|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
నేను ఈ అధ్యయనాన్ని కొంత లోతైనదనే హెచ్చరికతో ప్రారంభిస్తాను. ఈ అధ్యయనానికి నిర్దిష్ట స్థాయి ఏకాగ్రత అవసరం. దీన్ని చదివే ముందు దయచేసి ప్రార్థించండి. యహువఃయే మనందరికీ మార్గనిర్దేశం చేస్తాడు! (యహువః అనేది మన పరలోకపు తండ్రి పేరు.)
“మీరు ధర్మశాస్త్రమునకు లోబడి ఉన్నారా?” అనే ప్రశ్న ప్రతి ఒక్కరినీ నేను అడగాలనుకుంటున్నాను.
లేఖనం ప్రకారం, మీరు ‘ధర్మశాస్త్రము క్రింద’ ఉన్నట్లయితే… అప్పుడు:
- ధర్మశాస్త్రము మీ కోసమే వ్రాయబడింది.
- పాపం మీపై ఆధిపత్యం చెలాయిస్తోంది.
- మీరు విశ్వాసం లేకుండా ఉన్నారు.
- మీకు విముక్తి అవసరం.
ఈ అధ్యయనం లోతైనది అయినప్పటికీ, దాని ప్రాముఖ్యతను మనం తక్కువగా అంచనా వేయలేము. ధర్మశాస్త్రమునకు లోబడి ఉన్నవారు చాలా సమస్యలలో ఉన్నారు! వారికి మోక్షం లేదు!
కానీ నేను ఇక్కడ చెప్పిన ఈ 4 లక్షణాల గురించి ఆసక్తికరమైన విషయం ఏమిటంటే, అవి ధర్మశాస్త్రానికి విధేయత చూపే వ్యక్తి గురించి మాట్లాడట్లేదు.
బదులుగా, ‘ధర్మశాస్త్రానికి లోబడి’ ఉన్నవారు విశ్వాసం లేని వారని, రక్షింపబడని వారని, పశ్చాత్తాపపడని వారని, పాపం వారిపై పరిపాలన చేస్తుందని సూచిస్తున్నాయి.
ఇప్పుడు ప్రశ్నలోని లేఖనాలను పరిశీలిద్దాం:
రోమా 3:19– ప్రతి నోరు మూయబడునట్లును, సర్వలోకము యహువః శిక్షకు పాత్రమగునట్లును, ధర్మశాస్త్రము చెప్పుచున్న వాటినన్నిటిని ధర్మశాస్త్రమునకు లోనైన వారితో చెప్పుచున్నదని యెరుగుదుము.
ఈ వచనం ‘ధర్మశాస్త్రము క్రింద’ ఉన్నవారి గురించి మాట్లాడుతుంది. ‘ధర్మశాస్త్రము మాట్లాడుతున్నది ఈ వ్యక్తుల సమూహంతో. అనగా “‘ధర్మశాస్త్రం ఏది చెప్పినా అది వారికే చెబుతుంది”
ఈ వ్యక్తుల సమూహం యొక్క ఒక లక్షణం ఏమిటంటే, ధర్మశాస్త్రం వారితో మాట్లాడుతునప్పుడు, “ప్రతి నోరు మూయబడుతుంది, మరియు లోకమంతా యహువః ఎదుట దోషిగా నిలబడుతుంది.”
ఇది యహువః ధర్మశాస్త్రానికి విధేయత చూపుతున్న వారి గురించి మాట్లాడుతుందా?
పూర్తిగా అసాధ్యం! ఈ గుంపు ప్రజలు యహువః ధర్మశాస్త్రానికి లోబడి నడుచుకుంటూ ఉంటే, అది వారికి చదివి వినిపించినప్పుడు వారి నోర్లు ఎందుకు మూయబడి, యహువః ఎదుట దోషులుగా ప్రకటించబడతారు?
వాస్తవానికి, ఇది అర్ధవంతం కాదు. నిజానికి, ఇది దానికి పూర్తి విరుద్ధంగా చెబుతోంది. ‘ధర్మశాస్త్రం కింద’ ఉన్నవారు ధర్మశాస్త్రానికి లోబడని వారు అని చెప్పవలసి ఉంటుంది… కాబట్టి వారి నోరు మూసివేయబడెనని మరియు వారు యహువః ఎదుట దోషులని చెప్పబడెను.
ఈ వచనాన్ని చూద్దాం:
రోమా 3:19– ప్రతి నోరు మూయబడునట్లును, సర్వలోకము యహువః శిక్షకు పాత్రమగునట్లును, ధర్మశాస్త్రము చెప్పుచున్న వాటినన్నిటిని ధర్మశాస్త్రమునకు లోనైన వారితో చెప్పుచున్నదని యెరుగుదుము.
‘లోకమంతా’ యహువః ముందు దోషి అని ఇక్కడ చెబుతోంది. దీనర్థం ఈ ప్రపంచం మొత్తంలో ఆయన ధర్మశాస్త్రాన్ని విన్న ప్రతి వ్యక్తి ఏదో ఒక సమయంలో ధర్మశాస్త్రానికి లోబడి ఉన్నాడని లేదా ధర్మశాస్త్రం కింద ఉన్నాడని అర్థమా? తప్పకుండా!
కానీ ఎందుకు?
సమాధానం ఏమిటంటే, ప్రతి ఒక్కరూ, యూదులైనా లేదా అన్యులైనా, వారి జీవితంలో ఏదో ఒక సమయంలో పాపం చేశారు.
1 యోహాను 1:8– మనము పాపములేనివారమని చెప్పుకొనిన యెడల, మనలను మనమే మోసపుచ్చుకొందుము; మరియు మనలో సత్యముండదు.
కాబట్టి ‘ధర్మశాస్త్రానికి లోబడి’ ఉన్నవారు పాపం చేసిన వారేనని ఇప్పుడు ఇది సంపూర్ణంగా అర్థవంతంగా ఉంటుంది. వారు “యహువః ఎదుట దోషులు”.
ఇప్పుడు తదుపరి వచనాన్ని చూద్దాం:
రోమీయులకు 3:20 – ఏలయనగా ధర్మశాస్త్ర సంబంధమైన క్రియలమూలముగా ఏ మనుష్యుడును ఆయన దృష్టికి నీతిమంతుడని తీర్చబడడు;
ఈ వచనం ద్వారా ఈ అంశం మరింత ముందుకు సాగుతుంది. ఇక్కడ ముఖ్యమైన పదం “నీతిమంతుడు”. “ధర్మశాస్త్రం యొక్క క్రియల ద్వారా (“ధర్మశాస్త్ర సంబంధమైన క్రియలమూలముగా” అని అనువదించబడింది), ఏ వ్యక్తి నీతిమంతుడు కాదు.” ఇది ఎందుకు?
సమాధానం మునుపటి వచనంలో ఉంది. ధర్మశాస్త్రం కారణంగా “ప్రపంచమంతా” యహువః ఎదుట దోషిగా ఉంది. మనం దానిని పాటించనప్పుడు ధర్మశాస్త్రం మనల్ని నీతిమంతులుగా చేయదు. పాపం అంటే ఏమిటో ధర్మశాస్త్రం మాత్రమే చెబుతుంది! పౌలు కూడా “ధర్మశాస్త్రము వలననే పాపమనగా ఎట్టిదో తెలియబడుచున్నది” అని చెప్పాడు!
ఇంకా చదువుదాం:
రోమా 3:20– ఏలయనగా ధర్మశాస్త్ర సంబంధమైన క్రియలమూలముగా ఏ మనుష్యుడును ఆయన దృష్టికి నీతిమంతుడని తీర్చబడడు; ధర్మశాస్త్రము వలన పాపమనగా ఎట్టిదో తెలియబడుచున్నది. 21– ఇట్లుండగా ధర్మశాస్త్రమునకు వేరుగా యహూవః నీతిబయలుపడుచున్నది; దానికి ధర్మశాస్త్రమును ప్రవక్తలును సాక్ష్యమిచ్చుచున్నారు.
ధర్మశాస్త్రంలో మరియు ప్రవక్తల గ్రంథాలలో మనుష్యులకు ఇవ్వవలసిన ఒక నిర్దిష్ట నీతి ఉంది. అయితే, ఈ నీతి ధర్మశాస్త్రం నుండి కలిగేది కాదని ప్రవక్తలలో వ్రాయబడింది.
ఈ నీతి యహువః నుండే రాబోతుంది:
యిర్మీయా 23:5– యహువః ఈలాగు ఆజ్ఞ ఇచ్చుచున్నాడు; రాబోవు దినములలో నేను దావీదునకు నీతి చిగురును పుట్టించెదను; అతడు రాజై పరిపాలన చేయును, అతడు వివేకముగా నడుచుకొనుచు కార్యము జరిగించును, భూమిమీద నీతి న్యాయములను జరిగించును. అతని దినములలో యూదా రక్షణనొందును, ఇశ్రాయేలు నిర్భయముగా నివసించును, యహువః మనకు నీతియని అతనికి పేరు పెట్టుదురు.
ఇది యహూషువః (సాధారణంగా “యేసు” అని పిలుస్తారు) మెస్సీయాను గురించిన ప్రవచనం. ఆయనను “Yahuwah tzidkenu/యహువః ట్జిడ్కెను” (యహువః మన నీతి) అని ఎందుకు పిలుస్తారు?
యెషయా 45:23, 24– నా యెదుట ప్రతి మోకాలు వంగుననియు ప్రతి నాలుకయు నాతోడని ప్రమాణము చేయుననియు నేను నా పేరట ప్రమాణము చేసియున్నాను నీతిగల నా నోటి మాట బయలుదేరియున్నది అది వ్యర్థము కానేరదు. యహువః యందే నీతి బలములున్నవని జనులు నన్ను గూర్చి చెప్పుదురు ఆయన యొద్దకే మనుష్యులు వచ్చెదరు ఆయనమీద కోపపడినవారందరు సిగ్గుపడుదురు.
మెస్సీయ అయిన యహూషువః ద్వారా మాత్రమే మనం నీతిని మరియు బలాన్ని పొందగలము.
యహూషువః మన పాపాల కొరకు మరణించి, మన పాపాలకు శిక్షను చెల్లించినందున మనం నిత్యజీవాన్ని పొందగలము! మనం ఎందుకు నిత్యజీవాన్ని పొందగలం? ఎందుకంటే ఆయనను మనం అంగీకరించినప్పుడు, యహువః చూసేది మన నీతిని కాదు… మెస్సీయ అయిన యహూషువః నీతి మనల్ని శుభ్రపరుస్తుంది!
గలతీయులకు 2:20– “నేను మెస్సీయాతో కూడ సిలువ వేయబడియున్నాను; ఇకను జీవించువాడను నేను కాను, మెస్సీయాయే నాయందు జీవించుచున్నాడు. నేనిప్పుడు శరీరమందు జీవించుచున్న జీవితము నన్ను ప్రేమించి, నా కొరకు తన్నుతాను అప్పగించుకొనిన యహువః కుమారునియందలి విశ్వాసము వలన జీవించుచున్నాను.
కాబట్టి ఇందులో, మెస్సీయ అయిన యహూషువః ద్వారా యహువః మన నీతి అయ్యాడు. నిజానికి, దీన్ని తదుపరి వచనం ప్రకటిస్తుంది…ఇప్పుడు సందర్భోచితంగా: రోమా 3:21 – ఇట్లుండగా ధర్మశాస్త్రమునకు వేరుగా దేవుని నీతిబయలుపడుచున్నది; దానికి ధర్మశాస్త్రమును ప్రవక్తలును సాక్ష్యమిచ్చుచున్నారు.
22.అది యహూషువః మెస్సీయనందలి విశ్వాసమూలమైనదై, నమ్ము వారందరికి కలుగు యహువః నీతియైయున్నది. 23.ఏ భేదమును లేదు; అందరును పాపముచేసి యహువః అను గ్రహించు మహిమను పొందలేక పోవుచున్నారు.
ఇక్కడ నిజమైన అర్థం ఏమిటో ఈ వచనాలు చక్కగా వివరిస్తాయి. మనల్ని కాపాడుతున్నది మన ధర్మం (ఆయన ధర్మశాస్త్రాన్ని పాటించడం) కాదు. మన ధర్మం (ఆయన ధర్మశాస్త్రాన్ని పాటించడం) మనల్ని నీతిమంతులుగా చేయదు.
విశ్వాసం ద్వారా… మనల్ని రక్షించటం, నీతిమంతులుగా మార్చటం మరియు మనల్ని తన కుమారులు మరియు కుమార్తెలుగా మార్చబడటం కోసం మనం ఆధారపడవలసినది ఆయన నీతి పైనే! మీలో కొందరు ఇది కేవలం పౌలిన్/పౌలు సిద్ధాంతంగా భావించి ఉండవచ్చు…కానీ అది నిజం కాదు! ఇది ధర్మశాస్త్రము మరియు ప్రవక్తల నుండి నేరుగా ఉంది.
యెషయా 54:17 – నీకు విరోధముగా రూపింపబడిన యే ఆయుధమును వర్ధిల్లదు; న్యాయవిమర్శలో నీకు దోషారోపణచేయు ప్రతి వానికి నీవు నేరస్థాపన చేసెదవు యహువః యొక్క సేవకుల నీతి నావలన కలుగుచున్నది; ఇది వారి స్వాస్థ్యము, ఇదే యహువః వాక్కు.
కేఫా (పేతురు) కి కూడా ఈ సిద్ధాంతం తెలుసు:
2 పేతురు 1:1 – యహూషువః మెస్సీయ దాసుడును అపొస్తలుడునైన సీమోను పేతురు, మన యహువః యొక్కయు రక్షకుడైన యహూషువః మెస్సీయ యొక్కయు నీతినిబట్టి, మావలెనే అమూల్యమైన విశ్వాసము పొందినవారికి శుభమని చెప్పి వ్రాయునది.
కాబట్టి ‘ధర్మశాస్త్ర సంబంధమైన క్రియల ద్వారా నీతిమంతులుగా తీర్చబడరు’ అనే సిద్ధాంతం పౌలు ఆలోచన అని మరియు ఇంతకు ముందు వినబడలేదని ఒక్క క్షణం కూడా అనుకోకండి. ఈ సిద్ధాంతం “పాత నిబంధన” అని పిలువబడే దానిలో కూడా స్పష్టంగా చెప్పబడింది. ఇప్పుడు ‘ధర్మశాస్త్రం క్రింద’ ఉన్నవారితో వ్యవహరించే ఇతర లేఖనాలకు వెళ్దాం.
రోమీయులకు 6:12 – కాబట్టి శరీర దురాశలకు లోబడునట్లుగా చావునకు లోనైన మీ శరీరమందు పాపమును ఏలనియ్యకుడి.
పౌలు రోమీయులకు తమ “చావునకు లోనైన శరీరంలో” పాపాన్ని ఏలనివ్వకూడదని చెబుతున్నాడు. అవును, మనం ఈ సమయంలో మన జీవితంలో చావునకు లోనైనవారము. మనం ఇకపై చావులేని వారిగా ఉండే సమయం వస్తుంది… మనం మృతులలో నుండి లేచినప్పుడు అమరత్వం పొందుతాము… ఆ సమయంలో మనం పూర్తిగా పాపరహితులమై ఉంటాము… కానీ మనం ఇప్పుడు ఆ మార్గంలో జీవించాలి!
తదుపరి వచనం:
రోమీయులకు 6:13 – మరియు మీ అవయవములను దుర్నీతి సాధనములుగా( లేక ఆయుధములుగా) పాపమునకు అప్పగింపకుడి, అయితే మృతులలోనుండి సజీవులమనుకొని, మిమ్మును మీరే యహువఃకు అప్పగించుకొనుడి, మీ అవయవములను నీతిసాధనములుగా యహువఃకు అప్పగించుడి.
మనల్ని మనం ఒక సజీవునిగా, మృతులలోనుండి లేచినవారిగా సజీవంగా యహువఃకు అప్పగించాలి మరియు మన అవయవాలు ధర్మానికి సాధనాలుగా ఉండనివ్వాలి…అన్యాయానికి కాదు.
తదుపరి వచనం:
రోమీయులకు 6:14 – మీరు కృపకే గాని ధర్మశాస్త్రమునకు లోనైనవారు కారు గనుక పాపము మీ మీద ప్రభుత్వము చేయదు.
పాపం మనపై ఆధిపత్యం కలిగి ఉండదని వాగ్దానం చేయబడింది, ఎందుకంటే మనం ధర్మశాస్త్రానికి లోబడి లేము, కానీ కృప/అభిమానం కింద ఉన్నాము! దీని అర్థం ఏమిటి?
మనము చర్చించిన రోమీయులలోని ఇతర లేఖనం ప్రకారం, ధర్మశాస్త్రానికి లోబడి ఉండటం అనగా ఆ అంత్య దినాన నీతిమంతులుగా తీర్చబడుటకు వారి స్వంత నీతి/ధర్మశాస్త్రాన్ని పాటించడంపై ఆధారపడేవారిని సూచిస్తుంది… వారు తమ పాపాల విషయంలో దోషులుగా నిర్ధారించబడతారు.
అయితే మెస్సీయ అయిన యహూషువః ద్వారా యహువః నీతిని అంగీకరించిన వారు ‘కృప/దయలో ఉన్నారు’!
వారు ఇప్పుడు వారి పాపాలకు క్షమాపణ పొందారు మరియు తాము నీతిమంతులుగా తీర్చబడుటకు యహూషువః నీతిపై ఆధారపడుతున్నారు. ఇప్పుడు ఇది జరిగింది కాబట్టి, మనం తిరిగి వెళ్లి ఉద్దేశపూర్వకంగా ఆ ధర్మాన్ని మరోసారి ఉల్లంఘించగలమా?
రోమా 6:15– అట్లయినయెడల కృపకే గాని ధర్మశాస్త్రమునకు లోనగువారము కామని పాపము చేయుదమా? అదెన్నటికిని కూడదు.
మనం ఇంతకు ముందు గడిపిన జీవితంలోకి మళ్లీ ఎందుకు వెళ్తాము? పాపం చేసాము! ఆయన ధర్మాన్ని అతిక్రమించటమే పాపం!
1 యోహాను 3:4– పాపము చేయు ప్రతివాడును ఆజ్ఞను అతిక్రమించును; ఆజ్ఞాతిక్రమమే పాపము.
మనము పాపం చేసాము, అందుకే యహూషువః మొదట మనకోసం మరణించవలసివచ్చెను! పౌలు చెప్పినట్టుగా “యహువః నిషేధించెను!” లేదా మరింత ఖచ్చితంగా “అట్లనరాదు!” అని అనువదించబడినది.
రోమా 6: 16– లోబడుటకు దేనికి మిమ్మును మీరు దాసులుగా అప్పగించుకొందురో, అది చావు నిమిత్తముగా పాపమునకే గాని, నీతి నిమిత్తముగా విధేయతకే గాని దేనికి మీరు లోబడుదురో దానికే దాసులగుదురని మీరెరుగరా?
కాబట్టి మనం ‘మరణము కోసం పాపానికి దాసులుగా ఉందామా లేక నీతికి విధేయులుగా నడుచుకుంటూ యహూవఃకి దాసులుగా ఉందామా?
మనం ‘కృపలో ఉన్నాము’ కాబట్టి యహువః ధర్మశాస్త్రానికి అవిధేయత చూపాలనే ఆలోచన దురదృష్టవశాత్తూ నేడు మెస్సీయను విశ్వసించేవారిలో ఒక సాధారణ సిద్ధాంతంగా మారిపోయింది. అది అలా ఉండకూడదు!
ఈ సిద్ధాంతాన్ని విశ్వసించేవారిలో బాగా ప్రాచుర్యం పొందిన ఒక లేఖనాన్ని ఇప్పుడు చూద్దాం:
గలతీయులకు 3:21– ధర్మశాస్త్రము యహువః వాగ్దానములకు విరోధమైనదా? అట్లనరాదు. జీవింపచేయ శక్తిగల ధర్మశాస్త్రము ఇయ్యబడియున్నయెడల వాస్తవముగా నీతి ధర్మశాస్త్ర మూలముగానే కలుగును.
గలతీయులకు 3 సందర్భంలో, ధర్మశాస్త్రం యహువః వాగ్దానాలకు వ్యతిరేకం కాదు (ఆ వాగ్దానం ఏమిటంటే, అబ్రహాము యొక్క కుమారుడు… యహూషువః మెస్సీయ ద్వారా మనం నీతిమంతులుగా తీర్చబడతాము మరియు ఆశీర్వదించబడతాము). మనం ఆయన ధర్మాన్ని ఉల్లంఘించి దానిని పాటించడం ద్వారా మనం నీతిమంతులుగా తీర్చబడలేము.
మనకు యహువః నీతి కావాలి!
గలతీయులకు 3:22– యహూషువః మెస్సీయనందలి విశ్వాస మూలముగా కలిగిన వాగ్దానము విశ్వసించువారికి అనుగ్రహింపబడునట్లు, లేఖనము అందరిని పాపములో బంధించెను.
మనమందరం ‘ధర్మశాస్త్రము కింద’ మరియు ‘పాపం కింద’ ఉన్నాము.
గలతీయులకు 3:23,24– విశ్వాసము వెల్లడికాకమునుపు, ఇక ముందుకు బయలుపరచబడబోవు విశ్వాసమవలంబింపవలసినవారముగా చెరలో ఉంచబడినట్టు మనము ధర్మశాస్త్రమునకు లోనైనవారమైతిమి.
24.కాబట్టి మనము విశ్వాసమూలమున నీతి మంతులమని తీర్చబడునట్లు మెస్సీయ నొద్దకు మనలను నడిపించుటకు ధర్మశాస్త్రము మనకు బాలశిక్షకుడాయెను.
