|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Lweendo lwangu mumoza amubusongo nkeli mwiyi wa Mangwalo lwakatalikila mu nzila zya kulisalazya kwa BaLevi. Ambweni aawo akali abusena bweenzu kutalikila kuyandisya nkweekajisi mu buumi bwangu — kuvwuntauzya zintu zisensa kuzwa ku zitondwa, kusofwaazigwa aa mitunta, a cinsenda. Nokuba boobo, kuswata nzila zya kulisalazya kwamu bbaibbele kwakandipa kukkomanina bubotu abusongo bwa ciyanza cesu.
Nkeli sicikolo uuzulilwa kukwabilila bamakaintu, Ime ndakabbukizya kuti milawo yansiku ya BuJuuda eeyo iijatikizya kusofwaala ciindi cakuya ku mwezi tiiyakali milawo iisalauzya nokuba kutondwa bulowa. Kunze lyaboobo, Mangwalo aa BuJuuda ayiisya kuti zyoonse zisensa kuzwa ku zitondwa zya banakazi, abanalumi, zilaa tumah (busofwaazi mu muuya). Eeyi milawo yakali cibeela cisyoonto biyo ca nzila mpati iizwide mikonzyanyo, iisalazya nguzu zya kulanganya lufu aboobo a ncokuyandikila kuyumyayumya buumi.
Basicikolo banji balazumina kuti mukonzyanyo wa buumi/lufu ngo mulazyo uuli kunzaa nzila ya kulisalazya kwamu Bbaibbele. Kweendelanya amuzeezo ooyu, muntu umwi ulasofwaala kuti waguma muntu uufwide nanka kuti wasweekelwa cibeela cakwe cicilaa buumi. Inzya, cintu cipati cipa kusofwaala mutunta wa muntu uufwide (Myeelwe 19). Cinsenda, bulwazi bwa bupa kukwamauka cikanda makwa aatuba cipa muntu kulangika mbuli mutunta (langa mu Myeelwe 12:12), eeci ncintu cimbi ciletelezya kusofwaala. Eezyo zizwa ku zitondwa, ziiminina kusweekelwa cintu eeco cikonzyanya kuleta buumi kuzwa mukasensa kabuumi, azyalo zipa kusofwaala (BaLevi 15).
Kweendelanya a lwiiyo lwa bbaibbele, Yahuwah ngo Matalikilo aa Buumi. Leza wa Isilayeli ngo buumi; balikke bazumi mbabakonzya kutembaula Yahuwah (Intembauzyo 115). Aboobo, notuswaanganya lufu nokuba mikonzyanyo iitwiibalusya lufu, eezyo zintu zitulesya kucita milazyo ya buumi mucikkalilo ca Yahuwah mu Tempele. Ndileelyo buyo notunjila mukonzyanyo wakuzyalululwa kwiinda mu kunyikwa mu “meenda aabuumi” mu mikveh (kusamba kwa kulisalazya) notukonzya kuzyokela ku ciimo cisalazyidwe.
Kwamyaka minjaanji, Ime ndakaibaluka kufumbwa ciindi cibotu cakuyiisya kusalazyigwa kwa milazyo yamu Bbaibbele a nzila ya kulisalazya ya mikveh. Nokuba boobo, mwaka a mwaka, Ime ndakacili kutingaana aa kaambo ka kusofwaala kakopa aako kwaambidwe mu BaLevi. Mulazyo wa Parashat Tazri·a waamba kuti mwanakazi ulasofwaala naamanizya kutumbuka:
“Eelyo mukaintu naatumbuka mwana musankwa, unoosofweede kwa mazuba aali ciloba … unooli muciimo ca kusalazyigwa bulowa kwa mazuba aali makumi otatwe aatatu … ikuti watumbuka musimbi, unoosofweede mvwiki zyobile … alimwi ucinooli muciimo ca kusalazyigwa bulowa kwa nsondo zili musanu ayimwi amazuba cisambombwe. ” (BaLevi 12:2-5).
