Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Ime ndinootempaulwa mumasunko lyoonse mukati aanze lyangu kusikila Yahushua akaboole mumakumbi aabulemu nokuba kundibusya kuzwa mucuumbwe, ikuti swebo katucili bazumi, alimwi aciindi cakubuka kuzwa ku bafu kuti naa katufwide, kutegwa kulemezyegwa kukatole busena.
Kulemezyegwa nkugwisyigwa ciimo ca cinyonyoono; kusikila cikacitike eeco, tunikuukwete katucili mu ciimo eeco. Cinooliko mukati ka musyomi pele taceelede kumweendelezya pe. “Nkaambo zibi tazikooba abwami bwandinywe, ikuti tamuli kumi ku-Mulao, muli kumi kuluzyalo.”
Luther wakali kuyaa kuzyiba, kwiimpana mbuli mbwaakakomezyegwa, kuti inzila ya lufutuko tiiyakali ya tunsiyansiya a malailile, milazyo a milawo. Mulawo wa bulemu uusetekene tiiwakapegwa ku babishi, wakapegwa ku zilengwa leza zilondokede aciindi ca malengelo; Balo bakali kukonzya kuubamba. Yebo a Ndime tatuli boobo.
Swebo tatulondokede. Tatuyeeyi munzila iisalala pe. Kulimvwa kwa myoyo yesu kulinyongene nkaambo ka zintu zyaatucitikila nitwakacili bavwanda akulunyungu lwesu, azintu zibyaabi nzitwakasala kulicitila. Toonse tuluujisi kulwana nkondo kufumbwa mpotweendela.
Aboobo, kusetekanyigwa mulimo uutola buumi boonse, pele nciindi cibotu kuli ndiswe, kalungumene kulanga kuli Yahushua, tulazunda kwiinda buyo kuba bakomi muli nguwe ooyo wakatuyanda nokuba kuti tulalyeempa akuzumina busofwaazi bwesu.
Aboobo, eelyo Luther naakabelesya majwi aakuti, “Aciindi nceenya koli mululami pele kocili mubishi,” aayo wakaazubula mu BaLoma. Pele kulemekezyegwa ndileelyo eeco ciimo ca cinyonyoono nocigwisyigwa kuzwa ali ndime, aboobo Ime nsyecinoo tempaulwi kabili kuzwa mumoyo.
Moody wakaamba kuti wakalaa penzi mukati lyakwe kwiinda muntu uuli woonse ngwana swaanganyide. Aako ambeyo nkakaano kangu. Ime ndikatazyidwe aa Des Ford kwiinda muntu uuli woonse ngweninga swaanganyide. Ime nsyefwide bweemya kwaamba cintu eeco nkaambo eeco ndipenzi lyako ayebo. Alimwi cintu ciinda kubija ncakuti tulalifubaazya akulyeena lwesu tobeni.
Ncintu citaambiki kucengwa aabantu bamwi, pele cilaindilila kubija kuti walicenga lwako omwini. Ananias a Sapphira bakayeeyede kuti bakali kucenga Yahuwah, pele bakataangunide kulicenga lwabo beni.
Kristu wakati, “Bali acoolwe bacete mumuuya.” Kuzwa mu muuya uulimvwa kubulila, kunyina cinga casinkilwa.
Kwakanyina majwi aalaa lunya kuzwa ku Mufutuli kuya ku muntu naba ni iwakabulide cintu. Pele wakabasaulula aabo bakali kulipeekezya kululama! (Mateyo 23). Eeyo njeyakali nzila ilikke yakubasinsimuna.
Eeci ncibalo citali ca-WLC ca Mufundisi Desmond Ford.
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya muMangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
Twakajokolosya abusena bwa WLC, mu Mangwalo aayindulukide kwaambwa mazina aa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Kotyanka aawa kuti utambule Mangwalo aa Restored Names Version (RNV) aa Mangwalo. IBbaibbele lya RNV talili cibelesyo ca-WLC. – Nkamu ya WLC
“Icaando” ncecintu cipati mu malembe aa mulawo. Kakwiina ciganto eeco, aayo majwi aalembedwe acipepa inga, kaali majwi biyo. Inga kaatakwe nguzu. Lino kakuli cidinto cigantidwe, aayo majwi inga aba mulawo. Cidinto cilaa cikkelo ca nguzu zya bweendelezi anguzu zya muleli nokuba muntu uulaa cidinto eeco.
Zidinto zyoonse zijisi zintu zyotatwe. Kakwiina zintu eezyo, cidinto inga kacitakwe mulimo; inga tiicayiminina muleli ooyo ngoceelede kwiiminina. Nzyeezi zintu zipati zyotatwe:
Eelyo Mwami mukaintu Elizabeth II naakazumizya muzyukulu wakwe Simalelo William, kuti akwate Catherine Middleton, wakalemba Cizyibyo ca Kuzumizya. Anselelo lya cilembedwe eeco, kwakabbatikwa tunweba twa golide tupesedwe, a Caando Cipati ca Bulelo cisubila cibambidwe aa bunzuka.
Izina lya yooyo uupa mulawo;
Cuuno ca buleli ca yooyo uu mulawo;
Inguzu zya bweendelezi zya yooyo uupa mulawo; bulelo mbwaayendelezya.
Kanjaanji caando cibambilwa kumatalikilo aa buleli bwa muleli. Ikuti caando eeco cajujuka nkaambo kakubelesyegwa kapati, kulabambwa ciganto cipya mpoonya eeco cakaindi cilazimaazyigwa kutegwa citacinoobelesyegwi ku ganta malembe aa mulawo. Kulabambililwa kapati kukwabilila cidinto ca bulelo. Kakwiina cidinto eeco, kunyina (kusanganya azina lya mulembi) cinga caba mumulawo wa mfulumende. Pele kuti kaciliko, kapepa kasyoonto buyo inga kacinca kaba mulawo mulemu uulaa nguzu kapati, uujisi cikkelo cizwide ca mwami.
Muleli wa Mulengalenga, awalo ulaa caando cakwe. Eeci caando, mbuli zyaando zya bami baanyika, cilajanwa mu mulawo Wakwe. Mubwini, eeci ncibeela ca mulawo Wakwe. Mulawo wa bulemu, ooyo weelede kweendelezya zintu zilaa busongo zyoonse zilengedwe mumulengalenga, Milawo iili Kkumi. Milawo mitaanzi yone ijatikizya milimo ya muntu ku Mulengi wakwe; iicaalizya iili cisambomwe yeendelezya bweende bwa micito ya muntu ku bantunyina.
Akataa milawo yoonse, ulikke buyo mulawo wane nguujisi izina , mutwe wa cuuno a nguzu zya bweendelezi bwa Mupati ooyo Uupa Milawo.
Ingasila buzuba bwa-Sabata, ubusalazye. 9 Mazuba aali musanu abumwi uleelede kubeleka akumana milimo yako yoonse, 10 pele buzuba bwamusanu aabili mbobuzuba bwa-Sabata bwa-Yahuwah Leza wako; mulimbubo utabi nocita milimo, noba nduwe, naba mwana wako mulombe, naba mwana wako musimbi, naba mulanda wako mwaalumi, naba mulanda wako mwanakazi, neziba iŋombe zyako, naba mweenzu uukede kulinduwe. 11 Nkaambo mumazuba aali musanu abumwi Yahuwah wakalenga ijulu anyika alwizi azintu zyoonse zili mumo, pele mubuzuba bwamusanu aabili wakalyookezya, Nkaambo kaako Yahuwah wakalongezya buzuba bwa-Sabata, wabusalazya. (Kolanga mu Kulonga 20:8-11.)
Aboobo, mulawo wane muli lwawo wini ncaando cokwa Yahuwah nkaambo ujisi zintu zyotatwe ziyandika mu zidinto zyoonse – kuyungizya acimwi – ulijisi a BUZUBA!
IZINA: Yahuwah
MUTWE WA CUUNO: Elohim
NGUZU ZYA BWEENDELEZI A BULELO: Julu a nyika, lwizi, azintu zyoonse zili muli ndulo
BUZUBA: Buzuba bwa 7 – oobo bwakali buzuba nsini atalaa Anyika – mpeenya buyo mbwaakamanina Malengelo.
Ikaambo ka masimpe aakuti Nsabata muli lwayo ncaando cokwa Yahuwah, nkapati kampatila alimwi Walo wakacisalazyila limwi kuzwa ku matalikilo kuti.
– Walo nguwakabubamba/ akububikka ambali/ akububamba ‘kusetekana’, mbeenya buzuba bwakatobela kuzwa naakalenga Adamu. Walo wakapa nguwe kuti bube cileleko cakwe.
– Langa mu Matalikilo 1:26-31, Cipati 2:1-3.
Lino wakabaambila kuti, Sabata yakaanzilwa muntu, muntu taanzilwi Sabata pe: Maako 2:27
Akataa milawo yoonse, mulawo wane nguuyinda kubula mpuwo.
Kuzwa kuciindi ca nsiku lini citazyibidwe, kubelesya misyobo yiindene ya micito a mizeezo, …[Saatani] wakacita zintu zinji mpacibwenene kusolweda bantu kuti basotoke nokuba kuuntuzyila mulawo mupati ooyu.
Kuzwa ku ciindi cansiku loko citazizilwe, kubelesya nzila ziindene a mizeezo, …[Saatani] wakalutila mpacibwenene kuti asolwede bantu kusotoka a kuuntuluzyila mulawo mupati ooyu.
Saatani lyoonse wakalizyi kuti ooyu mulawo ujisi caando ca Singuzuzyoonse. Kuzwa ku ciindi cansiku loko citayeeyelwi, walo wakabelesya nzila ziindene a mizeezo minjaanji, kalutide kusungilizya bantu akubasolweda ku kuuntuluzyila mulawo mupati ooyu.
Lino kabwene kale zintu zyoonse eezi, tacinyandyi kuti Yahuwah wakabamba mulawo ooyu kuti walo ulikke ube mulawo uulaa bbala litalisya kuti – ‘K-O-I-B-A-L-U-K-A’ – ‘Ingasila buzuba bwa-Sabata, ubusalazye. 9 Mazuba aali musanu abumwi uleelede kubeleka akumana milimo yako yoonse, 10 pele buzuba bwamusanu aabili mbobuzuba bwa-Sabata bwa-Jehova Leza wako; mulimbubo utabi nocita milimo, noba nduwe, naba mwana wako mulombe, naba mwana wako musimbi, naba mulanda wako mwaalumi, naba mulanda wako mwanakazi, neziba iŋombe zyako, naba mweenzu uukede kulinduwe:.. (Kolanga mu Kulonga 20:8-11.)
Sunu, twaambo tobile bantu ncobavwuzya kusotoka mulawo wane ntwakuti:
“Jeesu wakabuka mu Nsondo, aboobo swebo tweelede kukomba mubuzuba oobo kulemekezya kubuka kuzwa ku bafu.” (Aaka kaambo kadyakaizya kasimpe kakuti boonse baapositolo a Banakristu bataanzi bakali kubamba Nsabata ya buzuba bwa ciloba kwa myaanda myaanda ya myaka kakwiindide kubuka kuzwa ku bafu akutanta kuya kujulu kwa Mufutuli.)
“Nsabata yakagagailwa aciciingano alimwi tiiciyandiki kubambwa.” (Ooyu muzeezo tuuzukide nkaambo ulazumina akuti imwi milawo iili fuka iceelede kubambwa.)
Masimpe ngakuti, mulawo wane, ucili alimwi lyoonse wakali caando ca Mulengi. Yahuwah tasanduki pe. Walo ulyaamba Lwakwe kuti: “Ndime Yahuwah, nsisanduki pe .” (Langa muli Malaki 3:6.) Inga cainda kuubauba kuti bami baanyika bacinca milawo yabo kwiinda kuti Ooyo Uutacinci abikke mulawo Wakwe uulondokede ambali.
Bamwi bakomba Mujibelo, balakaka Nsabata iitobelezya mwezi nkaambo: “Coonse ncayanda Leza nkuti yebo kokomba mu buzuba bwa ciloba kufumbwa kkalenda libelesyegwa aa buleya.” Ooku kuzeeza boobu akwalo takuzukide nkaambo ikuti kacili cintu ciyandika kukomba mubuzuba bugaminide (bwa ciloba), nkokuti cilayandika akuti eelyo kkalenda libelesyegwa kubalila buzuba bwa ciloba oobo kalili kkalenda lya Bbaibbele.
Caando cilakwabilila Eelyo cintu cimwi nocaandidwe, cikwabilila cintu eeco cakaandwa. Mukaintu uuyobozya cakulya mutugabba ukwabilila cakulya cili mukati, eelyo walo nalongela akunyika tugabba ooto mumeenda aabila kutegwa zisinsyo zijatisye kapati kujala. Eelyo Herodi naakadinta caando acuumbwe cokwa Yahushua, eeco cakali kuyeeyelwa kuti cakalaa mulimo wa kukwabilila mubili wa Mufutuli kutegwa basikwiiya Bakwe batabooli kuzyoobba mubili Wakwe akutaminina kuti wakabuka kuzwa ku bafu. Nkabela kufumbwa cigantidwe caando cilikwabilidwe.
Aabo balemekezya Mulengi wabo kwiinda mukukomba Nguwe mu Nsabata abalo bali mubukwabilizi Bwakwe. Bukwabilizi bwa bulemu bwa kujulu mbwa ncobeni. Bulitambikidwe kuli boonse babamba buzuba bwa Nsabata akubusetekanya.
Saatani ulizyi cinicini kuti boonse bakomba mu Nsabata ya masimpe bali mubukwabilizi bwa caando ca bulemu bwa kujulu. Walo ulacimwa masimpe aaya! Eelyo naakali kutamikizya Jobu kuti ubelekela Yahuwah nkaambo biyo ka bu syaacivwulemwangu, Saatani wakatongooka kuti, “Saatani wati, Taakwe kaambo sena Jobu nkalemekela Leza? 10 Teewakamuyakilide kabotu, walo abaŋanda bakwe azyoonse nzyajisi? Wakamukupusya mumulimo wakwe, alimwi matanga aakwe avula munyika?” (Jobu 1:9, 10, KJV)
Mulawo uusetekene ubamba lwakwakwa, bwaanda bukwabilila mumbalaa boonse aabo batobela mulawo ooyo. Aabo bapona kabateelela bali mu caando cokwa Yahuwah alimwi nkabela bali mubukwabilizi Bwakwe cakugaminina.
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
“Mayuwe aalwizi aafutu Luka, alakovola bweeme bwao. NTUNYENYEEZI TUENDEENDA buyo, twakayobwedwa mudima uusiya mbi uutamani.” (Juda 13)
Mateyo. 24:4 Lino Yahushua wakabavwiila, wakati, Amucenjele kuti muntu atamweeni . (planáo , Strong 4105).5 Nkaambo kuzoosika banji kuzina lyangu, bati, Ndime Kristo, nkabela bazooena (planáo , Strong 4105) banji. — 11 Alimwi kuzooba basinsimi babeji banji, bazooena mbanji.
2 Timoti. 3:13 Pele balo bantu babi abasikulibeja balainda anka kubija, banooena , (planáo , Strong 4105) akweenwa ( planáo , Strong 4105).14 Eno yebo kojatisya makani ngowakaiya azintu nzozuminisya, nkaamboulibezi abo abakakwiisya ngao;
Ja. 5:19 Nobakwesu, nakuli muntu akati kanu uwakaleya munzila (planáo , Strong’s 4105): yalusinizyo, elyo umwi amuboozye ;20 amuzibe kuti uuboozya sizibi munzila yakuleya kwakwe uyooponya muuya wakwe kulufu, alimwi ulavumba zibi zinjizinji.
2 Pet. 2:13 Aboobo balabisizigwa acibweedezyo cakubisya kwabo. Cintu cibabotela nkulilela lyoonse isikati. Ntotubala, ntotumpenda. Balalilela beni mumapobwe aabo ngobapobola akati kanu. 14 Meso aabo alizwide mamambi, taaleki kubisya. Baloonga bapilausi, Myoyo yabo ilizibilide lulinyanzizyo. Mbana balutuko. 15 Basia inzila iiluleme, baleya (planáo , Strong 4105), baakutola inzila ya-Balamu mwanaakwe Beori. Oyo musinsimi Balamu wakali kuyanda cilumbo cabutaka;
Aawa mpampawo ibbala lya Cikuwa lyakuti “planeti”
Manyika mu Bbaibbele?
Inyika ipanduludwe kuti yakalengwa kuutaninga sika mumuni mubuzuba butaanzi alimwi mbusena oobo Yahuwah mbwaakakanzide kuti bube bwa kukkalila (Izaya. 45:18), utondezya kuti Walo taakali kuyanda kulindila zyuulunzuma atalaa zyuulunzuma zya myaka kuti agozye mulimo ooyu. Mukwiimpanya, inyenyeezi (ziimvwi nji a zyeezyo ziingaila) zyakalengwa mubuzuba bwane, alimwi zyakali maninide kwiimpana kuzwa ku Nyika yesu yaandeene.
Mulimo wa Nyika ngwa kuba makkalilo aa bantunsi, banyama, a masamu. Izuba a mwezi,comwe-comwe kacipandululwa kuti mumuni, zyaabambilwa kwaandaanya buzuba kuzwa ku busiku, zilabeleka akutondezya ziindi zya mwaka, mazuba, a myaka, akumunikila Nyika. Inyenyeezi azyalo zilangikaanga zilagwasyilila kupa mumuni a zitondezyo kulibaabo bakkede anyika. Tulabala makani aanyenyeezi mu kaambo kakuti, “Walo wakabamba nyenyezi azyalo,” eeco citobelezya busanduluzi bwa mulimo wazuba a mwezi. Mulembi ulayungizya kuti, “Nkabela Leza wakazibika mumweenya wakujulu, kuti zimunike ansi, 18 ziendelezye isikati amasiku akwaanzaanya mumuni amudima,” eeco mubufwaafwi caambilizya mulimo wa mimuni ya mulengalenga.
Kweendelanya ku bbuku lya Enoki a Bbaibbele, izuba liitwa kuti Lyalo , a mwezi wiitwa kuti Walo .
Izaya. 13:10 Nkaambo inyenyeezi zyakujulu abandakutema zilaleka kumunika. Izuba liyoosizigwa ciindi cakupasula; awalo mwezi uyookasya mumuni wawo .
Ezekiya. 32:7 Nenjookuzimya, njoovumba ijulu akusizya inyenyeezi zyalyo, Njoovumba izuba amayoba, awalo mwezi tuukooyoomunika.
Babetesi. 5:31 Basinkondonyoko boonse banyonyooke mbubonya, O Yahuwah. Pele abo bakuyanda babe mbuli izuba nilipasula canguzu. Elyo nyika yakaumuna myaka iili makumi one.
Nyenyezi zili ciloba? Amosi 5:8 Amuyandaule sikulenga cibungululu andakutema, oyo uusandula mudima kuti buce akusizya buzuba bube masiku, uuita maanzi aamulwizi akwaatila ansi. Izina lyakwe ngu-Yahuwah:
Eeci caambwa atala awa inga caambilizya cibunga ca nyenyezi ciitwa kuti (Pleiades) (bacizyi bali ciloba) mu mbunga yanyenyezi ya Taurus. Eeyi nje mbunga iilibonya ntongola meso mumulengalenga. Orion,mbuli Taurus, nimbungano ya nyenyezi. Ilakonzya akwiiminina nyenyezi zili ciloba ziingaila.
Matalikilo. 1:3 Lino Yahuwah wakaamba kuti, Akube mumuni. Mpoonya awo mumuni wakaba. 4Nkabela Leza wakabona mumuni kuti mubotu, alimwi Leza wakaanzaanya mumuni amudima. 5Lino mumuni Leza wakauulika kuti ndisikati, awalo mudima wakauulika kuti masiku. Aboobo kwakaba igoko, alimwi kwakaba cifumo, buzuba bomwe. 6 Lino Leza wakaamba kuti, Akube mulengalenga akatikati kamaanzi, uanzaanye maanzi amaanzinyina. 7Elyo Leza wakacita mulengalenga oyo, waanzaanya maanzi aali ansi lyamulengalenga amaanzi aali kujulu lyamulengalenga . Mbuboobo mbukwakaba. 8Lino oyo mulengalenga Leza wakauulika kuti ndijulu. Aboobo kwakaba igoko alimwi kwakaba cifumo, buzuba bwabili. 9 Lino Leza wakaamba kuti, Maanzi oonse aali ansi lyajulu ayoboloke antoomwe, kuti intundubwi iboneke, Nkabela kwakaba obo. 10Lino intundubwi Leza wakaiulika kuti ninyika, aalo maanzi mpaakayobolokela wakaaulika kuti ndwizi. Nkabela Leza wakabona kuti ncintu cibotu. 11Lino Leza wakaamba kuti, nyika isyusye mweemvwe, azisyu zizyala imbuto, amisamu iizyala micelo, umwi aumwi mbuli musyobo wawo, iijisi imbuto mukati, atala anyika, Nkabela kwakaba obo. 12Nyika yakasyusya mweemvwe, azisyu zizyala imbuto cimwi acimwi mbuli musyobo waco, amisamu iizyala micelo iijisi imbuto mukati, umwi aumwi mbuli musyobo wawo. Nkabela Leza wakabona kuti ncintu cibotu. 13Aboobo kwakaba igoko, alimwi kwakaba cifumo, buzuba bwatatu. 14 Lino Leza wakamba kuti, Akube mimuni mumwenya wakujulu, kuti ianzaanye isikati amasiku, alimwi ibe zitondezyo akubamba ziindi zyeelede zyamazuba azyamyaka. 15Ibe malampi mumwenya wakujulu aakumunisya ansi. Nkabela kwakaba obo. 16Leza wakacita mimuni yobile mipati, mumuni mupati wakweendelezya isikati amumuni muniini wakweendelezya masiku; azyalo inyenyeezi wakazicita . 17Nkabela Leza wakazibika mumweenya wakujulu, kuti zimunike ansi, 18ziendelezye isikati amasiku akwaanzaanya mumuni amudima, Nkabela Leza wakabona kuti ncintu cibotu. 19Aboobo kwakaba igoko, alimwi kwakaba cifumo, buzuba bwane . 20 Lino Leza wakaamba kuti, Maanzi avuzye makamu makamu aazintu zyuumi, abalo bayuni bauluke atala lyanyika mumweenya wakujulu. 21Nkabela Leza wakalenga banyama bapati bamulwizi azintu zyoonse zyuumi ziputauka, maanzi.
Bangele bawide IBbaibbele lilaambilizya bangele aabo batakalilemeka pele bakasiya masena aabo. Juda awalo wakeelanya nzila eeyo bantu baku Sodom a Gomorrha mbubakali kupona maumi aabo kabacita mafunze aa mamambe (kucita nkwela amuntu ngobakonzyene zitondwa):
Juda 1:6 Abalo baangelo abatakajatisya bwami bwabo bwakusaanguna pele bakabusia busena bwabo , wakabaanga azyaanzyo zitamani mumudima uusia mbi, kuti bakalindile mane kusikila kulubeteko lwabuzuba bupati. 7 bubonya obo Sodoma a-Gomora aminzi imwi iyakabambene ayo mbuyakabisya kukucita bwaamu akuba azisusi ziteelede , nkabela yakabikwa kuti ibe citondezyo cakuciswa kwaluumo lwamulilo uutamani. 8Nokubaboobo aba basikulota-lota bacibisya mbubonya, balalisofwaazya kumibili, balaubaansya bwami akusampaula malemu. 9 Anu Mikayelo angelo simutwe, naakali kuzumanana a-Saatani akukazyanya mutunta wa-Musa, wakayoowa kumubeteka cakusampaula, wakaamba buyo kuti, Jehova akutapatile. 10Pele abo balasampaula makani ngobatezi, alimwi makani ngobamvwa buyo mbuli banyama batajisi miyeeyo, balalibisya kulingao. 11Maawe kulimbabo, nkaambo kakuti baleenda munzila yaKaini, balitakaanya kumulandu wa-Balamu cakuyandaula lubono, nkabela bafwa mukukazyanya kwa-Kore. 12 Aba bantu mbobali mabwe aayubide mumapobwe aanu, balapobola anywe cakutayoowa akulilela beni buyo. Makumbi buyo aatakwe maanzi aapepuluka amuuwo. Masamu aakunkumukide aatazyali micelo, aafwide kobile, aakazyulwa miyanda. 13Mayuwe aalwizi aafutu Luka, alakovola bweeme bwao. Ntunyenyeezi tuendeenda buyo, twakayobwedwa mudinla uusia mbi uutamani. 14 Mbabonya aba mbaakasinsimina Enoki, wamusanu mubabili kuzwa kuli-Adamu wakati Amubone! Yahuwah waboola abasalali bakwe abali myaanda yamyaanda
Juda waamba Enoki kuti “wa musanu mubabili kuzwa kuli Adamu,” kutondezya kuti walo wakalangenye musela wa Matalikilo kuti wakali wa ncobeni (Enoki ngonguwe ncobeni musela wa ciloba kuzwa kuli Adamu). Juda taakajisi kaambo kakudonaika busanduluzi bwa bana ba Yahuwah (bangele) kuti bakali ba ncobeni.
