|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Eeci cibalo cizubulula milimo yeendelana alimwi iitaandaanyiki ya banalumi abamakaintu amunzi amu Mbungano ya Kupaila naa Ekklesia. Yahuwah wakatulengela kuzuzika makanze Aakwe azileleko zipati cinicini, pele ziyanza zya mizeezo yesu ziligwalangene mukuteelela mangwalo. Mumikonzyanyo minjaanji, milimo ya banalumi abamakaintu yakapindulwa. Tatukonzyi kubaa luumuno kusikila twazuzika makanze aayo Yahuwah ngaakakanzide.
Aawa, tulazubulula biyo mbaakani ya mukaintu mumukwasyi amu Mbungano ya kupaila ya Ekklesia kweendelanya ku mangwalo. Aboobo mulimo wa mwaalumi ulatalika kutusalalila alimwi ooko kufubaazya kwabaabo banonga, kusanganya ‘ankamu zyamazubaano zya bamakaintu' azimwi zinjaanji, kulamwaika kunembo lya lwaanguluko lupedwe kwiinda muli Yahushua.
Mulimo wa Adamu/mwaalumi kuzwa kumatalikilo.
Matalikilo 1:26.
Elohimu wakabamba Adamu mucinkonzya Cakwe kuti ayendelezye atalaa zilengwa Leza zyoonse, Pele kwakanyina ‘mugwasyi’ uumugwasya.
Matalikilo 2:18.
Adamu wakazyuulika mazina zilengwa Leza zyoonse, kutondezya kuti wakali pedwe nguzu zyakweendelezya atalaa nzizyo.
Mikonzyanyo yeendelana:- Jakobo wakaulikwa zina lipya lya Isilayeli, Abramu wakaba Abulahamu, Yahuwah wakaulika Mwanaakwe zina lya “Yahushua,” bazyali bakapa bana babo mazina, Yahushua wakaulika Simoni, zina lyakuti Kepha/Petulo. Yahuwah wakalyuulika zina Mwini nkaambo kwakanyina mupati wiinda Nguwe. Muntu, nokuba boobo, ulayandisya kulisumpula kwiinda mukuulika Yahuwah mazina aambi mbuli aakuti (Adonai, Mwami, Leza, aamwi.).
Kumanya penzi lya Adamu lyakubula ‘uumugwasya’ wakapegwa - Eva.
Matalikilo 2:21-24 Mukaintu wakali alimwi ucili cipego ca Yahuwah ceebeka ku mwaalumi alimwi weelede kuyandwa akukkomaninwa sunu munzila yakupa kulumba kuli Yahuwah.
Adamu wakaulika mukaintu zina lyakuti “mukaintu” (Hebrew: Isha), Eva (“Chawah”, mu Matalikilo. 3:20). Walo weelede kuba “mugwasyi” alimwi kutali kubaa nguzu atalaa mwaalumi. Tulimasimpe kuti taakajisi penzi kumvwisyisya mulimo ngwaakabambilwa. Ikuti webo wazuzika cibeela cakwe, ulatambula cileleko ceendelana (Myeelwe 31:26-27, 1 Samuele 30:24)
Kunyansya Yahuwah kwakaletelezya manyongwe aataambiki aalembedwe. Kwakasinikizya kuleta lufu ku Mwanaa Yahuwah mutaanzi kuzyalwa, Yahushua, kuti afwide zibi zyako.
Matalikilo 3:1-15.
Eva wakacita kabotu kwiinduluka kwaamba majwi ookwa Yahuwah, mbweenya mbuli Yahushua mbwaakacita muli Mateyo 4:1-10. Nokuba boobo, wakalilekaleka naakatempaulwa mu musunko kayeeyela kuti ulasumpuka kwiinda mbwaakalengwa akuba mbuli Yahuwah Lwakwe, “mbuli” (Izaya 14:14) Manyongwe aacitika nyika yoonse mpaakatalikila aawo. Walo “wakamupa mucelo mwaalumi ooyo ngubakali limwi anguwe, mpoonya awalo wakalya” Adamu wakalangilizya zyoonse kazicitika. Walo wakaalilwa kusolola, kulela akulesya mwanakazi micito yakwe aciindi eeco. 1 Timoteo 2:14.
Mwaalumi ulaa mulimo wakuzyazya bana, pele cisyomyo ca kukoma Saatani cakapedwe ku mukaintu. Yahushua wakalaa Wisi Yahuwah nkaambo kakuzyalwa ku mukaintu muumbulu. Adamu wakaalilwa kubelesya nguzu zyakweendelezya atalaa simwaaba, pele Yahushua taakalilekaleka nokuba kuti bakamucisa, walo wakazunda masunko woonse. Aboobo wakali kweelela kutambula nguzu zyoonse abweendelezi (Mateyo 28:18). Saatani unooli ngo muleli wanyika eeyi, pele muli Messiah swebo tulaa nguzu zya bweendelezi atalaa nguwe - Luuka 10:19, Bakolose 2:12, 2 Timoteo 2:11. Cuusisya ncakuti, bamwi basala kuba bana ba Saatani - 1 Johane 3:8-10.
Kuzyala bana ba Elohimu nga makanze ookwa Yahuwah mu kukwatana oomo banalumi abamakaintu mobeelede kukamantana alimwi kutali kwiingililana. Malakayi 2:13-16.
Kulekana mu zikwati zya mazubaano mbobumboni bwakuti tatumvwisyide kabotu kuyanda kwa Yahuwah – ikuti mwaalumi abe mbuli Yahushua (BaEfeso 5:25) alimwi mukaintu/ Ekklesia, abe nabwiinga wakwe. (BaEfeso 5:22). Eeci cilacitika kutegwa kubambwe bulelo bwa Yahuwah akumwaya milimo ya dyabooli.
Matalikilo 3:16 alisalazyide kuti mukaintu lyoonse ucinooli mubweendelezi bwa mwaalumi wakwe. Eeco Adamu ncaakacita wakapegwa cisubulo nkaambo “wakamvwida (wakatobela) majwi aamukaintu wakwe”. (Matalikilo. 3:17-19). Nokuba boobo, inguzu zya kuzyokolola/kubambulula makanze aa mwanaakwe musimbi naa mukaintu wakwe nkozicili (Myeelwe 30:3-13)
Mumangwalo mwaalumi ulanganyigwa kuti ngu “Bah’al” (Hebrew word #1166) naa Mukamwini/Simalelo wa mukaintu wakwe.
Tusimpi 12:4- (KJV) Mwanakazi mubotu <2428> mukaintu <802> [walo] musyini <5850> wa mulumaakwe <1167>: pele ooyo uumuusya bweemya <954> <8688> [uli] mbuli kubola <7538> mumafuwa aakwe <6106>.
Eeli bbala lisanduludwe kuti “mulumi” ndibbala lyaci Hebulayo #1167 “Bah’al”. Mubbuku lisandulula bbala lya Strong liiminina kuti “Simalelo, nkabela mwanalumi naa (mumajwi aamwi.) ngu mukamwini.” Lisanduludwe kuti “mukamwini” ziindi 14 mu KJV.
“Simalelo/Mukamwini” wa mukaintu wakwe, mwaalumi wabululami ulamulanganya ca kumulemekezya/mubulemu/kulemekwa. Yahushua “sibwiinga”, ekklesia, banalumi, banakazi abana, “nabwiinga” boonse Walo wakabaula a buumi bwakwe: 1 Bakolinto 6:19-20. Inguzu zyakulela atalaa zyakapegwa akaambo ka makani aaya.
Bamwi bataminina kuti mu “Cizuminano Cipya,” mukaintu “ulaangulukide,” ulakonzya kuba mweendelezi mu ekklesia akweelana anguzu zya mwaalumi mu cikwati. Pele kunyina tumpango mu “cizuminano cipya” tukazyanya atwa “Cizuminano Cakale.” Kunze lyaboobo, kuli bukwabilizi:
1 Petulo 3:5-6 / Matalikilo 18:12 Sarah wiita Abulahamu kuti “Adonai,” eeco caamba kuti “Simalelo Wangu.” Alimwi, “Sarah wakateelela Abulahamu.” Ibbala lyakuti “Wakateelela” muli 1 Petulo 3:6 atalaawa ndibbala lya bbuku lya Strong #5219. Ibbala lyakuti “Kulitolaansi” lyeelekwa aalyakuti “Kuteelela.” Mwaalumi nguucilaa nguzu.
Langa awaawa - Bakolose 3:18, Tito 2:3, BaEfeso 5:22
Banalumi beelede “kweendelezya kwiinda mu mikonzyanyo – akuba mbuli Yahushua, Ooyo watakaboola kuzyoonyonenwa pele kunyonena bamwi!
BaEfeso 5:23, 24, 1 Bakolinto 11:3
Mulimo wa mukaintu mupati/ulayandika kapati. Milimo ya mwaalumi aya mukaintu mu cikwati amu ekklesia tayaandaanyiki. Kufumbwa kusola kupindula eeco inga caambilizya manyongwe aakabonedwe mumuunda wa Edeni. Nyika yoonse ilatongela akaambo kaako.
1 Bakolinto 14:34 nkampango kamwi kapelengusya nkaambo kakazya ciyanza cesu ca bamakaintu “baangulukide” abanalumi batakwe nguzu. Kaambo keni bamakaintu ncobeelede kuumuna kuti zi mumuswaangano nkakuti beelede “kulibatamika akulitolaansi” ku mwaalumi. Mukaintu weelede kubaa mulimo wa bweendelezi mu kusolweda mbungano kupa mibuzyo kutali kweendelezya mbungano yeendelezyegwa aabanalumi. Banalumi beelede kusolweda mbungano/mukwasyi/inyika mukutobela kuyanda kwa Yahuwah.
Bamakaintu balakonzya Kwiimba, Kubala mangwalo, a Kushinshima.
Mukaintu ulakonzya kwiimba, kubalila bamwi mangwalo, akukanana mbuli mwanakazi mushinshimi. “Aboobo mbwaamba Yahuwah” – pele kutali kunyonganya muswaangano. (1 Bakolinto 14:31-32).
1 Bakolinto 14:20 Banalumi beelede kapati kuba masimpe kweendelana akuyanda kwa Yahuwah muzintu zyoonse.
1 Timoteo 2: 8-14 upa milazyo yeelede kutobelwa. Mukaintu mubombe moyo ulalitondezya mumusyobo wakwe wakusama – kalaa muuya muteteete uuzuzika milawo yokwa Yahuwah.
1 Timoteo 2:15 Yahuwah wakaleleka mukaintu acipego ca kuzyala akukomezya bana.
Luuka 1:38, 46 - 48 Miliyamu/Maliya wakali nakalindu ookwa Yahuwah. Mulaka waci Giliki eeci ncowaamba ciiminina “nakalindu muzike”. Kotobela mukonzyanyo wakwe mpoonya Yahuwah uyootilila Muya Wakwe ali nduwe- Milimo 2:17-18.
Bamakaintu balisumpula, bataminina kuti ‘banjidwe moza’ basala kusolweda banalumi mu mbungano. Maliya kunyina pe naakalipeekezya mulimo wa bwiyi. Lubomba akulitolaansi kwakwe kwakamuletela cileleko.
Nkamu ya “Lwaanguluko lwa bamakaintu” ikakatila kulisumpula kuba bamayi mu mbungano zyabo kumwi kabalikumbatizya ku kaano ka Deborah, pele walo wakali mushinshimi mwanakazi aboobo wakali kweelelwa kwaambilizya kuti “Mboobu mbwaamba Yahuwah”.
Babetesi 4:4-9 basandulula Baraki kuti ‘mukandu’ akuti Deborah wakali mushinshimi ‘uulaa camba’.
Babetesi 5:2-9 Deborah wakali kulemeka mulimo wa banalumi mu busololi. Walo wakali kwaambilizya jwi lya Yahuwah kali mushinshimi mukaintu. Yahuwah wakaleta Baraki kuzyoozunda Jabini, mpoonya Deborah wakasekelela eelyo basololi nibaajata milimo yabo.
Yahuwah wakaambilizya mbociteeleli bamakaintu kunjila mulimo wa busololi:
Muli Izaya 3:12- bana abamakaintu basanduludwe kuti mbaba tundulula abaleli. Taakwe naakakanzide kuti bamakaintu babe baleli nokuba bana kuti babe baabo batundulula.
Milimo 18:24-26 Aquila a Priscilla bakali mwaalumi amukaintu wakwe. Kunyina citondezya kuti Priscilla wakasiya mulimo wakwe wakuba mugwasyi akutabilila mwaalumi wakwe pe.
BaLoma 16:7 taba zumizyi inkamu ya lwaanguluko lwa banakazi mu mbungano yakupailila. Bamwi baamba kuti aaka kampango katondezya kuti Andronicus a Junia “mbaapositolo” kumwi “Junia” kali mwanakazi. Aaka kampango takaambide kuti bakali baapositolo. Kaamba biyo kuti bakali ‘baabo bakazyibidwe akataa baapositolo. Mbuli mukampango aaka, bakali zyibidwe mumeso aa baapositolo. Majwi aaci Giliki alazuminizya kuteelela kuli waawa ooku. Alimwi, amwalo takusalazyidwe naa “Junia” (Grk. Junias) ndizina lya mwaalumi naa mwanakazi.
BaGalatiya 3:27 Bamwi kuzwa mukampango aaka bakosozya kuti banakazi ‘baleelene’ a banalumi mu mbungano yakupailila.
“Bomwe muli Yahushua” caambilizya nzi eeco?
Muli Johane 17:20-21, Yahushua wakapailila kuti toonse tukabe “bomwe” anguwe. Kuba bomwe kwesu a Yahushua a Yahuwah takutubambi kuba beelene a Mbabo pe.
Mu 1 Bakolinto 11:3, banakazi TABALI kunsaa banalumi. Boonse baleelene mu moza mumeso ookwa Yahuwah. Pele balaa milimo/incito zyaandeene.
Muli Luuka 10:2, basimilimo mbanalumi abanakazi bayandide kutambula milimo yabo. Banakalindu mbateteete myoyo, mbaumuzi, mbaumbulu, balasunga maanda, balalibatamika ku banalumi babo – alimwi bayoolumbulwa kapati mu kubuka kuzwa kubafu kutaanzi.
Muli Mateyo 27:55, ibbala lyakuti “kuccumaila” mukampango aaka ndebbala ndeenya muci Giliki lisanduludwe kuti “Dikoni” mutumpango tumwi. Kuba “dikoni mwanakazi” mu ekklesia tacaambilizyi kuti ulasolweda naa uyiisya banalumi pe.
Mu BaLoma 16:1, Mucizyi Phoebe wakali ‘mugwasyi’ mupati kuli Paulu abamwi. Walo taakali musololi/mwiyi wa Paulu pe. Phoebe wakali kubanyonena biyo milimo munzila zya kugwasyilila akulemununa babunyina.
“diakoneo/dikoni” ndebbala libelesyedwe aansi aawa -
Luuka 8:1, aaba banakazi bakabelesya zintu zibotu zyabo kukutaukila Yahushua akupa ‘lugwasyo’ kuli nguwe.
Luuka 4:38-39 banyina-zyala ba Simoni “bakabelekela/bakakutaukila mbabo”. Balo bakajika/akubambilila zyakulya zya beenzu babo.
Milimo 9:36–39 Bomwe bumboni butondezya milimo mibotu yokwa Dorcas mbwa zikobela nzyaakali kubamba – wakali cileleko ku mbungano.
1 Timoteo 5:9 utondeka milimo imwi mibotu yakacitwa aa banakazi:
[a] Kukomezya bana.
Butumbu abwalo mulimo wamu Ekklesia! Eelyo mbungano niizwide mikwasyi iiluleme, eeco nga makanze/mukonzyanyo mubotu ku nyika.
