Tuyanda Kukukkomanisya azintu zyobile ziyandika zilaafwi kucitika!

Lino atutaangune kubandika cintu citaanzi kumwi katuyaa kusandulula Ciyubunuzyo 6:14-17. “Mpoonya julu lyakavwungaika mbuli bbuku livwungailwa antoomwe; alimwi kufumbwa mulundu ansumbu yakali mulwaanje, azyalo zyakaatulwa kuzwa mumasena aazyo. Bami banyika, abalombwana bampuwo, bavwubi, basilutwe balumamba, abamwi...

balombwana basinguzu, abazike boonse, alimwi abaangulukide boonse, bakayubila mumena amumpangala zyamabwe mumalundu; Mpoonya bakati kumalundu amakakala aamabwe, Amutuwide mutudimbilile, amutusise kuzwa kubusyu bwayuulya uukkede acuuno cabulemu, amutucingilile kuzwa kubukali bwa Mwanaambelele: Nkaambo buzuba bupati bwa ...

bukali Bwakwe bwasika; nguni uukonzya kwiimikila kunembo Lyakwe?” Webo wiingula kuti: tede ootu tumpango tulaatala aawa, twaambilizya buyo kuboola kwabili kwa Kristu. Tee kayi eeco cicili kulaale kucitika. Kucili myaka iiciinda nkokuya cikacitike eeco. Ino nkaambo nzi nywebo ncomwaambilizya kuti cilaafwi kutola busena? Swebo tukwiingula kuti: ootu tumpango twaambilizya caando cacisambomwe. Kucili caando caciloba citobela waawo.

Mulongo wazintu ziyoocitika mucaando caciloba, uyootola kutandila myaka yone. Aboobo zintu zicitika mucaando cacisambomwe kunyina pe nozijatikizya kuboola kwabili kwa Kristu. Aswebo twakazyibide kubaa mizeezo mbuli nduwe njoyeeyela kusikila buzuba oobo Taata Yahuwah naakatutondezya kuti tiitwakaluleme mukuyeeyela kuti caando cacisambomwe caambilizya kuboola kwabili kwa Kristu. MACCU NOBANTU.

Webo ulabuzya kuti: nkaambo nzi eeci cintu ciyoosya boobu kubaa manyongwe ncocicitikila kumamanino aacaando cacisambomwe eeco cili buyo myaka misyoonto munsaa Mamanino? Mulimo nzi wakuvwungaila mulengalenga mbuli mulembo akuyubununa Taata Yahuwah kakkede acuuno Cakwe cabulemu, kumwi Kristu kaimvwi munsi Lyakwe? Swebo tukwiingula kuti: Eeyo mibuzyo mibotu ncobeni :) :)

Kwiinda mucintu eeco ciyoolibonya aciindi eeco, Taata Yahuwah uyoomwaya milumbe minjaanji akataa babisyi abaluleme. Kubabisyi: 1) Cinooli citondezyo ciyoosya kuti lino Taata ulaafwi kulekela bukali Bwakwe atalaa nyika, kutaanguna mumyeembo mpoonya kutobelanya amapenzi aali ciloba aacaalizya. 2) Muzeezo wakubeja kuti kuli Baleza botatwe baswaangene mumubili omwe, uyoozulwa akubonwa kuti ngwa lweeno, akutondezya kuti takuli boobo pe.

Babisyi bayoolibonena kuti kuli buyo bobile baandeene mibili, Taata a Mwanaakwe. Ino uli kuli watatu weelene ambabo kuti babe baleza botatwe baswaangene mubili? Hena kuli busena bumwi nkwayubide Kujulu? Bantu banji basyoma kuti kuli baleza botatwe, bayoosulaika lusyomo oolo akutalika kwiimina kulubazu lwa basalali. Nguni uuti kaanke kucengelela bantu kumwi kakambauka Baleza Botatwe kakuli bantu boonse bayoolibonena ameso aabo kuti kuli buyo Taata a Mwana eelyo caakumanizya kulibonya cilengaano eeco?

