World’s Last Chance

Kolibambila ku bulelo bwa Yahuwah anyika, buyooletwa Yahushua aakuboola!

Kosangana nkamu ya WLC sunu!

Nkamu iicikomena yabantu bainda 200,000.Kolilembya sunu kutegwa utambule cipego CITAULWI!
Konjila kubelesya nzila eezyi:
Facebook, Google, Yahoo, Hotmail

Lemba Makani Aako Ansi Aawa:

*Izina Lyako Litaanzi

*Izina Lyabauso

*Izina Ndyobelesya

*Cikukopolozya

*Kolomya Cakukopolozya

*Adilesi lyamuluwo

*Kolomya Adilesi Lyamuluwo

*Bbala lyabukwabilizi:

INZYA! Ime ndabala akuzumina .

INZYA! Ndakomba munditumine milumbe ya Moza a Zipekupeku. Kulesya kutambula kufumbwa ciindi.

INZYA! Munditumine cizyibyo,mbuli leelyo mulongwe waku WLC naanditumina mulumbe. Kulesya kutambula kufumbwa ciindi.

Home Zilembedwe Zisyomwa mu Bbaibbele MISUNKO YOTATWE IIYOOKOSOZYA MAUMI EESU. MUSUNKO WABILI NGWA KULYAANDAANYA KUZWA KU BBABBULONI

MISUNKO YOTATWE IIYOOKOSOZYA MAUMI EESU. MUSUNKO WABILI NGWA KULYAANDAANYA KUZWA KU BBABBULONI

1/
Misunko 3 iiyoozyokolola maumi eesu. Wabili ngwa kulyaandaanya kuzwa ku Bbabbuloni. Musunko mutaanzi utululaya kukomba Yahuwah kuti ngo mulengi wanyika yiimvwi nji, ajulu liyumu nta. Eeci caambilizya kuti tusulaike muzeezo wa Saatani wakusyoma ati nyika ndi bbola lizinguluka.
— WLC_Team_Citonga (@WLC_Team_Cit) April 22, 2022

2/Atujokele Ku Ciyubunuzyo 14 kampango 8 tumvwe cilembedwe mumusunko wabili:
'Mpoonya kwakatobela mungele umwi, kaamba kuti, wawa Bbabbiloni, wawa, munzi mupati, nkaambo wakanywisya masi woonse waini wabukali bwa mamambe aakwe.'

Bbabbuloni munzi mupati ngu Roma.
— WLC_Team_Citonga (@WLC_Team_Cit) April 22, 2022

3/Ciyubunuzyo 17 cipandulula munzi ooyu kuti ‘nguulela atalaa bami baanyika.’ Munzi wa Vaticani ulaa zizuminano zyamapolitikisi amasi manji kwiinda cisi cililela cili coonse. Yahuwah wakalailila kwaamba munzi wa Vatican kuti ngomunzi mupati.
— WLC_Team_Citonga (@WLC_Team_Cit) April 22, 2022

4/Atuvwuntauzye kaambo keni Yahuwah ncaakapozya kuti munzi wa Vatican munzi uuwide: nkaambo kakuti 'wakanywisya masi woonse aanyika [kutobela] waini [ziiyo akkalenda] wa bukali bwa mamambe [kubula bulemu].’ Ooyu munzi tuulilemeki nkaambo wakayambukizya ziyanza zyawo kuli koonse.
— WLC_Team_Citonga (@WLC_Team_Cit) April 22, 2022

5/Mafunze aa Vatican alivwuukide mu Cisi cili coonse. Masi woonse abelesya kkalenda lya Roma kubala ciindi, kkalenda lya Gregory. Ncinzi ciinda bulemu kumunzi wa Vatican munyika kwiinda kutobela kkalenda lyaku Vatican kuti ncecibelesyo luzutu cakubazya ciindi aziindi zyamwaka?
— WLC_Team_Citonga (@WLC_Team_Cit) April 22, 2022

6/Bunakristu boonse bwakatonkela kumbali Nsabata yabuzuba bwaciloba yokwa Yahuwah, akubikka Nsondo ya Roma mucibaka cayo, buzuba bwamituni akukomba zuba. Ooyu mulandu ulikke nkakaambo keni Yahuwah caakamba kuti uliwide. Kwaambwa kuwa caambilizya kusika mpotacikonzyi kuzyolwa.
— WLC_Team_Citonga (@WLC_Team_Cit) April 22, 2022

