Bumambi bwa Saatani Munyika | Amelika waba Munyama Uuluma

Ciyubunuzyo ncipego cokwa Yahuwah kumusela wamamanino atalaa nyika. Nkulangila kulaale zikonzyanyo, azintu zyoonse ziyoocaalizya kucitika kumamanino aanyika. Cimwi cibalo, citucenjezya musyobo wanguzu eezyo ziyookomena akutalika akweendelezya nyika yoonse:

Ciyubunuzyo ncipego ca Mwami Yahuwah kuzyalane lyamamanino. Ncitondezyo cizwide mikonzyanyi yazintu ziyoocaalizya kucitika kumamanino aanyika.

Alimwi Ime ndakabona aumwi munyama kabbuka kuzwa munyika; alimwi walo wakalaa meja obile mbuli mwanaa mbelele, alimwi wakali kwaambaula mbuli simwaaba.

Alimwi walo wakabelesya nguzu zyoonse zya munyama mutaanzi ooyo wakamusolweda kumbele lyakwe, alimwi wakasinikizya nyika yoonse abaabo bakkede muli njiyo kuti bakombe munyama mutaanzi, ooyo wakalaa cilonda calufu cakaponyegwa.

Alimwi walo ulacita maleele, cakuti ulakonzya kulosya mulilo kuzwa kujulu kusikila anyika kumbelaa meso aabantu,

Alimwi ucenga baabo bakkede atalaa nyika kwiinda mumaleele aayo ngaakalaa nguzu kuti akonzye kwaacita mubusyu bwa munyama; kaamba kuli baabo bakkede anyika kuti, beelede kubamba cinkonzya ca munyama, munyama ooyo wakayasidwe cceba, alimwi wakapona.

Alimwi walo wakalaa nguzu zyakupa buumi kucinkonzya camunyama kuti cikonzye kwaambaula, akucita kuti boonse batayandi kukomba munyama bajayigwe.

Alimwi walo usinikizya boonse, baniini abapati, bavwubide abacete, baangulukide abaangidwe, kuti batambule caando mujanza lyabo lyalulyo, nanka munkumo zyabo:

Alimwi kuti kunyina muntu weelede kuula nokuba kuulisya, pele buyo ooyo uulaa caando, nokuba zina lya munyama, nakuba mweelwe wazina lyakwe. (Ciyubunuzyo 13:11-17, KJV)

Kwiinda mukubala zikonzyanyo zipedwe, ncintu cikonzyeka kuganta kucenjezya ooko Julu nkolisola kutupa. Mu Mangwalo, “munyama” lyoonse mukonzyanyo wa nguzu zyamapolitikisi munyika yoonse. Eelyo Daniele nakapegwa cilengaano cijatikizya banyama, mungele wakamulailila kuti, “Aaba banyama bapati, bone, mbami bali bone, aabo bayoobbuka kuzwa munyika. Pele basalali ba Singuzu-zyoonse bayookona bulelo, alimwi bayookona bulelo kukabe kutamani, lyoonse alyoonse.” (Daniele 7:17-18) Cintu cigaminina banyama aaba ncakuti, bayiminina nguzu eezyo zilwana bantu bokwa Yahuwah munzila imwi.

Busanduluzi bwa munyama wa Ciyubunuzyo 13, butondezya kuti eeco ncishinshimi ca cisi ca Amelika.

Ooyo munyama ulabbuka kuzwa ansi “munyika”. Mumangwalo, “lwizi” a “meenda” ziiminina “bantu, makunga aabantu, masi, amilaka minjaanji.” (Langa Ciyubunuzyo 17:15.) Munyama uubbuka kuzwa munyika, aboobo, inga waiminina nguzu eezyo zyakatalikila mucooko canyika catakakkedwe bantu banji. Kuli buyo “nguzu zipati zyomwe” ziciceede atalaa nyika mazubaano alimwi, kuleka mbuli masi amwi aali kumbele mukucita zintu anyika, eeco cisi cakatalikilwa mucooko canyika catakakkedwe bantu banji.

Bunji bwazisi zilakonzya kutobelezya misela yazyo nkuzyakazyila zyuulu zyamyaka kuya musyule. Cilikke cisi ca Amelika, ncecisi cipya cakalibonya atalaa nyika, akutalikila “munyika mpya”; alimwi cakaba buyo cisi kwamyaka iitandila kumyaanda yobile.