Tusimpi 14:1 mwanakazi ulakonzya kudilimuna nokuba kuyaka munzi wakwe, mbweenya aku ambungano. Bana balakonzya kwiiya kuba bazangi mbuli Saatani nokuba kuba mwanaa Yahuwah kwiinda mumikonzya ya mwanakazi.
[b] “ikuti walo eelyo naakasanzya ’matende” aabasaante aabo basamide mpato akweendeenda mumigwagwa iilaa tombe oomo mwiingaila banyama, wakabamba kuti cibe ciyanza kusanzya/matende.
Eeci tacisyi cintu cikkomaninwa mazubaano nkaambo ka misyobo njotweenda misinzo amabbusu ngotusama azimwi. Nokuba boobo, kusanzya matende aawumwi cicili cintu citondezya kubomba moyo kwa umwi. Yahushua wakaubyaubya mukonzyanyo wakwe naakasanzya matende aa basikwiiya Bakwe.
[c] “ikuti walo wakatambula beenzu.” Kubambilila bamwi akubagwasya zyoonse nzyobabulide amunzi uusalala inga kwaba kuliimya munzila imwi.
BaHebulayo 13:1-2, Milimo 16:14-15, 1 Petulo 4:9
Muli 1 Bakolinto 16:15-16, baamunzi wa Stephanasi bakatambula basaante.
[d] “ikuti naa walo wakalemununa baminidwe” alimwi “ikuti Walo naakalomya kutobela kufumbwa mulimo mubotu.”
Muli Mateyo 25:31-46, zintu ziyandika mu Ekklesia zigaminide Yahushua lwakwe. Teelela kucenjezya kwakwe mukampango aaka.
Kunyina uuzandudwe kuzwa mukubambilila bamwi.
Mateyo 20:27, 28
Yahushua wakafundumene kubambilila bamwi. Eeco nceceelede amu mbungano. Kulemununa baminidwe/bafwide nzala/batakwe nguzu. Milimo iitabonwi atangalala iyoolumbulwa caantangalala a Yahuwah. Makanze aa banakazi kunyina naakali aa kuyiisya nanka kusolweda banalumi. Bakeelede kusololela akuyiisya bana abasimbi bakubusi:
Tito 2:1
Eelyo banakazi nobakakilwa kuyanda banalumi abana babo, akwaalilwa kulyeendelezya, milimo yaanze lya munzi azimwi, eeco cipa kusinganyigwa alimwi jwi lya Yahuwah lilasampaulwa. Cilayandikisya kuti banakazi bapati kabayiisya milazyo eeyi kubakubusi, kutegwa ijwi lya Yahuwah lilemekezyegwe akulesyela lyo kulisampaula!
Mateyo 23:11- Pele ooyo mupati akati kenu uyooba mulanda wenu.
Taata Wakujulu ngo Mulanda wesu mupati, Walo ulazumanana ciindi aciindi kutubelekela – mukutupa buumi, aku zilengwa Leza zyoonse, alimwi akutupa Mwanaakwe Simuzyalwaalikke kutegwa tubaa lufutuko.
Johane 5:19 “Mwana kunyina ncanga wacita lwakwe;
buumi bugaminide muli Yahushua bwa kunyonena bamwi mbuumi buyandika kubaa camba. Bakandu tabakanjili mu bulelo!
Ciyubunuzyo 21:8- “Pele aabo balaa bukandu bayootola cibeela cabo mu zyiba eelyo livwilima mulilo amukwisyilili, “
Lino omwe-omwe kalaa mulimo wakwe uumweelede, mbungano ya Ekklesia ilazwidilila kubaa nguzu zipati amumuni, akuyubununa zilengwa leza zyokwa Yahuwah nzyakanzide:
Mateyo 5:14-16 Mumuni wenu awumwekesye cakuti abalo bakonzye kulemekezya Taata uuli kujulu.
Kutegwa tukonzye kubamvwa:
Mateyo 25:21- ‘Wacita kabotu, yebo omulanda mubotu oosyomeka.
Eeci cibalo cakalembwa aa mulanda wa Taata Yahuwah kuzwa kucibalo cilamfu, Mweenima Tom Martincic
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC