Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kuboola Kwabili kacitana sika cuulu camyaka muzeezo wakuyeeyela kuti kuboola kwa Kristu kwabili kuyoocitika munsaa bulelo Bwakwe bwa cuulu camyaka, akuti oobo bulelo bwa myaka iili cuulu nkulela kwa Messiah myaka iili cuulu anyika. Kutegwa tumvwisyisye akusandulula tumpango twa Mangwalo ooto tugumikizya ziindi zya kumamanino, kuli zintu zyobile zyeelede kusalazyigwa kuteelelwa: inzila iiluleme yakusandulula Mangwalo akwaandaanya akataa Isilayeli (bamaJuuda) acikombelo (mbungano ya basyomi boonse muli Yahushua Messiah).
Inzila iiluleme yakusandulula Mangwalo iyandika kuti Mangwalo kaapandululwa cakutonkomana munzila yeendelana ancaayiminina... kumbungano iilembelwa, eeyo iilembedwe mu Mangwalo, alimwi uulemba Mangwalo, azimwi zinjaanji kuya kumbele.
|
Kutaanguna, inzila iiluleme yakusandulula Mangwalo iyandika kuti Mangwalo kaapandululwa cakutonkomana yeendelana a ncaayiminina. Eeci caambilizya kuti kampango keelede kupandululwa munzila yeendelana ambungano iilembelwa, yabaabo balembedwe mukampango, aabo balemba kampango aako, azimwi zinjaanji kuya kumbele. Ncintu ciyandika kuzyiba mulembi, nkamu eeyo iilembelwa, amusela wakampango aako muntu nkapandulula. Musela aziyanza zijatikene mukampango kanjaanji inga zyayubununa ncintu ciluleme ncokayimina kampango aako. Kulayandika akwiibaluka kuti Mangwalo ngaasandulula Mangwalo. Nkokuti, kanjaanji, kampango Inga kagumikizya mutwe wamakani nokuba ciiyo eeco cilembedwe abusena bumbi mu Bbaibbele. Ncintu ciyandika kusandulula tumpango toonse ootu akutukamantanya kamwi akamwi.
Camamanino, alimwi ciinda kubaa bulemu, tumpango lyoonse tweelede kubalwa mbuli mbotulembedwe, kakwiina kuyungizya, katwiiminina ncowaamba cini pele biyo eeco caambwa kacili maambila mbali. Kusandulula cigaminina takugwisyi ceeco caambilwa mumbali. Pele, cikulwaizya yooyo uusandulula kuti atabalilizyi cintu caambilwa mumbali kusanganya muli ncokaamba kampango pele biyo kuti eeco cintu kaceendelana akampango nkaambo caatula ncociiminina kusandulula Mangwalo bwinibwini kuzwa mu Mangwalo kuya muzeezo wamuntu uubala. Mbube, kunyina nokunga kwaba busanduluzi butonkomene; kunze lyaboobo, Mangwalo aba ciiyo ku muntu omwe-omwe mbuli mbwateelela kuti ncaayiminina II Petulo 1:20-21 utwiibalusya kuti “kunyina cishinshimi ca Mangwalo cakaboolela mubusanduluzi bwa mushinshimi lwakwe mwini pe. Nkaambo cishinshimi taakwe pe nikazyila mumizeezo yamuntu, pele banalumi baakanana kuzwa kuli Yahuwah mbuli mbubakali kuyaa kweendelezyegwa aa Muya Uusalala.”
Cintu cipati, tumpango twa Mangwalo lyoonse tweelede kubwezegwa mbuli mbotulembedwe, mubwiiminizi buubauba, kakwiina kwaambila ambali pele biyo kuti eeco caambwa mu kampango kacitondezya kuti ciiminina cintu cimwi kutali cilembedwe mumabala. …Kuyungizya bulembe bwa kampango ncintu cilaa ntenda nkaambo cigwisya musemo wa busanduluzi bululeme kuzwa mu Mangwalo kuya ku mizeezo ya yooyo uubala. Nkabela Inga kwabulilalyo mulazyo uuzuunyene wa busanduluzi; kunze lyaboobo, Mangwalo inga acaalila muntu omwe-omwe kuti asandulule mbuli mbwateelela lwakwe mwini.
|
Ono kubelesya milazyo eeyi mu kusandulula Bbaibbele, kweelede kubonwa kuti Isilayeli (lunyungu lwa Abulahamu) a cikombelo (basyomi bamu Cizuminano Cipya boonse) ninkamu zyobile zyaanzeene. Kulayandika kuzyiba kuti Isilayeli a cikombelo balaanzeene nkaambo, ikuti aay makani taamvwisyigwa, Mangwalo inga apandululwa munzila iilubide. Cimwi cilangilwa kusandululwa munzila iilubide ntumpango ooto tuguminizya zisyomyo zyaasyomezyegwa Isilayeli (eezyo zyaazuzikwa azitaninga zuzikwa). Zisyomyo zili boobo zyeelede kujatikizya cikombelo. Amwiibaluke kuti, eeco ciiminina kampango ncecitondezyo yooyo waambilwa alimwi eeco ncecitondeka ku kaambo keni kaluleme kupandululwa.