7/Roma taakamwaya biyo kkalenda lya Yahuwah libelesya Mwezi azuba, a Nsabata Yakwe ya buzuba bwaciloba, pele wakabikka amuzeezo uutaluzi wanyika iipilauka mumweenya uutagoli mucibaka canyika yakumalengelo iipapalele akwiima nji a julu liyumu.
— WLC_Team_Citonga (@WLC_Team_Cit) April 22, 2022

8/Inga canyandya bantu banjaanji kuti baJesuiti baku Roma bajisi baduundumuntule mulwiiyo lwanyenyezi kwiinda boonse. Kutalikila kumusela wa 16 kusikila yuuno wa 21 kuyubunuka kuti basyaazyibwene Balupatipati bakazyila akataa baJesuiti.
— WLC_Team_Citonga (@WLC_Team_Cit) April 22, 2022

9/BaJesuiti bakayungizya ku lwiiyoo lwanyenyezi kuti madindi aali 34 aalibonya kumwezi akawulikwa mazina aabo. Mbube munzi wa Vatican ulaa zilangizyo amaanda aakulangila nyenyezi kwiinda mbungano zyoonse. Ba NASA a Vatican mbabajisi LUCIFER, cilangizyo ciinda kukomena munyika.
— WLC_Team_Citonga (@WLC_Team_Cit) April 22, 2022

10/Kuleka biyo basyaazyibwene baJesuiti baku Vatican kuzwa musela wa 16 bakali tonkomene kusumpauzya muzeezo wa zuba lilaakati kamulengalenga kusikila watobelwa mulwiiyo lwamazubaano,ngu Fwala muJesuiti Georges Lemaître, wakalengelezya kuzuma kupati; akulwana Jwi lya Yahuwah.
— WLC_Team_Citonga (@WLC_Team_Cit) April 22, 2022

11/Kuzubulula, Bbabbuloni Mupati [Vatican] uliwide nkaambo:
-Wakaatula kkalenda libelesya Mwezi azuba lyokwa Yahuwah, akubikka mucibaka calyo libelesya buyo zuba lyakukomba mituni, libelesyegwa amasi woonse munyika. Tacicikonzyeki kujana buzuba bwa ciloba mukkalenda lyaku Roma.
— WLC_Team_Citonga (@WLC_Team_Cit) April 22, 2022

12/
- Muli ndilyo basyaazyibwene baku Roma nyika iikoya bbola kutali Nyika iipapalele yamu Bbaibbele. Mucibaka [ca mulengalenga muyumu aanga ncibulo] Yahuwah ngwaakavwunika nyika, balo nkusendekezya mweenya uutakwe cintu; mubusena bwa Nyika iilaakati ka zilengwe, bakabikka Zuba.
— WLC_Team_Citonga (@WLC_Team_Cit) April 22, 2022

13/
-Kaambo katatu munzi wa Roma ncuuwide kwiinda ziiyo zyoonse, muzeezo wakuzuma kupati ngubaasungilizya akupa kuti bantu baleke kusyoma Leza. Oolu lwiiyo lwabu Saatani, luciyiisyigwa munyika kutali buyo mbuli muzeezo, lwakagwisya Yahuwah kuzwa akataa zilengwe zyakwe.
— WLC_Team_Citonga (@WLC_Team_Cit) April 22, 2022

14/Zinyonyoono zya munzi wa Vatican tazigoleli ali zyaambwa atalaawa. Kucili zinyonyoono zinjaanji, kujaya zyuulunzuma zya basaante aabo bakaka kuzumina ziiyo zya lweeno zya Roma. Ooyu Vatican munzi uuwide ncobeni alimwi aaka kasimpe keelede koompololwa kapati cakuteenkela.
— WLC_Team_Citonga (@WLC_Team_Cit) April 22, 2022

15/Lino Vatican mbuwaayambukizya lweeno ndwayiisya munyika yoonse, ayalo nyika mukutambula lweeno oolo amoyo woonse yakatola cibeela muzibi zya Roma. Kufumbwa muntu uulizuminina lweeno lwa Roma uba mumambi wa Roma, mubusyu bwa Yahuwah.
— WLC_Team_Citonga (@WLC_Team_Cit) April 22, 2022

16/Taata wesu waluyando tayandi kuti kukajanwe muntu Wakwe uusyomeka akataa Roma. Vatican ngu sinkondonyina a Yahuwah, aboobo bantu Bakwe beelede kulyaandaanya kuzwa kuzinyonyoono zya Roma, kutali kulikumbatizya ku lweeno lwakwe. Amubikkile maanu kukucenjezya kwa Yahuwah:
— WLC_Team_Citonga (@WLC_Team_Cit) April 22, 2022

