క్రైస్తవులు తోరాను పాటించుటకు గల 5 కారణాలు

లేఖనాలన్నీ దైవావేశము వలన (యహువః ద్వారా) కలిగి, అవి ఉపదేశించుటకును, ఖండించుటకును, తప్పు దిద్దుటకును, నీతియందు శిక్షచేయుటకును ప్రయోజనకరమైయున్నవని బైబిల్ నమోదు చేస్తుంది (2 తిమోతి 3:16), కానీ నేడు చాలా మంది క్రైస్తవులు లేఖనంలోని కొన్ని ముఖ్యమైన భాగాలను మరచిపోయారు—అవి: యహువః యొక్క "సూచనలు/ఆజ్ఞలు" లేదా హెబ్రీలో, తోరా.

కాబట్టి, తోరా గురించి మీకు ఎంత తెలుసు? మీరు బైబిల్-విశ్వసించే క్రైస్తవులైతే, మీరు ఇప్పటికే కొంతవరకు తోరాను ఆచరించుటను విశ్వసిస్తున్నారని తెలుసుకుని మీరు ఆశ్చర్యపోవచ్చు. నిజానికి, తోరా (తరచుగా ఇంగ్లీషులో "లా"/ధర్మము అని అనువదించబడుతుంది) బైబిల్ యొక్క మొదటి ఐదు పుస్తకాలలో కనుగొనబడుతుంది మరియు అది యహువః ప్రజలకు ఆయన యొక్క సూచనలను కలిగి ఉంటుంది. ఈ సూచనలలో బీదలను జాగ్రత్తగా చూసుకోవడం మరియు శత్రువులను ప్రేమించడం, అబద్ధం పలుకవద్దు, దొంగిలించవద్దు, వ్యభిచారం చేయవద్దు వంటి ఆజ్ఞలు ఉన్నాయి. చాలా మంది క్రైస్తవులు ఈ ఆజ్ఞలతో ఏకీభవిస్తారు. ఏది ఏమైనప్పటికీ, తోరాలో ఈరోజు చాలా మంది క్రైస్తవులు సాధారణంగా విస్మరించే అనేక ఆజ్ఞలు ఉన్నాయి, అవి సబ్బాతును పాటించడం (నిర్గమకాండము 20:8-11), బైబిల్ పండుగ రోజులు (లేవీయకాండము 23), మరియు అపవిత్రమైన జంతువులను తినవద్దు (లేవీ 11) అనేవి. క్రైస్తవులు లేఖనాల యొక్క ఈ భాగాలను తిరిగి పరిశీలించుటకు గల ఐదు కారణాల జాబితా క్రింద ఇవ్వబడింది.

1) తోరా అంతా యహూషువః గురించే.

అతడు నన్నుగూర్చి వ్రాసెను గనుక మీరు మోషేను నమ్మినట్టయిన నన్నును నమ్ముదురు. మీరతని లేఖనములను నమ్మనియెడల నా మాటలు ఏలాగు నమ్ముదురనెను. (యోహాను 5:46-47)

తోరాలో ఉన్న యహువః సూచనలను వ్రాసిన వ్యక్తి మోషే. అతని రచనలయందంతటా మెస్సీయను గురించి ప్రవచనాత్మక సూచనలు ఉన్నాయి, ఆయన తరువాత కొత్త నిబంధనలో యహూషువః గా వెల్లడించబడ్డాడు. వాస్తవానికి, తోరాలో మెస్సీయ పేరు ప్రస్తావించబడింది:

యహువఃయే నా బలము నా గానము ఆయన నాకు రక్షణయు ఆయెను. (నిర్గమకాండము 15:2)

ఈ వచనంలోని రక్షణ అనే పదం హెబ్రీ పదం yeshû‛âh. నిజానికి, యహూషువః పేరుకు అర్థం “యహువః రక్షణ” అని. తోరాలో యహూషువఃకు సంబంధించిన వందల సూచనలలో ఇది ఒకటి. కొత్త నిబంధన ప్రకారం, మోషే యహూషువః గురించి వ్రాసాడు. కాబట్టి, మనం మోషే మాటలను విశ్వసిస్తే, మనం యహూషువః మాటలను నమ్ముతాము. మరింత ప్రతికూలంగా చెప్పాలంటే, మనం మోషే మాటలను తిరస్కరిస్తే, మనం ఒక విధంగా, యహూషువః మాటలను తిరస్కరించినట్లే.

సబ్బాతు మరియు బైబిలు పండుగ దినాలు వాస్తవానికి యహూషువఃకు ప్రవచనాత్మక ముందస్తు సూచనలుగా పనిచేస్తాయని మీకు తెలుసా? సబ్బాతును పరిగణించండి: ఏడవ రోజున యహువః ఏర్పాటులో పూర్తిగా విశ్రాంతి తీసుకోవాలని మనకు ఆజ్ఞాపించబడింది. మరో మాటలో చెప్పాలంటే, మనము సాధారణంగా మిగిలిన వారంలో స్వీయ-నియమం కోసం (అంటే, మీ సాధారణ ఉపాధి ఉద్యోగం) చేసే పనులను సబ్బాత్‌లో చేయము. ఎందుకంటే సబ్బాత్ దినము క్రీస్తులో మన అంతిమ విశ్రాంతి యొక్క చిత్రం. మన రక్షణ కోసం మనం "పని" చేయలేము; యహువః తన మెస్సీయ ద్వారా చేసిన ఏర్పాటుపై (పోషణ పై) మాత్రమే మనం విశ్వసించాలి. కాబట్టి, మనం విశ్రాంతి దినాన విశ్రాంతి తీసుకున్న ప్రతిసారీ, సువార్త సందేశాన్ని ధృవీకరిస్తున్నాము. అదే విధంగా, బైబిల్ యొక్క ఏడు పర్వదినాలలో ప్రతి ఒక్కటి క్రీస్తు మరణం, పునరుత్థానం మరియు రెండవ రాకడ గురించి చెబుతుంది.

2) యహూషువః ధర్మశాస్త్రాన్ని పాటించి బోధించాడు.

చాలా మంది బైబిల్ పండితులు మరియు చరిత్రకారులు యహూషువః తన జీవితంలో తోరాను పాటించే యూదుగా జీవించాడని అంగీకరిస్తున్నారు. ఆయన అనుచరులు ఆయనను "రబ్బీ" అని పిలిచారు. ఆయన ప్రతి సబ్బాత్ దినాన సినగోగ్‌కు హాజరయ్యాడు. ఆయన పస్కా మరియు ఇతర బైబిల్ పండుగలను జరుపుకున్నాడు. ఇంకా, అతని బోధనల నుండి ఉద్భవించిన అసలు మెస్సియానిక్ ఉద్యమం మొదటి శతాబ్దం అంతటా తోరాను కొనసాగించింది. బైబిల్ సాహిత్యం యొక్క ప్రొఫెసర్, డాక్టర్ బ్రాడ్ యంగ్, Ph.D., దీనిని ఉత్తమంగా వివరించారు:

మనం కూడా తరచుగా [యహూషువః]ని చారిత్రక శూన్యంలో చూస్తాము, ఫలితంగా ఇరవై ఒకటవ శతాబ్దపు మన పాశ్చాత్య విలువలు మరియు ఆందోళనలను అతనిపైకి మారుస్తున్నాము. మనము అతనిని మంచి మెథడిస్ట్, క్యాథలిక్, బాప్టిస్ట్, ఆంగ్లికన్, పెంతెకోస్తు లేదా ఏదైనా తెగకు చెందిన వ్యక్తిగా మారుస్తాము. చారిత్రక యహూషువః యూదుడిగా జీవించాడు. పరలోకంలో ఉన్న తన తండ్రిపై గల అతని విశ్వాసం మరియు విధేయత సీనాయి పర్వతం వద్ద ఇవ్వబడిన విలువైన బహుమానాన్ని కలిగి ఉంది: తోరా.

తాను ధర్మశాస్త్రాన్ని కొట్టివేయటానికి వచ్చానని తలంచవద్దని యహూషువః స్వయంగా చెప్పాడు. పరలోకం మరియు భూమి గతించే వరకు తోరా నుండి ఏదీ గతించదని ఆయన చెప్పాడు (మత్తయి 5:17-19). ఆసక్తికరంగా, గ్రంథం ప్రకారం, మన ప్రస్తుత ఆకాశం మరియు భూమి ఏదో ఒక రోజు గతించిపోతాయి మరియు నూతన ఆకాశం మరియు భూమి స్థాపించబడతాయి: అంతట నేను క్రొత్త ఆకాశమును క్రొత్త భూమిని చూచితిని. మొదటి ఆకాశమును మొదటి భూమియు గతించిపోయెను. (ప్రకటన 21:1-4 చూడండి). ఈ సంఘటన భూమిపై క్రీస్తు యొక్క వెయ్యేళ్ల పాలన తర్వాత సంభవిస్తుంది మరియు మరణం, దుఃఖం, ఏడుపు మరియు వేదనకి పూర్తి ముగింపు ఉంటుంది (వచనం 4). మరణం, దుఃఖం, ఏడుపు మరియు వేదన ఈనాటికీ మన ప్రపంచంలో ఉన్నాయి కాబట్టి, తోరా నుండి ఇంకా ఏదీ గతించలేదని తార్కికంగా కనబడుతుంది.

క్రిస్టియన్ అనే పదానికి అక్షరాలా "క్రీస్తు అనుచరుడు" అని అర్ధం అవడం కూడా ఆసక్తికరంగా ఉంది. నిజమే, క్రైస్తవులుగా మనం యహూషువః నడిచినట్లే నడుచుకోవాలని చెప్పబడింది. యహూషువః తోరాను పాటించి, బోధించాడు కాబట్టి, క్రైస్తవులు కూడా అదే చేయడం సముచితమని నేను నమ్ముతున్నాను.

ఆయనయందు నిలిచియున్నవాడనని చెప్పుకొనువాడు ఆయన ఏలాగు నడుచుకొనెనో ఆలాగే తానును నడుచుకొన బద్ధుడైయున్నాడు. (1 యోహాను 2:6).

3) అపొస్తలులు తోరాను పాటించి మరియు బోధించారు.

తమ రబ్బీ యహూషువః వలె, అపొస్తలులు అందరూ తోరాను పాటించారు. సబ్బాతు, పండుగలు మరియు ఆహార సూచనలు వంటి ఆజ్ఞలు తమ ప్రభువు పునరుత్థానం తర్వాత కూడా చాలా కాలం వరకు వారి విశ్వాసం యొక్క ప్రధాన అభ్యాసాలుగా ఉన్నాయి. నిజానికి, యహూషువః ఆరోహణానికి ముందు తన శిష్యులకు ఇచ్చిన సూచనలు "సమస్త దేశాలను" తనకు శిష్యులనుగా చేయడం మరియు తాను ఆజ్ఞాపించిన వాటన్నింటినీ బోధించుటగా ఉన్నాయి (మత్తయి 28:19-20). ఆయన వారికి ఆజ్ఞాపించినవి “అన్నీ” స్పష్టంగా తోరాను కలిగి ఉండేవి.

అపొస్తలుడైన పౌలు కూడా తోరా కొట్టివేయబడలేదని యహూషువఃతో ఏకీభవించాడు; క్రీస్తుపై విశ్వాసం ద్వారా తోరాను స్థిరపరచమని అతడు క్రైస్తవులను ప్రోత్సహించాడు (రోమా ​​​​3:31). పస్కా పండుగను ఆచరించమని కొరింథు ​​చర్చిలో అన్యజనులైన క్రైస్తవులకు కూడా అతను ఆదేశిస్తాడు:

మీరు పులిపిండి లేనివారు గనుక క్రొత్తముద్ద అవుటకై ఆ పాతదైన పులిపిండిని తీసిపారవేయుడి. ఇంతే కాక క్రీస్తు అను మన పస్కా పశువు వధింపబడెను. గనుక పాతదైన పులిపిండితోనైనను దుర్మార్గతయు దుష్టత్వమునను పులిపిండితోనైనను కాకుండ, నిష్కాపట్యమును సత్యమునను పులియని రొట్టెతో పండుగ ఆచరింతము. (1 కొరింథీయులకు 5:7-8)

ఇంకా, శిష్యులు Shavuot (పెంతెకోస్తు) పండుగను జరుపుకున్నారని మనకు తెలుసు, అంటే వారు పవిత్రాత్మను పొందిన పండుగ (అపొస్తలు 2). ప్రతి సబ్బాతు దినాన సినగోగ్ సేవకు హాజరవ్వడం పౌలు యొక్క ఆచారం అని అపొస్తలుల కార్యములు 17:1-2 మనకు చెబుతుంది మరియు అనేక సందర్భాలలో పౌలు తాను తోరాకు వ్యతిరేకంగా బోధించాడనే తప్పుడు ఆరోపణలను వ్యతిరేకిస్తూ తనకు తాను ప్రకటించటం చూస్తాము (అపొస్తలు 21:20-24 & 24:14). అలాగే, పౌలు 1 తిమోతి 4: 4-5లో అపవిత్రమైన జంతువులను తినకూడదని, యహువః వాక్యం ద్వారా పవిత్రం చేయబడిన ఆహారాన్ని స్వీకరించమని క్రైస్తవులకు సూచించాడు. (యహువః వాక్యం పవిత్రమైన జంతువులను మాత్రమే పవిత్రం చేస్తుంది.)

క్రొత్త నిబంధన అంతటా అపొస్తలులను అనుకరించమని చాలాసార్లు చెప్పబడింది (1 కొరింథీయులు 4:16; 11:1; ఫిలిప్పీయులు 3:17; 1 థెస్సలొనీకయులు 1:6; 2 థెస్సలొనీకయులు 3:7-9 చూడండి). కాబట్టి, తోరాను పాటించడంలో మనం వారిని అనుకరించకూడదా?

4) పరిశుద్ధాత్మ క్రైస్తవులకు తోరాను ఆచరించుటకు శక్తిని ఇస్తుంది.

పౌలు ప్రకారం, మన ప్రాథమిక మానవ స్వభావం యహువఃతో ఏకీభవించదు. అయితే, శుభవార్త ఏమిటంటే, యహువః మార్గాల్లో నడవడానికి మనకు పరిశుద్ధాత్మ సహాయం ఉంది. రోమా ​​​​ఎనిమిదవ అధ్యాయంలో పౌలు దీనిని లోతుగా చర్చించాడు. మన శరీరం (మన ప్రాథమిక మానవ స్వభావం) యహువఃకు విరుద్ధమైనది మరియు అతని ధర్మశాస్త్రానికి లొంగదు అని అతను చెప్పాడు:

ఏలయనగా శరీరానుసారమైన మనస్సు యహువఃకు విరోధమైయున్నది; అది యహువః ధర్మశాస్త్రమునకు లోబడదు, ఏమాత్రమును లోబడనేరదు. (రోమీయులకు 8:7)

దీనికి కారణం తోరా "ఆత్మీయమైనది" (రోమా ​​​​7:14), మరియు మన శరీరం కేవలం శరీర విషయాలకు సంబంధించినది. ఆత్మానుసారంగా జీవించేవారు మాత్రమే ఆత్మీయ విషయాలను అనుసరించే వారిగా ఉంటారని పౌలు చెప్పాడు, అందులో తోరా కూడా ఉంటుంది:

శరీరానుసారులు శరీర విషయముల మీద మనస్సు నుంతురు; ఆత్మానుసారులు ఆత్మ విషయముల మీద మనస్సు నుంతురు. (రోమీయులకు) 8:5

