|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
|
Cipati citaanzi muli Jobu cizubulula Jobu, naakabuka cifumofumo bumwi buzuba kali umwi akataa bavwubi ba Kujwe, wakacaazya cinkwa maanza akucetaalila limwi kalitaninga sika kumabbililo aabuzuba oobo. Mafumofumo, wakacilaa ŋombe zili cuulu a mbongolo zili myaanda yosanwe: pele kusukila kumangolezya ngeenya aayo, kunyina lyo ancaakacijisi. Mafumofumo , wakalaa mbelele zili zyuulu zili ciloba a nkamela zili zyuulu zyotawe; kusikila mangolezya aayo, zyakajayigwa nokuba kubbigwa. Mafumofumo, wakalaa bana basankwa bali ciloba abana basimbi botatwe; kaataninga sika mangolezya aayo, taakacijisi naba mwana omwe. Mafumofumo, wakalaa balanda banjaanji; kaataninga sika mangolezya aayo, wakasyeezye buyo bone – boonse kabamuletela makani aamawuse aa lunyonyooko lwakasikila buvwubi bwakwe.
Koyezyeezya kuti nooli mucibaka ca Jobu, omucaangu. Mbubuti mbonga waingula manyongwe aayo? Ino kuti zambangulwe lya meenda, mulilo, kapepele, nokuba cilengwa leza cimwi ca lunyonyooko catumwa aa Yahuwah cakusiya wacetaala a kubula mwana kotaninga zyokela ku maanda aako kuzwa ku cikombelo ndeenya sunu?
Cipati ca Jobu cilaa bwiinguzi bwa bwakwe ku penzi lilemu eeli. Kutaanguna, walo wakagwitila kubaa buumba mucamba. Mu kampango 20 tubala kuti: “ Elyo Jobu wakanyamuka, wazapaula cikobela cakwe,” Eeyi yakali micito yakutondezya kuusa kwakwe. Bikkila maanu kuti tacili cibi kuusa eelyo Yahuwah natulekela kunjila mu masunko mu maumi eesu. Kuli ciindi ceelede ku cintu coonse – a ciindi ca koomoka! Eelyo makatazyo naatuboolela, swebo tatweelede kuyeeya kuti tatukonzyi kulila, naa kuti tweelede kuliyumyayumya nkaambo ka bantu bali mumbali lyesu. Jobu wakafwa buumba, aboobo aswebo tulakonzya. Mu kuusa kwesu, tulakonzya koomoka. Pele tatukonzyi kutamikizya Yahuwah cabweeleenzi!
Cabili, Jobu wakaingula isunko lyakwe kwiinda mukutembaula Yahuwah. Swebo tubala kuti mu kampango 20, naakayaulula cikobela cakwe akukunta masusu woonse amutwe wakwe, “wakalinyoola akuwida ansi kakomba cakulibombya.” Ootu twaambo tutondezya mbwaakayimvwi a ciimo ca muya wakwe naakali kutembaula. Wavwuntama busyu bwakwe ansi, eeco ciimo citondezya kulitolaansi kwa muntu uulibwene mbwatakwe lugwasyo alimwi akuyaamina luzutu ali Yahuwah
Catatu, Jobu wakalyeempa zinyonyoono mu kampango 21: “Ndakazwa mwida lyabaama ndili acinswe, ndilajokela mumo nkendi ecinswe. Yahuwah wakapa, Yahuwah wandinyanga-kalumbwa Yahuwah.” Kwiinda mu majwi aaya. Jobu utondezya kuti ulasata kakkazyikide camba. Kapati kuzwa mukulyeempa kwa Jobu, tweelede kubweza ciiyo. Atuzubulule kuya kumbele kutegwa tuceendelanye ku mapenzi eesu tobeni notuli mumakondo.
-
KUZUMINA NGUZU ZYA BULEMU BWA YAHUWAH
Kulyeempa kwinikwini kwa Jobu nkwakuti: “Yahuwah wakapa, alimwi Yahuwah wandinyanga.” Jobu ulazumina kuti eeco camucitikila, mulimo ookwa Yahuwah, uutondezya nguzu zya bulemu bwa Yahuwah.
Kukulyeempa ooku, swebo tweelede kwiingula kwiinda mukwaamba kuti, “Peepe, Jobu, yebo walubila, ooyu tuuli maningi mulimo ookwa Yahuwah mbuli mbowuli mulimo wa Saatani.”
Ncobeni, eeco caandaano cizubulula mulimo wa Saatani mu kupenzyegwa kwa Jobu. Twiiya kuti bumwi buzuba bana ba Yahuwah, kwaamba bangele, bakaboola kunembo lya Yahuwah kujulu. Bakabunganina kukomba Yahuwah akutambula milawo kuzwa kuli Nguwe, eeyo njibakeelede kuzuzika. Nokuba boobo, antoomwe abangele baluleme, Saatani awalo wakalitola kuti akaakulibonye kujulu. Kalutaninga sika lufu lwa Kristu, Saatani wakali kuzumizyigwa kusika munsaa mpobubede bulemu bwa Yahuwah.
Yahuwah wakamubona Saatani akumujuzya. Lino kazyi kuti makanze ookwa Saatani akali aakunyonyoona bulelo bwa Yahuwah, akoolawula milimo yokwa Yahuwah yoonse, akulibikka lwakwe kubee nguula nguzu zya masimpe mumulengalenga, Yahuwah wakabuzya Saatani, “Elyo Yahuwah wakati kuli-Saatani, Sena wakabona kuti taakwe muntu munyika uuli mbuli muntu wangu Jobu, muntu uutakwe mulandu, uululeme, uulemeka Leza akuyoowa cibi?” (Kampango 8). Kwakali kubaanga Yahuwah wakali kubuzya Saatani kuti, “Ikuti yebo kosyoma ncobeni kuti inga wavwuntamuna bulelo bwangu, Saatani, hena wamubona kuti Jobu muntu uusyomeka munyenzi mubulelo bwangu uusyomeka na?”
Mukwiingula, Saatani wakazumina kuti wakaalilwa kuzyola Jobu kuti aleke kusyoma Yahuwah. Nkaambo Yahuwah wakapede Jobu buvwubi bunji kapati, Saatani wakakazya kuti Jobu inga taazumanana kusyomeka. Walo wakali kusendekezya ceeco cakali kupa kuti Jobu abaa luyando akuteelela, kataminina kuti, Jobu naakanyonena kufumbwa uumupa kuvwuba akukkala kaliibide.
Yahuwah wakaateelela masendekezya aayo. Ikuti Jobu naatakali kubelekela Yahuwah mu nguzu eezyo Yahuwah nzyaakamupa mbuli mwanaakwe wakazyalululwa nkaambo buyo kakuti Yahuwah wakamupa buvwubi akumukkomanisya, nkokuti Jobu taakali mwana uusyomeka bwinibwini nokuba munyenzi bwinibwini. Aboobo, Yahuwah wakeelede kutondezya kuli Saatani kuti kusendekezya kwa Saatani kwakalilubide. Mbwaanga Saatani wakali kuzumbauzya kuti Jobu wakali kubelekela Yahuwah nkaambo biyo kakuti Yahuwah wakapa Jobu buvwubi, Yahuwah wakazumizya Saatani kuti amunyange zyoonse nzyaakajisi.
Mumaanu amwi, nkokuti, isunko lya Jobu wakali mulimo wa Saatani. Wakali muzeezo wa Saatani kuti Jobu apenzyegwe mbuli mbwaakapenga. Alimwi wakali mulimo wa Satani nkaambo walo nguwakapegwa nguzu zya kuzwidilizya cintu eeco – nokuba kuti keendelezyegwa aa nguzu zya Yahuwah. Aboobo swebo inga twaamba kuti Jobu, yebo walubila! Yebo ulilubide mukwaamba kuti Yahuwah ngu wakakupa, alimwi Yahuwah nguwakunyanga! Alimwi inga twaamba akuti, eelyo masunko naatusikila swebo: Yahuwah tali nguwe wakaatumina pe!
Pele inga katunoolubide aswebo. Jobu uliluleme. Jobu uzumina kuti Yahuwah mubwinibwini nguuli kumbele kupa kuti zyoonse zitole busena eezyo zyaacitika. Walo tayelede akumvwisyisya kuti mbubuti alimwi nkaambo nzi ncapezyegwa kuti azumine kaambo aaka. Walo taakeelede akuzyiba mubandi wa Yahuwah a Saatani kujulu. Walo uyandika buyo kumvwisyisya kuti Yahuwah alikke nguulela alimwi nguukonzya kuzwidilizya zyoonse nzyaakakanza kucita mu busongo Bwakwe! Nkaambo kunyina citusikila pele buyo eeco Yahuwah ncazumizya akututumina, ntoonse swebo a Jobu tulazumina nguzu zya bweendelezi bwa Yahuwah: “Yahuwah wakandipa, alimwi Yahuwah wandinyanga.”
Ambweni cibeela citaanzi ca kulyeempa kwa Jobu cilaboola munzila ngubauba kuli ndiswe: “Yahuwah wakandipa.” Zimwi ziindi, tulawuntuluzya kasimpe aaka kakuti: zintu zyoonse zizwa kuli Yahuwah, pele kanjaanji tulalisumpula kuti tulaa nguzu zya kulijanina buvwubi, kuyaka maanda, akukomezya bana besu. Nokuba boobo, Yahuwah ulainduluka kutwiibalusya kuti koonse kukutauka kwesu kwa mubili amu muuya tukucitila kwiinda mu nguzu zyokwa Yahuwah. Bana besu nzipego zizwa kuli Yahuwah, alimwi zintu zyesu zyoonse nzileleko zizwa kuli Nguwe. Nokuba kuti tulakonzya kulijanina zintu kwiinda mu kubeleka canguzu, eezyo nguzu zyakucita boobo azileleko nzyotupedwa kukakatila kwesu, zyizyila kuli Yahuwah. Yahuwah nguupa zintu zyoonse.
Eeci cilembedwe lino aawa ciyiisya kuti eeco cintu icili masimpe casika ku kwaabila, nkokuti lyoonse cili masimpe casika akukunyanga. “Yahuwah wandinyanga.” Yahuwah ulapa bantu Bakwe kweendelanya ku makanze a busongo Bwakwe, akutondezya nguzu Zyakwe aluyando. Eelyo Walo natola bayandwa besu nokuba zintu zyesu, eeco cileendelana a makanze aakwe abusongo Bwakwe; cilatondezya a nguzu zya bweeendelezi Bwakwe akutondezya luyando Lwakwe ku bantu Bakwe muli Messiah.
Utaambi kuti, omuyandwa, Yahuwah wakapa alimwi Saatani wandinyanga! Yahuwah wakakanzide kuti Ime ndisunge zintu zyangu abayandwa bangu, pele kuli nguzu zipati kwiinda zyokwa Yahuwah zyakandinyanga zintu zyangu ambabo! Kunze lyaboobo, kolyeempa nguzu zya bweendelezi zyokwa Yahuwah! Walo alikke ngo Leza! Walo ulakonzya kucita kufumbwa mbocimubotela! Alimwi Walo ulakonzya ulakonzya kubeleka kwiinda muzintu zyoonse kuti alete bulemu ku zina Lyakwe!
Pele ino nkaambo nzi Walo ncabatola? Nkaambo nzi ncatunyanga cintu ncotuyandisya? Ucitila boobu mu luyando Lwakwe!
- KUSYOMA MU LUYANDO LWA YAHUWAH
Jobu wakasyoma mu luyando lwa Yahuwah lusyomeka. Walo wakalimvwisyide kuti makatazyo aayo akatuminwa aa Yahuwah mu luyando.
Saatani wakasoleka mu ciindi ca makatazyo eeco kupindaula Jobu kuti asyome kuti Yahuwah wakali kumucimwa. Walo wakataanguna kucita eeci kwiinda mukutumina manyongwe aaya mubuzuba butaanzi bwa mvwiki. Swebo inga twayeeyela kuti bwakali buzuba butaanzi bwa mvwiki nkaambo twaambilwa kuti bana ba Jobu bakali kupobola muŋanda ya mweeninyina mupati wabo akuti omwe omwe wa beeninyina wakali kuyoocita pobwe eelyo muvwiki yomweyomwe. Aaya mapobwe akali kutobelezya bweende bwa mvwiki, alimwi aboobo eeyi mvwiki yakali ku matalikilo. Lino, kumamanino aa kuzinguluka kwa mvwiki, twaambilwa kuti Jobu wakatuuzya cipaililo ca bana bakwe boonse. Kunooli mangolezya akaainda nokuba cifumofumo ca buzuba oobo Jobu naakasunkwa manyongwe aakwe, walo wakatuuzyide kale cituuzyo ca kuumpa acituuzyo ca cinyonyoono, wakali citide kufumbwa ciyandika kuti abedwe aa lweengelelo, akukkazyika camba kazwide kusyomezyegwa luyando lwa Yahuwah akubedwaa lweengelelo abana bakwe. Saatani wakabelesya bweende bwa zintu eezi mukukakatila kusungilizya Jobu kuti adonaike luyando lwa Yahuwah. Mbweenya buyo kuti yebo nokuba ndime notumvwa mulumbe uutontozya moyo, twalya a tebule lyokwa Yahuwah, akulimvwa bupya mu kulekelelwa zinyonyoono zyesu, mpoonya tucizyokela kumaanda twaakujana malweza mapati ngaayo atungana mulongo asika amunzi ali ndiswe – Saatani kalutide kubuzyabuzya ndiswe kuti, nduyando lwamusyobo nzi oolu?
Cabili, bikkila maanu kuti eelyo makkamela, basune, a mbongolo nizyakabbigwa, mbelele zyakanyonyoonwa munzila yaandene – zyakapya mulilo ookwa Yahuwah ooyo wakaloka kuzwa kujulu akuzisyukuta. Eezi mbelele zyakali banyama aabo Jobu mbaakali kubelesya lyoonse mu kuumpa zituuzyo kuli Yahuwah. Aboobo, Yahuwah wakazinyonyoona mumucito wa kubeteka ca bululami! Koibaluka kuti, eelyo mulilo nuusika kuzwa kujulu mu Mangwalo, ciiminina lubeta lwa Yahuwah. Koyeeya Yahuwah mbwaakalosya mulilo a sulufa muminzi ya Sodoma a Gomorrah. Komvwisya kuti Yahuwah ulatumina mulilo kuzwa kujulu mubuzuba bwa lubeta kutegwa amwayaule nyika eeyi a busofwaazi bwayo. Lino, Saatani uyanda kubuzya Jobu kuti, “Nkaambo nzi Yahuwah ncandibeteka kwiinda mukunduumpila mbelele zyangu? Hena zilamucima zituuzyo zyangu na?”
Mucibeela catatu, boonse bana ba Jobu bakanyonyoonwa. Jobu wakalizyi makanaa cizuminano. Nokuba kuti Jobu taakali kunga wacimvwisyisya bwinibwini kusalalilwa mbuli ndiswe, walo wakaibaluka kuti cizuminano cokwa Yahuwah cilazumanana mu misela yoonse. Aciindi eeci, Jobu kunooli wakalaa muzeezo wakuti, “Yahuwah tajisi cizuminano kuli ndime. Walo wacizimaanya buyo.” Munzila nzyeenya, Saatani ucengamika mizeezo yesu ku makatazyo aayo Yahuwah ngazumizya mu maumi eesu akusola kutuyeezya kuti Yahuwah ulatucimwa.
Kusikila antaamu imwi, Jobu wakalimvwisyide luyando lusyomeka lwa Yahuwah. Kwiinda mukubelesya zina lyokwa Yahuwah, Jobu wakatondezya kuti makatazyo aakwe akazyilide kuli Leza wakwe mwini, Leza uuli alikke. Aaya makatazyo taakazyilide ku baleza baba Kasidi nokuba mituni yaba Seba; akazyila kuli Yahuwah, ngweenya ooyo Leza mwini wakali kuyandisya Jobu! Kuyungizya waawo, kwiinda mukoompolola zina lya Yahuwah, Jobu wakatondezya kuti walo wakaibaluka luyando lwa Yahuwah. Mukaambo kaako, mulimo ookwa Yahuwah mukutumina manyongwe uliimpene kulaale ku mulimo wa Saatani mu manyongwe aayo. Ncintu ciyandika kwiibaluka kuti masunko a manyongwe ncintu cikonzyene, alaboola munzila zikonzyene. Nokuba boobo, Saatani upelengusya masunko aayo kuti adyakaizye lweengelelo lwa Yahuwah kuli ndiswe akusungilizya kuti tucimwe. Mukwiimpanya, Yahuwah ubelesya ziindi nzyeenya eezyo amanyongwe aayo kuti ayumyeyumye lusyomo lwesu akwiima katusimpidwe nji mu luyando Lwakwe kuli ndiswe.
Aayo mapenzi Yahuwah ngatumina bantu Bakwe lyoonse, aboolela mu luyando Lwakwe. Walo kunyina cimbi ncayandila kutumina makatazyo aayo. Kwiinda mu masunko aaya, Walo utubambila busena bwesu mu bulemu Bwakwe! Masunko amanyongwe, aboobo, aboolela buyo bana ba Yahuwah – ncipego ca lweengelelo ku babisyi mbuli ndiswe, eeco cakali kuyandika lufu lwa Messiah aciciingano kuti cipegwe kuli ndiswe.
Ooko nkokuteelela kwa Jobu awalo. Kunyina nokuceya mu cibalo mpokulembedwe kuti Jobu wakayeeyela kuti lino Yahuwah wakali mucimidwe, nanka kuti Yahuwah wakamudukwida syule, naa kuti luyando lwa Yahuwah muziindi zyakainda lwakali lwa kucengeezya buyo, pe. Mubwini, ikuti Jobu naakali kuyeeyela kuti lino Yahuwah wakali mucimidwe, walo naakali kutamikizya Yahuwah cabufubafuba! Pele taakacita boobo pe. Mukwaamba kuti, “Yahuwah wakapa, alimwi Yahuwah wandinyanga,” Jobu wakali kuyanda kwaamba kuti, “Yahuwah wacita eeci mu luyando Lwakwe. Walo ucindiyanda ime!”
Kulyeempa kwesu kweelede kuba mbweenya mu masunko eesu. Yahuwah tacinci. Walo wakatondezya kale luyando Lwakwe mu cikombelo Cakwe kwiinda mukutumina Messiah kuzyoofwa aciciingano. Yahuwah kunyina nanga wacimwa cikombelo! Walo wakatondezya aluyando Lwakwe kuli omwe-omwe wa bana Bakwe kwiinda mukubeleka bubotu bwa lufutuko mu myoyo yesu kwiinda mu Muuya wa Kristu. Kunyina pe Yahuwah nanga wacimwa ndiswe! Kufumbwa ncatutumina ucitumina mu luyando Lwakwe. Walo ulatumina naaba manyongwe aapenzyensya ca kweetezya mu luyando. Mu luyando, Walo ulalulamika, ulatoolola, ulatusalazya, alimwi ulatusetekanya, mbweenya mbuli golide mbwiisalazyigwa mu mulilo. Pele lyoonse, muu luyando.