17/
“Ime ndakabona awumwi mungele kaseluka kuzwa kujulu, kalaa nguzu zipati…Wakoompolola ajwi pati, kaamba kuti, ‘Bbabbiloni mupati wawa, wawa, alimwi waba cikkalilo ca madaimona, ntolongo ya myuuya iisofweede…Nkaambo masi woonse akanywa waini wa
— WLC_Team_Citonga (@WLC_Team_Cit) April 22, 2022

18/
bukali bwa mamambe aakwe, bami baansi bakacita mamambe anguwe, basambazi banyika bakavwuba kwiinda mulubono ndwajisi. Alimwi Ime ndakamvwa jwi limwi lizwa kujulu kaliti, ‘Amuzwe muli nguwe, nobantu bangu, mutalisanganyi
— WLC_Team_Citonga (@WLC_Team_Cit) April 22, 2022

19/
kutegwa mutapenzyegwi aawe. Nkaambo zibi zyakwe zyalundana kusikila kujulu, alimwi Yahuwah waibaluka busofwaazi bwakwe.’" Ciyubunuzyo 18:1-5

Kuuntuluzyila malailile aa Julu akukkalilila mu Bbabbuloni, caambilizya kuyandisya lweeno lwa Roma kwiinda kasimpe ka Yahuwah.
— WLC_Team_Citonga (@WLC_Team_Cit) April 22, 2022

20/Roma uyoobbununwa akusubulwa kaindi kasyoonto munsaa kuboola kwa Kristu. Eelyo Roma nasubulwa, boonse bazumanana kusyoma akutobela lweeno lwaku Roma, abalo bayoosubulwa antoomwe amunzi wa Roma. Mukulamatila bubeji bwa Roma, abalo bakaba cibeela ca Bbabbuloni uuwide.
— WLC_Team_Citonga (@WLC_Team_Cit) April 22, 2022

21/Mumusunko mutaanzi twakalaililwa kukomba Yahuwah Mulengi wanyika iitazungaani ajulu liyumu nta. Bantu banji ulabayumina kuteelela musunko mutaanzi nkaambo ubapa kufubaazyigwa kuli bamwi. Kuti tiitwazwidilila mumusunko mutaanzi, mbubuti mbotunga twaakuzwidilila musunko wabili?
— WLC_Team_Citonga (@WLC_Team_Cit) April 22, 2022

22/Musunko mutaanzi wa Ciyubunuzyo 14 utulailila kusiila limwi lweeno lwa Roma. Mumusunko wabili tulaililwa kulyaandaanya kuzwa kulweeno LOONSE lwa Roma. Kwaalilwa kucita boobo caambilizya kuti eelyo Yahuwah aakusubula Roma, uyoosubula abaabo bacilikumbatizya kuzibi zya Roma.
— WLC_Team_Citonga (@WLC_Team_Cit) April 22, 2022

23/Yahuwah muluse Lwakwe utondeka mu Ciyubunuzyo 14 kuti Roma uuwide, Bbabbuloni Mupati, kuti tutacaali katutacenjezyedwe. Tayandi kuti tukatole cibeela muzinyonyoono zyawo, zilundene kusikila Kujulu. Walo utulailila kuzwida limwi mu Bbabbuloni akusowa zyoonse zya lweeno lwakwe.
— WLC_Team_Citonga (@WLC_Team_Cit) April 22, 2022

24/Mumusunko watatu, tuyoosunkwa citaambiki cinicini. Inzila yiinda kubota kuti tutakaalilwi kuzwidilila musunko watatu nkupasa musunko mutaanzi awabili. Lino nceciindi cakusowa kkalenda lyalweeno lya Roma akulileka kujanya Nsabata, akusulaikila limwi bubeji bwakwe boonse.
— WLC_Team_Citonga (@WLC_Team_Cit) April 22, 2022

25/Lino nceciindi cakukomba Yahuwah mulengi wanyika iitazungaani ajulu liyumu nta atala lyesu. Alikke Yahuwah ngo Leza wakasimpe. Lino nceciindi cakukaka lweeno lwa baJesuiti. Lino nceciindi cakuliyumya kusyomeka muli Yahuwah kusikila tukaleke kuyoya mubuumi bwesu. Akube boobo.
— WLC_Team_Citonga (@WLC_Team_Cit) April 22, 2022