Lino milimo yazintu eezyo ziyoocitika mucaando cacisambomwe, baluleme tabakonzyi kwiipandulula mumulaka wabantu pe. Pele atusoleke kubandauka zintu eezyo: 1) Eelyo baluleme baakubona Taata a Mwana, bayoosandulwa munzila njeenya Paulu njaakasanduka naakabona Kristu, eelyo naakali munzila kuya ku Damasikasi.

Bayoobaa nguzu zya Moza akucita zintu zyanguzu kapati eezyo ziyoobayumyayumya kwiinda mubukali bwa kupenzyegwa aamunyama abatobeli ba Saatani. Paulu naakamanizya kubonana a Kristu, wakaanjila mapenzi manji aataambiki akutundululwa. Kunyina cakali kunga cazungaanya moyo wakwe kuti ayaamuke kuzwa mukasimpe, nkaambo walo wakamubona ncobeni Kristu ameso aakwe.

Eelyo Stephen naakali kuumputwa mabwe, taakakubwene kuti bamudinkaula mabwe kumabazu woonse, nkaambo walo naakalungumene kulanga kujulu, moyo wakwe woonse wakajatwa kulibonena Taata a Mwana kabali mukati ka julu. Joobo awalo wakaanjila mapenzi aataambiki; wakaciswa zyuute akusampaulwa, eelyo Saatani naakazumizyigwa kumusunka mulunya.

Eelyo Stephen naakali kuumputwa mabwe, taakakubwene kuti bamudinkaula mabwe kumabazu woonse, nkaambo walo naakalungumene kulanga kujulu, moyo wakwe woonse wakajatwa kulibonena Taata a Mwana kabalibonya mukati ka julu. Joobo awalo wakaanjila mapenzi aataambiki; wakaciswa zyuute akusampaulwa, eelyo Saatani naakazumizyigwa kumusunka mulunya..

Nkaambo walo wakalitonkomene mumuzeezo omwe buyo wakuti 'pele mubuntu bwangu ndiyoomubona Yahuwah: Ime njoomubona lwangu ndemwini, alimwi meso aangu ayoomubona, kutali uumbi.” Joobo wakaliyumyayumya mukuciswa akusweekelwa zinjaanji nkaambo buyo kakuti bumwi buzuba wakali kuyoomubona Yahuwah ameso aakwe ncobeni. Kuyandisya kwa Joobo

dkwakali kwakuti bumwi buzuba walo uyoomuzwezya mumeso aakwe Yahuwah; aboobo kuli nguwe eeco cilikke ncecakali cintu cipati ncaakali kuyandisya. Kubona buyo Yahuwah ameso aakwe mwini, nokuba kuti wakali kuyoofwa alimwi, eeco cakali kabotu kuli nguwe. Nkaambo walo kuti naakamubona Yahuwah nociba ciindi comwe, ncecintu cilikke eeco ncaakali kulangila.

Twasyoma lino ayebo wateelela ncotutakonzyi kusisikizya lukondo lwesu, katukkomanina kuti mumyezi misyoonto buyo kuzwa ciindi cino, tuyoomubona Taata a Mwanaambelele aciindi ceelede cigaminina mumusela wanyika iino, mukaindi kasyoonto munsaa kupenzyegwa aamunyama kwa mazuba aali 1260, akunjila manyongwe aali ciloba amyeembo iili ciloba.

Hena kucili ciindi cimbi ceelela zintu zyacaando cacisambomwe? Ma! Nobantu luyando aluzyalo ndwajisi Taata cakuti wakabikka kale zintu zyoonse kabotu-kabotu mumundando kutegwa akatuyumyeyumye swebo twaakwiinda mumanyongwe aankondo Yakwe, eeyo njalwana Saatani. Kuli ndiswe, kubona Yahuwah a Kristu ncecintu cilikke buyo ncotubulide kutegwa tukoongole akwiinda mubukali bwa Saatani.

