|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Kumvwana kuli akataa basicikolo nkwakuti Milumbe mibotu tayili malembe aa bakamboni beni-beni. Pele kunze lyaboobo, inga kunooli yiitwa kuti “milumbe ya-kwaambilwa.” Kwakaliko bamwi akati ka Banakristu aabo batakayaanide aa Yahushua pele bakasandukila kuli nguwe kwiinda mu kukambauka kwa baapositolo. Kunyina bumpelenge nokuba cinyandya aawa nkaambo Milumbe mibotu kanjaanji tiimvwiki kuba malembe aa bakamboni bakabona zintu ntongola meso. Luuka ulitonkomene kwaamba kuti Mulumbe mubotu wakwe ngwa kubunganya zintu zilembedwe eezyo zijatikizya kukambauka kwa baapositolo (1:1–4).
Mazina aayo ngotuulikide Milumbe taali cibeela ca Milumbe lwayo yini pe, alimwi basicikolo bacizumanana kukazyanya mbokweelede kuulika zina ku kampango kapedwe, nokuba kuti kakutali zinjaanji. Mulumbe mubotu ulikonzyenye, kufumbwa naa ndi zina nzi lipedwe musaante eelyo lyakaulikwa mulumbe ooyo.
Mulumbe Wane, eelyo bbala ndyobayandisya kwaamba Mulumbe wa Johane Musaante ndibbala liyumu nsini. Wakali wakucaalizya kulembwa, nokuba boobo uyaamide ku nguzu zya bumboni bwa ntongola meso bwa sikwiiya ooyo Yahushua ngwaakali kuyanda,” mbombuboobo mulumbe ooyu mbuupandulula mulembi wawo. Aboobo, nokuba kuti yoonse Milumbe yone iyeeme mu bumboni bwa bakamboni ba ntongola meso, ulikke buyo Wane nguutaminina kuti ooyu kamboni lwakwe ngo mulembi wa mulumbe ooyu. Pele ambweni kunooli kuli Mulumbe wabili wakakembwa aa kamboni umwi mucibeela cisyoonto buyo.
Kuli cibeela ceenzu aawo mpokulembedwe Kupenzyegwa kwa Mufutuli mumulumbe wa Maako Musaante. Kulangika aanga nkwiibaluka cintu ciimpene. Cimwi cilembedwe ncintu ooyu kamboni ncayibaluka kumugama lwakwe, cisalazyidwe, alimwi cizwide bweemu cakuti inga nicaamvwugwa biyo kuzwa ku muntu ooyo wakaliko nicaacitika bwinibwini.
Twakamvwa kwaciindi cikubwene kuti Maako wakali Mulumbe mutaanzi kulembwa. Walo nguwaatalisya bweende bwa mulumbe mubotu. Mateyo a Luuka bakatobela malembe ookwa Maako kuti mpaatalikila mulumbe mubotu, kumwi kabayungizya zintu zyakwaamba akugwisyila zintu zimwi kweendelanya amakani ngubaabunganya ambobakali kwaalanganya. Antoomwe, eeyi yotatwe yiitwa kuti Milumbe ya ntongola meso nkaambo kuti wayeezyekanya akwiibikka antoomwe, yebo ulakonzya kubona kuti ilazuminana zintu zinjaanji kuleka kwiimpana. Alimwi nzizyeezyo zintu ziimpene akataa milumbe eeyi zitwaambila zinjaanji zya mukambausi omwe-omwe mbwaakali kulanganya makani aalembedwe.
Cilikke ciimpene ncotubwene ncakuti mulumbe wa Kupenzyegwa kwa Mufutuli ngwaakalemba Mateyo mulamfu kwiinda yoonse alimwi mulumbe wa Maako mufwaafwi kwiinda yoonse. Mbuli Mulumbe wakwe mubufwaafwi, mulumbe wa Johane aawo mpaakalemba Kupenzyegwa kwa Mufutuli utalikila ambaakani yiimpene alimwi kanjaanji ulizandukide kuzwa ku milumbe imwi.
Nceeci cintu ceenzu cili mumulumbe wa Maako aawo mpalembede Kupenzyegwa kwa Mufutuli, eeco cilisalazyidwe kapati cakuti cuusya nsoni. Mpaabusena bwa mumuunda wa Getisemani, kaindi kasyoonto kakutaninga vwundumuka nkondo eelyo umwi wakaimvwi munsimunsi “naakasomona cceba lyakwe akunyongola kutwi kwa mulanda wa silutwe mupaizi, akumukosola kutwi” (14:47). Tumvwa kuti:
Mpoonya basikwiiya boonse bakamumwaika.
