|
Cisyomyo ca kuboola kwa Yahushua mbobulangizi bwa moza bwakakulwaizya basimilimo bakatumwa, akuyumyayumya baabo bakakosolwa mitwe, akulongezya basyomi mumisela minjaanji.
|
Kuvwuntauzya makani kwaabbukizya kuti bantu balaa nsoni balakatazyigwa kuzyiba muntunyina umwi mbwalimvwide kweendelanya ambwalizakamuna mubili. Aboobo citobela ncakuti, aabo bantu balalibilika nobasangana akataa bantunyina bamwi nkaambo balo tabazyi ncobeelede kulangila kuti inga cacitika. Ikuti yebo kotazyi ncoyelede kulangila eeco cilangilwa kuyoocitika kumamanino aanyika, yebo uli muntenda ya kucengwa.
Mufutuli Yahushua wakacenjezya basikwiiya bakwe kuti “kamulangisya” zitondezyo zya kuboola kwakwe, kumwi kaamba kuti, “Amucenjele kuti kutabi muntu uumucenga. Nkaambo kuli banji bayooboola muzina lyangu, kabaamba kuti Ime ndendime Kristu; alimwi bayoocenga banji-banji. Mpawo ndakabona zyuuno zyabwami mpobakkede aabo bakapegwa nguzu zyakubeteka. Alimwi ndakabona myuuya yabaabo bakakosolwa mitwe akaambo kakupa bumboni bwa Yahushua abwa Majwi aa Yahuwah. Balo tiibakakomba munyama amutuni wakwe, alimwi tiibakatambula ciganto cakwe ankumo zyabo nimuba mumaanza aabo. Bantu aaba bakaba baumi, bakalela antoomwe a Messiah kwamyaka iili cuulu. Bunji bwabafu bakasyaala, tiibakabuka mane kusikila myaka iili cuulu niyakamana. Ooku nkokubuka kwakusaanguna.” (Mateyo 24:4-5, KJV) Lino mukusoleka kuleya lweeno lwa Saatani, banakristu banjaanji bakalipangila “zitondezyo” zyakulangila lwabo beni.
Bantu banji bayeeyela kuti eelyo Mufutuli wancobeni aakuboola, maulu aakwe taakalyati ansi akuguma anyika pe. Ooku kuzingwa mizeezo kuzyila mubupanduluzi bwa Paulu naakali kupandulula kuboola kwa Yahushua:
Kuyooba kuyobeka kupati, ajwi lyamungelo mupati, amweembo wa Mwami [Yahuwah], eelyo [Yahushua] uyooseluka kuzwa kujulu. Aabo bakasyoma Yahushua bayoosaanguna kubuka. Lino swebo notusyeede tobaumi tuyootolwa antoomwe ambabo kumakumbi kuti tukaswaangane a Mwami mujulu. Aboobo tuyookkala a Mwami lyoonse. Amuyumizyanye amakani aaya. (Langa mu 1 Batesalonika 4:16-17.)
Kuzwa mukampango aaka, bantu banji beezyezya kuti eelyo Yahushua aakuzyokela, basaante bayootolwa Kujulu antoomwe anguwe. Taciluleme eeco pe. Ncintu cini cipati ciyandika kuzyiba mundando wazintu mboziyoocitika ncobeni akutobelana kumamanino kutegwa muntu atakacengwi mulweeno lwa Saatani.
Mundando wa zintu ziyoocitika
Matalikilo aamamanino atalikila “Kuciindi eeco, Mikayeli mungelo mupati uukwabilila bantu bako, nayooyimikila. Kuyooba ciindi camapenzi aayoosya aatanabwenwe kuzwa kuciindi kakutanaba masi pe. Pele ciindi eeco bantu bako, boonse bali aamazina aalembedwe mubbuku bayoofutulwa.” (Daniyele 12:1, NKJV)
Mpoonya basalali baakwiimpuka kuyooswaanga a Yahushua mumakumbi, kuyooba nkamu iikondedwe kiiseluka kuzya anyika:
Mubuzuba oobo maulu aakwe ayoolyata acilundu ca Maoliva cili kujwe lya Jelusalemu, cilundu ca Maoliva eeci ciyokwaandulwa muzibeela zyobilo kuzwa kujwe kuyoosika kumbo, ciyoopanga kkuti pati, cisela cimwi cacilundu ciyooswena kunyika, cisela cimwi cacilundu ciyooswena kumusanza. (Zekaliya 14:4, KJV)
Johane ulapandulula citobela kucitika kuzwa waawo:
Mpoonya ndakabona mungele kazwa kujulu, kajisi cijuzyo ca mulindi uutagoli anketani mpati mujanza lyakwe. Wakajata simwaaba, ooyo muzoka wansiku, Dyabooli a Saatani, akumwaanga kwa cuulu camyaka; alimwi wakamufusila mumulindi uutagoli akumujalila mukati oomo akubikka ciganto ali nguwe, kutegwa atakacengi kabili masi kusikila cuulu ca myaka cikainde. Pele zyaakwiinda zintu eezyo, uyookwaangululwa kwakaindi kasyoonto. Lino ndakabona julu lipya anyika mpya. Nkaambo julu lyakusaanguna anyika yakusaanguna zyakamana, alwizi lwakazimaana. Eelyo ndakabona munzi uusalala, Jelusalemu mupya, kuuboola ansi kuzwa kuli [Yahuwah] kujulu. Wakalibambidwe mbuli nabwiinga mbwalibambilila mulumi wakwe. (Ciyubunuzyo 20:1-2, NKJV)
Eeci ciyootobelwa akulengulula nyika bupya nkaambo zintu zyaacitika muciindi camapenzi amuciindi ca kuboola kwa Yahushua ziyoonyonyweeda limwi nyika.