ఇందులో, ధర్మశాస్త్రం మన బోధకుడు లేదా బాలశిక్షకుడు….మనలను పాపం నుండి కాపాడుటకు. కానీ అది మన వైఫల్యాలలో మనం పాపులమని కూడా బోధిస్తోంది! యహూషువఃపై విశ్వాసం ఉంచడం ద్వారా మాత్రమే నీతి పొందుట తప్ప మనకు వేరే మార్గం లేదని అది మనకు నేర్పింది. మనకు మధ్యవర్తిగా ఉండడానికి నీతిమంతుడు మరియు పవిత్ర శక్తిమంతుడు కావాలి!
గలతీయులకు 3:25– అయితే విశ్వాసము వెల్లడియాయెను గనుక ఇక బాలశిక్షకుని క్రింద ఉండము.
ధర్మశాస్త్రం మన బోధకుడు, మనము “ధర్మశాస్త్రం క్రింద” ఉన్నాము. కానీ ఇప్పుడు మనం మెస్సీయ అయిన యహూషువఃపై విశ్వాసం ఉంచాము, “యహువః మా నీతి” అని పిలువబడే వ్యక్తిని విశ్వసించి, ఆయన రక్తం ద్వారా శుద్ధి చేయబడి, పవిత్రం చేయబడి మరియు విమోచించబడ్డాము… మనం ఇకపై ‘ధర్మశాస్త్రానికి లోబడి’ లేము!
మనం ధర్మశాస్త్రానికి లోబడి ఉన్నవారమైతే, మనం ఎప్పుడూ పాపం చేయకుండుట మాత్రమే మనం రక్షింపబడే ఏకైక మార్గం.
‘ఎప్పుడూ పాపం చేయని’ వాడు ఒక్కడే ఉన్నాడు. అతను ధర్మశాస్త్రం కింద జన్మించాడు … అయినను పాపం లేకుండా ఉన్నాడు.
గలతీయులకు 4:4– అయితే కాలము పరిపూర్ణమైనప్పుడు యహువః తన కుమారుని పంపెను; ఆయన స్త్రీయందు పుట్టి, 5- మనము దత్తపుత్రులము కావలెనని ధర్మశాస్త్రమునకు లోబడియున్నవారిని విమోచించుటకై ధర్మశాస్త్రమునకు లోబడినవాడాయెను.
మెస్సీయ అయిన యహూషువః యొక్క నీతి ద్వారా మనం యహువః దత్తపుత్రులం! మనం పరిపూర్ణమైన మరియు పాపరహితమైన జీవితాన్ని గడపడం నుండి రక్షింపబడ్డాము.. కాబట్టి, మళ్ళీ మన రక్షణ మన స్వంత నీతి/ధర్మశాస్త్రాన్ని పాటించడం ద్వారా కలుగదు…కానీ ఆయన నీతి ద్వారా మాత్రమే కలుగుతుంది.
గలతీయులకు 5:18– మీరు ఆత్మచేత నడిపింపబడినయెడల ధర్మశాస్త్రమునకు లోనైనవారు కారు.
ఇప్పుడు మనం ఈ వచనం ప్రకారం చాలా మంది తీసుకోవడానికి ఇష్టపడతున్నట్లుగా ఆ తీర్మానాన్ని తీసుకుంటే, “మనం ఆత్మచేత నడిపించబడినట్లయితే, మనం యహూవః చట్టానికి విధేయత చూపవలసిన అవసరం లేదు” అని చెప్పాలి. కానీ ఇది ఎలా సాధ్యమవుతుంది? ఇప్పటివరకు మనం పరిశీలించిన ప్రతి వచనం దానికి విరుద్ధంగా ఉంది.
వాస్తవం ఏమిటంటే, అవిధేయులు మరియు మెస్సీయకు దూరంగా ఉన్నవారు అతని ధర్మశాస్త్రం క్రింద ఉన్నారని మేము కనుగొన్నాము.
నిజానికి ఈ గలతీయులు 5లోని ఈ క్రింది వచనాలు కూడా ఆత్మలో నడుచుకునే వ్యక్తి అవిధేయుడిగా ఉండలేడని రుజువు చేస్తున్నాయి!
గలతీయులకు 5:18– మీరు ఆత్మచేత నడిపింపబడినయెడల ధర్మశాస్త్రమునకు లోనైనవారు కారు. 19.శరీర కార్యములు స్పష్టమైయున్నవి; అవేవనగా, జారత్వము, అపవిత్రత, కాముకత్వము, 20.విగ్రహారాధన, వ్యభిచారము, ద్వేషములు, కలహము, మత్సరములు, క్రోధములు, కక్షలు, 21.భేదములు, విమతములు, అసూయలు, మత్తతలు, అల్లరితో కూడిన ఆటపాటలు మొదలైనవి. వీటిని గూర్చి నేను మునుపు చెప్పిన ప్రకారము ఇట్టి వాటిని చేయువారు యహువః రాజ్యమును స్వతంత్రించుకొనరని మీతో స్పష్టముగా చెప్పుచున్నాను. 22.అయితే ఆత్మ ఫలమేమనగా, ప్రేమ, సంతోషము, సమాధానము, దీర్ఘశాంతము, దయాళుత్వము, మంచితనము, విశ్వాసము, సాత్వికము, ఆశానిగ్రహము. 23.ఇట్టివాటికి విరోధమైన నియమమేదియులేదు.
శరీర క్రియలు యహువః ధర్మశాస్త్రానికి అవిధేయములు. ఆత్మ ఫలాలు ఆయన ధర్మశాస్త్రమునకు విధేయత…ఎంత స్పష్టం! మనం ‘ధర్మశాస్త్రము కింద’ లేము అని చెప్పుట, దానిని ఉల్లంఘించే స్వేచ్ఛ మనకు ఉందని అర్థం కాదు!
నిజానికి, ఇది కేవలం వ్యతిరేక అర్థం! కాబట్టి ‘ధర్మశాస్త్రము కింద’ ఉన్న ఈ వ్యక్తుల సమూహం ఎవరు?
పౌలు కాలంలో, మెస్సీయ అయిన యహూషువఃను అంగీకరించుట ద్వారా యహువఃను తమ నీతిగా ఉండనివ్వడానికి బదులు రక్షణ కొరకు తమ సొంత నీతిపై నమ్మకం ఉంచిన యూదులు.
అయితే నేడు కూడా, యహూషువఃను కలిగి లేనివారు లేదా మెస్సీయను అంగీకరించిన తర్వాత ఉద్దేశపూర్వకంగా పాపం చేయుటను/ఆయన ధర్మాన్ని ఉల్లంఘించడాన్ని ఎంచుకున్న వారు ఉన్నారు. వారు తమను తాము తిరిగి ధర్మశాస్త్రం క్రింద ఉంచుతున్నారు!
మీకు కూడా ఇదే నేర్పించబడితే, ఈ రోజు నేను మీకు హెచ్చరిస్తున్నాను, మీకు తీవ్రమైన తప్పు బోధించబడింది!
యహువః ధర్మశాస్త్రం 2000 సంవత్సరాలుగా దూషించబడింది మరియు విస్మరించబడింది. మనుష్యులందరూ జీవించే ప్రమాణంగా మనం దానిని ఎత్తవలసిన సమయం ఆసన్నమైంది. యహువః యొక్క నీతి ద్వారా మనం నీతిమంతులుగా నిర్ధారించబడిన తర్వాత, మనం మళ్లీ ఆ పాత పాపానికి తిరిగి వెళ్లకూడదని ప్రజలందరికీ తెలియజేయాలి.
మనం “ధర్మశాస్త్రం క్రింద” ఉండకపోవచ్చు, కానీ మనం కూడా “ధర్మశాస్త్రానికంటే గొప్పగా” ఉన్నట్లుగా జీవించాలని దీని అర్థం కాదు!
యహువః ప్రమాణాన్ని తీసివేయలేదు, ఆ ప్రమాణానికి అనుగుణంగా జీవించనందుకు ఆయన మనల్ని క్షమించాడు.
యహువఃను మన నీతిగా కలిగి ఉండాలంటే…నిజంగా ప్రపంచంలో అంతకంటే గొప్ప ఆశీర్వాదం లేదు! ఆ ప్రమాణానికి అనుగుణంగా జీవించడంలో విఫలమైనందుకు మీరు క్షమించబడేందుకు యహూషువః మీ కోసం మరణించారు.
మనం తిరిగి వచ్చి కృప యొక్క ఆత్మను అవమానించవద్ధు… అయితే మనం కొత్త జీవితాన్ని జీవిద్దాం… ఆయన విధేయతలో నడుచుకుంటూ.. ఆయన దయలో నడుస్తూ… ఆయన ఆత్మలో నడుచుకుందాం!
ఇది టామ్ మార్టిన్సిక్ రాసిన WLC కాని వ్యాసం.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
“యహువః లోకాన్ని ఇలా ప్రేమించెను: ఆయన తన అద్వితీయ కుమారుని అనుగ్రహించెను, తద్వారా ఆయనయందు విశ్వాసముంచే ప్రతి వ్యక్తి నశించక, రాబోయే యుగపు జీవితాన్ని పొందుకొనును.” —యోహాను 3:16, వన్ గాడ్ ది ఫాదర్ అనువాదం (OGF).
ఆధునిక కాలంలో యోహాను 3:16 బహుశా మొత్తం బైబిల్ అంతటిలో చాలా తరచుగా చూపబడుచున్న వచనం (సందర్భంతో సంబంధం లేకుండా), ఎందుకంటే ఇది అమెరికా క్రీడా కార్యక్రమాలలో కనబడుతుంది (పోస్టర్లపై), మరియు మంచి ఉద్దేశ్యం గల ఉత్సాహవంతులైన సువార్తీకులచే క్లుప్తమైన సారాంశంగా పదేపదే ఉపయోగించబడుతుంది. ఈ వాక్యం తన కుమారుని అనుగ్రహించు విషయంలో యహువః యొక్క అపారమైన ప్రేమ మరియు లక్ష్యాన్ని గూర్చిన ఒక అందమైన ప్రకటన అయితే, అది నేడు ప్రమాదకరంగా తప్పుదారి పట్టించే విధంగా ఉపయోగించబడుతుంది! ఈ వాక్యాన్ని ఉపయోగించి రక్షణ కొరకు తక్షణ-సులభమైన సూత్రాన్ని తయారుచేయుటను సువార్తల యొక్క అసలు సందర్భాలు నిషేధిస్తున్నాయి.
చాలా సుపరిచితమైన ఈ వచనం యొక్క అసలైన అర్థాన్ని పూర్తిగా గ్రహించాలంటే, దీనిని “పైనుండి పుట్టుట” (లేదా మరలా జన్మించుట) ను గురించి యహూషువః నికోదేముతో సంభాషించిన సందర్భంతో జాగ్రత్తగా పోల్చి, అలాగే రానైయున్న యహువః రాజ్య సువార్తను ప్రకటించిన యహూషువః పరిచర్య యొక్క విస్తృత సందర్భంతో పోల్చి చూడాలి. ఈ కొత్తగా జన్మించుటను గూర్చిన బోధన (యోహాను 3వ అధ్యాయం) యొక్క అవగాహన విత్తువాని (మార్కు 4:13-20) ఉపమానం ద్వారా తెలియజేయబడిన ముఖ్యమైన సత్యానికి వేరుగా ఉండకూడదు. మీరు యహూషువః రాజ్య సువార్తను విశ్వసించలేనట్లైతే “యహూషువఃను విశ్వాసించలేనట్లే”.
“మరియు ఈ ఉపమానము మీకు తెలియలేదా? ఆలాగైతే ఉపమానములన్నియు మీకేలాగు తెలియుననెను. విత్తువాడు వాక్యము విత్తుచున్నాడు.” (మార్కు 4: 13,14)
లూకా 8:10-11 ప్రకారం “వాక్యము” అనగా “యహువః యొక్క వాక్యం”, ఇది “యహువః రాజ్య మర్మములకు” పర్యాయపదంగా ఉంటుంది. మత్తయి 13:19, మార్కు 4:14 లలోని “వాక్యము” “రాజ్య వాక్యానికి” సమాంతరమని సులభంగా గ్రహించవచ్చు. విత్తువాని ఉపమానాన్ని గూర్చిన ఈ మూడు భాగాలలో, రాబోయే రాజ్య సువార్త సందేశానికి చెప్పబడిన నాలుగు రకాల నేలలలో చివరి నేల సరైన ప్రతిస్పందనగా ఉందని చాలా స్పష్టంగా కనబడుతుంది. మరో మాటలో చెప్పాలంటే, “వాక్యాన్ని” తప్పుగా అర్థం చేసుకొనుట మరియు దానిని వెంటనే దుష్టుడు లాక్కొనటానికి బదులు; లేదా నిజానికి దానిని స్వల్పకాలిక ఆనందంతో స్వీకరించి మరియు వాక్యం నిమిత్తం కలిగే కష్టాలు/హింసల కారణంగా తొట్రిల్లిపోవడం, లేదా “లోక సంబంధమైన జాగ్రత్తలు మరియు ధన మోసం ద్వారా ఉక్కిరిబిక్కిరి అయ్యే విధంగా వాక్యాన్ని స్వీకరించి ఫలించని వారిగా ఉండుటకు బదులు”; విశ్వాసి నాల్గవ వర్గంలో ఉండడాన్ని ఎంచుకోవాలి! ఒకరు రాజ్య వాక్యాన్ని స్వీకరించాలి మరియు దానిని మంచి, నిజాయితీగల హృదయంతో అర్థం చేసుకోవాలి – మరియు “అక్కడే ఉండిపోవాలి”, ఒకరు సువార్త సందేశానికి అవసరమైన క్రియలను పట్టుదలతో చేయుటలో జీవితాంతం క్రియాశీలకంగా ఉంటూ, నిరంతరం ఫలాలను అందజేయాలి!
ఫుట్నోట్ నుండి క్రింది మాటలలో (వన్ గాడ్, ది ఫాదర్, వన్ మెస్సీయ అనువాదం, పేజీ 245) యోహాను 3వ అధ్యాయానికి సంబంధించి కొన్ని సంబంధిత సంబంధాలు సూచించబడ్డాయి:
“పై నుండి పుట్టుట అనేది, ఈ పునర్జన్మకి రచయితయైన యహువః ద్వారా కలుగుతుంది మరియు అది సత్యము [రాజ్య సువార్త] మరియు పశ్చాత్తాపాలపై గల మన విశ్వాసంపై ఆధారపడి ఉంటుంది. క్రైస్తవునిగా మారుటకు తిరిగి జన్మించుట అనేది వివాదాలకు ఆస్కారం లేని ఆధారం. సారాంశ సారూప్య సువార్తలైన మత్తయి, మార్కు మరియు లూకాలలో, నూతనంగా జన్మించుట అనేది సువార్త విత్తనం నుండి పుట్టుకొచ్చే కొత్త జీవితంగా వర్ణించబడింది (లూకా 8:11). అలా యహూషువః నికోదేముతో జీవ రూపకాన్ని మరియు విత్తువాని ఉపమానాన్ని విన్న ప్రజలతో వ్యవసాయ రూపకాన్ని ఉపయోగించాడు. ఇవి 1వ పేతురులో చక్కగా జతచేయబడ్డాయి. 1:22-25 ప్రకారం తిరిగి జన్మించుట అనేది సువార్త [రాజ్యం] అనే విత్తనంపై ఆధారపడి ఉంటుంది. ఆ విధంగా విశ్వాసిగా మారే వారికి కొత్త నిబంధన ఒకే ఒక్క ఐక్య వేదాంతాన్ని కలిగి ఉంది. ఇది యహూషువః రాజ్య సువార్త (మార్కు 1:1-2, 14-15) పై గల విశ్వాసంతో మొదలవుతుంది.
పాఠకులు యోహాను 3వ అధ్యాయంలోని యహూషువః యొక్క అలంకారిక భాష యొక్క వాస్తవ సందర్భాన్ని, స్వారూప్య సువార్తలలోని “విత్తన” రూపకాలతో పాటుగా “తిరిగి జన్మించుట” అనే మొత్తం కొత్త నిబంధన ఇతివృత్తాన్ని పరిగణలోకి తీసుకొనుట ద్వారా, యోహాను 3:16 యొక్క సందర్భం కూడా నిజమైన క్రియాశీల ప్రతిస్పందన యొక్క క్లిష్టమైన అవసరాన్ని నిర్ధారిస్తుంది అని తెలుసుకోగలరు. అది నిరంతర పశ్చాత్తాపపూర్వకమైన విధేయత యొక్క నిర్ణయాత్మక ప్రయత్నం, (విత్తువాని యొక్క ఉపమానంలో వలె).
“అరణ్యములో మోషే సర్పమును ఏలాగు ఎత్తెనో, ఆలాగే విశ్వసించు ప్రతివాడును నశింపక ఆయన ద్వారా నిత్యజీవము పొందునట్లు మనుష్యకుమారుడు ఎత్తబడవలెను. యహువః లోకమును ఎంతో ప్రేమించెను. కాగా ఆయన తన అద్వితీయ కుమారునిగా (లేక, జనిలైక కుమరుడుగా) పుట్టిన వాని యందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను. లోకము తన కుమారుని ద్వారా రక్షణ పొందుటకేగాని లోకమునకు తీర్పు తీర్చుటకు యహువః ఆయనను లోకములోనికి పంపలేదు. ఆయనయందు విశ్వాసముంచువానికి తీర్పు తీర్చబడదు; విశ్వసింపనివాడు యహువః అద్వితీయ కుమారుని నామమందు విశ్వాసముంచలేదు గనుక వానికి ఇంతకు మునుపే తీర్పుతీర్చబడెను. ఆ తీర్పు ఇదే; వెలుగు లోకములోనికి వచ్చెను గాని తమ క్రియలు చెడ్డవైనందున మనుష్యులు వెలుగును ప్రేమింపక చీకటినే ప్రేమించిరి. దుష్కార్యము చేయు (లేక, అభ్యసించు) ప్రతివాడు వెలుగును ద్వేషించును, తన క్రియలు దుష్క్రియలుగా కనబడకుండునట్లు( మూలభాషలో-తన క్రియలు గద్దింపబడకుండునట్లు) వెలుగునొద్దకు రాడు. సత్యవర్తనుడైతే తన క్రియలు యహువః మూలముగా చేయబడియున్నవని ప్రత్యక్ష పరచబడునట్లు వెలుగునొద్దకు వచ్చును.” (యోహాను సువార్త 3:14-21).
ఒకడు యోహాను 3:16ని దాని తక్షణ సందర్భంగా అంగీకరించడం ద్వారా, “యహూషువఃను విశ్వసించుట” అనేది యహూషువఃను యహువః పంపెను అనే ఒక క్షణికమైన అంగీకారానికి సంబంధించినదానిలా, వట్టి తేలికైన అనుభూతిని కలిగించే అనుభవాన్ని సూచిస్తున్నదానిలా ఇతరులను తప్పుదారి పట్టించు విషయంలో అపరాధిగా ఉండడు. యహూషువఃను నిజంగా విశ్వసించుట అనగా ఒకడు తన క్రియల విషయంలో నిర్ణయాత్మకంగా వెలుగులోకి రావడం. వెలుగులోకి రావడం అనేది చీకటి యొక్క మునుపటి క్రియలను మార్చడానికి మరియు ఆపివేయడానికి నిరంతర ఎంపికలను కలిగి ఉంటుంది. బాప్తీస్మం అనేది పశ్చాత్తాపంతో కూడిన నిబద్ధత యొక్క చర్య, అది ఈ విధేయతా సూత్రం యొక్క అనుకూలమైన, కీలకమైన భాగం, అలాగే ఈ లేఖనాల (యోహాను 3:22-30 మరియు 4:1-3) యొక్క తక్షణ సందర్భానికి సంబంధించిన భాగం. ఫలవంతమైన, ఎదుగుతున్న మార్గంలో ఉండాలంటే, విశ్వాసులు నిరంతరం సవాళ్లను ఎదుర్కొనుటలో జయించువారుగా ఉండాలి (అపోస్తలు 14:22).
వెలుగులో ఉన్నామని చెప్పుకొనుచూ చీకటి జీవితపు మార్గాలలో ఉండువారి కోసం, అదే విధమైన పదజాలంతో కూడిన మరొక లేఖనాధార సందర్భం 1 యోహాను 1:5-2:2. విశ్వాసులు రాజ్య సువార్తను (మార్కు 4:11-12) విశ్వసించడం ద్వారా మొదట పశ్చాత్తాపం పొందిన తర్వాత, తప్పుగా భావించే దేని గురించీ స్పష్టంగా పశ్చాత్తాపపడకుండా, నిజంగా వెలుగులోకి వచ్చిన తర్వాత (చీకటి కార్యకలాపాలకు దూరంగా ఉన్నప్పుడు) కూడా వారి దారిని తప్పించే పాపాల ద్వారా ఇప్పటికీ ఆకర్షించబడుతూ ఉండవచ్చు. అయితే, మనం పొరపాటున కాంతికి దూరమైనప్పటికీ — మన నిబద్ధతను వదులుకోవద్దని మనము అద్భుతంగా ఆహ్వానించబడ్డాము. చీకటిలో ఉంటూ, ఇంకా మార్గంలో ఉన్నట్లు నటిస్తూ మనతో మనం (మరియు ఇతరులకు) అబద్ధం చెప్పుకొనే బదులు, మన నమ్మదగిన యహువః, యహూషువః యొక్క త్యాగ రక్తం ద్వారా మన పాపాలను క్షమించి, కడుగుతున్నాడని నమ్మకంగా గ్రహించి, మన పాపాలను వినయంగా ఒప్పుకోవచ్చు. మనలో సరికాని వాటన్నిటి నుండి మనం శుద్ధి చేయబడతాము. యహూషువః యొక్క పరిపూర్ణమైన పాపపరిహారార్థ బలి యొక్క విస్తృతమైన ప్రభావం ద్వారా, యహువః మనలను ఈ విధంగా క్షమించి, కడుగుతున్నప్పుడు ఆయన పూర్తిగా న్యాయంగా ఉంటాడు!
మన క్లిష్ట పరిస్థితులు మరియు మన మానవ బలహీనతలు మనకి ఉన్నప్పటికీ, మన నమ్మదగిన ఎలోహిమ్ మరియు ఆయన నమ్మకమైన కుమారుడు మనకు వెన్నుదన్నుగా ఉన్నారు, ఎందుకంటే మనం బైబిల్ యొక్క ప్రేమపూర్వక జీవన విధానాన్ని (రాబోయే యహువః రాజ్య సువార్త ప్రకారం) విడిచిపెట్టడానికి నిరాకరించాము.
పై కథనంలోని కొన్ని పదాలు మరియు పదబంధాల స్పష్టమైన అర్థంపై WLC ప్రత్యేక గమనిక.
[a] “పాపం = చీకటి = మనలో సరిగ్గా లేనివన్నీ”
1 యోహాను 2:2 ఆయనే మన పాపములకు శాంతికరమైయున్నాడు (ప్రాయశ్చిత్తమైయున్నాడు); మన పాపములకు మాత్రమేకాదు. సర్వలోకమునకును శాంతికరమై యున్నాడు.
“పాపం” అనగా ఏదైనా అతిక్రమం లేదా ధర్మశాస్త్రాన్ని ఉల్లంఘించడం = సమస్త ఆజ్ఞలు = తోరా, ఇది యహువః రాజ్యంలో పౌరులందరూ గైకొనడానికి అవసరమైన నియమాలను మరియు నిబంధనలను కలిగి ఉంటుంది.
[b] “బైబిలు అనుసారమైన, ప్రేమగల జీవనశైలి” = ఆజ్ఞలను పాటించడం.
ద్వితీయోపదేశకాండము 7:9 కాబట్టి యహువః, ఆయనే G-d, నమ్మకమైన G-d అని తెలిసికొనుము, తన్ను ప్రేమించి తన ఆజ్ఞల ననుసరించి నడుచుకొనువారికి తన నిబంధనను స్థిరపరచువాడును వేయితరములవరకు కృపచూపువాడును;
యోహాను 14:15 మీరు నన్ను ప్రేమించిన యెడల నా ఆజ్ఞలను గైకొందురు.
యోహాను 14:23 యహూషువః ఒకడు నన్ను ప్రేమించిన యెడల వాడు నా మాట గైకొనును, అప్పుడు నా తండ్రి వానిని ప్రేమించును, మేము వాని యొద్దకు వచ్చి వానియొద్ద నివాసము చేతుము.
మొదటి యోహాను 5:2-4: మనము యహువఃను ప్రేమించుచు ఆయన ఆజ్ఞలను నెరవేర్చువారమైతిమా యహువః పిల్లలను ప్రేమించుచున్నామని దానివలననే యెరుగుదుము. మనమాయన ఆజ్ఞలను గైకొనుటయే యహువఃను ప్రేమించుట; ఆయన ఆజ్ఞలు భారమైనవి కావు. యహువః మూలముగా పుట్టిన వారందరును లోకమును జయించుదురు; లోకమును జయించిన విజయము మన విశ్వాసమే
ఇది కెన్నెత్ లాప్రేడ్ రాసిన వ్యాసం. WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
పౌలు రోమీయులకు వ్రాసిన పత్రికలో, తాను “సువార్త విషయంలో సిగ్గుపడలేదు అని చెప్పాడు, ఎందుకంటే అది విశ్వసించే ప్రతి ఒక్కరి రక్షణ కోసం యహువః యొక్క శక్తి: మొదట యూదునికి, తరువాత అన్యజనులకు” (రోమా 1:16). సువార్త ఏ భావంలో “మొదట యూదునికి”? నేటి క్రైస్తవులకు ఇది ఎలా అర్థం అవుతుంది?
|
రక్షణ అనేది యహువః యొక్క స్వేచ్ఛా ఎంపికపై ఆధారపడి ఉంటుంది—యూదునిగా పుట్టడంపై కాదు.
|
తన తోటి యూదులు సువార్తను విశ్వసించనందున, పౌలు తన హృదయంలో “చాలా దుఃఖమును మరియు ఎడతెగని వేదనను” కలిగి ఉన్నాడు (రోమా 9:2). అయితే, ఇది సువార్తకు బలహీనమైన ప్రతిఫలం మాత్రం కాదు—యహువః మాట విఫలం కాలేదు (రోమా 9:6).
యూదునిగా పుట్టడం రక్షణకు హామీ ఇవ్వదని యహువః వాక్యం చూపిస్తుంది. అబ్రాహాము కుమారుడు ఇస్సాకు ఎంపిక చేయబడ్డాడు, కానీ ఇస్మాయేలు తిరస్కరించబడ్డాడు; యాకోబు ఎన్నుకోబడ్డాడు, కానీ ఏశావు తిరస్కరించబడ్డాడు (రోమా 9:6-13). యహువః కొందరిని తిరస్కరించి, మరికొందరిని రక్షించగలడు—అది ఆయన స్వంత దైవిక ఎంపిక: “యహువః ఎవనిని కనికరింప గోరునో వానిని కనికరించును; ఎవని కఠినపరచ గోరునో వాని కఠిన పరచును” (రోమా 9:18). రక్షణ అనేది యహువః యొక్క స్వేచ్ఛా ఎంపికపై ఆధారపడి ఉంటుంది—యూదునిగా పుట్టడంపై కాదు.
ఇంకా, రక్షణ విశ్వాసం మీద ఆధారపడి ఉంటుంది. సువార్త బోధించబడినప్పుడు, దానిని నమ్మాలి. అయితే, చాలా మంది యూదులు క్రియల ద్వారా యహువఃతో సమాధాన పడుటకు తీరిక లేకుండా ఉన్నారు, వారు సువార్త వినినప్పుడు, వారు దానిని కొట్టిపారేశారు: “వారు విశ్వాసంతో కాదు, క్రియల ద్వారా దానిని వెంబడించారు” (రోమా 9:32). ఆ విధంగా, పౌలుతో ఉన్న తోటి యూదులు సువార్తను విన్నారు, కానీ దానిని నమ్ముటకు నిరాకరించారు.
|
సువార్తను విశ్వసించే యూదుల శేషం ఎప్పటినుంచో ఉందని మరియు ప్రస్తుతం ఉనికిలో ఉందని పౌలు రోమీయులకు మరియు మనకు గుర్తు చేస్తున్నాడు.
|
దానర్థం యహువః ప్రణాళికలలో యూదులకు ముగింపు అనా?
సువార్తను విశ్వసించే యూదుల శేషం ఎప్పటినుంచో ఉంటూ మరియు ప్రస్తుతం ఉనికిలో ఉందని పౌలు రోమీయులకు మరియు మనకు గుర్తు చేస్తున్నాడు: “కృప యొక్క యేర్పాటు చొప్పున శేషము మిగిలి యున్నది” (రోమా 11:5). సువార్తను విశ్వసించే చాలా మంది యూదులు ఎల్లప్పుడూ ఉంటారు.
ఇంకా, క్రీస్తు మరణ పునరుత్థానాలు మొదలుకొని ఆయన తిరిగి వచ్చే వరకు యూదుల జోక్యంతో జరిగే ఒక ప్రక్రియ ఉంది. క్రీస్తుకు ముందు, అన్యజనులు నిరీక్షణ లేకుండా మరియు యహువః లేకుండా ఉన్నారు (ఎఫె. 2:12). ఇప్పుడు యూదుల అవిధేయత ఫలితంగా అన్యజనులు రక్షింపబడుతున్నారు (రోమా 11:30). కానీ ప్రక్రియ అక్కడ ఆగిపోదు. అన్యజనుల రక్షణ యూదులను అసూయకు గురిచేయడానికి రూపొందించబడింది, తద్వారా వారు రక్షించబడతారు: “వారికి రోషము పుట్టించుటకై వారి తొట్రు పాటు వలన అన్యజనులకు రక్షణ కలిగెను” (రోమా 11:11). వాస్తవానికి, అన్యులు అంటుకట్టబడిన ఒలీవ చెట్టు (చర్చి) యూదు మూలాలను కలిగి ఉంది—అన్యజనులు “అడవి” ఒలీవ చెట్టు నుండి “ప్రకృతికి విరుద్ధంగా” అంటు కట్టబడ్డారు (రోమా 11:24).
|
యహూషువః మరియు యహూషువః మాత్రమే తమ మెస్సీయ అని ఇప్పుడు యూదులు చూస్తున్నందున, సహజమైన కొమ్మలైన వారు తిరిగి అన్యజనులతో పాటు తమ సొంత చెట్టులోకి అంటుకట్టబడతారని మా ఆశ.
|
అవిధేయులైన యూదులు, అసూయపడినప్పుడు (వారి స్వంత ఎలోహిమ్, వారి స్వంత మెస్సీయ మరియు వారి స్వంత బైబిల్ ద్వారా అన్యజనులు రక్షించబడటం చూచుట ద్వారా), వారి స్వంత ఒలీవ చెట్టులో తిరిగి అంటుకట్టబడతారు: వారు “సహజమైన” కొమ్మలు (రోమా 11:24). సువార్త అనేది “మొదట—యూదులకు”—వారు సహజ వారసులు మరియు ఇప్పటికీ సువార్త గ్రహీతలు—వారు “సహజమైన” కొమ్మలు. యూదులు “బయట” మరియు అన్యులు “లోపల” అనే ఈ ప్రక్రియ అక్కడితో అంతం కాదు: కొంతమంది రక్షింపబడునట్లు యూదులను అసూయపడేలా పురికొల్పే ఉద్దేశ్యం కూడా ఈ ప్రక్రియకు ఉంది (రోమా 11:14). నిజానికి, ఇది యూదులు రక్షించబడే ప్రక్రియ. మరియు అంత్య దినాన, క్రీస్తు తిరిగి వచ్చినప్పుడు, నిజంగా ఇశ్రాయేలు అయిన ఇశ్రాయేలీయులందరూ రక్షింపబడతారని మనం చూసాము (రోమా 11:26); అనగా యహువః మాట విఫలం కాలేదు (రోమా 9:6); మరియు ఆయన తన ఇశ్రాయేలు యెడల తన పిలుపును మరియు వాగ్దానాలను నిలబెట్టుకున్నాడు, అవి మార్పులేనివి (రోమా 11:29).
కాబట్టి క్రైస్తవులు, యూదులు మరియు అన్యజనులు, యూదులకు (మరియు దేశాలకు, లేక యూదులు కానివారికి; కానీ ఎప్పుడూ దేశాలకు మాత్రమే కాదు) సువార్తను తీసుకెళ్లుటను కొనసాగించాలి. అది విని, నమ్మి, రక్షింపబడే శేషం ఉంది. యహూషువః మరియు యహూషువః మాత్రమే తమ మెస్సీయ అని ఇప్పుడు యూదులు చూస్తున్నందున, సహజమైన కొమ్మలైన వారు తిరిగి అన్యజనులతో పాటు తమ సొంత చెట్టులోకి అంటుకట్టబడతారని మా ఆశ. మరియు క్రైస్తవులు కూడా యహువః ద్వారా రక్షణను మరియు తమ స్వంత వాగ్దానాల నెరవేర్పును మరియు లేఖనాలను కలిగియున్నారు.
ఇది మార్టిన్ పాకుల రాసిన వ్యాసం. WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
“ఉన్నత విద్య వలన స్పష్టంగా-అర్ధంలేని వాటిని విశ్వసించే ప్రవృత్తి తగ్గుముఖం పట్టడానికి బదులు పెరుగుతుందని నొక్కిచెప్పడానికి కొంత ఋజువు ఉంది.” 1
“మరియు మీ మనోనేత్రములు వెలిగింపబడినందున, ఆయన మిమ్మును పిలిచిన పిలుపువల్లనైన నిరీక్షణ యెట్టిదో, పరిశుద్ధులలో ఆయన స్వాస్థ్యము యొక్క మహిమైశ్వర్యమెట్టిదో . . మన ప్రభువైన యహూషువః క్రీస్తు యొక్క దేవుడైన మహిమ స్వరూపియగు తండ్రి, తన్ను తెలిసికొనుటయందు మీకు జ్ఞానమును ప్రత్యక్షతయునుగల మనస్సు అనుగ్రహించునట్లు…” (ఎఫెసీ. 1:17-18).
|
దురదృష్టవశాత్తూ, కొంతమంది తమ తోటివారి అంగీకారాన్ని విడనాడడానికి ఇష్టపడి తమ సొంత మనస్సులలో తాము నిజమని అనుమానించిన దాని కోసం నిలబడతారు, కానీ వారు సమస్యాత్మకమైన మనస్సాక్షిని రక్షించడానికి అజ్ఞానాన్ని ఊహించుకుంటారు లేదా “మర్మమును” ఆలింగనం చేసుకుంటారు మరియు గుంపుతో ఏకీభవిస్తారు.
|
“యహువః సమయాన్ని వృధా చేయడం” గురించి ఎంతటి బూటకపు మాటలు లేదా ఊక దంపుడు పాండిత్యం చెప్పినా సంఘానికి వెళ్లేవారు నమ్మే కొన్ని విషయాలు నిజానికి అర్ధంలేనివి అనే వాస్తవాన్ని సహేతుకమైన మనస్సు నుండి దాయలేమని మేము దృఢమైన వ్యక్తిగత నిర్ధారణకు వచ్చాము. సనాతన ధర్మం యొక్క నీచమైన చరిత్ర వారు తెలుసునని చెప్పుకొనుచున్న మరియు బోధిస్తున్న వ్యక్తి నామమును గౌరవించదు. కాబట్టి, కలుషితమైన బావి నుండి మంచినీళ్ళు లేదా ముళ్ల పొదల నుండి ద్రాక్షపండ్లు తీసుకోలేరు అనే యహూషువః యొక్క పరీక్షను మాత్రమే ఎవరైనా వర్తింపజేయాలి. దురదృష్టవశాత్తూ, కొంతమంది తమ తోటివారి అంగీకారాన్ని విడనాడడానికి ఇష్టపడి తమ సొంత మనస్సులలో తాము నిజమని అనుమానించిన దాని కోసం నిలబడతారు, కానీ వారు సమస్యాత్మకమైన మనస్సాక్షిని రక్షించడానికి అజ్ఞానాన్ని ఊహించుకుంటారు లేదా “మర్మమును” ఆలింగనం చేసుకుంటారు మరియు గుంపుతో ఏకీభవిస్తారు. అప్పుడు సత్యం విఫలమవుతుంది!
జర్మన్ తత్వవేత్త ఆర్థర్ స్కోపెన్హౌర్ (1788-1860) సమర్థంగా వివరించినట్లుగా, క్రైస్తవులు జనాదరణ పొందిన అభిప్రాయానికి అనుగుణంగా వెళ్లడం చాలా సులభం: “సాధారణంగా అవలంబించబడుతున్న విశ్వాసం వద్దకు తీసుకురాబడిన వెంటనే మనుష్యులు ఆలింగనం చేసుకోనటువంటి అభిప్రాయం ఏదీ లేదు, అది అసంబద్ధమైనప్పటికీ కూడా.”
సాధారణ జనులను “లోబడి” ఉండునట్లు చేయుటకు సనాతన ధర్మం ద్వారా ప్రకటించబడిన ఒక విధమైన సిద్ధాంతపు ఉదాహరణ ఇలా ఉంటుంది: “యహువః కుమారుడు మరణించాడు; ఇది అసంబద్ధం కాబట్టి ఖచ్చితంగా నమ్మాలి. మరియు అతను సమాధి చేయబడ్డాడు మరియు తిరిగి లేచాడు; అది అసాధ్యం కాబట్టి వాస్తవం ఖచ్చితంగా ఉంది.” 2 ఆ విధమైన వాదనను గుడ్డిగా నమ్మాలి (“విశ్వాసం ద్వారా”) లేదా దురదృష్టవశాత్తూ, ప్రపంచంలోని చాలా మంది చేయునట్లు దీన్ని అర్ధంలేనిదానిగా విసిరివేయాలి. బైబిల్ ఎప్పుడూ ఇలా మాట్లాడదు, అయితే, యహువః కుమారుడు (కుమారుడైన యహువః కాదు) మరణించాడు మరియు అతని తండ్రి అతనిని మృతులలో నుండి లేపి మహిమపరిచాడు. వివరంగా అపోస్తలు 2:14-36 లో చూడండి.
ఆల్బర్ట్ ఐన్స్టీన్ కూడా గొప్ప భౌతిక శాస్త్రవేత్త మరియు వేదాంతవేత్త అయిన ఐజాక్ న్యూటన్కు నివాళులర్పించాడు, అతను సృష్టిలో యహువః యొక్క బాహువును గ్రహించాడు మరియు త్రిత్వాన్ని ఒప్పుకొనుటకు నిరాకరించాడు; అందువల్ల న్యూటన్ యొక్క అనేక వేదాంత రచనలు ప్రజలకు అందుబాటులో ఉండవు. న్యూటన్ “మానవ జాతి రహస్యాలను తెలుసుకుంటుంది మరియు అర్థం చేసుకోలేని పవిత్రమైనది మరియు పరిపూర్ణమైనది ఏదీ ఉండదు” అని వ్రాశాడు, కానీ “సత్యం ఎప్పుడూ సరళతలో కనుగొనబడుతుంది, గుణకారం మరియు విషయాల గందరగోళంలో కాదు” అని సలహా ఇచ్చాడు. ఎంత నిజం!
 |
|
విలియం టిండేల్
|
విలియం టిండేల్ మాట్లాడుతూ, పదాల యొక్క స్పష్టమైన అర్థాల వెనుక ఉన్న అర్థాల గురించి వాదించే పండితులు “నిష్క్రియ వివాదాలు చేయుచూ వ్యర్థమైన పదాల గురించి గొడవ చేయువారై ఉందురు, మరియు వారు ఎల్లప్పుడూ చేదు బెరడును కొరుకుతూ మరియు లోపల ఉన్న తీపిని ఎప్పటికీ పొందలేరు.” టిండేల్కి, బైబిల్ను పూర్తిగా చదవాలి మరియు ఆ పదాలు ఎలా ఉంటే అలా అంగీకరించాలి, ఎందుకంటే “అది ఏ పురుషుడు లేదా స్త్రీ అయినా అర్థం చేసుకోగలిగే ఒక కథను చెబుతుంది, చర్చింపబడకుండా లేదా వేదాంతశాస్త్రాన్ని అధ్యయనం చేయకుండా.” తన విశ్వాసం కారణంగా సంఘం టిండేల్ను కాల్చివేయడానికి కొద్ది కాలం ముందు, అతను ఇలా వ్రాశాడు, “యహువః సహాయం అనే బండను గట్టిగా హత్తుకోండి మరియు సమస్త విషయాల ముగింపును ఆయనకు అప్పగించండి” మరియు “మనుష్యుల నిర్ణయాలను అధిగమించనీయవద్దు.” 3
ఐజాక్ వాట్స్, గొప్ప తర్కవేత్త మరియు గీత రచయిత (“వెన్ ఐ సర్వే ది వండ్రస్ క్రాస్,” “జాయ్ టు ది వరల్డ్,” “ఓ యాహువా, అవర్ హెల్ప్ ఇన్ ఏజెస్ పాస్ట్” మరియు ఇంకా 500 కంటే ఎక్కువ వ్రాసాడు), తర్కంపై తన క్లాసిక్ పాఠ్యపుస్తకంలో ఇలా ఎత్తి చూపారు, “మన సృష్టికర్త మనకు తార్కిక శక్తిని అందించాడు, దీని ద్వారా సత్యాన్ని వెంబడించడానికి; అయితే ప్రకృతి యొక్క ఏదైనా నీచమైన శక్తులు లేదా ఈ జీవితం యొక్క నశించిపోతున్న ఆసక్తుల ద్వారా మనం తప్పుదారి పట్టించినట్లయితే మనం ఆయన అత్యంత గొప్ప బహుమానాల్లో ఒకదానిని దుర్వినియోగం చేస్తాము. హేతువు, నిజాయితీగా విధేయత చూపినట్లయితే, సువార్త యొక్క దైవిక ప్రత్యక్షతను స్వీకరించడానికి మనల్ని నడిపిస్తుంది, అక్కడ అది సక్రమంగా ప్రతిపాదించబడుతుంది మరియు అది మనకు నిత్యజీవానికి మార్గాన్ని చూపుతుంది.” 4
ఐజాక్ వాట్స్ యొక్క తర్కశాస్త్ర అధ్యయనానికి మరియు తాను త్రిత్వాన్ని తిరస్కరించడానికి మధ్య సన్నిహిత సంబంధం ఉందని స్పష్టంగా తెలుస్తుంది. యహువః యొక్క స్వభావాన్ని గూర్చి 20 సంవత్సరాల సమయాన్ని తీవ్రమైన లేఖన అధ్యయనానికి వెచ్చించిన తర్వాత, వాట్స్ ఇలా వ్రాశాడు: “అయితే అటువంటి బలహీనమైన జీవులు ఇటువంటి [త్రిత్వం] విచిత్రమైన, కష్టమైన మరియు నిగూఢమైన సిద్ధాంతాన్ని వివరణ మరియు రక్షణ కోసం ఎలా తీసుకుంటారు. అనేకమంది జనులు, నేర్చుకొనేవారు మరియు దైవభక్తి ఉన్నవారు కూడా, అనంతమైన వివాదాల మరియు అంతులేని చిట్టడవుల చీకటిలో తమను తాము కోల్పోయారు. మరియు ఒక నిజమైన దేవుడిని తయారు చేయబోతున్న ముగ్గురు నిజమైన వ్యక్తుల గురించి ఈ వింత మరియు కలవరపరిచే భావన ఆ క్రైస్తవ సిద్ధాంతంలో చాలా అవసరం మరియు చాలా ముఖ్యమైనది కావచ్చు, ఇది పాత నిబంధన మరియు కొత్త నిబంధనలో, చాలా సాదాసీదాగా మరియు చాలా తేలికగా, కొంచెం అవగాహనలకు అయినా ప్రాతినిధ్యం వహిస్తుందా?” 5
పైన పేర్కొన్న విషయాల వెలుగులో, నా ప్రశ్న ఏమిటంటే: బైబిల్ ఆధారితమైనది మరియు “క్రీస్తు కేంద్రీకృతమైనది” అని చెప్పుకునే ఏ సంస్థయైనా ఏ ప్రాతిపదికన యహూషువః లేదా అపొస్తలులు ప్రస్తావించిన సిద్ధాంతాన్ని సమర్థిస్తుంది, అది రోమా మతం యొక్క విశ్వాసాలను మరియు సంఘం యొక్క బోధనను మరియు బైబిలుపై సంఘ సంప్రదాయం యొక్క ఆధిపత్యాన్ని అనుసరిస్తే తప్ప? యహువః ముందు నిజాయితీగా ఉండాలంటే మీరు ఆ ప్రశ్నకు సమాధానం చెప్పాలి మరియు చర్య తీసుకోవాలి.
క్రింది బైబిలు భాగాలను పరిగణించండి. వాటిని అలాగే చదవండి; కొన్ని ముందస్తు సిద్ధాంతాల ప్రకారం వాటిని “అర్థం” చేసుకోవడానికి ప్రయత్నించవద్దు:
- యోహాను 14:28: “తండ్రి నాకంటె గొప్పవాడు గనుక … నేను తండ్రియొద్దకు వెళ్లుచున్నానని…”
- యోహాను 20:17: “నేను … నా తండ్రియు మీ తండ్రియు, నా దేవుడును మీ దేవుడునైన వాని యొద్దకు ఎక్కిపోవు చున్నానని వారితో చెప్పుమనెను.”
- ఎఫెసీయులకు 4:6: “అందరికి తండ్రియైన దేవుడు ఒక్కడే.”
|
అద్వితీయ సత్యదేవుడవైన నిన్నును, నీవు పంపిన యహూషువః క్రీస్తును ఎరుగుటయే నిత్య జీవము.
|
యహూషువః ఇలా ప్రార్ధించెను: “తండ్రీ, నా గడియ వచ్చియున్నది. నీ కుమారుడు నిన్ను మహిమ పరచునట్లు నీ కుమారుని మహిమ పరచుము. నీవు నీ కుమారునికిచ్చిన వారికందరికిని ఆయన నిత్యజీవము అనుగ్రహించునట్లు సర్వశరీరుల మీదను ఆయనకు అధికారమిచ్చితివి. అద్వితీయ సత్యదేవుడవైన నిన్నును, నీవు పంపిన యహూషువః క్రీస్తును ఎరుగుటయే నిత్య జీవము. [ ఇక్కడ “పంపిన” అనగా “పరలోకం నుండి” అని కాదు, బాప్తీస్మమిచ్చు యోహాను మరియు ప్రవక్తలు అందరూ “పంపబడిన” వారే. దీని అర్థం “నియమించబడిన”]. చేయుటకు నీవు నాకిచ్చిన పని నేను సంపూర్ణముగా నెరవేర్చి భూమి మీద నిన్ను మహిమ పరచితిని. (యోహాను 17:2-4)
పైన ముద్దగా ఇవ్వబడిన పదాలు సహ-సమాన, సహ-శాశ్వత జీవుల మధ్య వింత ప్రకటనలు!
“అయితే పేతురు ఆ పదునొకరితోకూడ లేచి నిలిచి బిగ్గరగా వారితో ఇట్లనెను; యూదయ మనుష్యులారా, యెరూషలేములో కాపురమున్న సమస్త జనులారా, యిది మీకు తెలియుగాక, చెవియొగ్గి నా మాటలు వినుడి. ఇశ్రాయేలువారలారా, యీ మాటలువినుడి: యహువః నజరేయుడగు యహూషువః చేత అద్భుతములను మహత్కార్యములను సూచకక్రియలను మీ మధ్యను చేయించి, ఆయనను తనవలన మెప్పుపొందినవానిగా మీకు కనబరచెను; ఇది మీరే యెరుగుదురు. యహువః నిశ్చయించిన సంకల్పమును ఆయన భవిష్యద్ జ్ఞానమును అనుసరించి అప్పగింపబడిన యీయనను మీరు దుష్టులచేత(లేక, అక్రమకారులచేత) సిలువ వేయించి చంపితిరి. ఈ యహూషువఃను యహువః లేపెను; దీనికి(లేక, ఈయనకు) మేమందరము సాక్షులము. కాగా ఆయన యహువః కుడిపార్శ్వమునకు హెచ్చింపబడి, పరిశుద్ధాత్మను గూర్చిన వాగ్దానమును తండ్రివలన పొంది, మీరు చూచుచు వినుచునున్న దీనిని కుమ్మరించి యున్నాడు. మీరు సిలువవేసిన యీ యహూషువఃనే యహువః ప్రభువుగాను క్రీస్తుగాను నియమించెను. ఇది ఇశ్రాయేలు వంశమంతయు రూఢిగా తెలిసికొనవలెనని చెప్పెను. (అపొస్తలుల కార్యములు 2:14- 36).
అయితే అతడు పరిశుద్ధాత్మతో నిండుకొనినవాడై ఆకాశమువైపు తేరిచూచి, యహువః మహిమను యహూషువః దేవుని కుడిపార్శ్వమందు నిలిచి యుండుటను చూచి ఆకాశము తెరవబడుటయు, మనుష్యకుమారుడు యహువః కుడిపార్శ్వమందు నిలిచి యుండుటయు చూచుచున్నానని చెప్పెను.
… ప్రభువును గూర్చి మొరపెట్టుచు యహూషువః ప్రభువా, నా ఆత్మను చేర్చుకొనుమని స్తెఫను పలుకుచుండగా వారు అతనిని రాళ్లతో కొట్టిరి. అతడు మోకాళ్లూని ప్రభువా, వారిమీద ఈ పాపము మోపకుమని గొప్ప శబ్దముతో పలికెను; ఈ మాట పలికి నిద్రించెను. సౌలు అతని చావునకు సమ్మతించెను. (అపొస్తలుల కార్యములు 7:55-60).
|
ఇశ్రాయేలూ వినుము; మన దేవుడైన యహువః అద్వితీయుడగు యహువః. (ద్వితీయోప. 6:4)
|
మరియు యహూషువఃయే యహువః అనే లేదా యహువః ముగ్గురు వ్యక్తులు అనే ఆలోచనను వ్యతిరేకించే ఇంకా చాలా స్పష్టమైన ప్రకటనలు లేఖనాలలో ఉన్నాయి:
- 2 కొరింథీయులకు 11:31: “నేనబద్ధమాడుటలేదని నిరంతరము స్తుతింపబడుచున్న మన ప్రభువగు యహూషువః యొక్క తండ్రియైన దేవుడు ఎరుగును.”
- ఎఫెసీయులకు 1:3: “మన ప్రభువైన యహూషువః క్రీస్తు యొక్క తండ్రియగు యహువః స్తుతింపబడును గాక. ఆయన క్రీస్తునందు పరలోక విషయములలో ఆత్మసంబంధమైన ప్రతి ఆశీర్వాదమును మనకనుగ్రహించెను..”
- 1 పేతురు 1:3: “మన ప్రభువగు యహూషువః క్రీస్తు తండ్రియైన దేవుడు స్తుతింపబడునుగాక. మృతులలో నుండి యహూషువః క్రీస్తు తిరిగి లేచుట వలన జీవముతో కూడిన నిరీక్షణ మనకు కలుగునట్లు… ఆయన తన విశేష కనికరము చొప్పున మనలను మరల జన్మింపజేసెను.”
- ద్వితీయోపదేశకాండం. 6:4: ఇశ్రాయేలూ వినుము; మన దేవుడైన యహువః అద్వితీయుడగు యహువః.
1 పీటర్ బెర్గర్, ఎ ఫార్ గ్లోరీ: ది క్వెస్ట్ ఆఫ్ ఫెయిత్ ఇన్ ఏజ్ ఆఫ్ క్రెడ్యులిటీ, ఫ్రీ ప్రెస్, 1992, పేజీ. 163.
2 ఇ.జి. బెవ్క్స్, ది వెస్ట్రన్ హెరిటేజ్ ఆఫ్ ఫెయిత్ అండ్ రీజన్, హోల్ట్, రైన్హార్ట్, 1971.
3 విలియం టిండేల్ వ్రాసిన: ఇఫ్ గాడ్ స్పేర్ మై లైఫ్ బై బ్రియాన్ మొయినాహన్.
4 లాజిక్, 1724లో మొదటిసారిగా ప్రచురించబడింది, సోలి డియో గ్లోరియా పబ్లికేషన్స్ ద్వారా పునర్ముద్రించబడింది, మోర్గాన్, PA, 1996, పేజీ. 325.
5 విలియం జి. ఎలియట్లో ఉల్లేఖించబడింది, డిస్కోర్సెస్ ఆన్ ది డాక్ట్రిన్స్ ఆఫ్ క్రిస్టియానిటీ, అమెరికన్ యూనిటేరియన్ అస్సెన్., 1877, పేజీలు. 97, 100.
ఇది కీత్ రెల్ఫ్ రాసిన వ్యాసం. WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
9నేను ఎడ్విన్ లూట్జర్ యొక్క పుస్తకమైన, వన్ మినిట్ ఆఫ్టర్ యు డై ని మళ్ళీ తీసుకొని, అధ్యాయం 3: “ది ఆసెంట్ ఇన్ గ్లోరీ” ని చదవడం ప్రారంభించాను.
అతని మాటలు చాలా మధురంగా ఉన్నా, అవి పికిల్ జ్యూస్ రుచి, వాసన కలిగి ఉన్నాయి. నా ఉద్దేశ్యం ఏమిటి?
లూట్జెర్ రచన, విచారకరంగా, తప్పు వివరణల కల్పన. అతని పుస్తక శీర్షిక, “వన్ మినిట్ ఆఫ్టర్ యు డై” మోసపూరితమైనదని లేఖనం వెంటనే బహిర్గతం చేసింది. ఒకటి మరియు రెండు అధ్యాయాలు తప్పుడు వ్యాఖ్యానం యొక్క విపత్తు, కానీ ఇప్పుడు మేము మూడవ అధ్యాయానికి వెళ్ళి మరియు ప్లేటో త్రయం నుండి నేరుగా చదువుతున్నట్లుగా మిస్టర్ లూట్జర్ తన కల్పనలను కొనసాగించడాన్ని మేము కనుగొన్నాము!
అధ్యాయం 3లోని కొన్ని ప్రకటనలను నేను తీసుకుంటాను. 55వ పేజీలో, అతను 1వ కొరింథీయులు 3: 21-23ని ఉటంకించాడు: “సమస్తమును మీవి, మరియు మీరు క్రీస్తు వారు; క్రీస్తు దేవునివాడు,” మనకు మరణం అనేది యహువః యొక్క బహుమానంగా పేర్కొంటూ ఉటంకించాడు. అతడు చూడనిది త్రిత్వ వాదులకు (ఇతరుల మధ్య) ఒక అవరోధంగా ఉన్న సంబంధం. ఈ భాగము యహూషువః, క్రీస్తుపై యహువఃకు గల స్పష్టమైన అధీనతను వెల్లడిస్తుంది. త్రిత్వ సిద్ధాంతం యహూషువఃను యహువః అని ప్రతిపాదిస్తున్నందున, ఈ సందర్భంలో త్రిత్వ వాదులు యహువః యహువఃకు ఎలా అధీనంలో ఉండగలడో వివరించలేరు. “మీరు క్రీస్తు వారు; క్రీస్తు దేవునివాడు” అని ప్రకరణము ముగింసింది.
56వ పేజీలో, లూట్జర్ మళ్లీ పైకి వెళ్తూ, అన్యమతస్థులు క్రైస్తవులను యహువః సన్నిధికి చేర్చే మరణ బహుమతి నుండి విముక్తి చేయలేకపోయారని పేర్కొన్నాడు. మీరు మిస్టర్ E.R. లుట్జర్కు “మరణ” లేఖనాల యొక్క విస్తృతమైన జాబితాను మెయిల్ చేయాలనుకోవచ్చు. మరణ సమయంలో ఎవ్వరూ యహువః వద్దకు తీసుకెళ్లబడరు. యహూషువః క్రీస్తు రెండవ రాకడ మరియు పునరుత్థానం జరుగు వరకు అలా జరగదు. నేను పౌలు యొక్క సొంత మాటలను లూట్జర్కి గుర్తు చేస్తాను: “కాగా [పునరుత్థానం లేదా ఆయన రాకడలో యహూషువఃని కలుసుకోవడానికి చేరుకోవడం ద్వారా] మనము సదా కాలము యహుషువఃతో కూడ ఉందుము” (1 థెస్సలోనీ 4:13-17).
56వ పేజీ దిగువన, మన రచయిత ఈ ఆలోచనను అందిస్తున్నారు: “అలాగే, మన ఆత్మలు స్వర్గ ద్వారాల గుండా వెళుతున్నప్పుడు మన శరీరాలు విశ్రాంతి తీసుకునే మార్గమే మరణం.” ఎవరి ద్వారా వెళుతున్నాయి? నాకు బైబిల్ రెఫరెన్స్ ఇవ్వండి. మరణ సమయంలో “మన ఆత్మలు స్వర్గానికి వెళ్తాయా”? మానవుడు మరణించినప్పుడు, శరీరం మరియు ఆత్మ యొక్క కలయిక/రెండూ కలిసి చనిపోతాయి; శరీరం/ఆత్మ కలయిక మర్త్యమైనది. గ్రీకులు (ప్లేటో) శరీరం పనికిరాదని బోధించారు మరియు ఆత్మ శరీరాన్ని విడిచిపెట్టి, ఎప్పటికీ దాని సొంత జీవితాన్ని జీవించునట్లు మరణం ఆత్మను అనుమతిస్తుంది. గ్రీకు శిక్షణ పొందిన జ్ఞానవాద క్రైస్తవులు, బైబిల్ అనంతర కాలంలో, విడిపోయిన ఆత్మకు గమ్యస్థానాన్ని ఇవ్వాలని సిఫార్సు చేసారు: మంచివారు స్వర్గానికి (పైకి), మరియు చెడ్డవారు హేడిస్ యొక్క దౌర్భాగ్యమైన గదులకు లేదా తక్షణ నరక అగ్నికి వెళతారు. వాస్తవానికి, అయితే, 7వ బూర ధ్వని వద్ద యహూషువః తిరిగి వచ్చినప్పుడు జరిగే పునరుత్థానం వరకు మర్త్య శరీరం/ఆత్మ, (మొత్తం వ్యక్తి) విశ్రాంతి తీసుకొనును లేదా మరణంలో నిద్రించును (దానియేలు 12: 2) అని గ్రంథం చెబుతోంది (ప్రకటన 11:15-18). నేడు అధిక సంఖ్యలో క్రైస్తవులు, ప్రత్యేకించి క్యాథలిక్లు మరియు కాల్వినిస్ట్లచే సమర్థించబడుతున్న ఈ గ్రీకు తప్పుడు బోధన గత వెయ్యి సంవత్సరాలుగా “సనాతన ధర్మశాస్త్రం” గా మారిన తెలివిగా రూపొందించిన తప్పు.
తన పుస్తకంలోని ఇదే పేరాలో, లూట్జర్ మన “ఆత్మలు” స్వర్గానికి తీసుకెళ్లబడుటను సూచిస్తాడు. కానీ ఇది స్వర్గంలో స్పృహతో కూడిన తక్షణ జీవితం అని సులభంగా తప్పుగా అర్థం చేసుకోబడవచ్చు. మనిషి పుట్టినప్పుడు యహువః తన ఆత్మ యొక్క ప్రసరణమును శిశువులలో జీవాన్ని ఉత్పత్తి చేయడానికి పంపుతాడు. యహువః యొక్క ఆ ఆత్మ అతను/ఆమె చనిపోయే వరకు ఆ వ్యక్తిలో ఉంటుంది. ఆత్మకు రూపం లేదా గుర్తింపు లేదు, కానీ జీవితం, మన జీవిత చక్రం ముగిసినప్పుడు యహువః దానిని వెనక్కి తీసుకుంటాడు. ఇక్కడ రుజువు ఉంది: “నరుల ఆత్మ పరమున కెక్కిపోవునో లేదో, మృగముల ప్రాణము భూమికి దిగిపోవునో లేదో యెవరికి తెలియును?” (ప్రసంగి 3:21). “మమన్నయినది వెనుకటివలెనే మరల భూమికి చేరును, ఆత్మ దాని దయచేసిన యహువః యొద్దకు మరల పోవును.” (ప్రసంగి 12:7). అదే సమయంలో “చనిపోయిన వారు ఏమియు ఎరుగరు … పాతాళమునందు [స్మశానవాటిక, పాతాళం, హేడిస్] పనియైనను ఉపాయమైనను తెలివియైనను జ్ఞానమైనను లేదు” (ప్రసంగి 9:5, 10). మరణం నుండి బయటపడే ఏకైక మార్గం పునరుత్థానం (యోహాను 11: 11, 14)!
ఇది వేన్ స్టాల్స్మిత్ రాసిన వ్యాసం. WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
విశ్వాసపాత్రులైన బైబిలు పాఠకుల యొక్క ఆనందానికి గొప్ప మూలం ఏమిటంటే, యహూషువః మరియు క్రైస్తవులు యహువః ద్వారా పుట్టారనే సత్యంతో అన్యోన్య సంబంధాన్ని కలిగి ఉండటం. క్రైస్తవులు పాపభరితమైన జీవనశైలిని వెంబడించకుండా ఒక ఆచరణాత్మక మార్గంలో ఉండాలనే వారి నిబద్ధతలో శక్తివంతంగా సహాయం చేయబడ్డారు. మానవ మధ్యవర్తి అయిన యహూషువః ద్వారా వారు అద్భుతంగా పర్యవేక్షించబడ్డారు మరియు చెడు నుండి రక్షింపబడ్డారు. యహూషువః స్వయంగా యహువః ద్వారా విశిష్టమైన రీతిలో అద్భుతంగా ఉనికిలోకి తీసుకురాబడ్డాడు. ఇవన్నీ ఎంతటి విశ్వాసాన్ని ప్రేరేపించాలి! “యహువః మూలముగా పుట్టియున్నవాడెవడును పాపము చేయడని యెరుగుదుము. యహువః మూలముగా పుట్టినవాడు తన్ను భద్రము చేసికొనును గనుక దుష్టుడు వాని ముట్టడు.” (1 యోహాను 5:18). ఈ వచనంలో క్రైస్తవులకు సూచనగా ఉపయోగించిన “మూలంగా పుట్టిన” అనే పదం మొదటిగా గ్రీకులో Perfect tense/పరిపూర్ణ కాలంలో ఉపయోగించబడి, ముందు నుండి ఉనికిలో ఉన్న నిరంతర స్థితిని సూచిస్తుంది. ఈ పదాన్ని అక్షరాలా అనేక విధాలుగా అనువదించవచ్చు: “మూలంగా పుట్టిన, పుట్టుట, ఉత్పత్తియగుట, ఉద్భవించుట లేదా ఉనికిలోకి వచ్చుట.” “తండ్రి” అనే పదం యొక్క ఈ ఉపయోగం యహువఃతో క్రైస్తవులకు కొనసాగుతున్న సంబంధాన్ని వివరిస్తుంది. “తిరిగి జన్మించిన” అనే పదజాలం యొక్క బైబిల్ ఉపయోగాలను వీక్షించినప్పుడు, అటువంటి పరిభాషలు ఆత్మీయ భావంలో ప్రేమతో “జన్మింపజేసిన” తండ్రి పట్ల క్రైస్తవుల నిరంతర ప్రతిస్పందనను సూచిస్తున్నట్లు స్పష్టమవుతుంది.
1 యోహాను 5:18 నుండి పై ఉల్లేఖనంలో, యహూషువఃకు విషయంలో “మూలంగా పుట్టిన” అని అనువదించబడిన పదం, అయోరిస్ట్ కాలంలోని గ్రీకు క్రియ, ఇది ఒకప్పటి/గత సంఘటనను సూచిస్తుంది. ఇది గాబ్రియేలు కన్య మరియకు ప్రకటించినట్లుగా, పరిశుద్ధాత్మ ఆమెపైకి వచ్చినప్పుడు (మహోన్నతుని శక్తి ఆమెను కమ్మినప్పుడు) మరియలో సృష్టించబడిన యాహువః యొక్క అక్షరార్థమైన, సృజనాత్మక అద్భుతాన్ని స్పష్టంగా సూచిస్తుంది. “సర్వోన్నతుని శక్తి నిన్ను కమ్ముకొనును గనుక పుట్టబోవు శిశువు పరిశుద్ధుడై యహువః కుమారుడనబడును.” (లూకా 1:35). యహూషువః అక్షరాలా తన మూలాన్ని కలిగి ఉన్నాడు మరియు మరియలో తాను గర్భం ధరింపబడినప్పుడు ఈ అద్భుతమైన రీతిలో యహువః ద్వారా తండ్రిని పొందాడు.
