Mbubuti Yahuwah mbwalanganya zintu zibikkidwe ambali naa zibelesyegwa mumulimo Wakwe?
“Kufumbwa cintu cibikkidwe ambali cilisetekene kapati kuli Yahuwah.” BaLevi 27:28.
Hena Yahushua kuli naakalanganya bulemu bwa ŋanda yokwa Yahuwah?
“Lino bakaboola ku Jelusalemu. Ooko
wakanjila mutempele akutalika kubatanda aabo bakali kusambala akuula
mutempele, alimwi wakadingamuna matebulu aabasikucinca mali azyuuno zyabaabo
bakali kusambala nkwilimba, alimwi kunyina muntu ngwaakalekela kwiinzya
cintu mulubuwa lwatempele. Wakali kuyiisya akwaamba kuti: “Sena
takulembedwe kuti: ‘ŋanda yangu iyooitwa kuti niŋanda yakukombela yabantu
bamisyobo yoonse’? Pele nywebo mwiicita kuba ciyubilo cababbi.” Maako 11:15-17
Mbuti mbocikonzyeka kutondezya kuti majwi aali mu Mangwalo, aayo
ngaakainduluka kwaamba Yahushua, taambi tempele lyaba Juuda lilikke pe?
“Abalo [bana bamweenzu] njoobaleta Ime kumulundu Wangu Uusetekene, alimwi akubakkomanisya muŋanda Yangu yakupailila; zipaizyo zyabo zyakuumpa azituuzyo zyabo ziyootambulika acipaililo Cangu; nkaambo ŋanda Yangu iyakwiitwa kuti niŋanda ya kupailila yabantu boonse.” Izaya 56:7.
Kopa kaambo kacishinshimi akamwi kajatikizya makani aaya, muciindi eeco nceenya.
“Nkaambo, kuzwa kumapasukilo aazuba kusikila kumabbililo aandilyo, izina Lyangu liyooba lipati akataa Banamasi; alimwi mubusena buli boonse tununkilizyo tuyooumpilwa zina Lyangu, cituuzyo cisalala; nkaambo zina Lyangu liyooba lipati akataa batandizyi, mbwaamba Yahuwah wamakamu.” Malakayi 1:11.
Mbuti mbotweelede kulyeendelezya muŋanda yokwa Yahuwah?
“Pele Mebo, Ndiyoonjila muŋanda Yako muluse Lwako luteeli; alimwi mukuyoowa Nduwe Ime njookomba kutozya kutempele Lyako lisetekene.” Intembauzyo 5:7
Hena Yahushua wakatukulwaizya kukombela muŋanda Yakwe?
“Nkaambo aawo aali babili nokuba batatu kababungene muzina Lyangu, Ime ambeyo nkweli akati kabo.” Mateyo 18:20.
Kuti Yahushua kaliko, mbuti bantu Bakwe mbobeelede kulanganya busena oobo Walo mbwapeda bulemu?
“Nkabela Silutwe wankamu yokwa Yahuwah wakati kuli Joshua, samununa mpato zili kumatende aako; nkaambo busena aawo mpoimvwi buli setekene.” Joshua 5:15.
Majwi nzi aakucenjezya “Mukambausi” ngatupa swebo?
“Kosalazya matende aako eelyo wanjila muŋanda yokwa Elohimu.” Mukambausi 5:1.
Kwaamba kaambo kamwi Yahuwah ncaakabasulaikila bantu Bakwe basalidwe.
“Nkaambo bana ba Juuda bakacita zisofweede mubusyu Bwangu, mbwaamba Yahuwah; bakacita zisesemyo muŋanda eeyo yiitwa muzina Lyangu, akwiisofwaazya.” Jelemiya 7:30.
Nkulailila nzi Yahuwah nkwaakapede bantu Bakwe kujatikizya mbobalanganya busena Mpakkede Walo anyika?
“Inywe mweelede kubamba Nsabata Zyangu, akupa bulemu ku cipaililo Cangu; Ndime Yahuwah.” BaLevi 19:30.
Mbubuti boonse mbobeelede kumubelekela Yahuwah?
“Amumubelekele Yahuwah cakutambulika, abulemu akuyoowa [kulitola ansi].” Hebulayo 12:28.
Muumuzeezo uli buti Davida mbwayandisya kukomba? Alimwi uliita buti tempele?
“Pele Mebo, Ndiyoonjila muŋanda Yako muluse Lwako luteeli; alimwi mukuyoowa Nduwe Ime njookomba kutozya kutempele Lyako lisetekene.” Intembauzyo 5:7
Mpali mpaamba kuti Yahuwah kumugama kapati Lwakwe, weelede kuyoogwa?
“Elo weelede kuyoogwa mumbunga yabasaante, alimwi akupegwa bulemu abaabo boonse bali munsi Lyakwe.” Intembauzyo 89:7.
Hena kuli cintu ceelede kucitilwa muŋanda yokwa Yahuwah eeco citajatikizyi mulimo Wakwe?
Makanze aa Yahuwah nkuti bantu Bakwe kabaswaangana antoomwe muŋanda Yakwe kumukomba akumutembaula, akusanyangula Jwi Lyakwe Lisetekene. Mulubuwa lwaŋanda eeyo, mubuzuba bwa Nsabata, tabeelede kucita makwebo naaba buti, nokuba makwebo aasetekene aakonzya kucitwa mubuzuba bumwi mukati kamvwiki. Kanjikanji bantu ba Yahuwah basiila kucitila mu Nsabata eezyo zintu ziindene nzyobeelede kucitila mumazuba aamwi.