Hena yebo inga wasyoma cintu eeco na? Inga walyeempa oobo kuti wasika amunzi wako kuzwa ku cikombelo wajana zintu zyako zyabbigwa abayandwa bako balifwide? Kwiinda mu nguzu zya Kristu a luzyibo lwa masimpe lwa Yahuwah, tulakonzya! Aboobo kucita boobu, swebo tweelede kusyoma amu busongo bupati bwa Yahuwah.
- KUSYOMA BUSONGO A BUPATI BWA YAHUWAH
Busongo bwa Yahuwah nkukonzya Kwakwe kweendelezya kufumbwa citola busena eeco cigozya makanze Aakwe. Makanze Aakwe, mbuli mbotwaazyi, mbulemu bwa zina Lyakwe mu lufutuko lwa cikombelo Cakwe. Eelyo Yahuwah natumina makondo mu maumi eesu, comwe akataa zintu zyobile cili masimpe: kunooli Yahuwah wakalubila lyo makanze Aakwe, akutubikka mu ntenda, NAA zyoonse zitucitikila mubuumi bwesu, kusanganya a manyongwe aatucisa, zibelekela makanze aayo. Ncili ncoyeeyela kuti ncencico, omuyandwa? Hena Yahuwah inga wabikka mu ntenda makanze Aakwe mwini na? Kutali Leza wesu; Walo ngu Leza wa busongo.
Cibalo cesu cilatondezya munzila zyobile kuti Jobu wakasyoma muli Yahuwah kuti ngu Leza wa busongo. Kutaanguna, tubala kuti, “ Mulizyoonse ezi Jobu takwaakabija, takwaakakolomena Yahuwah.” Mubwini: “taakatamikizya Yahuwah ca bufubafuba.” Eeci ciiminina kuti Jobu taakaamba Yahuwah kuti, “Mufubafuba.” Walo taakatamikizya bufubafuba kuli Yahuwah pe. Mbwaanga Muuya ukwelela maanu eesu mu cibalo kuli ceeco Jobu NCAATAKACITA, nkabela swebo mpeenya aawo tuyeeyela kuti ino WAKACITA nzi – wakazyiba busongo bwa Yahuwah.
Cabili, kutondezya kuti Jobu wakasyoma mu busongo bwa Yahuwah tubala kuti: “Ndakazwa mwida lyabaama ndili acinswe, ndilajokela mumo nkendi ecinswe.” Aawa, ibbala lyakuti ” mumo ” liiminina “mubusena mbweenya alimwi.” Inzya ncobeni, Jobu taambi kuti walo uyoojokela mwida lya banyina; pele, walo wiiminina kuti uyoojokela mu bulongo bwaansi. Mumizeezo yakwe Jobu kwakali majwi ookwa Yahuwah aakaambila Adamu kuti: “nkaambo uli bulongo buyo, akooko kubulongo nkoelede kupiluka.”
Kwiinda mu majwi aaya – “Ndakazwa mwida lyabaama ndili acinswe, ndilajokela mumo nkendi ecinswe” – Jobu wakatondezya mbwaakalimvwide kubula bulemu kujatikizya buvwubi mbwaakajisi aciindi cimwi. Walo wakanjila munyika katakwe nociba comwe alimwi kunyina ncaakali kunga wavwola kuzwa kuli Yahuwah. Boonse bana ba Jobu a buvwubi bwakwe zyakali zyokwa Yahuwah. Lino Yahuwah wakazitola mu bweendelezi bwa bulemu Bwakwe.
Pele mu majwi aaya, Jobu wakazyibya busongo bwa Yahuwah. “Ndakazwa ndili ecinswe,” mbwaamba. Walo wakaboola kalaa mutundulu kuzyoobelekela Yahuwah, kutali lwakwe mwini! Nkaambo walo wakaboolela kunyonena Yahuwah, walo taakali kuyandika kuzyalwa kalaa buvwubi. Yahuwah wakamupa Jobu abuzuba zintu nzyaakali kuyandika kubaa zyo mu mulimo wakwe. Alimwi aciindi ca lufu lwakwe, walo taakali kuyandika kubaa zintu. Aboobo, Jobu wakazyiba kuti Yahuwah naakamugwisyila zintu nzyaakajisi, wakali kumubambila buzuba bwa lufu lwakwe. Swebo tatweelede kukosozya kuti Jobu wakasyoma kuti buzuba bwa kufwa kwakwe bwaswena pe. Walo wakazumanana kupona kazyi buzuba oobo alimwi wakalanganya Yahuwah naakatola zintu zyakwe mu mumuni wa kuteelela ooko.
Hena swebo tulabubona busongo bwa Yahuwah mu makatazyo eesu na? Mbubuti mbocituubaubila kuyandisya kutamikizya Yahuwah ca bufubafuba! Swebo twaamba kuti, “Nkaambo nzi Yahuwah ncaandilekelezya boobu? Makanze aangu woonse apoila. Ime nsyemvwisyide Walo mbwayanda kuti ndimubelekele ciindi cino.” Ciimo cesu cisendekezya kuti Yahuwah taatucitila kabotu. Nokuba boobo, Jobu utuyiisya kuzyiba busongo bwa Yahuwah. Kufumbwa citucitikila cilacitika amakanze aa lufu lwesu, kupegwa bulemu, a bulemu bwa Yahuwah!
Hena yebo inga wazyiba busongo bwa Yahuwah? Hena yebo wamvwa ciyubunuzyo ca busongo Bwakwe bwa kuvwuna bantu Bakwe kwiinda muli Kristu? Nkabela, yebo ulazyiba akuti zyoonse zicitika zilatucitikila mu luyando oolo lutondezya busongo bwa Yahuwah.
Eelyo notulangana aa makatazyo, ikuti twalyeempa akuzumina nguzu, luyando, abusongo bwa Yahuwah, swebo tulilibambide kwaambilizya ceeco Jobu ncaakatobela kwaamba waawo: “Kalumbwa Yahuwah.”
- KUYANDISYA ZINA LYA YAHUWAH UULELEKEDWE
Yahuwah lyoonse uleleka zina Lyakwe kwiinda mukubona kuti bantu bamuyanda, bamulemekezya, akumunyonena. Kuyandisya kwa Jobu, mbuli mbokwaambidwe mu cibalo, kwakapa kuti Jobu abalanda bakwe bone bakaimvwi munsi lyakwe- aabo bakali bakamboni bakalibonena ntongola meso manyongwe mapati aali boobo- kakwiina kwiindilizya kwaamba ceeci: “Kalumbwa Yahuwah!” mu milimo Yakwe yoonse a munzila Zyakwe!
Nobayandwa, mwaalumi uuli woonse, mwanakazi, amwana uumvwa makanaa manyongwe aaya aambe kuti sunu, “Alilelekwe zina lya Yahuwah!” Aayandwe Leza ooyu! Kofugama amagondo aako ansi akumukomba Walo! Alimwi eelyo manyongwe aali boobu naasikila nduwe, koimba kapati nyimbo ya bupati Bwakwe! Koambila bamwi kuti baboole bakuumbulizye kuti, “Ime nsyekwe kubuzya makanze Aakwe nokuba myeendelo Yakwe; Ime ndapa biyo bulemu boonse kuli Nguwe.”
Mukulyeempa koonse ooku, kapati mukuyandisya Kwakwe kuti zina lya Yahuwah lilelekwe, Jobu wakatondezya luzyalo lwa Yahuwah lubambilila bantu Bakwe lyoonse. Aawa, tulabona kuti Yahuwah wakatabula makanze ookwa Saatani. Saatani wakati, “uzookusinga kubusyu bwako!” (kampango 11). Walo wakapelengusya kulengelezya manyongwe aakacitikila Jobu mukuyanda buyo kuti asungilizye Jobu kudonaika nguzu, luyando, abusongo bwa Yahuwah, aboobo akumusungilizya kuti asampaule Yahuwah. Nokuba boobo, kulaale kuzwa kukutukana Yahuwah, Jobu wakaambilizya kuti, “Kalumbwa Yahuwah!”
Nkooku kuumbulizyigwa mu masunko eesu. Hena yebo ulayeeya, kacitaninga citika, mbonga waleleka zina lya Yahuwah mu masunko aaciyookucitikila kumbelaa ciindi? Koyaamina muli Yahuwah – Luzyalo Lwakwe lulatupa nguzu zya kucita boobo! Hena yebo wakaleleka kale zina lya Yahuwah mumasunko aakainda kale? Lweengelelo Lwakwe lwakapegwa bulemu. Kubedwaa lweengelelo oolo, swebo tweelede kuzumina nguzu Zyakwe zya bweendelezi, luyando lusyomeka, a busongo bupati. Kwiinda mu nguzu, luyando a busongo Bwakwe, Walo ulavwuna akutugwasya kuleleka zina Lyakwe! Muziindi zya kusunkwa, bana ba Yahuwah zimwi ziindi inga batamikizya Nguwe bufubafuba. Mpoonya Walo, ulayubununa nguzu, busongo, a luyando kwiinda mukusolweda bana Bakwe ku kweempwa akubaa buumba masimpe nkaambo ka zinyonyoono zyabo, akulitondezya kuti eeco Walo ncaakacita wakacicitila bubotu bwesu.
Nkaambo Yahuwah ulazwidilila! Mu nkondo akataa Yahuwah a Saatani, Yahuwah nguyoojana kuzunda! Swebo tulakonzya kulimvwa akulitondezya kukoma mu mapenzi eesu kwiinda mukuleleka zina lya Yahuwah! Eelyo swebo notuzyiba luyando lwa Yahuwah kuli ndiswe muli Messiah akupailila lweengelelo kuti tulemekezye Yahuwah mumasunko eesu, Walo uyootupa kuti tukonzye kwaamba antoomwe a Jobu kuti, “Alilelekwe zina lya Yahuwah.” Akube boobo.
Eeci ncibalo citali ca-WLC ca Mufundisi. Doug Kuiper.
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
| Twakajokolosya abusena bwa WLC, mu Mangwalo aayindulukide kwaambwa mazina aa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Kotyanka aawa kuti utambule Mangwalo aa Restored Names Version (RNV) aa Mangwalo. IBbaibbele lya RNV talili cibelesyo ca-WLC. – Nkamu ya WLC |
“Eelyo bantu bangu baambwa muzina lyangu, na balibombya akupaila akuyandaula busyu bwangu akuleka inzila zyabo zyakubisya, mebo njooswiilila kujulu nkumbede, njoobalekelela milandu yabo, akuponya nyika yabo. 15Meso aangu alalanga, aalo matwi aangu alaswiilila, cikombyo cikombwa kubusena obuno.” 2 Makani 7:14, 15.
Kamwi kasimpe ka buumi bwa moza nkakuti Yahuwah ulateelela akwiingila/mipailo. IBbaibbele lizwide bumboni bwa baabo bakaingulwa mipailo yabo, alimwi kufumbwa mwanaa Yahuwah uusyomeka masimpe, ulakonzya kusanganya bumboni mu bweende bwakwe mwini.
Mupailo uswaanganya muntu antoomwe a Yahuwah. Ubamba cintu cakuswaanganya kubula nguzu kwa buntu ku bu singuzyoonse bwa Yahuwah. Kwiinda mukubula nguzu bantu balayumayuma. Langa mu BaHebulayo 11:34.
Bubotu bwa Mupailo
1. Ino kupaila ninzi?
Wakati kuli mbabo, Mwakomba amwaambe kuti, Taateesu, Luuka 11:2. Nkaambo oyo wesu tali Mupaizi Mupati uutakonzya kutweetelela mukulengauka kwesu, pele ngonguwe oyo uwakasunkwa mbubonya mbuli ndiswe, nekuboobo taakwe naakacita cibi BaHebulayo 4:15-16.
Alimwi mbwaanga Yahushua mulongwenyina aa babisyi, Walo utamba baabo bainda boonse kusofwaala kuti baboole kuli Yahuwah kwiinda muli Nguwe.
Bwiinguzi:
A. Nkulilauka kwa muuya wa muntu uupengede.
Mupailo nkulila kwa muya uulaa ncabulide, pele cilainda awaawo.
Ndifwida luzyalo, O Yahuwah, nkaambo ndi mumapenzi; Meso aangu aubila kumapenzi, Amoyo wangu amubili wangu woonse. Intembauzyo 31:9.
Leza macijilo esu anguzu zyesu, Mugwasyi loko mumapenzi. Intembauzyo 46:1.
B. Nkukopolweda Yahuwah moyo wako.
Mupailo wa bwinibwini nkulongolweda Yahuwah zintu zili moyo wako mbuli ku mweenzyinyoko. Ooko takuli buyo kulombelela zintu pe. Takuli kukanana biyo mucibaka ca muntu nokuba mucibaka ca Yahuwah pe. Nkubandika umwi awumwi, alimwi akwiindilizya waawo. Kulakonzya akuba musalo wakuumunizya ziindi zimwi-kumvwa biyo bulemu Busetekene bujanwa waawo mpabede.
Amuleke, muzibe kuti ndime Leza, (Intembauzyo 46:10).
Yahuwah utwaambila kuti katumwiita kuti Taata; aboobo swebo tulakonzya kuboola katuliibide kuli Nguwe amapenzi eesu akusekelela kwesu.
2. Ncinzi citali mupailo?
Bwiinguzi: Mupailo takuli kucita cintu kutegwa Yahuwah akweengelele pe. Yahushua wakati: ulawisizya boonse imvula yakwe, baluleme abataluleme.“ Mateyo 5:45.
Ikuti mupailo niwali kunga watujanya kufumbwa ncotuyanda, swebo naanga nitwatali kupailila kusetekana mbuli mbotunga twapailila zintu zya kulikkomanisya kwaciindi cisyoonto eezyo zitakonzyi kubelesyegwa kupa bulemu kuli Yahuwah.
Mupailo takuli kulipakamisa akulisumpula pe (Mateyo 6:1-8). Mupailo nkuyooma antoomwe a Yahuwah, alimwi muya wa muntu ulakonzya kupaila kufumbwa ciindi alimwi kufumbwa busena eelyo muya wakwe nuulungumene kutozya ku Mulengi wakwe.
3. Nkaambo nzi ncotupailila?
Mibuzyo yone ilatugwasya kujana bwiinguzi:
A.Hena nkuzyibya Yahuwah makani?
O Yahuwah, ulandilingula, ulindizi. 2 Ulizi kukala kwangu akubuka kwangu, Ulibwene miyeeyo yangu noli kule. 3 Kweenda kwangu akoona kwangu, zyoonse ulazilingula. Ulizi inzila zyangu zyoonse. 4 Nkaambo taakwe ijwi lyalulimi lwangu. Ndotezi loko, O Yahuwah. Intembauzyo 139:1-4.
Nkaambo Usowanu ulizi zintu nzimubula kamutana kumubuzya. (Mateyo 6:8). Kobikkila maanu akubaa mulemeko eelyo nokanana aa Yahuwah, nkabela mipailo yako iyoomvwugwa.
B. Hena nkupailila kuti Yahuwah azumine kutugwasya na?
Nywebo, nobabi, mbomuzi kupa bana banu zintu zibotu, Usowanu uuli kujulu sena takooindilila kubapa Muuya Uusalala abakumbila kulinguwe? Luuka 11:13.
Kupaila nkujatisya mu kuyanda kwa Yahuwah: Kupaila takusungulizyi Nguwe kuti ayande kugwasya, nkaambo Walo lyoonse uliyandide kale kutugwasya.
C. Hena nkupailila kuti Yahuwah acince na?
Ndime Yahuwah, nsisanduki pe. Malakayi 3:6.
Kuli-Wisi wamimuni, uutasanduki, uutajisi (Jakobo 1:17). Zisyomyo zyokwa Yahuwah zilaa milawo; aboobo bwiinguzi buliindene. Pele Yahuwah tacinci pe (BaHebulayo 13:8). Amuboole,. tubuzyanye makani, (Izaya 1:18).
D. Hena kupaila nkwa kucinca ndiswe na?
Kupaila ne nguzu ziinda zyoonse zitanabelesyedwe mu mulengalenga kucinca ceeco ciyandika kapati kucincwa- bantu. Tupailila kuti tukonzye kutambula Nguwe. Mupailo tuuleti Yahuwah ansi aano mpotubede, pele wiimpula ndiswe kuya nkwabede Walo. Bala bweende bwa Paulu mubbuku lya Milimo 9: 10-18.
Nkuyandisya kwa Yahuwah Kutwiingula
4. Mbubuti Yahushua mbwaakatondezya kuyandisya kwa Taata wakujulu kutupa ncotubulide eelyo notukumbila?
Nywebo, nobabi, mbomuzi kupa bana banu zintu zibotu, Usowanu uuli kujulu sena takooindilila kubapa Muuya Uusalala abakumbila kulinguwe? Luuka 11:13.
Bwiinguzi: Kunyina muntu uula moyo wa wisi uukonzya kudukwida mwanaakwe uufwide nzala namukumbila cakulya. Hena inga wamusyomya cakulya cibotu cikkutya mpoonya wamupa bbwe kuti alye na?
Inguzu zya Mupailo
5. Mbubuti Yahushua mbwaakatondezya inguzu ziteeli eezyo kufumbwa sikwiiya uusyoma nzyanga watambula mukwiingulwa mupailo wakwe?
“Ncobeni ndamwaambila kuti, mwaba alusyomo lwakutadoneeka, teensi eci camukuyu luzutu ncimuyookonzya, pele nikuba kuti mwaambila cilundu eci kuti, Zyuka awa akuwaalwa mulwizi, ciyoocitwa mbubonya. 22Alimwi zintu zyoonse nzimukumbila mukukomba kwanu, nimwasyoma muyoozipegwa.” Mateyo 21:21, 22.
6.Ncibeela nzi cesu mukugwasyilila kuti mipailo yesu yiingulwe?
Bwiinguzi: Bala kaano ka Mufalisi a simutelo mu Tempele (Luuka 18:10-14). Lino koya ubikkile maanu ku twaambo tuli lusele ootu:
- Koibaluka mbobulide Yahuwah yebo.
Njootila maanzi aliyooyo uufwa nyota. Izaya 44:3.
Bali acoolwe abo bafwa inzala yabululami anyota yambubo, nkaambo bazookuta. Mateyo 5:6.
B. Koibaluka Yahuwah mbwali mugwasyi wako uutakonzyi kucincauzyigwa.
Ndime cisiko, nywebo muli mitabi. Uukalilila mulindime, amebo mulinguwe, walo ulazyala micelo minjiminji, nkaambo mwaanzaana amebo tamukonzya kucita cintu. Johane 15:5.