Matalikilo. 6:1 Lino bantu nibakatalika kuvula ansi, alimwi nibakali kuzyala bana basimbi, 2bana ba-Leza bakabona bana basimbi babantu kuti mbabotu, nkabela bakakwata kufumbwa mbobakali kuyanda akati kabo. 3Mpawo Jehova wakaamba kuti, Muuya wangu tuukooyoo kazyanya lyoonse amuntu pe, nkaambo ninyama buyo. Mazuba aakwe ayooba myaka iili mwaanda amakumi obile. 4Mumazuba alya kakuli babbabbani ansi. Nkabela kusule lyayaaya, bana ba-Leza nibakaswanana abana basimbi babantu, bakabazyalila bana , mbombabo bakaba basinguzu baciindi, bantu basimpuwo. 5 Lino Yahuwah wakabona kuti bubi bwabantu baansi bulayoosya, amiyeeyo yoonse bantu njibayeeya mumyoyo yabo mibi luzutu mazuba oonse, 6aboobo Jehova wakausa nkaambo kakulenga muntu, wakapenga mumoyo wakwe.
Alimwi, bbuku lya Enoki a bbuku lya Jasher lilazumina kaano aaka akupa makani manjaanji aayungizyidwe.
Izuba (nokuba nyenyezi) tiizyakali kuyandika kumunikila Nyika mumazuba mataanzi otatwe (izuba lyakalengwa mu Buzuba Bwane). Swebo tulizyi kuti kuzwa mubbuku lya Ciyubunuzyo, Mwanaambelele ookwa Yahuwah (Yahushua) uyooba nguwe uutupa mumuni mu Jelusalemu mupya, oomo zuba talinooyandiki:
Saatani, inyenyeezi iilibotela Saatani, inyenyeezi iilibotela, wakaanzuka kuzwa kujulu nkaambo kakuzanga kwakwe. Lino, uleendeenda kaukwete kukakatila kweena bantu.
1 Petulo. 5:8 Amulibatamike akucenjela, nkaambo sinkondonyoko Saatani ULEENDEENDA mbuli syuumbwa wabutambo akuya buyandaula ngwati lume .
Jobu 1:6 Bumwi buzuba baangelo bakeza kulimanala kunembo lya-Yahuwah, awalo Saatani wakaboola ambabo.7 Yahuwah wakaamba kuli-Saatani kuti, Wali kuli? Saatani wakavuwa wati, Ndali kuzungazunga koonse koonse, nkenjendeenda munyika.
Mwanaa mwami Tyrus a simalelo wa muluwo (Saatani) balitondezya kupona buumi bukonzyene, mbuli butondezyedwe ansi aawa. Saatani wakali ncobeni nyenyezi iimweka:
Ezekjya. 28:2 O mwana amuntu, ambila mwami wa-Turo kuti, Mbuboobu mbwaamba Mwami Yahuwah. Moyo wako walisumpula. Waamba kuti, Ndime Leza, ndikede acuuno ca-Leza akati kalwizi. We! Uli muntu, toli Leza pe, nekuba kuti wayeeya kuba Leza. 3Ncobeni uli musongo kwiinda Daniele. Taakwe cintu cisisidwe kulinduwe. 4Busongo bwako amaanu aako, nzenzizyo zyakuletela buvubi, aboobo walivuzizya ingolida ansiliva muziyobwedo zyako. 5Maanu aako aakusambazya, ngengao aakuyungizizya buvubi, aboobo moyo wako walisumpula nkaambo kabuvubi bwako. 6Nkaambo kako mbuboobu mbwaamba Mwami Jehova. Mumoyo wako wayeeya kuba mbubonya mbuli Leza. 7Nkaambo kako ncobeni ndakuletela bazwakule, bantu bayoosya akati kabamasi. Bayoosomona mapanga aabo kuti balwisye busongo bwako bubotu, basofwaazye bweebesi bwako. 8Bayookuselemwida mudindi, nkabela uyoofwa mbubonya mbuli bayasidwe mbubafwa mubbonze lyalwizi. 9Ma! Sa unoocaamba kuti, Ndime Leza? Sa unoocaamba obo kumeso aabasikujaya? Mumaanza aabaabo bakuyasa uli muntu buyo, toli Leza pe! 10Uyoofwa lufu lwabatapalwidwe mumaanza aabazwakule, nkaambo ndime ndaamba obo, mbwaamba Mwami Yahuwah.11Lino ijwi lya-Jehova lyakandisikila, liti, 12O mwana amuntu, imba lwiimbo lwakulizya mwami wa-Turo, Umwaambile kuti, Mbuboobu mbwaamba Mwami Yahuwah. Webo wakalilondokede. Wakalizwide busongo, akweebeka loko kwiinda boonse. 13Wakali mu-Edeni, muunda waLeza. Kosakatide mabwe mayandisi oonse , mabwe aasalala pyu, mabwe aatopazi, mabwe aajaspi, mabwe aa-berulo, mabwe aaonukisi, mabwe aakrusalito, mabwe aasafiro, mabwe aanofeki amabwe aasmaragido; alimwi tuntimbwa twako anyeele zyako, zyoonse zyakaleengedwe angolida. Mubuzuba bwakulengwa kwako zyakabambwa. 14Ndakakubika antoomwe aangelo kerubu uunanikidwe uuvumba. Wakali mucilundu cisalala ca-Leza, wakali kweendeenda akati kamabwe aamulilo . 15Wakalilondokede munzila zyako kuzwa kubuzuba bwakulengwa kwako mane kusikila kuciindi eco zibi nezyakajanwa mulinduwe. 16Mukusambala kwako kunji wakazuzigwa lunya, nkabela wakabisya, Nkaambo kaako ndakakutanda kuzwa kucilundu ca-Leza, alakwe kerubu sikuvumba wakakunyonyoona kuzwa kumabwe aamulilo. 17Moyo wako wakalisumpula nkaambo kakweebeka kwako, Wajaya busongo bwako nkaambo kakweebeka kwako. Ndakakuwaala ansi kumeso aabami kuti bakweebele. 18Muzibi zyako zinji, mukupilingana kwakusambala kwako, wakasofwaazya masena aako aasalala, Nkaambo kaako ndakagwisya mulilo mukati kako kuti ukutente, Ndakusandula kuba itwe ansi mumeso aaboonse bakubona.
Banakristu basyoma kuti Nyika ilipapalele balasyoma akuti nyenyezi nzisyoonto alimwi zili munsimunsi lya Nyika, kazili akatikati (kutali atala) lya mulengalenga.
Nkaambo nzi nyenyezi ncozimwekaula? Kulangikaanga zibikkidwe mu mubalo wa meenda. “Eelyo Leza wakacita mulengalenga oyo, waanzaanya maanzi aali ansi lyamulengalenga amaanzi aali kujulu lyamulengaleng a— Lino Leza wakamba kuti, Akube mimuni mu mwenya wakujulu.”
VIDEO
Eeci ncibalo citali ca-WLC cakalembwa aa Annika Björk. Eeci cibalo cakafwiinsyigwa kuzwa ku busena bwa: https://bjorkbloggen.com/2017/12/09/planets-in-the-creation-account-wandering-stars-fallen-angels-jude-13/
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Cizubuluzyo ca Johane 11:25 – Ndime Kubuka a Buumi Lazalosi wakali mucuumbwe kwamazuba one eelyo Yahushua naakabweza musinzo kuya ku Bethaniya akukanana aa mucizyi wakwe, Martha:
Yahushua wakabusya Lazalosi kuzwa ku bafu kwiinda mu nguzu zyokwa Yahuwah.
Johane 11:21-27 Nkabela Maata wakaambila Yahushua kuti, O mwami, kuti nowakali kokuno, mwanaakwesu naatakafwa. 22 Aneeno ndilizi kuti kufumbwa ncokumbila kuli-Yahuwah, inga Yahuwah ulakupa ncico , 23 Yahushua wakamwaambila kuti, Mwanaakwanu ulabuka. 24 Maata wakamwaambila kuti, Ndilizi kuti uyoobuka mubuzuba bwakubuka bwakumamanino, 25 Yahushua wakamwaambila kuti, Ndime kubuka abuumi, Oyo uusyoma ndime, naanooli wakafwa, unooli muumi, 26 naba uli buti muumi uusyoma ndime, takooyoofwa pe. Wazumina obo na? 27 Wakamwaambila kuti, Ii, Mwami, ndazumina kuti nduwe Kristo, Mwana a-Yahuwah, nguwenya oyo uutegwa uleza muno munyika.”
Aabo bazyibide kaano aaka balizyi kuti mpeenya aawo mbuwakamanina buyo musalo ooyu, Yahushua wakabusya Lazalosi kuzwa ku bafu kubelesya nguzu zya Yahuwah.1 Nokuba boobo, Banakristu banji basyoma kuti eelyo Yahushua naakaambila Martha kuti, “Ndime kubuka a buumi, ” 2 Pele mwati Yahushua wakali kulyaamba kuba leza na? Atulange caamba Mangwalo kujatikizya Yahushua a buumi butamani.
Buumi Butamani Buzyila Kuli Taata. Eelyo notuvwuntauzya mu Mangwalo, tujana kuti Taata Yahuwah nguwakatalisya buumi. Ngooyu mukonzyanyo, wakali Taata wakapa buumi ku mukowa wabantu:
Malakayi 2:10a “ Saa toonse tatuli bana bamuzyali omwe na? Sa teensi Leza omwe wakatulenga toonse na? Lino nkaambonzi muntu ulacitila mweenzinyina lweeno, akutyola cizuminano cabamatata ?3
Izaya 64:8 Pele nduwe tateesu, O Yahuwah , Ndiswe bulongo , nduwe mubumbi wesu . Toonse tuli zilenge zyamaanza aako .
Eelyo notuvwuntauzya mu Mangwalo, tujan kuti Taata Yahuwah nguwakatalisya buumi.
Paulu awalo upa bulemu kuli Yahuwah kuti ngo Nguwe wakapa buumi kuzintu zyoonse:
Milimo 17:24-25 Leza [Yahuwah] uwakalenga nyika azintu zyoonse izili mumo, oyu mbwali Mwami wejulu enyika, takali muzikombelo zicitwa amaanza. 25 Alimwi tabelekelwi maanza aabantu, tali uubula cintu pe, nkaambo ngonguwe mwini nguubapa boonse buumi, amuuya, azintu zyoonse.
Paulu uya kumbele kwaamba kuti Yahuwah ngonguwe uuyoobeteka nyika “kumwaalumi ooyo ngwasungwide” alimwi mbwaakamubusya kubafu.4 Aboobo, kuzwa mu kaano kokwa Paulu ancokayiminina mu BaGalatiya 1:1 wakali Taata Yahuwah ooyo wakabusya Yahushua kuzwa ku bafu, tulizyi kuti mwaapositolo wakali kwaamba Taata Yahuwah kuti nguupa buumi mu cibalo eeci.5 Ncobeni, Yahushua waamba kuti ulapona nkaambo ka Taata Yahuwah:
Johane 6:57 “Mbubonya Taata muumi mbwaakandituma, amebo mbwendi muumi nkaambo ka-Taata …
Tabuli buyo buumi bwa musela uuno buzyila kuli Taata, pele abuumi bwa musela uuteeli buzyila kuli Nguwe abwalo:
Johane 3:16 “Nkaambo obuya Yahuwah mbwaakayandisya nyika, wakapa Mwanaakwe simuzyalwa alike, kuti umwi umwi uumusyoma atafwidilili, pele abe abuumi ubutamani .
Taata wakananika Yahushua kuti abe Messiah (ooyo uuzyibidwe akuti Mwanaa Yahuwah, Mwanaa Muntu, a the Kristu), aboobo akumutondezya kuti wakali mwami wakali kuyoolela bulelo butamani mucibaka ca Yahuwah.6 Lino kali cibeela ca milimo ya bulelo oobo, walo wakali kunoobeleka mbuli mubetesi wakasalidwe aa Yahuwah akupa buumi butamani kuli baabo Taata mbaakamupede:7
Johane 5:25-27 “Ncobeni ndamwaambila kasimpe, Ciindi cilasika, ncencico cino, abafwide nobayoomvwa ijwi lya-Mwana a-Leza, abalo abalimvwa bayoopona. 26 Nkaambo mbubonya Taata mbwajisi buumi mulinguwe mwini, awalo Mwana wakamupa mbubonya , kuti abe abuumi mulinguwe mwini. 27 Alimwi wakamupa bwami bwakubeteka , nkaambo ngonguwe Mwana a-Muntu.
Ikuti Yahushua kali Yahuwah, swebo inga twalangila kuti inguzu zya kupa buumi nizyakali kale zyakwe. Nokuba boobo, Mangwalo alimwi atwaambila kuti eezi nguzu zyakapegwa kuli Nguwe kuzwa kuli Taata Yahuwah:
Johane 17:1-3 Yahushua aambe buyo majwi aya, wakalungumana kujulu wakati, Taata , ciindi casika. Lemya Mwanaako kuti awalo akulemye. 2 Mbubonya mbookamupa bwami kubantu boonse, kupa buumi ubutamani kulibaabo boonse mbookamupa . 3 Mboobu buumi ubutamani, kuti bazibe nduwe , Yahuwah mwini-mwini, ooli olike, ayooyo ngookatuma, nguwenya Yahushua Kristo.
Mumuzeezo ookwa Yahushua, kunyina Baleza botatwe. Kuli buyo Leza omwe luzutu, alimwi ooyo ngu Taata. Kweendelanya kuli Yahushua, ooyu alimwi Leza omwe alikke nguwakamupa nguzu zya kwaabila buumi butamani.
Ncobeni Yahushua ngu kamboni uusyomeka. Mu muzeezo wakwe, kunyina baleza botatwe pe. Kwakali buyo Leza omwe luzutu, alimwi ooyo ngu Taata. Kweendelanya kuli Yahushua, ooyo Leza omwe uulaalikke nguwakamupa nguzu zya kupa buumi butamani.
Paulu ulalemba akuti buumi butamani buzyila kuli Yahuwah kwiinda nokuba muli Yahushua ooyo uuli ngo Kristu:
BaLoma 6:23 Nkaambo cakuvola cazibi ndufu, pele caabilo ca-Yahuwah mbuumi butamani bwamuli-Kristo Yahushua Mwami wesu .
1 Timoti 6:13 Ndakulailila kubusyu bwa-Yahuwah, uupa buumi kuzintu zyoonse, akubusyu bwa-Kristo Yahushua , uwakalyaamba lulilungululo lubotu kunembo lya-Pontiyo Pilato.
Kuyungizya waawo, Paulu upa kweezyekanya kusindingene akataa Adamu, muntu mutaanzi kulengwa aa Yahuwah, a Yahushua, ooyo ngwajuzya kuti ngu Adamu wamamanino:
1 Bakolinto 15:45 “Mbuboobu mbukulembedwe kuti, Muntu mutaanzi Adamu wakaba muntunsi muumi, Adamu musyaalizi wakaba muuya uupa buumi .
Kuba cintu cimwi, ciiminina kuti, yebo aciindi cimwi tookali ceeco ncookaba aakale. Ngooyu mukonzyanyo. Paulu ulemba kuti Adamu taakali muzumi, pele Yahuwah wakayoyela muya wa buumi muli nguwe, mpoonya Adamu wakaba muntu uupona. Munzila njeenya, Yahushua takali muya uupa buumi, pele naakabusyigwa kuzwa ku bafu, walo wakaba yooyo waabanya meenda aa buumi:
Johane 7:37-39 Lino kubuzuba bwakusyaalila, buzuba obo bupati bwepobwe, Yahushua wakaima, wakoompolola kuti, Kwanooli muntu uufwa nyota, aze kulindime anywe. 38 Oyo uusyoma ndime mwida lyakwe muyookunka milonga yamaanzi maumi, mbubonya mbwaamba Magwalo. 39Pele majwi aya ngaali kwaamba nga-Muuya, ngobati tambule abo abakamusyoma, nkaambo Muuya towalinapegwa , nkaambo Yahushua takalinanjizigwa mubulemu bwakwe .
Mulembi wa BaHebulayo ulainduluka mizeezo njeenya eeyi. Yahushua wakaba busena kuzyila lufutuko luteeli eelyo naakalondwedwe:
BaHebulayo 5:9-10 Eno mbwaakalondoka obo, [Yahushua] wakaba sikubacitila lufutuko lutamani boonse abo abamumvwa, 10 Yahuwah wakamwaamba kuti Mupaizi Mupati mbubonya mbuli Melkisideke.
Yahushua wakaba busena kuzyila lufutuko lutamani. Yahushua taakali busena kuzyila buumi butakwe lufu. Pele eelyo Yahuwah naakamubusya kuzwa ku bafu akumupa nguzu zya bweendelezi, walo wakaba nzila oomo buumi butamani mobuboolela. Ikuti Yahushua kali Yahuwah, eeco tacimvwiki kubaa maanu kwaamba kuti walo wakaba busena kuzyila buumi buteeli nkaambo Yahuwah ngo mwini uupa buumi a buponi butafwi. Pele cimvwika kubaa maanu kwaamba kuti Yahushua, Messiah muntususu ooyo wakasumpulwa ku janza lya lulyo lyokwa Yahuwah nkaambo kakuteelela kusikila ku lufu,8 wakapegwa nguzu zya bweendelezi kuti abe busena kuzyila buumi butamani. Mbwaanga, Yahushua wakaamba kuti nkuyanda kwa Taata Yahuwah kuti buponi butafwiki buboolele mu Mwana:
Yahushua taakali bbusena kuzyila buponi butafwiki. Pele eelyo Yahuwah naakamubusyide kuzwa ku bafu akumupa nguzu zya bweendelezi, walo wakaba nzila oomo buumi butamani mbobupedwa.
Johane 6:40 “Eno ndoolu luyando lwa-Taata , kuti umwi umwi uubona Mwana akumusyoma, abe abuumi ubutamani, amebo ndiyoomubusya kubuzuba bwakumamanino.”
Ikuti Yahushua kali Yahuwah, swebo inga twalangila nguwe kwaamba kuti lufutuko lwa mukowa wa bantu wakali muzeezo wakwe nokuba kuyanda kwakwe nokuba kuti wakatola cibeela kubamba makanze aayo antoomwe abamwi akataa Baleza botatwe. Nokuba boobo, Taata Yahuwah ngo Nguwe wakapegwa bulemu bwa kucita makanze aa lufutuko aayebeka,9 kutali Yahushua, Muya Uusalala nokuba Baleza botatwe pe.
Kasimpe kakuti buumi butamani tiibwakaboolela mukuyanda kwa Yahushua, nokuba mu makanze aakwe kulalibonya mu makani aakuti Yahushua taakasika ambaakani eeyo pele wakatumidwe aa Yahuwah:
Johane 7:28 Eno Yahushua wakoompolola muntempele naakali kwiisya, wakati, Mulindizi ankwenzwa mulikuzi, alimwi nsikalizidide lwangu ndemwini , pele oyo uwakandituma nguusinizizye, ngomutezi.
Johane 8:42 Yahushua wakabaambila wakati, Kuti Yahuwah naali uso, nomwali kundiyanda, nkaambo ndakazwa kuli-Yahuwah. Nsikalizidide ndemwini .
Alimwi, eeci tacimvwiki kubaa maanu ikuti Yahushua kali Yahuwah mbwaanga, kuti naali Yahuwah, walo naakali kuyoobweza ntaamu ya kuvwuna mukowa wa bantu. Pele ikuti Yahushua kali mutumwa muntususu ookwa Yahuwah, eeci inga camvwika kubaa maanu kapati kweendelana ku Bbaibbele. Mbweenya buyo, tulizyi kuti nokuba kuti Yahushua wakali kukambauka makanaa buumi butamani mu bulelo buciboola, mulumbe ooyo tiiwakali wakwe mukamwini, pele wakazyila kuli Taata Yahuwah:
Johane 12:50 “Ime ndilizi kuti kulailila kwakwe mbobuumi ubutamani, nkaambo kaako makani ngenamba, ndaamba mbubonya mbwaakandyaambila Taata .”
Cisyomyo ncicabo boonse basyoma muli Yahushua Kristu. Cisyomyo cikondelezya ca buumi butamani eeco Yahushua ncaakaambila Martha cilitambikidwe kuli boonse basyoma muli nguwe:
Cisyomyo cikondelezya ca buumi butamani cokwa Yahushua ncaakapa Martha cilitambikidwe kuli boonse basyoma muli nguwe.
Johane 11:25-26 Yahushua wakamwaambila [Maata] kuti, Ndime kubuka abuumi, Oyo uusyoma ndime, naanooli wakafwa, unooli muumi, 26naba uli buti muumi uusyoma ndime, takooyoofwa pe . Wazumina obo na?”
Pele ino ninzi muntu ncayelede kusyoma kujatikizya Yahushua kutegwa atambule buumi butamani? Hena tweelede kusyoma kuti ngu Leza muzyalululwa kutegwa tutambule buponi butafwiki? Kutali kweendelanya bwaamba Mangwalo. Eelyo Yahushua naakabuzya Martha kuti naa wakali kusyoma muli nguwe, walo wakaambilizya kuti wakali kusyoma muli Kristu, Mwanaa Yahuwah, kutali kuti walo wakali Yahuwah:
Johane 11:27 Maata Wakamwaambila kuti, Ii, Mwami, ndazumina kuti nduwe Kristo, Mwana a-Yahuwah, nguwenya oyo uutegwa uleza muno munyika .”
Kuyungizya waawo, Petulo wakazumina kuti mulumbe ookwa Yahushua wakali wa buumi butamani pele wakasalazya kumuzyibya kuti tali Yahuwah pele nguyooyo uusetekene ookwa Yahuwah:
Johane 6:68-69 Simon Petro wakamuvuwa wakati, O mwami, tuye kuli? Nduwe oojisi majwi aabuumi ubutamani , 69 Eno swebo twakasyoma, alimwi tulizi kuti nduwe Uusalala wa -Yahuwah .”
Ikaambo kokwa Petulo kalazuminana cakumaninina a Ciyubunuzyo walo ncaakatambwide kale kuzwa kuli Taata Yahuwah.10 Eelyo Yahushua naakabuzya basikwiiya bakwe kuti, “ino mbobuti mbubaamba bantu kuti mwanaa muntu nguni?”
Petulo wakaingula kumwaamba kuti ngu Kristu, naa mbuli bulembede Luuka, “Kristu ookwa 11 Kuyungizya waawo, mwaapositolo Johane usalazyide kwaamba mulimo wini naakalemba mulumbe wakwe kutegwa swebo tukazyibe kuti nkobuli buumi kuli baabo basyoma kuti Yahushua ngo Kristu. Kutali mbuli kutaminina kumbi, kwakuti swebo tukakonzye kuzyiba aanga walo ngu Yahuwah:
Eelyo notusyoma kuti Yahushua ngu Kristu ooyo Lez wakasimpe uuli alikke ngwaaktuma kuzyoonununa mukowa wa bantu, swebo, mubwini, tusyoma bumboni bwa Yahuwah Lwakwe.
Johane 20:31 anu ezi zyakalembwa kuti mukasyome kuti Yahushua ngu-Kristo , Mwana a-Yahuwah, akuti kukusyoma mukabe abuumi muzina lyakwe .12
Eelyo notusyoma kuti Yahushua ngu Kristu ooyo Leza omwe luzutu wamasimpe ngwaakatuma kuzyoonununa mukowa wa bantu, mubwini, tusyoma bumboni bwa Yahuwah Lwakwe. Alimwi oolu lusyomo muli Yahuwah amuli yooyo ngwaakatuma, eeco nceciletelezya kubaa buumi butamani:
Johane 5:24 “Ncobeni ndamwaambila kasimpe, Oyo uumvwa ijwi lyangu, akumusyoma uwakandituma, uli abuumi ubutamani , alimwi takooyoosika kulubeteko, pele wakazwa kukufwa, waya kubuumi.
Masimpe ncobeni, Yahuwah ngu Taata wabuumi butamani, alimwi Walo wakabambilila kuti swebo tweelede kujana buumi oobo kwiinda mu Mwanaakwe:
1 Johane 5:11-12 Lino bukamboni mboobu, bwakuti Yahuwah wakatupa buumi butamani , obu buumi buli mu-Mwana wakwe. 12 Oyo uujisi Mwana ulijisi buumi , pele oyo uutajisi Mwana wa-Leza tajisi buumi, pe.
Yahushua ngo bubuke bwa kuzwa ku bafu akunjila buumi butamani nkaambo Taata Yahuwah wakamusalila mulimo ooyo.
1 Johane 11:22, 41-44; Milimo 2:22; 10:38
2 Kulonga 3:13-14
3 Matalikilo 2:7
4 Milimo 17:31; BaGalatiya 1:1
5 Paulu ulitonkomene kutondezya kuti Yahuwah ngo Taata: Romans 1:17 15:6 1 Corinthians 1:3 8:6 2 Corinthians 1:2-3 Galatians 1:1 3-4
6 Luuka 1:31-33; 22:29; BaEfeso 1:19-23; 1 Bakolinto 15:24-28; Mika 5:2
7 Johane 17:2
8 BaFilipo 2:8-11; BaEfeso 1:19-23
9 Milimo 2:22-24; 4:24-28
10 Mateyo 16:13-17
11 Luuka 9:20
12 Langa amuli 1 Johane 5:13
Eeci ncibalo citali ca-WLC. Cakazyila ku: https://oneGodworship.com/Jesus-became-the-source-of-eternal-life/
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Mbwaanga “Leza wakasimpe uulaaliike” ngu “Taata,” alimwi mbwaanga Walo “ulisetekene” alimwi Walo “muuya,” Ulaambwa mu Mangwalo akuti “Muya Uusalala.” Ooyo Uupa ngu Yahuwah, Leza wakasimpe alikke, Taata, Muya Uusalala. Cipego Cakwe nimbuto iitakonzyi kusofwaazyigwa (1 Petulo 1:23 ), Ciimo Cakwe ca bulemu cini (2 Petulo 1:3 ), a muya uusalala (Milimo 2:39 ). Yahushua wakaamba kasimpe aaka muli Johane 3:6 “Icizyalwa mumubili, mubili, acalo icizyalwa mu-Muuya [Yahuwah, mupi], muuya [ciimo Cakwe, cipego].” Ikuti nikwanyina cintu mbuli “Baleza botatwe,” nkokuti kunyina “Muntu watatu muli Baleza botatwe” uuzyibidwe kuti “Muya Uusalala.” Anthony Buzzard a Charles Hunting bakalomya kulemba makani aaya:
Nkwiindilizya atalaa bumboni bwa Mangwalo kweelanya Muya wa Yahuwah ku muntu waanzeene kuli Leza omwe, munzila njeenya Mwana mbwali muntu nsini kuzwa kuli Taata.
“Nkwiindilizya atalaa bumboni bwa Mangwalo kusendekezya Muya wa Yahuwah kuti muntu waanzeene nsini kuzwa kuli Leza omwe, mumuzeezo ooyo awalo Mwana mbwaandeene kuzwa kuli Wisi . Kuli zintu ziimpanya akataa ncolyaamba Bbaibbele kujatikizya Taata a Mwana ancolyaamba kujatikizya Muuya. Yahuwah a Kristu mbantu baanzeene beelela kukombwa: Taata mu ciimo Cakwe ca Mulengi, Yahushua Mwana mbuli cibelesyo mumulimo wa lufutuko lwa mukowa wa bantu. Pele Muya Uusalala tuukwe zina lyuugaminide. Nkaambo nzi Muya Uusalala ncuutakombwi nokuba kupaililwa mu kampango nokaceya mu Mangwalo? Noliba lyomwe taakwe Muya Uusalala nuutumizya kwaanzya ku zikombelo. Eelyo baapositolo nobalembela zikombelo zyabo, lyoonse kwaanzya kwabo kuzyila kubantu bobile, Taata a Mwana. Ncintu ceenzu kuti Paulu kazumanana kusiya ambali kwaamba muntu watatu mu mutwe wa Baleza botatwe ikuti walo naakali kusyoma kuti nkwali ooyo muntu. Eelyo nalailila Timoti kuti azuunyane mu lusyomo, walo ukanana munsimunsi lya “Yahuwah a Kristu a bangele Bakwe basale.”
Silutwe Mufundisi mu lwiiyo wa buleza mu Bbaibbele wa musela uuno, sicikombelo uutubujula mu Cikombelo ca ku England, ulangikaanga ulakaka muzeezo wakuti iBbaibbele lijuzya muuya kubee muntu watatu:
“Kubuzya kuti naa mu Cizuminano Cipya muuya muntu mumuzeezo wa bbala eelyo mazubaano inga kwabaanga nkubuzya kuti naa muya wa Elijah awalo muntu. Muya ookwa Yahuwah muya Wakwel; nzye (dunamis (nguzu) zya Yahuwah zikutauka milimo. Pele Muya Uusalala tali muntu, taliponeni lwakwe alikke anze lya Yahuwah; ninzila biyo ya kwaamba buntu bwa Yahuwah mbwabeleka mu misela, nokuba buntu bwa Kristu mbwabeleka mu buumi abumboni bwa Cikombelo. Cizumianno Cipya (alimwi ncobeni amuzeezo wa musela wa bamatata) kunyina pe mpuuyiminina Muuya, mbweenya buyo nobuba busongo bwa Yahuwah, mbobutali muntu uuliponena lwakwe.”
Majwi aayo Luuka ngaakabambilila kubelesya mu zibalo ziyandisi zyotatwe atondezya muya anguzu mbwaali mabala aacincana kubelesyegwa: Johane Mubbbizyi uyoosolola kunembo lya Messiah “mu muuya anguzu zya Elijah.” Aciindi ca kumitwa kwa Mwanaa Yahuwah, Maliya wakaambilwa kuti “muya uusalala [kunyina bbala lisolweda lya Muya mu ciGiliki] uyoo Muuya Uusalala uzooza alinduwe, enguzu zya-Sijulu lyamajulu zikuvunikile .” Eelyo Yahushua naambilizya kuboola kwa muya uusalala mupobwe lya Pentekosti, walo waamba kuti makanze aakwe nga “Eno amubone, ndiyoomutumina cisyomezyo ca-Taata, pele kamukede mumunzi wa-Jelusalemu mane mukapegwe nguzu izizwa kujulu.” Ibbala lyakuti “Muya wa Yahuwah” mu cibalo cimwi lilicincene alyakuti “munwe wa Yahuwah” mu cibalo ceendelana ancico. “Munwe wa Yahuwah” tacili cintu cipandulula muntu pe.
Eelyo umwi nazyalululwa mu moza wa Yahuwah, ooyo muntu tatambuli “Muntu,” pele utambula ciimo cabulemu cokwa Yahuwah, eeco cipedwe ku bantu kuti basanduke kuba mu cinkonzya ca Mwanaakwe.
“Eelyo umwi nazyalululwa mu muuya wa Yahuwah, tatambuli “Muntu” pe, pele ciimo cabulemu cokwa Yahuwah, cipedwe kubantu kubasandula kuti babe mu cinkonzya ca Mwanaakwe. Eeci cipego cilaambidwe mu Mangwalo mumabala aakonzyanya manjaanji, kusanganya aakuti: “muya uusalalat,” “imuuya,” “muya wa Yahuwah,” “muya wa Kristu,” “muya wa Mwami,” “muya wa kasimpe,” “muya wa Bwana bwakwe,” akuti “muya wa cisyomyo,” antoomwe akuti “muntu mupya” akuti “ciimo ca bulemu.” Kunyina akataa mabala aaya bbala lisendekezya kuti eeco cipego muntususu. Kuyiisya kwa musyobo ooyo kuleka biyo kuti takukwe musemo mu Bbaibbele pele takumvwiki kubaa maanu ku mizeezo ya buntu iiluleme. Basanduluzi nokuba boobo, bakayungwayungwa aa lusyomo lwa ziyanza zya kukomba Baleza botatwe, bakakondoola meenda aasalala aa Mangwalo aawo mpaajatikizya cipego ca muya uusalala. Ngooyu mukonzyanyo, atulembulule cakaamba Buzzard a Hunting alimwi eelyo nobalemba makanaa Johane 14:1518 a 26 . Nkweenya kuteelela nkubakatondezya kulalibonya amuli Johane 15:26 , 16:7, 8 , a 13-15 .
Mumilumbe yamacaalizyo yokwa Yahushua kuli basikwiiya bakwe, walo waamba makanaa “muumbulizi” ooyo uuyooboola kuzyookulwaizya basyomi eelyo Yahushua anootoledwe kuli Wisi. Mbwaanga “muumbulizi” (parakletos ) ndibbala lya bwaalumi muci Giliki, basanduluzi aabo bakali kusyoma mu “Muntu watatu mumutwe wa Baleza botatwe” bakabelesya mabala aakuti “walo” (mbuli kwaamba mwaalumi) akuti “nguwe.” Izina lya “muumbulizi”, nokuba boobo, alyalo ndibbala lyaamba “muya wa kasimpe.” Eeli zina lya mutwe kunyina nokuceya nolisendekezya muntususu. Ikuti tiitweezeezya Muya Uusalala kuba muntu waanzeene kuzwa kuli Taata a Mwana, ootu tumpango inga twalangika munzila iitobela: Mwanoondiyanda, kamubamba milao yangu. Amebo ndiyookumbila Taata, uyoomupa Mugwasyi umbi kuti akale anywebo lyoonse. Ngonguwe Muuya wabwini, oyo inyika ngwiitakonzya kutambula, nkaambo tiimuboni nekuba kumuziba [auto , ibbala lyaamba muya]. Nywebo mulimuzi [walo], nkaambo ulikede anywebo, alimwi unookede mulindinywe. Nsikooyoomusia mbuli bamusyaala, ndileza kulindinywe…Pele Mugwasyi, Muuya Uusalala, Taata ngwayootuma muzina lyangu, uyoomwiisya [ekeinos, eeli ndibbala lya bwaalumi muci Giliki lyeendelana alya parakletos pele lisanduludwe kuti “walo” eelyo buyo kuti kakuyeyelwa kuti muntu waambwa] zintu zyoonse, uyoomuyeezya zyoonse nzendakamwaambila.”
Mubwini, Munakristu omwe-omwe ncibeela ca “makkalilo ookwa Yahuwah” (BaEfeso. 2:22) alimwi, kwiinda mu Muya Uusalala Wakwe, boonse bobile Yahuwah a Mwanaakwe lyoonse nkobali akati kesu (Johane 17:21).
Lino atwiinduluke kwiimpana akataa Mupi a cipego ncintu ncokuyandika mu buumi bwa Bunakristu. Ikuti muntu umwi wamvwisyisya kuti upedwe cipego ca nguzu zyokwa Yahuwah, akuti cili kuli nguwe kubelesya nguzu eezyo, ooyo ulalangilwa kucita boobo cabuyamba aluciso. Ikuti, nokuba boobo, walo kasyoma mu “Muntu watatu” wamaseseke kuti nguukkede muli nguwe, walo inga walindila cakulembekezya “Muntu” ooyo kuti amucitile eeco Mangwalo ncaamba kuti mulimo wakwe uumugeme.
Alimwi penzi lilibonya kuzwa mu kulubizya kuyeeyela kuti “Muya Uusalala” muntu waandeene kuzwa kuli Yahuwah Taata nciiyo cakuti “Walo” ulaboola akuyaamuka mumaumi eesu. Eeci cisolweda bantu “kutamba” “Nguwe” mu miswaangano, mukwiimba nyiimbo mumajwi mbuli bwayaaya, “Yebo uli tambwidwe mubusena obuno,” alimwi zimwi ziindi nokuba mumipailo iitola mawoola kutegwa basike “aawo mpabede.” Mubwini, Munakristu omwe-omwe ncibeela ca “cikkallio cokwa Yahuwah” (BaEfeso 2:22 ) alimwi, kwiinda mu muya uusalala ookwa, boonse bobile Yahuwah a Mwanaakwe lyoonse balaa ndiswe (Johane 17:21 ).
Pele biyo kuti umwi wabelesya mabala aatajanwi mu Bbaibbele, walo takonzyi kupandulula “Baleza botatwe” nokuba zibalo zinjaanji ziimpene mu Mangwalo abusongo buzyila mu kusyoma ooku. Nokuba kuti majwi aatali aamu Bbaibbele azumizyigwa, oobu bupanduluzi tabukwe maanu.
Kujanza limwi, kufumbwa kampango nkobalembulude aabo Basyoma muli baleza botatwe kuti “batondezye” “Baleza botatwe,” naknak kuti Yahushua ngu Yahuwah Singuzyoonse, kulateeleleka kulangila mumilaka mitaanzi ya Mangwalo a ziyanza zya ciindi eeco, kapati mu lusyomo luzuunyene lwa “Leza Omwe” wa bu Juuda. Tupango tuyumu tujateken mu ciiyo eeci tulakonzya kumvwisyigwa mu mumuni wa tumoango tumwi tunjaanji mu Jwi lya Yahuwah. Mu kaambo komwe-komwe, swebo tuyandika kuti kuteelela kwesu kumunikilwe nanka kuti aawo aali kulubila abambululwe. Aalumwe Yahuwah kuti eeci cintu cilajanika.
Eeci ncibali citali ca-WLC. Cakazyila ku: https://www.biblicalunitarian.com/articles/holy-spirit/what-about-the-holy-spirit
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
Eeci cibalo tacili ca-WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wa balanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano ya milimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
“MUBALO wa Nyika” – Izaya 40:22Ikuti yebo koyanda kutondezya kuti Nyika nimbumbulu kweendelanya ku Bbaibbele, yebo weelede kwaamblizya akampango kambi kunze lya Izaya 40:22, mbwaanga aaka kampango takagwasyilili kutaminina ooko. Ikuti yebo kokanzide kubelesya kampango aaka kuti utondezye mbumbulu, kuli twaambo tupati totatwe amuzeezo ooyo: mubalo, insozi, a civwuka.
Izaya 40:22 Ngonguwe uukede atala lya MUBALO wa Nyika , nkabela bantu bayo bali mbuli cisozi . Ngonguwe uuyala ijulu mbuli cisitilizyo akuliyanika mbuli ITENTE lyakukala mumo.
Zikwankwani zyakusobanya a mitiba yakulida zibambiwe mbuli mubalo, zili ncobeni mibalo. Mubalo tacili cintu cikonzyene aa mbumbulu, ibbola, nokuba cinkuli, noliba bbola inga lyalangikaanga mubalo kuti lyalangilwa kubbazu lyomwe buyo.
Ibbala lya kuti “Mubalo” mu kampango kataanzi atala aawa lisandululwa kuzwa kubbala lya cintu muci Hebulayo lyakuti [chug] (mubbuku lya Strong 2329), eelyo liiminina mubalo, ciluli, nokuba igoko. (Bikkila maanu kuti talisanduludwe aanga ndibbola naa munkuli.) Kunze lyakampango aaka, kulibonyaanga kuti lilalibonya ziindi zyobile nokuba zinji mu Bbaibbele. Muli Jobu 22:14, tubala kuti Yahuwah uleendeenda a mubalo/ciluli ca kujulu (kweendeenda atalaa mulengalenga wakujulu), alimwi mu Tusimpi 8:27, tujana kuti ooyu mubalo wakaanzikwa atalaa meenda malamfu. IBbaibbele lya KJV lilembedwe kuti “Naakacita mubalo atala lyamaanzi malamfu. ” Ibbola talijiisi lubazu lukonzya kwaambwa kuti “busyu, ” kakuli Nyika iipapalele ulaa busyu. Ibbaibbele lya NKJV lyaamba kuti, “Naakeenga mubalo atala lya maanzi malamfu. ” Ncintu cikatazya (ambweni citakonzyeki) kweenga cinkuli nokuba mbumbulu atalaa cintu cimwi pele ncuubauba kweenga mubalo atalaa cintu cimwi.
Jobu 22:14 Uleenda atalaa mubalo wakujulu , Tatuboni nkaambo kamayoba. (KJV)
Tusimpi. 8:27 Naakasimpika ijulu ndakaliwo, Naakacita mubalo atala lyamaanzi malamfu (NKJV)
Bikkila maanu kuti inga tiicamvwika kubaa maanu kweenga “munkuli” atalaa meenda malamfu. Kweezyekanya akuli:
Jobu 26:10: “Wakaconcomeka migaano yakujulu (Strong 2328) atalaa maanzi manji , Kaandaanya mudima kuzwa kumumuni.(NASB)
Ibbala lya cintu liliatala aawa eeli (chug) lilijatene kubbala lyakucita cintu muci Hebulayo lilaa zina ndeenya, eelyo lilembwa kuti chug kweenga mumbali a kubamba mubalo. Lijanwa buyo mubbuku lya Jobu 26:10, oomo motubala kuti Yahuwah wakeenga mubalo atalaa cibuye, naa (mbuli mu Bbaibbele lya KJV) “wakakobelela meenda.”
Izaya 40:22 uyungizya kwaamba kuti aabo bakkala anyika balibonya mbuli mpaso eelyo Yahuwah nakkede atala lya mubalo (mulengalenga). Eeci ciyandika kuba boobo munzila imwi kuti koimpukide atala, eeco cibeleka kabotu kuti kakuli mulengalenga muyumu uubikkidwe atalaa Nyika iipapalele kilaa mubalo mbuli mutiba. Kuli kwiimpuka kwaambidwe amuli Jobu 22:12, oomo motukonzya kubala kuti: “L eza tali mujulu lyamajulu, Akulanga nyenyeezi zili mulindilyo sena? .” Bikkila maanu kuti lyaamba kuti Yahuwah “ulanga ansi” atalaa nyenyezi eelyo nakkede nokuba kweendeenda atalaa mulengalenga.
Nyenyezi ya kubucedo (Lucifer) wakali kuyanda kusumpula cuuno cakwe atalaa nyenyezi zya Yahuwah, alimwi walo taambi atalaa mulengalenga pele waamba kujulu kwiinda mayoba . Aawa mpampawo mpaakayeeyela kuti cuuno cokwa Yahuwah mpocibede – atala lya makumbi. Icuuno cokwa Yahuwah cipanduludwe ncobeni kuti cili buyo atala lya mulengalenga mujulu, alimwi kweendelanya ku makani aa malengelo aali mu mubbuku lya Matalikilo, inyenyezi zyakabikkwa mu mulengalenga.
Izaya. 14:12 Ma! Waloka buti kuzwa kujulu, O intanda, mwana wa bucedo! Wagonkwa buti ansi yeboo wakafwiinsya bamasi! 13 Wakaamba mumoyo wako kuti, Nkatante kujulu. Nkaimike cuuno cangu cabwami kujulu lya nyenyeezi zya-zya-Yahuwah . Nkakale atala lya cilundu ca mbunganino kumabazu aaku musanza. 14 Nkatante kujulu loko kwiinda mayoba. Nkakozyane a-Leza Mupati.
Ezekiya. 1:26 Alimwi kujulu lyamwenya oyo iwakali atala lyamitwe yabo kwakaboneka cili mbuli cuuno cabwami , cakali mbuli ibbwe lya-Safiro, nkabela atala acintu eco cakali mbuli cuuno akakede mbuli muntu .
Matalikilo. 1:14 Lino Leza wakamba kuti, Akube mimuni mumwenya wakujulu , kuti ianzaanye isikati amasiku, alimwi ibe zitondezyo akubamba ziindi zyeelede zyamazuba azyamyaka.15Ibe malampi mumwenya wakujulu aakumunisya ansi. Nkabela kwakaba obo. 16Leza wakacita mimuni yobile mipati, mumuni mupati wakweendelezya isikati amumuni muniini wakweendelezya masiku; azyalo inyenyeezi wakazicita.17Nkabela Leza wakazibika mumweenya wakujulu , kuti zimunike ansi,
Nkeenya kampango (Izaya. 40:22) akalo kabelesya kweezyekanya majulu aalandabikidwe mbuli mulembo waku mpulungwido akwaanzikwa mbuli CIVWUKA
Nokuba kuti eelyo bbala lya [Chug ] talisandululi bbola, nokuba boobo, kuli bbala liiminina “bbola” eelyo Izaya ndyaakali kunga wabelesya ikuti eeci nicakali ncaakali kuyanda kwaamba, pele walo taakabelesya bbala eelyo mukampango kali atala aawa. Nokuba boobo, walo wakalibelesya bbala eelyo muli Izaya. 22:18 oomo busanduluzi bwa bbola mobuzyila kubbala lyakuti dur (mubbuku lya Strong 1754):
Izaya. 22:18 18 Uyookulambaila mbuli IMPILA , uyookuwaala munyika impati, elyo uyoofwa nkukonya oko, azyalo inkalaki zyabulemu bwako ziyooba nkuko, uwe nousya luzubo lwamwami wako.
Izaya ulapandulula akutii Nyika malyatililo .
Izaya 66:1 Mbuboobu mbwaamba Yahuwah. Ijulu ncecuuno cabwami bwangu, anyika ncecilyatililo camaulu aangu . Ino ili kuli iŋanda njimuti ndiyakile? Nkokuli nkunkonzya kujana cilyokezezyo?
Tumpango tumbi tulaa ciiyo nceenya Mu Bbaibbele, i Nyika ipandululwa kuti tayendeendi, iliimvwi nji atalaa misumpo, kiibikkidwe akataa malengelo woonse ookwa Yahuwah, kwiinda kuti ncintu cipindauka mbuli bbola lipilauka mamaile aali 1,000 mu woola lyomwe kumwi kalizuumuka calubilo kapati kwiinda nkulu yantobolo, mamaile aali 67,000 mu woola lyomwe. Ncenciceeci bantu basyoma kuti nyika ilipapalele ncobeelede kulemekwa kwiinda kufubaazyigwa. Pele hena takulembedwe kuti Nyika ilaanzikidwe aanyina ciliko? Mbubuti eeci mboceendelana a mizeezo yobile yanyika eeyi?
Jobu 26:7 Ulayala julu lyakunyika kubusena butakwe cintu, Akwaanzika nyika kutakwe ciliko.
Busanduluzi bumwi bubelesya bbala lyakuti “aatakwe cintu, ” eelyo linga lyasolweda muntu uubala kuti eyeeyele makanaa malengelo a kaambo kambwa kuti, “iNyika yakali pilingene akubula cintu. ” Ambweni busanduluzi bwa Jobu bwaamba ciindi eelyo Yahuwah naakazwa aa kulenga Nyika, akuyaanzika aatakwe cintu, mpoonya wakaya kumbele kwaandaanya meenda akwiisimpa atalaa minkulwa. Aaka kampango inga tiikamvwika kabotu ikuti katuyeeyela bbola lifuuma kuzinguluka mumbalaa zuba, cinkuli cikunkulika ciindi coonse tacikonzyi kwaanzikwa nokuba aali buti alimwi taciyandiki kusimpwa atalaa minkulwa.
Izaya13:13 Akaambo kako njoozungaanya ijulu, ayalo Nyika iyootenkana mpiibede , mubukali bwa-Jehova wamakamu amubuzuba bwalunyemo lwakwe lupati.
Intembauzyo. 104:5 5 Ngonguwe wakabika nyika antalisyo zyayo, Kuti itabi niizungaana.
Ibbaibbele lilaambilizya magoko aanyika one mu tumpango tongaye, aayo aajatikizya Nyika yoonse alimwi akugaminina nyika zimwi, mbuli cisi ca Isilayeli. Inyika ya Isilayeli tiiyalidwe munzila yakuti ilibonya mbuli bbola pele ilakonzya kulanganyigwa kuti ilipapalele. Ibbala lyakuti “magoko one ” inga lyasandululwa bwinibwini nokuba mbuli mukonzyanyo uubelesyegwa aa balembi wakwaamba mubuzwide. Ngooyu mukonzyanyo, mu Milimo 10:11 a 11:15, Petulo wakabona mulembo uusumidwe kuzyooko zyone, kuujisi mukati banyama baandeene. Mubwini, ooyu mulembo unooli wakali papalele, alimwi zyoonse zyakali mukataa zyooko zyawo zyone zyakali zumizyidwe kulya kuli Petulo. Mbweenya buyo, cisi ca Isilayeli kuceezyekanya ku zyooko zyone muli Ezekiya 7:2, nokuba kuti tacili mbuli milembo mubwini. Ciyubunuzyo 7:1 cilangikaanga caamba zyooko zyone zya Nyika kuti nzya ncobeni, kakuli bangele bone bakobelela myuwo yone.
