|
Kutobela Mwanaa mbelele kufumbwa nkwagama nciindi cibotu cipedwe ku musela wamamanino. Pele kutobela ncobeni Mwanaa mbelele kufumbwa nkwasolweda kuyandika kulyaaba kusiila limwi zintu nzyoyandisya kusyoma. |
Zefaniya ujuzya mulumbe uujisi kucenjezya kulaa mulimo waandeene kumusela wa mamanino: “Mbube ciyoocitika kuti caakusika ciindi eeco, Ime njoovwuntauzya mumunzi wa Jelusalema, akupa cisubulo ku banalumi aabo bakkede cakulikwaya kabaliibide mpobabede: aabo baamba mumyoyo yabo kuti, Yahuwah takoocita cibotu, nanka kuti takoocita cibi” (Zefaniya 1:12).
“Masiwa” talili bbala ndyotuzyibide kumvwa bunji bwesu. Aciindi cimwi Ime ndakamvwa mukambausi kaamba kuti eeli bbala liiminina kuti “haunches.” Yahuwah, mbwaakaamba, wakali kwaambila baabo bataminina muzintu nzyobazyibide kale mpoonya akukkala kabalikwayide. Nokuba kuti aawo nkwaali makanze, cintu cini ncocaamba acintu ncociiminina ziliindene kulaale. Masiwa ndibbala limbi liiminina masembe aayo aakkalilila ansi lya mabbodela aa waini. Masiwa ncintu cibambika mumulimo wa kukumba waini.
Kulikwaya—kulimvwa kukkalwa camba koliibide aawo mpoteene muluzyibo ndojisi kale cakuti tokubwene ntenda ziciliko munsimunsi—eeci ncecintu cibikkide bantu banjaanji mu ntenda mazubaano.
|
Nokuba kuti alalibamba lwawo, pele kunyina muntu uusukumuna bbodela lya waini kuyandisya biyo kuti alidomenene masiwa aakkalilide ansi. Zefaniya ucenjezya bantu kuti bataliibi muli ceeco ncobayeeyela aanga balizyi kale kuti nkakasimpe. Kulikwaya—kulimvwa kukkalwa camba koliibide aawo mpoteene muluzyibo ndojisi kale cakuti tokubwene kuti kucili ntenda ziciliko munsimunsi—eeci ncecintu cibikkide bantu banjaanji mu ntenda mazubaano. Mubwini, musela wamamanino ulimuntenda yakulikwaya kapati kwiinda misela yakainda yoonse kwiisanganya antoomwe nkaambo biyo kakuti swebo tupedwe mumuni mupati kwiinda musela uuli woonse wakainda.
Kukasaala ooko kusesemya
Eeyi ntenda ilipampanudwe mu Ciyubunuzyo 3:15 kusikila 17: “Ndiizyi milimo yako mbwiibede, nkaambo moyo wako tuubulilili kupya, nekuba boobo tuupisyi loko. Niwabulilila kupya nanka niwapisya. Lino moyo wako ulapya buniini buyo, tuubulilili kupya pele tuupisyi loko, aboobo ndaamba kukuswida kuzwa kumulomo wangu. Nkaambo waamba kuti “Ndilivwubide, ndabaa lubono, alimwi kunyina ncebulide—pele tolibwene kuti ulipengede, ulisampaukide, ulimucete, uli moofu, alimwi ulaa mantaanda.”
Citola kulyaaba ncobeni kuti koyanda kasimpe, kuvwuntauzya camoyo woonse akudibaula kuyandaula masimpe manjaanji kutegwa muntu aleye kakole kakukkalilila muciyanza ca kantya kulikwaya. Ambweni, kubelesya mukonzyanyo wa Zefaniya, citola kulyaaba ku kasimpe, kasimpe koonse kakkwene alimwi kakwiina cilmbi kunze lya kasimpe kuti muntu akake kukkutila biyo masiwa aayo aakkalilide ansi. Masiwa ncibeela ca kukumba cakunywa, pele bantu ba Yahuwah tabeelede kulikwaya kukkuta biyo masiwa. Tweelede kuzuunyana kuya kumbele kuti tukatambule waini uusalala wa kasimpe kabulemu.
Eeci inga caboola amuulo mupati. Zilongwe akataa bantu zilamana. Bamwi inga katabamvwisyisyi akutalika kutamikizyanya, pele kuli boonse bayanda kutobela Mwanaa mbelele kufumbwa nkwagama, ncintu ciyandika kuti kasimpe kayandaulwa cakusindinganya alimwi kutali kwiide biyo kuzuminwa. Johane upandulula baabo ba musela wamamanino bacita boobo kuti: “Aaba mbambabo batakalisofwaazya aa bamakaintu nkaambo mbaumbulu. Aaba mbambabo batobela Mwanaa mbelele kufumbwa nkwagama. Aaba mbibaanununwa kuzwa akataa bantu, nje micelo mitaanzi kuli [Yahuwah] aku Mwanaa mbelele. Alimwi mumilomo yabo tiikwakajanwa bubeji, nkaambo tabakwe kampenda kunembo lya cuuno cabulemu cokwa [Yahuwah]” (Ciyubunuzyo 14:4-5).