క్రైస్తవులుగా, మనము శరీరానుసారంగా కాకుండా ఆత్మను అనుసరించి నడుచుకోవాలి. శరీరం బలహీనంగా ఉంది మరియు తోరాకు లొంగదు. అయినప్పటికీ, తోరాను గైకొనుటలో శక్తినిచ్చుటకు క్రైస్తవులకు పరిశుద్ధాత్మ ఇవ్వబడింది:

"ఎట్లనగా ధర్మశాస్త్రము దేనిని చేయజాలక పోయెనో దానిని యహువః చేసెను. శరీరము ననుసరింపక ఆత్మననుసరించియే నడుచుకొను మనయందు ధర్మశాస్త్ర సంబంధమైన నీతివిధి నెరవేర్చబడవలెనని పాప పరిహారము నిమిత్తము యహువః తన సొంత కుమారుని పాప శరీరాకారముతో పంపి, ఆయన శరీరమందు పాపమునకు శిక్ష విధించెను. (రోమీయులకు 8:2-4).

5) తోరాను ఆచరించుట ఒక ఆశీర్వాదం.

చాలామంది క్రైస్తవులు తోరా గురించి కొత్త నిబంధన బోధించుదానిని తప్పుగా అర్థం చేసుకుంటారు, అందువల్ల దానిని ఒక భారంగా భావిస్తారు. కానీ బైబిల్ రచయితలు దాని గురించి ఎలా ఆలోచించారు. ఒక వ్యక్తి దానిని తప్పుగా అర్థం చేసుకుని, దానిని గైకొనుట ద్వారా పరలోకాన్ని సంపాదించడానికి ప్రయత్నిస్తే, అది తోరా భారంగా మారే ఏకైక మార్గంగా ఉంటుంది. గలతీయుల పత్రికలో పౌలు ప్రస్తావించిన అబద్ధ బోధకులు అదే నమ్మారు. ధర్మశాస్త్రం ప్రకారం మొదట సున్నతి చేయించుకుంటేనే అన్యజనులు రక్షింపబడతారని వారు బోధించారు. ఈ సమస్య అపొస్తులు 15లో కూడా ప్రస్తావించబడింది:

కొందరు యూదయనుండి వచ్చిమీరు మోషేనియమించిన ఆచారము చొప్పున సున్నతి పొందితేనే గాని రక్షణ పొందలేరని సహోదరులకు బోధించిరి. (అపొస్తలుల కార్యములు 15:1).

అపొస్తలులు క్రీస్తులో విశ్వాసం ద్వారా కృప ద్వారా మాత్రమే రక్షణ పొందవచ్చని బోధించారు, సున్నతి పొందడం ద్వారా కాదు:

ప్రభువైన యహూషువః కృపచేత మనము రక్షణ పొందుదుమని నమ్ముచున్నాము గదా? అలాగే వారును రక్షణ పొందుదురు అనెను. (అపొస్తలుల కార్యములు 15:11)

వాస్తవానికి, తోరాకు విధేయత చూపుట అనేది కేవలం క్రీస్తులో రూపాంతరం చెందిన జీవితం యొక్క ఫలితం. మనం రక్షింపబడటానికి తోరాను గైకొనము; మనం రక్షించబడ్డాము కాబట్టి మనము దానిని గైకొంటాము!

మన జీవితంలో తోరా యొక్క స్థానాన్ని మనం సరిగ్గా అర్థం చేసుకున్నప్పుడు, అది ఆశీర్వాదానికి మూలంగా ఉంటుంది. నిజానికి, బైబిల్‌లోని పొడవైన అధ్యాయం (కీర్తన 119) తోరాలో గల ఆనందాన్ని ప్రకటించడానికి అంకితం చేయబడింది. ఆ కీర్తనలో, రాజైన దావీదు విశ్వాసులందరికీ తోరా పట్ల ఉండవలసిన ప్రేమను వ్యక్తపరిచాడు.