Langa amuli: Jakobo 1:17; Izaya 50: 10-11
C. Kopaila kolaa Lusyomo.
Pele na nkwali akati kanu uubula busongo, akumbile kuli-Yahuwah, uubaabila boonse cabuuya acakutatongauka, nkabela ulabupegwa. 6Pele akumbile cakusyoma, atalimbululi akaniini, nkaambo uulimbulula ulikozyene amankwisita aalwizi aaululuka akutontwa amuuwo. Jakobo 1:5-6.
Kokumbila kolaa lusyomo (BaHebulayo 11:6).
D. Kolilekelela akweempwa zibi zyako zyoonse.
Uusisa milandu yakwe takooyooba acoolwe pe, Pele oyo uulyaambawida akuleka ulafwidwa luzyalo. Tusimpi 28:13.
Nindakayubika bubi mumoyo wangu, Mwami naatamvwa. Langa Intembauzyo 66:18. (Langa amu Tusimpi 28:9.)
Kolyeempa akusiila lyo cibi. Swebo tatweelede kulindila kulimvwa kabotu. Tweelede kunyansamuka. (1 Samuele 12:19)S
Zibi nkokusotoka mulawo (1 Johane 3:4). Swebo tweelede kusulaika cibi, (eeco nkubula mulawo. Kuteelela kweelede kuba mulazyo wa maumi eesu. Ngo mucelo wa lusyomo. Lusyomo lutakwe milimo lulifwide (Jakobo 2:20).
E. Kopaila kweendelanya ku kuyanda kwa Yahuwah.
Eelyo wakaya kunembo buniini, wavundama abusyu bwakwe, wakomba, waamba wati, Taata, kuti kwakonzeka, kanywido aka kandiindilile. Nekubaboobo kutabi kuyanda kwangu pe, akube kuyanda kwako Mateyo 26:39. Langa (kampango 42).
Nkaambo kukomba mbutweelede tatucizi pe. (BaLoma 8:26).
Zimwi ziindi bwiinguzi mbwakuti Peepe, nakuba kuti Kutali ciindi cino; nkokwaamba kuti aakale. Komusyoma Yahuwah. Walo nguuzyi kabotu.
F. Komuzumanana Yahuwah.
Bala muli Luuka 18:1-8 -kaano ka mukamufu wakalaa luzumanana.
Kozumanana mu mupailo. Kozumanana kubaa ciimo ca kupaila. Eeci caambilizya kubaa lusyomo akubaa lusinizyo, mbeenya mbuli Elijah naakali kupalilila mvwula akutuma mulanda wakwe atalaa cilundu ziindinzili ciloba kuti abone naa yqkkazyika mvwula.
G. Kopaila muzina lya Yahushua.
Eno coonse icili buti ncomuti kakumbile muzina lyangu ndiyoocicita, kuti Taata akalumbaizigwe mu-Mwanaakwe. Johane 14: 13.
Kupaila muzina lya Yahushua nkupaila mu mizeezo amumuuya wa Yahushua kumwi katusyoma mu zisyomyo Zyakwe, akuyaamina mu lweengelelo Lwakwe, amulimo ngwabeleka.
H. Koteelela kumwi kokanana.
Langa muli Habakkuku 2:1.
Ku zyuli lyakupailila takuli kucikombelo mbuli mbokutali mukaanda kakulangilizyila zintu zilaanze. Kulindila Yahuwah kuti akanane mu mupailo zimwi ziindi mbobwiinguzi bulikke mbotubulide ku kutongooka kwesu
Milazyo yakutambula Bwiinguzi
7. Nkaambo nzi imwi mipailo nciitayingulwi?
Bwiinguzi: Kutegwa mipailo yesu yiingulwe, swebo tweelede kuligwisya zyoonse zisinkili!a nzila ya mipailo. Koyeeyela zintu zyone eezi:
A. Swebo tweelede kulekelela bamwi.
Nkaambo mwalekelela bantu milandu yabo, alakwe Usowanu uuli kujulu ulamulekelela anywe, 15 pele mwatalekelela bantu milandu yabo, alakwe Usowanu takooyoomulekelela milandu yanu pe. Mateyo 6:14-15 (Langa muli Mateyo 18:21-35.)
B. Swebo tweelede kupilila bamwi.
Yahuwah wakasandula buzike bwa Jobu, eelyo nakapailila balongwenyina. Jobu 42:10. (Langa muli Mateyo 5:44.)
Imuntu uupaila lyoonse kuti, O Mwami kondileleka, ooyo muntu takonzyi kuba mbuli Yahuwah mu ciimo cakwe. Swebo tweelede kutali biyo kubaa bulangizi bwa mukati, pele abwaantangalala. John Knox wakapaila kuti, “[Yahuwah], kondipa Scotland naa ndifwe.” Walo wakapailila basinkondonyina.
Ikuti swebo tiitwabapailila aabo batutundulula, inga twabasulaika ncobeni. Mupailo wamasimpe mucibaka cabo weelede kuba wamasimpe kuti tulemununwe lwesu.
C. Swebo tweelede kweempwa zibi zyesu kuli umwi awumwi.
Amulyaambe zibi zyanu umwi aumwi kumweenzinyina, alimwi amukombelane, kuti mukapone, Kuli anguzu zinji loko kukomba kwakusinizya kwamuntu uululeme. Jakobo 5:16. (Langa muli Mateyo 5:23-24.)
Swebo tweelede kulyeempa zibi zyesu kuli bamwi mbitwakabisyila. Ooyu mulimo muubauba wa mulemeko. Ikuti yebo watyola kuulu kwa muntu, kocita mbuli mbokonzya kuti ukubambulule. Ikuti yebo watyompokezya moyo wa muntu, yebo nduwe muntu olikke uukonzya kubambulula moyo wakwe. Kocita cintu eeci lino mu lubomba a majwi aa masimpe.
D. Swebo tweelede kujosya kufumbwa cintu ncitwakalijanina mu bumpelenge nokuba ncitwakabba.
Alimwi ndaambila sizibi ulabweedezezya sizikoloto zisyomezyo zyakwe akupilusya ncaakanyanzya bantu akwenda mumilazyo yabuumi akutacita bubi, ncobeni uyoopona, takooyoofwa pe. Ezekiya 33:15. (Langa mukonzyanyo wa Zacchaeus muli Luuka 19:1-9.)
8. Muciimo cili buti Jakobo mbwaamba kuti Yahuwah uyooyingula mupailo wa lusyomo?
“Pele na nkwali akati kanu uubula busongo, akumbile kuli-Yahuwah, uubaabila boonse cabuuya acakutatongauka, nkabela ulabupegwa. 6 Pele akumbile cakusyoma, atalimbululi akaniini, nkaambo uulimbulula ulikozyene amankwisita aalwizi aaululuka akutontwa amuuwo.” Jakobo 1:5, 6.
9. Ninguzu nzi Jakobe zyakamupa kuti azwidilile ku Kalonga ka Jabboku?
Langa mu Matalikilo 32:24–28.
Bwiinguzi: Mu nguzu zya lusyomo, mupailo wa luzumanana.
10. Ncinzi Johane ncaamba kuti cilayandika kutegwa tujane nguzu mu mupailo uuzumanana?
“Coonse ncitukumbila kulinguwe tulacitambula, nkaambo tulabamba milazyo yakwe akucita ezyo zintu zibotezya kumeso aakwe.” 1 Johane 3:22; 5:14, 15.
Kutembaula mu Mupailo
11. Ninzi Paulu ncaamba kuti lyoonse ceelede kujatikizya mupailo wamasimpe?
“Mutalibilikili cintu niciba comwe, pele muzintu zyoonse amupangike myoyo yanu kukukomba akukukombelezya cakulumba, kuti inkumbizyo zyanu zizibisigwe kuli Yahuwah.” BaFilipo 4:6.
12. Eelyo Paulu a Sailasi nibakasanganya kutembauula ku mipailo yabo, ninzi cakacitika?
Langa mu Milimo 16:25, 26.
Bwiinguzi: Mu ntolongo ku Philippi, eelyo nibakali kusata nkaambo kakukwabbaulwa, maulu aabo kaakobekede ku zitanda, Paulu a Sailasi bakapaila akwiimba ntembauzyo kuli Yahuwah; nkabela kwakatumwa bangele kuzwa kujulu kuzyoobavwuna. Inyika yakazungaana nibakali kulyata ntaamu aaba batumwa bakujulu, mpoonya milyango ya ntolongo yakajuka, akwaangulula basintolongo.
Mukaziziizi amu Buleya
13. Nkulailila nzi Yahushua nkwaakapa basikwiiya kujatikizya buumi bwa mipailo bwabo?
“Webo ciindi ncokomba, njila mucimpetu cako, ulijalile kumulyango, ukombe kuli-Uso uuli kumbali, lino Uso uubonena kumbali uzookulumbula.” Mateyo 6:6.
BIKKILA MAANU: Kobaa busena bwakupaila mukaziziizi. Yahushua wakalisalide masena aakuyoomw aa Yahuwah, mbube aswebo tuleelede oobo.
14. Mupailo wamusyobo awumi ooyo Yahushua ngwaakasyomya kuti awalo unoosika aawo mpobabede?
“Alimwi ndamwaambila kuti bantu bobile akati kanu nimukala ansi nibazuminana antoomwe kukukumbila makani aali buti, banoopegwa kwa-Taata uuli kujulu. 20 Nkaambo nkubabede bantu bobile nanka botatwe babungene muzina lyangu, nkukonya oko nkumbede ambebo akati kabo.” Mateyo 18:19, 20.
BIKKILA MAANU: Swebo tatweelede kubungana antoomwe kuti tuumune kuti zi. Ciindi coonse ceelede kuzulila bumboni bufwaafwi a mipailo. Kokumbila, kosyoma, akutambula.
Ciimo ca Kupaila
15. Mukonzyanyo nzi Daniele a Paulu ngubakatusiila uujatikizya mbotweelede kulibikka notupaila?
“Lino Daniele naakaziba kuti malembo alembwa, wakaya kuŋanda yakwe, impulunguzyo zyakaanda kakujulu nkozyakajulwidwe cakulanga ku-Jerusalemu, nkabela kotatwe mubuzuba wakafugama amazwi aakwe, wakomba akulumba Yahuwah, mbubonya mbwaakali kucita lyoonse mumazuba aakamana.” Daniele 6:10; Milimo 20:36.
Twakukomba kotola ciindi kubala [Luuka 22:41; Milimo 9:40; 7:59, 60; 21:5; Ezula 9:5, 6; 2 Makani. 6:1-13; BaEfeso 3:14.]
BIKKILA MAANU: Mu misyobo yoonse yobile ya kukomba caantangalala amukaziziizi, mulimo wesu kuvwuntama ansi amagondo eesu kunembo lya Yahuwah eelyo notumuletela intembauzyo zyesu. Ooku kucita boobu kutondezya mbotuyaamina kuli Yahuwah.
16. Muuciimo nzi Yahuwah mbwaakaambilizya kuti swebo tweelede kuboola kuli Nguwe mumupailo muciindi ca kukomba?
“Amuboole , tumukotamine, tukombe. Atufugame kubusyu bwa-Yahuwah iwakatulenga.” Intembauzyo 95:6.
BIKKILA MAANU: Mupailo ngwaakapa Solomon muciindi ca kusetekanya tempele, tiiwakacitwa kaimvwi amatende aakwe pe. Imwami wakafugama muciimo ca muntu uukumbila.
Muntu kaboola kafugeme amagondo, mulanda wa lweengelelo, uulikombya ku cuunonca luse. Mbombuboobo walo mbwayelede kupa bumboni kutegwa muuya woonse, mubili amuzimo wakwe zibi mubweendelezi bwa Mulengi wakwe.”
17. Nkaambo nzi ncotukwalwaizyigwa kupaila cino ciindi?
“Lino mulizi ciindi mbucibede, kuti casika ciindi ncitweelede kusinsimuka kuŋonzi, nkaambo kuciindi ecino lufutuko lwesu luli afwiifwi kwiinda kuciindi ncitwakazumina. 12 Masiku aumbuluka, bwaamba kuca, Nkaambo kaako atusowe incito zyamudima, tutomene zyakulwisya zyamumuni.” BaLoma 13:11, 12.
Bwiinguzi: Petulo wakati: Lino mamanino aazintu zyoonse ali afwaafwi. Amulibatamike akulisitikizya kukukomba. 1 Petulo 4:7.
Ikuti katulibambide kuswaangana aa Yahushua kwiinda mu lufu nokuba aciindi ca kuboola kwakwe, swebo tweelede kuzyibila kupaila abuzuba, akupaila lyoonse. Cifumofumo, isyikati,a masiku, tweelede kulungumika myoyo yesu kuli Yahuwah. Yahushua wakati: Pele amukalilangisye, kuti ambweni myoyo yanu ilalengaala nkaambo kabulyatu, abukolwi, amakataazyo aabuumi buno, abuzuba obuya nobuyoomutilimuna mbuli kooze. 36 Pele amulinde lyoonse, mukombe, kuti mukakonzye kuyokoka kuzintu zyoonse ezi iziyoocitika, akwiima kumbele lya-Mwana a-Muntu. Luuka 21:34, 36.
“Coonse cili buti cizyedwe kuli-Leza cilazunda nyika, nkabela luzundo luzunda nyika ndoolu, ndusyomo lwesu.” (1 Johane 5:4, Restored Names Scripture)
Hena yebo ulalyaaba lwako kuti uzyibane kabotu a Yahuwah kwiinda mukuzandula ciindi cimwi lyoonse cifumofumo kuti waambaule a Nguwe, mupailo uuli mu camba cako omwini?
| Twakajokolosya abusena bwa WLC, mu Mangwalo aayindulukide kwaambwa mazina aa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Kotyanka aawa kuti utambule Mangwalo aa Restored Names Version (RNV) aa Mangwalo. IBbaibbele lya RNV talili cibelesyo ca-WLC. – Nkamu ya WLC |
Utalekeli muntu kuti akubede bongo bwako, utazumizyi naba omwe kuyeeya mucibaka cako, kuvwuntauzya kwako,a kupaila kwako. Aaya nga malailile ngotubulide kubikka mumoyo sunu. Bunji bwanu mulizulidwe kuti cintu ciyandisi ca bulelo bwa Yahuwah abwa Yahushua cili mu Bbaibbele eelyo ndyomujisi mu janza lyenu. Inywe mulizyi kuti kunyina buvwubi bwaanyika bujanwa kakwiina kuzwa nkasaalo. Saa nkaambo ncomunga mwalangila kuteelela buvwubi bwa jwi lyokwa Yahuwah kakwiina kuzindinganya kuvwuntauzya Mangwalo?
Mulimo wesu kubala Bbaibbele abuzuba. Pele kubala Mangwalo ca buyo tacili cintu cikkwanya zyoonse. Kuzyiba Yahuwah takukonzyi kujanwa kakwiina kubelesya maanu, kakwiina kupailila busongo kutegwa inywe mwaandaanye bungu kuzwa kumaila aa kasimpe, oobo bantu a Saatani mbobavwelenganya kupyopyonganya misyobo ya lusyomo lwa kasimpe.
Kubala Bbaibbele kuyandisya kusiminina kukakatila a mizeezo yoongola.
Swebo tweelede kuzyandamana kuyandaula buvwubi busisidwe, akuyandaula busongo buzwa kujulu kutegwa twaandaanye zintu zyakabambililwa aabantu kuzwa kumalailile aa bulemu bwa kujulu. Muya Uusalala unoogwasyilila muntu uuvwuntauzya kasimpe. “Inyika tiikonzya kumusula, pele mebo ilindisulide, nkaambo ndiilingulula kuti milimo yayo mibi.” Johane 7:17
Yebo Ulakonzya Kumvwisyisya Bbaibbele
1. Hena Yahuwah uliyandide kuti swebo katweelede kumvwisyisya Mangwalo na?
“Makani aasisidwe ngaa-Yahuwah Leza wesu, pele makani aayubunwidwe ngesu, swebo abana besu, mane kukabe kutamani, kuti tuswiilile majwi oonse aa-Mulao oyu.” Ciibalusyo 29:29. “Mpawo wakabaambila kuti, Nywebo mwapegwa aasisidwe aa-Bwami bwa-Yahuwah.” Maako 4:11.
Bwiinguzi: Inzya
2. Nkaambonzi bamwi bantu ncocibayumina kumvwisyisya Bbaibbele?
Langa mu BaLoma 8:5. “Nzizyonya nzitwaamba, nkabela tatuzyaambi amajwi aaiyide aabusongo bwamuntu, pe, tuliyide a-Muuya Uusalala, alimwi makani aa-Muuya tulaapandulula ca-Muuya, Pele muntunsi tatambuli makani aa-Muuya wa-Yahuwah, pe, nkaambo kumeso aakwe mbufubafuba buyo. Takonzyi kwaaziba pe, nkaambo ncamuuya ncaatwelukwa.” 1 Bakolinto 2:13, 14. Langaamu: BaEfeso 4:17-19.
Bwiinguzi: Tabajisi Moza wa Yahuwah
3. Hena aabo batasandukide balamvwisyisya bwinibwini ijwi lya Yahuwah na?
“Eno kwakali muntu waba-Farisi uutegwa Nikodemo, mweendelezi waba-Juda. Walo wakeza kuli-Jesu masiku, wakamwaambila kuti, Rabi, tulizi kuti nduwe mwiiyi uuzwa kuli-Yahuwah, nkaambo takukwe muntu uukonzya kucita malele aya ngocita, Yahuwah atanooli awalo, Yahushua wakavuwa kuti, Ncobeni ndakwaambila kasimpe, Muntu atazyalwa akuzyalwa kwakujulu, takonzya kubona Bwami bwa-Yahuwah, Nikodemo wakamwaambila kuti, Ino muntu ulakonzya buti kuzyalululwa acembaala? Sena ulakonzya kunjila lwabili mwida lyabanyina, kuti azyalwe alimwi? Yahushua wakavuwa kuti, Ncobeni ndakwaambila kasimpe, Muntu atazyalwa amaanzi a-Muuya, takonzya kunjila mu-Bwami bwa-Yahuwah, Icizyalwa mumubili, mubili, acalo icizyalwa mu-Muuya, muuya. Utagambwi mbwendakwaambila kuti, Ulyeelede kuzyalwa akuzyalwa ukuzwa kujulu. Luuwo lulaunga koonse nkoluyanda, eno ulamvwa kuvuuma kwalo, pele tozi nkoluzwida ankoluya, mbubonya mbokubede kuluumwi umwi uwazyalwa ku-Muuya.” Johane 3:1-8.
Bwiinguzi: Peepe, tacikonzyeki. Kuli nguwe nzintu zya bufubafuba.
Langa mu: 1 Bakolinto 1:18
4. Hena zimwi zibeela zya Bbaibbele nziyumu kumvwisyisya kwiinda zimwi?
“Amuyeeye kuti kukazika moyo kwa-Mwami nkokuleta lufutuko, mbubonya mbwaakamulembela alakwe mukwesu uuyandwa Paulo, kubusongo mbwaakapegwa. Wakaamba makani aya mumagwalo aakwe oonse. Ayo magwalo alijisi amakani amwi mayumu kukumvwigwa, nkabela bataiyide abapilausi balasandula-sandula ayo makani, mbubonya mbobasandula aamwi magwalo, cakulinyonyoona beni.” 2 Petulo 3:15, 16.