Milimo 10: 11 Ndakabona ijulu lyaba bukwazi, ecintu cilaseluka iciba anga ndisila pati, calengelezegwa ansi ezyooko zyone : + Milimo 11:5
Ezekiya. 7:2 Uwe O mwana amuntu, mbuboobu Mwami Jehova mbwaambila nyika ya-Israyeli. Asika mama nino! Asika mamanino kumabazu aanyika oonse one.
Ciyubunuzyo. 7:1 Musule lyayaaya ndakabona baangelo bone baliimvwi azyooko zyone zyanyika, baajata myuuwo yone yanyika, kuti luuwo lwaungi ansi nikuba kulwizi nikuba kumusamu uuli buti.
Aaka kampango akalo kaamba zyooko zyone, alimwi bikkila maanu ku bbala lya “bwaamba”
Ciyubunuzyo. 20:8 Elyo uyooinka kuyooena masi oonse aali muzyooko zyone zyanyika, Gogo a-Magogo, akwaabunganya antoomwe kunkondo. Mweelwe wabantu uli mbuli musee wakulwizi. 9Nkabela bakeendeenda MUBULAMFU boonse bwanyika akuzingulula inkambe yabasalali amunzi uuyandika. Mpoonya awo kwakaseluka mulilo kuzwa kujulu, wakabaumpa.
Ibbala lya “bulamfu” aatala aawa lipandulula atalaa cibuye ca Nyika, kutali zibeela zyaco. Mbusanduluzi buzyila ku zina lyakuti [πλάτος/platos] (Strong 4114) alimwi likonzya kwaambwa kuti bufwaafwi nokuba musena uukwazamene. Ibbala lisandulula cintu lyeendelana ndyakuti [πλατύς/platus] (Strong 4116), eelyo likonzya kupandululwa mbuli mugwagwa, mbuli muli Mateyo. 7:13 (cipapalele alimwi ciyanikidwe). Ibbala lijatene aaleelyo ndyakuti [πλάσσω/plassó] (Strong 4111), eelyo lisandululwa kuti ciimo ca cikombole. Ibbala lyaci Frenchi lyakuti “plateau” liiminina cipapalele naa cili munsaa kupapala mbuli musena atalaa Nyika. Eeli bbala lizyila kubbala lya [platel], eelyo lipandulula cintu cipapalele, mbuli mutiba. Mumulaka waci Swedishi, ibbala lya “kupapalala” ndyakuti “platt,” likonzyene aamwi mu milaka yaku Germany.
IBbaibbele lisanganya twaano amikonzyanyo, alimwi nokuba kuti kazitaambilizyi zintu ncobeni nokuba zintu zyaacitika, pele ziiminina cintu cimwi alimwi zilaa mulimo ooyo. Mulembi ukakatila kuti ooyo uubala afwanikise cifwanikiso cigaminina cimwi eelyo nabala mu mikonzyanyo, ziyabilo, nokuba twaano. Aboobo citobela ncakuti, swebo tatukonzyi kuuntuluzyila mikonzyanyo njotutayandi nokuba kusumpauzya buyo yeeyo njotuyandisya. Kweendelanya ku Bbaibbele, cisamu cilamfu kapati inga kacilibonya kufumbwa busena buli kulaale atalaa nyika. Nokuba kuti eeco kacili kwiintizya (nokuba kuciindilizya), ikuti Nyika niyali mbuli mbumbulu, nkaambo nzi dyabooli ncaakali kuyandila kutola Yahushua atalaa mulundu mulamfu?
Daniele. 4:11 Ooyu musamu wakamena akujata inguzu, mane lumwi mutwe wawo wakasika kujulu, alimwi wakaboneka koonse koonse akusikila kumagolelo aanyika .
Mateyo. 4:8 Alimwi Diabolosi wakamutola kucilundu cilamfu loko, wakamutondezya zisi zyoonse zyanyika abulemu bwazyo.
Eeci tacaambilizyi kuti swebo twakazukila kuzyiba kuti Nyika ilipapalele, pele kulibonya ncobeni kuti iBbaibbele lizumbauzya kuti mbwiibide (kubala cakusyomeka), kapati kuti twalanga mu Bbuku lya Enoki.
Cilakondelezya kuti, Wernher von Braun (syaazyibwene wakubamba zibulo zyuuluka ooyo wakanjizyidwe mulimo mu mbungano ya NASA), wakalembelwa intembauzyo iitobela a cuumbwe cakwe, eeyo iipandulula mwiimbi mbwaankamene ku malengelo aa mulengalenga, uuyubununa mulimo wa maanza ookwa Yahuwah:
Intembauzyo. 19:1 Kujulu kulaamba bulemu bwa-Yahuwah, Mweenya uukwazeme ulatondezya milimo yamaanza aakwe .
Eeci ncibalo citali ca-WLC cakalembwa aa Annika Björk. Eeci cibalo cakafwiinsyigwa kuzwa ku: https://blogs.crossmap.com/stories/circle-of-the-earth-not-a-ball-globe-or-sphere-is-4022-ZzWXD_2UTtyy1yppF9pkg
Twakagwisya mucibalo citaanzi woonse mazina aa mituni ngobaita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
Twakajokolosya abusena bwa WLC, mu Mangwalo aayindulukide kwaambwa mazina aa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Kotyanka aawa kuti utambule Mangwalo aa Restored Names Version (RNV) aa Mangwalo. IBbaibbele lya RNV talili cibelesyo ca-WLC. – Nkamu ya WLC
Kaindi loko kusyule lya ciindi, kakutaninga sika malengelo aanyika, kwakali uumwi kujulu wakali kwiitwa kuti “Lucifer,” ooyo wakazyibidwe aa balongwenyina kuti wakali “mwanaa kubucedo.”
Ono malembe aa Bbaibbele mbuli mbwaamvwika bweenzu kwiinda zintu zya kupunga, alembedwe makanaa mungele wakasumpukide ooyu mbwaakasungilizya kuzangila Yahuwah, mbwaakasololela bangele kuti batobele nguwe, mpoonya kumamanino wakatandilwa limwi kuzwa kujulu. Lucifer, wakasanduka kuba “dyabooli.”
Lucifer, Dyabooli
“Amulibatamike akucenjela, nkaambo sinkondonyoko Saatani uleendeenda mbuli syuumbwa wabutambo akuya buyandaula ngwati lume.” 1 Petulo 5:8.
Bwiinguzi : Inzya, iBbaibbele lyaamba kuti walo ngu sinkondoma. Boonse balangila kutobela Yahushua bayookwabana kulwana sinkondonyina uutakwe lweengelo ooyu.
2. Hena Saatani lyoonse wakali dyabooli na?
Bwiinguzi : Peepe, walo kutaanguna wakali umwi silutwe wa bangele ba Yahuwah kujulu. Yahuwah wakamulengela kuba “kerubu uunanikidwe” kuti kaimvwi munsaa cuuno ca Yahuwah akucivwumbilila mababa aakwe kaatambikidwe mujulu. Wakali mubotu loko, kazwide busongo, alimwi kali mwiimbi munkutwe. Wakali londokede munzila zyakwe zyoonse. Langa muli Ezekiya 28:12-15; 26:13.
Taakalengwa kali Dyabooli 3. Ninzi cakacinca Lucifer mubotu boobu kuti abe dyabooli?
Bwiinguzi : Lucifer wakalisumpula nkaambo ka bubotu bwakwe (Ezekiya. 28:15-17) akufwida Yahuwah munyono; walo waakanzide kukkala abusena Bwakwe kuti abe mbuli Muleli wa mulengalenga –
Ma! Waloka buti kuzwa kujulu, O intanda, mwana wabucedo! Wagonkwa buti ansi yebo owakafwii-nsya bamasi! 13 Wakaamba mumoyo wako kuti, Nkatante kujulu. Nkaimike cuuno cangu cabwami kujulu lyanyenyeezi zya-zya-Yahuwah. Nkakale atala lyacilundu cambunganino kumabazu aakumusanza. 14 Nkatante kujulu loko kwiinda mayoba. Nkakozyane a-Leza Mupati. (Izaya 14:12-14).
4. Nkaambo nzi Lucifer ncaakacita cinyonyoono?
Bwiinguzi : Icinyonyoono ca Lucifer tacipandulukiki. Kulilekelela cinyonyoono nkukwabilila cinyonyoono. Lucifer wakalijisi zintu zyoonse Yahuwah nzyaakali kunga wamupa pele biyo buleza bwa Yahuwah. Bangele banji bakasangana kuzangila Yahuwah alimwi balo, antoomwe a Saatani, bakasowelwa anze mu nyika eeyi (Ciyubunuzyo 12:9).
Mbombuboobu cinyonyoono mbocitubamba toonse kuti tube basowe, pele biyo kuti twalyeempa akucisulaika akulitola ansi kuzumina bupati a bulemu bwa Yahuwah.
5. Naakazangide Lucifer ninzi cakacitika kuli nguwe?
“Lino Simwaaba mupati wakawisigwa ansi, nguwenya muzoka waciindi, uutegwa Diabolosi a-Saatani, nguuena bantu boonse baansi. Wakawisigwa ansi, abalo baangelo bakwe bakawisigwa awe .” Ciyubunuzyo 12:9.
“Abali makumi aali musanu mwaabili bakaboola akubotelwa bakati, O mwami, abalo badaimona batumvwa nkaambo kezina lyako. 18 Wakati kulimbabo, Ndakamubona Saatani ulaloka kujulu mbuli lulabo .” Luuka 10:17-18. [Langa cilembedwe ansi aawa.]
“Ma! Waloka buti kuzwa kujulu, O intanda, mwana wabucedo! Wagonkwa buti ansi yebo owakafwii-nsya bamasi!” Izaya 14:12.
Bwiinguzi : Lucifer wakakwelelezya cisela catatu ca bangele (Ciyubunuzyo. 12:3, 4) akutalisya kuvwundumukilana mfulumende ya ku kujulu. Yahuwah wakabula cakucita pele kulonzya biyo Lucifer a bangele bakwe. Eeyi njeyakali nkondo mpati kusikila aciindi eeco yakaninga lwanidwe. Makanze ookwa Lucifer akali aakwaatula Yahuwah kuzwa acuuno cakwe, nokuba kuti mukuya kwa ciiindi eeco nicakasolweda ku bujayi (Johane 8:44). Naakatandwa kujulu, Lucifer wakaitwa kuti Saatani (mulwani) a dyabooli (sikuunina), alimwi bangele bakwe bakaitwa kuti madaimona. Muli Luuka 10:17-18, Yahushua wakabona Saatani ‘waanzuka’ nkaambo basikwiiya bakwe bakazwa aa kutanda madaimona akuyungizya kutondezya kupwayaula nguzu abweendelezi bwakwe. Ndendileelyo Saatani ‘naakaangwa’ (Ciyubunuzyo . 20:2-3)
Sikusunka Waswaya Mu Edeni 6. Naakaanzukide, mbusena nzi Saatani mbwaakaswaya?
“Wakali mu Edeni muunda wa Leza .” Ezekiya 28:13.
Bwiinguzi : Walo. Wakalibonya ku Edeni, ooko Yahuwah nkwaakabikka Adamu a Eva.
7. Wakali mu ciimo nzi Saatani naakaswena munsaa Eva mu Edeni?
Bwiinguzi : Walo wakabelesya muzoka mbuli ciyubilo akukanana aa Eva kwiinda muli njiyo. Langa mu Matalikilo 3:1.
8. Mukupa muntu lwaanguluko lwa kulya mu muunda wa Edeni, ncinzi comwe Yahuwah ncaakamulesya kulya?
“Nkabela Yahuwah Leza wakalailila muntu kuti, Misamu yoonse yamumuunda ncobeni uyooilya, 17 cita musamu wakuziba bubotu abubi. Toelede kulya kulinguwo pe , nkaambo mubuzuba obo mboyoolya kulinguwo ncobeni uyoofwa.” Matalikilo 2:16, 17.
Bwiinguzi : Eeci cakali musunko wa kusyomeka kwa muntu ku Mulengi wakwe. Muluyando lwakwe Yahuwah, wakapa Adamu a Eva ciindi cakusala, naa balayanda kumuteelela nanka kuti tabayandi. Ikuti Walo naatakabapa ciindi ca kusala, balo nibakasinikizyigwa kuteelela Nguwe, aboobo kuteelela kwabo nikwakali mbuli kwa bazike nokuba zibulo zilyeendelezya kutali kuti balamuyanda Yahuwah. Lufu lwakali bulumbu bwa kunyansya. Bona mu Matalikilo 3:1-3.
Kudonaika Jwi lya Yahuwah 9. Mbubuti Saatani mbwaakanyansya Jwi lya Yahuwah?
“Mpawo inzoka yakaambila mwanakazi kuti, Ne! Tamukonzyi kufwa pe. 5 Nkaambo Leza ulizi kuti mubuzuba obo mbubonya mbomuyooulya, meso aanu ayoojuka, lino muyooba mbuli Yahuwah, muyooziba bubotu abubi mbububede. Matalikilo 3:4, 5.
Bwiinguzi : Kwiinda mukusungilizya kudonaika jwi lya Yahuwah. Kubeja kwa Saatani kwakali kwakuti: (1) tamukafwi, akuti (2) kulya mucelo kuyoomupa busongo. Saatani, ooyo wakatalisya kubeja (Johane 8:44), wakawvelanya kasimpe a zya kubeja kuti acenge Eva. Kubeja aasyoonto kusanganya azya masimpe zinji lyoonse njenzila iizwidilide Saatani njabelesya kweena. Akali masimpe kuti bakali “kuyoozyiba cibi” nibakabisyide. Muluyando lwakwe, Yahuwah wakali bakwabilide kuzwa ku luzyibo lwa kuminwa mumoyo, buumba, kupenga, kucisa, a lufu. Saatani, mbuli mbwacita mazubaano, wakabamba cibi kuti cilangike aanga ncibotu. Saatani wakabaambila zya kubeja kutegwa badonaike ciimo cokwa Yahuwah nkaambo wakalizyi kuti kunyina wakali kunga wasulaika Mulengi uulaa luyando boobu pele buyo kuti taamvwisyisya mbocibede ciimo Cakwe.
10. Nibakamanizya kukwelelezyegwa ku jwi lya sikubasunka akunyansya Yahuwah, Adamu a Eva bakaliteelela buti?
“Mpoonya awo meso aabo boonse bobile akajaluka, nkabela bakaziba kuti bali azinswe, Lino bakatalika kusuma matu aamukuyu akulicitila zilivumbilizyo. 8 Lino bakamvwa ijwi lya-Yahuwah Leza uleendeenda mumuunda izuba nelyakatalika kubomba, nkabela oyo muntu Adamu abanakwe bakayuba akati kamisamu yamumuunda kuti bataboneki kumeso aa-Yahuwah Leza. 9 Elyo Yahuwah Leza wakaita Adamu, wati, Uli kuli? 10 Wakavuwa kuti, Ndamvwa ijwi lyako mumuunda, lino ndafwa bweeme nkaambo kakuti ndisicinswe, aboobo ndayuba.” Matalikilo 3:7-10.
Bwiinguzi : Bakagwitila kubaa bweemya a kuyoowa.
11. Akaambo ka cinyonyoono ca muntu, nkusinganya nzi ooko Yahuwah nkwaakabikka a muntu a nyika?
“Alakwe Adamu wakamwaambila kuti, Mbowaswiilila ijwi lyamukaako akulya micelo njindakulailila kuti toelede kwiilya, nyika ilitukidwe nkaambo kanduwe , Uyoolya micelo yayo mumacise mazuba oonse aabuponi bwako. 18 Iyookuzyalila mamvwa amitubetube19 Uyoolya insima cakufwa mitukuta mane ukapiluke kunyika, nkaambo mulinjiyo mowakagwisigwa, nkaambo uli bulongo buyo, akooko kubulongo nkoelede kupiluka.” Matalikilo 3: 17-19.
Bwiinguzi : Yahuwah wakiisinganya nyika mukaambo ka muntu.
Bulumbu bwa Cinyonyoono 12. Ncinzi mukowa wa bantu woonse ncuupengede akaambo ka cinyonyoono cokwa Adamu?
“Mbombuboobo cibi mbucakanjila munyika kumaanza aamuntu omwe buyo, alwalo lufu nkaambo kacibi, nkabela mbubonya obo lufu mbulwakazida bantu boonse , nkaambo kakuti boonse babisyi.” BaLoma 5:12.
Bwiinguzi : Buyumuyumu butaambiki, kupenga, buumba, manyongwe, lufu , azimwi zinjaanji……
BIKKILA MAANU : Buumi butafwiki, bwakasyomezyedwe ku muntu kufumbwa buyo kuti kateelela, bwakanyngwa kwinda mukulubizya. Adamu taakacili kukonzya kupa lunyungu lwakwe eeco walo ncaatakajisi; alimwi nikwakanyina bulangizi ku mukowa wakawide mu cibi pele nkulumba Yahuwah, kwiinda mu cituuzyo ca Mwanaakwe, wakaleta buumi bwa moongole kuli mbabo. Eelyo “lufu mbulwakazida bantu boonse, nkaambo kakuti boonse babisya,” Yahushua “akuyubulula buumi butafwiki kunguzu zya-Makani Mabotu.” BaLoma 5:12; 2 Timoti 1:10. Alimwi kwiinda buyo muli Yahushua momukonzya kujaninwa buumi bwa moongole. “Ooyo uusyoma Mwana nguuli abuumi ubutamani, pele oyo uutamvwi Mwana takooyoobona buumi, pele bukali bwaLeza bulikede alinguwe.” Johane 3:36.
“Yahuwah, wakaamba kuli-Saatani kuti, Wali kuli? Saatani wakavuwa wati, Ndali kuzungazunga koonse koonse, nkenjendeenda munyika .” Jobu 1:7. Langa muli Jobu 2:2.
“Nkaambo kaako amusekelele nomajulu, anywebo nomukala mulingao, Pele nywebo nonsi alwizi, muli mumapenzi, ikuti Diabolosi wamuselukila abukali bupati, nkaambo ulizi kuti ciindi ncacijisi nciniini buyo.” Ciyubunuzyo 12:12.
“Nkaambo kufumbwa cintu ncaazundwa muntu cilamucita muzike waco.” 2 Petulo 2:19.
Bwiinguzi : Kwiimpanya ku mizeezo iila mpuwo, munzi mupati ookwa Saatani uli anyika. Yahuwah wakapa Adamu a Eva bweendelezi atalaa nyika (Matalikilo 1:26). Eelyo nibakabisya, bakasweekelwa bweendelezi oobo kuli Saatani (BaLoma 6:16), mbube ooyo wakaba muleli, simalelo wa nyika (Johane 12:31). Saatani ulabacimwa bantu citaambiki, aabo bakalengwa mu cinkonzya cokwa Yahuwah.
14. Ninzila nzi Saatani nzyabelesya kuti anyonyoone bantu?
Kuli nzila zipati zili ciloba oomo sikondoma mwabelekela:
A. Kwiinda mu lweeno . Mu muunda wa Edeni wakalisamika ciimo ca muzoka akucenga Eva (Matalikilo 3:1).
“Adamu taakwe naakeenwa, pe, mukaintu nguwakeenwa, elyo aenwe boobo, wakaba mucitazibi.” 1 Timoti 2:14.
Kweena njenzila mpati yokwa dyabooli- ntaanzi, yamacaalizyo, alimwi ya lyoonse, Walo uleena kufumbwa muntu uutamuyandi Yahuwah a kasimpe (2 Batesalonika 2:1-12). Kweenwa ciiminina kuyeeyela kuti yebo uliluleme eelyo nolubide. Swebo tatweelede kutamikizya dyabooli nkaambo kamicito yesu tobeni, nokuba boobo. Tulalyeena lwesu tobeni (1 Bakolinto 3:18; 1 Johane 1:8).
B. Kwiinda mu bantu baliluula kuba balanda bokwa Yahuwah .
“Saatani, mwini alakwe ulalisandula mbuli angelo wamumuni.” 2 Bakolinto 11:14. Ulabeleka kwiinda mu bantu babisyi, bamwi baliluula kuba balanda ba Yahuwah.
“Nkaambo aaba bantu mbaapostolo babeji, mbasimilimo basilweeno, mbibalisandula mbuli baapostolo baKristo. 14 Nkabela aya makani taagambyi pe, nkaambo Saatani mwini alakwe ulalisandula mbuli angelo wamumuni, 15 Aboobo tacili cintu cipati na balanda bakwe abalo balalisandula mbuli balanda babululami.” 2 Bakolinto 11:13-15.
C. Kwiinda mu mbungano. “Nkaambo inkondo njitulwa tiiensi yakulwana abantu balya maila, pe, njakulwana abeendelezi abami abasinguzu bamumudima waansi ano, tulalwana amyuuya yabubi iili mumyeenya yakujulu.” BaEfeso 6:12.
D. Kwiinda mu maleele. ” Njemyuuya yabadaimona, ilabeleka malele, alimwi ileendeenda kuya kubami boonse banyika, kuti ibabungike kunkondo yabuzuba bupati bwaYahuwah Singuzuzyoonse.” Ciyubunuzyo 16:14 (2 Batesalonika 2:8-9).
BIKKILA MAANU : Saatani wakali kuyanda kunyonauna Petulo (Luuka 22:31-33). Wakaca Judasi mukooze (Luuka 22:33). Wakanjila mu moyo wa Ananiasi akusolweda kuti abejele Muya Uusalala (Milimo 5: 1-5).
Yahushua wakacenjezya kuti, “Amucenjele kuti muntu atamweeni” (Mateyo 24:4).Aaya nga mazuba eeni notweelede kusongwaala, kuti muntu nokuba maleele inga kayootupa kutasyoma nokuba kunyansya Yahuwah (Mateyo 24:24; 2 Timoti 3:13).
Paulu wacenjezya kuwa kupati kwa zikombelo zyoonse ambungano zya bupaizi, kumamanino zyakali kunoosololelwa aa “muntu wa cinyonyoono.” Ooyu muntu wakali kunootaminina kuti ngu leza uumbi. Saatani taakali kwiiyanda milawo yokwa Yahuwah, alimwi wakali kulombozya kusumpula cuuno cakwe atalaa cokwa Yahuwah. Anyika, wakeena zyuulunzuma atalaa zyuulunzuma zya bantu kwiinda mu misyobo ya bupaizi mukusumpauzya muntu mbuli leza, akumusolweda kuti apilinganye Milawo iili Kkumi, akusola kwiipindula; aboobo ukakatila kutondezya buleza bwakwe. Swebo tatweelede kuzumanana kucengwa aa Saatani, a muntu, a mbungano zya bupaizi, nokuba lwesu tobeni.
E. Kwiinda mu kutamikizya. ” Mpoonya aawo ndakaswiilila ijwi ipati mujulu, lyakati, Sunu kwasika lufutuko, anguzu, abwami bwa-Yahuwah wesu, abwami bwa-Kristo wakwe, nkaambo sikubejelezya bakwesu twaambo wawisigwa ansi, nguwe wakali kubabejelezya kuli-Yahuwah wesu lyoonse isikati amasiku.” Ciyubunuzyo 12:10.
Saatani wakatamikizya Yahuwah kuli Eva (Matalikilo 3:4-5). Walo wakatamikizya Jobu kuli Yahuwah (Jobu 1:8-11; 2:4-5). Walo wakatamikizya, nokuba kusinkilila, Joshua silutwe mupaizi (Zekaliya 3:1-2). Alimwi inga wakutamikizya, wakusinganya, akukupenzya kabelesya zinjaanji zisofweede zya kukusinganya.
Ulaboola kuli nduwe akukwaambila kuti tokwe mpindu ya kunununwa, kuti yebo wakalubizya ziindi zinjaanji kapati, naakuti yebo uli mubisyi mupati loko. Walo ulakwiibalusya zinyonyoono zyako zya kaindi kutegwa akutyompokezye.
F. Kwiinda mu kutundululwa . “Eelyo Saatani wakazwa kunembo lya-Yahuwah , wakacita Jobu kuti azwe zilonda kuzwa kumaulu kusikila kukatwikilo.” Jobu 2:7.
Wakatundulula mukaintu kwa myaka iili kkumi alusele. “Ooyu mukaintu, mwana a-Abrahamu, uwakaangwa Saatani eyi myaka iili kumi amusanu mwiitatu, sena takweelede kuti aangululwe kuliceeco caanzyo kubuzuba bwa-Sabata.” Luuka 13:16. Wakacokacoka mubili wa Paulu (2 Bakolinto 12:7-10). Saatani ulapenzya bantu banji, basaante a babisyi.
G. Kwiinda mukupenzya. Eelyo dyaboli naalilwa kusungilizya bantu kuti bamusyome, walo uyandaula nzila yakuti bapenzyegwe. Ngu simalelo uulaa lunya akubija loko, ulacokacoka kuvwundaula busofwaazi akataa bantu bokwa Yahuwah. Walo ulapenzya bali masimpe a basyomeka aabo bakomba mumaanda aabo. Bala mu Ciyubunuzyo 12. Walo ula tanga nkondo ali baabo babamba milawo (Ciyubunuzyo 12:17).
“Walo wali mujayi kuzwa kumatalikilo.” Johane 8:44.
“Walo wali mujayi kuzwa kumatalikilo.” Waalutila kupipilisya kunyonyoona luyando lwa muntu ku, ateelela Mulengi wakwe; alimwi wakazwidilila, mukuya kwa misela, wakasungilizya bupaizi bwakubeja kutegwa apenzye basaante ba Yahuwah kusikila ku lufu. Yahushua wakafwida kuti ” kukufwa kwakwe akamwaye oyo uujisi nguzu zyalufu, nkokuti Saatani” (BaHebulayo 2:14).
Koibaluka kuti, Yahuwah wakabamba Lucifer, kutali Saatani. Kucinca kwakatobela kuzwa kuli Lucifer mululami kupindukila kuli Saatani wa zinyonyoono kwakabambwa aa Saatani lwakwe mwini. Yahuwah wakali kukonzya kubamba zilengwa leza Zyakwe muziimo zyobile kazilaa lwaanguluko lwa kusala nokuba kazitajisi lwaanguluko lwa kusala. Walo wakazilenga kazilaa nguzu zya kusala. Eyo nje nzila ilikke iikkomanisya. Aboobo zilengwa leza zyakwe zilamubelekela nkaambo zilamuyanda akusala kumuteelela.
Kufumbwa buyo Yahuwah naakapede nguzu zya kusala, busofwaazi bwakali kukonzya kusalwa, eeco ncintu ciimpene ku nzila yokwa Yahuwah. Akataa zyoonse zilengwa leza zyokwa Yahuwah, Lucifer nguwakaindide kubula kaambo kakucita cinyonyoono nkaambo wakali atalaa zilengwe zyoonse. Pele wakasala caali kubaa munyono.
Ndamuzyibya buzuba obuno kuti ncobeni muyoonyonyooka; tamukooyoongola munyika eyo njemuyoovuba omo mutala lya-Jordano. 19 Ndatamba ijulu anyika buzuba obuno, kuti zyoonse zibe bakamboni bangu, kuzibwe kuti buumi alufu, lulongezyo alutuko, zyoonse ndazibika kuti mulisalile. Amusale buumi, kuti mupone, nywebo abana banu. Amuyandisye [Yahuwah Leza wanu ] Ciibalusyo 30:18-19 [NASB]
Hena yebo, mbuli Joshua, ulasala kunyonena Mulengi wako, Yahuwah na?
Pele kuti eeci kacitamvwiki kululama mumoyo wako kubelekela Yahuwah, amulisalile buzuba obuno ngumuyanda kubelekela, nanka [mizimu] bamauso njibakabelekela mutala lyamulonga , nanka mizimu yaba-Amori mbemukede abo munyika yabo, Pele mebo abasiŋanda bangu tulabelekela Yahuwah. Joshuwa 24:15
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Tumpango twa Bbaibbele tutondezya kuti Nyika ilipapalele akwiima nji. “Sa ncobeni, Leza wakaamba kuti —?” (majwi aakazyila kuli Saatani mu Matalikilo. 3:1)
Ikuti katusyomeka muli lwesu tobeni, iBbaibbele litupa masimpe anyika iipapalele, alimwi kunyina mubuzyo kujatikizya ceeco. Aaka kaambo kalizuzikidwe kuti twalangalanga Bbuku lya Enoki. Eeci tacitondezyi bumboni bwakuti Nyika ilipapalele, pele citupa bumboni bwa makani aaya. Aboobo, tacili cinyonyoono kusyoma kuti Nyika ili akataa malengelo ookwa Yahuwah, nkokuti tiikonzyi kuzungaanyigwa, iliimvwi atalaa misemo yone, ikonzya kambwalakasa ka malyatililo, alimwi ilaa mulengalenga atalaa njiyo uujisi nyenyezi, amwezi, akataa zintu zimwi.
Tumwi tumpango ansi aawa tumvwikaanga ntwa kuyabila, pele eeci tacaambilizyi kuti swebo inga tupeekezya kuti tatukwe ncotwiiminina akubula makani kuli ndiswe. Tulakonzya kutweetela bwinibwini munzila ya maambila mbali. Mu Bbaibbele, tuswaanganya tuyabilo, zilengaano, ziloto, twaano twa maambila mbali, ooto tutakonzyi kuzubulula bwinibwini, kubelesya mulaka wa mikonzyanyo, zishinshimi, twaano twiindilizya atalaa kwaamba masimpe, azimwi zinjaanji; aboobo, swebo tweelede kubala cibalo katuteelede muzeezo ooyu. Balembi balakonzya kuzubulula muzeezo wakubelesyela cibalo eeci, eeco kanjaanji citondezya zintu zya bwinibwini. Cintu ciyandika ncakuti tiitwasala akubweza tumpango tumwi kutali mbotweelede kwiiminina akubalwa (ngooyu mukonzyanyo, “ndakazyalwa mumilandu,. Amuzibi bama mobakandiminta.. Undisalazye amusamu wahisopo, kuti nsalale; Undisanzye, nkatube buu kwiinda nyengenge,” mwami Davida mu Intembauzyo. 51:7) mpoonya akuuntuluzyila tumpango tumwi mu bbuku ndyeenya kumwi katutaminina kuti, “ntwaano buyo twakuyabila aboobo kunyina ncociiminina!” eelyo mulumbe nuuteendelani a makanze amwi.
Ngooyu mukonzyanyo awumwi, iBbaibbele lyaamba kuti inyika ili mbuli kambwalakasa kakulyatila ku matende ookwa Yahuwah, eeco cibeleka mbuli maambila mbali kuti swebo tulangisye. Mwati inga twayeeyela Yahuwah kakkede a cuuno Cakwe mpoonya kakuli cibumbidwe mbuli bbola kacikunkulika akuzinguluka lyoonse kunsaa maulu aakwe, naa tulamubona kalyookezya atalaa cintu cimwi cikonzyanya a malyatililo, mbuli citondezyedwe atala aawa? Malyatililo aakoya kambwalakasa ngangawo eeni aapa mukonzyanyo uugaminide wa nyika iipapalele. Kuyungizya waawo, malyatililo ncintu cikondelezya nkaambo tacili cintu ciyandika kapati. Icuuno (naa, mu mukani aajatikizya Yahuwah, cuuno ca buleli) ncintu cilaa bulemu kwiinda malyatililo alimwi takulangilwi kuti naa muntu uukkede acuuno inga walipenzya buya kubikka maulu aakwe atalaa malyatililo. Kubelesya malyatililo mbuli mukonzyanyo wa Nyika takutondezyi kuti Yahuwah muleli uuliyanda uudyakaizya ndiswe pe; kunze lyaboobo, citupa kubona cilongwe akataa Mulengi a zilengwe Zyakwe. Kweezyekanya cintu eeci ku majwi ookwa Jobu, oomo kuli nguzu ziteeli zyokwa Yahuwah mozisindinganyidwe kwaambwa, akutondezya kuti Jobu abalongwenyina tabalibambide kupa malailile nokuba kufubaazya Mulengi.
Kunze lya mulongo uulaansi aawa, Banakristu ibasyoma kuti nyika ilipapalele bakazya kuti kamwi kaambo kayumu kakusyomena kuti nyika njiili akataa mulengalenga nka kubulila tumpango mu Bbiaibbele ooto tutondezya kuti Nyika ibambwidwe mbuli bbola, kiiyendeenda lyoonse nokuba kupilauka, kiikunkulika kuzinguluka zuba, alimwi kiili abusena bwa mweenya mupati loko antoomwe a nyenyeezi alimwi kiili myeelwe ya zyuulunzuma zya mamaile kulaale, azimwi zintu.
Bantu banjaanji basyoma mu malengelo, bakazya kuti inga nicakali cuubauba kuli Yahuwah kutondezya kuti “buzuba” (muci Hebulayo bwiitwa kuti [Yom]) mumakani aa malengelo, butondezya cintu ciimpene kuzwa kuli ceeco ncotumvwide kuti mbuzuba (akulombozya kuti buzuba inga kabunoolampa myaka iili zyuulunzuma atalaa zyuulunzuma); nokuba boobo, Yahuwah kwiina naamba boobu. Eeci cilalangilwa kuba boobu nkaambo buzuba bwakali alimwi bucilaa mawoola aali 24, nanka kuti Yahuwah naakatusalazyila cintu eeci. Mbweenya buyo aabo basyomede kuti Nyika ilipapalele, bakazya kuti naa Yahuwah wakakanzide kuyubununa muzeezo wa nyika iili akatikati ka mulengalenga, walo naakatupandulwida buyo kwiinda kuti tunyongane mizeezo, pele taakacita oobo pe. Kunze lya boobo twaambilwa ciimpene cinicini kuli ceeco. Aboobo, swebo tweelede kulemekezya Banakristu aabo basyoma mu muzeezo wakuti nyika ilaakatikati kamulengalenga, mbwaanga bakali masimpe kuti ooyu muzeezo bakaujana cigaminina kuzwa mu Bbaibbele.
TUMPANGO TWA BBAIBBELE (KJV) mumundando wa ciindi (nkokuti mundando wamu Bbaibbele)
1) Matalikilo. 1:2 Lino nyika yakalipilingene akubula zintu, nkabela kauli mudima atala lyamaanzi malamfu. Alakwe Muuya wa-Leza wakali kukumba-kumba atala lyamaanzi. 3Lino Leza wakaamba kuti, Akube mumuni. Mpoonya awo mumuni wakaba. 4Nkabela Leza wakabona mumuni kuti mubotu, alimwi Leza wakaanzaanya mumuni amudima. 5Lino mumuni Leza wakauulika kuti ndisikati, awalo mudima wakauulika kuti masiku. Aboobo kwakaba igoko, alimwi kwakaba cifumo, buzuba bomwe. 6 Lino Leza wakaamba kuti, Akube mulengalenga akatikati kamaanzi, uanzaanye maanzi amaanzinyina . 7Elyo Leza wakacita mulengalenga oyo, waanzaanya maanzi aali ansi lyamulengalenga amaanzi aali kujulu lyamulengalenga . Mbuboobo mbukwakaba. 8Lino oyo mulengalenga Leza wakauulika kuti ndijulu. Aboobo kwakaba igoko alimwi kwakaba cifumo, buzuba bwabili. 9 Lino Leza wakaamba kuti, Maanzi oonse aali ansi lyajulu ayoboloke antoomwe, kuti intundubwi iboneke, Nkabela kwakaba obo. 10Lino intundubwi Leza wakaiulika kuti ninyika, aalo maanzi mpaakayobolokela wakaaulika kuti ndwizi. Nkabela Leza wakabona kuti ncintu cibotu. 11Lino Leza wakaamba kuti, nyika isyusye mweemvwe, azisyu zizyala imbuto, amisamu iizyala micelo, umwi aumwi mbuli musyobo wawo, iijisi imbuto mukati, atala anyika, Nkabela kwakaba obo. 12Nyika yakasyusya mweemvwe, azisyu zizyala imbuto cimwi acimwi mbuli musyobo waco, amisamu iizyala micelo iijisi imbuto mukati, umwi aumwi mbuli musyobo wawo. Nkabela Leza wakabona kuti ncintu cibotu. 13Aboobo kwakaba igoko, alimwi kwakaba cifumo, buzuba bwatatu. 14 Lino Leza wakamba kuti, Akube mimuni mumwenya wakujulu, kuti ianzaanye isikati amasiku, alimwi ibe zitondezyo akubamba ziindi zyeelede zyamazuba azyamyaka . 15Ibe malampi mumwenya wakujulu aakumunisya ansi . Nkabela kwakaba obo. 16Leza wakacita mimuni yobile mipati, mumuni mupati wakweendelezya isikati amumuni muniini wakweendelezya masiku; azyalo inyenyeezi wakazicita. 17Nkabela Leza wakazibika mumweenya wakujulu, kuti zimunike ansi, 18ziendelezye isikati amasiku akwaanzaanya mumuni amudima, Nkabela Leza wakabona kuti ncintu ncibotu.
Cizubuluzyo : Kweendelanya ku makani aamalengelo aamu Bbaibbele, swebo twiiya kuti Nyika yakataangunina zuba kulengwa. Kwakali mulengalenga wa meenda ansi amujulu lyayo, alimwi izuba, mwezi, anyenyezi zyakabikkidwe mu mulengalenga (kutali atala lyawo), kazimwesyela kutozya kubbazu lya Nyika. Zyakalengelwa kutondezya ziindi zya mwaka, mazuba, a myaka (eezyo zibonwa amu kubaya kwa zuba akubaya kwa mwezi). Cintu cikondelezya ncakuti, eelyo notuswenya afwaafwi kulanga nyenyeezi mumuncini wakulangila kulaale, zilibonya aanga zili kunzaa meenda. Izuba a mwezi zitondezyegwa aanga zyoonse zilamwesya mumuni, kakwiina kutondezya kuti cimwi ncimbonimboni ca mumuni wa ceenzinyina. Mumuni mupati wakabambilwa kweendelezya buzuba, kakuli mumuni musyoonto wakalengelwa kweendelezya busiku.
2) Matalikilo.7:11 Mumwaka wamyanda iili musanu aumwi wabuumi bwa-Nowa, mumwezi wabili, mubuzuba bwakumi amusanu aabili bwamumwezi, tusensa toonse twamatoolo twakasinkuka, azyalo zipulo zyakujulu zyakajalulwa 12 Nkabela mucobocobo wakali kuwa ansi mazuba aali makumi one , isikati amasiku.
Matalikilo. 8:2 Tusensa toonse twamatoolo azipulo zyakujulu zyoonse zyakasinkwa , awalo mucobocobo wakalesegwa.
Cizubuluzyo: Mbuli mbokulangilwa, swebo tatweelede kuyeeyela kuti ni mpulungwido ncobeni zyakali kujulu, pele kuli cintu cimwi cakajulwa kujulu, mpoonya muyoba wa mvwula wakawa atalaa Nyika. Kanjaanji, imvwula tiiwi ciindi cilamfu kapati, aboobo ino nkukuli nkwaakazyila woonse meenda aakazwa kujulu? Zisena zili mumulengalenga inga zyapandulula makani aayo.
3) Matalikilo. 11:4 Alimwi bakati, “Amuboole, tuliyakile munzi aŋanda indamfu jisika akujulu , Atulicitile impuwo, kuti tutapalanganisigwi koonse koonse ansi”. 5Nkabela Jehova wakaseluka kuzoobona munzi aŋanda indamfu bana ba-Adamu njibaali kuyaka. 6 Lino Jehova wakati, Bona! Bantu mbamusyobo omwe biyo, alimwi boonse balaamba mwaambo omwe biyo, Batalika kucita cintu eci, lino taakwe cikonzya kubakasya muzintu zyoonse nzebayeeya. 7Atweende, tuseluke, tupilinganye mwaambo wabo, kuti batateelezyanyi nekuba kumvwa mwaambo umwi aumwi wamweenzinyina. 8Elyo Jehova wakabamwaisya nkukonya oko, koonse koonse ansi, aboobo bakaleka kuyaka munzi.
Cizubuluzyo: Ikaano katakonzyi kucitikila anyika iibambidwe mbuli bbola pele kakonzya kucitika atalaa Nyika iipapalele kiijisi mulengalenga uugozya kuya mujulu, kapati kuti ba duundumuntule mbuli bwa Goliyati nibakali tolede cibeela mu mayake aansiku. Nokuba boobo, kuyaka ngazi iisika munsaa mulengalenga (tiibakasika kwinikwini ku mulengalenga), eeco inga caambilizya kuti eeyo ngazi niyakali ndamfu kusikila kooko nkucakali ciyumuyumu kweendeenda akuyoya. Yahuwah wakabalesya kuya kumbele kuyaka, pele walo wakali kuyeeyela kuti inga nibakasika ambaakani imwi kuti nibakazumanana: “Taakwe cikonzya kubakasya mu zintu zyoonse nzebayeeya.“
4) Joshuwa 10:11 Nkabela nibakali mukucija bana ba-Israyeli, nibakacili mukuseluka kuzwa ku-Betoroni, Yahuwah wakabalosezya mabwe mapati aazwa kujulu mane kusikila ku-Azeka , aboobo bakafwa, Abo ibakajayigwa kucivulamabwe eco kabali banji loko kwiinda abo bana ba-Israyeli mbubakajazya ipanga, 12 Elyo Joshua wakaambila Jehova mubuzuba obo Jehova naakaaba baAmori mumaanza aabana ba-Israyeli, Wakaamba mumeso aaba-Israyeli kuti, o zuba, imikila a-Gibeoni, Ayebo O mwezi, imikila mumumpata wa-Ajalo . 13 Elyo izuba lyakaimikila , awalo mwezi wakaleka kweenda, mane bantu bakamane kutema mulandu wabasinkondonyina, Sa takulembedwe obo mubbuku lya-Jasari? Izuba lyakaimikila akati kajulu, teelyakafwambaana kubbila ciindi cilamfu mbuli buzuba boonse. 14 Mpawo bantu bakalabila bulilu bwabo, kabatabuzizye makani kuli Yahuwah.
Cizubuluzyo: Mulembi ooyu naakaubyaubya kwaamba buyo kuti Nyika yakaima nji kuti nicakali boobo, pele ulaambilizya kuti zuba amwezi zyakaima nji, izuba lyakamuka kubbila (izuba lilabbila mumizeezo yoonse yobile ya nyika iibambidwe mbuli bbola amumuzeezo wa nyika iipapalele). Ikuti Nyika niyali kunga yaima kupilauka akuzinguluka mumbalaa zuba, bantu bali a Nyika nibali kunga baloba. Joshuwa ulangikaanga wakalibwene kuti zuba a mwezi zyakali zintu zyeendela antoomwe zyobile izyakali kuyandika kulelema antoomwe kutegwa mulimo uzwidilile. Kweendelanya ku Bbuku lya Enoki, mwezi ulalelema aasyoonto kwiinda zuba, alimwi kubikkila maanu, kampango kali muli Joshuwa kagwasyilila kaambo aaka mumabala obile aakuti: “izuba lyakaimikila awalo mwezi wakaleka kweenda,” eeci citondezya kuti izuba lyakaima ncobeni. Mukwiimpanya, mwezi wakatiisike ambaakani njeenya ikuti niwakalelema cinicini. Aayo mabwe ngaakafusa Yahuwah alangika kuti ayumya kutondezya kuti cuuno cakwe cisimpidwe munsimunsi atala lya mulengalenga, eelyo nkaambo mabwe akali kufuswa kutunginizya kapati cakugaminina. Ikuti cuuno cokwa Yahuwah nicakali zyuulunzuma atalaa zyuulunzuma zya myaka kulaale, imabwe naakawida kufumbwa busena kunze lya kuwida cigaminina mu musena waa Nyika. Yahuwah ulijisi nguzu zyoonse alimwi ulakonzya kucita kufumbwa maleele ngayanda. Ncobeni, kulangila mumuzeezo ooyo, mubusena butaanzi Yahuwah tabulide mabwe; walo ulakonzya kutola maumi aabantu kufumbwa nkwayanda. (Ibbuku lya Jasher lilaambwa ziindi zyobile mu Bbaibbele, aboobo talikonzyi kutonkelwa kumbali munzila ngubauba boobo.) Bamwi inga bakazya kuti Yahuwah (kwiinda muli Mozesi) wakaambilizya mulumbe wakwe munzila eeyo bantu njibakali kunga bamvwisyisya nkaambo Bbaibbele lyakalembelwa kuteelela kwabo. Nokuba boobo, mbubuti mbucakali kunga cayuma kwaamba kuti, “Nyika yakaima nji”? Balo bakalimvwisyide bwini majwi aakuti “Nyika” akuti “nji” ncaayimiminina, alimwi aaya makani aa misela yakacitika ncobeni, kutali aa kuyabila. Hena inga twasyoma Yahuwah ncaamba, naa tweelede kubambulula zintu zimwi? Kweendelanya ku makani aaya (aayumizyidwe mu Bbuku lya Jasher alya Habakuku. 3: 11), izuba amwezi zyakeenda. Ikuti katutakonzyi kusyoma kuti Yahuwah ulakonzya kulyaambilila cakusindinganya lwakwe mwini mu makani aaya (pele kayiminina cintu ciimpene kulaale), ntwaano nzi atumwi ntotweelede kuwentuzya nkaambo kakutasyomeka kwato? Ino mbuti kaano ka ciciingano? Hena Yahuwah nguutalisya lupyopyongano na? Hena walo taakakubwene kuti Banakristu basyomeka kubala Bbaibbele nibakamusyoma kumajwi aakwe akusyoma ncaakabaambila na?
5) Babetesi 5:20 Bana bajulu bakali kulwana, Inyenyeezi munzila zyazyo zyakali kulwanisya Sisera .
6) 1 Samuele. 2:8 Ulabusya mutengwaana kuzwa kulusuko, Ulagwisya mucete kuzwa kuzitantaala, Kuti amukalike antoomwe abami Akumukonya cuuno cabulemu. Nkaambo misemu yansi njiya-Yahuwah.
Cizubuluzyo: Imisemo yaambwa kale itabilide nyika, mbwaanga nyika ibikkidwe atalaa misemo eeyi. Lino mbokwaambidwe akuti Nyika ilaa zyooko zyone, kubikka musemo omweomwe ku goko lyomwelyomwe ncintu cilaa maanu. Kubikka antoomwe a mulengalenga, cintu citobela ncakuti eeco cilakonzyanya a kambwalakasa ka kulyatila maulu.
7) 2 Samuele. 22:8 Mpawo nyika yakatenkana akuzungaana. Misemu yakujulu yakazangaama, Yakatenkana nkaambo kabukali bwakwe —Elyo kutako lyalwizi kwakaboneka, Antalisyo zyanyika zyakayubununwa, Nkaambo kakutapatila kwa-Yahuwah, Akuyooya kwamuuwo wamumpemu zyakwe.
Cizubuluzyo: Inyika kanjaanji ipandululwa kuti iliimvwi nji, eeco ncintu ca lyoonse, pele Mwami Davida upandulula bukali bwa Yahuwah cakuti misemo ya julu iyokweendeenda akuzungaana. Eeci cimvwika mbuli cintu cimwi cicitika lyoonse, pele ikuti Nyika kiili yakali kweendeenda akuzungaana nkaambo ka kupilauka kwa Nyika akufuuma kapati, ncinzi cinga caimpana aawo?
8) 1 Makani. 16:30 Amukankame kunembo lyakwe nonyika yoonse, Luwa luliimvwi nji, talukonzyi kusosoloka
Cizubuluzyo : Muzeezo wiinda kubota ulangikaanga ngwa nyika iitazungaani. Mumuzeezo wa nyika iili akatikati ka mulengalenga, inyika (alimwi/naa Nyika) ileendeenda lyoonse kakwiina kwiima.
9) Jobu 9:6 Ulayuunya nyika, Mane intalisyo zyayo zizungaane ; 7Ulakasya zuba kuti litabali, Akujalila nyenyeezi ; 8Kali alike ulayala julu , Akutabalika ajulu lyamaiwe aalwizi
Cizubuluzyo: Kulangila kwa lyoonse nkwakuti Nyika iliimvwi nji (mu muzeezo wa Nyika iipapalele), pele aawa, tulakonzya kubala busanduluzi bwa nguzu zyokwa Yahuwah eezyo zikonzya kuzungaanya Nyika kuti “ikukkuke kuzwa abusena bwayo,” cakuti misemo iili kunsaa njiyo inga ya zyangama. Ikuti Nyika kiipilamuka akuzuumuka kufwambaana kwiinda musyonga wa ntobolo niizunguluka zuba, inga caba cintu camaanu kuyeeyela kuti misemo iili kunsaa njiyo ilakonzya kuzyangama alimwi akuti Nyika inga yakukkuka kuzwa waawo mpoyisimpidwe. Tulakonzya akubala aawo zuba nilyaalaililwa kuti litapasuki, eeco citondezya kuti zuba lileenda kutegwa liboneke kuyaa kukomena (muciindi cakuti Nyika ibe njiyo yendeenda). Ibbuku lilaa mutwe wakuti Sealing up the stars inga lyapandulula nyenyeezi mbuzyakanamatikwa mu mulengalenga.
10) Jobu 22:14 Uleenda atala amubalo wakujulu, nkaambo kamayoba. (“mwaako wa julu” – ASV)
Cizubuluzyo: Yahuwah ukkede atalaa mubalo wanyika; mbwaanga makumbi ali kunsaa mulengalenga, aalo “alamuvwumba” .
11) Jobu 26:7. Ulayala julu lyakunyika kubusena butakwe cintu, Akwaanzika nyika kutakwe ciliko .8 Ulavunga maanzi mumayoba aakwe, Alimwi taadeluki angao. 9Ulisitilide kunembo mpakala, Kayalide mayoba aakwe akati . 10 Wakaconcomeka migaano yakujulu atala amaanzi manji, Kaandaanya mudima kuzwa kumumuni. 11 Minsemu yakujulu yakazungana, Kiiyoosegwa kukukalala kwakwe
Cizubuluzyo: “Ulayala julu lyakunyika”, eeco kunooli caambilizya bbazu lya nyenyeezi lili kunyika lyoonse a mulengalenga woonse uuli mumbali lyalyo. “Hena nkwaanzika Nyika kutakwe cintu ciliko”? Hena oobu mbusanduluzi bweelela bwa Nyika iitabilidwe aa misumpo yiimvwi nji? Pe ma, pele bubambe bwa Nyika iipapalele bulasola kutondezya bubambe bwa Nyika kwiinda cili mu makanaa Nyika iipilimuka lyoonse alimwi iifuuma ca lubilo kapati kuzinguluka zuba. Eelyo yebo noanzika cintu cimwi, mbuli cifwanikiso ku bwaanda, yebo ulangila kuti cinookkede mpeenya abusena bomwe. Yebo tolangili kuti cinikuzumbaana kuzinguluka bwaanda. Muzeezo wa nyika iipapalele, iibambidwe mbuli kambwalakasa kakulyatila maulu, ulakonzya kupandululwa kuti “kwaanzika aatakwe cintu ciliko. “Manjeleela aayo aakobelela meenda (mbuli meenda aamu mulwaanje) aawo mpaatakonzyi kusotoka, nkwaamba mbuli nsumbu ya Antarctica mbwiili njeleela ya Nyika iipapalele. Misemo ya julu ilazyangama, kunooli eeco caambilizya misemo iili mubbazu lyanyika lyomwe-lyomwe alimwi iigumene a mulengalenga.
12) Jobu 28:24 Nkaambo ulalanga kumamanino aanyika ; Ulabona zyoonse zili ansi lyajulu
Cizubuluzyo: Inyika yagola, eeco cilabeleka kabotu antoomwe amuzeezo wa nyika iipapalele pele kutali mumuzeezo mwiili mbuli bbola. Yahuwah ulakonzya kubona ansi lya julu lyoonse, alimwi eeco cili masimpe kakwiina makani naa Nyika ilipapalele nokuba iibambidwe mbuli bbola. Iikuti umwi kali atala kapati, walo ulakonzya kubona Nyika yoonse (zyoonse) zili ansi lyakwe, aayo kunooli nga makani aambwa aawa –kupandulula bwami bwa Yahuwah.
13) Jobu 37:3 Ulaguluma mujulu lyoonse; Lulabo lwakwe lulaya kumasimpilo aanyika — 18 Ulakonzya sena mbuli mbwacita walo, Kuyala talabalanga lyakujulu kalili liyumu Mbuli cimboniboni calubulo. Kuyala talabalanga lyakujulu kalili liyumu Mbuli cimboniboni calubulo
Cizubuluzyo: Inyika ilaa “magolelo,” alimwi mu Bbaibbele, ijulu lilakonzya kupandululwa kuti “mwaako,” mbuli Bbaibbele lya YLT, oomo muciindi ca kwaamba kuti “cimbonimboni,” tukonzya kubala kuti “cimbonimboni ca lubulo.” Isanduludwe mbuli “cimbonimboni ca lubulo” mu Bbaibbele lya NKJV. Eeci kunooli cakali kwaambilizya mulengalenga wa kujulu, uulaa nguzu alimwi muyumu aasyoonto nokuba kapati.
14) Jobu 38:4 Nindakaimika nyika wakali kuli yebo?Undivuwe kuti kozi. 5 Ngwani wakeeleka migaano yayo, ulizi sa? Ngwani wakoololola lukole kulinjiyo ?. 6 Zisiko zyanyika zikala alinzi ? Ngwani wakabika bbwe lyacooko, 7 Nizyakaimba nyenyeezi zyabucedo , Abaangelo nebakoompolola mukusekelela kwabo 8 Ngwani wakajalila lwizi Nolwakatuluka kuzwa kuda lyamatalikilo, 9 Nendakaluvumba asikunku Akuluvunga mumayoba aasia mbi, 10 Nendakalwiimikila migaano, Akulupingila, 11 Kanamba kuti, Mpaawa mpoyoosika akutainda; Mayuwe aako aalisumpula ayooima awa?
Cizubuluzyo: Musemo uusimpidwe nji abbwe lya musemo inga zyabeleka kabotu kupandulula Nyika iipapalele, kapati kuti kacikonzyeka kulandabika mweengwe atalaa nguwo. Cilainda kuba cintu cilemu kulandabika mweengwe kuzinguluka bbola, kapati ikuti Mulundu wa Everest aamwi malundu kaayelede kuba kunsaa mweengwe ooyo. Ikuti kwayeeyelwa kuyaa kubembeleka mumbalaa Mulundu wa Everest a mumbalaa malundu atalaa cintu cibumbidwe mbuli mbumbulu (kakuli busena bweelene akataa mweengwe ooyu atalaa nyika), kupima musinzo atalaa bbola inga tiikwalulama pe. Nokuba boobo, ikuti mweengwe walandabikwa atalaa cibuye cipapalele, kupima cibuye eeco inga kakululeme nokuba kuti ooyo mweengwe kuubikkidwe aasyoonto atalaa cibuye.
Inyenyezi alimwi aawa zipandululwa kubee nzintu zilaa buumi, mbweenya mbuli bana ba Yahuwah (bangele), mbwaanga balaimba. Lwizi (lwaanje) lupandululwa kuti lulijedwe amilyango (micinjili a milyango). Mumaanu aazilengwa leza, eeyi tiili milyango bwinibwini, pele kunooli nkupandulula nsumbu ya Antarctica. Kapati nkaambo tulakonzya kubala kuti: “Mpaawa mpoyoosika akutainda; Mayuwe aako aalisumpula ayooima awa? ” Aawa kuli kweezyekanya aa da (kweezyekanya ku kaano ka Jonah naakali mwida lya nswi mubbuku lya Jonah. 2:6), eelyo lilaa manjeleela mumbalaa ndilyo. Tacili cintu ceenzu kuti mato amayuwe alasinkilwa amilwi ya nyika a tusumbu twa nyika tusyoonto (nyika mpati a nsumbu zisyoonto), pele tubala njeleela yiiminina magolelo eeni.
Eeci caandaano atala aawa azimwi zili mu Bbaibbele zipandulula kuti Nyika ilaa magolelo, milyango, micinjili, azimwi. Mu muzeezo wa NASA wakuti zuba ndelili akataa mulengalenga, i Nyika tiikwe magolelo nkaambo yebo ulakonzya kweendeenda kutozya kufumbwa bbazu atalaa meenda anyika kakwiina cikusinkilila kufumbwa nkoogama (kufumbwa biyo kuti koyendeenda azibelesyo zyeelede). Eeco tacili boobo atalaa nyika iipapalele, aawo nsumbu ya Antarctica mpiisinkilila kweenda kutozya kumbele atalaa nyika, alimwi mulengalenga mpuusinkilila kweenda kutozya mujulu. Kweendelanya ku muzeezo wa Nyika iipapalele, kunyina mbwanga muntu naba ni, wakonzya kuti ajane busena bwa kupula mu manjeleela/micinjili eeyi. Kweendelanya ku nkamu ya NASA, niiba Nyika lwayo yini tiikonzyi kupandululwa kuti ilaa magolelo mbwaanga ileendeenda lyoonse kuzinguluka zuba mu mweenya. Nobaba bantu tabasinkilidwe kweendeenda kuzwa atalaa nyika iibambidwe mbuli mbumbulu nkaambo muntu ulakonzya kweenda kuya ku mwezi alimwi kweendelanya ku majwi aa baambilizi ba NASA, inga cakonzyeka kweenda kuya kunyenyezi ya Mars aku masena amwi.
15) Jobu 38:12 Sena mbowakazyalwa wakabusya buzuba, Na kulaya bucedo 13 Kuti bujate nyika azyooko, Akusansamuna babi kuzwa kulinjiyo ? 14 Elyo inyika ilalibonya mbuli BULONGO BUSIMBWA ; ilijisi mibala-mibala mbuli cisani -18 Wamvwisisisya bwanza bwanyika mbobubede sena? Buli biyeni? Kondaambila kuti kokonzya. 19 Ninzilanzi iiya nkuukala mumuni, Amudima ukala kuli, 20 Kuti ukakonzye kwiitola kumulimowayo Akwiileta alimwi nkwiikala?
Cizubuluzyo: Alimwi, tulakonzya kubala makanaa magolelo aa Nyika. Tulajana a cifwanikiso ca Yahuwah kajisi manjeleela aanyika akutikaanya basofweede kuzwa muli njiyo. Ncuubauba kuyeeyela kuti ipayi naa mulembo ncecintu cibelesyedwe, alimwi zilaa mabazu. Mbweenya mbuli mukampango aaka: “Milimo 10: 11 Wakabona ijulu lyaba bukwazi, ecintu cilaseluka iciba anga ndisila pati, calengelezegwa ansi ezyooko zyone ” + Milimo 11:5. Kusandamuna nyika “mbuli cidinto ca bulongo,” ncintu cikatazya kuyeeyela cintu kucitikila atalaa bbola, pele cilakonzya kubeleka kabotu atalaa cibuye cipapalele. Ikuti twabumba cidinto ca bulongo, inga calibonya mbuli cili atala aawa, eeco ncifwanikiso cibotu ca Nyika iipapalele iitakwe manjeleela.
16) Intembauzyo 18:15. Elyo kutako lyalwizi kwakaboneka, Antalisyo zyanyika zyakayubununwa, Nkaambo kakutapatila kwako, O Yahuwah, Akuyooya kwampemu zyako
17) Intembauzyo 19:1. Kujulu kulaamba bulemu bwa-Yahuwah, Mweenya uukwazeme ulatondezya milimo yamaanza aakwe , 2 Buzuba bulaambila buzubanyina, Masiku alazibya masikunyina. 3 Taakwe mwaambo, taakwe majwi; Ijwi lyazyo talimvwigwi; 4 Nekubaboobo mulazyo wazyo ulasika muluwa loonse, Amajwi aazyo alasika kumagolelo aanyika, Mulinzizyo mwabikide cilao cazuba. 5 Lyalo lili mbuli sibwiinga uuzwa muŋanda yakwe , Lilakondwa mbuli SINGUZU UUSIYANA . 6 Mazwido aalyo njempela yajulu, AMUSINZO walyo ulasika kumabbililo aalyo . Taakwe cisisidwe kukupya kwalyo
Cizubuluzyo: Ikuti mulengalenga niwali buyo muwo nokuba mweenya, ncintu cikatazya kubona bwinibwini ooyu muwo mbuunga waba cilengwa leza ceebeka ca maanza ookwa Yahuwah. Atweezyeezye kuti mulengalenga muyumu, ulabekema alimwi waanzikidwe atalaa Nyika. Mukaambo kaako, ncuubauba kumvwisyisya cintu eeci ncocibelesyedwe mbuli mukonzyanyo wa malengelo ookwa Yahuwah aayebeka. Tulabala kujatikizya magolelo aa Nyika, alimwi (mbweenya mbuli bbuku lya Enoch) tulakonzya kubona kuti zuba lilaa cikkalilo alimwi lyeelekwa sibwiinga. Eeli zuba libalika musinzo uuzwa ku magolelo aa julu alimwi nzila yalyo (mubalo) uya kugolelo aalyo. Eeci ciiminina kuti izuba ndelibeleka mumbalaa nyika, kunze lyakuti Nyika njeyeendeenda mumbalaa zuba pe.
18) Intembauzyo 74:17 Nduwe wakabika migaano yanyika; Mainza amapeyo, nduwe wakazilenga zyoonse.
Cizubuluzyo: Ino minyinza iili buti eeyo Yahuwah njaakabikka a Nyika? Kweendelanya ku Bbaibbele,”minyinza” ibelesyegwa kusandulula magolelo aa masi aanyika (nokuba magolelo aazintu zibonwa), alimwi eeyo kanjaanji ibambwa aa bantu akukonzya kucincululwa mukuya kwa ciindi. (Mukonzyanyo: Izaya 60:18, Jelemiya 15:13, Ezekiya. 27:4, Ezekiya. 45:1, Mika. 5:6, Mateyo. 4:13). Eelyo Yahuwah “naakatapaula” bantu kuya kulaale kuzwa naakainda aaku Bbabeli, walo taakaanza minyinza iimbi yakuti bakkalile mukati kayo. Balo bakaanza cintu eeco lwabo beni kweendelanya kufumbwa mpubakakkala. Ibbola nokuba mbumbulu tiikwe minzyinza (kunze lyayeeyo yakabambwa aabantu mbuli mbukwapandululwa) mbwaanga muntu weendeenda atalaa nyika a lwizi, alimwi nokuba kutanta Dundu lya Everest, kwiinda mu Nkanda ya Sahara, akuuluka kugama kumwezi akulaale. Kweendelanya aa Jobu 38, eeyi minyinza ibeleka mbuli micinjili amilyango alimwi isinkilila muntu uuyanda kuya kulaale. Kanjaanji, bantu balasotoka minyinza abuzuba, aboobo ino njiili minyinza yaambwa mu Ntembauzyo? Mumuzeezo wa Nyika Iipapalele, insumbu ya Antarctica izingulukide Nyika mbuli munyinza uuli mumbali ooyo muntu ngwatakonzyi kusotoka, alimwi mulengalenga iinga wasinkila muntu kuya mujulu kulaale. Intembauzyo ikanana ciindi ca mainza a mupeyo, eezyo Yahuwah nzyaakabamba, akuyungizya kugwasyilizya kuti mulembi ulanganya minyinza eeyo mbuli cintu eeco Yahuwah ncaakabamba alimwi citakonzyi kusotokwa. (Jobu 38).
19) Intembauzyo 75:3. Na nyika yadadalika abantu bayo, Ndime ndabamba ziimikilo zyayo. Selah.
Cizubuluzyo: Bantu bakkala a Nyika mbantu ncobeni, aboobo kunooli misemo iitabilide nyika ayalo nja masimpe.
20) Intembauzyo 78:23 Nekubaboobo wakalailila mayoba, Wajula milyango yakujulu.
Cizubuluzyo: Impulungwido a milyango zilanganyigwa mbuli cintu cimwi cikonzya kujulwa – alimwi ambweni awalo mulengalenga muyumu nta alimwi ulakonzya kubaa zipulo eezyo Yahuwah nzyanga wakonzya kujula.
21) Intembauzyo 93:1 Yahuwah mweendelezi, ulisamide bulemu; Yahuwah ulisamide, walisamika inguzu. Aboobo luwa lulijisi, taluzungaani.
Cizubuluzyo: Kaambyo kavwuzya kwaambwa kuti “tiikonzyi kuzwisyigwa” takabeleki kabotu casika ku muzeezo wa Nyika iili akatikati ka mulengalenga aawo nyika iibambidwe mbuli mbumbulu mpiicenguluka lubilo kusikila munsaa 1675 makilomita/mu woola lyomwe (munsaa. 1,000 mamaile/muwoola lyomwe) antoomwe akuzinguluka mumbalaa zuba kwa 28,000 makilomita/muwoola lyomwe. Kaambo keelela kwiinduluka kwaambwa nkakuti: “Mu kanzumina kali koonse, yebo uleenda kusikila munsaa cisela ca kilomita lyomwe mumulengalenga, alimwi yebo kunyina ncomvwide ciindi coonse .” Mumajwi amwi, mumuzeezo wakuti zuba lili akataa mulengalenga alimwi nyika ileenda ciindi coonse uliimpene kuzwa kuli wakuti tiiyendeendi .
22) Intembauzyo 96:10 Amwaambe akati kabamasi kuti Yahuwah ngu-Mwami; Luwa lulijisi, TALUZUNGAANI ; Ulabeteka bantu cakululama
Cizubuluzyo: ltabi niizungaana. Eeci ciliindulukide kwaamba kanjaanji, kubee makani mapati aayandika.
23) Intembauzyo 102:25.
Kalekale wakatalika nyika , Amajulu njemilimo yamaanza aako.
Cizubuluzyo: Ikuti “ijulu ” kakwiina acimbi pele muwo biyo nokuba mweenya, nkokuti talili mukonzyanyo mubotu wakweeleka zintu eezyo Yahuwah nzyaakalenga amaanza aakwe.
Ino lili kuli zuba?
24) Intembauzyo 104:1 O muuya wangu, kolumba Yahuwah. O Yahuwah Leza wangu, uli mupati loko, Ulisakatide bulemu abwami. 2 Ulalivumbya mumuni mbuli ingubo, Ulatandabika majulu mbuli cisitilizyo. 3 Ulasimpa ZIYAKO zyamaanda aakwe MUMAANZI aakujulu, Ulacita kuti mayoba abe inkalaki yakwe , Uleendeenda amababa aamuuwo. 4 Ulabika myuuwo kuba batumwa bakwe, Amulilo wamabangabanga ube similimo wakwe. 5 Ngonguwe wakabika nyika antalisyo zyayo, Kuti itabi niizungaana . 6 Wakaivumbya maanzi mbuli cikobela. Maanzi akaliimvwi akuvumba zilundu , 7 Pele kukutapata kwako akacija , Kujwi lyakuzuma kwako akafwamba kuunguluka, 8 Zilundu zyakasumpuka, makuti akayosa, Kuya kubusena mbowakazibikila. 9 Nduwe wakabikila maanzi mugaano ngwaatakonzyi kusotoka, Kuti atabooli limbi kuvumba nyika. (NASB: 2:— Kwaanzika majulu mbuli mulembo wa civwuka.)
Cizubuluzyo : Mulembo uuvwungaidwe kuzinguluka bbola tacili cintu cimvwika mbuli mulembo waanzikidwe. Mumuzeezo wa Nyika iipapalele, nokuba boobo, ooyo mukonzyanyo uleelela kapati. Swebo tulakonzya kubala makanaa misemo ya makkalilo aakwe iili mu meenda. (Ikuti yebo wacenka cifwanikiso cili atala aawa, nkukuli zuba nkolilibonya kuti nkolibede? Kunze lya kkumbi eliya, kalimwesya mumuni atalaa meenda kuli yooyo uulangilizya, naa lili zyuulunzuma zili zyuulunzuma zya myaka kulaale na?). Yahuwah wakalazyika musemo wa Nyika kuti utanoozungaanyigwi kukabe kutamani. Tumpango. 5-9 tupandulula malengelo alimwi akwaandaanya akataa nyika a meenda. Alimwi tulakonzya kubala makanaa manjeleela aa lwaanje eeco cinga caambilizya nsumbu ya Antarctica. “Nduwe wakabikila maanzi mugaano ngwaatakonzyi kusotoka, Kuti atabooli limbi kuvumba nyika” . Cimvwika mbuli kuti meenda aciindi cimwi akali atalaa Nyika yoonse, kusanganya amalundu, mbwaanga tulakonzya kubala kuti kuli cizuminano cakuti atakavwumbili Nyika lwabili.
25) Intembauzyo 136:6. Oyo iwakatandabika nyika atala amaanzi, Nkaambo luzyalo lwakwe talumani; 7 Oyo iwakalenga mimuni mipati, Nkaambo luzyalo lwakwe talumani; 8 Izuba lyakweendelezya isikati , Nkaambo luzyalo lwakwe talumani; 9 Mwezi anyenyeezi, ziendelezye masiku , Nkaambo luzyalo lwakwe talumani.
Cizubuluzyo: Lyoonse meenda alakkala kaalandabele alimwi taakonzyi kubumbilila atalaa cibumbwa mbuli bbola. Kumatalikilo, Yahuwah wakayala Nyika (insumbu zya nyika) atalaa meenda. Izuba lyeendelezya buzuba, mpoonya mwezi a nyenyeezi zyeendelezya busiku. Eeci cizumina ceeco cilembedwe mu Matalikilo 1 kuti eezi zilengwa leza zyakalengelwa kumwesyela nyika. Mumuzeezo wa Nyika iibulungene mbuli bbola, akubeleka mulimo wazyo kweendelanya aa Nyika wakuti izuba ndelili akataa mulengalenga, inyika ili kulaale kuzwa akatikati, alimwi tiikwe mulimo ku zilengwa leza zimbi zili mumulengalenga.
26) Intembauzyo 147:4 Ulabala mweelwe wanyenyeezi; Ulaziita zyoonse kumazina aazyo.
Cizubuluzyo: Inyenyeezi tazili zintu zifwide, pele zilaa buumi alimwi zilaa mazina.
27) Intembauzyo 148:3 Amumutembaule, nozuba amwezi! Amumutembaule, nyoonse nonyenyeezi zimweka! 4 Amumutembaule nomajulu aatuntukide, Anywebo nomaanzi nomukede amajulu!
Cizubuluzyo: Eelyo intembauzyo eeyi niyakalembwa (kaindi loko kuzwa lya muyoba), kwakalibonyaanga kwakacili meenda atalaa majulu.
28) Tusimpi. 8:27 Naakasimpika ijulu ndakaliwo, Naakacita mubalo atala lyamaanzi malamfu : (ESV —Eelyo Walo naakeenga mubalo atala lya meenda malamfu .)
Cizubuluzyo: Ikuti ijulu nilyataliko pele buyo muwo naa mweenya, nilyatali kuyandika zinjaanji ku “kubambilila.” Kweenga mwaako atalaa cibumbidwe mbuli bbola ncintu cimvwika kupilingana akubula maanu, pele kweenga mwaako atalaa musena uupapalele ncintu cuubauba kuyeeyela.
29) Mukambausi. 1:5 Izuba lilazwa, izuba lilabbila, lilafwambaana kupiluka OKO nkulyazwida NKULYAZWIDA.
Cizubuluzyo: Izuba ndendilyo libeleka mulimo wa “kubbilila” a “kupasuka” kutali Nyika. Izuba (liitwa kuti LYALO
30) Izaya 11:12. Uyoobusizya bamasi citondezyo, uyoobunganya ba-Israyeli bamwaikide akuyobolola ba-Juda batandidwe kuzwa kumabazu oonse one aanyika.
Cizubuluzyo: Ikuti Nyika kiilaa magoko one alimwi kiilaa manjeleela, ncibotu kubbejela kuti eeyo misemo iili kunsaa njiyo ayalo ili yone.
31) Izaya 13:10 Nkaambo inyenyeezi zyakujulu abandakutema zilaleka kumunika. Izuba liyoosizigwa ciindi cakupasula ; awalo mwezi uyookasya mumuni wawo . 13Nkaambo kako njoozungaanya ijulu, ayalo nyika iyootenkana mpiibede , mubukali bwa-Jehova wamakamu amubuzuba bwalunyemo lwakwe lupati.
Cizubuluzyo: Kumamanino aabuzuba, zintu ziyoocinca lya NKJV ntwakuti ”Naa kasimpika ijulu ndakaliwo, Naakacita mubalo atala lyamaanzi malamfu”. Nciyumuyumu (naa tacikonzyeki) kweenga atalaa mbumbulu nokuba bbola cintu cimwi, pele ncintu cikonzyeka kweenga /kulandabika mubalo. Nokuba kuti bbala lya [chug] talili busanduluzi bwa bbola, nokuba boobo, kuli bbala liiminina ”bbola” eelyo Izaya ndyaakali kukonzya kubelesya ikuti eeco nicakali cintu ncaakali kuyanda kwaamba, pele walo taakabelesya bbala eelyo mukampango kali atala. Walo, nokuba boobo, wakabelesya bbala eelyo muli Izaya. 22:18, oomo bbola molisanduludwe kuzwa kubbala lyakuti dur mulembo akuyanikwa mbuli CIVWUKA
32) Izaya 38:8 Bona ndapilusya cenzule intaamu ezyo nzicatola kunembo mucipimyo ca-Ahazi, Izuba lilapiluka intaamu zili ikumi, Nkabela izuba LYAKAPILUKA ncobeni intaamu zili ikumi , nzenzizyo nzyaakatolede kunembo.
Cizubuluzyo : Eeci tacibeleki atalaa nyika iibulungene mbuli bbola pe. Tulakonzya kubala kuti izuba lyakapiluka ncobeni intaamu zili ikumi Ikuti Inyika niyakazyamya kudilika musyule, bantu baanyika nibakafwa. Izubaa lizyamya nokuba kudilika musyule ntaamu zyongaye tacili cintu cinga caleta ntenda atalaa Nyika iipapalele.
33) Izaya 40:22 Ngonguwe uukede atala lyamubalo wanyika , nkabela bantu bayo bali mbuli cisozi. Ngonguwe uuyala ijulu mbuli cisitilizyo akuliyanika mbuli itente lyakukala mumo :
Cizubuluzyo : “Mubalo ” mu kampango kali atala aawa nkusandulula kwakazyila ku bbala lyacintu muci Hebulayo lyakuti [chug ] (mubbuku lya Strong 2329), eelyo liiminina mubalo, ciluli, naa, igoko. (Bikkila maanu kuti talisanduludwe kuti bbola naa cinkuli.) Kunze lya kapango kali atala, lilajanwa ziindi zyobile mu Bbaibbele. Muli Jobu 22:14, tubala Yahuwah kayendeenda atalaa mubalo/ciluli ca julu (keendeenda atalaa mulengalenga wa julu), alimwi mu Tusimpi 8:27, tulakonzya kubala kutj ooyu mubalo wakaleengedwe atalaa meenda malamfu. Busanduluzi bwa NKJV bulembedwe kuti” Eelyo naakeenga mubalo atalaa meenda malamfu”. Ncintu ciyumu (nokuba citakonzyeki) kweenga atalaa cinkuli nokuba mbumbulu atalaa cintu cimwi, pele cilakonzyeka kweenga/kulemba mubalo. Eelyo bbala lya chug nokuba kuti talisandululi bbola, nokuba boobo kuli bbala liiminina ”bbola” eelyo Izaya ndyaakali kukonzya kubelesya kuti eeci nicakali ncaakali kuyanda kwaamba, pele taakalibelesya mukampango atala aawa. Walo, nokuba boobo, wakalibelesya muli Izaya. 22:18, oomo bbola molisanduludwe kuzwa ku bbala lya [dur] (Strong’s 1754). Kaambyo kabelesyedwe kwaambaa majulu aanzikidwe mbuli mulembo akwaanzikwa mbuli CIVWUKA cakukkalila – nkaambo bantu bayo bali mbuli nsozi. Ncintu cili munsaa kutakonzyeka kuyeeyela cifwanikiso ca civwuka ciinzikidwe atalaa mbumbulu aawo bantu boonse mpobakkala. Ooyo mukonzyanyo uulondokede kuti twayeeyela Nyika ilipapalele kiijisi a mulengalenga atalaa njiyo, alimwi kuyi twayeeyela a Civwuka cakupailila muciindi ca Kulonga.
kuzwa kumagolelo aanyika —
35) Izaya 44:24 Mbombuboobu mbwaamba Yahuwah Mununuzi wako, ngonguwe iwakakubumba mwida. Ndime Yahuwah iwakalenga zintu zyoonse. Ndime endike ndakatandabika ijulu. Ndime ndakabambasika nyika. Nguni ngutwakali awe?
Cizubuluzyo: Ikuti julu nilyali muwo biyo nokuba mweenya uutakwe cintu, kunyina cikondelezya mu kwaanzika muwo ooyu, omwini nokuba kuti kakuli uukugwasya.
36) Izaya 45:12 Ndime ndakaanza nyika akulenga muntu alinjiyo. Maanza aangu ngaakatandabika ijulu, alimwi ndime ndakalailila makamu makamu aalyo Ndime ndakaanza nyika akulenga muntu alinjiyo. Maanza aangu ngaakatandabika ijulu, alimwi ndime ndakalailila makamu makamu aalyo
37) Izaya 48:13 Maanza aangu ngaakabika intalisyo yanyika, alyalo ijanza lyangu lyalulyo ndelyakakwazamika ijulu . Zyoonse buyo, na ndaziita, zilalibonya antoomwe:
Cizubuluzyo: Alimwi, aawa kuli kukwelanakwelana kujatikizya kwaanzika majulu kubelesya janza lyomwe. Ikuti julu nilyali buyo muya nokuba mweenya, inga tiicaba cinttu cikankamusya. Ikuti tusanganye mulengalenga/mwaako woomse nokuba boobo, ncintu cikondelezya akwaankamanya.
38) Izaya 60:19 Izuba talikooyooba limbi mumuni wako ciindi casikati, amwezi tuukooyookumunikila masiku , pele Yahuwah nguuyookubeda mumuni uutamani, a-Leza wako uyooba bweebesi bwako. 20Izuba lyako talikooyoobbila limbi, amwezi wako tuukooyoogwisigwa, nkaambo Yahuwah uyookubeda mumuni uutamani, amazuba aakulila kwako ayoomaninina.
Cizubuluzyo: Aawa alimwi, imwezi waambwa kuti ulapa mumuni, alimwi izuba lyaambwa kuti ndelipa kweendeenda kwa Nyika – aawa kubbila ansi kumabbililo .
39) Izaya 66:1 Mbombuboobu mbwaamba Yahuwah. Ijulu ncecuuno cabwami bwangu, ANYIKA NCECILYATILILO CAMAULU AANGU. Ino ili kuli iŋanda njimuti ndiyakile? Nkukuli nkunkonzya kujana cilyokezezyo?
Cizubuluzyo: Inyika nga malyatililo ookwa Yahuwah. Hena ilangika kuba mbuli kambwalakasa kaimvwi nji atalaa maulu one, naa ilangika mbuli bbola lipilauka akufuumuka ciindi coonse na?
40) Ezekiya. 1:22 Ajulu amitwe yabanyama akali mwenya uutandabede, wakali kubalangala mbuli krustalo, wakalitandabede ajulu amitwe yabo. 23Lino kunsi lyamwenya oyo, mababa aabo akalitandabede cakululama, limwi alimwi lyakaliswaneene abbabanyina, alimwi umwi aumwi kajisi mababa obile aakulivumbya mubili wakwe. 24Nkabela nibakali kweenda, ndakamvwa cikwala camababa aabo mbuli cikwala camaanzi aavuuma, mbuli ijwi lya-Cilenga, cikwala calupyopyongano mbuli cikwala camakamu makamu aabasilumamba. Lino baime buyo, bakavunga mababa aabo. 25Mpawo kwakamvwigwa ijwi lizwa kumwenya uuli atala lyamitwe yabo, nibakaimvwi akuvunga mababa aabo. 26 Alimwi kujulu lyamwenya oyo iwakali atala lyamitwe yabo kwakaboneka cili mbuli cuuno cabwami, cakali mbuli ibbwe lya-Safiro, nkabela atala acintu eco cakali mbuli cuuno akakede mbuli muntu . 27Lino ndakabona mbuli mundalila uusalalisya ambuli mulilo uuli mukati kansaka. Kuzwa mbuli kucikungu cakwe akujulu, alimwi kuzwa mbuli cikungu cakwe kuya ansi, ndakabona mbuli mulilo. Alimwi kakuli mumuni uumuzyungulukide. 28Mbubonya mbuli fulicongo uuboneka mujoba ciindi camvula , mbuwakabede mumuni wakazyungulukide. Mbuboobo mbucakabede cilengano cabulemu bwa-Jehova. Lino nindakacibona, ndakavundama ansi, nkabela ndakamvwa ijwi lyasikwaamba
Cizubuluzyo: Mulengalenga wakalibonya mbuli bbwe lya kulusitalo, alimwi zibumbwa zyaankamika eezyo kampango nzyokazubulula, zyakali ansi lyanguwo. Ezekiya wakali kukonzya kuzimvwa akuzibona mu cilengaano cakwe. Atalaa mulengalenga, Ezekiya wakali kukonzya kubona cuuno a yooyo uukoya mwaalumi wakakkede ali ncico.
41) Ezekiya. 32:7. Nenjookuzimya, njoovumba ijulu akusizya inyenyeezi zyalyo , Njoovumba izuba amayoba, awalo mwezi tuukooyoomunika. M imuni yoonse iimweka mujulu, njooisizya amutwe wako , akukubika mumudima munyika yako, mbwaamba Mwami Yahuwah.
Cizubuluzyo: Alimwi, tulakonzya kubala kuti mwezi wakalaa mumuni wawo.
42) Daniele. 4:10. Zilengano zyamumoyo wangu abulo bwangu nzeezi. Ndakabona musamu akati kanyika, Bwiime bwawo bwakali bulamfu. 11Oyu musamu wakamena akujata inguzu, mane lumwi mutwe wawo wakasika kujulu, alimwi wakaboneka koonse koonse akusikila kumagolelo aanyika . 20Musamu nguwakabona, iwakakula akujata inguzu mane bwiime bwawo bwakasika akujulu, alimwi wakaboneka koonse koonse kunyika yoonse, 21iwakali amatu mabotu amicelo mmu, alimwi mulinguwo mwakali zilyo zyakusanizya boonse, musamu banyama bamusokwe ngubakajana cenzule kunsi lyawo, abayuni bakujulu bakali kukala mumitabi yawo— 22nduwe, O mwami ookulide akujata inguzu. Bupati bwako bwakomena, bwasika akujulu, abwami bwako bwasika akumagolelo aanyika
Cizubuluzyo: Mbuti makanaa cisamu atalaa Nyika, cilamfu cakuti cilasika kujulu alimwi cilalibonya ku Nyika yoonse? Muntu umwi inga wasendekezya kuti cakali ciloto biyo, alimwi tulakonzya kubala mu kampango 22 kuti cisamu eeco cakali Mwami Belteshazzar, pele ziloto taziyandiki kumvwika kubaa maanu nkaambo biyo kakuti nziloto. Inga camvwika kuba ca maanu kuti ciloto ca bulemu bwa kujulu kuti cabeleka kweelanya aa mwami. Daniele wakalaa maloto a zilengaano azimwi, pele nokuba boobo kunyina akataa nzizyo cakacitika “cancobeni,” pele zyakali kumvwika kuba zya maanu kapati.
45) Joweli 3:15 Izuba amwezi zyoonse zyasizigwa, anyenyeezi zyaleka kumwekakumweka.
Cizubuluzyo: Imwezi alimwi waambwa kuti ulaa mumuni wawo cigaminina [nokuba kuti mikonzyanyo nja cishinshimi].
46) Amosi 5:26. Ncobeni mwakabweza itente lya-Moloki, akakombelo kazikozyano zyanu, anyenyeezi yamuzimu wanu ngumwakalicitila nubeni.
Cizubuluzyo: Inyenyezi zikonzya kuba mituni, kubee mbantu.
Kazilangide mujulu na?
47) Amosi 9:6 (NASB) Nguuyaka maanda aakwe kujulu, azyalo intalisyo zyalululi lwakwe wazijatya ansi. Nguuita maanzi aamulwizi akwaatila ansi. Izina lyakwe ngu-Yahuwah.
Cizubuluzyo: “Busyu bwa Nyika” inga caambilizya kuti limwi bbazu lyabusyu kalisukeme kulanzya mujulu, alimwi kuli tumpango tunjaanji ooto tubandika makanaa atala lya Nyika.
Civwunisyo naa mulengalenga atala lya Nyika.
Mozesi waambwa kuti wakakanana antoomwe a Mwami busyu abusyu (Kulonga. 33:11). Ibbala lyakuti panty busyu,” lilakonzya akusandululwa kuti “kuba munsimunsi” naa “kuba kunembo lya umwi,” azimwi zinjaanji. Pele mu kampango 11, Mozesi ulomya kwaamba kuti walo waabandika a Yahuwah “kubusyu abusyu mbubonya mbuli muntu mbwaambaula amweenzinyina ” . Balongwenyina aabo babandika antoomwe (kugwisyila misyobo ya kwaambaula ya mazubaano) beelede kuba abusena bomwe alimwi tabaambauli kuli umwi awumwi kabadukwide masyule. Kababambene kukkala, balakonzya kucenkana masyu nobabandika, kumwi kabasoleka munzila imwi kuba “kunembo” lya muntunyina ooyo ngobabambene limwi. Nokuba kuti Yahuwah a Mozesi bakabandika busyu abusyu, tulakonzya kubala mukampango 20 kuti tacikonzyeki kubona busyu bwa Yahuwah mpoonya akuzumanana kupona. Yahuwah wakati: “ Tokonzyi kubona busyu bwangu pe, nkaambo taakwe muntu uukonzya kubona busyu bwangu akupona .” Yahuwah taakwe nalizambaila pe, pele kunooli cilakonzyeka kuti busyu bwa Yahuwah bwakali sinkilidwe munzila imwi kuzwa kuli Mozesi eelyo nibakali kubandika kunembo lya umwi awumwi ccita biyo kuti nicakali cilengaano ca Mungelo wa Mwami. Ziimo zyabo bakaimvwi “kunembo” lya umwi awumwi nibakali kubandika busyu abusyu (eeco inga kacinooli kwiimvwi kabalangene ). Mu kampango 23, ipenzi eeli lilibambuludwe eelyo Yahuwah naakalekela Mozesi kuti abone kusyule lya (Yahuwah), kwiinda kuti abone busyu bwakwe. “Nd amana kwiinda ndagwisya ijanza lyangu, aboobo ulabona isule lyangu, pele busyu bwangu tokoobubona pe . “
Aboobo, eelyo notubala kuti “busyu bwa Nyika,’ limwi bbazu lya Nyika lilangikaanga ndelipandululwa. Ino inga lyaba kuli bbazu eelyo atalaa bbola? Kunyina mabazu atalaa bbola. Aawa alimwi, aabo basyoma kuti Nyika ilipapalele tabakonzyi kucinca ncolyaamba Bbaibbele.
48) Jona 2:6 Ndakaseluka kuntalisyo zyazilundu, Ziyako zyanyika zyakandisinkilizya . Pele wavuna buumi bwangu kulufu, O Yahuwah Leza wangu.
Cizubuluzyo: Jonah weezyekanya bweende mpaakabede naakali mwida lya nswi (mwida), ku misemo ya Nyika – eeco kunooli caambilizya cisinkilizyo ca mwaako waatala lya Nyika amagolelo aa mubalo wayo.
49) Habakuku. 3:11 Izuba amwezi, zyoonse zyakaima nkuzikede , Nizyakabona mumuni wamivwi yako ileenda, Akumweka kwasumo lyako libeka-beka.
Cizubuluzyo: Izuba a mwezi zyakaima nji. Hena inga twasala kutasyoma makani aaya nkaambo biyo taayeleli muzeezo umwi na?
50) Mateyo 4:8 Alimwi Diabolosi wakamutola kucilundu cilamfu loko, wakamutondezya zisi zyoonse zyanyika abulemu bwazyo, 9elyo wakamwaambila kuti, Ezi zyoonse ndakupa, kuti wafugama akundikomba.
Cizubuluzyo: Nkaambo nzi ncikwakali kuyandika kutola Yahushua atalaa mulundu ikuti walo taakali kukonzya kubona kulaale pele buyo busena busyoonto atalaa nyika? Mumuzeezo wa Nyika iipapalele, ikuti walo naakatolwa munsaa mulengalenga, walo naakakonzya kubona Nyika yoonse mbwiibede.
51) 1 Bakolinto.15:41 Nkubuli bulemu bwazuba, abulemu bwamweezi, abulemu bwanyenyeezi, nkaambo inyenyeezi imwi ilipambukene kunyenyeezinyina kubulemu.
Cizubuluzyo: Alimwi aawa kwaambidwe kuti mwezi ulaa mumuni lwawo wini.
52) Juda 1:13 Mayuwe aalwizi aafutu Luka, alakovola bweeme bwao. NTUNYENYEEZI TUENDEENDA buyo, twakayobwedwa mudinla uusia mbi uutamani.
Cizubuluzyo: Manyika aambi taambidwe mu Bbaibbele, pele nyenyezi zilaambidwe – kusanganya a nyenyezi zyeendeenda mbuli Intanda.
58) Ciyubunuzyo. 20:8 Eelyo uyooinka kuyooena masi oonse aali muzyooko zyone zyanyika, Gogo a-Magogo, akwaabunganya antoomwe kunkondo. Mweelwe wabantu uli mbuli musee wakulwizi.9 Nkabela bakeendeenda MUBULAMFU boonse bwanyika akuzingulula inkambe yabasalali amunzi uuyandika. Mpoonya awo kwakaseluka mulilo kuzwa kujulu, wakabaumpa.
Cizubuluzyo: “Masi woonse aali muzyooko zyone zya Nyika” inga kiinooli ninzila ya kwaamba “masi, woonse” pele eeci tacisiyi kumbali kukonzyeka kuti cili masimpe ncobeni kuti masi aanyika ali mukataa magoko one aa Nyika – kapati ikuti twasanganya a makani aakuti kuyooba bangele bone mumagoko aayo kabajatilide myuwo ya Nyika. Ibbala lyakuti “bwaamba” atala aawa lisandulula musena wa Nyika alimwi kutali zibeela zya Nyika. Ibbala eeli lyakasndululwa kuzwa kubbala liitwa cintu lyakuti πλάτος/platos ( mubbuku lya Strong 4114) alimwi lilakonzya kusandululwa kuti bufwaafwi naa musena uukwazeme. Ibbala ndyolyeendelana limwi lipandulula cintu ndyakuti πλατύς/platus (mubbuku lya Strong 4116), lilakonzya kubelesyegwa mbuli busanduluzi bwa mugwagwa, mbuli muli Mateyo. 7:13 (cipapalele alimwi ciyanikidwe). Ibbala lya kucita cintu lyakuti πλάσσω/plassó (mubbuku lya Strong 4111), eelyo likonzya kusandululwa kuti ciimo/cikombole . Ibbala lyaci Frenchi lyakuti [”plateau” ] liiminina cibuye cipapalele (nokuba cili munsaa kupapalala) ca busyu bwa Nyika. Eelyo bbala lyaci Frenchi lizyila kubbala lyakuti [platel ], eelyo lisandulula cintu cipapalele, mbuli mutiba . Mu musyobo waci Swedish, ibbala lyakuti” kupapalala” ndyakuti”platt” (lilikonzyene alya milaka yaku German).
Kweezyekanya a BaEfeso. 3:18, “Ino ninzi bufwaafwi, a bulamfu, a kulampa kuyaansi, a kulampa kuya mujulu?” zyoonse eezyo zijatikizya misyobo yoonse ya kupima ikonzya kucitika, oomo “bufwaafwi” mobutobelwa mpeenya aawo a “bulamfu,” eeco kaciiminina kwiimpanya akataa mabala a kupima.
Yebo kweezyekanya a Ciyubunuzyo. 21:16, oomo mokuli makani aakupima munzi wa Jelusalema. Alimwi aawa bufwaafwi buliimpanyidwe ku bulamfu, alimwi inga tiicakonzyeka kupima milyango a bwaanda munzila eeyi pele buyo kuti kazipapalele. Langisya kuti “bulamfu buleelene a bufwaafwi” alimwi “ibulamfu, bufwaafwi, a kulampa kwawo kuya mujulu zileelene.
Ciyubunuzyo. 21:15 Lino oyo iwakali kundaambauzya wakalijisi ceelesyo catete lyangolida cakweelesya munzi amilyango yawo abwaanda bwawo. 16Munzi uliyakidwe azyooko zyone, zyoonse zileelene, bulamfu buleelene abwaamba . Nkabela wakeeleka munzi atete , wajana kuti mamaile aali myaanda iili ikumi aisanu. Bulamfu abwaamba abwiime bwawo, zyoonse zileelene. 17Lino wakeeleka bwaanda bwawo, wajana kuti buli azikokola zili mwaanda amakumi one azine, mbuli kweeleka kwamuntu, nkukuti kwaangelo.
***
Kuyungizya waawo, kusikila munsaa tumpango tuli 35 komwekomwe kaambilizya mamanino/magolelo aa Nyika. Mubwini, ncitu citakonzyeki kujana “manjeleela” atalaa bbola, alimwi ncintu citakonzyeki kuzyiba bbazu lya bbola eelyo lyaambwa kuti “mbusyu” (naa kunembo lya cintu cimwi). Kuba kwa magolelo a busyu bwa Nyika cintu ceelela bwinibwini atalaa Nyika iipapalele.
Saatani ukanzide kusinkilila malengelo ookwa Yahuwah kuzwa kuli ndiswe (kuti atusinkile Yahuwah), alimwi ulikkomene ku lwiiyo lwa Kulibeda kwa zilengwa leza kusanganyidwe a zyuulunzuma zili zyuulunzuma zya myaka mukataa muzeezo wakuti zuba ndelili akataa mulengalenga – eeco ncintu cicesya Yahuwah abupati bwesu ncotuyandika cinicini mu malengelo Aakwe:
Johane 3:12 Kuti ndamwaambila zyaansi tamusyomi, iniinga mulasyoma buti ndamwaambila zyakujulu?
BaLoma. 1:19 Nkaambo kuzibwa kwa-Yahuwah kulaboneka kulimbabo, ikuti Leza nguwababonya. 20Nkaambo kuzwa kumalengelo aanyika makani aakwe aatabonwi alaboneka kukumvwigwa kuncito zyakwe, nkukuti inguzu zyakwe abu-Leza bwakwe zitamani. Nkaambo kaako tabakwe bwiinsyo
Eeci ncibalo citali ca-WLC cakalembwa aaba Annika Björk. Eeci cibalo cakafwiinsyigwa kuzwa ku makani aatobela: https://bjorkbloggen.com/2018/10/20/list-of-bible-verses-that-show-a-flat-Earth-with-a-firmament/
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya muMangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Kululamikwa lyooonse kulataanguna kuboola eelyo nokweetwa mulumbe mubotu, mbuli butondezyedwe mu bbuku lya BaLoma. Nokuba boobo, Yahuwah ulaabila zipego Zyakwe amaanza obile. Walo talulamiki muntu ooyo ngwatasetekanyj pe. Mbweenya buyo, Walo tasetekanyj muntu ngwaatalulamika. Swebo tweelede kwiingasila twaambo tobile ootu tuswaangene pele twaanzeene. Nkaambo nzi ncotweelede kwaanzaana boobu? Nkaambo kululamikwa kwako kulilondokede, kakuli kusetekanyigwa kwako lyoonse takulondokede.
Kululamikwa kwako takwiimpene nokuceya pe. Yebo uli 100% mumeso aa Yahuwah. Bululami buli kkwene kulondoka – kwaabilwa, kupimwa, akubikkwa mu zina lyako. Ncipego, alimwi cilimaninide kuzukila.
Kusetekanyigwa kwangu takumaninide mu buumi buno. Kusetekanyigwa kuganta matalikilo aa kusanduka kuya mu buumi boonse. Cili mbuli kuyaa kukalaba cifuteenuma atalaa mabbodela aapwayawudwe, ntaamu yomwe aciindi comwe. Mbombubo inzila ya kusetekanyigwa mbwiibede. Ijatikizya kulibambula mubili akulikulika ciciingano. Eelyo Kristu naita muntu, Walo wiita muntu ooyo kuti aboole akufwa abuzuba kuzwa ku busyaacivwulemwangu abu sikalifune.
