|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kumvwisyisya mulaka weenzu, kulayandika kuzyiba twaambyo tujanwajanwa kanjaanji mu ziyanza zya mulaka ooyo.
|
Kumvwisisya kabotu mulaka weenzu, kulayandika kuzyiba twaambyo tujanwajanwa muziyanza zya musyobo ooyo. Yebo inga wayeeyela muntu umwi uutakkali ku Amelika mbwanga wateelela kuti bamwaambila kuti weelede “kuzilazila muntu umwi tufuta twacinkwa” kutegwa amufwide nkumbu, nokuba kuti waunka kuyoolya cakulya ku musyika nkocidula kapati mpoonya muulo inga waakumudulila aanga “nkwaanza a kuulu.” Kakwiina kuzyiba ncotwiiminina cini twaambyo mbuli bwa tooto, muntu uutazyi inga wacaazya biyo kuteelela ncamvwide “kulangila atala” biyo.
Ooku kutamvwana, kulakonzya kucitika eelyo Mangwalo naakasandululwa kuzwa ku mizeezo ya BuHebulayo kuya mu Cikuwa. Ikuti muntu uubala katatuzyi twaambyo tubelesyedwe, eeco cinga catobela nkupyopyongana. Mbuli umwi syaazyibwene uusandulua Bbaibbele mbwaakaamba:
Ncuubauba kapati kubala Mangwalo kubee akalembwa jilo. Pele kulilekelezya ku busanduluzi butasindingene eelyo notubala Bbaibbele, nkulangila mumeso aamazubaano. Ikuti katuyanda kumvwisya Bbaibbele, tweelede kulilangila mumeso aa muntu umwi uuzyila ku ziyanza eezyo nkulyaalembelwa…. Yebo tokonzyi kumvwisya Bunakristu kakwiina kumvwisyisya buJuuda.1
Nokuba kuti kuli twaambyo tunji twa BaHebulayo mu Mangwalo, eeci cibalo cigaminide kusanyangula twaambyo tutobela ootu: ku “boola mu nyika,” kwaamba kuti muntu umwi naa cintu cimwi “tacili ca munyika eeyi,” a “kutuminwa mu nyika.” Aaya majwi alabelesyegwa kanjaanji mu kusumpauzya muzeezo wakuti Yahushua wakali kupona kujulu kataninga boola anyika. Pele mbuli mbotutiibone, alakonzya akwiiminina cintu ciindene kulaale.
Ninzi BamaJuuda ba musela mutaanzi ncibakateelede eelyo nibakamvwa kuti Yahushua “wakaboola mu nyika?”
|
Johane 3:17 “Nkaambo Yahuwah taakatumina Mwanaakwe munyika kuzyoo beteka bantu, pele kuti bantu bakafutulwe kwiinda muli Nguwe.
1 Johane 4:9 Mboobu Yahuwah mbwaakatondezya kuti ulatuyanda, Yahuwah wakatuma Mwanaakwe Simuzyalwaalikke munyika kutegwa swebo tukakonzye kupona kwiinda muli Nguwe.
1 Timoteo 1:15 Majwi aayandika kutambulwa akusyomwa amaanza obile ngakuti, kuti Messiah Yahushua wakaboola mu nyika kuzyoofutula babisyi, akataa mbabo Ime ndime ndibainda boonse.
Nkaambo twakayiisyigwa kuti Yahushua wakali kupona kataninga zyalwa kujulu mbuli butondezyegwa mu zitondezyo amu zifwanikiso, nokuba mujwi lya Yahuwah kataninga mwitwa mwida lya Maliya, bunji bwa Banakristu basandulula tumpango tuli atala aawa, atumwi tukonzyanya aantuto, kuti twiiminina kuti Yahushua wakaboola ncobeni kuzwa kunze lya mulengalenga akuzyoonjila waano anyika mpotubede. Pele hena ncenciceeci balembi ba Bbaibbele ncibakali kuyanda kwaamba na? BamaJuuda ba musela mutaanzi bakateelede buti eelyo nibakamvwa kuti Yahushua “wakaboola mu nyika?”
