1/Tulikkomene kwaabanya mbotuteelede makani aa Tempele lya Cuulu Camyaka lya Ezekiya 40-48. Tujatilide kuzyaandaano zili 8 zijatikizya tempele lyabulemu eeli, nkaambo Yahuwah tatupi makani aali boobu kuti bantu Bakwe baauntuluzye nokuba kwaadyakaizya.
— WLC_Team_Citonga (@WLC_Team_Cit) April 10, 2022
2/Aayo makani aa cilengaano ca tempele akapegwa kakwiina bupanduluzi, Mumasena amwi mu Mangwalo, eelyo nokubelesyegwa mikonzyanyo, kuli bupanduluzi bupedwe bwa mikonzyanyo eeyo. Aboobo, kunyina kaambo kakuti takupedwe bupanduluzi bugaminide cilengaano ca tempele lya Ezekiya 40-48
— WLC_Team_Citonga (@WLC_Team_Cit) April 10, 2022
3/Kaambo keni kakukakila bupanduluzi bwa tempele lya Ezekiya kaguminizya kutuuzya banyama 'mukuzimaanya' cibi. Aabo bakaka bupanduluzi oobu batamauka kuti zituuzyo zili boobo zyisampauzya mulimo wa Kristu ngwaakakotoka kale.
— WLC_Team_Citonga (@WLC_Team_Cit) April 10, 2022
4/Ezekiya tali mushinshimi alikke wakaambilizya zituuzyo zyabanyama ziyooba mu Cuulu Camyaka. Abamwi bone bakaamba makani aaya: Izaya 56:7; 66:20-23; Jelemiya 33:18; Zekaliya 14:16-21; Malakayi 3:3-4. Mbube, mbashinshimi bone bazuminana mubusanduluzi bwa tempele lya Ezekiya.
— WLC_Team_Citonga (@WLC_Team_Cit) April 10, 2022
5/Swebo tubuzya kuti:Ino mulimo nzi wa zituuzyo zyabanyama eezyo mu Cuulu Camyaka? Katutaninga yingula, atwiibaluke kuti mumilimo ya Mozesi tiizyali zituuzyo zyoonse zyakali kutondeka kulufu lwa Kristu. Bunji bwazyo zyakali zyakusalazya bapaizi azibelesyo zyakupaizya ziindene.
— WLC_Team_Citonga (@WLC_Team_Cit) April 10, 2022
6/Kaambo keni ncokuyandika zituuzyo mu Cuulu Camyaka kalatalika kusalala notwiibaluka kuti Yahuwah wakasyomezya Ezekiya kuti WALO uyookkala mu Tempele lya Cuulu Camyaka. WALO ulisetekene. Bapaizi azibelesyo zyakupaizya ziindene beelede kusalazyigwa kutegwa babeleke mu tempele.
— WLC_Team_Citonga (@WLC_Team_Cit) April 10, 2022
7/Kaciindide Cuulu Camyaka, Jelusalema wakujulu uyooletwa ansi, nkabela nyika mpya ajulu lipya liyoolengwa [Ciyubunuzyo 21:1; Izaya 66:22], kunoonyina tempele. Nkaambo: Nyika inookkedwe bantu batafwi balaabulemu. Nokubaboobo, mu Cuulu Camyaka kucinooli babisyi bacipona.
— WLC_Team_Citonga (@WLC_Team_Cit) April 10, 2022
8/Kataninga zyokela Kristu, mbuli bwakaambilizya Kristu a Paulu [Mateyo 23:39; BaRoma 11:25-26], bamaJuuda banji bayokweempwa akukonkezya lusyomo lwabo muli Yahushua kuti ngu Messiah ngubakali kulindila. (Tulizyi zintu ziyooleta kweempwa ooku pele eeco nciiyo nsini).
— WLC_Team_Citonga (@WLC_Team_Cit) April 10, 2022
9/Kutali bamaJuuda boonse bayoopegwa ciimo citafwi aakuboola Kristu. Bamwi bamaJuuda bazangide bacinooli mu Isilayeli eelyo Kristu aakusolweda mulimo wakuyaka Tempele lya Cuulu Camyaka ooko kunooli munzi wakwe, nkwanoolelela masi aanyika, antoomwe abasaante.