యహువః యొక్క పిల్లలుగా, యహువః వారసులుగా మరియు మెస్సీయతో సహ వారసులుగా మనకు కృపతో క్రైస్తవ గుర్తింపును అందించడం అనేది మొత్తం కొత్త నిబంధన అంతటా అందంగా వివరించబడిన ప్రధాన అంశం. యహూషువఃతో సమానంగా మనము కూడా గుర్తింపబడియున్న దృష్ట్యా, అలా విశిష్టమైన రీతిలో తండ్రిని పొందిన వ్యక్తిగా ఆయన తన సోదరులు మరియు సోదరీమణుల పెద్ద కుటుంబంలో “మొదటి జన్మించిన” వ్యక్తిగా ఉన్నాడు. యహూషువః, మన బలహీనతలను (తీవ్రంగా శోధించబడిన మరియు విపరీతమైన బాధలను అనుభవించిన) లోతుగా అనుభవించగల రక్తమాంసములను కలిగియున్న మానవునిగా మన వలె రూపింపబడ్డాడు, అలా మనల్ని తన సోదరులు మరియు సోదరీమణులు అని పిలవడానికి సిగ్గుపడడు! మనపట్ల చూపబడే అపారమైన కరుణ విషయంలో అలాంటి అద్భుతమైన సత్యాలు మనల్ని విస్మయానికి గురిచేస్తాయి! మనకు సహాయం అవసరమైనప్పుడు ధైర్యంగా కృపతో కూడిన సింహాసనాన్ని చేరుకోవడానికి మనము ఎల్లప్పుడూ స్వాగతించబడతాము!
“కాబట్టి చిన్న పిల్లలారా, ఆయన ప్రత్యక్షమగునప్పుడు ఆయన రాకడయందు మనము ఆయన యెదుట సిగ్గుపడక ధైర్యము కలిగియుండునట్లు మీరాయన యందు నిలిచియుండుడి, ఆయన నీతిమంతుడని మీరెరిగియున్న యెడల నీతిని జరిగించు ప్రతివాడును ఆయన మూలముగా పుట్టియున్నాడని యెరుగుదురుము. మనము యహువః పిల్లలమని పిలువబడునట్లు తండ్రి మనకెట్టి ప్రేమ ననుగ్రహించెనో చూడుడి; మనము దేవుని పిల్లలమే.” (1 యోహాను 2:28-3:1).
మత్తయి 13:18-23లోని విత్తువాని ఉపమానం యొక్క వివరణ ప్రకారం, మన “కొత్త జననం” ఒక విత్తబడిన విత్తనం వలె యహువః రాజ్య సువార్తకు మన స్వచ్ఛంద పశ్చాత్తాపంతో ప్రారంభమవుతుంది. మనం “మంచి నేల” గా అవ్వాలంటే మనం “విత్తనాన్ని” (వాక్య సందేశాన్ని) వినాలి మరియు అర్థం చేసుకోవాలి మరియు “ఫలాలు ఇచ్చే” వరకు ఆ సందేశంలో కొనసాగాలి. అదేవిధంగా పైన 1 యోహాను 2:28-29లో చూసినట్లుగా మనము “ఆయనలో నిలిచియుండాలి,” “సరైనది చేయాలి.” “యహువః ద్వారా పుట్టిన” విషయానికి సంబంధించి విశ్వాసులకు ఇవ్వబడిన అన్ని కొత్త నిబంధన ప్రస్తావనలు వాటి సందర్భాలలో వాక్య సందేశం యొక్క వివరాల ప్రకారం కొనసాగుతున్న మన విధేయతతో సమ్మిళితం చేయబడునట్టి ఉదారమైన, ప్రేమపూర్వక దయ యొక్క సాధారణ అవగాహనను కలిగి ఉంటాయి.
విధేయత కలిగి ఉండుటకు చేసే ఆచరణాత్మక ప్రయత్నాలు పెరిగేకొద్దీ, లోపాల విషయంలో సర్వవ్యాప్త క్షమాపణ ఎల్లప్పుడూ గొప్పగా అందించబడుతుంది. పైగా, ఏవైనా అపార్థాలు లేదా బలహీనతలలో విషయంలో సుదూర సహాయం అనేది సంబంధిత అనేక లేఖనాలలో నిరంతరం సూచించబడినది లేదా పేర్కొనబడినది.
మునుపు పేర్కొన్న కొన్ని వచనాలతో పాటు, ఈ క్రింది వచనాలు, పాక్షిక ఉల్లేఖనాలు మరియు సూచనలు ఈ చక్కటి సమతుల్యమైన, లేఖనాధార ఇతివృత్తం యొక్క విస్తారమైన దృశ్యాన్ని క్లుప్తంగా వివరించాయి. యహువః ద్వారా పుట్టటం యొక్క శక్తిశీలతలు మన పిలుపుకు మరియు తన పిల్లలుగా మన బాధ్యతకు రెండింటికీ సమగ్రమైనవి.
ఉదాహరణకు, జనులు “అన్యాయంగా” ఉన్నప్పుడు కూడా యహువః చూపే పరిపూర్ణమైన మార్గాన్ని మనం అనుకరించాలి. ఈ విధంగా, మనం మన శత్రువులను ప్రేమించినప్పుడు మరియు మనలను హింసించే వారి కోసం ప్రార్థించినప్పుడు, మనం “పరలోకంలో ఉన్న మన తండ్రికి పిల్లలము” (మత్త. 5:43-48). యహువః యొక్క అచంచలమైన మంచితనాన్ని ప్రదర్శించే మరొక సందర్భంలో, యాకోబు పుస్తకం ఇలా వెల్లడిస్తుంది, “తాను సృష్టించిన వాటిలో మనము ప్రథమ ఫలముగా ఉండునట్లు సత్యవాక్యము వలన మనలను తన సంకల్ప ప్రకారము కనెను.” “అందుచేత … లోపల నాటబడి మీ ఆత్మలను రక్షించుటకు శక్తిగల వాక్యమును సాత్వికముతో అంగీకరించుడి.” (యాకోబు 1:18, 21). చెడు క్రియలు మరియు ఉద్దేశ్యాలకు (క్రియాశీల కోపం యొక్క మనస్తత్వంతో సహా) తప్పనిసరిగా దూరంగా ఉండాలని సందర్భం వివరిస్తుంది. విశ్వాసులు విత్తబడిన సందేశాన్ని వినువారు మాత్రమై ఉండి మర్చిపోయేవారిలా కాకుండా, దానిని ఆచరించుటలో జాగ్రత్త కలిగి ఉండాలని హెచ్చరించబడ్డారు.
కొత్త జన్మను “విత్తన” సందేశంతో అనుసంధానం చేయుట (యహూషువః పునరుత్థానం మరియు మన భవిష్యత్ నిరీక్షణ యొక్క వాస్తవికతతో పాటు) మొదటి పేతురులో చాలా స్పష్టంగా కనిపిస్తుంది. “మన ప్రభువగు యహూషువః క్రీస్తు తండ్రియైన యహువః స్తుతింపబడునుగాక. మృతులలో నుండి యహూషువః క్రీస్తు తిరిగి లేచుట వలన జీవముతో కూడిన నిరీక్షణ మనకు కలుగునట్లు, అనగా అక్షయమైనదియు.. స్వాస్థ్యము మనకు కలుగునట్లు, ఆయన తన విశేష కనికరము చొప్పున మనలను మరల జన్మింపజేసెను. మీరు క్షయ బీజమునుండి కాక, శాశ్వతమగు జీవముగల యహువః వాక్యమూలముగా అక్షయ బీజమునుండి పుట్టింపబడినవారు.” (మొదటి పేతురు 1:3,4,21). “కొత్త జననం” ను గూర్చిన ఈ రెండు వాక్యాల మొత్తం సందర్భం అవసరమైన, చురుకైన ప్రతిస్పందన యొక్క అనేక కోణాలను స్పష్టం చేస్తుంది. విశ్వాసులు సత్యానికి విధేయత చూపడం, ఒకరినొకరు తీవ్రంగా ప్రేమించడం మరియు చెడును దూరంగా ఉంచడం ద్వారా శుద్ధి చేయబడుతూ, వాక్యాన్ని (“నశించని” సందేశాన్ని) హృదయపూర్వకంగా కోరుకోవాలి. మెస్సీయ యొక్క విలువైన రక్తం (బంగారం మరియు వెండి వంటి “నాశనమయ్యే” వస్తువులులా కాదు) ద్వారా నెరవేర్చబడిన దాని వెలుగులో ఇవన్నీ ఆచరించబడతాయి.
“తన్ను ఎందరంగీకరించిరో వారికందరికి, అనగా తన నామమునందు విశ్వాసముంచినవారికి, యహువః పిల్లలగుటకు ఆయన అధికారము అనుగ్రహించెను. వారు యహువః వలన పుట్టినవారే గాని, రక్తమువలననైనను శరీరేచ్ఛవలననైనను మానుషేచ్ఛవలననైనను పుట్టినవారు కారు.” (యోహాను సువార్త 1:12- 13).
నికోదేము తప్పుగా అర్థం చేసుకున్నప్పటికీ, అతడితో యహూషువః యొక్క సంభాషణ (యోహాను మూడవ అధ్యాయంలో) పిల్లలను ఆత్మీయంగా జన్మింపజేయాలనే పరలోక తండ్రి సంకల్పాన్ని గూర్చిన సత్యాన్ని ఎత్తి చూపుతుంది, తద్వారా వారు రాబోయే యహువః రాజ్యంలోకి ప్రవేశించవచ్చు. “పైనుండి జన్మించిన” అనే ప్రత్యేకమైన పదం, వాక్యపు వెలుగులో, పశ్చాత్తాపపడే వారిని యహువః తిరిగి జన్మింపజేసే చర్యను సూచిస్తుంది.
అందుకు యహూషువః అతనితో: “ఒకడు క్రొత్తగా (లేక,పైనుండి) జన్మించితేనే కాని అతడు యహువః రాజ్యమును చూడలేడని నీతో నిశ్చయముగా చెప్పుచున్నాననెను.”
అందుకు నీకొదేము “ముసలివాడైన మనుష్యుడేలాగు జన్మింపగలడు? రెండవమారు తల్లి గర్బమందు ప్రవేశించి జన్మింపగలడా అని ఆయనను అడుగగా..”
“యహూషువః ఇట్లనెను; ఒకడు నీటిమూలము గాను ఆత్మమూలము గాను జన్మించితేనే గాని యహువః రాజ్యములో ప్రవేశింపలేడని నీతో నిశ్చయముగా చెప్పుచున్నాను. శరీర మూలముగా జన్మించినది శరీరమును ఆత్మమూలముగా జన్మించినది ఆత్మయునైయున్నది. మీరు క్రొత్తగా జన్మింపవలెనని నేను నీతో చెప్పినందుకు ఆశ్చర్యపడవద్దు.” (యోహాను సువార్త 3:3-7).
యోహాను 3వ అధ్యాయంలో ఇదే సంభాషణ, యహువః ప్రేమ ద్వారా అందించబడిన యహూషువః యొక్క భవిష్యత్తు త్యాగంపై విశ్వాసం ఉంచుటలోని ఆవశ్యకతను నొక్కి చెబుతుంది. “యహువః లోకమును ఎంతో ప్రేమించెను. కాగా ఆయన తన అద్వితీయకుమారునిగా పుట్టిన వాని యందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను.” (యోహాను 3:16). అలాగే, ఈ సంభాషణ చీకటిని ప్రేమింపక మరియు చీకటి క్రియలలో ఉండక మెస్సీయ యొక్క వెలుగుకు నిజంగా ప్రతిస్పందించుట యొక్క ప్రాముఖ్యతను సూచిస్తుంది.
“యహువః మూలముగా పుట్టిన ప్రతివానిలో ఆయన బీజము నిలుచును గనుక వాడు పాపముచేయడు; వాడు యహువః మూలముగా పుట్టినవాడు గనుక పాపము చేయజాలడు.” (1 యోహాను 3:9).
“ప్రియులారా, మనము ఒకనినొకడు ప్రేమింతము; ఏలయనగా ప్రేమ యహువః మూలముగా కలుగుచున్నది; ప్రేమించు ప్రతివాడును యహువః మూలముగా పుట్టినవాడై దేవుని ఎరుగును.” (1 యోహాను 4:7).
“1 యహూషువఃయే క్రీస్తై యున్నాడని నమ్ము ప్రతివాడును యహువః మూలముగా పుట్టియున్నాడు. పుట్టించిన వానిని ప్రేమించు ప్రతివాడును ఆయన మూలముగా పుట్టిన వానిని ప్రేమించును. మనము యహువఃను ప్రేమించుచు ఆయన ఆజ్ఞలను నెరవేర్చువారమైతిమా యహువః పిల్లలను ప్రేమించుచున్నామని దానివలననే యెరుగుదుము. మనమాయన ఆజ్ఞలను గైకొనుటయే యహువఃను ప్రేమించుట; ఆయన ఆజ్ఞలు భారమైనవి కావు. యహువః మూలముగా పుట్టిన వారందరును లోకమును జయించుదురు; లోకమును జయించిన విజయము మన విశ్వాసమే. యహూషువః యహువః కుమారుడని నమ్మువాడు తప్ప లోకమును జయించువాడు మరి ఎవడు?” (1 యోహాను 5:1-4).
“యహువః ద్వారా పుట్టిన,” “తిరిగి జన్మించిన,” లేదా “పై నుండి పుట్టిన” అనే మాటలు ఒక క్షణంలో కలిగే కొన్ని ఆలోచనలకు నిలకడలేని మానసిక ఒప్పందం కంటే చాలా ఎక్కువ ప్రతిస్పందనను కలిగి ఉంటాయి. అయినప్పటికీ, నిరీక్షణకు సంబంధించిన విశ్వాసం మరియు విజయ భావం (హెబ్రీ. 3:6, 14) పై అంతమువరకు దృఢంగా, నిబ్బరంగా నిలబడి ఉంటే, క్రైస్తవులు నిజంగా మెస్సీయ (యహువః ఇల్లుగా) జీవితాన్ని పంచుకుంటారు! కొత్త జన్మ యొక్క అపారమైన గొప్ప ఆశీర్వాదాలు అత్యంత నిజం!
ప్రస్తుత కాలంలో మరియు భవిష్యత్తులో “యహువః ద్వారా పుట్టుట” వలన కలిగే ప్రయోజనాలు ప్రతిస్పందించే వారికి విస్తారంగా కుమ్మరించబడతాయి. యహువః తన అద్వితీయ కుమారుని ద్వారా ప్రపంచాన్ని జయించడం అనేది మనం ఇప్పుడు విశ్వాసం ద్వారా ఆనందిస్తున్న వాస్తవికత. మనం రాబోయే యుగంలో చెరగని వారసత్వంలోకి ప్రవేశిస్తాము అని కూడా దీని అర్థం. ప్రేమపూర్వకమైన విధేయతతో కూడిన ప్రతిస్పందనలో నిలబడి ఉండుట తేలికగా చేయగలిగినది; ఇది భరించలేనంత చాలా బరువైనది కాదు! శాశ్వతమైన మన వారసత్వాన్ని కాపాడుటకు యహువః మరియు ఆయన కుమారుడు నిజమైన “భారీ బరువంతటిని ఎత్తడం” పూర్తి చేసియున్న నేపథ్యంలో మనం ఇప్పుడు మెస్సీయ యొక్క కాడిని “తేలికైన కాడిని” ఎత్తుకొనవచ్చును. తన ప్రియమైన పిల్లలను యహువః రాజ్యంలోనికి స్వాగతించడం పరలోక తండ్రి యొక్క దయగల ఆనందం!
ఇది కెన్నెత్ లాప్రేడ్ రాసిన వ్యాసం. WLC కాని వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
ఈ వ్యాసం యొక్క శీర్షిక మీలో చాలా మందికి తెలిసిన పాత కీర్తన పేరు. “రక్తంలో శక్తి ఉంది” మరియు “రక్తంతో నిండిన కొలను ఉంది” వంటి అనేక ఇతర కీర్తనలలో ఇది ఒక రత్నం. నేటి సమాజాలు కొన్నింటి “ఆరాధనా బృందాలలో” నాకు తెలిసిన ధోరణి ప్రదర్శించబడుతోంది, వీటి లక్ష్యం చర్చికి వెళ్లేవారిని పదే పదే కోరస్-పాటల ద్వారా ఆరాధనలో “నడిపించడం/దారి పట్టించడం.” పశ్చాత్తాపం మరియు యహువః పరిశుద్ధాత్మను నింపడం వంటి అంశాలు ఇప్పటికీ ఈ బృందగానాల సాహిత్యంలో కనిపించినప్పటికీ, దీనిలో నాకు చాలా విచారకరమైన విషయం కనబడుతుంది: వాటిలో నీటిలో బాప్తీస్మం అనే అంశం ముఖ్యంగా లేదు. ఇది ఎందుకు?
వర్ణించబడని సత్యం ఏమిటంటే, గతంలో విశ్వాసులు బాప్తీస్మ ప్రాముఖ్యతను గూర్చి మరింత ఎక్కువ బైబిల్ అవగాహనను కలిగి ఉన్నారు మరియు నేడు విశ్వాసులని చెప్పుకునే అధిక సంఖ్యాకుల కంటే నీటి బాప్తీస్మం యొక్క సంపూర్ణ ఆవశ్యకత గొప్పదని నేను వాదిస్తున్నాను! బాప్తీస్మం అనేది యహూషువః యొక్క విజయవంతమైన రెండవ రాకడలో నా వలె ఆయనను కలుసుకోవాలని ఆశిస్తున్న ఎవరికైనా చాలా ముఖ్యమైన అంశం. మెస్సీయ మరియు అపొస్తలులు బాప్తీస్మాన్ని ఒక ఆజ్ఞగా ఇచ్చారు కాబట్టి, ఆ గొప్ప సంఘటన కోసం సిద్ధమవుతున్న ఎవరికైనా ఇది మినహాయింపులు లేని అవసరత!
విషాదకరంగా, బైబిలును చదివుతున్నవారు, చర్చికి హాజరయ్యేవారు, మెస్సీయను అనుసరిస్తున్నట్లు చెప్పుకునేవారు, మొదలైన అనేకమంది వ్యక్తులు ఉన్నారు. వారు బాప్తీస్మం అనే అతి ముఖ్యమైన అంశంపై సరైన బైబిలు బోధన లేకపోవడంతో తీవ్రంగా నష్టపోతున్నారనే వాస్తవాన్ని పట్టించుకోలేవట్లేదు!
|
పేతురుమీరు మారుమనస్సు పొంది, పాపక్షమాపణ నిమిత్తము ప్రతివాడు యహూషువః మెస్సీయ నామమున బాప్తిస్మము పొందుడి; అప్పుడు మీరు పరిశుద్ధాత్మ అను వరము పొందుదురు. అపొస్తలుల కార్యములు 2:38 (ఉద్ఘాటన ఇవ్వబడింది.)
|
పాప క్షమాపణ (లూకా 24: 46-47; అపొస్తలుల కార్యములు 2:38) కోసం మనమందరం యహూషువః నామంలో నీటిలో మునిగాల్సిన అవసరాన్ని నేను స్నేహితులతో పంచుకుంటున్నప్పుడు, ఒక “ఇంటి మనిషి” (సమీపంలో వింటున్న వ్యక్తి) నా వాదనను మొండి మాటలతో ఇలా ప్రతిఘటించాడు “బాప్తీస్మంపై కొత్త నిబంధన లేఖనాలను ఒక వ్యక్తి నిజంగా అర్థం చేసుకుంటే, ఈ రోజు మనకు అవసరమైన ఏకైక బాప్తీస్మం వాక్యంలో బాప్తీస్మం అని వారు తెలుసుకుంటారు!” ఇంకా అప్పుడు నాకు ఇలా గుర్తు చేయడం ప్రారంభించాడు: “యహూషువః పక్కన సిలువపై ఉన్న దొంగ బాప్తిస్మం తీసుకోలేదు; మరియు అతడు రక్షించబడ్డాడు!
రక్షణకు ఆవశ్యకతలను సుస్థిరం చేస్తున్న అనేక కొత్త నిబంధన లేఖనాలలో, రక్షణకు దారితీసే నడకను ప్రారంభించడానికి సరళమైన “సూత్రాన్ని” నేను అపొస్తలుల కార్యములు 2: 38లో కనుగొన్నాను. పేతురు ఈ క్రింది ప్రకటనను చేసినప్పుడు మిగిలిన పదకొండు మంది అపొస్తలులు అతనితో ఎలా ఏకీభవించారు: “మీరు మారుమనస్సు పొంది, పాపక్షమాపణ నిమిత్తము ప్రతివాడు యహూషువః మెస్సీయ నామమున బాప్తిస్మము పొందుడి; అప్పుడు మీరు పరిశుద్ధాత్మ అను వరము పొందుదురు.” ఈ ప్రకటనలో చాలా సరళమైన స్పష్టత ఉన్నప్పటికీ, దాని అక్షరానుసార బాప్తీస్మ ఆదేశం చాలా మందిచే తిరస్కరించబడింది మరియు – ఈ వాక్యం విషయంలో వారు మరింత “ఆధ్యాత్మిక” అవగాహనను కనుగొన్నారని చాలా మంది నమ్ముతూ “వివరిస్తున్నారు”. ఇది చాలా ప్రమాదకరమైనది, ఎందుకంటే ఒక స్పష్టమైన ఆదేశాన్ని దాటవేయుటకు ఇచ్చే ఏదైనా ఒక వివరణ పూర్తిగా అవిధేయతగా ఉన్నది, అది “జ్ఞానోదయం” కాదు (మార్కు 7:13).
నేను ఇప్పుడు మన దృష్టిని ఇంతకుముందు ప్రస్తావించిన దొంగపైకి మరలిస్తున్నాను, అతడు రెండు అత్యంత ముఖ్యమైన ప్రకటనలు చేసాడు. పశ్చాత్తాపపడని దొంగ యహూషువఃపై చేసిన అవమానకరమైన, స్వార్థపూరితమైన వ్యాఖ్యకు ప్రతిస్పందిస్తూ, ఇతర దొంగ ఇలా అన్నాడు: “అయితే రెండవవాడు వానిని గద్దించి నీవు అదే శిక్షావిధిలో ఉన్నావు గనుక దేవునికి భయపడవా? మనకైతే యిది న్యాయమే; మనము చేసినవాటికి తగిన ఫలము పొందుచున్నాము గాని యీయన ఏ తప్పిదమును చేయలేదని చెప్పెను! (లూకా 23:41). తరువాతి వచనంలో, అతడు తన మందలింపును అనుసరించి, యహూషువఃను ఇలా అడిగాడు: “యహూషువః, నీవు నీ రాజ్యములోనికి వచ్చునప్పుడు నన్ను జ్ఞాపకము చేసికొనుము.” ఈ రెండు భాగాలలో, పశ్చాత్తాపపడిన దొంగ యొక్క పశ్చాత్తాప హృదయాన్ని మరియు వాగ్దానం చేయబడిన మెస్సీయగా యహూషువఃపై అతని విశ్వాసానికి సంబంధించిన రుజువులను మనం కనుగొంటాము. ఈ రెండు మాటలు కలిసి, యహువః రాజ్యాన్ని మరియు అధికారాన్ని భూమి యందంతటా సంపూర్ణంగా నెలకొల్పడానికి యహూషువః తిరిగి వచ్చినప్పుడు, నిజంగానే, ఆ రాజ్యంలో అతనికి చోటు ఉంటుందని హామీ ఇచ్చేందుకు యహూషువఃకు సరిపోయాయి (లూకా 23:43).
దాదాపు పది సంవత్సరాల క్రితం, బాప్తీస్మం అనేది (యహూషువః మరియు అపొస్తలుల ద్వారా ఒక ఆజ్ఞగా ఇవ్వబడినప్పటికీ) “ప్రతి విశ్వాసికి ప్రాధాన్యత కలిగిన ఒక ఆచారం మాత్రమే” అని మరియు “ఒకరి అంతర్గత విశ్వాసం మరియు రక్షణ విషయంలో బాహ్య ప్రపంచానికి ఒక వ్యక్తీకరణ” మాత్రమే అని సెవెంత్-డే అడ్వెంటిస్ట్ పాస్టర్ (నా స్నేహితుడి వలె) నాతో విభేదించాడు. సెవెంత్ డే పాస్టర్ నాకు తన వ్యాఖ్యలను ముగిస్తూ, బాప్తీస్మం అనేది “రక్షణకు ఖచ్చితమైన అవసరతగా తీసుకుంటే అది చాలా తప్పుగా అర్థం చేసుకోబడిన అంశం” గా ఉంటుందని నొక్కి చెప్పాడు. తన వాదనను సమర్థించుకోవడానికి అతను “సిలువపై ఉన్న దొంగ” కోసం పేర్కొన్నాడు (మీరు చూసారు!) బాప్తీస్మం అనేది రక్షణకు ఒక తప్పనిసరి అంశం అనే నా వాదన నుండి నేను తిరిగిపోలేకపోయాను, కాబట్టి ఆ పెద్దమనిషి వచ్చే వారం బైబిలు అధ్యయనంలో నా వాదనకు మద్దతునిచ్చే సమాచారాన్ని అందించమని అడిగాడు. నేను తన ఆహ్వానాన్ని అంగీకరించాను.
నేను సిద్ధపాటు కోసం లేఖనాలలో సమయాన్ని వెచ్చిస్తున్నప్పుడు, బాప్తీస్మం గురించి చాలా సంవత్సరాలుగా సమాధానం లేని నా ప్రశ్నలో నేను మళ్లీ లీనమయ్యాను: “యహూషువః నామంలో బాప్తిస్మం తీసుకున్నప్పుడు వారి పాపాలు ఎలా క్షమించబడతాయి? అన్నింటికంటే, వారు దిగుతున్నది నీటిలో మాత్రమే!” ఎల్లప్పుడూ ఈ ప్రశ్న అదే ప్రతిస్పందనను తెచ్చిపెట్టింది: బాప్తీస్మం పొందినప్పుడు ఒకరు పొందే పాప క్షమాపణ మరియు ప్రక్షాళన బాప్తీస్మం పొందాలనే ఆజ్ఞకు విధేయత చూపడానికి ప్రతిస్పందనగా వస్తుంది. పేతురు మనకు సమాధానం ఇచ్చాడు. “ఎనిమిది మంది నీటి ద్వారా రక్షింపబడిరి. దానికి సాదృశ్యమైన బాప్తిస్మము ఇప్పుడు మిమ్మును రక్షించు చున్నది; అదేదనగా శరీర మాలిన్యము తీసివేయుట కాదు గాని యహూషువః మెస్సీయ (ఇప్పుడు యహువః కుడి పార్శ్వమున ఉన్నాడు) పునరుత్థాన మూలముగా యహువః విషయము నిర్మలమైన మనస్సాక్షినిచ్చు ప్రత్యుత్తరమే” (1 పేతురు 3:21,22).
పాత నిబంధన లేఖనాలలో బలి యొక్క రక్తాన్ని యాజకుల కుడి చెవులకు, కుడి బొటనవేళ్లకు మరియు కుడి కాలి బొటనవేళ్లకు, బలిపీఠం యొక్క దిగువున మరియు కొమ్ములకు పూయాలని యహువః పదే పదే సూచించాడు, ఇంకా, పస్కా రాత్రి తన జనుల ఇళ్లలోని ద్వార బంధాలు మొదలైన వాటికి కూడా. ఈ సందర్భం ఏదైనా, రక్తాన్ని ప్రయోగించుటలో యహువః సూచనలను అమలు చేయకపోతే, పర్యవసానాలు ఖచ్చితంగా విషాదకరంగా ఉండేవి! ఇది నిజం అయితే, అప్పుడు పాప క్షమాపణ కోసం చిందింపబడిన రక్తాన్ని మనకు కూడా ఎందుకు అన్వయించకూడదు? నా హృదయపూర్వక ప్రార్థనలో, బాప్తీస్మం యొక్క నీరు మనందరికీ అత్యంత అవసరమైన పాప-శుద్ధీకరణను ఎలా తీసుకువస్తుందో నాకు చూపించమని నేను యహువఃను అడిగాను. యహువః నా కోసం ఈ విషయంలో వెలుగునిచ్చేందుకు ఎంచుకుంటే, అది బాప్తీస్మం “ఒక ఆచారం మాత్రమే” అని కాకుండా, అది – మరీ ముఖ్యంగా – యహూషువః రక్తం ద్వారా అందుబాటులో ఉన్న గొప్ప శుద్ధీకరణ శక్తి అని వెల్లడిస్తుంది. లోపలినుండి నాకు కలిగిన మరొక ప్రశ్న కనుగొనబడిన తర్వాత నేను సమాధానం గ్రహించాను: “వారు నా కుమారుని పొడిచినప్పుడు, అతని నుండి ప్రవహించినది ఏమిటి?”
రక్తం మరియు నీరు! తన గొప్ప శాశ్వతమైన ప్రణాళిక యొక్క ప్రారంభం నుండి యహువః ఎదురు చూస్తున్న ఒకే ఒక్క క్షణం యహూషువః నుండి రక్తం మరియు నీరు ప్రవహించిన ఆ నిశ్శబ్ద సమయం! కాబట్టి, రక్తం మరియు నీటి యొక్క ప్రాముఖ్యతను మరియు అవి ప్రతి ఒక్కటి మన కోసం ఏమి సాధించునో అర్థం చేసుకోకపోవుట అనేది యహువః యొక్క రక్షణ ప్రణాళికలోని అత్యంత క్లిష్టమైన అంశాన్ని అర్థం చేసుకొనుటలో విఫలమై, అతని కుమారుని జీవితాన్ని, బోధనను, మరణాన్ని మరియు బాధలను వ్యర్థం చేయడమే అవుతుంది!
మారుమనస్సు పొందిన వ్యక్తి బాప్తీస్మం (మార్కు 16:16; అపొస్తలు 2:38 మరియు ఇతరములు) పొందినప్పుడు, యహూషువః రక్తం పాప క్షమాపణను తెస్తుంది, అయితే బాప్తీస్మం యొక్క నీరు కేవలం విధేయత ఆధారంగా పాపం నుండి శుద్ధి చేస్తుంది! రక్తం కొత్త నిబంధనను కూడా ధృవీకరిస్తుంది (హెబ్రీ. 9:22; 10:29; మార్కు 14:24). మసకబారిన కాంతి (పాత నిబంధన) మెస్సీయ ద్వారా దాని ముగింపుకు వచ్చింది, కొత్త నిబంధన ద్వారా భర్తీ చేయబడింది, అది నిజమైన వెలుగు అయిన అతని నిబంధన రక్తం ద్వారా ఆమోదించబడింది (యోహాను 1:9). మొదటి కొరింథీయులు 12: 31లో పౌలు సూచించిన “మరింత శ్రేష్ఠమైన మార్గాన్ని” యహూషువఃలో మనం నిజంగా కనుగొంటాము. (పౌలు రోమీయులు 2: 29; 7: 6 లో అక్షరానుసారమైన ప్రాచీన స్థితికి ఆత్మానుసారమైన నవీన స్థితికి గల వ్యత్యాసాన్ని చూపించాడు.)
నా తాజా అవగాహనతో నాకు బాగా తెలిసిన లేఖనాలు కొత్త అర్థంతో సజీవంగా రావడం ప్రారంభించాయి: “నేను ఆ రక్తమును చూచి మిమ్మును నశింప చేయక దాటిపోయెదను” (నిర్గమకాండం 12:13); “నేను నిన్ను కడుగనియెడల నాతో నీకు పాలు లేదనెను” (యోహాను 13:8), మరియు అపొస్తలుడైన పౌలు వ్రాసిన దానిని నేను ఇంతకు ముందు ఊహించిన దానికంటే చాలా బాగా అర్థం చేసుకున్నాను. నేను బాప్తీస్మం కోసం నీటిలోకి దిగినప్పుడు, అతని విలువైన రక్తం నాపై పూయబడినప్పుడు, ఈ సంఘటన ద్వారా నా జీవము “మెస్సీయాతో కూడ యహువఃలో దాచబడియున్నది” (కొలస్సీ 3:3). మారుమనస్సు పొందిన వ్యక్తి యహూషువః నామంలో లీనమైనప్పటి నుండి, యహువః అతనిని చూసినప్పుడల్లా, తన కుమారుని రక్తం అతడిని కప్పి యుండుటను ఆయన చూస్తాడు, ఎందుకంటే నిమజ్జనం అనేది ఒక వ్యక్తి ఎర్రని రంగు గల తొట్టెలో మునిగిన తర్వాత ఎలా ఉంటాడో అదే విధంగా ఉంటుంది. ఒక వ్యక్తిని కప్పి ఉంచిన యహూషువః రక్తాన్ని యహువః చూసినప్పుడు, అతడి పాపాలకు మూల్యం చెల్లించబడినట్లు ఆయన గుర్తించును. అందువలన, ఆయన (నిర్గమకాండం 12: 13 లో చెప్పినట్లు) మరణాన్ని (పాపం యొక్క అనివార్య పరిణామం) నివారించి అది మనలను “దాటిపోయేలా” చేయగలడు. కాబట్టి ఒకరి జీవము “దేవునిలో మెస్సీయతో దాగి” ఉంటుంది. ఇది తెలిసికోవడం చాలా ఓదార్పునిస్తుంది.
మరొక పాత కీర్తన యొక్క సాహిత్యం నాకు గుర్తుకు వస్తుంది. దాని శీర్షిక ఇలా ప్రశ్నిస్తుంది: “నా పాపాలను ఏది కడిగివేయగలదు?” క్రిందిది స్తుతుల ప్రవాహం: “యహూషువః రక్తం తప్ప మరేమీ కాదు! ఓహ్, ఆ ప్రవాహం విలువైనది, అది నన్ను మంచువలె తెల్లగా చేస్తుంది! పాత “బాప్తీస్మ” కీర్తనలలో దేనినీ నేను ఎప్పటికీ, ఎన్నటికీ
పాడగలగలేను, అదే విధంగా అది చాలా మందికి విస్మరించబడినది మరియు పాతది! అవి ఇప్పటికీ నన్ను కప్పి ఉంచే రక్తం యొక్క విలువైన జ్ఞాపికలు, నన్ను శుద్ధి చేస్తాయి మరియు నా దేవుని దృష్టిలో మెస్సీయాతో నా జీవితాన్ని దాచియుంచాయి. నా హృదయం యొక్క శ్రద్ధగల ప్రశ్నకు యహువః ఇచ్చిన సమాధానం అతని గొప్ప రక్షణ ప్రణాళికలో యహూషువః రక్తం యొక్కయు మరియు నీటి బాప్తీస్మం యొక్కయు ముఖ్యమైన పాత్రను చూచునట్లు నాకు “కొత్త నేత్రాలను” ఇచ్చింది. “పాప క్షమాపణ నిమిత్తం యహూషువః నామంలో” బాప్తీస్మం పొందవలసిన అవసరత విషయంలో గల ప్రమాదకరమైన అజ్ఞానంతో చాలా మంది వ్యక్తులు ఈ అంశంపై తప్పుగా బోధించారు (చట్టాలు 2:38 ; 4:12; 10:48, 19:5; లూకా 24:47).
ఇది షెల్లీ హోస్టెట్లర్ వ్రాసిన కథనం. WLC కథనం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
రాబోయే యహువః రాజ్యం యొక్క నిజమైన సువార్త వాస్తవికంగా జీవితాలను ఎలా మార్చగలదో అని చాలా మంది ప్రజలు ఆశ్చర్యపోవడాన్ని ఇటీవల నేను విన్నాను. ఈ ప్రత్యేక సందేశం ద్వారా రక్షణ కలుగుతుంది? ఎలా? ఇవి మంచి ప్రశ్నలు. విశ్వసించినప్పుడు రాజ్య సువార్తలోగల అలాంటి శక్తిని ఎలా పొందుకుంటాము అనేదానికి సమాధానమిచ్చుటకు ప్రయత్నించడం మరియు ఇంతకుముందు అందించబడిన ఈ విశ్వాసం పట్ల మన శ్రద్ధను ప్రోత్సహించడం ఈ కథనం యొక్క ఉద్దేశ్యం.
యహువః నేలమంటితో నరుని నిర్మించి వాని నాసికా రంధ్రములలో జీవవాయువును ఊదగా నరుడు జీవాత్మ ఆయెను. (ఆత్మ, ఆదికాండము 2: 7). భౌతిక మనిషికి ఆత్మ లేదని, భౌతిక మనిషి ఆత్మ అని దయచేసి జాగ్రత్తగా గమనించండి. సృష్టికర్త తన పిల్లలను తాను-ఇచ్చిన విధిలో— భూమిని పరిపాలించే మార్గంలో ఉంచాడు (ఆదికాండము 1: 28). జీవ వృక్షం వారిని బ్రతికిస్తుంది. వేల సంవత్సరాల తర్వాత ప్రవక్త-రాజైన దావీదు కీర్తన 8: 3-8 లో ఇది నిజంగా మనిషి యొక్క విధి అని ధృవీకరించాడు.
దాదాపు వెయ్యి సంవత్సరాల తరువాత కొత్త నిబంధనలో, హెబ్రీయులకు పత్రిక రచయిత మనం ఇంకా ఆ గమ్యాన్ని చేరుకోనప్పటికీ, రాబోయే యుగంలో మనం అలా చేస్తామని గుర్తు చేస్తున్నాడు (2:1-8 చూడండి). చివరకు, ప్రకటన 5:10 లో సమాధుల నుండి లేచిన భౌతిక మానవులు, రూపాంతరం చెందిన ఆత్మీయ శరీరాలను పొందుకొన్నవారు రాబోవు ఒక దినాన పరిపాలించుదురని మళ్ళీ హామీ ఇవ్వబడిన తర్వాత, మనం బైబిలులోని చివరి అధ్యాయానికి వస్తాము, ఇక్కడ మనిషి యహువః నియమించిన గమ్యానికి చేరుకుంటాడు మరియు భూమిపై జీవ వృక్షం తిరిగి ఇవ్వబడుతుంది, అది జనములను స్వస్థపరుస్తుంది (ప్రక. 22:1-2).
వాస్తవానికి, కథలో పూరించడానికి చాలా వివరాలు ఉన్నాయి, ప్రత్యేకించి యహూషువః క్రీస్తు రాబోయే యహువః రాజ్యాన్ని ప్రకటించి, అలా చేసినందుకు చంపబడ్డాడు మరియు ఆ రాజ్యాన్ని, ఆ కొత్త సృష్టిని ప్రారంభించేందుకు యహువఃచే నియమించబడిన వ్యక్తి అతడే అని నిర్ధారించడానికి మృతులలో నుండి లేపబడ్డాడు. ఇక్కడ విషయమేమిటంటే, రాబోయే యహువః రాజ్యానికి సంబంధించిన ఈ సందేశం మరియు ఆ రాజ్యం విషయంలో మెస్సీయ అయిన యహూషువఃకు సంబంధించిన విషయాలు సువార్తగా ఉన్నాయి – మానవజాతి కోసం యహువః ఉద్దేశ్యం మరియు ఆ ఉద్దేశ్యాన్ని నెరవేర్చడానికి అతని ప్రణాళికను బహిర్గతం చేయడం. యహువః-ఇచ్చిన మహిమను కలిగియున్న పురుషులకు మరియు స్త్రీలకు, ఒకదినాన ఆ మహిమ పూర్తిగా ప్రసాదించబడుతుంది (2 కొరి. 3:18; 1 యోహాను 3:2).
యహువః నుండి సువార్త ద్వారా వచ్చిన సందేశం స్పష్టంగా ఉండుటను చూసాము; నేల మట్టి నుండి తయారైన భౌతిక మానవులు ఆయనతో తండ్రి/పిల్లల సంబంధం కలిగియుండి ఆయన సృష్టి యొక్క వ్యవహారాలను విజయవంతంగా నిర్వహించువారిగా తమ సృష్టికర్త/తండ్రి దృష్టిలో ఉన్నారు. వాస్తవానికి, ఈ విజయానికి ముందుగా ఈ ప్రణాళికకు మద్దతిచ్చే సందేశాన్ని యహువః పిల్లలు విశ్వసించాల్సిన అవసరం ఉంది. సాధారణంగా పిల్లలు వారు సహజంగానే “మంచివారు” అని తమ తల్లిదండ్రులు విశ్వసించకపోతే (నిజానికి ఎదుగుట మరియు పరిపక్వం చెందాల్సిన అవసరం ఉన్నప్పటికీ), వారు తమ జీవితాల్లో భయపడి మరియు ఎందుకూ పనికిరానివారు అవుతారని మనకు తెలుసు. ఇది కేవలం మానవ మనస్సు యొక్క స్వభావం. పాపం అవిశ్వాసాన్ని అనుసరిస్తుంది. ఇది ఈ విధంగా రూపొందించబడింది. 
తల్లిదండ్రులు వారిమీద ఉంచిన నమ్మకం మరియు ప్రేమాభిమానాలకు సంబంధించిన సానుకూల అంచనాపై నమ్మకముంచుట అనేది ప్రతి బిడ్డ విజయవంతంగా పరిపక్వం చెందడానికి మరియు అతడు లేదా ఆమె తాము నిర్ణయించబడిన దానిలోకి ఎదగడానికి తమ గుండెల్లో ఆవశ్యకతతగా ఉండాలి. మీరు ఈ స్థానం నుండి ప్రారంభించకపోతే, అనుకున్న ఫలితాన్ని సాధించలేరు. ఎలాగైనా, మీరు ఈ ప్రారంభ స్థానానికి తిరిగి రావాలి. ఈ స్థానం నుండి ప్రారంభించిన పిల్లవాడు (లేదా పెద్దలు) విజయవంతంగా పరిపక్వం చెందడానికి మరియు అతడు లేదా ఆమె పుట్టుటకు గల కారణాన్ని నెరవేర్చుటకు ఉత్తమమైన అవకాశాన్ని కలిగి ఉంటారు. మళ్ళీ, ఇది ప్రణాళిక ద్వారా. తండ్రి/పిల్లల సంబంధానికి సంబంధించిన ఇదే సూత్రం యహువఃతో మనకున్న సంబంధాన్ని మరియు ఆయన మనకోసం ఉద్దేశించిన విధిని మరియు కీర్తిని సురక్షితమయ్యేలా చేసే మన సామర్థ్యానికి సంబంధించి ఉంటుంది. అందుకే సువార్త, లేదా “రాజ్యం యొక్క వాక్యం, లేదా కేవలం “వాక్యం” అనేది విశ్వసించువారందరికీ రక్షణ కొరకైన యహువః శక్తియై యున్నది (మత్తయి. 13:19; మార్కు 4:14; లూకా 8:11 పోల్చండి). ఈ సందేశంలోనే యహువః తన సృష్టి యొక్క శిఖరంపై (అతని భౌతిక, మానవ పిల్లలపై) నమ్మకాన్ని ప్రకటించాడు. ఈ సువార్త సందేశపు మాటలలోనే విశ్వాసం ఆధారంగా ఒక వ్యక్తి యొక్క జీవితాన్ని తిరిగి మార్చగల పరిశుద్ధాత్మ శక్తి ఉంది (1 థెస్స. 2:13). యహువః రూపకల్పన ప్రకారం, మానవ మనస్సు ఈ విధంగా పనిచేస్తుంది.