Lino katulaa mizeezo eeyo, tulakonzya kulangalanga tumpango twiindene yindene twa Mangwalo ooto twaambilizya muzeezo wa kuboola kwabili kacitana sika cuulu camyaka. Matalikilo 12:1-3: “Yahuwah wakati kuli Abulamu, ‘Kolonga kuzwa mu cisi mookazyalilwa akuluzubo lwa uso, yebo aba mumunzi wa uso uye kunyika eeyo Ime njentiikakutondezye. Ime njookubamba kuba musyobo mupati alimwi njookupa coolwe akulemya zina lyako, mpoonya uyooba cileleko. Kufumbwa muntu uukulongezya njoomulongezya alakwe, alimwi kufumbwa muntu uukusampaula ambe njoomusinganya; alimwi muli nduwe misyobo yoonse yaanyika iyoolelekwa kwiinda muli nduwe.’”
Aawa Yahuwah usyomezya Abulahamu zintu zyotatwe aawa: Abulahamu uyoobaa luzubo lunji, eeco cisi ciyookkala anyika akwiilela, alimwi kuyooba cileleko munyika yoonse kumisyobo ya bantu boonse kuzyila mulunyungu lwa Abulahamu (bamaJuuda). Mu Matalikilo 15:9-17 , Yahuwah ubambulula cizuminano Cakwe kuli Abulahamu. Mboobu mbucaacitika, Yahuwah ubikka mulimo woonse wakusunga cizuminano ali Nguwe Lwakwe Mwini. Nkokuti, kunyina pe Abulahamu ncaakeelede kucita nokuba kwaalilwa eeco cakali kunga cazimaanya cizuminano Yahuwah ncaakaamba kuli nguwe. Alimwi mukampango aaka, manjeleela aanyika ya bamaJuuda njibakali kuyoookkala alibikkidwe. Kutegwa uzyibe mulongo wa manjeleela aanyikeeyo, langa muli, Ciibalusyo 34. Tumwi tumpango tugumikizya nyika ya cisyomyo ntwa Ciibalusyo 30:3-5 a Ezekiya 20:42-44.
Muli 2 Samuyeli 7:10-17, tulabona cisyomyo ncaakaamba Yahuwah ku Mwami Davida. Yahuwah ubamba zisyomyo zyaandeene zigumikizya umwi wabana basankwa bokwa Davida: Yahuwah uyoobamba bulelo bwakwe (kampango 12), uyooba wisi (kampango 14), alimwi kunyina pe nayoogwisya luyando Lwakwe kuzwa Ali nguwe (kampango 15). Kuyungizya waawo, Yahuwah waamba kuti mwanaakwe “yoomuyakila ŋanda mu Zina Lyakwe” (kampango 13). Eezi zisyomyo zyakazuzikwa muli Solomoni. Nokuba boobo, cibeela ca cisyomyo cokwa Yahuwah cakali cakuti cuu o cabulelo bwa mwanaa Davida ciyookkalilila kukabe “kutamani” (kampango 13). Eeci cibeela ca cishinshimi tiicakali kwaambilizya Solomoni pe, nkaambo Solomoni wakafwa alimwi taakakkalilila acuuno cabulelo akutamani. Mbombuboobu, tulaa cishinshimi cizuzikwa muzibeela zyobile: cakazuzikwa mucibeela muli Solomoni alimwi mubukkwene muli Yahushua Messiah, alakwe wakali kwiitwa kuti Mwanaa Davida (Mateyo 1:1). Solomoni, munzila zimwi, wakali mukonzyanyo wa Messiah mu buleli bwakwe, mubusongo, amu buleli bwa luumuno. Inzya ncobeni, Yahushua mupati kwiinda Solomoni munzila iili yoonse (Mateyo 12:42). Aboobo, 2 Samuyeli 7 waambilizya buleli bwa Solomoni bwa ciindi cisyoonto abuleli bwa Messiah mu cuulu camyaka akusikila kukabe kutamani. Mwami Solomoni taakali kunga waba nguuzuzika cisyomyo caabambanwa aa Davida; eeci ncizuminano ciciyoozuzikwa cakumaninizya aakale.
Lino katulaa makani woonse aaya mumizeezo, atusanyangule cilembedwe mu Ciyubunuzyo 20:1-7. Myaka iili cuulu iliindulukide kwaambwa mukampango aaka kuti yeendelana aa buleli bwa Messiah bwa myaka iili 1000-kalela mubuntususu bwakwe anyika. Muzeezo wa kuboola kwabili kacitana sika cuulu camyaka ulanganya kampango aaka kuti kapandulula kuzuzika cisyomyo eelyo Messiah aakukkala akulela acuuno ca Davida kumbelaa ciindi. Yahuwah wakabamba zizuminano zitali zya kunozyanozya kuli Abulahamu a Davida. Zyoonse zizuminano zyobe eezyo tazininga maninina kuzuzikwa. Kulela kwa Messiah mubuntu susu bwakwe njenzila ilikke zizuminano mbozinga zyaazuzikwa mbuli bwaakasyomezya Yahuwah.
Kubelesya nzila yakusandulula Mangwalo iizuunyene inga capa kuti tubeela twa Mangwalo tuswaangane antoomwe. Zyoonse zishinshimi zya Cizuminano Cakale zya kuboola kutaanzi kwa Yahushua zyakazuzikwa mubukkwene. Mbube, tweelede kulangilwa kuti zishinshimi zya kuzyokela Kwakwe azyalo zikazuzikwe. Muzeezo wa kuboola kwabili kacitana sika cuulu camyaka njenzila ilikke iitonkomene busanduluzi bwa zishinshimi zyokwa Yahuwah azya mamanino aaciindi.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
Eeci cibalo citali ca-WLC cakazyila ku: https://www.gotquestions.org/premillennialism.html