Lino atuye kucintu cabili ceelede kutola busena: kulibonya kwa bakamboni / bashinshimi bobile ba Ciyubunuzyo 11. Swebo tulangila kuti bayoolibonya kaindi kasyoonto caakwiinda caando cacisambomwe, akwaambilizya mulumbe wa myeembo, akuba bakamboni bokwa Yahuwah kwamazuba aali 1260. Atulinde kusikila bakalibonye.

Amwiibaluke kuti acalo cikombelo ciyoolyataukwa kunsaa matende kwa myezi iili 42. Pele nkaambo mulumbe wa bakamboni / bashinshimi bobile uyoomanina akataa penzi lya (Mweembo) Maawe wabili awatatu, eeco caambilizya kuti bayootalika mulimo wabo wamazuba aali 1260 kacitaninga sika ciindi eeco bantu Bakwe nobayoolyataukwa kunsaa maulu kwamyezi iili 42.

Aaka kampango katwaambila kuti aabo bakamboni bobile bayootamikizyigwa kuti mbibaatalisya manyongwe aayo aapenzya bantu atalaa nyika eeyi kuti: 'Bantu baansi bayookondwa akaambo kalufu lwabasinsimi aabo bobilo. Bayoosekelela akupana zipego, nkaambo bayootamikizya basinsimi bobilo aabo kuti mbibakacita kuti bantu bapenge kapati'

Nceeci ncotukkomanina mulimo wabakamboni ooyo uuzyaa kuswena munsi lyesu: 1) Swebo tatunaponede maumi eesu kakuli bashinshimi bamu Bbaibbele bazumi akati kesu pe. Eeci ncecintu cikankamanisya ncotulangila ncobeni amoyo woonse. 2) Citutondezya kuti Yahuwah tasiide bantu Bakwe kabatakwe wakubasolweda munkondo yamamanino eeyi pe.

3) Citondezya kuti Taata Yahuwah takalekeli Saatani kuti azinge bantu Bakwe noliba lyomwe pe. Kuti Saatani akabaa munyama amushinshimi mubeji, mpoonya balo kabacita maleele manjaanji, azimwi.., Awalo Yahuwah uyookwabilila bantu Bakwe mukubaletela bashinshimi bobile muciimo cabuntu kuti bayumyeyumye bantu Bakwe:

Aaba balaa nguzu zyakusinka julu, kutegwa itawi mvwula mumazuba aabushinshimi bwabo: alimwi balaa nguzu zyakupindula meenda kuti abe bulowa, akuumputa nyika akuleta manyongwe aayimpene, mbweenya mbuli mbobanoocita.' Ciyubunuzyo 11:6. Kunyina Yahuwah ncayoolekelezya bana Bakwe basyomeka. Alitembaulwe Zina Lyakwe.

Lino webo mukwesu mboozyiba ncotukkomanina kulibonya kwabashinshimi bobile aabo, swebo mbuli nkamu yomwe tuyanda kukwaabanya ayebo makanze eesu kujatikizya bakamboni bobile aaba: 1) Swebo twakatalika kupailila mbabo eelyo Muya Uusalala nacibabambilila kuti bakacite mulimo wabo uuyandika.

2) Eelyo baakulibonya bakamboni, nkamu ya WLC iyoobagwasyilila caantangalala mumulimo wabo kufumbwa cikonzyeka, akuzuzika cisyomyo eeci cakuti, 'kosyoma mubashinshimi bakwe, mpoonya uyookwabililwa.' 2 Makani 20:20. 3) Swebo tuyoobatambula mumaanda amuminzi yesu, kufumbwa nocikonzyeka. Alimwi swebo tuyoobasangana mumulimo wabo kufumbwa nocikonzyeka.