Nkaambo nzi mwanakazi ncasofwaala eelyo naleta buumi bupya munyika kuti ooko kusofwaala kakuboola mukaambo ka mikonzyanyo ya lufu? Kuyungizya waawo, nkaambo nzi ciindi mwanakazi ncasofweeede ncociyungizya mazuba ziindi zyobile ikuti watumbuka mwana musimbi?
Ciindi lyoonse Ime nebala BaLevi Caandaano 12, Ime ndilanganya bwiinguzi bupedwe ku mibuzyo iicumba eeyi. Kuli mizeezo yongaye iisola kweezyeka bwiinguzi bumvwika maanu. Kutaanguna, kutumbuka muzyooko zya Kujwe kwakalaa ntenda ku mwanakazi akufwa bana bavwanda kapati. Aboobo, kufumbwa kutumbuka kwakali kuswena munsaa lufu. Cabili, mwanakazi uumitide nciyobwedo cizwide buumi bunji. Kutobelanya kuzwa naatumbuka, mwanakazi unjila ciimo cisweekedwe buumi oobo mbwaakabwezede mukati muli nguwe. Kutumbuka buumi kulamusiya katakwe cintu mukati aboobo ncokuyandika kusalazyigwa. Nokuba kuti oobu bwiinguzi bobile tabwiinguli cinicini kusofwaala kuboola mu kutumbuka mukataa mikonzyanyo, bulaingula kuti kutumbuka nciindi ca kulifula mala ciimvwi akatikati aa buumi a lufu.
Lino mu mumuni wazintu zyaatola busena kaindi kasyoonto, Ime ndakayeeyela bwiinguzi bumbi bukonzya kupandulula ncokuli kusofwaala mu kutumbuka. Mu mibandi uuzingaila maanu wa manyongwe aali mumasi Akataa Kujwe akubula nguzu kwa zyooko zya nyika, umwi ngotubeleka limwi wakapandulula mbokuyoosya kutumbuka mwana munyika ya musyobo ooyu: “Nokuba kuti Ime ndilimvwa kukkomana kulenga buumi bupya,” mbwaakaamba walo, “Ime ndizyi akuti ndalengelezya ciindi cakuti kukabe lufu.” Muntu uuli woonse uyoofwa. Kutumbuka komwe-komwe kuleta muntu uukonzya kufwa mu nyika eeyi. Munyika yesu eeyi iilaa ntenda, aaya masimpe alafwamba kulibonya.
Aawa mpaali busanduluzi bwa kuyungizya ciindi ca kusofwaala kutobela nokwatumbuka mwana musimbi. Mwana musimbi wiiminina ciindi ciciboola bumwi buzuba kuti akazyale buumi bupya. Buumi bomwe-bomwe buletwa munyika eeyi bulaletelezya alufu lumbi. Aboobo, Milawo iganta kutumbukwa kwa mwana musimbi, ooyo uutegwa ncibwezelo cisetekene ca kumbelaa mazuba cakulengela buumi, kuti cilainda busofwaazi ziindi zyobile kuba “mukonzyanyo wa lufu.”
Ambweni milazyo ya BaLevi Caandaano 12 ilaingula mizeezo iikopedwe mbwalimvwide kufumbwa muzyali Mupya. Kutumbuka kupya kuletela kukkomana abukandu, kunyandwa, a kuyoowa. Muzyali Mupya ulaa lusyomo mu buumi bupya pele ulayoowa kuyeeyela kuti inga kwaba lufu. Inzila zya kusalazyigwa zya Bbaibbele zyaambilizya kuti eezyo nzyotuswaanganya zitubonya buumi mbobuli bwa ciindi cisyoonto zisiya ciganto ca Moza mukati kesu – kuzwa kukuzyalwa kuya ku kuciswa akukufwa. Aciindi comwe-comwe ca buumi, tulazumina akutondezya mbotuswaanganya lufu. Nkabela tulatambula akunjila buumi mu ciimo cipya.
Eeci cibalo citali ca-WLC cakalembwa aa Mwiyi Lauren Berkun Eichler.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC