Nkaambo nzi Mufutuli ncaakambilizya kaano ka muka mufu uuzumananisya?
“Mpoonya wakabaambila cikozyanyo citondezya kuti, bantu bakali kuyandika kupaila lyoonse akuti bataleki.” Luka 18:1.
Kuti umwi muntu walomba munzila iiluleme cintu ncabulide, mbubuti mupailo wakwe mbuunga walangwa?
“Ncencico eeci ncendimwaambila kuti: Zyintu zyoonse nzyomupailila akulomba, amube alusyomo lwakuti mwazitambula kale, eelyo muyoozitambula ncobeni.” Maako 11:24.
Ninzi ceelede kuba antoomwe a lusyomo kutegwa tutalisinganyi mumyoyo yesu, alimwi kuti swebo tubaa zintu eezyo nzyotumukombela?
“Alimwi kufwumbwa ncotulomba tulacitambula kuzwa kuli Nguwe, nkaambo tubamba milawo Yakwe alimwi tucita zyintu zibotu mumeso Aakwe.” 1 Johane 3:22.
Kuti muntu umwi taalomba cintu mulusyomo, ninzi ncajana?
“ Pele azumanane kulomba
mulusyomo, kutali kudooneka nokuba asyoonto pe, nkaambo ooyo uudooneka uli
mbuli mayuwe aamulwizi aatontwa amuwo akutonkaikwa. Nkako ooyo muntu
atayeeyi kuti uyootambula cili coonse kuzwa kuli Simalelo.” Jakobo 1:6-7.
Kuti mupailo wapegwa liya muntu kacilaa muuya wakutalekelela muntunyina
zibi, ninzi cinga cacitika?
Alimwi nomwiimikila
akupaila, amulekelele kufwumbwa muntu ncaakamubisizya, kutegwa awalo
Uso wanu uuli kujulu akonzye kumulekelela milandu yanu.” Maako 11:25.
Ninzi cinga calesya mipailo yabanalumi abanakazi kuti itaingulwi?
Kucubilana akutamvwana. 1 Petulo 3:7.
Nkwiingula nzi nkwanga wapegwa ooyo uutaswiilili amatwi aakwe kuti atobele mulawo?
“Awalo mupailo wakwe uyooba cintu cisesemya.” Tusimpi 28:9.
Kuti zyoonse ziyandika zyatobelwa kutegwa kwiingula kupegwe kumupailo, ninzi ceelede kukombelwa?
(1) Kulomba kulekelelwa zinyonyoono, 2 Makani 7:14; 1 Johane 5:16; Mateyo 5:44;
(2) kulomba Muya Usalala/ Uusetekene, Johane 14:16; Luka 11:13;
(3) kulomba kuvwunwa kuzwa muwoola lya kusunkwa antenda, Mateyo 6:13; Johane 17:11; Tusimpi 3:26; Intembauzyo 91;
(4) kulomba busongo akuteelela, Jakobo 1:5; 1 Bami 3:9; Daniele 2:17-19;
(5) kulomba kuponya baciswa, Jakobo 5:14, 15; 2 Bami 20;
(6) kulomba buvwubi bwababelesi ba Yahuwah, BaEfeso 6:18, 19; 2 Batesalonika 3:1;
(7) kupailila baabo bapenzyegwa nkaambo ka kasimpe, Hebulayo 13:3; Incito 12:5;
(8 kupailila baleli, Ezula 6:10; Incito 23:5;
(9) kupailila buvwubi bwaanyika, kutegwa mulimo wa Yahuwah utasinkilwi, Jakobo 5:17, 18; Zakaliya 10:1;
(10) kukombelela Yahuwah kuti alulamike mulimo Wakwe, 1 Bami 18:30-39;
(11) kupailila kuboola kwa Yahushua, Mateyo 6:10; Ciyubunuzyo 22:20.
Kuti kwiingula mupailo takusiki aciindi amunzila iilangilwa, ninzi ceelede kucitwa amuntu ooyo uukombelela?
“Kolyookezya muli Yahuwah, alimwi komulindila Walo cakubikkilila.” Intembauzyo 37:7.