Nkaambo nzi swebo ncotutacincide mpotwiimvwi mumakani aabami bali 7 ba Ciyubunuzyo 17 kuzwa mu 2005!
|
December 31, 2022 Twaleka kusyoma kuti Poopo Francis ngo Mwami wa lusele mu cishinshimi. Nokuba boobo, tucizumanana kusyoma kuti bami/malundu aali ciloba mbaa poopo bali ciloba, lino kusanganya antoomwe a Poopo Benedict XVI uufwide kali mwami wa ciloba. Ooku kucinca mukuteelela kwesu kwakaboolela mu luzyibo lwa zintu ziyoocitika kumamanino nzyaakaambilizya Ezekiya. Yahuwah aakulesyelela canguzu akunyonyoona impi zya Russia, Turkey, a Iran mumalundu aa Isilayeli, Isilayeli uyootola myaka ciloba [Ezekiya 39:7] kubungila zilwanyo zya lumamba luyookomwa. Atweezyeezye lino kuti twayungizya kuli ceeci ciindi ciyandika kuti cisi ca Russia cikamaninizye kunyonyoona cisi ca Ukraine akupwanyangula mbungano ya NATO. Kuti caba boobo tunoolangila ciindi cilamfu kwiinda myaka eeyo poopo Francis njaceelede kulela. Kuyungizya waawo, kaambo kali mu [Ciyubunuzyo 17:11] aako kapandulula kuti 'wa Lusele ngumwi akataa bali ciloba' kalatukopa. Cimwi ciyeeyelwa mu mpasulula balozi ya bulemu eeyi ncakuti ambweni ooyo poopo uutobela Francis unooli daimona lilicengeezya kuba Poopo John Paul II. Ikuti eeco cacitika , inga busanduluzi bwayelela kuti mwami wa Lusele ngumwi akataa bali ciloba. Aboobo Poopo Francis Mwami uuzuzika biyo ciindi nkaambo tali umwi akataa bali ciloba. Ncintu ca maanu kuti ciseese cilipeekezya kuba John Paul Ii cicilelema nkaambo nyika yoonse tiilibambide kubona zintu ziyoovwundumuka mumasena manjaanji, eezyo ziyoomanina mu kuboola kwa Yahushua. Tulangila cakutontomana kuboola kwa Yahushua kuzyoolela masi aanyika kuzwa Ku Jelusalema. Pele tatukonzyi kubinzya mulongo wa ciindi cokwa Yahuwah pe. |
Munkamu ya WLC, swebo tulakakatila lyoonse kululamika milumbe akuyeendelanya azishinshimi zyamazuba aamamanino aaciindi eelyo noziyaa kuzuzikwa. Akataa nzila zyakumwaya mulumbe zyoonse buno buzuba, Twitter ncecibelesyo ciinda kufwamba kusumpya milumbe. Twakomba kuti ututobelezye mu Twitter kutegwa ulimvwide makani aakasaala lyoonse!
Nkaambo nzi swebo ncotutacincide mpotwiimvwi mumakani aajatikizya bami bali 7 ba Ciyubunuzyo 17 kuzwa mu 2005?
Mumwaka wa 2005 wakainda, swebo twakateelela, twakamvwisya akutambula mumuni mupya mu Ciyubunuzyo 17. Bami bali 7 mukampango 10 tabali malelo aali 7 pele mbami ncobeni bali 7, batobelwa amwami walusele, ooyo uucaalizya. Kunyina mundando wazintu zyamamanino wiinda yooyu mu Bbaibbele lyoonse. Hena tulicincide mpotwiimvwi kujatikizya Ciyubunuzyo 17 kuzwa ciindi eeco? Peepe. Ntootu twaambo twini tumwi ncotutacincide:
-
-
1.1) Mukaintu uutantide munyama caambilizya Cikombelo ca Katolika caku Loma. Eeci ncintu citakonzyi kukakwa alimwi cizuminwa abantu boonse. Cilikke ciindwa kumbali, nciindi nocicitika cilengaano eeco. Ooyo mukaintu wakali 'munkanda'. Inzya, Cikombelo ca Katolika cakanjila munkanda eelyo cikombelo cakasimpe nicakabbuka kuzwa munkanda mu 1798. Mumwaka ooyo Poopo Pius VI wakatandwa kuzwa mucisi cokwabo a..
-
1.2) Silumamba waba Frenchi Berthier, a Napoleon, eelyo nibakakanza kumwaya nguzu zya bapoopo zyoonse. Kuzwa ciindi eeco kusikila mu 1929 [mwaka wa Cizuminano ca Lateran], bapoopo bakasweekelwa malelo aabo woonse, bakali kutija lumamba lwabantu bakwabilila cisi ca Italy akusweekelwa munzi wa Loma awalo; kuzwa mu 1870 kusikila mu 1929 bapoopo bali 4 bakali basintolongo mumunzi wa Vatican
-
1.3) Bapoopo bali 4 tiibakalyata tende anze lyamunzi wa Vatican. Nkaambo nzi: tiibakali kuyanda kuba bazike ba mwami waku Italy. Cikombelo ca Katolika caku Loma cakali 'munkanda.' Tiicakacijisi nguzu nozyiba zyakupenzya basaante pe.
-Musyule lya 1798: bapoopo mbabakali kusala bami balela anyika .
-1798-1929: bapoopo bakali kuyaa bwaampalika kuvwuna maumi aabo.
-
1.4) Mu 1929, donda mwaka lyakatalika kupona. Bakatalika kuba bami alimwi. Eeli donda mwaka talina manizya kuyumya nkaambo lino bapoopo mbami buyo mbuli bami baanyika bamwi. Nkaambo kakuti cino ciindi mbami, eeco ncizuminano buyo kwaciindi cisyoonto kusikila bakabaa nguzu nzibaajisi kutaanguna, alimwi eeco cilaafwi kucitika. Kugozya kubaa nguzu kuyoolibonya mukusungilizya boonse anyika kuti batobele lusyomo lumwi akusubula kufumbwa uutayandi kusyoma boobo.
-
1.5) Ncintu ciyandika eelyo muntu nabala mundando wa bami bali 7 kuti abikkile maanu kuciindi ca 'munkanda'. Eeci caambilizya kuti ciindi ca bami bali 7 citalikila kumbelaa mwaka wa 1798. Aabo bakambausi bapandulula Ciyubunuzyo 17 akweeleba ciindi ca 'munkanda', tabakubwene kuti babelekela makanze ookwa Saatani aakusisa bami bali 7 kuti batazyibwi akataa buleya.
-
1.6) Eelyo ciindi ca 'munkanda' nocisanganyigwa mucishinshimi, cilasalazya mbuli mumuni uuyungizya kumweka kuti mbami beni baambwa kutali malelo pe. Mbubuti muntu mbwanga wasyaankanya malelo aanyika akataa 1798 kusikila kumamanino aaciindi? Cintu cuusisya ncakuti, ooyu mundando waciindi uuyandika kapati mu Ciyubunuzyo, tuubikkilwi maanu kapati alimwi eeci ncecishinshimi ciinda kulubizyigwa kusandululwa mu Ciyubunuzyo.
-
2.1) Kuti Johane naakali kubelesya bami kwiiminina malelo aanyika, naakacita oobo amucishinshimi cimbi. Aboobo eelyo walo naakali kwaamba kuti bami, wakali kwaamba bami ncobeni. Eeci ncecitusolweda kukaambo kabili kayandika kakuti; nkaambo nzi bami ncobayiminina bami ncobeni: kuti yebo wabelesya bbala lya bami mukwaamba bapoopo kuzwa mu 1929 [bakatalika buyo kuba bami mu 1929] , woonse makani aacishinshimi inga ayendelana kabotu
-
2.2) Cilengaano cakapegwa aciindi ca mwami wa cisambomwe kuti 'umwi nkwali'. Ooyu wakali John Paul II. Hena ono tacigambyi kuti Johane wakatolwa mucilengaano kuciindi ca poopo wakali kuyandwa kapati mumusela wabantu, alimwi ngowabili kulela ciindi cilamfu? Tee ooyo ngo poopo uucaambwa mazubaano kuti unooliko lyoonse. Ngamasendekezya aabulemu bwa Kujulu aayo kuti 'umwi nkwali.'
-
2.3) Lino twasika ambaakani iikankamika ya mwami waciloba. Kulembedwe kuti “eelyo aakuboola, walo uyoozumanana kwakaindi kasyoonto buyo.” Benedict XVI wakatula ansi mulimo wakwe niyakainda buyo myaka iili 5, alimwi mumwezi wainda wakabaa myaka yakuzyalwa 91. Wakanyandya bantu boonse eelyo naakatula ansi mulimo, eeco tacili cintu cilangilwa kucitwa apoopo pe.
-
2.4) Benedict wakali poopo namba 265 mumundando wa bapoopo. Kwakali buyo bapoopo bobile bamwi bakatula ansi milimo nsiku lini. Celestine V mu 1294 wakalyaangulula akukotoka mulimo lwakwe mwini. Gregory XII mu 1415, wakasinikizyigwa kusiya mulimo kutegwa alesye Kuzandaukana bupaizi mucooko ca Kumbo. Benedict wakakotoka mulimo kakwiindide myaka 719 kuzwa poopo umwi naakalikotola kuzwa mulimo akataa bali 265. Ma! Cilanyandya akuyumya mate mukanwa eeco nobantu!
-
2.5) Celestine V naakaleka mulimo mu 1294, eeco cakali cintu cisampuzya cakuti ooyo poopo wakatobela nguwe, Boniface, wakapa malailile aakuti Celestine abikkwe muntolongo nkaambo walo wakali kusyoma kuti, ikuti kakuli bapoopo bacipona bobile aciindi comwe, eeco inga caleta kupambukana akataa cikombelo. Sunu tujisi bapoopo bobile bacipona, umwi keendelezya cikombelo, mpoonya umwi kakkede kumbali kateendeendi. Twazingwa nobantu!!!!!!
-
3.1) Ooyo walusele, kulembedwe kuti walo 'uyokwiimpuka kuzwa mumulindi uutagoli.' Mulindi uutagoli cintu comwe a lufu. Hena cilagambya ono kubona kuti Francis mwami wa lusele ngomwami mutaanzi waba Jesuiti mumusela wanyika yoonse? Hena takulembedwe mumusela wanyika kuti zyuulunzuma zyabasaante bakajayigwa mumaanza aaba Jesuiti? Hena kuli bupanduluzi abumbi bwiinda kupandulula akweezyekanya ba Jesuiti kuti 'mulindi uutagoli'?
-
3.2) swebo tulizyi kuti kuzwa mu Ciyubunuzyo 11, 13 a 17, kuti mwami walusele, eelyo donda mwaka lyakwe lyaakumanizya kupona alimwi aakuzwidilila kupegwa nguzu zyoonse zyaanyika, uyoolwana basaante nkondo yamamanino mumazuba masyoonto aazya kumbele lyesu. Aaya makanze eeni ookwa Saatani kusisikizya bami bali ciloba kutegwa mulongo wabo utazyibwi alimwi bantu bakajanwe tabalibambide.
-
3.3) Ikuti katutaluleme kujatikizya ciindi cakuba 'munkanda' nokuba mumakani aacishinshimi ca bami bali ciloba, twakomba kotugwasya mukwesu, kotwaabanya makani ngojisi, ututondezye aawo mpotulubide. Swebo tatuyandi kusweesya bantu ba Mwami mumazubaano aamamanino pe. Swebo twakalyaaba maumi eesu kutola mulumbe Wakwe kunyika yoonse. Tuyandisya kuti boonse bakamvwe kasimpe. Kotugwasya mwanookwesu twakomba :)
-