Muzeezo wa kupona kotaninga zyalwa wa baHebulayo wamu Bbaibbele–ngwakuti zintu zilapona kazitaninga ba mumuzeezo akuti zili mumizeezo naa mu luzyibo lwa Yahuwah lwa zintu ziboola kumbele–ooyo muzeezo uliimpene ku muzeezo wa kupona ncobeni kotaninga zyalwa ngubakali kuyeeyela Bamatata ba Cikombelo. Mulembi wa Misela ya Cikombelo Kegan Chandler ulembede kuti:
Eeco ncotwaamba kuti muzeezo wa BuJuuda uliimpene kapati [kuzwa ku kupona ncobeni kotaninga zyalwa kwamu busongo bwa baGiliki]. Muzeezo wakaindi wa BaHebulayo tiiwakali wa ncobeni nokuba muzeezo wa baGiliki; pele, wakali biyo mu “luzyibo lwa zintu ziciboola” naa “kusalwa kacitaninga sika” a Yahuwah. Mumaanu aaya, bantu balaa mulimo, izuntu, a mikonzyanyo yakataanguna “kubeda” kujulu antoomwe a Yahuwah kazitaninga kuba muziindi nizyakasalilwa kuba. Eezi zintu tiizyakali kupona bwinibwini mbuli zintu zili kulaale pele zyakayeeyelwa aa Yahuwah mumakanze aakwe aa mulengalenga.2
Bamatata ba Cikombelo banji bakakwelelezyegwa mu ziiyo zya basongo mbuli bwa Heraclitus, Plato, a Philo, aabo bakali kuyiisya kuti zintu zyoonse zyakali kupona ncobeni kazitaninga lengwa.
|
Bunji bwa Bamatata ba Cikombelo bakatambula ziiyo zya basongo mbuli bwa Heraclitus, Plato, a Philo, aabo bakali kuyiisya kuti zintu zyoonse zyakali kupona kazitaninga lengwa, Ngooyu mukonzyanyo, myuuya yoonse tiifwi alimwi yakali kupona kujuli kiitaninga zyalwa akuboola mu nyika.
Awumwi wakali kusumpauzya kupona kwa myuuya kiitaninga zyalwa, wakali Justin Martyr, Mwaapositolo wa musela-wabili,3 wakali mutaanzi kusandulula lwiiyo lwa Philo lwa Ijwi liteeli, litali muntu, kuti eelyo ndelyakali ciimo ca Yahushua naatakaninga zyalwa. Nokuba boobo, ku Cikombelo cakutaanguna, Ijwi lya Yahuwah lyakabambidwe aa mizeezo, makanze, milimo, busongo bwa Yahuwah azimwi zinjaanji zyaambwa Yahuwah mumabala. Kuyungizya waawo, muzeezo wakuti Yahuwah wakali kukonzya kulinjizya lwakwe mwida lya nakalindu, ooyo wakali muzeezo wiimpene ku mizeezo ya baHebulayo. Ibbuku lyakuti The Encyclopedia of Ethics and Religions lyaamba kuti, “mu Cizuminano Cakale kunyina kwiimpanya akataa mutwe wa Buleza; aako nkaambyo biyo kakujanya lusyomo lwa kuzyalululwa nokuba lwa Baleza botatwe mu bbuku eelyo.”4 Kuyungizya waawo, Michael Goulder, mufundisi a sicikolo wa Bbaibbele ulemba kuti:
Muzeezo wa tunsiyansiya lyoonse udyakaizya mabala aali akatikati. Cikombelo citaanzi [tiicakali kulanganya Yahushua] kubee ngu Leza Mwana, pele kuti mwaalumi ooyo Yahuwah ngwaakakomezya a [kusala] Muya Uusalala kuti awutumine ku Cikombelo (Milimo 2:33).5
Aboobo ninzi bamaJuuda a Banakristu ba musela mutaanzi ncobateelede ku majwi aakuti Yahushua “wakaboola munyika” ncaayiminina?
Ku muzeezo wa BuHebulayo, “kuboola mu nyika”, yakali nzila yakwaambaula eeyo yiimina kuboola mubuumi a kuzyalwa. Ngooyu mukonzyanyo, Yahushua wakabelesya kaambyo aaka mukweezyekanya buumba akukkomana kwa mukaintu mutumbu ooko basikikwiiya bakwe mbubakali kuyoolimvwa eelyo naakafwa.
Ku muzeezo wa BuHebulayo wa Bbaibbele, “kuboola mu nyika” akali maambila mbali aakubola mu buntu naa kuzyalwa.
|
Johane 16:21 “Ciindi mukaintu namyongwa ulapenga kapati mumoyo akuusa nkaambo ciindi ca mapenzi camusikila; pele naatumbuka ulaluba kupenga akucisa nkwaamvwide akaambo ka mwana wazyalwa.
Ncobeni, kuzwa mu kampango aaka, tulabona kuti “kuzya mu nyika” ncintu cijatene aa kuzyalwa. Kweendelanya aa bbuku lisandulula mabala lya Merriam Webster, aaka kaambyo kalabelesyegwa abaabo bakanana Cikuwa mazubaano.”6 Nokuba boobo, eelyo notubala kujatikizya Yahushua, ncokaamba kaambo aaka cijatanyigwa ku muzeezo wa Bamatata ba Cikombelo aabo bakakwelelezyedwe mu mizeezo iina Plato yakuti Yahushua wakali kupona ncobeni buumbulu kujulu kataninga zyalwa anyika.
Tulabona akuti ooyu musyobo wakubandika wakabelesyegwa aa Paulu mu lugwalo lwakwe kuli Timoti:
1 Timoti 6:7 Kayi taakwe ncitwakaleta mu nyika, alimwi taakwe ncotuyootoleela.
Aawa, ncociiminina cilikonzyene a kuzyalwa. Mumukonzyanyo uumbi, Yahushua alimwi wakabelesya kaambo aaka eelyo naakaletwa kunembo lya Pilato:
Johane 18:37 Mpoonya Pilato wakati, “Eena ani uli mwami?” Yahushua wakamwiingula wakati, “Uliluzi kundaamba kuti Ime ndi mwami. Nkankakaako ncindakazida ansi aano alimwi ncendakazyalilwa kutegwa ndizoolungulule masimpe. Kufumbwa muntu uuzi zya bwini ulaliswiilila Jwi lyangu.”
Mu kampango aaka, Yahushua ubelesya cintu ciitwa kuti “kweenzyela ntoomwe zintu zikonzyanya aciindi comwe” eeco mu bbuku lisandulula mabala lya Encyclopaedia Britannica ndyocaamba kuti “cijatikizya kwiinduluka mucibeela cabili cintu caambidwe kale kutaanguna, kakuli biyo kwiimpanya mabala aabelesyegwa kusandulula.”7
Nkakaambo aaka ncindakazyalilwa [cibeela citaanzi] alimwi Ime ndakaboola munyika [cibeela citaanzi caindulukwa kubelesya majwi aayimpene]. Johane 18:37.
Kuzyalwa a kuboola mu nyika zilikonzyene.
|
Mumajwi ambi, kuzyalwa a kuboola munyika nzintu zikonzyene. Awumwi mukonzyanyo wabu Hebulayo ulajanwa mumubandi akataa Yahushua naakaswaanganya Martha kaindi kasyoonto munsaa kubusya Lazalosi kuzwa kubafu.
Johane 11:25-27 Yahushua wakati kuli nguwe, “Ime ndendime uubusya bafu akubapa buumi; Ooyo uusyoma muli Ndime nokuba kuti wafwa, uyoopona alimwi, 26 alimwi kufumbwa uupona akusyoma muli Ndime takooyoofwidilila pe. Hena ulasyoma oobo na?” 27 Martha wakati kuli nguwe, “Inzya, O Mwami; Ime ndasyoma kuti Nduwe Munanike, Mwanaa Yahuwah, nguwe Uuboola mu nyika.”
Langisya kuti Martha wakapozya kuti Yahushua ngu Messiah (uunanikidwe), mwanaa Yahuwah, wa zina lyabu Messiah. Mbweenya mbuli bamajuuda bamwi batunsiyansiya, Martha taakasendekezya muzeezo wa musela wabili ooyo wakasumpauzyigwa aa Justin Martyr kuti Yahushua wakali kupona kujulu kataninga zyalwa akusandukila muciwa caanyika. Ooyu muzeezo wakali wa ciindi cimbi alimwi wakali kulaale a Mangwalo. Kunze lyaboobo, Maliya wakalimvwisyide kuti Yahushua wakali Messiah wa BuJuuda ooyo wakasika aciindi cimweelede, kutali kuzuumuka mumulengalenga kuboola anyika.