— WLC_Team_Citonga (@WLC_Team_Cit) April 10, 2022
10/Nkaambo kababisyi bacinoopona mu Cuulu Camyaka, kunooyandika zituuzyo zyabanyama, zyakusalazya bapaizi [bana ba Zadoki] azibelesyo zyakupaizya mutempele. Mulikke buyo mu Tempele lisalazyidwe bulemu bwa Yahuwah mobukonzya kujanwa.
— WLC_Team_Citonga (@WLC_Team_Cit) April 10, 2022
11/Masimpe kuti Tempele [lya muli Ezekiya 40-48 lyaambwa kukomenesya akwiinda bulemu matempele aakainda obile] liyooyakwa a Kristu aakuzyokela, eeco caambilizya kuti kufumbwa makanze aaliko cino ciindi akataa bamaJuuda bateempedwe kuyakulula tempele lya Herod taakazwidilili pe.
— WLC_Team_Citonga (@WLC_Team_Cit) April 10, 2022
12/Nkufubaala kuuntuluzya cili mu Bbaibbele. Yahuwah waamba cini ncayiminina alimwi kufumbwa WALO ncaamba ncencico cini ncayiminina. Swe notuteelela tulateelela ziyubunuzyo Zyakwe akweendelanya maumi eesu kuli ncayutuyubunwida mu bashinshimi Bakwe. Kucita ciimpya nkucinkuka.
— WLC_Team_Citonga (@WLC_Team_Cit) April 10, 2022
13/Mbangaye buyo batobela Yahuwah basyoma zintu ziyoocitika kumamanino ziyubunudwe kuli ndiswe mu Ciyubunuzyo, kapati myeembo iicaalizya iili 7. Nkaambo kakuti bupanduluzi bwa zintu eezyo bulakankamya, Banakristu bakaanka kuuntuluzya nokuba kutamauka kuti zyakacitika kale.
— WLC_Team_Citonga (@WLC_Team_Cit) April 10, 2022
14/Kufumbwa mbotulombozya kuti Myeembo ikabe, tacikonzyi kucinca makanze aa Taata kusungula myeembo eeyo. Tulisowela buyo ciindi kapati notufubaala kuuntuluzya ncitwakayubunwidwa kuti tulibambile kabotukabotu. Pele bunji bwa Banakristu tabakubwene kuti eeyo Myeembo yaswena.
— WLC_Team_Citonga (@WLC_Team_Cit) April 10, 2022
15/Mbweenya buyo, akwalo kuuntuluzya Ezekiya 40-48 nkaambo waamba zituuzyo zyabanyama zyakusalazya bapaizi mu Tempele lya Cuulu Camyaka, kakwiina kumvwisya kuti lufu Lwakwe tiilwaazimaanya buyo cinyonyoono pele akusalazyigwa, eeco cilausisya kapati.
— WLC_Team_Citonga (@WLC_Team_Cit) April 10, 2022
16/BaHebulayo 10:4 “tacikonzyeki kuti bulowa bwa bacende atupongo bwagwisya zibi.” Pele, zituuzyo zya BaLevi muciindi ca Mozesi zitegwa “zileta kumvwanya”, [BaLevi 4:20,26,31]. Hena kaindi kwakali kusampaula kutaminina lufu lwa Kristu kuti ncituuzyo ciyooleta lumvwano?
— WLC_Team_Citonga (@WLC_Team_Cit) April 10, 2022
17/Nee peepe kaka. Eelyo notusalalilwa kuti ‘lumvwano’ tacaambi buyo kumwaya cibi, pele akuvwumbila cibi. Lufu lwa Kristu lwakamwaya cibi. Bulowa bwa banyama mu Cuulu Camyaka mbwakusalazya babisyi.
— WLC_Team_Citonga (@WLC_Team_Cit) April 10, 2022
18/Atumutembaule Yahuwah mukutweenzya katusalalidwe kujatikizya Cuulu Camyaka, akuti tutalinontoli azituuzyo zya Cuulu Camyaka, aaka kasimpe kakaluzya banjaanji akuzimaanya zibalo 8 zicaalizya muli Ezekiya. Tutauntuluzyi nokuba kudyakaizya Mangwalo.
— WLC_Team_Citonga (@WLC_Team_Cit) April 10, 2022