Cisi ca Amelika cilizyibidwe kwaciindi cilamfu nkaambo kazitondezyo zyobile: bupaizi bwa Basikutongooka a Basicisi ( aaba tabeelede kweezyekwa amapolitikisi aalaa zina ndeenya eelyo pe). Eeci ncecaandaanya cisi ca Amelika kuti cibe ciimpene kuzisi zyoonse. Cakali cisi cataakwe mwami alimwi cakalaa cikombelo cakasimpe citakwe poopo. Aboobo, cakalaa lwaanguluko lwakulilela mumizeezo oolo lwatakabwenwe kuli koonse atalaa nyika yoonse.

Eezi zikonzyanyo zyobile nzyezitondezyegwa “ameja obile aamwanaambelele” ngajisi munyama ooyu; Ncobeni, aaya meja obile akaliimpene cakuti ngalaa bupanduluzi bupedwe bwamunyama ooyu. Mu Mangwalo, aaya meja ngaayiminina nguzu, alimwi muulwaanguluko oolo lwakapedwe kumfulumende ya Butongoosi aBusicisi, oomo cisi ca Amelika mucakajanina nguzu zipati.

Pele eeci cishinshimi ciya kumbele kuyubununa ntenda yamalweza. Aayo “meja” ngalucengo nkaambo ooyu munyama natalika kwaambaula, “waambaula mbuli simwaaba.” Cizuminano cipya cilaa mabala obile aayimpene aasanduludwe mubbala lyomwe lya Cikuwa kuti “munyama.” Bbala litaanzi, litondezya banyama babungene mumbalaa cuuno cabulemu bwa kujulu (langa Ciyubunuzyo 4:6-11), kalyaambilizya amunyama uukonzya kuvwubwa, uutalumi. Ibbala lyabili lyaambilizya bulelo bwanyika, bwalo ngo munyama uuyoosya, uuluma akulya banyamanyina! Eelyo bbala libelesyegwa kwaamba “munyama” mu Ciyubunuzyo 13 ndebbala lyabili. Ooyu tali munyama mubombe, uukoya mwanaambelele pe. Ooyu munyama, uuyoosya alimwi ulaambaula, akukwamauna zyoonse zyili munzila lyakwe.

Cili masimpe kuti Yahuwah wakali cilelekede cisi ca Amelika kufumbwa buyo kuti muntu sicisi uuli woonse naakali kapona buumi bwakwe kweendelanya amilazyo yakasimpe abululami mubuumi bwakwe boonse. Cisi ca Amelika cakaba ciyubilo cabaabo bakali kutundululwa akupenzyegwa mumasi mobaazyalilwa. Nokuba boobo, Saatani wakalaa makanze kucisi cipya eeci acalo. Kumatalikilo kwini, cisi ca Amelika, cakatalika kulitondezya ciimo ciimpene aceeco cameja aa mwanaambelele mubombe.

Munzi wa Washington D.C. awalo uliimpene aminzi yacisi eeci nkaambo wakayakwa kwiinda mumilawo yacisi kuti ube munzi mupati wacisi cipya. George Washington, muleli mutaanzi, kuzwa ciindi cankondo, wakali umwi mupati wambungano yaba Freemasoni kalaa busena bwa 33° mumbungano eeyo, walo wakasala mweenzinyina, Pierre Charles L’Enfant waku France, kuti amweengele mayake aamunzi wa Washington D.C.

Kuleka kuba munzi uukatazya kubolyonga nkaambo kamusyobo mbuuyakidwe, pele ngumwi akataa minzi yamunyika uukatazya kuzinguluka nkaambo wakabambilwa kusisa malweza aabulozi aali mumigwagwa iikosaula munzi, mumisena, amumayake aali mukati kamunzi ooyo!

Ŋanda ya Muleli (Ganda Lituba), ncitondezyo ca mfulumende yacisi ca Amelika, kiikkede atalaa nyenyeezi yeengedwe amigwagwa yamumunzi ooyo. Bbokesi lyeengedwe a cipimyo, nzitondezyo zyankamu ya Bafreemasoni, zilazwa ku Ganda Lituba kusikila kuganda lya Capitolo. Cimwi caayakwa mumyaka misyoonto yakainda, cakali busena bwaku Amelika bwiinda kuba bupati mulumamba bwa Pentagoni, kabuyakidwe  akataa nyenyeezi yeengedwe amigwagwa yamunzi ooyu.¹

Mubunji bwa musela wakainda, eeci cisi cakaluukwete kukwakwamuna lukwakwa lwacisi kusikila nicakaba cisi cilaa busena bwatatu kubaa nyika mpati anyika. Kusikila mumusela uuno, ciyobwedo camali munyika yoonse cakabambilwa mumunzi oomu mu mwezi wa Nalupale 23, 1913,  akusyomya kubambila bantu baku Amelika buumi bubotu, alimwi azisi zimwi kuti “kazikweleta” zikwelete zyamali kucisi ca Amelika.