దురదృష్టవశాత్తూ, యహువః నుండి వచ్చిన ఈ సందేశంపై అవిశ్వాసం మొదటి నుండి మానవజాతి యొక్క సామూహిక క్రియా రాహిత్యానికి మరియు పాపభరితమైన ధోరణులకు వెనుక చోదక శక్తిగా ఉంది. విశ్వాసంతో ముందుకు సాగాలని మన తల్లిదండ్రుల సాధారణ ప్రోత్సాహం తర్వాత అతి త్వరగా ఏమి జరిగిందో పరిశీలించండి. ఆదికాండము 3 లో మన విరోధియైన అపవాది యొక్క సూక్ష్మ మోసం ద్వారా అవిశ్వాసం, తద్వారా అవిధేయత ఎలా ప్రవేశించాయో క్లుప్తంగా వివరించబడింది. యహువః దృష్టిలో అంగీకారయోగ్యంగా ఉండాలంటే వారు మానవుల కంటే ఎక్కువగా ఉండాలని పిల్లలు విశ్వసించేలా మనం నడిపించబడ్డాము. ఆధ్యాత్మికంగా వివేచన జ్ఞానాన్ని పొందడం ద్వారా, వారు భౌతిక శరీరంలోని జీవితానికి మాత్రమే పరిమితం కాకుండా ఉంటారు. యహువః సందేశాన్ని నమ్మకపోవడం మరియు అవిధేయత చూపడం ద్వారా వారు “చావనే చావరు” (ఆది. 3:1-5) అనే తప్పుడు సమాచారం వారికి అందించబడెను. భౌతిక శరీరం మరణించవచ్చు, కానీ జీవితం స్పష్టంగా ఏదో ఒక రకమైన “ఆత్మ” రాజ్యంలో కొనసాగుతుంది. మరియు ఖచ్చితంగా, వివిధ రూపాల్లో, “అమర్త్య ఆత్మ” యొక్క సిద్ధాంతం విశ్వవ్యాప్తంగా ఆమోదించబడింది, ఇది తప్పుడు తాత్విక జ్ఞానం ద్వారా బలపరచి నిర్మించిన ఏకైక ప్రపంచ మత వ్యవస్థకు పునాది అని చెప్పవచ్చు. ఇది “విశ్వాస విధేయత” (రోమా. 1:5; 16:26) ద్వారా మరియు మన తండ్రి యొక్క దయ ద్వారా సమర్థించబడిన బైబిలు సత్యానికి చాలా వ్యతిరేకం. భౌతిక మానవులు యహువః-నిర్ణయించిన తమ విధిని చేరుకోవడానికి సరిపోరు అనే సూక్ష్మ సందేశాన్ని తప్పుడు వ్యవస్థ పంపుతుంది మరియు తద్వారా అది యాహువః పిల్లల ఆధ్యాత్మిక ఎదుగుదలపై కుంటుపడే ప్రభావాన్ని చూపుతుంది. అమర్త్యమైన ఆత్మ ద్వారా స్వర్గానికి (లేదా నరకానికి) వెళ్లడం బైబిలు ప్రకారం తప్పు మాత్రమే కాదు, కానీ అది యహువః పిల్లల మనస్సు మరియు హృదయానికి హాని కలిగిస్తుంది. రాబోవు యహువః రాజ్యాన్ని గూర్చిన నిజమైన సువార్త మరియు ఆ రాజ్యంలో పాలించడానికి మరణించిన భౌతిక మానవుల పునరుత్థానమవుట అనేవి మాత్రమే మానవ మనస్సును మరియు హృదయాన్ని సరిదిద్దడానికి ఒక దిద్దుబాటు శక్తిగా పనిచేస్తాయి.
మన పాఠకులలో చాలా మందికి తెలిసినట్లుగా, భౌతికమైనది “చెడ్డది” లేదా భౌతిక శరీరంలో నివసించే “మంచి” అని భావించే అమర్త్య ఆత్మ కంటే భౌతికమైనది చాలా తక్కువ ప్రాధాన్యత గలది అనే ఊహపై ఈ అమర్త్య ఆత్మ యొక్క సిద్ధాంతం ఏర్పడియున్నది. ఈ ఊహాత్మక దృష్టాంతం ప్రకారం “నిజమైన” జీవి ఈ శాశ్వతమైన/అమరమైన ఆత్మ అయితే, శరీరం ఆ ఆత్మను తాత్కాలికంగా కలిగియుండే నాసిరకమైన బాహ్య తొడుగు మాత్రమే. ఇది ఒక గ్రీకు తాత్విక భావన, బైబిలుకు అన్యమైనది మరియు ఆధ్యాత్మిక పురోగతికి అడ్డంగా నిలుస్తుంది. ఇది యహువః స్వరూపంలో సృష్టించబడిన తన భౌతిక మానవ పిల్లలకు వినాశకరమైనదిగా ఉంటూ వారిని పాపానికి బందీలుగా ఉంచే ప్రభావాన్ని కలిగి ఉంది. ఇది స్వాభావికమైన విలువ మరియు ప్రేమకు సంబంధించిన విషయంలో తల్లిదండ్రుల యొక్క నమ్మకాన్ని కలిగియుండాల్సిన అవసరత గలవారిగా యహువః రూపొందించిన కర్బన-ఆధారిత పిల్లలకు “మీరు చేయగల శక్తి లేనివారు” అనే సందేశాన్ని పంపుతుంది. కానీ నిజం ఏమిటంటే, మనం దేనికోసం సృష్టించబడ్డామో అంతటి విలువైనవాళ్ళం, ఎందుకంటే మనం యహువః స్వరూపంలో సృష్టించబడ్డాము మరియు మన తండ్రి అలా చెప్పారు. ఇప్పుడు ఇది పరిపూర్ణ దయ, తన పిల్లల పట్ల తండ్రి యొక్క దయ! ఎంత సరళమైనది, ఆచరణాత్మకమైనది, తార్కికమైనది మరియు ఇంకా అద్భుతమైనది! మరియు మానవ మనస్సు మరియు హృదయానికి ఎంత శక్తివంతమైన సందేశం!
మనిషి యొక్క ఈ భౌతిక/అభౌతిక ద్వంద్వత్వం హెబ్రీ గ్రంథం ద్వారా యహువః నుండి మనకు వచ్చిన ప్రత్యక్షతలో పాత నిబంధనలో గానీ కొత్త నిబంధనలలో గానీ కనుగొనబడలేదు. మానవుడు ఆత్మ అని, ఈ ఆత్మ (భౌతిక జీవి) చనిపోతుందని బైబిలు పదే పదే ప్రకటిస్తుంది (యెహెజ్కేలు 18:20; మత్తయి 10:28). మరణం తరువాత, ప్రతి వ్యక్తి ఒక నూతనమైన, అమర్త్యమైన, మహిమాన్విత శరీరాన్ని పొందుకొనే వరకు; భౌతిక శరీరం సమాధి నుండి పైకి లేపబడే వరకు, నిద్రపోతాడు. మళ్ళీ, యహువః యొక్క సందేశం ఏమిటంటే భౌతిక/పదార్ధమైన శరీరం “మంచిది”; అయితే మొదటి నుండి అబద్ధ బోధ యొక్క సందేశం ఏమిటంటే, పదార్థం “తగినంత మంచిది కాదు.” ఈ తరువాతి అబద్ధ విశ్వాస వ్యవస్థలో పిల్లలు విజయవంతంగా పనిచేయలేరు లేదా తగిన విధంగా పరిపక్వం చెందలేరు. వారు ఈ వ్యవస్థలో ఉంటూ భయపడేవారిగా, పోట్లాడేవారిగా, అసూయపడేవారిగా, వ్యభిచారులుగా మరియు నరహత్యలు చేసే తోబుట్టువులుగా కూడా మారతారు. ఈ రకమైన విశ్వాసం (వాస్తవానికి “అవిశ్వాసం”) పై ఆధారపడిన మనస్సులో లేదా ప్రపంచంలో యహువః ఆత్మ పనిచేయదు.
అందుకే యహువః రాజ్య సువార్త అనేది స్త్రీపురుషులను పాపం మరియు అన్యాయం నుండి విముక్తి చేయుటను ప్రారంభించగల సత్యం (యోహాను 8:32; లూకా 4:18). మనకు వచ్చే అనారోగ్యానికి ఒకే ఒక విరుగుడు ఉంది, అది ఈ రాజ్య సువార్త సందేశం. చీకటితో నిండిన ప్రపంచంలో, ఇది రక్షణ మరియు స్వస్థత కోసం ఆశ యొక్క చొచ్చుకుపోయే కాంతి.
యహూషువః తాను భూమిపైకి తిరిగి వచ్చినప్పుడు భూమిపై “విశ్వాసాన్ని” కనుగొనలేడని అంచనా వేస్తున్నట్లు అనిపించింది (లూకా 18:8). ఇప్పుడు చూస్తే, అది సరైనదేనని అనిపిస్తుంది. అయితే విశ్వసించిన వారితో ఆయన “లోకము పుట్టినది మొదలుకొని మీకొరకు సిద్ధపరచబడిన రాజ్యమును స్వతంత్రించుకొనుడి” (మత్తయి 25: 34) అని చెబుతాడు.
గమనిక: యహువః కుమారుడైన యహూషువః తన మానవ జన్మకు పూర్వం ఉన్న శాశ్వతమైన జీవి అని ప్రకటించే త్రిత్వ భావన సహజంగా అమర-ఆత్మ సిద్ధాంతానికి సమాంతరంగా ప్రవహించే సహచర సిద్ధాంతం. మరోసారి, మనం (బహిష్కరణ బెదిరింపుల ద్వారా కూడా బలవంతం చేయబడతాము) మానవుడిగా ఉండటం సరిపోదని విశ్వసించాలని అడగబడ్డాము. అందుకే ఈ బోధన మరియు నమ్మకం మానవులకు మరియు వారి ఆధ్యాత్మిక పరిపక్వత ప్రక్రియకు చాలా ప్రమాదకరం.
ఇది రాబిన్ టాడ్ రాసిన వ్యాసం WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
- మత్తయి 20:23 – తండ్రి మరియు కుమారుడు – ఇద్దరు వ్యక్తులు.
- యోహాను 3:16 – యహువః లోకాన్ని ఎంతగానో ప్రేమించాడు, తనను తాను కాదు, తన కుమారుని అనుగ్రహించాడు.
- యోహాను 3:17 – యహువః తన కుమారుని లోకంలోనికి పంపాడు. యహువః తనను తాను పంపుకున్నాడా?
- యోహాను 5:37 – మీరు తండ్రి స్వరము వినలేదు లేదా ఆయనను చూడలేదు (కానీ కుమారుడిని చూసారు మరియు విన్నారు) ఇద్దరూ వేర్వేరు వ్యక్తులు.
- యోహాను 5:37 – ఇద్దరు సాక్షులు ఉన్నారు – (1) తండ్రి మరియు (2) కుమారుడు (ఇద్దరు వ్యక్తులు).
- యోహాను 5:43 – యహూషువః తన తండ్రి నామములో వచ్చాడు, కానీ జనులు ఆయనను స్వీకరించలేదు.
- యోహాను 8:18 – ఇద్దరు సాక్షులు ఉన్నారు; తండ్రి మరియు కుమారుడు (ఇద్దరు వ్యక్తులు).
- యోహాను 8:19 – మీరు నన్నుగానీ, నా తండ్రిని గానీ (ఇద్దరు వ్యక్తులు) ఎరుగరు.
- యోహాను 10:29 – తండ్రి అందరికంటే గొప్పవాడు (ఇతరులు).
- యోహాను 12:28 – “తండ్రీ, నీ నామమును మహిమపరచుము” అని యహూషువః చెప్పాడు. పరలోకం నుండి ఒక స్వరం సమాధానం ఇచ్చింది. యహూషువః స్వయంగా సమాధానమిచ్చాడా?
- యోహాను 14:1 – మీరు యహువః యందు విశ్వాసముంచండి, నన్ను కూడా నమ్మండి (ఇద్దరు వ్యక్తులు).
- యోహాను 14:25 – నా మాటలు నావి కావు, నన్ను పంపినవాడివే (ఇద్దరు వ్యక్తులు: పంపినవారు/పంపబడినవారు).
- యోహాను 14:28 – నా తండ్రి నాకంటే గొప్పవాడు (ఇద్దరు వ్యక్తులు; తండ్రి & కొడుకు).
- యోహాను 15:1 – నేను నిజమైన ద్రాక్షావల్లిని, నా తండ్రి వ్యవసాయకుడు; ఇద్దరూ వేర్వేరు వ్యక్తులు.
- యోహాను 15:9 – తండ్రి నన్ను ఏలాగు ప్రేమించెనో నేనును మిమ్మును ఆలాగు ప్రేమించితిని. (మూడు పార్టీలు; తండ్రి, కుమారుడు & శిష్యులు).
- యోహాను 15:10 – నేను నా తండ్రి ఆజ్ఞలు గైకొని ఆయన ప్రేమయందు నిలిచియున్న ప్రకారము మీరును నా ఆజ్ఞలు గైకొనినయెడల నా ప్రేమయందు నిలిచియుందురు.
- యోహాను 15:24 – వారు నన్నును మరియు నా తండ్రిని (ఇద్దరు వ్యక్తులు) ద్వేషించుచున్నారు.
- యోహాను 16:3 – మీరు నా తండ్రిని లేదా నన్ను (రెండు పార్టీలు; తండ్రి & కుమారుడు) తెలిసికొనలేదు.
- యోహాను 16:28 – నేను తండ్రి యొద్దనుండి దిగి వచ్చి తిరిగి తండ్రి యొద్దకు వెళ్ళుచున్నాను. యహూషువః తన వద్దకు తాను వెళ్లాడా?
- యోహాను 16:32 – నేను ఒంటరిగా లేను, తండ్రి నాతో ఉన్నాడు (ఇద్దరు వ్యక్తులు).
- యోహాను 17:1 – యహూషువః తండ్రికి ప్రార్థించాడు. అతడు తనకు తాను ప్రార్థించాడా?
- యోహాను 17:3 – అద్వితీయ సత్య ఏల్ అయిన నిన్నును, నీవు పంపిన యహూషువః మెస్సీయను ఎరుగుటయే నిత్య జీవము. మనకు నిత్యజీవం కావాలా? అలా అయితే, తండ్రి మరియు కుమారుని (ఇద్దరు వ్యక్తులను) నమ్మండి.
- యోహాను 17:4 – చేయుటకు నీవు నాకిచ్చిన పని నేను సంపూర్ణముగా నెరవేర్చి భూమి మీద నిన్ను మహిమ పరచితిని. (యజమాని & పనివాడు).
- యోహాను 17:5 – ఇప్పుడు తండ్రీ, నన్ను మహిమపరచుము. ఇద్దరు వ్యక్తులు; ఒకరు ఉన్నతమైనవారు, మరొకరు తక్కువ).
- యోహాను 17:11 – తండ్రీ, మనము ఏకమైయున్నలాగున వారును ఏకమై/ఒక్కరై యుండునట్లు నీవు నాకు అనుగ్రహించిన నీ నామమందు వారిని కాపాడుము. వ్యాఖ్య: 12 మంది అపొస్తలులు “ఒకరు” అయినట్లే యహూషువః మరియు అతని తండ్రి కూడా “ఒకరు”; అంటే, “ఒక ఉద్దేశ్యం మరియు సిద్ధాంతం.
- యోహాను 17:18 – నీవు నన్ను పంపినట్లు నేను వారిని లోకంలోనికి పంపుతాను. మూడు పార్టీలు: మీరు, నేను మరియు వారు.
- యోహాను 17:21 – వారును మనయందు ఏకమైయుండవలెనని వారికొరకు మాత్రము నేను ప్రార్థించుటలేదు; వారి వాక్యమువలన నాయందు విశ్వాసముంచువారందరును ఏకమైయుండ వలెనని వారికొరకును ప్రార్థించుచున్నాను.
- యోహాను 17:22 – “మనము ఏకమైయున్నలాగున, వారును ఏకమైయుండవలెనని.” అపొస్తలులు 12 మంది వేర్వేరు వ్యక్తులు కాక ఒక్క వ్యక్తినా? కాదు. అయితే వారు ఒక్క లక్ష్యంతో ఉన్నట్లే, పరలోకపు తండ్రి మరియు అతని కుమారుడు ఒకే లక్ష్యంతో ఉన్న ఇద్దరు వేర్వేరు వ్యక్తులు.
- అపొస్తలుల కార్యములు 2:24* – ఇక్కడ మనకు ఇద్దరు వ్యక్తులు ఉన్నారు: ఒకరు జీవించి ఉన్నారు, ఒకరు మరణించారు. యహూషువః మరణించాడు, తనను తాను లేపుకోలేకపోయాడు. ఎవరు లేపారు? సమాధి నుండి – మరణం నుండి యహువః అతనిని లేపాడు (అపొస్తలుల కార్యములు 3:14,15).
- అపొస్తలుల కార్యములు 2:27 – యహూషువః ఆత్మ నరకంలో వదలబడలేదు; అది కూడా నరకం నుండి, సమాధి నుండి, మృతుల నుండి లేపబడింది (32 వ వచనం). ఎవరి ద్వారా లేపబడింది? యహువః శక్తి ద్వారా (ఇక్కడ ఇద్దరు వ్యక్తులు ప్రస్తావించబడ్డారు).
- రోమా 1:3 – మృతులలో నుండి పునరుత్థానం చేయబడడం ద్వారా … యహువః కుమారుడిగా ప్రకటించబడ్డాడు. (ఇద్దరు వ్యక్తులు)
- గలతీ 1:1 – యహువః (తండ్రి) మృతులలోనుండి యహూషువఃను (కుమారుని) లేపాడు. యహూషువః మరణానికి లోనయ్యాడు, కానీ అతని తండ్రి మరణానికి లోబడి లేడు.
- ఎఫెసీ 6:23 – తండ్రియైన యహువః నుండి మరియు యహూషువః నుండి అందరికీ సమాధానము. ఇద్దరు వేర్వేరు మరియు విభిన్న వ్యక్తులు.
- ఫిలి.1:2 – మన తండ్రియైన యహువః నుండి మరియు యహూషువః మెస్సీయ నుండి కృప. ఇద్దరు వ్యక్తులు.
- కొల.1:1 – పౌలు యహువః చిత్తం ద్వారా యహూషువః మెస్సీయ యొక్క అపొస్తలుడు (ముగ్గురు వ్యక్తులు: పౌలు, యహువః, & యహూషువః).
- 1 వ థెస్సలొనీ 1:1 – తండ్రి అయిన యహువః మరియు రక్షకుడైన యహూషువః (ఇద్దరు వ్యక్తులు; తండ్రి మరియు కుమారుడు) నుండి సమాధానము.
- 2 వ థెస్సలొనీ 1:2 – తండ్రి అయిన యహువః నుండి మరియు మెస్సీయ నుండి (ఇద్దరు వ్యక్తులు) కృపయు మరియు సమాధానమును.
- 1 తిమో.1:1 – పౌలు, యహువః మరియు యహూషువః మెస్సీయ (ఇద్దరు వ్యక్తులు) ఆజ్ఞ ప్రకారం యహూషువః యొక్క అపొస్తలుడు.
- 1 తిమో.1:2 – తండ్రి అయిన యహువః నుండి మరియు మెస్సీయ అయిన యహూషువః నుండి కృప మరియు సమాధానము.
- 2 తిమో.1:2 – తండ్రియైన యహువః నుండి మరియు మన రక్షకుడైన యహూషువః నుండి కృప మరియు సమాధానము.
- తీతు 1:1 – పౌలు, యహువః సేవకుడు మరియు యహూషువః యొక్క అపొస్తలుడు.
- ఫిలే 3 – మీకు కృపయు మరియు సమాధానము (1) మన తండ్రి అయిన యహువః నుండి మరియు (2) యహూషువః మెస్సీయ నుండి.
- హెబ్రీ.1:1 – యహువః పూర్వకాలంలో ప్రవక్తల ద్వారా మాట్లాడాడు, అయితే ఈ చివరి రోజుల్లో తన కుమారుని ద్వారా మనతో మాట్లాడాడు.
- యాకో.1:1 – యాకోబు, (1) యహువః యొక్కయు మరియు (2) యహూషువః యొక్కయు దాసుడు.
- 1 పేతు.1:3 – మన ప్రభువగు యహూషువః మెస్సీయ యొక్క తండ్రియైన యహువః స్తుతింపబడునుగాక.
- 2 పేతు.1:3 – యహువఃను గూర్చినట్టియు మన ప్రభువైన యహూషువఃను (ఇద్దరు వ్యక్తులు) గూర్చినట్టియునైన అనుభవజ్ఞానమువలన మీకు కృప.
- 1 యోహాను 1:3 – మన సహవాసం తండ్రితో మరియు ఆయన కుమారుడైన యహూషువః మెస్సీయతో ఉంది.
- 1 యోహాను 2:1 – ఎవడైనను పాపము చేసినయెడల నీతిమంతుడైన యహూషువః మెస్సీయ అను ఉత్తరవాది (ఆదరణకర్త) తండ్రియొద్ద మనకున్నాడు. (తండ్రి యహువః & ఉత్తరవాది యహూషువః (ఇద్దరు వ్యక్తులు).
- 2 యోహాను 1: 9 – మెస్సీయ బోధయందు నిలిచియుండువాడు తండ్రిని కుమారుని అంగీకరించువాడు (కలిగియున్నవాడు).
- యూదా 1:1 – యహువః తండ్రి, మరియు యహూషువః మెస్సీయ (ఇద్దరు వ్యక్తులు).
- యూదా 1: 4 – కొందరు ఏకైక యహువఃను, మరియు మన రక్షకుడైన యాహూషువః మెస్సీయను (ఇద్దరు వ్యక్తులు) విసర్జించారు.
- ప్రకటన 1:1* – యహువః తనకు తానుగా ఇచ్చిన ప్రత్యక్షత. కాదు. యహువః తనకు తానుగా ప్రత్యక్షతను ఇవ్వలేదు, కానీ తన కుమారుడైన యాహూషువః మెస్సీయకు ఇచ్చాడు.
- ప్రకటన 1:4* – ఇద్దరు వ్యక్తుల నుండి కృపా సమాధానములు: (1) వర్తమాన భూతభవిష్య త్కాలములలో ఉన్నవానినుండియు (శాశ్వతమైన యహువః);
- • మరియు నమ్మకమైన సాక్షియు, మృతులలోనుండి ఆది సంభూతుడుగా లేచిన యహూషువః మెస్సీయ నుండియు (వచనం 5).
- ప్రకటన.1:9* – యహువః యొక్క వాక్యము మరియు యహూషువఃను గూర్చి సాక్ష్యం: ఇద్దరు వ్యక్తులు.