Kuyungizya waawo, inkamu ya zyuulu zyongaye zya bantu. aabo Yahushua mbaakasanina ca maleele, abalo tiibakajisi muzeezo muna Plato wakuti miya iipona kiitaninga zyalwa ilazeleemba mumulengalenga ciindi coonse kuti izyookkalile anyika. Kunze lyaboobo, bakamvwide kuti mushinshimi ooyo Yahuwah ngwaakasyomezyede kutumina wakazyalwa alimwi lino aawo, wakali akati kabo.
Ku boola “mu nyika” maambila mbali aabelesyegwa kupandulula “kuzyalwa” kwa cibi.
|
Johane 6:13-14 Eelyo bakabubwezelela bufwefwelenga bwakasyaala bwa zinkwa zyosanwe akuzuzya zisuwo zili kkumi azibili. Bantu nibakabona caacita Yahushua bakati, “Ncobeni ngonguwe mushinshimi ooyo uulangilwa kuboola munyika.”
Kuboola “munyika” majwi aabelesyegwa mu maambila mbali kusandulula “kuzyalwa” kwa cibi. Paulu ulemba kuti:
BaLoma 5:12 Lino cibi cakanjila munyika akaambo kamuntu omwe buyo, mpoonya cibi cakaleta lufu kwiinda mu cinyonyoono, alwalo lufu lwakayambukila bantu boonse nkaambo kakuti boonse bakabisya—
Cinyonyoono tiicakaliko ncobeni kacikkede kubusena kumwi mumulengalenga, Paulu wakali kubelesya buyo majwi aayo mbuli kaambyo kutondezya cifwanikiso ca kuboola kwa cibi mu zilengwaleza zyokwa Yahuwah.
Akamwi kaambo kakonzyana kuli kaako ka “kuboola munyika” inga kasandululwa munzila iitaluleme kubee mbumboni bwakuti Yahushua wakali kupona ncobeni kataninga zyalwa, kaambo kakuti “tacili ca munyika eeyi.” Tulakabona kakabelesyegwa aa Yahushua muli ceeco ciitwa kuti “mupailo wa mupaizi mupati.”
"Balo [basikwiiya] tiibakali ba munyika, mbweenya mbuli Ndime [Yahushua] mbwentali wa munyika." (Johane 17:16)
|
Johane 17:14-16 “Ime ndabayiisya majwi aako nkabela bamunyika balibasulaikide nkaambo tabali bamwi babo, mbobonya ambebo mbwentali wa nyika. 15 “Ime nsibakombeli kuti ubagwisye munyika, pele kuti ubakwabilile kuzwa ku mubi. 16 “Balo tabali banyika, mbubonya Ime mbwentali wa nyika.
Bikkila maanu aawa kuti kunyina nokwaambidwe julu mukaambo aaka. Kunze lyaboobo, aaka kampango kayubununa kuti Yahushua wakabelesya majwi aayo kwiiminina kuti walo tazulilwi naa tabalilwi mubweende bwa nyika iino. Mbubuti mbotuzyi cintu eeci? Nkaambo kufumbwa nzila eeyo Yahushua mbwaakabelesya majwi aayo, ijatikizya ndiswe nkaambo walo wakaamba kuti basikwiiya bakwe tabali “bamunyika eeyi mbweenya mbuli (nkokuti, munzila njeenya) Ime mbwentali wa munyika eeyi.” Aboobo, “kutali ca munyika eeyi” tacikonzyi kwiiminina kuti Yahushua wakaboola ncobeni kuzwa kujulu nkaambo eeco inga caambilizya kuti aswebo twakazyila ncobeni kujulu.