Lino buzuba bwa Mwami buyoosika mbuli mubbi. Mubuzuba oobo zyakujulu ziyoomaninina amuzunzumina uuyoosya. Zintu zyoonse ziyokweenzemuka akupya kutaambiki, ayalo nyika azyoonse zili mulinjiyo ziyoopya akumaninina! Lino mukuti zyoonse eezi ziyokweenzemuka boobu, tamweelede na kuba bantu baandeene mubukkale bwanu amukukomba [Yahuwah]? Nomulindila akubelekela buzuba bwakusika kwa [Yahushua], mubinzya buzuba oobo. Mubuzuba oobo zyakujulu ziyokweenzemuka amulilo, zintu zyoonse ziyoonyonyoonwa akupya kutaambiki. Pele swebo atulangile julu pya anyika mpya, [Yahuwah] nzyaakasyomezya, mwalo oomo muyooba bululami.” (Bala muli 2 Petulo 3:10-13.)
Ooku kulengulula nyika kubambila kulonzya munzi Mupya wa Jelusalema kuzwa Kujulu kuzya anyika!
Lino ndakabona julu lipya anyika mpya. Nkaambo julu lyakusaanguna anyika yakusaanguna zyakamana, alwizi lwakazimaana. Eelyo ndakabona munzi uusalala, Jelusalemu mupya, kuboola ansi kuzwa kuli [Yahuwah] kujulu. Wakalibambidwe mbuli nabwiinga mbwalibambilila mulumi wakwe. Mpawo ndakamvwa jwi pati lyakazwa kucuuno cabwami lyakati, “Lino munzi wa [Yahuwah] wakkala akati kabantu! [Yahuwah] uyookkala ambabo, abalo bayooba bantu bakwe. Iiyi, [Yahuwah] lwakwe uyookkala ambabo, alimwi uyooba Leza wabo.” (Ciyubunuzyo 21:1-3 NKJV)
Waakumanizya kulonzyegwa Jelusalema Mupya, uyooba munzi mupati wanyika mpya yoonse. Kuzwa mumunzi ooyo, Messiah abasalali bayoolela kwa cuulu ca myaka eelyo Saatani nanikwaangidwe.
Mpawo ndakabona zyuuno zyabwami mpobakkede aabo bakapegwa nguzu zyakubeteka. Alimwi ndakabona myuuya yabaabo bakakosolwa mitwe akaambo kakupa bumboni bwa [Yahushua] abwa Majwi aa [Yahuwah]. Balo tiibakakomba munyama amutuni wakwe, alimwi tiibakatambula ciganto cakwe ankumo zyabo nimuba mumaanza aabo. Bantu aaba bakaba baumi, bakalela antoomwe a Messiah kwamyaka iili cuulu. Bunji bwabafu bakasyaala, tiibakabuka mane kusikila myaka iili cuulu niyakamana. Ooku nkokubuka kwakusaanguna. (Ciyubunuzyo 20:4-5)
Kumamanino aacuulu camyaka, Saatani uyokwaangununwa kwakaindi kasyoonto buyo, muciindi eeco uyoocenga alimwi boonse aabo bacizumanana mubuzangi. Ooyu ngomulimo wamamanino mubuzangi bwakwe, nokuba boobo; mpoonya Yahuwah uyookkala akubeteka baabo bayumya nsingo kuzangila julu.
Lino myaka iili cuulu yaakumana, Saatani uyokwaangununwa kuzwa muntolongo, uyooyinka kuyoocenga masi oonse aali muzyooko zyone zyanyika, nkokuti Gogu a Magogu. Saatani uyoobabunganya antoomwe kuti alwane nkondo, banooli banji-banji cakuti bayooboneka mbuli musenga wankomwe yalwizi. Bakeenda munyika yoonse akuzinguluka cilawo cabasalali amunzi uuyandika. Pele mulilo wakaloka kuzwa kujulu, wabasyukuta boonse. Eelyo Siluuni wakabacenga wakafusilwa mubbibi lyamulilo wamabwe aasalufa, oomo munyama amusinsimi mubeji mobakabede. Nkabela bayoopenga sikati amasiku mane kukabe kutamani. (Bala mu Ciyubunuzyo 20:7-10.)
Kumamanino kwini, nkondo iili akataa bululami abusofwaazi iyoomanina limwi mu kuzunda.
Mumunzi wa [Yahuwah] ooyu taakwe cintu nociba comwe cisinganyizidwe ciyoojanwa pe. Cuuno ca [Yahuwah] aca Mwanaa mbelele zinooli mumunzi ooyu, nkabela babelesi bakwe bayoomukomba. Bayoobona busyu bwakwe, alimwi zina lyakwe linoolembedwe ankumo zyabo. Takuciyoobi limbi masiku pe. Bantu tabakayandi limbi mumuni walambe nokuba wazuba, nkaambo [Yahuwah] lwakwe mwini uyooba ngomumuni wabo, nkabela balo bayoolela oomo mane kukabe kutamani. (Bala mu Ciyubunuzyo 22:3-5.)
Utalelemi kutambula cipego ca lufutuko cokwa Yahuwah. Kulekelelwa, kuteelela moza, luumuno, a kukkomana kulindila boonse basyoma mu lweengelelo lwa Yahushua.