- ప్రకటన.2:8* – మృతుడై మరల బ్రదికిన వాని మాటలు (యహూషువః). తండ్రి చనిపోవడం అసాధ్యం, కాబట్టి యహూషువః మరియు తండ్రి ఒకే వ్యక్తి కాదు.
- ప్రకటన.2:26 – నేను నా తండ్రివలన అధికారము పొందినట్టు జయించుచు, అంతమువరకు నా క్రియలు జాగ్రత్తగా చేయువానికి జనులమీద అధికారము ఇచ్చెదను. ఇద్దరు వ్యక్తులు: తక్కువ వ్యక్తి మరొక వ్యక్తి నుండి అధికారమును పొందుతాడు.
- ప్రకటన.3:5 – ఇద్దరు వ్యక్తులు: వారిలో ఒకరు మన పేర్లను మరొకరి ముందు ఒప్పుకుంటారు. ఈ ఇద్దరు ఎవరు? తండ్రి యహువః మరియు కుమారుడు యహూషువః.
- ప్రకటన 3:12* – జయించు వానిని నా ఎలోహీమ్ ఆలయములో ఒక స్తంభముగా చేసెదను; మరియు నా ఎలోహా పేరును.., మొదలైనవి వాని మీద వ్రాసెదను. యహూషువః యొక్క ఎల్ తాను కాకుండా మరొకరు.
- ప్రకటన 3:14 – ఆమేన్ అనువాడును నమ్మకమైన సత్యసాక్షియు ఎలోహ సృష్టికి ఆదియునైనవాని మాటలు. ఇద్దరు వ్యక్తుల గురించి చెప్పబడుతుంది: (1) ఎల్ సృష్టికర్త, మరియు (2) సృష్టించబడిన వ్యక్తి – సత్యసాక్షి (యహూషువః).
- ప్రకటన 3:21 – నేను జయించి నా తండ్రితోకూడ ఆయన సింహాసనమునందు కూర్చుండియున్న ప్రకారము జయించువానిని నాతోకూడ నా సింహాసనమునందు కూర్చుండనిచ్చెదను. రెండు సింహాసనాలు మరియు ఇద్దరు వ్యక్తుల గురించి చెప్పబడింది: (1) తండ్రి మరియు అతని సింహాసనం, (2) కుమారుడు మరియు అతని సింహాసనం.
- ప్రకటన 4:2-11 – సింహాసనంపై ఆసీనుడైనవాడు (ప్రక. 4:2,3,9,10; 5:1,7; 19:4; 20:11; 21:5) సర్వశక్తిమంతుడైన ఏల్. యహూషువః, దావీదుకు చిగురు మరియు యూదా గోత్రపు సింహము ఏడు ముద్రలను తీసి ఆ గ్రంథమును విప్పెను. (ప్రకటన 5:2-10); అతడు యహువః కాదు. అతడు తండ్రియైన యహువః ఆసీనుడైయున్న సింహాసనం యెదుట నిలబడ్డాడు: ఇద్దరు వ్యక్తులు.
- ప్రకటన 5:11-13 – (1) సింహాసనాసీనుడైన వానికిని మరియు (2) వధింపబడిన గొర్రెపిల్లకును స్తుతులు ఇవ్వబడ్డాయి.
- ప్రకటన 6:16 – (1) సింహాసనాసీనుడైన వాని యెక్కయు మరియు (2) గొర్రెపిల్ల యొక్కయు ఉగ్రత నుండి దాగుకొని: ఇద్దరు వ్యక్తులు.
- ప్రకటన 7: 9,10 – సింహాసనాసీనుడైన మా ఏల్ కిని గొఱ్ఱెపిల్లకును మా రక్షణకై స్తోత్రము: ఇద్దరు వ్యక్తులు.
- ప్రకటన 7:17 – ఇకపై తన తండ్రి కుడి పార్శ్వమున సింహాసనంపై ఉన్న గొర్రెపిల్ల (హెబ్రీ. 1:3) వారి కాపరిగా ఉంటాడు; మరియు యహువః వారి కన్నులనుండి ప్రతి బాష్పబిందువును తుడిచి వేయును.: ఇద్దరు వ్యక్తులు.
- ప్రకటన 11:15 – లోక రాజ్యము మన యహువః రాజ్యమును ఆయన మెస్సీయ రాజ్యమును ఆయెను: ఇద్దరు వ్యక్తులు.
- ప్రకటన 12:17 – యహువః (మొదటి వ్యక్తి) యొక్క ఆజ్ఞలను గైకొనువారు మరియు యహూషువఃను (రెండవ వ్యక్తి) గూర్చి సాక్ష్యమిచ్చేవారు.
- ప్రకటన 14:1,4 – వీరు తమ నుదుటిపై తండ్రి పేరు వ్రాయబడి ఉన్నారు (గ్రీకు – తండ్రి మరియు కుమారుని పేరు), మరియు వారు యహువఃకు మరియు గొర్రెపిల్లకు ప్రథమ ఫలాలు.
- ప్రకటన 14:12 – యహువః యొక్క ఆజ్ఞలను గైకొనుచు యహూషువః నందు విశ్వాసాన్ని కలిగియున్నారు: ఇద్దరు వ్యక్తులు.
- ప్రకటన 15:3* – ఇక్కడ ముగ్గురు వేర్వేరు వ్యక్తుల పేర్లు చెప్పబడ్డాయి: యహువః, గొర్రెపిల్ల మరియు మోషే. మోషే మరియు యహువః ఒకే వ్యక్తి కానప్పుడు, గొర్రెపిల్ల మరియు యహువః ఒకే వ్యక్తి అని మనం ఎందుకు భావించాలి?
- ప్రకటన 19:4-7 – ఇక్కడ నాలుగు పార్టీల పేర్లు ఉన్నాయి: సర్వశక్తిమంతుడైన యహువః, గొర్రెపిల్ల (యహూషువః, పెండ్లికుమారుడు), మెస్సీయ యొక్క వధువు, ఒక గొప్ప సమూహం.
- ప్రకటన 20:6 – వారు (1) యహువఃకు మరియు (2) మెస్సీయకు యాజకులుగా ఉంటారు.
- ప్రకటన 21:9,10 – మూడు పార్టీలు: యహువః, గొర్రెపిల్ల మరియు వధువు.
- ప్రకటన 21:22 – రెండు పార్టీల పేర్లు ఉన్నాయి: యహువః మరియు గొర్రెపిల్ల. ఇవి నూతన యెరూషలేములోని దేవాలయం.
- ప్రకటన 22:1 – జీవనది యహువః మరియు గొర్రెపిల్ల (ఇద్దరు వ్యక్తులు) యొక్క సింహాసనం నుండి ప్రవహిస్తుంది.
- ప్రకటన 22:3 – ఇకమీదట శాపగ్రస్తమైనదేదియు దానిలో ఉండదు, యహువః యొక్కయు గొఱ్ఱెపిల్లయొక్కయు సింహాసనము దానిలో ఉండును: ఇద్దరు వ్యక్తులు.
ముగింపు:
సహోదరులారా,
- తండ్రియైన యహువఃను (సింహాసనంపై కూర్చున్నవాడు), మరియు
- కుమారుడైన యహూషువఃను (మెస్సీయ, గొఱ్ఱెపిల్ల)
ఈ ఇద్దరిని ఒక్కరి వ్యక్తిగా చేయాలనుకుంటే:
… పదాలను, శీర్షికలను, నామములను, తర్కాన్ని, వాస్తవాలను మరియు లేఖనాలను ఎక్కువగా వక్రీకరించడం అవసరం. “వాక్యమను పాలవలన రక్షణ విషయములో ఎదుగు నిమిత్తము, ఆ పాలను అపేక్షించుడి” (1 పేతురు 2:2). మరియు మెస్సీయ యహూషువః నందు విశ్వాసం ద్వారా “ఆత్మలను రక్షించుటకు శక్తిగల వాక్యమును సాత్వికముతో అంగీకరించుడి” (యాకోబు 1:21). దైవావేశము వలన కలిగిన ప్రతిలేఖనము (ప్రతిలేఖనము దైవాదేశము వలన కలిగి) ఉపదేశించుటకును, ఖండించుటకును, తప్పు దిద్దుటకును, నీతియందు శిక్షచేయుటకును ప్రయోజనకరమైయున్నది.” (2 తిమో. 3:16,17)
మనం నిరంతరం ప్రచారం చేయవలసిన ఒక మంచి పని విశ్వాసం; కింది వాటిలో విశ్వాసం:
- శాశ్వతంగా జీవించు ఏకైక పరమాత్మపై విశ్వాసం. ఆయన పేరు యహువః, ఆకాశము, భూమి మరియు వాటిలోని సమస్తానికి సృష్టికర్త.
- యహువః కుమారునిపై విశ్వాసం; అతడు యహూషువః మెస్సీయ, పాపులను విమోచించుటకు మరణించి, మూడవ దినాన మళ్లీ లేచాడు. ఆయన మృతులలో నుండి పునరుత్థానం చేయబడడం ద్వారా “యహువః కుమారునిగా ప్రకటించబడ్డాడు” (రోమా 1:1-4).
ఇది https://everlastinggoodnewsofyahweh.info/ నుండి తీయబడిన కథనం. WLC కథనం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
|
ఇది WLC యేతర వ్యాసం. బయటి రచయితల వనరులను ఉపయోగించినప్పుడు, బైబిలుకు మరియు డబ్ల్యుఎల్సి ప్రస్తుత నమ్మకాలకు 100% అనుగుణంగా ఉండెనని భావించిన వాటిని మాత్రమే మేము ప్రచురిస్తాము. కాబట్టి అలాంటి వ్యాసాలను డబ్ల్యుఎల్సి నుండి నేరుగా వచ్చినట్లుగా పరిగణించవచ్చు. యహువః యొక్క అనేక మంది సేవకుల పరిచర్య ద్వారా మేము ఎంతగానో ఆశీర్వదించబడ్డాము. అయితే ఈ రచయితల యొక్క ఇతర రచనలను అన్వేషించమని మేము మా సభ్యులకు సలహా ఇవ్వము. అటువంటి రచనలు, లోపాలను కలిగి ఉన్నందున మేము వాటిని ప్రచురణల నుండి మినహాయించాము. విచారకరంగా, లోపం లేని మంత్రిత్వ శాఖను మనం ఇంకనూ కనుగొనలేదు. డబ్ల్యుఎల్సి వి కాని కొన్ని ప్రచురించబడిన వ్యాసాలు / ఎపిసోడ్లు చూసి మీరు దిగ్బ్రాంతి చెందినచో, సామెతలు 4:18 జ్ఞాపకం చేసుకోండి. మన మార్గంలో మరింత కాంతి వెలువడు కొద్దీ ఆయన సత్యాన్ని గూర్చిన మన అవగాహన అభివృద్ధి చెందుతూ ఉంటుంది. మేము సత్యాన్ని ప్రాణం కంటే ఎక్కువగా ఆదరిస్తాము మరియు అది దొరికిన చోటు ఏదైనా అక్కడ వెతుకుతాము.
|
ఏలయనగా మనలను యహువః యొద్దకు తెచ్చుటకు, అనీతిమంతుల కొరకు నీతిమంతుడైన క్రీస్తు శరీర విషయములో చంపబడియు, ఆత్మవిషయములో బ్రదికింపబడి, పాపముల విషయములో ఒక్కసారే శ్రమపడెను. యహువః దీర్ఘశాంతము ఇంక కని పెట్టుచుండినప్పుడు పూర్వము నోవహు దినములలో ఓడ సిద్ధపరచబడుచుండగా, అవిధేయులైన వారియొద్దకు, అనగా చెరలో ఉన్న ఆత్మలయొద్దకు, ఆయన ఆత్మరూపిగానే వెళ్లి వారికి ప్రకటించెను. ఆ ఓడలో కొందరు, అనగా ఎనిమిది మంది నీటి ద్వారా రక్షణపొందిరి. (మొదటి పేతురు 3:18-20)
కిందిది ది థియోగోనీ ఆఫ్ హెసియోడ్ నుండి తీయబడిన ఒక సారాంశం: 1
“(ll. 713-735) మరియు అగ్రశ్రేణిలో, యుద్ధం కోసం ఆకలితో ఉన్న కోటస్ మరియు బ్రియారోస్ మరియు గైస్ భీకర పోరాటాన్ని లేవనెత్తారు: మూడు వందల రాళ్ళను, ఒకదానిపై ఒకటి, వారు తమ బలమైన చేతులతో ప్రయోగించారు మరియు టైటాన్స్ను తమ క్షిపణులతో కప్పివేసి, వారిని విశాలమైన భూమి క్రింద పాతిపెట్టారు, మరియు వారు తమ శక్తితో గొప్ప ఆత్మ కోసం వారిని జయించినప్పుడు, భూమి క్రింద నరకం (టార్టారస్) వరకు వారిని గొప్ప గొలుసులతో బంధించారు. ఒక ఇత్తడి దాగిలి తొమ్మిది రాత్రులు మరియు తొమ్మిది పగలు స్వర్గం నుండి క్రిందికి పడుతూ పదవ దినాన భూమికి చేరుకుంటుంది. గుండ్రని నరకం చుట్టూ కాంస్యపు కంచె ఉంది, మరియు రాత్రి దాని చుట్టూ వృత్తంలా మూడు గీతలుగా వ్యాపించి ఉంది, మరియు దానికి పైగా భూమి యొక్క వేళ్ళు మరియు ఫలించని సముద్రం పెరుగుతాయి. అక్కడ మేఘాలను నడిపే జ్యూస్ (Zeus) సలహా ప్రకారం టైటాన్ దేవతలు భూమి యొక్క చివరలు ఉన్న చీకటి ప్రదేశంలో దాక్కున్నారు. మరియు పోసిడాన్ దానిపై కంచుతో కూడిన గేట్లను అమర్చుటవలన మరియు దాని చుట్టూ ప్రతి వైపున ఒక గోడ ఉండుటవలన వారు బయటకు వెళ్లలేరు. అక్కడ గైస్ మరియు కోటస్ మరియు గొప్ప-ఆత్మగల ఒబ్రియారియస్ నివసిస్తున్నారు, వారు నరకాన్ని కాపలా కాసే జ్యూస్ (Zeus) యొక్క నమ్మకమైన కావలివారు.
క్రీ.పూ. 800 నాటి పై ప్రకరణం, చెరలో ఉన్న ఆత్మలు మరియు 1 వ మరియు 2 వ పేతురులలో చెప్పబడిన పాపం చేసి నరకంలో ఉంచబడిన దేవదూతలను గూర్చిన అవగాహనకు మద్దతు ఇస్తుంది, ఇవి పురాణాలకు మూలాలు—నోవహు కాలంలోని నెఫీలీయుల కాలాన్ని నమోదు చేస్తున్నవి (ఆదికాండము 6). విశ్వాసులు దీనిని అర్థం చేసుకోవాలి. ఈ క్రింది వాటిని వివరించడానికి కొందరు ఇప్పటికీ పోరాడుతున్నారు:
“దేవదూతలు పాపము చేసినప్పుడు దేవుడు వారిని విడిచిపెట్టక, పాతాళలోక మందలి కటిక చీకటిగల బిలములలోనికి త్రోసి, తీర్పుకు కావలిలో ఉంచబడుటకు వారిని అప్పగించెను” (రెండవ పేతురు 2:4).
“మరియు తమ ప్రధానత్వమును నిలుపుకొనక, తమ నివాస స్థలమును విడిచిన దేవదూతలను, మహాదినమున జరుగు తీర్పువరకు కటిక చీకటిలో నిత్యపాశములతో ఆయన [యహువః] బంధించి భద్రము చేసెను” (యూదా1: 6). దేవదూతలు స్థూలమైన అనైతికతకు పాల్పడ్డారు మరియు పరశరీరానుసారులయ్యారు (వచనం 7 చూడండి).
ప్రభువైన యహూషువః సజీవంగా లేపబడిన తర్వాత, అనగా యహువః ద్వారా పునరుత్థానం చేయబడిన తర్వాత అతని కార్యకలాపాల జాబితాలో ఈ భాగాలు ప్రస్తావించబడ్డాయి. చెరలో ఉన్న ఆత్మలకు యహూషువః ఎప్పుడు బోధించాడనే దాని గురించి ఎన్.ఐ.వి బైబిల్ స్పష్టంగా లేదు. పేతురు దీనిని ఆయన పునరుత్థానం తర్వాత జరిగిన పనిగా వర్ణించాడు. “సజీవంగా లేపబడటం” అనగా పునరుత్థానం కావడం. తెలియని పాఠకుడు యహూషువః మరణించి ఉన్నప్పుడు ప్రకటించాడని అనుకోవచ్చు!
“ఏలయనగా మనలను యహువః యొద్దకు తెచ్చుటకు, అనీతిమంతుల కొరకు నీతిమంతుడైన క్రీస్తు శరీర విషయములో [మరణం గల మానవ వ్యక్తిగా] చంపబడియు, ఆత్మవిషయములో బ్రదికింపబడెను [పునరుత్థానం]. యహువః దీర్ఘశాంతము ఇంక కనిపెట్టు చుండినప్పుడు పూర్వము నోవహు దినములలో ఓడ సిద్ధపరచబడుచుండగా, అవిధేయులైన వారియొద్దకు, అనగా చెరలో ఉన్న ఆత్మలయొద్దకు, ఆయన ఆత్మరూపిగానే వెళ్లి వారికి ప్రకటించెను. ఆ ఓడలో కొందరు, అనగా ఎనిమిది మంది నీటి ద్వారా రక్షణపొందిరి.” (1 పేతురు 3:18-20, NIV).
ఈ “చెరలో ఉన్న ఆత్మలు” “నోవహు కాలంలో ఒకప్పుడు అవిధేయులైనవారి ఆత్మలు”. కానీ వారి అవిధేయత సమయంలో క్రీస్తు వారికి బోధించలేదు.
విద్యార్థి కోసం “ఆత్మలు”/“స్పిరిట్స్” అనే పదాన్ని ఉపయోగించుట గురించి ఒక మాట: “ఆత్మ”/“స్పిరిట్” అనే పదం మనం “శ్వాస” లేదా “గాలి” (న్యుమా) అని అనువదించుచున్న అదే పదం నుండి అనువదించబడింది, మరియు ఇది “దేహరహిత” అనే అంతర్లీన అర్థాన్ని కలిగి ఉండదు.”
“ఆత్మలు” మానవులు కాదు. వారు సృష్టించబడిన దేవదూతల వర్గంలో ఉన్నారు. కాబట్టి హెబ్రీయులు 1:14 లో దేవదూతలు (పరలోక దూతలు) అనేక అనువాదాలలో “పరిచారక ఆత్మలు” (న్యుమా) గా పిలువబడెను: “వీరందరు [దేవదూతలు] రక్షణయను స్వాస్థ్యము పొందబోవువారికి పరి చారము చేయుటకై పంపబడిన సేవకులైన ఆత్మలు కారా?”
ప్రేరేపిత రచయితలు దేవదూతలను “ఆత్మలు” అని పిలుచుటయు మరియు ఈ ఆత్మలలో కొందరు (దేవదూతలు) నోవహు కాలంలో అతిక్రమము చేసి ఆ గొప్ప తీర్పు దినం కోసం ఎదురుచూస్తూ చీకటి చెరసాలలో బంధించబడుటయు గమనించి చూపినప్పుడు, ఈ క్రింది వాటిని సులభంగా అర్థం చేసుకోవచ్చు: చివరిగా యహూషువః, అమరత్వపు జీవములోనికి పునరుత్థానం చేయబడిన తర్వాత, పాపం మరియు మరణంపై తన అద్భుతమైన విజయాన్ని గూర్చి తీర్పు కోసం పట్టబడియున్న ఈ దుష్ట ఆత్మలకు ప్రకటించాడు.
పురాతన పురాణాలు చాలా వరకు ఈ గొప్ప తిరుగుబాటు యొక్క వాస్తవ సంఘటనల నుండి పుట్టుకొచ్చాయని మరియు కొన్ని అత్యంత శక్తివంతమైన జీవుల యొక్క ఖైదు ఫలితంగా ఉద్భవించెనని మనం గ్రహించవచ్చు! ఈ సత్యం ప్రేరేపిత రచనల ద్వారా మనకు తెలియజేయబడినందున మరియు ప్రాచీన చరిత్రకారులచే కూడా భద్రపరచబడినందున, ఇది సత్యానికి నమ్మకంగా ఉండమని నీతిమంతులను హెచ్చరిస్తుంది. మనం దైవిక జీవితాలను గడుపుతూ ముందుకు సాగాలి మరియు ఈ ముఖ్యమైన సత్యాలను ప్రకటించాలి. పురాణశాస్త్రం కొన్నిసార్లు వాస్తవ చరిత్ర యొక్క అలంకరించబడిన ఖాతా. ఈ సందర్భంలో, ఇది 2 వ పేతురు 2:4 మరియు యూదా 1: 6 లోని దుష్ట దేవదూతలకు సంబంధించిన పాతకాలపు తిరుగుబాటును మరియు నరకం యొక్క పరిస్థితులను సముచితంగా వివరిస్తుంది. అయితే మనం గ్రీకు పురాణాల ద్వారా జరిగిన అవినీతి విషయంలో మరియు తద్వారా మసకబారిన నిజమైన ఆత్మల గుర్తింపు విషయంలో మరియు ఫలితంగా దిగజారిన వేదాంతం యొక్క బహుదేవతారాధన స్థితి విషయంలో జాగ్రత్త వహించాలి.
1 హ్యూ జి. ఎవెలిన్-వైట్ (1914) అనువదించెను. http://www.sacred-texts.com/cla/hesiod/theogony.htm
ఇది టెర్రీ రాబిన్సన్ రాసిన వ్యాసం. WLC వ్యాసం కాదు.
మేము అసలు వ్యాసం నుండి సమస్త అన్య నామములను మరియు తండ్రి – కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్సి బృందం.