Bwiinguzi: Inzya, Mwaapositolo Petulo wakaazumina makani aayo.
5. Hena kuli kweendelana akataa kuteelela a kumvwisyisya jwi lya Yahuwah na?
“Undiiyisye inzila yambeta zyako, O Yahuwah, Nkabela nooibamba mane kusikila kumamanino. Undipe busongo bwakubamba mulao wako. Akuujatisya camoyo woonse. Undeenzye mumugwagwa wamalailile aako, Nkaambo ngonguwo uundibotezya. Boozya moyo wangu kumilumbe yako, Kuti uteemuzyi imbono. Gwisya meso aangu kukulangilila zyabuyo, Akundipa buumi munzila yako, Zuzikizya ijwi lyako kumulandu wako, Lili kulibaabo bakuyoowa. Gwisya lusampuko lundiyoosya, Nkaambo imbeta zyako nimbotu. Bona, ndisukeme milumbe yako! Undiponye mubululami bwako.” Intembauzyo 119:33-40.
Bwiinguzi: Inzya, Yahushua wakaamba kuti “Ikuti wanooli muntu uuyanda kucita luyando lwakwe, ulaziba kwiisya kuti na kuzwa kuli-Yahuwah na ndilalyaambila buyo ndemwini.” Johane 7:17.
6. Eelyo notukakatila kumvwisyisya jwi lya Yahuwah, nguni uunoo tugwasya?
“Ndilyonya wakajula miyeeyo yabo kuti baamvwe Magwalo.” Luuka 24:45. “Ndakomba kuti Leza wa-Mwami wesu Yahushua Kristo, Wisi wabulemu, amupe muuya wamaanu awaciyubunuzyo, mube aluzibo lwanguwe, kuti meso aamyoyo yanu abonesye, mumvwisye mbuzibede zintu nzimulangila nzyaamwiitila, ambwaabede manjdenjele malemu aalukono ndwaatupa akati kabasalali, ambuzibede inguzu zyakwe impati loko ziinda nzyajisi kulindiswe, swebo nituzumina. Ezi inguzu zilabeleka muciyanza cigambya loko.” BaEfeso 1:17-19.
Bwiinguzi: Taata Mwini Lwakwe wakasyomezya kutugwasya kumvwisyisya majwi Aakwe. “Koayeeya aya ngendakwaambila, nkaambo Mwami ulakupa maanu kumakani oonse.” 2 Timoteo 2:7.
7. Nkwiinda mulini oolu lugwasyo moluboolela?
“Amebo ndiyookumbila Taata, uyoomupa Mugwasyi umbi kuti akale anywebo lyoonse. Ngonguwe Muuya wabwini, oyo inyika ngwiitakonzya kutambula, nkaambo tiimuboni nekuba kumuziba. Nywebo mulimuzi, nkaambo ulikede anywebo, alimwi unookede mulindinywe. . . . Pele Mugwasyi, Muuya Uusalala, Taata ngwayootuma muzina lyangu, uyoomwiisya zintu zyoonse, uyoomuyeezya zyoonse nzendakamwaambila. Nokubaboobo asika oyo Muuya wabwini, uzoomweenzya mubwini boonse. Nkaambo takoozoolyaamba mwini, pele uzooamba ezyo nzyati kamvwe, alimwi uzoomuyubulwida zintu iziciza..” Johane 16:13.
Bwiinguzi: Kwiinda mu Moza ookwa Yahuwah.
Zyoonse ijwi lya Yahuwah ncozilailila, swebo tweelede kuziteelela. Zyoonse nzyolisyomya, swebo tulakonzya kuzitaminina. Swebo tweelede kupona, kwiinda mu nguzu zyalyo. Eelyo biyo Bbaibbele nolilanganyigwa boobu nolikonzya kubalwa cakusindinganya.
Milazyo Ya Kubala Bbaibbele
8. Kulaa mpindu nzi kubala Bbaibbele?
“Mulalangisya Magwalo nkaambo mweezeezya kuti mulijisi buumi ubutamani mulingao, ngangao aandilungulula..” John 5:39. “…kukusongwaazya mukufutulwa kulusyomo luli muli-Kristo Yahushua, Magwalo aya oonse akazwa kuli-Leza, alikondede kukufundisya akukulaya, akukuolola akukupandulula makani aabululami, kuti muna-Leza alibambe, azulile kukumana milimo mibotu yoonse.” 2 Timoti 3:15-17.
Bwiinguzi: Yebo uyoojana buumi butamani.
9. Lyakali kuyandika kapati buti ijwi lya Yahuwah kuli Jobu?
“Nsinapilukide kuzwa kumilazyo yakwe, Amalailile aakwe alakalilila mumoyo wangu.” Jobu 23:12.
Bwiinguzi: Lyakali kuyandika kapati kwiinda cakulya
… kuti amuzibye kuti teensi insima ilike iiponya muntu; muntu ulapona kumajwi oonse aazwa mumulomo wa-Yahuwah. Ciibalusyo 8:3
Kulilembedwe kuti, Teensi insima ilike njaaponena muntu, Ulaponena amajwi oonse aazwa kumulomo wa-Yahuwah. Matayo 4:4
10. Mukonzyanyo nzi wakubala Bbaibbele uulembedwe mu Bbaibbele?
“Abakooko bakaliluleme kwiinda abo baku-Tesalonika, nkaambo bakatambula makani emyoyo ilibambide kabotu, balalingaula Magwalo mazuba oonse, kubona kuti na zintu ezi mbozibede.” Milimo 17:11.
Bwiinguzi: Ba Beliya nkaambo bakakapaula mangwalo abuzuba.
11. Ninzi ceelede kuba makanze eesu mu kuswata Bbaibbele?
“Kolisungwaazya kukonda Yahuwah, mbuli simulimo uutakwe cintu cimuusya insoni, uupandulula makani aalusinizyo mbukweelede.” 2 Timoti 2:15.
Bwiinguzi: Koboola kuli ndilyo mu muuya wasicikolo. Kokapaula kutali kuti ujane bumboni bwa kusumpauzya mizeezo yako, pele kutegwa uzyibe ceecoTaata wakujulu ncaamba.
Mulawo ulabikkilwa mulawo, kabala kalabikkilwa kabala
12. Mbubuti mbotweelede kusika a busanduluzi bululeme bwa kasimpe kamu Bbaibbele?
“Nkaambo mulao ulabikilwa mulao, mulao ulabikilwa mulao, kabala kalabikilwa kabala, kabala kalabikilwa kabala, kulaiyigwa buniini, kulaiyigwa buniini.” Izaya 28:10. Langa amu: 1 Bakolinto 12:13.
Bwiinguzi: IBbaibbele lilalisandulula lwalyo lini kwiinda mukweezyekanya kampango ku kampangonyina.
13. Eelyo notubala Bbaibbele, ninzi acimwi ncotweelede kucita?
“Sungwaala kuzintu ezi, ulitakate kulinzizyo amoyo wako woonse, kuti bantu boonse babone mboya bukomena mumilimo yako.” 1 Timoti 4:15.
Bwiinguzi: Koyeeya ijwi akupona koteelela kweendelanya ndilyo.
Kobweza kampango komwe, tonkomanyika maanu aako kumuzeezo ooyo uuguminizya Yahuwah ngwabikkide mu kampango, mpoonya kozumanana kuyeeyela muzeezo ooyo kusikila waba wakwe mwini.
Lusyomo a Busongo mbuli bwa-Yahuwah
14. Eelyo notuswata ijwi lya Yahuwah, tweelede kupailila nzi?
“Pele na nkwali akati kanu uubula busongo, akumbile kuli-Yahuwah, uubaabila boonse cabuuya acakutatongauka, nkabela ulabupegwa. Pele akumbile cakusyoma, atalimbululi akaniini, nkaambo uulimbulula ulikozyene amankwisita aalwizi aaululuka akutontwa amuuwo.” Jakobo 1:5,6. Langa amu: Intembauzyo 119:18
Bwiinguzi: Swebo tweelede kupailila lusyyomo, busongo mbuli bwa-Yahuwah akumvwisyisya majwi Aakwe kululeme.
15. Kulaa mpindu nzi ku muntu kubala Bbaibbele?
“…Majwi aako ndaayobola mumoyo wangu, Kuti ntakubisizyi.” Intembauzyo 119:9,11.
Bwiinguzi: Kusyoma mu jwi lya Yahuwah, kubalaa muuya wakupaila akubelesya ncolyaamba inga kwatupa kwiinda kuba bakomi mu bulowa bwa Yahushua.
Misyobo ya Kuswata Bbaibbele
1. Kubala Cakulemekezya. Swebo tweelede kujalila mumaanu eesu yoonse mizeezo ya zyanyika eelyo notujula mu mapeeji aa jwi lya Taata wa Kujulu.
2. Bala Aasyonto-syoonto. “Amuleke, muzibe kuti ndime Yahuwah” (Intembauzyo 46:10). IBbaibbele mu moyo liiminina buumi butamani.
3. Bala Cakulibatamika. Boola kumalembe aaya mu muuya uulibatamika, uuyandakuyiisyigwa, muuya uuteelela, mpoonya yebo unokwiisyigwa bwinibwini kuli Nguwe.
4. Kobalaa Muuya wa Kupaila. Kuyungizya kumvwisyisya Bbaibbele kunoopimwa aa kuyandisya kwako mu mupailo.
5. Kobala Abuzuba. “Sunu … Komvwa, ijwi Lyakwe”- aabuzuba.
6. Kotaanguna Kubala. I ciindi ca buzuba ciinda Kubota ncifumofumo kubucedo.
7. Kobala Camamanino. “Amuboole kulindime, … ndime eenti kamulemunune” (Mateyo 11:28). Katuboola akumwaambila zintu ziyanda myoyo yesu,a kuswiilizya mulumbe Wakwe kuli ndiswe.
Hena yebo unookakatila kubala Jwi Lyakwe abuzuba munzila eeyo Yahuwah njaakatwaambila kuti tuliswate?
Twakagwisya mucibalo citaanzi woonse mazina aa mituni ngobaita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamuya -WLC
Hena yebo ulikatazyidwe kulibilika na? Ime nsyaambi kumwansuka kuti wamvwa congo masiku nokuba kuswaanganya cintu cikutilimuka munzila noyaa bweenzya mootokala kuya ku maanda eeco cikusiya ulazyangama kuyoowa loko. Me ndaamba kuyoowa kwakuti ulabuka akataa masiku, mizeezo yako kiipilingene kuzambailana eelyo nolibilika cinga cakucitikila kumbelaa mazuba.
“Cilikke cintu ncotweelede kuyoowa nkuyoowa lwako kwini,” mbwaakaamba Muleli waku Amelika, Franklin D. Roosevelt mumulembe wakwe naakali kunjila mulimo.Nokuba kuti kuyoowa muli lwako ncibelesyo ciyandika kapati, pele kuyoowa ooko kukupa kubucesya kotooni masiku, kulibilika cinga cacitika kumbelaa mazuba,eeco ncintu cimanina nguzu. Kulibilika kusanganya antoomwe a kuyoowa zinga zyaakucitika kumbelaa mazuba eezyo kanjaanji tazicitiki pe.
Ikuti yebo kutingaana aa kulibilika, Ijwi lya Yahuwah lilayubununa bwa kuzunda.
Kuyoowa kwa Buleza akutali kwa Buleza
Kuyoowa kwa bulemu kulisangene a kunyandwa, kulemekezya, a luyando oolo swebo ndotumvwida yooyo uuteeli wakatulenga alimwi uutuyanda aluyando lutamani.
|
Kuyoowa kwa bulemu kulisangene a kunyandwa, kulemekezya, a luyando oolo swebo ndotumvwida yooyo uuteeli wakatulenga alimwi uutuyanda aluyando lutamani. Kuyoowa kwa bulemu kuyungizya lusyomo lwesu. Mukwiimpanya, kuyoowa kutali kwa bulemu kucesyalusyomo lwesu alimwi lulakonzya kutukwelela ansi kuyoowa cakuti inga kwatulesya akubweza ntaamu yakulikwabilila.
Kuyoowa kutali kwa bulemu kuli muzibeela zyotatwe:
- Kuyoowa bantu
- Kuyoowa kubula zintu
- Kuyoowa kulijana mu zintu zimwi
Kuyoowa bantu kulakonzya kutusolweda mu kulanganya bantu aabo kubee mituni mukuyanda biyo kubakkomanisya nokuba kuti batuzumine.Kuyoowa kubula zintu kulakonzya kutusolweda kukwelelezyegwa mu zintu zimwi kuyanda buyo kuti tujane cintu ncotuyeeye kuti tatukonzyi kujana kakwiina kuyoowa ooko. Kuyoowa kuljana mumbaakani zimwi kulakonzy akutupa cinywe akutulesya kubweza ntaamu zya kulikwabilila. Kunyina akataa kuyoowa ooku kupa bulemu kuli Yahuwah pe.
Luyando ngo Musamu wa Kuyoowa
Kuyanda Yahuwah, a kuzyiba kuti Walo ulatuyanda, ngo musamu uulemununa kuyoowa.
Swebo tulizyi aliwmi tuyeeme mu luyando [Yahuwah] ndwajisi kuli ndiswe.
[Yahuwah] ngo luyando. Lino swebo twakaluziba akuluzuminina luyando [Yahuwah] ndwaakatuyandisya. Leza nduyando, aboobo ooyo uukkalilila muluyando ulakkalilila muli-[Yahuwah],, alakwe [Yahuwah] ulakkalilila mulinguwe. Lino luyando lwakulindiswe lulalondoka boobu, kuti tukabe akaanzambwene mubuzuba bwalubeta, nkaambo mbuli mbwabede walo, mbubonya mbutubede aswebo ansi ano. Taakwe kuyoowa muluyando, pele luyando lulondokede ndolugwisya kuyoowa, nkaambo kuyoowa nkokujisi mapenzi. Ooyo uuyoowa talondoledwe muluyando.” (1 Johane 4:16-18).
Luyando Luleta Kubaa Camba
Luyando lutupa kubaa camba ca kulangana aa buyoofu mpoonya tulazidilila katwiinda kuba bakomi. Eeci cilalibonya mu kaano ka Davida a Goliati. Eelyo Goliati, lintu lyaba Filisiti, naakali kunonga impi zya bana Isilayeli, “Nkabela Saulo aba-Israyeli boonse … bakakankama akuyoowa loko.” (1 Samueli 17:11).
Luyando lutupa kubaa camba ca kulangana aa buyoofu mpoonya tulazidilila katwiinda kuba bakomi.
|
Davida naakabona muzyakali kweenda zinti; wakazyiba ntenda yakali aawo. Pele kutali mbuli bamwi boonse, walo taakayoowa alimwi kutayoowa kwakwe tiikwalai mukuti wakali mukali casika ku malekani. Walo wakalaa camba muli Yahuwah. Eelyo Mwami Saulu naakeenkela kutuma mukubusi ooyu kuyoolwana, Davida wakasimya kwaamba kuti, “Yahuwah wakandivwuna kumaanza aamulavwu asuntwe, nkabela nguwe uuzoondivwuna kumaanza aamu-Filisti oyu.” (1 Samueli 17:37).
Davida a mpi zya Isilayeli boonse bobile bakalengene aabweende bwa zintu bukonzyene. Nokuba boobo, bakamvwide bwaandeene kapati. Eelyo bana Isilayeli bamwi nobakayoowede duundumuntule, Davida walo wakabwene bweende bwa zintu aawo kuti cakali ciindi cibotu cakuti Yahuwah inga wabeleka nkaambo Goliath wakali kunyansya Leza uupona. Davida taakajisi kudonaika kuti inga wazwidilila kukoma nkaambo bulemu bwa Yahuwah bwakali mu cikkelo. Lwakali luzyibo lwakwe lwa Yahuwah lwakamupa camba akukulwaizyigwa kuti alangane aa duundumuntule ooyu.
Inzila Zyosanwe zya Kuzunda Kulibilika
Paulu, mu lugwalo lwakwe ku Bafilipi, utupa nzila zyosanwe zya kuzunda kulibilika:
- Kweendelanya zilongwe
- Kupaila
- Kulumba
- Mizeezo iiluleme
- Kulyeendelezya kabotu
Kweendelanya zilongwe
Kucumbana mu zilongwe ncecintu civwuzya kuletelezya kulibilika. Inzya, tatukonzyi kweendelezya muntu uumwi, pele tulakonzya kuzumina mpotweendela mu cilongwe cilaa mazwanga.
|
Kucumbana mu zilongwe ncecintu civwuzya kuletelezya kulibilika. Inzya, tatukonzyi kweendelezya muntu uumwi, pele tulakonzya kuzumina mpotweendela mu cilongwe cilaa mazwanga. Tulakonzya kulilekelela akuleka kufumbwa cakapa kuti kube kutamvwana (kweempwa). Ncenciceeci Paulu ncaakali kwiiminina eelyo naakakombelezya baabo bali muzilongwe zilaa kucumbana kuti “babe aa luyanzano lomwe mu Mwami.” (Bafilipo 4:2) Zilongwe zilaa kumvwana ziletela luumuno. Ikuti katulaa cilongwe citakwe lumvwano, swebo tweelede kucita kufumbwa cili munguzu zyesu kululamka kufumbwa zilubide, kulilekelela, a kweempwa aawo mputwakalubizya.
Mupailo
Kulibilika kanjaanji kuzyila mu kuyoowa bweende bwa zintu mbotutakonzyi kweendelezya. Paulu uwtiibalusya kuti Yahuwah ulilbambide alimwi ulindila kuti agwasye boonse baboola kuli Nguwe. “Mutalibilikili cintu niciba c omwe, pele muzintu zyoonse amupangike myoyo yanu kukukomba akukukombelezya cakulumba, kuti inkumbizyo zyanu zizibisigwe kuli [Yahuwah], eelyo luumuno lwa [Yahuwah] lwiinda miyeeyo yoonse yabantu luyooyaminina myoyo yanu amiyeeyo yanu muli-Kristo Yahushua.” (Bafilipo 4:6-7).
Eelyo notuleta nzyotubulide, nzyotuyoowa, anzyotuyanda kuli Yahuwah, tulakonzya kuzyiba kuti Walo inga weendelezya cakuti zintu zitweendele kabotu. Tulakonzya kukkazyika camba kuti zyoonse zili alimwi zinooli mbozyeelede kuba.
Kusala kubaa bulumbu mu bweende bwa zintu zyoonse kulakonzyeka buyo eelyo notusyoma kuti Yahuwah weendelezyela ndiswe zintu.
|
Kulumbaizya
Kusala kubaa bulumbu mu bweende bwa zintu zyoonse kulakonzyeka buyo eelyo notusyoma kuti Yahuwah weendelezyela ndiswe zintu. Eelyo notusala kubelesya bulumbu bwesu, tulalimvwa kubaa luumuno akusyoma katukkalikide nokuba kuti tuli akataa kupilingana.