Eeci cibalo tacili ca WLC cakalembwa aaba Mufundisi. Desmond Ford.
Twakagwisya mucibalo citaanzi woonse mazina aa mituni ngobaita Taata a Mwana, kubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya muMangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
Eeci cibalo tacili ca WLC. Eelyo notubelesya zilembedwe aa balembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wa balanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu kuTusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.
Nketaninga zulwa kuti Cipati citaanzi ca Matalikilo cilizukide kuzubulula makanaa malengelo aa zilengwa leza zili mumulengalenga wakujulu, Ime nsyeekazyi cakuyeeyela ncolyaamba Bbaibbele kumakanaa mulengalenga. Ime nsyeekacibikkide kapati ku maanu kuti bunji bwa basanduluzi bamazubaano balanganya bbala lyaci Hebulayo lyakuti raqia kuti liiminina julu naa mweenya.
IBbaibbele lya KJV alya NKJV lisandulula bbala lya “raqia” cabululeme kuti mulengalenga, eelyo bbala lipandulula cintu mbocibede bwini kubambwa—civwunisyo cikakala kapati ciyumu nta civwunikidwe mbuli ciluli cibambidwe aabbwe libalangala lya kulusitalo nokuba lya kubambya cimbonimboni liyumu nta.
Aabo bataminina kuti bakalisikide mu mweenya uuli “kunze lya mulengalenga” akulangilizya ntongola meso nyika kiikunkulika aanga ndi bbola, bavwuzya kubelesya bbala lya kuti “ilakonzya kupwayika” nobapandulula nyika. Ime ndasyoma kuti ooku nkucita bucenjezu mukuyanda kukonga bantu kuti ncenciceeci ncotucizumanana kuponena anyika, pele aaya woonse mafunze ookwa Saatani aa lucengo. Aabo babelekela Saatani tabayandi kuti swebo tuzyibe kuti tuvwunikidwe kunsaa mulengalenga kakwiina ntenda alimwi katulangilizyigwa aa Mulengi wesu.
Ngonguwe uukkede atala lya mubalo wanyika, nkabela bantu bayo bali mbuli cisozi. Ngonguwe uuyala ijulu mbuli cisitilizyo akuliyanika mbuli itente lya kukala mumo, Izaya 40:22 (LEB)
Kwaamba kuti Yahuwah wakalenga mulengalenga mu Cipati citaanzi ca Matalikilo, eeco cituletela cintu cakusala ncotutakonzyi kweeleba. Hena tusyome ncolyaamba Bbaibbele naa ncobaamba basyaazyibwene bazilengwa leza zya mumweenya aabo batasyomi leza antoomwe ambungano ya NASA iibeja ncoyitwaambila?
Hena Yahuwah waamba kuti mulengalenga ncintu ciyakidwe ncobeni atalaa nyika ooko zuba, mwezi, a nyenyeenzi nkozibede na? Hena tusale kusyoma Yahuwah ambweni kunyina ciyakidwe ciliboobo, aboobo akubamba kuti iBbaibbele libe buyo bbuku lya twaano twansiku litakonzyi kusyomwa casika ku makanaa lwiiyo lwa zilengwa leza?
Mukubula coolwe, aciindi eeci, bunji bwesu katutakubwene, twakabikka lusyomo lwesu mu lweeno lwa Saatani kuleka mu Jwi lya Yahuwah.
Lino, atujokele kukuswata mulengalenga kwesu. Manjezyeezya aa Basanduluzi, ncintu ciliko ncobeni alimwi nocicitika eeco aabo basandulula Mangwalo bacita caali nokuba kulubizya kabatakubwene kuti basungilizye mizeezo yabo mbuli mbobateelela mu Jwi lya Yahuwah. Kufumbwa kucesya kusandulula bbala lyomwe-lyomwe cigaminina, tunoolangilwa kuswaanganya cintu eeci.
Toonse tulaletelezya nzila zya mizeezo yesu zyakulanganya nyika azintu mbotuzibona mu kuswata Bbaibbele kwesu. Eeci ncintu cikatazya kuzunda, pele basikwiiya ba Bbaibbele balilailidwe kulekela Bbaibbele kuti lilyaambilile ncoliiminina (kusindinganya kupandulula) muciindi ca kwaamba nzyotuyanda kuti lyaambe (mu kusanganya mizeezo njotuliyeeyela kubusanduluzi).
Ibbala lyaci Hebulayo lya mulengalenga ndyakuti raqia , eelyo ligaminide kwiiminina cintu ciyumu nta mbuli citampa ca lubulo. Mu Matalikilo 18 , Yahuwah wakaita mulengalenga (raqia ) kuti ndijulu (shamayim ). Yahuwah ubelesya mulengalenga wa kujulu kwaandaanya meenda (mayim ) aali ansi kuzwa kuli yaayo aali ajulu lya ngawo.
Eelyo Elohimu wakacita mulengalenga oyo, waanzaanya maanzi aali ansi lya mulengalenga amaanzi aali kujulu lya mulengalenga. Mbuboobo mbukwakaba. Matalikilo 1:7 (NKJV)
Aboobo, atalaa mulengalenga kwakali alimwi kucili meenda (Intembauzyo 148:4 ). Aalo ma shamayim (majulu) ajisi mayim ( meenda). Imeenda aakali ajulu taakazimaana pe niwakainda muyoba. (Intembauzyo 148:1 ) iingula kulubila ooko.
Aboobo, imulengalenga weelede kuti kunooli cintu ciyumu nta alimwi cizyandamene kuyumuna milwi yameenda iitaambiki atalaa nguwo, amwi meenda aayo akalekelwa kuloka anyika mu lubeta lwa ciindi ca muyoba mupati. (Matalikilo 7:11-12 )
Kunyina kaambo kakuyeeyela kuti aayo meenda taakayungizyigwa kuvwula. Mubwini, kulibonyaanga kuli makunga aa tusensa twa meenda atala a kunsi lyanyika, eeco baHebulayo bansiku ncibakali kusyoma kuti cilangika mbuli ceeci cili anselelo.
Cuusisya ncakuti, basanduluzi ba Bbaibbele lyangu ndyeyandisya lya [New Living Translation], mukukakatila kwabo kuti bapandulule zintu ziyumu kuzubulula mumulaka a mabala aa mazubaano, bakalipa lwaanguluko kuti basandulule bbala lya mayim kubee ngu “sikunku.”
Kanjaanji bacita mulimo mubotu wakusandulula muzeezo kumuzeezo, kapati casika kukutugwasya kumvwisyisya mabala aa lwiiyo lwa buleza mbuli lya kululamikwa, pele mukaambo aaka bakatucitila citaluleme kapati. Ibbala lya Mayim liiminina meenda nanka zambangulwe lya meenda, kutali sikunku.
Kusikila munsaa basanduluzi boonse, bavwuzya kusala mabala aayiminina bbala lya raqia (mulengalenga) aayo aamvwika kabotu akukwelelezyegwa kulwiiyo lwa mazubaano lwa “zilengwaleza” lwakuti izuba ndelili akataa mulengalenga, oolo ndotudyambaikwa mu zikolo zyesu amumilumbe yaanyika.
Amuliyandawide nobeni mulibonene. Ma Bbaibbele aa NASB, ESV, alya NET, aayo ngeyandisya kuti mbusanduluzi “bwacigaminina” nkaambo aamba cigaminina camu Bbaibbele, woonse abelesya bbala lyakuti “mweenya,” eelyo kunyina nokuceya ncoliiminina caamba cintu ciyumu nta alimwi cilaanguzu mbuli mulengalenga, pele apa lwaanguluko kuliyooyo uusyoma kuti izuba ndelili akataa mulengalenga kuti asumpauzye muzeezo ooyo, kuukkwene antoomwe a mweenya uutagoli “kunze lya mulengalenga,” kumwi kadyakaizya Mangwalo. Ma Bbaibbele aa KJV alya NKJV alasyomeka kuba Hebulayo alimwi abelesya bbala lya “mulengalenga” kuti apandulule mbuuli muyumu akubaa nguzu.
Ulakonzya sena mbuli mbwacita walo, Kuyala talabalanga lya kujulu kalili liyumu Mbuli cimbonimboni calubulo? Jobu 37:18 (NASB95)
Aboobo, ndili ndyotutii sale? Hena tusyome mumakani aa Matalikilo aa malengelo kuti aliluleme mu lwiiyo lwa zilengwa leza akutobela bbala ligaminina kusandulula lya raqia , naa tusyaanikizye Mangwalo eesu kumizeezo ya lwiiyo lwa buleza kwiinda mu kuubula ncolyaamba Bbaibbele? Mukubula coolwe, basyomi banji bakacita boobo kabayeeme ku bumboni bwa mbungano ya NASA. Kweezyeezya boobu nkutobela majwi aa nkamu iizyibidwe bubeji kwiinda kuteelela Yahuwah, uutakonzyi kubeja.
Kuli ndime, eelyo ndaakwiimikila kunembo lya Yahuwah bumwi buzuba, ndilombozya kuti walo akandaambile kuti ndakaindilizya kapati kumubikkila maanu muli zyoonse nzyaakaamba kwiinda kuti akandisinse kuti nkaambo nzi nceekapindula majwi aakwe.
Yahushua wakabavwiila, wakati, Mwalyeena. Tamuzi magwalo niziba inguzu zya-Yahuwah. Mateyo 22:29 (NLT )
Izaya utuzwezya waawo mpabede Yahuwah atalaa mulengalenga, kalangide atalaa “mubalo” wanyika.
Ngonguwe uukkede atala lya mubalo wanyika nkabela bantu bayo bali mbuli cisozi. Ngo nguwe uuyala ijulu mbuli cisitilizyo akuliyanika mbuli tente lya kukkala mumo. Izaya 40:22 (NKJV)
Aabo badadanyana kuti nyika ibambidwe mbuli bbola zimwi ziindi baamba kampango kali atalaawa kuti “nkampango kalaa bumboni.” Ibbala lisanduludwe kuti “mubalo” liiminina kweenga mbuli mweengwe uuzinguluka, mbuli muntu umwi mbwabelesya ceengezyo ca cizinguluka kweenga mubalo.
Ibbala lyakuti “bbola” lilibelesyedwe muli Izaya 22:18 ; aboobo, mushinshimi wakalizyi mboziimpene mweengwe uuzinguluka a bbola. Cifwanikiso cilaa nselelo inga cayeeyelwa kuti mweengwe uuzinguluka uulaa manjeleela mbuli ceeco cipangika kuti muntu umwi waganta cidinto atalaa bunzuka, eelyo ndebbala lya cifwanikiso lyaabelesyegwa muli Jobu 38:14 , eelyo Yahuwah Lwakwe mukamwini naakali kukanana makanaa malengelo Aakwe.
Eelyo inyika ilalibonya mbuli bulongo busimbwa; Ilijisi mibala-mibala mbuli cisani…Jobu 38:14a (LEB)
Kojokelela kukampango ka Izaya atalaawa, majulu, (eelyo ndezina lyuulikidwe mulengalenga ) aliyalidwe mbuli mulembo akwaanzikwa mbuli civwuka. Aawa civwuka cilangilwa kuba muciimo caambidwe eeco, ncivwuka cilaa mubalo, cikonzyenye a civwuka ca zipaya cilaa mulengalenga.
Amosi 9:6 mu Bbaibbele lya NASB utupa cifwanikiso cikondelezya ca mulengalenga.
Nguuyaka maanda aakwe kujulu, azyalo intalisyo zya lululi lwakwe wazijatya ansi. Nguuita maanzi aamulwizi akwaatila ansi. Izina lyakwe ngu Yahuwah. Amosi 9:6 (NASB95)
Yahuwah wakabikka cuuno cakwe mu “maanda aamukati” atala lya mulengalenga.
Ibbala lyaci Hebulayo lya “ciluli civwundumene” ndyakuti aguddah , eelyo lilibelesyedwe muli Jelemiya 37:16 kupandulula ntolongo yakalaa ciluli civwundumene oomo mushinshimi mwaakaangilwa. Mukaambo kamwi, basanduluzi ba Bbaibbale lya NASB balikke mbibaasala kubelesya bbala lya aguddah mukampango kazyila kuli Amosi kuti bapandulule mulengalenga mbuli ciluli citankamikidwe atala lya nyika. Ime ndasyoma ooyu mukonzyanyo uumbi munzila eeyo basanduluzi mbobasanganya mizeezo njobaliyeeyela. Kujanza limwi, imwi misyobo ya busanduluzi iswaanganya “zibeela zya masena” zili atala (NKJV) kuti zilijatene antoomwe a nyika. Kucibikka antoomwe, swebo tuteelede kuti mulengalenga uuvwundumene ulijatene kuti nde antoomwe a nyika.
O, muuya wangu, kolumba Yahuwah. O Yahuwah, Leza wangu, uli mupati loko,Ulisakatide bulemu abwami.2 Ulalivumbya mumuni mbuli ingubo, Ulatandabika majulu mbuli cisitilizyo.3 Ulasimpa ziyako zyamaanda aakwe mumaanzi aakujulu, Ulacita kuti mayoba abe inkalaki yakwe,Uleendeenda amababa aamuuwo.4 Ulabika myuuwo kuba batumwa bakwe, Amulilo wamabangabanga ube similimo wakwe.5 Ngonguwe wakabika nyika antalisyo zyayo, Kuti itabi niizungaana . Intembauzyo 104:1-5 (NKJV)
Aabo baimvwi amuzeezo wakuti nyika musena wiimvwi nji, basyoma kuti mulengalenga ulakwakwamuka kuzwa kunjeleela yabwaanda bwa caanda oobo bukobelela lwaanje, oobo bwaambidwe munzila yalweeno kuti ninsumbu ya Antarctica kumusanza. Nceeci cintu cikondelezya, limwi peeji mu bbuku lisandulula zintu lyakuti Encyclopedia Americana (lyamu 1958) lyaamba kuti kuli mulengalenga wanyika kubusena bwanyika ooko. Kotyanka aawa ubone cipekupeku mu YouTube .
Mulengalenga ncintu civwunikide kusikila kulaale kwiinda akumanjeleela aanyika ngotutazyi alimwi akusikila kulaale kuya mujulu kutazyibidwe.
Kujulu nkulamfu, ayalo nyika yalampa ansi; Mbubonya obo myoyo ya bami tiiyubunuki. Tusimpi 25:3 (NKJV)
Kuyaamina ku bumboni bwazipekupeku bukondelezya, bamwi bayeeya kuti kunooli mulengalenga mulamfu kuya mujulu mamaile aasika 73. Zipekupeku zyobile anselelo aawa zitondezya ndeke yakauluka kusikila yaakujinka kuya mujulu mpeenya-mpeenya a mamaile aali 73. Cimwi citondezya ndabo kazikwisauka kulaale kubusena bulamfu kuya mujulu mbweenya kulampa mulamfu mbuli boobo, akumwesya cintu cilibonya aanga ncivwumbyo ca mulengalenga atalaa ndabo. Ime nsyekonzyi kuzuminizya kuti naa nzyancobeni zipekupeku eezi, pele ncuubauba kuzijana abusena bwa YouTube alimwi zilanganyigwa kuti zili masimpe. Nokuba boobo, eezi tazili “zitondezyo,” mbumboni biyo. Pele “Masimpe” eeni ndi Jwi lyaYahuwah.
Cipekupeku citaanzi atalaaawa citondezya zuba a mwezi antoomwe atalaa nyika iipapalele. Cilalibonya masimpe kuti eeyo ndeke yakali kubweza cipekupeku ilangila mu mpulungwido iivwundumene ya muncini wa cipekupeku nkaambo manjeleela aanyika alibonya kuvwukumana kweendelanya kufumbwa bubambidwe mpulungwido eeyo. IBbaibbele lyaamba kuti Yahuwah wakabikka zuba, mwezi, a nyenyeezi mu mulengalenga mu Buzuba Bwane bwa malengelo.
Lino Yahuwah wakamba kuti, Akube mimuni mumulengalenga wakujulu, kuti ianzaanye isikati amasiku, alimwi ibe zitondezyo akubamba ziindi zyeelede zya mazuba azya myaka. 15 Ibe malampi mu mwenya wa kujulu aakumunisya ansi. Nkabela kwakaba obo. 16 Yahuwah wakacita mimuni yobile mipati, mumuni mupati wakweendelezya isikati amumuni muniini wa kweendelezya masiku; azyalo inyenyeezi wakazicita. 17 Nkabela Yahuwah wakazibika mumweenya wakujulu, kuti zimunike ansi, 18 ziendelezye isikati amasiku akwaanzaanya mumuni amudima, Nkabela Yahuwah wakabona kuti ncintu cibotu. 19 Aboobo kwakaba igoko, alimwi kwakaba cifumo, buzuba bwane Matalikilo 1:14-19 (NKJV)
Aaka kampango kalimaninide kuzula kufumbwa kulubila kwa muzeezo wakuti zuba ndelili akatikati ka malengelo woonse, ooyo uuzyila kumanjezyeezya aakuti zintu zyaka banik waba kubboloka kupati mpoonya zyakatapaukila mumasena mozijanwa akusendekezya muzeezo wakuti mulengalenga “uuciyaa kukwazamuka”. Inyika a lwizi antoomwe a mulengalenga uutankeme atalaa nyika uusimpidwe kuti nji, zyakabikkwa abusena bwazyo eelyo mimuni kiitaninga bikkwa mumulengalenga. Kuli twaambo tongaye tweelede kumvwugwa. Kutaanguna, izuba lileenda musinzo walyo atalaa nyika iipapalele alimwi yiimvwi kuti nji. (Intembauzyo 19:6 ) Zyoonse zyobile, izuba a mwezi, mimuni iili nsini. Mwezi tuuli cimbonimboni pe, eeco cakatondezyegwa kwiinda mukulangisya mumuni wawo kweendelanya kuli wa zuba.
Inyenyezi azyalo zilalimwekela mumulengalenga, tazili mazuba aali kulaale pe.
Mulengalenga ujisi kale zintu zyoonse, eezyo nkamu ya NASA abasyaazyibwene baswata zilengwa leza mujulu bamazubaano nzyobasendekezya kuti zili “mu mweenya uuli kunze lya mulengalenga.” IBbaibbele lyaamba buyo musinze uuli kunze, ooko bazangi banyansya nkobaya eelyo bamanizya kubetekwa. Mweenya uuli kunze ngwa kupunga buyo. Mbuli bulibonya mu muncini uubonya kulaale ookwa Hubble, zyoonse zintu eezyo nkamu ya NASA nziitaminina kuti zili mu mweenya uuli kunze, nzyakupangilila mu kkompyuta kuzwa mu “makani aabungidwe.” Manyika manjaanji, milengalenga, azimwi zinjaanji, taziko pe, kutali mbuli mbungano ya NASA mbwiitaminina.
Kusyoma mu mulengalenga wancobeni, ncijuzyo cipati kukuteelela mbwiibede iino nyika motukkala.
Eelyo notudyakaizya mulengalenga wamu Bbaibbele, eeco citujulwida ku kucengwa amizeezo yeenzu iikazyanya a Jwi lya Yahuwah. Ime ndakukulwaizya yebo kuti utontomane kuyeeya makanaa mulengalenga. Ime ndakwalakwala biyo aasyoonto atalaawa. Bantu tabazyi zintu zinji zijatikizya cilengwa leza eeci cibambidwe cakukankamanisya akutazyibwa. Pele Yahuwah uyanda kuyubununa zinjaanji kuli ndiswe; Ime ndizulidwe cinicini nkaambo mulengalenga uyubununa mulimo wa maanza Aakwe. (Intembauzyo 19:1 )
Eeci ncibalo citali ca-WLC cakalembwa aa Pete Beck III.
Twakagwisya mu cibalo citaanzi woonse mazina aa mituni ngobaita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo, swebo twakajokolosya mu Mangwalo mazina ookwa Taata a Mwana mbuli mbwaakalembedwe kutaanguna abalembi ba Bbaibbele bakayoyelwa moza. Nkamu ya -WLC
.jpg)
.jpg)
Mbuli mbwiili caando ca mfulumende yokwa Yahuwah, iNsabata ilaa milimo yotatwe: 1) Ilakwabilila; 2) Ilayumyayumya; 3) Ncitondezyo ca kuteelela.
Ibbala lya “kwiingaila” lyakazyila kubbala lya kuulika cintu muciGiliki lyakuti πλανήτης (planétés, mubbuku lya Strong 4107) alimwi lilibonya buyo ciindi comwe mu Bbaibbele, mubbuku lya Juda 1:13, eelyo lyaambilizya nyenyezi ziingaila. Kweendelanya kubusena bwa [Biblehub] eeli bbala lizyila kubbala lya kucita cintu lyakuti πλανάω (planáo, mubbuku lya Strong 4105), liiminina kusweeka, kucenga, kuleya kuzwa munzila, naa kusweesya. Eeli bbala lilalibonya ziindi 39 mu Bbaibbele lya KJV. Lilakonzya kwiiminina nyenyezi yiingaila (nkokuti., inyika) a mumaambila mbali kwiiminina mufundisi wakubeja wuunina bantu batakwe makanze, akubasweesya kuzwa munzila. Eeli bbala lyakucita cintu lilaambilizya abana Isilayeli baingaila munkanda mu ciindi ca Kulonga.
Banjaanji bakabuzya kuti nkaambo nzi Bbaibbele ncolyaamba biyo Nyika eeyi, izuba, a mwezi pele kutali manyika aambi. Hena aalo taayelede kwaambwa na? Ikuti manyika aambi kaalanganyigwa ncobeni kuti ni “nyenyezi,” nkabela aalo alisanganyidwe. IBbaibbele lilaambilizya manyika aambi (aayo ngotuzyibide boobo cino ciindi) kuti ninyenyezi ziingaila mu bbuku lya Juda 13, kwaayimpanya kuzwa kunyenyezi zimwi zili mu mulengalenga. Bunji bwa nyenyezi taziingaili nokuceya pe; ziliimvwi nji mumasena aazyo mozibikkidwe – zinji zizulilwa akataa makunga aa nyenyezi aagaminide aayo aalibonya kulangilwa anyika – pele zimwi nyenyezi kuzigaminina zyaambidwe kuti ninyenyezi ziingaila, zili ciloba antoomwe, mbweenya mbuli mazuba aa mvwiki eesu: Mercury, Venus, Mars, Jupiter, Saturn, Uranus, a Neptune. Zyoonse ziguminizya baleza banjaanji bamunyika yansiku.
walo wakalyaamba kuti ngu Yahuwah. Nkaambo ino nguni uukonzya kubusya kuzwa ku lufu bafwide pele Yahuwah? Balizuunyene kutaminina kuti aaka kaambo nkamwi akataa twaambo tuli ciloba twakuti “Ndime” ooto tulembedwe mu mulumbe wa Johane ooto tutondezya kuti Yahushua ngu “Ndime” waciindi ca Kulonga.2 Pele mwati Yahushua wakali kulyaamba kuba leza na? Atulange caamba Mangwalo kujatikizya Yahushua a buumi butamani.
1. Hena dyabooli nkwali ncobeni?
13. Nkuli kuli munzi mupati wa Saatani cino ciindi alimwi ulaa cuuno nzi?
Hena malyatililo kunsaa matende ookwa Yahuwah naa ndi BBOLA likunkulika lyoonse na?
34) Izaya 43:6 Njooambila kunyika kuti, Leka, Akwalo kumusanza njookwaambila kuti, Utakasyi, Leta bana bangu kuzwa kule abana bangu basimbi kuzwa kumagolelo aanyika—
Yebo kunyina nonga walomya kwiimikizya cipyaango mu tansyi lyako kuti kolanzyide meso a kanwe; yebo uyandika kulanga kumbi kutali a kanwe. Eelyo bwato nobuli akataa muyoba, tabulosyi ngobyoobyo yakuzyamya kunsaa meenda pe. Mbweenya buyo, ikuti yebo andime twalilangalanga lwesu mpoonya akubikkila kapati maanu aawo mpotuteene mu bweende bwesu, kunyina notunga twayungizya kulibotya. Kulayandika kubikka kusetekanyigwa a kululamikwa antoomwe, pele kazyaanzeene, nkaambo kululamikwa kulilondokede kufumbwa naa cakolwa mupya naa cakolwa wakasanduka nanka kuti wali mweembezi wa cikombelo kwa myaka iili makumi aali ciloba.