Hena ulalombozya kuyoojanwa kotakwe kampenda kunembo lya cuuno ca Yahuwah na? Hena ulalombozya kuti mulomo wako kuutajisi bubeji na? Citola muntu uuyandide kubala kalaa muzeezo uutasinkilidwe kuti atambule mumuni mupya. Cilaambilizya akuyanda kuzumina eelyo nobona kuti walilubide akuleka kulitukumuna akukaka kuzumina kubee toolubide.
Mumuni Mupya Ululamika Manjezyeezya Aakaindi
Ciyubunuzyo 17 cijisi cishinshimi ciyandikisya kapati: “Ngooyu muzeezo uulaa busongo: Imitwe iili ciloba malundu aali ciloba aawo mukaintu mpakkede. Kulaa bami bali ciloba. Bosanwe bakafwa kale, umwi nkwali alimwi umwi uciboola. Aakusika, uyoozumanana kwa kaindi kasyoonto buyo. Imunyama wakaliko, lino uutako, nguwenya lwakwe ngo walusele, alimwi ngumwi wabaabo bali ciloba, alimwi nguuya kukunyonyoonwa.”
Nkamu ya WLC kwaciindi cilamfu yali kuyiisya kuti malundu/bami bali ciloba mbaa poopo bali ciloba, kusanganya antoomwe a Benedict XVI wakafwa kali mwami wa ciloba. Nokuba boobo, mumuni mupya wa zishinshimi zya Ezekiya uyubununwida ndiswe kuti kweezyeezya kwesu kwakuti Poopo Francis wakali mwami wa lusele kwakali kulubila. Ezekiya 38 waambilizya kukamantana kwa masi manji, kaasolwedwa aacisi ca Russia, aayo aayoofumpa cisi ca Isilayeli.
Yahuwah uyokwiima akati anguzu zipati akunyonyoona basinkondonyina aa Isilayeli. Ezekiya 39:7 ulaambilizya cakutaleyaleya kuti aakwiinda aayo kuyooba myaka iili ciloba ya kuyakulula. Lino kusanganya ciindi eeci ku micito ya cisi ca Russia mazubaano mukulwana Ukraine akugwisya lumamba lwa mbungano ya NATO inga catola ciindi cilamfu kwiinda kucembaala kwa Poopo Francis mbokuciya kumbele. Mbwaanga wakazyalwa mu 1936, tacikwe myaka minjaanji ya buumi kuti akabe mwami wa lusele kajatide bubi abweende bwa mapolitikisi aanyika mbuli mbokweelede.
“Inzila ya baluleme ilamweka mbweenya mbuli zuba, eelyo liyaa kuyungizya kumweka kusikila buzuba bwasalala ngwa” (Tusimpi 4:18).Atulyaabe kulazyika kumbali kufumbwa cilubide eelyo nociyubunwa kuli ndiswe, akutobela Mwanaa mbelele kufumbwa nkwagama.
|
Aciindi cino, tatumvwisyide cakumaninina makani woonse aali mu Ciyubunuzyo 17. Ngooyu mukonzyanyo, tatumvwisyide Ciyubunuzyo 17:11 ncociiminina eelyo nocaamba kuti “Imunyama Wakaliko, lino uutako, nguwenya lwakwe ngo walusele, alimwi ngumwi wabaabo bali ciloba, alimwi nguuya kukunyonyoonwa.” Eeci kunooli caambilizya musangu uulicengeezya kuba Poopo John Paul II ooyo wakali kuyandwa kapati. Eeci inga ceelela busanduluzi bwa kuba mwami wa ciloba, Pele aciindi cino, ooku nkweezyeezya biyo.
Poopo Francis, aboobo, ngu Poopo wakaindi kasyoonto biyo. Walo tali umwi wabaabo bali ciloba. Kulanga ziyaabucitika munyika, masi ajisi bubi kuzuzika cishinshimi cokwa Ezekiya eeco ciyoosika mpoceela aakuboola Yahushua pele tatuninga sika aawo pe. Yahuwah uciyanda bantu banjaanji kuti bafutulwe mbuli mbocikonzyeka. Aboobo, Walo ucibalekela ciindi cikubwene mbuli mbocikonzyeka kutegwa boonse babaa ciindi cibotu cakuti bakafutulwe.
Kubbazu lyakokuno lya buumi buteeli, eelyo notucilaa ziimo ziwide mucibi, kuzwidilila kulondoka nokuba akataa basyomeka ncobeni ncintu citakonzyeki. “Inzila ya baluleme ilamweka mbweenya mbuli zuba, eelyo liyaa kuyungizya kumweka kusikila buzuba bwasalala ngwa” (Tusimpi 4:18). Atulyaabe kulazyika kumbali kufumbwa cilubide eelyo nociyubunwa kuli ndiswe, akutobela Mwanaa mbelele kufumbwa nkwagama.