Mizeezo Iiluleme
Kulibilika, mbokupandulula, nkuyoowa bweende bwa zintu bunga bwaakuba kumbelaa mazuba. Bafilipo 4:8 batwaambila kutonkomanina ceeco cili masimpe. “Lino bakwesu, makani aakumamanino ngaaya. Kufumbwa zintu zisinizye, kufumbwa zintu zilemekeka, kufumbwa zintu ziluleme, kufumbwa zintu zisalala, kufumbwa zintu ziyandika, kufumbwa zintu zili ampuwo imbotu, na kuli ciyanza niciba cimwi cibotu nanka cintu niciba cimwi citembaulika — amuziyeeyesye zintu ezi.” Eelyo notutonkomana ali ceeco cili masimpe, kunoonyina busena bwa kuyoowa zya manjezyeezya.
Mizeezo Iiluleme
Ziyanza zya kubaa mizeezo iiluleme zisolweda kukulimvwa kabotu, eeco ncecipa kusala akubaa micito iili kabotu. “Zintu zyoonse buyo ndazikonzya nkaambo kanguzu nzimpedwe kuliKristo.” (Bafilipo 4:13).
Kulibilika kulakonzya kuzundwa. Cinca kulanganya bweende bwa zintu. Tonkomana ali zyeezyo zya ncobeni alzili masimpe. Syoma kuti Yahuwah ubeleka mu zintu zyoonse kuti zikweendele kabotu yebo. Kobamba kuti kubaa bulumbu cibe ciyanza cako mpoonya luumuno lwa Yahuwah luyoowujana moyo wako, akuumuzya kufumbwa nzyolibilika zinga
“Nkaambo ndizi miyeeyo yangu njinjeeya aandinywe,” mbwaamba YAHUWAH, “Njemiyeeyo yakuleta coolwe, Njanda kumupa bubotu mbumukonzya kulangila kumamanino” (Jelemiya 29:11).
|
“Buumi ‘musena wa misyozi,’ ciindi ca masunko akupenga, citamvwiki kabotu pele ciyandika ku kulibambila buumi buciboola ooko kulikke muntu nkwalangila kukkomana.”
(The Inferno, Dante Alighieri) (Image: Vale of Tears by Gustave Doré)
|
Kuli kaambo keni buumi ncobwakapegwa zina lyakuti “musena wa misyozi.” Buumi mu nyika ya cinyonyoono, buumi mu ciimo ciwide, mbuumi buyumu. Kupenga kulacitika. Zintu zibyaabi zilacitika ku bantu babotu. Muli Joobo, Eliphazi uliluleme kulanganya kuti, “Mapenzi taazwi mukasuko, Makataazyo taazwi muwvu; Pele masimpe kuti muntu ulazyalilwa mapenzi Mbuli nsasi mbozipasauka kujulu.” (Jobu 5:6-7)
Pele hena toninga bwene bantu baandeene mbobalimvwa bwiindene mu masunko? Bamwi bantu balekela lyo akusyoma, kakuli bamwi balainda mu masunko aa “musinze wa muuya” kabala lusyomo lwiinda kuyuma kwiinda kale. Cintu ciimpene akataa nkamu zyobile eezyo cijanwa munzila eeyo muntu njasala kulanganya makatazyo ngasaanganya. Ikuti yebo koyanda kwiinda mu masunko aako kolaa lusyomo lwiinda kuyuma kwiinda kale, cilayandika kutonkomanina azintu zyoongola, kwiinda zintu zya ciindi cisyoonto buyo.
Mbuntususu kanjaanji kulangila masunko mbwaacisa akukatazya, pele liso lya lusyomo lilakonzya kusala kutonkomana azintu zyoongola nzyokonzya kujana kwiinda musunko aayo, alimwi aawa mpampawo mpotujana maseseke aakuyungizya lusyomo kwiinda mu masunko.
Masunko azumizyilwa kubosya ndiswe: kutukomoona, kutulengulula, akutululamika mu kuyanda kwa Yahuwah.
Masunko Alatukompaula
Lino nkaambo kaziyubunuzyo zipati zigambya nzindakayubunwidwa, kuti nkasigwe kulisumpula cakwiinda, ndakapegwa cisongozyo cakuyasa mubili wangu, mutumwa wa-Saatani wakundidinkaula, kuti ntakainde kulisumpula. Nkabela ndakakumbila kotatwe ku-Mwami nkaambo kacintu eci, kuti cindizwide, pele wakandaambila kuti, Lulakuzulila luzyalo lwangu, nkaambo inguzu zyangu zilaswiililika loko mukati kabukompami. Aboobo ndalikankaizizya makompami aangu cakukondwa, kuti inguzu zya-Messiah zindipopele. Kaako makompami azyuumo amapakasyo amapenzi amamanikizi, ezi zyoonse buyo ndazibotelwa nkaambo ka-Messiah, ikuti ciindi ncinkompeme nciconya ncindi ca singuzu. (2 Bakolinto 12:7-10)
Eelyo buumi nobweenda ca kuliiba, tuvwuzya kulibalilizya muli lwesu tobeni. Pele eeco tacituyiisyi kulikankaizya muli Yahuwah.
|
Mbangaye bantu bapaila biyo muciindi eelyo nobayanda kubaa lugwasyo? Eelyo buumi nobweenda ca kuliiba, tuvwuzya kulibalilizya muli lwesu tobeni. Pele eeco tacituyiisyi kulikankaizya muli Yahuwah. Tulacibona eeco mu myeendelo ya Bana ba Isilayeli. Ciindi aciindi bakaletwa mumanyongwe aayimpene: bakapatila ku Lwizi Lusubila kabatakwe kwa kutijila, meenda aabo akabamanina, cakulya cabo cakabamanina, meenda aabo akabamanina alimwi … zyoonse eezyo zyakazumizyilwa kubayiisya kucengulukila kuli Yahuwah.
Yahuwah naakabatumina manna kacitaninga mana cakulya cabo. Walo naakabapa meenda kabataninga kufwa nyota, pele aawo nibakainzya kwiiya ziiyo nzibakeelede kwiiya. Kuliiba akulibalilizya kutuyaamuna kuzwa kuli Yahuwah.
Eezi ziiyo tazyeelede kutucisa. Masunko aabuumi ayiminina kutuleta munsaa Taata. Eelyo notweendelana angawo, luboole lwa kutyompokelwa lulaatulwa a kulweela kwa lusyomo.
Masunko alatulengulula
Nkabela teensi aya luzutu, pele alimwi atutangale mumafwabi eesu, nkaambo tulizi kuti mafwabi alaleta lukakatilo, alwalo lukakatilo lulaleta ziimbo zisunke, azyalo ziimbo zisunke zilaleta bulangizi, nkabela bulangizi tabuusyi bweeme, nkaambo kakuti luyandisyo lwaYahuwah lulapaya mumyoyo yesu kuzwa ku-Muuya Uusalala ngutwapegwa. (BaLoma 5:3-5)
Kuli makanze mu sunko lyomwe-lyomwe. Jelemiya utuyumyayumya kuti Yahuwah “Nkaambo tapenzyi bantu kacami nikuba kubausya insoni.” (Malilo 3:33) Taata ulabikka sunko lyomwe-lyomwe mucikkelo kataninga lilekela kuti liboole. Walo ulizyi mbotukonzya kulisata penzi alimwi ulilekela biyo aasyoonto kuti litugwasye kujana makanze aayandika: kuyaamina kuli Nguwe.
“Taakwe lutepauzyo lumusikila cita mbuli matepauzyo ngibajana bantu lyoonse, alimwi Yahuwah wasyomeka, ikuti takoozoozumina kuti mutepaulwe kwiinda inguzu zyanu, pele antoomwe alutepauzyo ulacita cipolelo, kuti mukabe alukolelo.” (1 Bakolinto 10:13)
Citola kubaa lusyomo kusyoma kuti, nokuba mu kupyopyongana akuzingwa nkaambo kakusweekelwa nokuba mapenzi, Yahuwah ubelekela bubotu bwesu, pele ncencico Mangwalo ncaasyomezya: “Mbubonya obo awalo Muuya ulatugwasya munkompamo zyesu, Nkaambo kukomba mbutweelede tatucizi pe, pele Muuya mwini ulatukombelezezya amitongelo iitaambiki.” (BaLoma 8:28)
Eelyo notusala kusyoma kwiinda mukupenga, mubwini tusala kulengululwa. Tubikka kumbali kudonaika a bukandu bwa ciimo cesu ciwide akusala lusyomo. Eeci taciyungizyi biyo lusyomo lwesu pele citutola kumbele mukusandululwa kwesu. Aaya masunko ngangawo ngabelesya Yahuwah kutubumba kuti tube mu cinkonzya Cakwe. Mbombuboobu basyomi mbobajana nguzu, busongo akutalika kuzeeza cinkonzya ca bulemu.
Masunko alutululamika
Amulibatamike akucenjela, nkaambo sinkondonyoko Saatani uleendeenda mbuli syuumbwa wabutambo akuya buyandaula ngwati lume. Amulwane anguwe, mube bayumu mulusyomo, nkaambo mulizi kuti mapenzi aya ngaonya alasikila kubunyina bwanu bwakumasi oonse. Eno mwamana kupenga kaindi, Yahuwah siluzyalo loonse, uwakamwiita mubulemu bwakwe butamani buli muli-Yahushua Kristo, ulamupa inguzu akumuzyatika akumubombomeka. Akube bwami kulinguwe lyoonse alyoonse kukabe kutamani. Akube boobo. (1 Petulo 5:8-11)
Dyabooli, ncobeni, ukanza kuti masunko atuubaule lusyomo lwesu kutegwa tulekezye kusyoma muli Yahuwah. Nokuba boobo, masunko muli lwa ngawo alatupa bulumbu munzila ziinjaanji, zyoonse eezyo zilatusandula, akutuleta mpotululamina mu kuyanda kwa Yahuwah. Masunko atuyubunwida cili mumyoyo yesu kuli ndiswe lwesu. Atupa ciindi cakuti tweempwe. Alatutondezya mpotubulide nguzu mu kusyoma kwesu, atupa ciindi cibotu cakucengulukila kuli Yahuwah. Masunko atupa ciindi cibotu ca kukomezya ciimo, kutusandula kuba muciimo cokwa Yahuwah akutululamika maumi eesu kuti abe mu kuyanda Kwakwe.
Kupenga kulaa mulimo. Tacili cintu citakwe makani, tacili cintu cilicitikila. Ncintu cibotu citeeli kuli ndiswe. Eelyo notutambula masunko akusala kusyoma, eelyo notwaazumizya kuti atukomoone, atulengulule, atululamike mu kuyanda kwa Taata, aayo masunko ngotumvwa kukatazya boobo alasanduka kuba zileleko zyesu zipati ali zyoonse.
“Syoma muli YAHUWAH amoyo wako woonse,
Utalifunkizyi kumaanu aako omwini;
Umuzyibe munzila zyako zyoonse,
Nkabela uyooenzya myeendelo yako yoonse.” (Tusimpi 3:5-6)
|
Luse, izina lya cintu: Ooko kufwida nkumbu, kubambililwa nokuba kuteteeta moyo kupa kuti muntu atabikkilili zibi nzyacitilwa, nokuba kulanganya muntu walubizya munzila mbotu kwiinda mbwayelede kulanganyigwa; iciimo cuubaubya bululami, cipa kuti ooyo muntu wabisyilwa alekelele yooyo wamubisyila akumucisa, alimwi akulesyelela cisubulo, nokuba kusubula aasyoonto kwiinda mbuulailila mulawo nokuba mbobulailila bululami . . . Eeco caambilizya kubomba moyo, kuteteeta, kuubauba, kufwida nkumbu naa luzyalo. (American Dictionary of the English Language)
|
Eelyo Mozesi naakakumbila kuti abone busyu bwa Yahuwah, Yahuwah wakakkazyika camba akumupandulwida kuti kunyina mubisyi uukonzya kuboan busyu Bwakwe akuzumanana kupona, pele walo wakaamba kuti ulamuvwumbililla Mozesi a janza Lyakwe nainda munsimunsi lyakwe, kaambilizy zina Lyakwe, mpoonya Mozesi wakali kukonzya kubona syule Lwakwe. Alimwi ncecico caacitika eeco.
Mpoonya Yahuwah wakaseluka mu kkkumbi, akuzyokwiimina antoomwe anguwe mpaakabede aawo, akwaambilizya zina Lyakwe lya Yahuwah.
Nkabela Yahuwah wakainda kumbele lya [Mozesi], akwaambilizya kuti, Yahuwah wakainda kubusyu bwakwe, waamba, wati, Yahuwah! Yahuwah! Leza siluzyalo asibuuya uutafwambi kukalala, uuzwide luse alusyomo,
uufwida bantu bali zyuulu luzyalo, uujatila milandu andeyo azibi, nekubaboobo talulamiki bataluleme; ulauma bana abazukulu nkaambo kazibi zyabamawisi mane kusikila kuzyalani lyatatu na lyane. (Kulonga 34:5-7).
Luzyalo ncibeela ca ciimo ca bulemu eeco cileta lweengelelo akulekelela ku babisyi. Mulembi wa BaHebulayo wakaulwaizya lusyomo mu basyomi kwiinda mukupandulula kuti Messiah ulimvwa mbweenya mbotulimvwa, kaamba kuti: “Eno buya mbotujisi Mupaizi Mupati, nkokuti Yahushua Mwana a-Yahuwah uwakainda kujulu kwini, atujatisye luzumino lwesu. Nkaambo oyo wesu tali Mupaizi Mupati uutakonzya kutweetelela mukulengauka kwesu, pele ngonguwe oyo uwakasunkwa mbubonya mbuli ndiswe, nekuboobo taakwe naakacita cibi” (BaHebulayo 4:14-15).
Luzyalo nciimo ca bulemu eeco cileta lweengelelo a kulekelela ku babisyi.
|
Walo wakali kuyanda kukulwaizya lusyomo mu basyomi kutegwa bakonzye kukumbila, akutambula, cipego ca luse. “Nkaambo kaako, atuswene cakutayoowa kucuuno caluzyalo,” mbwaakakulwaizya, “kuti tukatambule lweetelelo akujana luzyalo lutugwasya muciindi ncotubula.” (BaHebulayo 4:16).
Ncuubauba kulimvwa kuzingwa kuti buumi bwajata aamnka akukatazya, alimwi yebo notazyi cakucita. Makani mabotu ngakuti luse lwa bulemu nkoluli kuti lupe lugwasyo. Mbweenya mbuli zipego zimwi zya bulemu, awalo luse lwa bulemu lulatambulwa kwiinda mu mipailo. Kopaila biyo ulombe! Davida wakapaila, “Kondivwiila nendila, O Leza wabululami bwangu, Nduwe wandaatulula nendali mumapenzi. Kondifwida luzyalo akuswiilila cikombyo cangu.” (Intembauzyo 4:1). Ncintu ciyandika kwiibaluka kuti kufumbwa cikumbilwa ceelede kukumbilwa calusyomo. Yahushua wakalomya kwaamba ncokuyandika kubaa lusyomo, naakati, “Alimwi zintu zyoonse nzimukumbila mukukomba kwanu, nimwasyoma muyoozipegwa” (Mateyo 21:22).
Kuli tumpango tunjaanji mu Mangwalo ooto tuyubununa mbotweelede kutambula luse kuzwa kuli Yahuwah. Zitobela ninzila buyo zisyoonto akataa zinjaanji.
Ncintu ciyandika kwiibaluka kuti kufumbwa ncookumbila ceelede kucitwa mu lusyomo lusyomo. Yahushua wakalomya kwaamba ncokuyandika kubaa lusyomo, naakati, “Alimwi zintu zyoonse nzimukumbila mukukomba kwanu, nimwasyoma muyoozipegwa” (Mateyo 21:22).
|
Eelyo yebo noyanda kubedwaa luse lwa bulemu, talisya mupailo wako kulumba Yahuwah nkaambo ka luse Lwakwe. Davida wakaimba kuti: “Amulumbe Yahuwah, nkaambo mubotu. Luse lwakwe talweeli” (1 Makani 16:34). Kuzyiba akulumba zileleko zyatambulwa ncintu cikomezya luyando, alimwi luyando lukulwaizya lusyomo.
Eelyo nopaila, kokumbila ncobulide. Kogaminina cinicini.
- Kokumbila kuti utambule luse lwa kubaa buumi bubotu akuponyegwa.
“Yahuwah, Kondifwida luzyalo, O Yahuwah, nkaambo ndalengauka. Kondiponya, O Yahuwah, nkaambo zifuwa zyangu zyakankama.” (Intembauzyo 6:2).
- Kokumbila utambula luse lwakuvwunwa kuli baabo bakanza kukucisa.
“O Kondifwida luzyalo, O Yahuwah; Bona mbundapenga kulibaabo bandisulide, Webo nondisumpula kuzwa kumilyango yalufu Yahuwah!” (Intembauzyo 9:13).
- Kokumbila luse lwa kutambula kulekelelwa.
“Kondeetelela, O Leza, mbubonya mbuli luzyalo lwako, Muluse lwako lupati ziminganya milandu yangu” (Intembauzyo 51:1).
- Kokumbila luse lwa kuumuzya nokuba kuzima baabo bakanzide kukucisa.
“Muluzyalo lwako lobya basinkondoma; Nyonyoona boonse bandipenzya, Nkaambo ndi mulanda wako. (Intembauzyo 143:120.
- Kokumbila luse lwa kweendelana aa kuyanda kwa Yahuwah mu buumi bwako.
“Yahuwah ulandikosweda makani. Luzyalo lwako, O Yahuwah , ndwalyoonse. Utaleki milimo yamaanza aako” (Intembauzyo 138:8)
- Kokumbila kuti zyoonse nzyakucitila Yahuwah zizulile kubaa luse akuti Walo akuyiisye Walo ncayanda kuti yebo uzyibe.
“Undicitile caluzyalo ndemulanda wako; Undiiyisye milumbe yako. Ndi mulanda wako” (Intembauzyo 119:124).
- Kokumbila luse lwa kuvwunwa ku bweemya akuusyigwa nsoni.
“Utufwide luzyalo, O Yahuwah, utufwide luzyalo, Nkaambo tulikutide masampu” (Intembauzyo 123:3).
- Kokumbila luse lwa kulimvwa kabotu eelyo noli mu mapenzi nokuba nolaa mause.
“Ndifwida luzyalo, O Yahuwah, nkaambo ndi mumapenzi; Meso aangu aubila kumapenzi, Amoyo wangu amubili wangu woonse. Buumi bwangu bwamana kubuusu, Amyaka yangu kukutongela. Inguzu zyandimanina nkaambo kamilandu yangu, Azifuwa zyangu zyoonse zyamana” (Intembauzyo 31:9 a 10).