Von Braun mu Kaanda kaniini 1964 kajisi zikonzyanyo zya ndeke ziitwa kuti Saturn eezyo zyakayungizya lubilo lwakwiindilana kuyoosika ku mwezi.

Nkondo Yanyika Yoonse Yabili yakali nkondo yakalaa mpindu kumfulumende ya Amelika. Kumamanino aankondo, cisi ca Amelika acisi ca Russia, “zyakaabana kufumbwa cakakwempwa munkondo” kuzwa kulusumpuko lwacisi ca Germany, akubba maseseke aalumamba aazibelesyo zisumpukide kapati, anzila zyamakwebo zisumpukide. Mumulimo wakupelenga wakuti Paperklipu, bunji bwabasyaazyibwene basongo baku Germany, aabo bakali balupatipati mulumamba lwaku Germany, bakatolwa kucisi ca Amelika akutalisya nkamu iiliko mazubaano ya CIA aya NASA.² Werhner von Braun, umwi walupatipati, wakabelekela mbungano ya NASA mbuli mweendelezi wa Kuulusya Ndeke Zyalumamba, akupegwa Cikwankwani cabulumbu mu Lwiiyo lwa Zilengwa Leza mu 1975. Imwi ndeke iiyoosya yaku Amelika, yiitwa kuti, Stealthi Bbomba, yakabambwa kutobezya bwakabambidwe mukonzyanyo wandeke yamu 1944  yaku Germany.

Nkondo Iitontola eeyo yakatobela Nkondo Yanyika Yabili, yakapa cisi ca Amelika kaambo kakwiinganina mumakani aanyika amunkondo zyamasi amwi akulipeekezya kulesya mapolitikisi aamusyobo wa “Comyunizimu.” Kuzwa ku Korea, ku Vietinamu, kusikila kunkondo Ntaanzi ya kulwizi lwa Galufu, musela wakainda wakazwide kukalala ooko kwakali kuyaa bwiindila munyika kwacisi ca Amelika. Abalo basololi bamasi aali kulaale, tiibakaindidwe kumbali kujailwa basololi babo kufumbwa buyo kuti mapolitikisi aabasololi aabo kaateendelani ayaayo aacisi ca Amelika.

Kumamanino aa Nkondo Iitontola, lumamba lwaku Amelika lwakali kuyanda sinkondo mupya wakulwana limwi kuti lubaa nguzu atalaa boonse. Aayo maseseke aazyibidwe kale akataa bantu boonse baku Amelika kuti, aayo manyongwe aakacitilwa bantu baku Amelika mumwezi wa Vvwivwi 11, 2001, akalengelezyegwa amfulumende ya Amelika lwayo kwiigaminina mukuyanda buyo kutamikizya uumwi munyika kuti nguwacita mulandu wakujaya ooyo.³ Zifwanikiso zyaba Mozilemu kabasekelela zintu zyaacitika buzuba oobo mafumofumo, ncintu ciyubununa kuti nyika yoonse tiiyakakubwene kuti ooyu mulandu waacitilwa kuti cisi ca Amelika abamambi baco baku UN balijanine kaambo kakunjilauka zisi zili kulaale.

Mumyaka yakainda, kunjilauka zisi zili kulaale kwakali kulengelezya nkondo. Mazubaano, mukutaminina muzeezo wa “Kulwana Zigwebenga Nkondo ya Kavwumbu”, kufumbwa cisi eeco mfulumende yaku Amelika nciiyanda kukoma, inga caambwa buyo kuti ncisi “cisunga” nokuba “kugwasyilila” zigwebenga eezyo zicita manyongwe, mpoonya cisi ca Amelika abamambi baco nkutalika mpeenya aawo kulwana cisi eeco nkondo yakavwumbu. Myeelwe myeelwe ya banamaleya baku Afghanistan aku Iraq kucooko ca Akataa Kujwe, bakanyonyoonwa amunyama ooyu ulaa busa bwanguzu kapati waku Amelika. Bamwi bakajaigwa akusansailwa misamu iikola kapati; ooyo mulandu uugaminina kutyola mulawo ncobeni wakujaya bantu.⁴ Eeco tiicakajatikizya buyo basikalumamba baku Amelika, pele amikwasyi yabo yakacengelelwa akwaambilwa kuti banakwabo balwanina cisi cabo.⁵

