Print

Russia Mu Cishinshimi Ca Bbaibbele!

Mumuni mupya uugambya kuzwa muli Ezekiya uyubununa kuti lumamba lukamantene lwa masi aanyika lusolwedwa aa Russia luyoofumpa cisi ca Isilayeli! Eeci ciyoobelesyegwa a Julu kubunganya bantu banjaanji kuli Yahuwah.

Russia Mu Cishinshimi Ca Bbaibbele!

Ono lumamba lwa Russia nolusaala cisi ca Ukraine, banakristu banji banji balabuzya kuti hena eeco takuli kuzuzika mulumbe wa Ezekiya wa nkondo mpati ya mazuba aakumamanino na. Bwiinguzi mbwakuti peepe . . . tiininga talika eeyo pe. Russia nkwali ncobeni mu cishinshimi, nokuba boobo, alimwi ucilaa kaambo nsini kamugaminide.

Mulimo wa Cishinshimi

Cishinshimi tiicakapedwa kusekelezya bantu nokuba biyo kwiingula mibuzyo yabantu aabo bayandisya kufunyungula makani. Kunze lyaboobo, cishinshimi ncipego cilaa mulimo wa kuyumyayumya lusyomo eelyo nocazuzikwa. Muli Ezekiya, eeci caambidwe boobu, “Mbube uyoozyiba kuti Ndime Yahuwah” (Ezekiya 37:6b) akuti “Nkabela bayoozyiba kuti Ndime Yahuwah” (Ezekiya 38:23b). Ncobeni, aaya majwi alibelesyedwe ziindi 72 mubbuku lya Ezekiya lilikke buyo!

Russia ulalibonya mu Mangwalo, nokuba kutali mu zina eelyo. Mbaaba bakamboni batobela kuzwa mu Mangwalo batondezya kuti Russia nciiyo ciyandika kapati mu cishinshimi.

Russia Wasunu, Magogu Wa Jilo

Kaambo keni basyomi ncobatazyibi zishinshimi zya Ezekiya zigumikizya Russia nkakuti mazubaano mazina alicincidwe. Ezekiya 38 ulajuzya amajwi aakuti, “Ijwi lya Yahuwah lyakasika kuli ndime kaliti: “Mwanaa muntu, lanzya busyu bwako cankayikayi kuli Gogu, wa kunyika ya Magogu, silutwe mupati wa Mesheki a Tubali; ushinshime ali nguwe” (Ezekiya 38:1-2). Izina lyakuti “Magogu” litaanguna kulibonya mu mulongo wa masi aalembedwe mu Matalikilo 10. Magogu wakali mwana wabili ookwa Japheti. Walo abalunyungu lwakwe bakamwaikizyana kutozya cooko ca kunyika. Bakali misyobo yiingaila mu mabanda aa cisi ca Russia ca mazubaano. Kuzwa kumbo lyaku Ukraine kusikila kujwe lyaku Mongolia, aaba bana basankwa abasimbi ba Japheti bakali basilumamba alimwi basikweenzya mabbiza.

Flavius Josephus, mujuuda wamusela mutaanzi uulemba makanaa misela wakalemba mubbuku lyakwe lilaa mutwe wakuti Antiquities, 1.123: “Magogu wakatalisya ba Magogu, aabo bwakaitwa zina lyakwe, aabo bakali kwiitwa ku ba Giliki kuti mbaa Scythia.” Eeci nciyubunuzyo cikondelezya nkaambo ba Giliki bakalemba zinjaanji kapati zigumikizya basinkondo ba Scythia aabo bakali kuboola mbuli muzuzumo kuzwa kunyika kuzyoosaala nyika zya kumusanza. Ba Chainizi abaku Assyria abalo bakalemba kujatikizya balunyungu lwa Japheti aaba bakali kukkala kuzyooko zya kunyika.

Magogu Uzyila Kumanjeleela aaku Kunyika

turkeyrussia

Ezekiya 38 waamba manjeleela aa kunyika kujatikizya Magogu. Alimwi, akataa masi aayo aambwa kuti akali kulikumbatizya kuli Magogu, ngangaye biyo aalo aambidwe kuti akali kuzwa kucooko ca kunyika.

Goma ampi zyakwe zyoonse; Ĺ‹anda ya Togarmah kuzwa kumanjeleela aakunyika alumamba lwakwe loonse—bantu banjaanji kabalaa ndinywe.

Nkabela uyoozwa mubusena bwako kumagolelo aakunyika abantu banjaanji anduwe, boonse kabatantide mbizi, amakamu aabantu mapati loko a mpi mpati loko (Ezekiya 38:6 & 15).