- Kokumbila luse lwa kutambula lugwasyo nobulide [bikka mabala ngoyanda].
“O Yahuwah Undigwasye, O Yahuwah Leza wangu; Undifutule muluzyalo lwako.” (Intembauzyo 109:26).
Eelyo nobulide lugwasyo lwa bulemu, lyoonse cileelela kukombelezya Yahuwah kukubedaa luse kuti nkakaambo keni yebo ncoyandila kugwasyigwa.
|
Eelyo yebo nobulide lugwasyo lwa bulemu, lyoonse ncintu ceelela kukombelezya Yahuwah kukubedaa luse mukaambo aako ncoyandila kuti ugwasyigwe. Yebo ncobulide cilikke nkakaambo kakukumbila kufumbwa ncobulide. Intembauzyo 109:26 iyubununa kuti ciimo cini cokwa Yahuwah nca kubaa luse. merciful. Eeci cilaa mulimo kapati eelyo nokukumbilwa kuti ciimo Cakwe ciyubununwe kuli baabo batasyomi.
Undigwasye, O Yahuwah Leza wangu; Undifutule muluzyalo lwako. Bazibe kuti eli ndijanza lyako; Nduwe wakacicita! (Intembauzyo 109:26-27)
Bamwi bantu balibonyaanga batozya kukubaa bwaabi, kufwida luzyalo akufwamba kujatila bamwi. Bamwi balangika kuyandisya kunyemanyema, kubaa buunyu, akusobelezya bamwi. Ciimo ca buntu bwa Yahuwah nca “kweengelela yooyo uumucisa kwiinda mbwayelede kweengelelwa.” Ndo luse oolu, alimwi eeco ncecili mumoyo ookwa Yahuwah kutozya kuli nduwe.
Kwiina makani naa masunko nzi aakulangene nokuba aakukopede yebo, koboola biyo kuli Yahuwah mbweenya mbobede oobo. Yebo ulakonzya kukkazyika camba kuti luse lwa Yahuwah luyookuzuzika kufumbwa ncobulide. Walo ulalindila kakutambikide maboko, kalibambide alimwi kayandide kukugwasya kufumbwa ncobulide.
“Amulumbe YAHUWAH, nkaambo mubotu, Nkaambo luzyalo lwakwe talweeli” (Intembauzyo 118:29).
Eelyo , mwanaangu nsomona naakalazyikwa mumaanza aangu, umwi muzeezo wakali kumbele mumizeezo yangu: “Ime ndime ndeembela buumi bwa kana kasyoonto aaka. Kunyina uumbi pe. Nokuba kuti uulela mwana wacisa mwana nentako aano, ndime eecilaa mulimo wakusala weelede kukkala aanguwe.”
Mbuli basyomi, swebo tulangila kukomezya bana besu kuti bakabe basicisi mu bulelo bwa Yahuwah. Masimpe, kubajanina lwiiyo lubotu, katulangila kuti bayoojanana a muyandwa nyina uululeme, alimwi kabatakwe buyumuyumu bwa mali muzintu zyoonse nzyotulangila muli mbabo, pele cimwi cintu cicumba citonkela bulangizi boonse kumbele nca kuyoonjila mu bulelo bwa Yahuwah abana besu kabala mumbali lyesu.
Ipenzi liliko likopede bazyali banjaanji ndyakuti Mangwalo taapede milazyo minji mbotweelede kucita cintu eeco.
BaEfeso 6:4: “Anywebo numawisi, mutanooluvukili bana banu, pele amubalele mulwiiyo lwa-Mwami [Yahuwah]” amumilazyo yakwe. Tusimpi 13:24 tulazumina, kwaamba kuti: “Uuleka cuumyo ulisulide mwanaakwe, Pele uumuyandisya ulasungwaala kumukoma. Lino nkeciyeeya mbweekali kupegwa cisubulo nkecili mwana, ncuubauba kuyeeyela kuti ooko kululamikwa ncintu comwe a kusubulwa, pele eezyo zyobile tazyikonzyene pe nokuceya.
Kululamika ≠ Kusubula
Ibbuku lya The American Heritage Dictionary lisandulula kululamika kuti: “Kuyiisya ooko kulangilwa kuleta ciimo cimwi nokuba kulyeendelezya, kaoati ooko kuleta lusumpuko mu kulijata nokuba mu busongo. … Kulyeendelezya kuboola kwiinda mu kwiisyigwa kulijata; kulilesya.”
Cipego ciinda Kubota ncotunga twapa bana besu nca kubayiisya kulijata. Eeco ciboolela mu kulamikwa. Mbuli mbotuli bazyali, mulimo wesu ngotupedwe kuli Yahuwah kuyiisya bana besu, kubalailila mu bululami alimwi amu kulyeendelezya munzila ya buleza eeyo njotubalangila kuti balitondezye. Musemo wa kuluamikwa nkulijata. Basilumamba balalijata. Basikuzundana balalijata kapati, mbweny ambuli baimbi, basimba zifwanikis, aabo kwiinda mukwiiya, bakalondola kufumbwa ncobazwidilide kucita.
Buzyali ncintu ciyumu. Inzya, ncintu ciletela bulumbu pele atwaambe masimpe, kuba muzyali munzila iiluleme ncintu ciyumu nta! Bana tabazyalwi kabazyi kale bwakuyala malo aabo cifumofumo lyoonse pe. Tabazyalwi kabazyi kale bwa kulicumba menyo, kwaabana zya kusobanya, kubeleka cabunkutwe, akutacita mangwinini naa mambeke. Eeco ciboola kwiinda mukuyiisyigwa. Mwana uulekelwa kuuma kuti wanyema ulakomena kauma mukaintu wakwe nokuba mupati wa ncinto yakwe. Walo inga limwi waakulijana mu ntolongo, akupa mfulumende kuti ibaa ciindi ca kumuyiisya kwiinda mukumupa cisubulo kuti ayiye kulijata muli zyeezyo nzyaakaalilwa kacili mwana.
Koyiisya mwana munzila njayelede kweendela
Eelyo notuyiisya bana besu, ncintu cipati kumvwisyisya kwiimpana akataa busicinyonyoono a bwana. Takuli kufumbwa cintu cibi kuti nkulwanwa mu moza naa nkuzunda mumoza pe. Zimwi zintu ziya biyo mbuli aateene kukomena mu mubili wa muntu. Zimwi zintu ziboolela biyo nkaambo kakuti tukkala munyika ya cinyonyoono. Mbweeny mbocitali cinyonyoono kuba muntu, akwalo takuli kuba sizinyonyoono kuba mwana pe Mambeke, muli lwa ngawo, tacili cinyonyoono.
Luuka 2:52 kanjaanji usandululwa kuti “Eno [Yahushua] wakakomena mubusongo aciimo, amukukonda [Yahuwah] abantu.” Pele mumalembe mataanzi, mucibaka ca kubelesya bbala lya mucito wakainda kuti “wakayungizya,” Malembe aaci Giliki abelesya bbala lya cintu ciciyaa kucitika. Mumajwi amwi, aamba kuti Yahushua wakazumanana kuyaa kuyungizya kubaa busongo akukomena ciimo akukkomaninwa kuli Yahuwah aku bantu.
Yahushua wakali londokede kalaa myaka yotatwe, pele kutali mu busongo nanka kuzyiba bweende bwa zintu bwa muntu mukole. Walo wakali londokede naakalaa muyaka fuka, naakalaa myaka kkumi aciloba, pele alimwi kutali mbuli busongo mbwaakajisi naakasika myaka makumi otatwe. Macece tacili cinyonyoono alimwi taayelede kulanganyigwa boobo. Icintu ceelede kucitika, nokuba boobo, nca kuyiisya. Malailile aa Tusimpi 22:15 acisalazyila limwi eeci, mukwaamba kuti: “Bufubafuba bulaangidwe mumoyo wamwana, Pele musako wakukomya ulabutanda.”
Aboobo, inzya. Bana balayandika kululamikwa, pele kutali kuti nkaambo mbana, alimwi kutali mu kunyema. Eeco ciyiisya biyo kuti “uuzunda nguucita cibotu.”
Alimwi eelyo acembaala, walo takonzyi kuleya kuzwa muli njiyo
Tusimpi 22:6 nkampango kakondelezya, ncisyomyo citamvwisyigwi ziindi zinji. “Iyisya mwana aende munzila iielede, Lino akomena takooyooleya mulinjiyo.” Mbuli bazyali, tulayandisya kusandulula aanga eeci ncisyomyo cakuti ikuti twacita kabotu zyoonse, bana besu baakukomena banoosyomeka, banooli Banakristu batonkomene, pele tacisyi ncokaamba kampango aaka nokuceya pe.
Tusimpi 22:15 “Bufubafuba bulaangidwe mumoyo wamwana, Pele musako wakukomya ulabutanda.”
|
Yahuwah takonzyin kusinikizya ncayanda. Bana besu mnantu nsini balaa lwaanguluko ndobapedwe kuzwa kuli Yahuwah, lwakutambula nokuba kukaka lufutuko, mbweenya mbuli ndiswe.eeci cisyomyo cituyumyayumya kuti eelyo baakukomena, abana besu tabakakonzyi kuleya kuzwa mu milazyo a myeendelo ya buleza eeyo njibakayiya kuzwa ku bwana. Balo balakonzya kwiindizya kucita kabotu. Balo balakonzya kubalika kusikila kulaale mbuli mpobagolela, pele ooto tusimpe ntubakaiya ku bwana tuyoocaala mu myoyo yabo nokuba kuti bakaka kukkala kweendelenaya antuto.
Mbuli bazyali, ncuubauba kuyeeyela kuti mulimo wesu ngwa koongelezya bana besu kuti bazyibe kasimpe. Swebo tuyanda kuti balo basale nzyotuyeeyela kuti zililuleme. Alimwi aawa atulangisye: zimwi ziindi bana besu bakomenede kale balalubizya akupona mu bulumbu bwa kulubizya kwabo. Pele tuuli mulimo wesu kuzula muntu naba ni pe. Ooyo mulimo wa Muya Uusalala.
Yahushua wakasyomezya naakatantide kujulu kuti, walo uyootumina Muumbulizi ooyo uyoocita mulimo waandeene kapati: “Walo asika, uzooipa mulandu inyika aazibi, aabululami, aalubeteko.” (Johane 16:8) Ikuti yebo wabikkila ciindi , inguzu akuzuunyana kuyiisya bana bako, ikuti yebo wabalailila mu bululami amu kasimpe, ikuti wabalulamika akubayiisya kulijata akulyeendelezya kabotu, Yahuwah uyookuleleka mu kukakatila kwako.
Izaya 49:25 utwaambila cileleko ca Yahuwah: “’Ncobeni mbuboobu mbwaamba Yahuwah, Bazike mbaatolede singuzu bayoolubululwa, alunyanzyo lwamukali luyoovunwa. Njoolwisya abo bakulwisya, nkabela njoofutula bana bako.” Ibbala lyakuti kulwisya muci Hebulayo liiminina kukombelezya, kutingaana, kuzekelana. Alimwi lyaambilizya kukwabilila. Mumajwi amwi, Yahuwah usyomezya kucita zyoonse mu nguzu Zyakwe kuti avwune bana besu. Mpoonya, eelyo baakukomena, kunyina makani naa basala zintu zili buti mu maumi aabo, eezyo mbuto zyakasyangwa ku bwana lyoonse zinooliko kutegwa Muya wa Yahuwah ubeleke muli nzizyo akubakwelela kuli Nguwe.
|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
|
‘Inywe tamuninga lwana cakutikaisya bulowa, pele mucigaminine kulwana cibi.’ — BaHebulayo 12:4.
‘Inywe tamuninga kulwana’ — nkokuti bamwi bakacita kale oobo, alimwi mulembi ukulwaizya baabo babala kuti beezyekanye luumuno ndobajisi kuzwa kukupenzyegwa kuli boobu kutegwa bakonzye kusekelela kucita mulimo uululeme ooyo ngobapedwe. Ino mbaani aabo bamwi?
“Inywe tamuninga lwana cakutikaisya bulowa, pele amucigaminine kulwana cibi.” (BaHebulayo 12:3-4)
|
Ikuti kweezyeezya kwa bantu banji kakululeme kuti oolu Lugwalo lwakalembelwa Cikombelo Citaanzi ku Jelusalema, lufu lwa Stephen mutaanzi kujayigwa a Jemusi munyina aa Johane, ooyo ‘wakali kulela atalaa’ Cikombelo eeco, abalo banooli bakali mumuzeezo wa mulembi. Ikuti oobo buzuba bupedwe mu lugwalo abantu bamwi bwazuminwa, nkokuti kupenzyegwa muciindi ca buleli bwa Nero, eelyo nibaamwesya mbewu zya munzi wa Capitol kuumpa bantu bacilanga, kunooli kwakacitikide kale, alimwi mulembi kunooli wakali kulombozya kuti Cikombelo caku Jelusalema citaliibi kuliyeeyela kuti cakalaa coolwe kwiinda babunyina aabo bakali kupenzyegwa ku Roma. Pele kufumbwa naa eezi zintu zyakatambulwa naa pe, kuli ciintu cimwi ciimpene mumuzeezo wa mulembi. Walo wakali kubandika makanaa bantu bakazunda mu lusyomo, bamwi ‘bakaumwa mabwe akutendwa akati kusikila bakosolwa muzibeela,’ alimwi walo wakayandide kuti Banakristu aabo mbaakali kubandikila baimpanye mpobeendela aawo kuzwa ku basaante bansiku abaabo baajaigwa. Alimwi kucili cimbi ciimpene ciinda kujatila maanu, ciinda kulibotela akukondelezya, mumuzeezo wakwe, cibalo cangu cilatobela mpeenya aawo kwaambilizya Yahushua Messiah, ‘ooyo wakapenga a Ciciingano, akutundululwa ooko kucisya bweemya.’ Aboobo walo lwakwe ‘wakalwana kusikila kukutikaisya bulowa.’ Mbombuboobu, mulembi mbwakulwaizya baabo babala kuti bayibaluke baabo bakajaigwa mu Cikombelo citaanzi, abulowa bwakavwumbila Cikombelo caku Loma mbuli zambangulwe, akuyeeya basaante aabo bakakosolwa mumisela yakainda, alimwi, atalaa zyoonse, Musololi Mupati wa lufutuko lwabo, alimwi, kababbatamukide mumizeezo, kuliyumyayumya kulwana canguzu mu nkondo eeyo iilazyikidwe ali mbabo. ‘Inywe tiimwakalwana kusikila kukutikaisya bulowa, pele amucigaminine kulwana cinyonyoono.’
- Nkaako aboobo, swebo aawa ncotujisi, mukutalika makani, tulaa ciimo citamani ca Bunakristu ca Nkondo a kutingaana.
Mukonzyanyo wa cibalo coonse uzyila kubusena ooko kulangilizyigwa zisobano. Cisyoonto comwe nokuba zyobile kataninga bandika makanaa misyobo yabantu mulembi: lino ucengulula kaambo kali mumuzeezo wakwe aasyoonto mpoonya kunze lya boobo utalika kubandika kutingaana akuumana mfwaindi ooko kwakali kutola busena kubusena okuya. Kaambo kakwe nkakuti, lyoonse alimwi kufumbwa busena, nokuba boobo, inga kazyiimpene nzila zyakubelesya kulwana. Kuli ceeleko ca kukakatila, kuliyumyayumya, aca bulwani eeco citakonzyi kwaandaanyigwa kuzwa ku buumi bwa Bunakristu. Eeco ncintu ciyandika kuyeeya kwakaindi kasyoonto. Cili biyo kabotu kwiimba nyimbo zya misena iilaa bwizu bwa nyanzabili ameenda aabalangala kaaimvwi, akusekelela zileleko, kuumbulizyigwa, luumuno, akuvwentuka kukkomana mu bweende bwa Bunakristu, akukkomanina muzeezo wa lweengelelo ziindi zinjaanji ku mubili, amuuya ooyo uuboola kubantu kwiinda mu kusyoma. Zyoonse eezyo zili masimpe akulelekwa, pele ncibeela comwe buyo ca kasimpe. Alimwi pele buyo kuti swebo twamvwisyisya kusikila waawo mpotweendela mu cibeela cimbi ca buumi bwa Bunakristu, eeco cipa kubeleka akumvwa cicisa ku zisusi zya mubili akutingaana kutalekileki, andaambe kuti Ime, tatujisi lwaanguluko lwa kutaalukila kuzintu zyoongelezya akulweela akuubaubya cibeela ca buumi oobo; alimwi hena inga twalibuzya naa kuli cintu nociba comwe ncotuzyi mu Bunakristu nociceya. Tiitwaapedwa ca buyo — twaapedwa kapati — kuti tukakonzye kutambula zintu zipati aziyandisi eezyo zitaguminizyi buumi buno, pele zyaapegwa kuli ndiswe kutegwa, tukavwube, kululama akubaa nguzu kwiinda mukutambula zintu eezyo. Swebo tweelede kuyungizya kuzyandamana kuti tukeelele kulwana nkondo, mbweenya mbuli musololi musongo mbwabambilila basikalumamba bakwe kuti kabakkutide kabataninga waalilwa mu nkondo.
Kuli ceeleko ca kukakatila, kuliyumyayumya, abulwani citakonzyi kwaandaanyigwa kuzwa ku buumi bwa Bunakristu.
|
Pele, kuleya kuzwa kuli ceeco, kaambo aaka nkaambo kali buyo kumbali, andimwiibalusye kuti sinkondoma wini, ‘nkutingaana aa cinyonyoono.’
Bamwi bantu inga babweza cibalo cangu kuti caambilizya nkondo luzutu eeyo njotulwana ziimo zyesu zya busofwaazi, kubula mulemeko, akubaa nguzu. Bamwi, kabasolwedwa aacibalo eeci, inga baamba kuti cibalo cigaminide buyo businkondonyina a busofwaazi butuzingulukide bulibonya mu ziwa zya bantu aabo mbotuteendelani limwi mu lusyomo lwa Bunakristu, nokuba mu bweende bwesu. Pele oobu busanduluzi nokuba bumwi tabukonzyi kwiimikila. Nkaambo cinyonyoono ncimwi, kufumbwa naa kacili mu mibili yesu nokuba mumibili yabantu nokuba muzintu zitola busena. Swebo tulangene aankondo njeenya yakulwa sinkondoma ngweenya, eelyo notujisi bubi mu mulimo wakulisalazya busofwaazi bwesu boonse mu mubili amu muuya, alimwi eelyo notujatikene mumulimo wiinda kukomena wa kukakatila kuleta muntu uuli woonse kuti azyibe nguzu zya luyando lwa Messiah, akupona mubululami kwiinda mukuteelela Nguwe.