Lumamba lwaku Amelika lubelesya zibulo zyuuluka kakwiina muntu weenzya mukati, akusisikizya kulangilizya bantu atalaa masi manjaanji anyika. Zimwi zibulo eezyo zyuulukila atalaa basinkondonyina akucesya kusweekelwa myeelwe yabuumi bujayigwa munkondo mulumamba lwaku Amelika. Bantu baku Amelika abalo balalangilizyigwa cakusisikizya kubelesya zibulo eezyo. Aaka nkaambo kazyibidwe kapati kuti masimpe, nokuba kuti kwakali kwaambwa kuti inga ooyo kuuli muzeezo buyo wakuti kuli uulangilizya bantu ciindi coonse kuzyila mujulu.⁶ Kucinyina muntu uulaa maseseke nkaambo eeyo njenzila eeci cisi mboceendelezya bantu baco. Zimwi zibulo zibamba zipekupeku zyakulangilizya bantu kakuli zimwi zibulo ziswiilila mibandi yoonse iituminwa muluwaile atalaa nyika amumilumbe iituminwa muluwo yoonse.

Amelika, ooyo wakali cisi “ca lwaanguluko lulweela”, lino wakaba munyama uuluma akataa bantu baku Amelika abantu bakkala kulaale mbweenya buyo. Milawo minjaanji yakabikkwa akupa kuti muntu mutuba abe similandu katakubwene. Eelyo bantu baku Amelika nobalamatide lusyomo lwakuti cisi cabo nceciinda kubaa lwaanguluko munyika yoonse, masimpe eeni ngakuti, eeci cisi nceciinda kubaa basintolongo munyika yoonse. “Kutilimuna akukonga kujaigwa” njenzila akataa zimwi iicitwa alumamba lwaku Amelika mumadolopo aacisi, akusuwa lumamba lwacisi kuti lulibambile kulwanina akataa bantu bacisi kuti naa banzangila mfulumende!⁷

Mfulumende yacisi ca Amelika icibweza ntaamu yakulwana bantu bacisi, kuzwa mukusaala mpindu zyabantu ampulasi zyabo, kunyanga akudilimuna makwebo akujala makwebo aakuuzya zyakulya, nzyenzila zyimwi mboyilwana mfulumende eeyi.⁸ Aciindi mpeenya aawa, makwebo aabamba misamu yakusilisya bantu, ayaa kuba makwebo alaa nguzu kapati, mukati ka Amelika aanze lyacisi, akukasya kubelesya micelo yamusokwe iibeleka kabotu kakwiina kutoneka mubili nokuba kuulwa mali manji mumyuulo iidulisya; kumwi eezyi  mpindu nzyeenya, zilawulisya amisamu iikola, misamu iizilaisya akuzilula maanu aamuntu. Cisi ca Amelika cibelesya makwebo aamisamu eeyo kuti cibaa nguzu atalaa nyika yoonse. Kwakamvwugwa kale kuti bulwazi bwa AIDS mu Afulika bwakanjizyigwa akataa bantu kwiinda munyeleti zyakupegwa buyo kakwiina muulo eezyo zyakapegwa abasilisi baku Amelika. Lilikke twaakusika kutamani kuteeli notuyoozyiba mpuwo yamunyama ooyu munyika yoonse. Kuleka buyo bantu baku Amelika, pele azyalo zyuulunzuma zyabantu munyika, bacifwa kumisamu iibikkwa yakulweezya akuyobozya cakulya pele eeyo misamu ilajaya alimwi ilisumpwidwe acisi ca Amelika kubelesyegwa nkaambo ciyandisya kubaa nguzu. Nokuba zyakulya mbuli micelo azisyu mani, azyalo zilaumpwa amulilo uusofwaazya, kazyuumpilwa mukati cakuti kucinyina abusani buciceede muli cakulya eeco.  “Kukokoola” banamaleya ngomulimo uuciya kumbele kwiinda mukusansaila misamu iikola atalaa zisi zisangene mbungano ya NATO.

Kusanduka kwacisi ca Amelika kuzwa kukuba cisi ciyandisya lwaanguluko kuya kukuba munyama wacishinsimi waambaula, kwakasikila mpokweelela kwiinda mumilawo ya musololi wacisi. Eeyo milazyo iitajanwi mukkunga lyamilawo yacisi, niitalika kuba milawo kakwiina kuzumizyigwa ankamu yeendelezya mfulumende. Muleli wacisi mumyaka misyoonto yakainda, wakazumizya kunyanga bantu buvwubi akufusila bantu muntolongo kakwiina kaambo alimwi kakwiina ciindi cipimidwe cakukkala muntolongo nokuba kutolwa kunkuta. Ooku kutundulula bantu munzila eeyo kulakonzya kucitilwa kufumbwa muntu, muna Amelika nokuba muna masi; Musololi wacisi ca Amelika inga watondeka kufumbwa muntu kuti “ooyu ngu sinkondoma” alimwi aboobo sinkondonyina uuli woonse weelede kujaigwa.