Akamwi kaambyo kakonzyanya ku kaambyo kakuti wakaboola munyika, nkaambyo kakuti “wakatumwa munyika.” Muciindi ca kwiiminina kuti Yahuwah wakatuma Yahushua mu nyika kuzwa anze lya (kujulu), aaka kaambo kayiminina kutumwa mucooko cimwi kuyoocita mulimo ookwa Yahuwah. Mbweenya Yahuwah mbwaakatumina Yahushua mu nyika. Aswebo twakatumwa kuyoocita kuyanda kwa Taata. Yahushua wakapaila kuti:
Mbweenya Yahuwah mbwaakatumina Yahushua mu nyika, aswebo twakatumwa kuyoocita kuyanda kwa Taata.
|
Johane 17:18 a 20-21 “Mbuli mbookandituma munyika, ambebo ndabatuma mu luundu…20 “Ime tandikombeli bali waano balikke aaba pe, ndakombela abaabo basyoma muli ndime kwiindilila mumajwi aabaaba; 21 kutegwa abalo bakabe bomwe; mbubonya mbuli Ndiwe Taata, mboli muli ndime, ambeyo muli Nduwe, kuti abalo babe muli ndiswe, kutegwa luundu loonse luzumine kuti Nduwe ookandituma.
Mupailo ookwa Yahushua wakali wakuti basyomi bakaunke munyika “mbuli” (munzila njeenya) Yahushua mbwaakatumwa aa Yahuwah mu nyika. Mumajwi amwi, bakapegwa nguzu a Yahuwah kuyoocita kuyanda kwa Yahuwah. Ncobeni, twakatumwa “Kuya munyika akuyookambauka mulumbe ku zilengwa leza zyoonse.” Maako 16:15.
Mukukosozya makani, tumwi twaambyo twa buJuuda mbuli kakuti “wakaboola munyika” eelyo notulangilwa mu mizeezo iina Plato ya kupona ncobeni kotaninga zyalwa, inga twalibonya aanga tusendekezya kuti Yahushua wakali kupona kujulu kataninga zyalwa ansi alimwi kataninga boola anyika. Nokuba boobo, lino kakuli musemo wa buHebulayo uululeme, ootu twaambo tujisi busanduluzi bwiinda kuteeleleka bwiinda kweelela mu muzeezo wa Mangwalo wakuti: Yahushua, ooyo wakali mumizeezo naa mumakanze ookwa Yahuwah, wakazyalwa aciindi ceelede munyika kuti azyoofutule babisyi.
1 Petulo 1:20 Nkaambo [Yahushua] wakasalilwa limwi katanalenga nyika, pele cino ciindi camamanino wamubonya kulindiswe akaambo kenu.
1 Timoti 1:15 majwi aayelede kutambulwa akusyomwa ngaaya, kuti Messiah Yahushua wakaboola mu nyika kuzyoofutula babisyi, aakataa baabo mebo ndili kumbele lyabo boonse.
1 Kaleb Cuevas, “Reading Scripture Through the Proper Lens,” Logos.com, July 21, 2015, cakazubulwa mu 04-29-19, https://blog.logos.com/2015/07/reading-scripture-through-the-proper-lens/
2 Kegan A. Chandler, The God of Jesus in Light of Christian Dogma, (McDonough, GA: Restoration Fellowship, 2016), p. 342.
3Baapositolo Bamatata, tabeelede kuyeeyelwa kuba,baapositolo ba Yahushua,, bakali bamayi ba lwiiyo lwa buleza aabo bakapona mumusela mutaanzi amusela wabili. Bakali kwiitwa kuti “mbaapositolo” nkaambo bakali kwaambwa kuti bakalizyibine a omwe nokuba banjaanji basikwiiya bali kkumi ababili nokuba kukwelelezyegwa aampuwo yabo.
4“God,” Encyclopedia of Ethics and Religion, ed. James Hastings, (Edinburgh: T. & T. Clark, Vol. 6, 1919), p. 254
5Michael Goulder, Incarnation and Myth: the Debate Continued, (Eerdmans, 1979), p. 143.
6“kuboola mu nyika,” Merriam Webster’s Dictionary, cakazubulwa kuzwa mu intaneti mu 4-28-19 https://www.merriam-webster.com/dictionary/come%20into%20the%20world
7 “Ketuvim,” Encyclopaedia Britannica, cakazubulwa mu 04-17-19, https://www.britannica.com/topic/biblical-literature/The-Ketuvim#ref1096330
Eeci ncibalo citali ca-WLC. Source: https://oneGodworship.com/Jesus-came-into-the-world/