Mbube, muunda mutaanzi wa munakristu uuli woonse nkuzunda zyoonse zimuyaside, kulitondezya kubaa bunkutwe, akubelesya nguzu zyakwe mu muunda uuli mukati muli nguwe, oomo milongo ya zintu zicitika mwiisyaanikide alimwi muntu mwalilwana mwini lwakwe abuzuba. Kufumbwa muntu akataa ndiswe, ulinyamwide sinkondonyina mukati ka zisani nzyasamide. Toonse tulayanda nkwela, luunyaunya, ziyanza zitaluleme, zintu nzyotuyandisya, kulubizya, tumpenda, kasaaza, buunyu, butolo — kuli makunga aa zisofweede aalede mukati muli ndiswe mbuli citeente ca bacipile, alimwi mulimo wesu mutaanzi awa buumi bwesu boonse ngwa kuligwisya luboole amusamu uuli mu zintu eezi, akuzisina akuziwaaalila anze.
Mulimo wabulemu ku munaKristu uuli woonse, nkulwana nkondo yakulikwabilila kuti atajatikizyigwi mu buumi buteendelezyegwi bwa mazubaano butuzingulukide. Swebo tweelede kulwana lyoonse kuti tulilesye kucisigwa aa nyika a mikowa iitamuzyi leza njotukkala limwi.
|
Mpoonya eelyo, alimwi kuzwa leelyo biyo, nokuboola cintu citobela — eeco, mbusinkondonyina aawo Banakristu banalumi lyoonse mpobayimvwi kunembo lya nyika iiteendelani amizeezo yabo, eeco ncintu ceenzu kuzwa ku milazyo yeendelezya maumi aabo, alimwi iitalemekezyi Mwami ooyo ngobakakonkezya kuteelela. Alimwi oobo businkondonyina buli mu ziwa ziindene. Kutaanguna ali zyoonse, mulimo wabulemu ku munaKristu woonse, nkulwana nkondo yakulikwabilila kuti atajatikizyigwi mu buumi butuzingulukide mazubaano buteendelezyegwi. Swebo tweelede kulwana lyoonse kuti tulilesye kucisigwa aa nyika a mikowa iitamuzyi leza njotukkala limwi. Ninzi cinga caakucitikila mweendelezi wa bwato kuti walo taakabambilila cibelesyo citondezya zyooko zya nyika kutegwa akonzye kweendelezya kabotu mulwi wa lubulo loonse lubambizyidwe bwato bwakwe? Inywe mweenda mbuli kuti muli mu mazyuli aa cibbadela. Ikuti yebo toobikkila maanu kucenjela, inga walijana wayambukilwa bulwazi buli mumuwo. Cili mbweenya kuti Banakaristu balaa buyamba kabatalikwabilili kufumbwa cisofweede cizyaa kubaswena a cili mumbali lyabo, bayooyambukilwa cintu eeco mbuli mbweenya mbocibede kuti Mukuwa waunka, atwaambe kuti ku Amelika, aakuzyokela unikwaambaula amulaka uuselemuka aanga mbantu bali kutala lyookuya ku lwaanje lwa Atulantiki. Mulimo mutaanzi, uuyandika kapati ku Banakristu, nkwiibaluka kuti tupona akataa bweende bwa zintu zitali mumilazyo ya Simalelo wesu alimwi akubikkila maanu kuti tutayambukilwi zintu eezyo.
Ime nsyeelede akwaamba jwi lya musyobo uumbi wa businkondoma, ooyo uuyandika kucenjelela kapati nkaambo uyootulesya kubikkila maanu ku mbeta eezyo bantu bali mumbali lyesu nzyobatweezyeka. ‘Kuli ndime, nkaambo kasyoonto aako kuti Ime ndibetekwe aandinywe nokuba kubetekwa aa lubeta lwa muntu.’ Pele kutingaana aa cinyonyoono, ooko nkulwana nkondo ya luzyalo kwa bunakristu mu nyika, takucitiki kwiinda mukulwisya kwa muntu ooko kujatikizya zintu zipyopyongene azisofweede zituzingulukide nokuba kukaka kulekela busonkondonyina kuti bumusweesye kuzwa munzila yakwe. Kucili cintu cimbi eeco ceelede kuba mulimo muubauba: Munakristu uuli woonse weelede kuba sikalumamba ookwa Messiah kutegwa atambule akwiibaluka malailile ookwa Messiah, alimwi amilazyo ya jwi Lyakwe mu nyika.
Mukowa wabantu tuubunganyidwe kwiimikila atalaa milazyo ya Bunakristu pe. Yebo inga walanga biyo mumbali lyako kuti ubone cintu eeco. Ime nsyeelede kukkalilila nkedyobengana akataa ziiyo zyuubauba zya bbuku eeli a mikowa ya bantu, alimwi cisi cili coonse, amuntu uuli woonse, pele andimwiibalusye kuti kusikila Mulumbe waa Mulundu ukabe ngo mulawo wa bantu amikowa yabantu, muntu Munakristu kuti kasyomeka kuli Simalelo wakwe, weelede ‘kutingaana cinyonyoonyo’ kutegwa akakatile kuyooyakila munzi wakwe mu bulelo bwa Messiah, oobo mbulelo bwa bululami. Ooyo mulumbe tuujisi tusimpe twa bunakristu toonse antoomwe, pele ngo mulumbe uuli mbuli Nkanka mu Bunakristu busindingene, milawo ya bulelo izwa mu mulomo wa Mwami Lwakwe.
Aboobo, nobanabokwesu, Ime ndaboola kuli ndinywe amulumbe wangu ooyu kuti kunyina munakristu uubeleka mulimo mbuli sikalumamba ookwa Messiah, ‘katingaana aa cinyonyoono,’ kusikila kavwuntauzya, anguzu zyakwe zyoonse, kuti atambule mulawo ookwa Messiah, ooyo mulawo mbululami, bubikkidwe a nyika.
|
Aboobo, nobana bokwesu, Ime ndaboola kuli ndinywe amulumbe wangu ooyu kuti kunyina munakristu uubeleka mulimo mbuli sikalumamba ookwa Messiah, ‘katingaana cinyonyoono,’ kusikila wavwuntauzya, anguzu zyakwe zyoonse, kuti atambule mulawo ookwa Messiah, ooyo mulawo mbululami, bubikkidwe a nyika.
Atwaambe zya madobbi azintu zibbwalauka, nkaambo nzi, ncokuli nguzu zyakupasauka kapati mu Bunakristu zifwanyauna muzibeelabeela busofwaazi oobo buzwide kapati mu buumi bwa mazubaano? Pele, maawe! Cikombelo ca Bunakristu cakakkalilila kapati mukuliiba akudyakaizya nguzu zya musyonga muciindi cakupakila akudubula musyonga ooyo akuyandaula nzila yakupandulula milawo myuubauba mipati yokwa Simalelo, kunze lya kwiiyandaula akwiibamba.
Kuli muya mupya mumbali lyesu mazubaano, ooyo ngotweelede kupeda kulumbila limwi, pele tweelede kuluba kuti mbweenya mbuli zipekupeku zipya, awalo ulaa lubazu lomwe buyo lwa kwiindilizya kwaambwa kubaa mpuwo. Bamayi banakristu balalubizya akutoneka bantu banjaanji mumabazu manji eelyo nobakakatila kuyiisya milazyo ya milawo yokwa Messiah ku mabazu aa mukowa wa bantu kakwiina kubaa luzyibo lukkwene mu twaambo tuli mu ziiyo eezyo. Pele ono eeco mbocazuminwa, Ime ndicikkomene kusyoma kuti bantu ba Messiah batuzingulukide mumbali, bayaa kusinsimuka, kwiinda kaindi, ku mulimo wa bulemu uupedwe zikombelo zya Bunakristu kuti zitakalobi mu kubula cakucita akubaa butolo, pele kuti zyaambilizye akuyandawida muntu milawo yokwa Messiah iizyibidwe akusolweda mukowa wabantu.
Koibaluka biyo njeleela yazintu zisolola eezyo nzindaamba kale. Muntu ulaa mulimo wakuyaa kufundisya akataa bantu kufumbwa biyo kuti walisalazya lwakwe. Alimwi mulimo mutaanzi ku Munakristu uulibambulula, uli mumoyo wakwe mwini. Alimwi, cigwasya buyo kubeleka antoomwe ambungano ikuti biyo kobeleka antoomwe abantu bazulilwa mumbungano eezyo. Mulimo mupati wa Cikombelo ca Bunakristu lyoonse weelede kuba ku muntu, alimwi kwiinda mukubasumpula, kusumpula mukowa inga kwazuzikwa bwinibwini. Pele cintu cilubide akataa bantu bankutwe batonkomene mazubaano nkuyeeyela kuti ikuti yebo wabikka ‘busena,’ mbuli mbobaciita, inga yebo wajana bantu baluleme. Cakalilubide eeco. Bweza kakamu ka bacakolwa bakkala mu maanda aalaa tombe, mpoonya wababikka mu maanda asumbula aadula, mu mvwiki zyobile aayo maanda aasumbula inga abaa tombe mbuli masena ooko nkookabadudumuna aabo bantu. Kobambulula bantu, mpoonya inga wababikka mubusena bupya, kobabambulula, mpoonya mukowa inga wabambululwa. Alimwi kuti mwataanguna kuliyakulula muli lwenu, mpoonya mulakonzya kuyakulula mukowa wabantu. Kotingaana acinyonyoono cako, mpoonya koya ukalwane zibi zya bamwi.
- Langisya mukuli wa nkondo ooyo bamwi njibaalwana kale.
Ime ndaamba kale kuti cibalo citobela cisendekezya zintu ziimpene zyobile akataa kukwabililwa kukupenzyegwa aabaabo babala jwi abamwi.
Citaanzi nciceeco cisungilizyidwe abaabo boonse bakazunda akujailwa lusyomo bakasolweda kale caandaano eeci. Kakwiina kugantatuka maambila mbali nokuba kukomezya ciiyo, bantu Banakristu bamusela ooyu inga kabayeeyela bamawisi mubaayinda a nzibaacita eezyo zyaabapa kuzunda munzila ngubauba boobu.
Ime njeeya kuti Bunakristu bwa mazubaano, mu kantya bwabo, inga bwainda kubota kuti bwajokelela ku ziindi zimwi kwiibaluka kuti kwakali ziindi eelyo ‘banalumi abanakalindu bakubusi, bamadaala abana baniini,’ nibakali kukaka kutikaisya bulowa alimwi nibakanjila mu lufu lwabo kabakkomene mbuli nabwiinga munsaa cipaililo.
|
Ime ndaibaluka cikombelo cakaindi munselelo lya malundu aaku Loma, mocili mukati bwaanda boonse cakavwumbidwe aa zifwanikiso zya baabo bakajailwa lusyomo. Inga kacinookkomanisya akuyandisya zintu eezo. Ime njeeya kuti Bunakristu bwa mazubaano, mu kantya bwabo, inga bwainda Kubota kuti bwajokelela ku ziindi zimwi kwiibaluka kuti kwakali ziindi eelyo ‘banalumi abanakalindu bakubusi, bamadaala abana,’ nibakali kukaka kutikaisya bulowa alimwi nibakanjila mu lufu lwabo kabakkomene mbuli nabwiinga nali munsaa cipaililo.
Aa, banabokwesu, inywe nomuteendelani mu musela uuno, nomulaa bupaizi buubauba, nomwiibaluka biyo zimwi ziindi mbubaazunda. Muyeeye George Fox abalongwenyina. Amuyeeye baabo batakeendelana amisela, bakavwimwa akutundululwa, mpemo zyabo zyakaandulwa akati amatwi aabo akakosolwa, zipulanga zyakabasubula akutandwa mu cisi, mpoonya inywe mufwa bweemya kwaambaula biyo makatazyo ngomuswaanganya. ‘Tamuninga lwana kutikaisya bulowa.’
Cintu ciinda kwiimpana cijata moyo cilaambidwe, alimwi cinooli cili mubunji bwa muzeezo wa balembi, nkaambo mbweenya biyo kataninga kwaamba kuti, ‘Amuyeeye yooyo wakaliyumyayumya kutingaana aa babisyi mbuli boobo.’ Ijwi lyakuti ‘amuyeeye’ inga lyaambwa akuti ‘amweezyeke, akupima cikkelo,’ kupenga kwa Messiah kuli kwenu. Walo wakapenga kunyamuna lubazu nkocilema kapati Ciingano, akubikka nkocili cuubauba amakkuko aako. Inzya, kuli zintu zya maseseke kapati alimwi zisindingene mu lufu lwa Messiah, oomo Walo mwatali mukonzyanyo wesu, pele Walo mwali cituuzyo cesu, tazisiki nokuba aasyoonto mu kwaandaanya ooku. Zilazubululwa muzibeela zya lugwalo luli loonse. Pele aawa, mulembi uyeeyela Yahushua Messiah mu bulemu bwakwe mbwali Silutwe wa baabo bapenzyelwa bululami, aabo bakeeleba ciciingano Cakwe pele biyo ikuti Walo naakasala kuleka nkondo yakwe akusiya Bumboni bwakwe. Yahushua Messiah mupati kwiinda boobo. Alimwi kupenga a kufwa kwakwe takukonzyi kuubaulwa aa kuyeeyelwa kuli boobo. Pele tutalubi kuti Walo, alufu lwakwe, ziimvwi atalaa zyoonse zya kupengela bululami. Walo Mwami wabaabo bakajaigwa a Cituuzyo ca zinyoonyo zyanyika. Atucengulukile kuli Nguwe akumaka nguzu a ciimo Cakwe ca kuzunda, eeco cisisidwe kukulanga cakubinda abubotu buteteete buvwumbilide ciimo eeco, mbuli janza lya cibulo lisamikidwe kakomo kakumaanza.
Atumvwisye mukonzyanyo Wakwe mbuutambikidwe kuli ndiswe a Ciciingano, ambocili mukonzyanyo wesu amusemo wa bulangizi bwesu. ‘Inywe tamuninga lwana … Kuyeeya Nguwe.’
- Mbube lino, camamanino, amulangisye nkondo ngubauba iidyaaminidwe ali ndiswe.
Kutingaana kuyaa kucinca bweende, pele mubwini, kucizumanana. Mbweenya mbuli mumazuba aakaindi, nkondo yakali kunga bantu balakankaulana nokuba kutingaana amaanza, maulu, busyu-abusyu. Mazubaano, nkulwanya ntobolo— kapati mu lwiiyo lwa zilengwa leza, alimwi aasyoonto mu kutingaana; pele nkondo icili mbweenya. Inyika yakali kuumpa Banakristu, kubasina, akubaumputa mabwe. Tiiciciti cintu eeco lino, pele icibalwana. Inyika yakasandulwa mucibeela kuba Bunakristu, alimwi milazyo ya Bunakristu, munzila iitalondokede, yakanjilauka akataa makunga aabantu cakuti businkondonyina lino tabuumpi mbuli mbubwakali kupya kaindi. Alimwi Cikombelo cakaubula bumboni bwaco akudobbelela tunsiyansiya twa nyika. Mbube nkaambo nzi nyika nciinga yapenzya Cikombelo eeco cikonzyanya anyika pele kacilaa zina liimpene biyo? Pele kufumbwa muntu uusyomeka asole kupona buumi bweendelana a milazyo ya Messiah, alyaandaanye kuzintu zisofweede eezyo zili mumbali lyakwe, akukakatila kuzizunda, nkaambo Messiah wakamukulwaizya. Ngweenya ooyo uyoolibonena naa businkondonyina bwakaindi tabuciko. Ma! Ziinduluko zya kusinganyigwa ziyoowaalilwa ali nguwe! Ategwa ‘tacikonzyeki,’ ‘cayintila,’ ‘cilaa-bbazu-lyomwe,’ ‘cilipindukide,’ ‘yebo uli mufalisi na,’ ‘nduwe sikuupaupa ameso.’ Kuyooba kulweela, maluba aanunkilila mu kalungu kayoolukwa. Kwiimina ali ceeco, muntu Munakristu uutonkomene kupona Bunakristu bwakwe akuyandisya nzila yakubusyanga mumbali lyakwe, unookweelede kulwana akuliyumyayumya.
Munakristu uutonkomene kupona Bunakristu lwakwe akuyandisya nzila yakubusyanga mumbali lyakwe unookweelede kulwana akuliyumyayumya.
|
Pele zyoonse eezyo, zili mbuli kuti kunyina aciliko — kunyina — kweezyeka eeco ku buumi mubakainda aabo bakali kumbele amubakainda kabakkomene munkondo. Bakawida mumadindi akuvwukkilwa kutegwa aabo bakali musyule bainde atala. Balo bakayaswa amacceba; mukweezyekanya, swebo tuyaswa biyo nyeleti. Bakafuswa mabwe, mbuli Stephen anze lya bwaanda; swebo tukupilwa biyo mankandya mpoonya ndiswe baabo kuyoowa.
Aboobo, banabokwesu, amuzumine musyobo wa nkondo ya mazubaano, mpoonya mulabona kuti muyoocita mulimo ooyo uulazyikidwe ali ndinywe kakwiina kuŋuŋuna, kamukkomene, akumaninizya. Alimwi mutayeeyeli kapati zintu zimukatazya akumunyemya. Nkaambo swebo kukanana zituuzyo zya Messiah, tubaanga mbuli muntu weenzya bwato uuyungizya atalaa ntenda zimulangene mumusinzo wakwe, ikuti walo namvwa muntu wakasikide kunjeleela ya nyika nokuba muntu wakatantide citolokesi citaanzi kuya ku London, kuti naali kunga wabandika aa silweendo uuzwa mu Afulika, wayungizya makanaa ‘ntenda zya mumugwagwa.’ ‘Yebo toninga lwana kukutikaisya bulowa. Koyeeya Nguwe; bweza ciciingano cako, a kutobela Nguwe.
Eeci cibalo citali ca-WLC cakalembwa aaba Alexander MacLaren.
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
|
“Pele koyanda basinkondonyoko, akubacitila zibotu, kubabbweleka, kakwiina kulangila kujosyelwa cili coonse; nkabela bulumbu bwenu kujulu bunooli bupati, alimwi muyooba bana ba Singuzuzyoonse; nkaambo Walo Lwakwe ulaa lubomba kuli baabo batalumbi abantu basofweede.” Luuka 6:35 (NASB)
Ciimo ca buntu kanjaanji citondezya kuti tulakonzya kuyanda bantu batuyanda. Banalumi abamakaintu batakwe lufutuko abalo batondezya kuti eeci cili masimpe. Kuyanda baabo batuyanda ncintu cilicitikila mu bulengwa leza. Nokuba kuti kunooli muzeezo wa busyaacivwulemwangu uuliko mu luyando lwa buntu, Yahushua utwaambila kuti ikuti yebo koyanda biyo baabo bakuyanda, eeco tacikwe bulumbu mu bweendelezi bwabulemu kuli Yahuwah.
Kuyanda, kubbweleka, akupaapa bantu, ncintu cijisi makanze aakusisikizya. Mpindu zya mali, mu mukonzyanyo, zikolotesya biyo baabo bakkedwe myoyo kuti inga babbadela cikwelete. Pele, kufumbwa naa nimpindu iisunga mali nokuba muntu uulaa luse uukweletesya bamwi, awalo kanjaanji ulalangilwa kutambula mpindu niiceya. Oobu mbobweende bwa zintu anyika, pele Yahushua wakajuzya nzila ya kujulu eeyo iikonzya biyo kubelesyegwa mu buumi bwakanununwa mbuli mbobupedwe nguzu kuzwa kujulu.
Yahushua wakatwiita kuti tuyande basinkondoma mbweenya mbuli balongwe besu. Swebo tweelede kuyanda basinkondoma akubapailila aabo batulwana. Swebo tweelede kuyanda baabo batusinkilila abaabo batukonga kutulwana alimwi tulakulwaizyigwa kubacitila cibotu. Yahushua awalo utwaambila kucita cibotu kuli baabo akubakweletesya kakwiina kulangila kujosyelwa. Eeci tacili ciimo cabuntu cizyibidwe pele kakwiina kudonaika eeci nceciimo Taata Yahuwah ncalangila ku Munakristu ooyo uulemekezya Nguwe mu micito yakwe kuli bamwi.
Eeci ciiyo ca Mwami Yahushua tacikwe ncocijatikizya ku kululamikwa. Swebo tatubi bana ba Yahuwah nkaambo kakuba bantu babotu nanka kukweletesya zikwelete zitakwe mpindu atala kuli bamwi pe. Twakanununwa mu luzyalo kwiinda mu kusyoma mu mulimo wa cituuzyo a kubuka mubulemu kuzwa kubafu kwa Simalelo wesu Yahushua Messiah – alimwi eeci ncintu citakazyigwi.
Luyando alweengelelo lwa Messiah aluzulile mumyoyo yesu kutegwa tulitondezye luyando lwa bulemu bwa Yahuwah kuli bamwi, mu majwi amumicito, akuba cimbonimboni cibotu ca Messiah Yahushua, Mufutuli wesu akuleta mulemeko abulemu ku zina lya Taata Yahuwah lisetekene.
|
Nokuba boobo, aabo bakafutulwa kale akuba bana ba Yahuwah kwiinda mu kusyoma muli Messiah balangilwa kulyeendelezya muciimo ceelela mbabo mbobali bana ba Yahuwah, mbuli mbobapedwe nguzu zya Muya Uusalala uukkalilila muli mbabo.
Kulyeendelezya kumwi aluyando lwa bulemu zipanduludwe munkampango aaka, zikonzya biyo kuba muli yooyo wakazyalwa kuzwa kujulu – eelyo buumi a ciimo ca Messiah nocilitondezya muli mbabo. Balikke aabo bakafutulwa kwiinda mu kweengelelwa kwiinda mu kusyoma muli Simalelo Yahushua balakonzya kulitondezya ziimo zya bulemu eezi zisetekene akubaa luyando lwa Yahuwah Taata.
Luyando alweengelelo lwa Messiah aluzulile mumyoyo yesu kutegwa tulitondezye luyando lwa bulemu bwa Yahuwah kuli bamwi, mu majwi amumicito, akuba cimbonimboni cibotu ca Messiah Yahushua Mufutuli wesu, akuleta mulemeko abulemu ku zina lisetekene lya Taata Yahuwah.
Mupailo Wangu
Taata Wakujulu, luyando lwa buntu lwangu ndemwini, lwajanika kuti lulibulide, talukwe luyando lwa Messiah lukunka kwiinda muli ndime, Ime nsyekonzyi kupona mbuli Nduwe mboyanda kuti ndipone. Kondilongezya buzuba abuzuba, luyando lwa Messiah cakuti Ime ndiyande basinkondoma, ndipailile baabo banditundulula, akutondezya bubotu alweengelelo kuli bamwi. Kondigwasya kuyeeyela ciimo ca buleza cokwa Messiah kuti nditembaule akupa bulemu mu buumi bwangu boonse. Eeci ndakulomba Ime muzina Lyakwe liyandisi, AKUBE BOOBO.
Eeci ncibalo citali ca-WLC. Cakazyila ku: https://dailyverse.knowing-jesus.com/luke-6-35
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
|
This is a non-WLC article. When using resources from outside authors, we only publish the content that is 100% in harmony with the Bible and WLC current biblical beliefs. So such articles can be treated as if coming directly from WLC. We have been greatly blessed by the ministry of many servants of Yahuwah. But we do not advise our members to explore other works by these authors. Such works, we have excluded from publications because they contain errors. Sadly, we have yet to find a ministry that is error-free. If you are shocked by some non-WLC published content [articles/episodes], keep in mind Proverbs 4:18. Our understanding of His truth is evolving, as more light is shed on our pathway. We cherish truth more than life, and seek it wherever it may be found.
|
Nkwaabanya Zyoonse na?
Inzya, Yahushua taakajisi nsoni kwaambila basikwiiya bakwe, nokuba baabo bakali kulombozya kuba basikwiiya bakwe, kuti bauzye buvwubi bwabo bataangune kwaabanya mali aabo woonse. Eeci ncecileta mubuzyo wa buzuba buno kuzwa kuli sicikolo wiitwa zina lyakuti Noah.
“Mwalibizya , nobafundisi John a Tony! Ime ndi Munakristu mu Hedoni ku Cikolo cipati ca Stanfor, ndimanizya mwakwa watatu mu ciiyo cangu. Ime ndazwaa kumanizya kubala caandaano cijatikizya mali mubbuku lyamutwe wakuti Desiring God alimwi Ime ndaa mubuzyo: Nkaambo nzi Ime nceteelede kupa zyoonse (nokuba cibeela cipati) ca mali ngevwola kuli Leza?
“Bunji bwa ziiyo nzyeekamvwa zijatikizya mali akupa kwa kkumi zyaamba kuti, ‘Kopa! Alimwi kopa cakuteenkela!’ Ime njanda kwaabila cakupa moyo woonse mbuli mbwekonzya akuyobozya mpindu mu buumi buteeli. Pele mpaacindi cili kusangila kwangu ku Mwami mpukwaatalika kuba kwabuyamba? Aciindi cino, Ime nsyevwoli mali manji pe. Alimwi nsyebulide zintu zinji pe. Mu mali aasika $10,000 ngevwola, Ime ndibelesya buyo $2,000. Ndamanizya kupa kwiinda cibeela ca 20 mu mwaanda kuli Yahuwah mpoonya akuyobozya aaceede, Ime ndicilimvwide aanga inga bulumbu bwangu kuti bwayungizya ikuti ndayungizya ambeyo mali ngesangila, eeco ncintu ncelibambide kucita nkekkomene.
“Ipenzi ndejisi ndyakuti Ime ndiyeeya kuti inga ndalimvwa mbweenya kuti ndapa cisela 30 nokuba 50 nanka 80 mu mwaanda kuli Leza. Pele hena eelyo ndipenzi na? Hena mukamufu taakalumbulwa naakapa woonse ngaakajisi mubuumi bwakwe? Hena tatwaambidwe kuti tutalipenzyi kuyeeya ceeco ncotunga twalya nokuba kunywa nokuba cakusama? Yahushua wakati, ‘Kowulisya zyoonse zintu zyako akupa ku bacete. Amulisungile zikwama zya mali zitakulumpali kutegwa mutakacembaali (Luka 12:33). Yebo kwaamba kuti mubbuku lya Desiring God, ‘Yahushua takasyi kusunga mali. Pele walo tazumini kuyobozya mali cabuyamba — nkokuti, kusimpa moyo wako azintu zyakulikkomanisya akulikwaya mukubaa mali ngokonzya kujana munyika eeyi. Mali ayelede kuyobozyelwa kujulu ooko nkwaajana mpindu kukabe kutamani’ (193). Aboobo ikuti Yahuwah naa wandipa moyo mwaabi akundileleka kwiinda zintu nzyeyanda, nkaambo nzi ncetakonzyi kupa zyoonse?” – Noah
Kupeda limwi zyoonse?
Inzya, Ime nsyeko kwaambila Noah kuti atapi zyoonse pe. Ime nsyezyi Yahuwah ncamwiitila kuti acite. Yahushua wakaita ncobeni muleli mukubusi kuti aabanye zyakwe zyoonse. Yahushua wakaambila muleli mukubusi kuti, “Kuli biyo cintu comwe ncocibulide. Kouzya zintu zyoonse nzyojisi akwaabanya bacete, nkabela yebo uyoobaa buvwubi kujulu; mpoonya uboole, utobele ndime” (Luka 18:22).
Mbuli mbwaakaamba Noah, Yahushua wakalumbaizya mukamufu:
Yahushua naakakkede muŋanda yokwa Yahuwah kumbali aaciyobwedo camali, wakali kulangilide bantu kababikka mali. Bawvubi banji bakali kubikka mali manji. Mpawo umwi mukamufu mucete wakaboola akubikka tuli tobilo twamukuba. Mpoonya Yahushua wakaita basikwiiya bakwe wati, “Ndamwaambila kuti mukamufu ooyu mucete wapa kunji kwiinda boonse babikka muciyobwedo. Nkaambo bamwi babikka tuniini buyo kuzwa kubuvubi bwabo bunji, pele walo mubucete wabikka zyoonse nzyajisi, taakwe ncaasyaazya muŋanda yakwe.” (Maako 12:41-44)
Ime nsyezyi mweelwe wa cituuzyo mu mali ooyo Yahushua ngwanga waambila Noah nokuba muntu umwi kuti ape. Ime nsyezyi pe. Ime nsyeezyeezyi kuti muntu teelede kupa zyoonse, pele nceeci ncenga ndacita. Ime nsyekonzyi kwaambila Noah kuti ooyu tuuli mulimo wako wamu Bbaibbele. Ime nsyekonzyi kwaamba kuti ooku nkuyanda kwa Yahuwah kujanwa mu Bbaibbele nanka kuti mulimo wa banakristu, wakupeda limwi zyoonse kufumbwa ncojisi. Kuli twaambo ncendaambila boobu, pele ndapa buyo tuli ciloba.
Mbuli Mbokonzya Kubaa Buvwubi
Kutaanguna, Yahushua abaapositolo kunyina pe nibakaamba kuti kupeda limwi zintu zyesu zyoonse ube mulimo wa basikwiiya ba Messiah pe. Malailile aakapegwa muleli mukubusi taakali malalile aabantu boonse pe.
Cabili, Zacchaeus wakalumbaizigwa nkaambo kakupa cisela ca zintu zyakwe kubacete: “‘Langa, Mwami, cisela ca zintu zyangu Ime ndapa ku bacete. Alimwi kuti Ime naa kuli muntu ngweekacengelela, Ime ndamujosyela ziindi zyone .’ Mpawo Yahushua wakati kuli nguwe, ‘Buno buzuba lufutuko lwaboola amunzi ooyu nkaambo awalo ooyu mwanaa Abulahamu’” (Luka 19:8-9). Mumajwi amwi, walo wakabona mu bwaabi buli boobo — kupa cisela ca mwaanda akwiindilizya aawo — kuti lufutuko lwakaboola. Walo wakali kulitondezya kuti ulifutukide.
Catatu, Barnabas wakali kukkomaninwa kuti wakali mwana uukulwaizya mu cikombelo citaanzi. Eelyo basyomi nibakali kuulisya nyika amaanda aabo kuti bape kubacete, kulembedwe kuti, “Mbweenya oobo Josefa, ooyo baapositolo ngubakali kwiita kuti Barnabas (eeco ciiminina kuti mwana uukulwaizya), mu Levi, muntu wacisi ku Cyprus, wakauzya muunda wakwe akuleta mali akwaabikka kunembo lya matende aa baapositolo” (Milimo 4:36-37). Aboobo walo wakapeda limwi muunda omwe — kwiina kudonaika kuti cakali cipego cikubwene, pele tiizyakali zintu zyoonse nzyaakajisi.
Cane, eelyo Paulu naakali kubungilila mali aakupa ku bacete mu Jelusalema akataa zikombelo, walo wakati ku Bakolinto, “Lino kumakani aamilumbo yakugwasya basyomi, amucite mbubonya mbuli mbundakalailila mbungano zyaku Galatiya. Mubuzuba butaanzi bwamvwiki lyoonse umwi aumwi wanu uleelede kuti aliyobwede cintu mbuli mbwajisi, kuti ndaakuboola tutakasowi ciindi mukubunganya milumbo.” (1 Bakolinto 16:1-2). Ooyu muzeezo ulibonyaanga ngwakuti: kusikila mweelwe mbuli mbokonzya kubaa buvwubi, koyungizya kubikka ambali — kutali zyoonse, pele kunji kuli baabo bavwola mali manji, alimwi kusyoonto kuli baabo bavwila masyoonto. Kobikka ambali.
Beleka, Jana, Kopa
Casanu, Paulu waamba kuti, “Musoleke kukkala muluumuno. Mulibonene nobeni kumakani aanu, alimwi mubelesye maanza aanu. Amucite eezi mbubonya mbuli mbotwakamulailila, kuti bakunze bamulemeke akuti mutali kumbatizyi kumuntu nabani.” (1 Batesalonika 4:11-12). Eeci cilangikaanga mubuumi bwa cikombelo, buzuba abuzuba munyika, swebo tweelede kulangila buvwubi bukunka kuzya kuli ndiswe akutulesya kulivweketa kubaa butolo. Walo waamba kuti, “kutegwa mutayaamini ku muntu naba omwe, kamubeleka.” Eeco ciiminina kuti swebo tweelede kubaa mali aakonzya kubbadela nzyotuyanda. Yebo toyelede kupeda limwi zyoonse pe. Yebo weelede kuyobozya akulibambila buumi bukulesya kuyaamina ku bantu bamwi.
Cacisambomwe, Paulu waamba kuti, “Mubbi atabbi limbi, pele abelesye maanza aakwe mumilimo mibotu, kutegwa akonzye kupa cimwi cintu kuli baabo babulide.” (BaEfeso 4:28). Kuli nzila zyotatwe aawa: (1) yebo ulakonzya kubba, (2) yebo ulakonzya kubeleka kuti ulijanine ncoyanda, (3) nokuba kuti yebo ulakonzya kubeleka kuti waabile bamwi. Kweezyeezya aawa nkwakuti eelyo mali naayinda mumaanza eesu kuya mumilimo iilaa mpindu — kufumbwa naa nkuu bacete nokuba munzila iigwasyilila buleya — swebo tatuyeeme ali bamwi pe. Bunji bwa mali eesu alatugwasya kutegwa swebo tukonzye kupa akupa alimwi, akupa akuleka kulida bantu masuku amutwe.
Caciloba, Paulu waamba nzila yakwe yakulekezya kugwasyililwa:
Tiitwakali ba “samba tulye” pe, pele twakoonda milimo masiku asikati lyoonse, kutegwa tutamulemezyi mukuli. Takuli kwaamba kuti tiitwakali kukonzya kumulailila kuti mutulele, pele twakacita eezi kuti tube citondezyo cakuti mutobele. Nkaambo ciindi nitwakali akati kanu twakamupa mulawo ooyo wakuti, “Naa kuli uukaka kubeleka atabi nalya pe.” Lino twakamvwa kuti akati kanu kuli bamwi batolo beenda cakupilingana, batamani mulimo. Muzina lya Mwami Yahushua Messiah tulabalailila akubacenjezya bantu bali boobo kuti babeleke milimo yabo muluumuno, balijanine cakulya lwabo beni. (2 Batesalonika 3:8-12)
Eeyi nzila yakaliko mu cikombelo citaanzi— mpoonya amu Bunakristu — nkaambo buumi bwa buzuba abuzuba mbwa kuzwa busu bwa kulalila, kulibbadelela zyako, akubamba buumi bwako boonse kuti ube mulimo wakubelekela mwami.
Bantu a Zisela zya Kupa
“Koibaluka kuti woonse mali ngojisi ngookwa Yahuwah, kutali biyo yaayo ngopa kuli Nguwe”
————
“Inzila iizyibidwe nja kubelekela buumi bwako, kulibbadelela zyako omwini, akucinca buumi bwako boonse kuti ube mulimo wa mwami.”
|
Lino, tumpango tunjaanji inga twaletwa ooto tutondezya kuti kubula cintu akupeda limwi zyoonse nzyojisi, tiikwakali mu Cizuminano Cipya, mbuli munzila eeyo Yahushua a baapositolo mbubaateelede bweende bwa buumi bwa banakristu. Mukujala makani, Ime ndaamba zintu zyobile zikonzya kusolweda Noah kuti atatobeli nzila eeyo.
Kutaanguna, utayeeyeli biyo zisela nzyoyelede kupa. Koyeeya bantu mbobwene ntongola meso ncobeni, zintu nzyobabulide nzyobwene, akubona naa myoyo wako ulabayanda ncobeni bantu aabo. Nceeci nceyiminina Ime.
Muna Samaliya mubotu moyo wakalumbaizyigwa eelyo naakaleya akugwasya muntu wakaliciside mumugwagwa. Walo wakalijisi waini wakupa muntu ooyo. Wakalijisi kambongolo kakuti atante. Wakalijisi mali aakubbadela kwakukkala (Luka 10:30-35). Yahushua taakamubuzya kwaamba kuti, “Webo, nkaambo nzi ncojisi mbongolo? Nkaambo nzi ncojisi waini? Nkaambo nzi ncojisi mali? Yebo weelede kupa zyoonse nzyojisi.” Kaambo keni nkakuti, Hena yebo ulamuyanda muntu uuli kunembo lyako cakuti inga wabbadela lwako? Cinca mizeezo yako. Utayeeyi biyo mbuli muzeezo wakuti, “Ncisela nzi ncenga ndasungula kupa?” pele kuti, “Aabo bantu mbeswaangana aabo alimwi mbezyi — hena Ime ndabayanda mbuli mbweyelede azintu zyangu zyoonse?”
Nceeci cintu cabili: koyeeyela kuti woonse mali ngojisi ngookwa Yahuwah, kutali biyo yaayo ngopa kuli Yahuwah. Eeci ciiminina kuti swebo tweelede kubikkila maanu kufumbwa ncotubbadela kutozya kukuyaka bulelo bwa kujulu, kuleka buyo zyeezyo nzyotupeda limwi. Zyoonse nzyookwa Yahuwah. Yebo uli wakwe. Zyoonse nzyizyakwe. Nzyoonse nzyobelesya akupa ku mulimo wakwe zyakabambilwa kusumpula Yahuwah.
Noah, Ime ndilaa nduwe mumakatazyo aako aciindi cino, nkelaa myaka 73, mbweenya mbuli neekalaa myaka 23. Atupaililane kutegwa tutatolwi buzike mu zintu nzyotujisi.
Eeci ncibalo citali ca-WLC cakalembwa aaba John Piper. Yebo ulakonzya kuciteelela anselelo aawa:
https://www.desiringgod.org/interviews/does-jesus-teach-us-to-sell-all-our-possessions
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