Muleli Obama isaina mulawo munguzu zyabuleli.

Bunji bwabantu baku Amelika tabakubwene mbuyaacinca mfulumende yabo. Nkamu zimwaya milumbe azyalo zyaambilizya buyo milumbe eeyo iizumizyidwe amfulumende yabo. Aabo bantu bazyi masimpe eeni ncobeni, balikkede kabalibilikide akuyoowa nkaambo kanguzu zipati eezi zisikila kuzinguluka nyika yoonse.

Cishinshimi ca Ciyubunuzyo ciyubununa kuti kuyooba kucinca kumaninide eelyo cisi ca Amelika caakuzumizya kutambula “caando camunyama”  akukomba kwalweeno kuti muntu katayandi kujayigwa. Eezi nguzu zyacisi, ziyoocenga…

baabo bakkede atalaa nyika kwiinda mumaleele aayo ngocilaa nguzu zyakucita kunembo lya munyama, akubaambila aabo bakkede atalaa nyika kuti, beelede kubamba cinkonzya camunyama . . .

Alimwi walo wakalaa nguzu zyakupa buumi kucinkonzya camunyama, kuti eeco cinkonzya cikonzye kwaambaula, akusinikizya banjaanji aabo batakombi cinkonzya camunyama kuti bajaigwe.

Alimwi ulasinikizya boonse, baniini abapati, bavwubide abacete, baangulukide abaangidwe, kuti batambule caando mujanza lyabo lyalulyo, nanka munkumo zyabo:

Alimwi kuti kunyina muntu uunga waula nokuba kuulisya, pele ooyo ulaa caando, nokuba yooyo ulaa zina lyamunyama, nokuba mweelwe wazina lyakwe. (Ciyubunuzyo 13:14-17).

Munyama “ulaambaula” eelyo nabikka milawo yamfulumende. “Ulasinikizya” eelyo nabikka malailile aadyaaminina bantu boonse kutobela mulawo uubikkidwe. Eeci cibalo ciyubununa kuti kulesyegwa makwebo ncecintu cimwi ciyoocitilwa kufumbwa muntu ooyo uutatobeli akukomba cinkonzya camunyama. Kusinikizya kwamamanino kuyooba kukongwa kujayigwa. Saatani ulaa bamambi ncobeni munyika yoonse amucisi cabusilikani ca Amelika; eeci cisi nzyenguzu zilikke munyika zilaa lumamba lukonzya kusinikizya kutobela milawo yacisi munyika yoonse.

Boonse aabo bacinootobela Mwami Yahuwah, beelede kwiimikila nji kunembo lyanguzu zyabudyabooli eezi zitundulula muntu uuli woonse.

Kuti kube cinkonzya camunyama, kweelede kuba cintu citaanzi. Munyama mutaanzi ooyo uukonzyanyigwa kumamanino aaciindi, nimbungano ya Cikombelo ca Katolika, ninguzu zya keja kasyoonto. Mbungano yabo yabupaizi iisangene amapolitikisi, yakajaya bantu bakakkede muminzi kulaale kufumbwa cintu ncibaacita cakali kwaambwa kuti ncinyonyoono acikombelo eeci mu Misela ya Musinze. Linolino ciyooba mbweenya oobo alimwi eelyo nguzu zya Simukazya-kristu zyaakusumpulwa akutabililwa acisi ca Amelika.

Muluzyalo lwakwe, Mwami Yahuwah wakatutondezya kale mumazuba aazya kumbele; mazuba aayo ayoojatikizya muntu uli woonse uucipona atalaa nyika. Lino nceciindi cakuvwiila lwiito lwako. Lino nceciindi cakupangana luumuno a Mulengi wako kuti Walo akusandule muya wako. Kozyibila kusyoma Mufutuli cino ciindi kutegwa, eelyo caakusika ciindi camasunko eeco, webo ukakonzye kwiimikila kosyomeka nokuba kuti buumi bwako bukabe muntenda yakujayigwa.

Kolibbakamuna kusala buno buzuba kuti wiiminine kasimpe kufumbwa muulo uunga waba mukucita boobo.

“Kobaa nguzu akukkazyika camba! Utayoowi nokuba kulibilika, nkaambo Yahuwah Eloah wako ulaa nduwe kufumbwa nkogama.”
(Joshuwa 1:9, Mangwalo aalaa Mazina Aakajokezyegwa)