Umwi mulombwana wakasamide buyo mulembo, wakali kuya butobela Yahushua.
Nibakasoleka kumujata, wakabasupuka, wakatija acinswe,
wabasiila mulembo ngwaakasamide. (14:50-52).
Milumbe mibotu ilaa jwi lyomwe mukupandulula balombwana basikwiiya mbubakamwaikizyanya akumusiya alikke Yahushua. Aaka nkaambo kakanana lwako keni mukwiimpanya mbokalembedwe akubaanga malembe aakulembulula. Ncintu cuusya nsoni kuzumina kuti cikombelo cakamumwaika Mwami waco—pele ncenciceeci cini ncoyelede kucita kuti koyanda kwaamba masimpe. Ncintu cuubauba aasyoonto kuti basyomi bataanzi bakamutyompokezya, pele kutali nduwe lwako.
Pele ino nguni sikwiiya mukubusi wa Yahushua ooyo uutapedwe zina? Walo wakajatwa kasamide biyo twa kunsi, alimwi wakali kkomene kusiya twakunsi mumaanza aabo, katija acintaanda, kayoowede ku buumi bwakwe. Eeci cilembedwe ncintu ca 
ntongola meso cigaminina muntu wakali kulangilizya ncobeni. Ncintu camusyobo biyo kamboni ooyo ncaakabona ntongola meso kacicitika—kwiinda kamboni waacibona aameso—ngu kamboni lwakwe wakatija aamantaanda, ooyo uucifwide bweemya nkaambo kacintu eeco, uunga waibaluka mbuli mbocilembedwe bwini. Hena ncenciceeci Mateyo a Luuka ncobalungulula ntongola meso mu cibalo eeci na? Hena cigaminide muntu kapati, mbuli kulilekelela kwa muntu ooko kutagwasyi kuyumbya milumbe yabo kuya kumbele na?
Eeci inga caambilizya kuti mulembi wa Mulumbe wa Maako, mu makani aaya, ngo mulombwana mukubusi ooyo wakali mangolezya aayo alimwi wiibaluka boobu, myaka iitobela yoonse, bweemya kabumujisi bwa kuzyiba kuti wakatija Mwami wakwe aciindi naakapengede. Walo wakajatwa kutasyomeka. Mubili wakwe uucili mukubusi uulaa mantaanda, tiiwakali biyo cintu cakasamununwa mangolezya aayo. Abusikwiiya bwakwe bwakavwununwa.
Pele lino, kakomenede, kali sikwiiya uutonkomene utwaambila kaano kaacitika mangolezya aayo, walo wiibaluka nsoni zyakamutunusya nkaambo uyanda kupa bumboni bwa kuzunda kwa luzyalo. Walo uyanda kutwaabila tusimpe tobile ku misela ya Banakristu iitobela waawo.
Kutaanguna, walo uyanda kuti tutabucitili mafunze busikwiiya bwesu. Bulaa nguzu, pele hena bwakasunkwa bwinibwini? Eelyo kuti bwanjizyigwa mu sunko, hena tuli masimpe kuti inga tiitwatija nokuba kujatwa?
Cabili, walo uyanda kukananina baabo bapona kabalyeempa kapati nkaambo ka buumi bwabo bakaindi kabali basikwiiya. (Alimwi aabo ndendiswe bunji bwesu!) Walo uyanda ndiswe kuti tuzyibe kuti, ikuti naa tuyandika kubalika, ikuti naa twajatwa cakuti nyika yoonse yatubona mbotubede, takuli kwaalilwa kwesu kulaa kaambo kapati. Ninguzu zya Kristu. Twakatambulwa aa Kristu. Eeco ncotutakonzyi kulicitila lwesu tobeni tulakonzya kucicita kwiinda muli nguwe. Kristu ulapa bumboni bwa kasimpe kakkazyika camba. Walo ulatila bulowa bwakwe cakuliyandila acisamu ca ciciingano. Coonse ncotweelede kucita, swebo notutakwe nguzu akubaa bukandu mbuli mbotubede, nkukumbatila nguwe aciciingano cakwe.
Eeci cibalo citali ca-WLC cakalembwa aaba Terrance Klein.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC