuntauzya kwamu lwiiyo lwa zilengwa leza alwa bweende bwa misela. Nkaambo nzi? Nkaambo kakuti kalayandika cino ciindi kwiinda kale. Aaka kasimpe kayaa kujokolosya bulangizi mu bantu aabo aciindi cimwi, kwiinda mumajwi aabo aabulwani, batakali kusyoma kuti nkwali leza, kuti batalike kwiibaluka kuti iBbaibbele lyakalembwa akaambo ka ceeco cakabamba nyika yesu abusena bwesu muli njiyo…Singuzyoonse Yahuwah. Inzya, Yahuwah aabe wa amasimpe, muntu woonse abe mubeji; mbuli mbokulembedwe kuti, “Nee! Yahuwah abe musyomesi, nikuba kuti bantu boonse mbabeji, mbubonya mbukulembedwe kuti, “Ululamikwe mumajwi aako, Akuzunda mukubeteka kwako. –BaLoma 3:4, KJV.
Kunyina kuyiisya kumbi nkwezyi Ime ooko kunga kwacengulula kucinca muntu uuzuunyene kukaka Bunakristu, kukaka-Yahuwah, uutayandi bupaizi, alimwi uugagambide kukaka kuzumina muzeezo wakuti nkwali leza, kuti asanduke abe muntu uusyoma akuyoowa Yahuwah. Muntu weelede kwiibaluka kuti, mubweende bwa misela, ndiinoino buyo muzeezo wakuti zuba lili akataa mulengalenga ookwa Darwini niwakazumpauzyigwa aanga nkasimpe. Pele kwa zyuulu zya myaka musyule lya waawo, bantu bansiku bakali kuyiisya akumvwa kuti nyika yakali musena uupapalele uuvwunikidwe kunsaa mulengalenga. Muumusela buyo wa mazubaano eelyo Lusifa, kagwasyilidwe aa nkamu ya bupaizi bwaba Masoni, naakazwidilila kuvwuntamuna luzyibo oolo akuzumanana kubikka mucibaka calo inzila yaatula nyika kuba akatikati ka mulengalenga, akubikka zuba mucibaka cayo akucinculula kusyoma kwaanyika bupya.
Ooku kupindula bulemu ncecakali cintu ciinda zintu zyoonse nzibaalipangila bakomba mituni bana Lusifa aabo bapaila kuti zuba lili akataa mulengalenga mu Mulazyo wa Nyika Mupya. Ikuti Ime kakwiina mulimo ngundoonda, Ime ndasyoma akupaila kuti yebo mboli muntu uubala, ulakonzya kumvwisyisya kaambo keni mulumbe wa Nyika iipapalele ncuuyandika alimwi ambuuswaangene boobu ku lufutuko lwa banjaanji.
Eeci ncibalo citali ca-WLC cakalembwa aaba Zen Garcia
Eeci cibalo cabunkutwe atalaawa cakazyila mucaandaano camacaalizyo mubbuku lya , "Concluding Requiem, " kuzwa mubbuku lya Ba. Garcia lilaa mutwe wakuti “The Firmament: Vaulted Dome of the Earth.” Twakukulwaizya yebo kuti uyandaule bbuku eeli akwaabanya kuli baabo bayeeyela kuti zuba ndelili akatikati ka mulengalenga.
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