ఉదాహరణకు: మన కాలంలో కుటుంబమంతా కలిసి రాత్రి భోజనం తీసుకుంటున్న కుటుంబాల శాతాన్ని‌ (అలా తినుట కనుమరుగై పోతున్న కుటుంబాలను) పరిగణనలోకి తీసుకున్నప్పుడు, తోరాను గైకొనుట ఎంత ఆశీర్వాదమో మనం చూడవచ్చు. తోరా వారానికి ఒకసారి షబ్బత్ (సబ్బాత్) నాడు కుటుంబాలను ఒకచోట చేర్చి వారిని ఆశీర్వదించడానికి ఉపయోగపడుతుంది. ప్రతి వారం సబ్బాత్‌ను పాటించాలని కట్టుబడి ఉన్న క్రైస్తవ కుటుంబాల నుండి లెక్కలేనన్ని సాక్ష్యాలను నేను విన్నాను, మరియు ప్రతి సందర్భంలో అది వారిని దగ్గర చేసింది మరియు విచ్ఛిన్నమైన సంబంధాలను కూడా పునరుద్ధరించింది.

ఇంకా, యహువః యొక్క ఆహారపు సరిహద్దుల నుండి వెలుపలికి వెళ్లడం వల్ల కలిగే తీవ్రమైన ఆరోగ్య ప్రమాదాలను వెల్లడిస్తూ ఆధునిక అధ్యయనాలు నిశ్చయాత్మకమైన సాక్ష్యాలను అందిస్తున్న విధానాన్ని బట్టి ఆధునిక విజ్ఞానం కూడా చివరకు యహువః వాక్యాన్ని చేరుకున్నట్లు చూస్తున్నాము. అపరిశుద్ధమైన చాలా జంతువులు పరాన్నజీవులను, వ్యాధులను కలిగి ఉంటూ విషపూరిత పదార్థాలను ఎక్కువ మోతాదులో కలిగి ఉన్నాయని నిరూపించబడింది. అందువల్ల, తోరా ఆరోగ్యకరమైన ఆహారం కోసం మంచి మార్గదర్శకాలను అందించడం ద్వారా మన ఆరోగ్యాన్ని దీవిస్తుంది.

తోరా యొక్క ఆశీర్వాదం ఎలా ఉంటుందో చెప్పడానికి ఇవి కేవలం రెండు ఉదాహరణలు మాత్రమే. ఆశీర్వాదమును మరియు శాపమును, జీవమును మరియు మరణమును మన ముందు ఉంచుతున్నట్లు మోషే చెప్పడంలో ఆశ్చర్యం లేదు (ద్వితీయోపదేశకాండము 30:19). యహువః వాక్యం చెప్పినట్లే, మనం తోరాను పాటించినప్పుడు మనం ఆశీర్వదించబడతాము.

మీ సంగతి ఏంటి?

ఈ చిన్న జాబితా మీరు ఆలోచించడానికి ఏదైనా ఇచ్చిందని నేను ఆశిస్తున్నాను! వారి విశ్వాసం యొక్క మూలాలకు తిరిగి వస్తున్న మరియు తోరాను పాటించటం ద్వారా కలిగే ఆశీర్వాదాలను అనుభవిస్తున్న, ప్రపంచవ్యాప్తంగా ఉన్న క్రైస్తవులతో చేరడానికి ప్రార్థనాపూర్వకంగా ఆలోచించండి.

ఇది డేవిడ్ విల్బర్ రాసిన వ్యాసం. WLC వ్యాసం కాదు.

మేము అసలు వ్యాసం నుండి సమస్త అన్య నామములను మరియు తండ్రి - కుమారుడు అనే శీర్షికలను తొలగించి, వాటి స్థానాన్ని అసలు నామములతో భర్తీ చేసాము. ఇంకా, ఇక్కడ ఇవ్వబడిన లేఖనాలలో తండ్రి మరియు కుమారుని నామములను బైబిల్ యొక్క మొదటి ప్రేరేపిత రచయితలచే వ్రాయబడిన విధంగా మేము పునరుద్ధరించాము. -డబ్ల్యుఎల్‌సి బృందం.