Eelyo malembo aansiku naabandika makanaa ba Scythia / bana ba Magogu kweezyekanya aa cifwanikiso ceengedwe ca nyika, kulisalazyidwe kuti cilikke cooko ca nyika cijanika kucooko ca nyika ooko ncisi ca Russia. Lyansiku, ibusena bwakali munsaa Lwizi lwa Mediterraneani bwakali kupandululwa kuti “bulasiya akuvwuukila.” Toyelede akweenda musinzo kulaale, kulaale kutozya kunyika kuti usike waawo aali busena “busiya akuvwuukila. Masimpe, cisi ca Italy (eeco cakazyibidwe muziindi zya nsiku) tiicakali kunga capandululwa kuti “cilasiya akuvwuukila,” aboobo oobo busena bweelede kunooli kuti bwakali kulaale kutozya kunyika. Cilikke cisi comwe anyika sunu ncecizwide cooko ca kunyika, ooko ku manyika “aasiya akuvwuukila”, alimwi eeco ncisi ca Russia.

Basilumambanyina aa Magogu

Kweendelanya a Ezekiya 38, Magogu/Russia mbalongwenyina amasi aazyibidwe kusikila buzuba buno!

Woonse aaya masi aazyibidwe kabotu, kweendelanya bwaamba Ezekiya 38, ayoosangana lumamba a Magogu/Russia kuti akalwane Isilayeli. Eeci tacininga citika pe, aboobo citondezya kuti eeci cishinshimi ciciyoozuzikwa kumbelaa ciindi.

Russia a Basilumamba bakwe Balwana Isilayeli

Kuganta kuzyiba masi aayindene aambidwe muli Ezekiya 38 kuyubununa cifwanikiso cisalazyidwe kapati. Mumazuba aazya kumbele, Russia uyookweendelezya mbungano imwi akataa masi munyika.

Izwi lya Yahuwah lyakeza kuli ndime: “Omwanaa muntu, lanzya busyu bwako cankayikayi kuli Gogu, wa kunyika lya Magogu, silutwe mupati wa Mesheki a Tubali; ushinshime ali nguwe koti: ‘Nceeci ncaamba Yahuwah Singuzuzyoonse: Ime ndakufutila webo, Gogu, silutwe mupati wa Mesheki a Tubali. Ime ndakucengulula, ndakobeka tulobyo mumyeebo yako akukugwisya mu lumamba lwako loonse— mbizi zyako zyoonse, basimbizi bako babbalaikidwe mubukkwene, akkunga pati kabajisi ntobo zipati azisyoonto, boonse kabapikaula macceba aabo. Bana Persia, Bana Etiopiya a bana Puti banikuli antoomwe ambabo, kabajisi ntobo azipoompo, antoomwe a Gomer alumamba lwakwe loonse, aba Beti Togarmah bazyila ku cooko ca kunyika kulaale alumamba lwabo loonse— masi manjaanji antoomwe andinywe.” (Ezekiya 38:1-6)

Mazubaano, kuzyiba masi aabandaukwa, cilakondelezya kubona kuti cimwi cisi caambwa ncaba Musilimu; zyoonse pele buyo comwe ncecimvwana aacisi ca Russia, alimwi zyoonse pele comwe tazyeendelani mumapolitikisi a cisi ca Isilayeli!

Mbube, mwanaa muntu, shinshima umwaambile Gogu kuti: “Mboobu mbwaamba Yahuwah Singuzuzyoonse: Mubuzuba obuya, eelyo bantu bangu bana Isilayeli nobanookkede cakuliiba, uyoobuka webo kuzwa kucisi cako kumagolelo aakunyika, webo amasi manjaanji antoomwe anduwe, boonse kabatantide mbizi, ikkunga lipati, lumamba lupati kapati. Webo uyoofumpa bantu bangu bana Isilayeli mbuli yoba livwunikila atalaa nyika. Mumazuba aacizya, Gogu, Ime njookuleta uzyoolwisye nyika yangu, kutegwa masi manji akandizyibe eelyo ndaa kutondezyegwa mbwesetekene kwiinda muli nduwe kunembo lya meso aabo. (Ezekiya 38:14-16)

Kumamanino kwini, ncobeni, kusaala kwabo kuyokwaalilwa. Nokuba boobo, kuyoovwundumuna bantu akubungilila miya yabantu. Aako nkakaambo kalikke aako Yahuwah ncalekela zintu zibi kuti kazicitika: kukwela miya yabantu kuti injile mu cilongwe ca lufutuko Anguwe. “Alimwi Ime njoolitondezya bupati akusetekana kwangu, alimwi Ime njoolizyibya kunembo lya masi manjaanji. Nkabela bayoondizyiba kuti Ime Ndime Yahuwah” (Ezekiya 38:23).

munzi-wa-st-petersburg-ku-russia