|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu kwa cecino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko akukavwuntauzya kufumbwa nkokakonzya kujanwa. |
Mutwe wabaleza botatwe makani aakukazyanya kapati. Bunji bwabantu basyoma kuti Baleza botatwe nka kasimpe. Bamwi Bantu basyoma kuti Baleza botatwe taali masimpe. Ime ndili umwi wabantu aabo batasyomi kuti Baleza Botatwe mbamasimpe. Ime ndasola kumukwelelezya kuti mutanoosyomi muli Baleza Botatwe, nkaambo tabali bamasimpe. Twaambo twangu tone twakubandika ntootu: (1) Yahuwah takonzyi kufwa, (2)Yahushua taakali umwi wa Baleza Botatwe, (3) Yahuwah tacinci alimwi (4) Yahuwah takonzyi kutempaulwa.
Ikuti Yahushua naakali Yahuwah, kwiina wakali kukonzya kumugagaila aciciingano mukaambo kazibi zyesu.
|
Kaambo kangu kataanzi nkakuti Yahuwah takonzyi kufwa. Walo tafwi pe, mbuli bwaamba Bbaibbele. Ikuti Yahushua naakali Yahuwah, nkabela kunyina wakali kukonzya kumugagaila aciciingano mukaambo kazibi zyesu. Ikuti Yahushua naakali muciimo cabuntu cokwa Yahuwah, ino nguni wakali kubeleka mulimo ookwa Yahuwah eelyo naakafwide? Bwiinguzi, kunyina pe! Ikuti bwiinguzi bwako mbwakuti Yahuwah nguwaacili kubeleka, nkokuti yebo walipangila ba Yahuwah bobile. Kunyina pe wakali kunga wabeleka mulimo Wakwe ikuti Yahuwah naakali fwide (eeco Bbaibbele ncobaamba kuti tacikonzyi kucitika!). Ikuti [mbuli bwaamba baabo Basyoma ziimo zyabulemu zicincauzya] Yahushua a Yahuwah kabali muntu omwe, mbubuti mbwanga ooyo muntu walibusya mwini kuzwa kubafu? Kuti kofwide, yebo uloona alimwi kunyina nociba come ncozyi, mbwaamba Mukambausi 9:5: “Nkaambo bazumi balizyi kuti bayoofwa; pele bafwide kunyina nociba comwe ncobazyi, tabacikwe bulumbu, nkaambo mizeezo yabo yakalubwa.”
Ikuti yebo wabuzya muntu kuti akupandulwide mbobabede Baleza Botatwe, Walo Inga wateeti, “Pe ma, aayo maseseke ndaaye.” Ikuti kotajisi bwiinguzi, nkabela weelede kutalika mpeenya aawo kukapaula mu Bbaibbele lyako. Pele eelyo nolanga mu Bbaibbele lyako, kwiina ncolyaamba ciguminizya Baleza Botatwe. Ibbala lya Baleza Botatwe talijanwi mu Bbaibbele pe. Kunyina nokuba aasyoonto mpokusendekezyedwe mu Bbaibbele pe. [Eelyo Bbaibbele nolyaamba kuti “Yahuwah” eeco tacaambilizyi Baleza Botatwe pe. Kuli ziindi 12,000 nokulembedwe bbala lyakuti “Yahuwah” mu Bbaibbele pele zyoonse ziindi eezyo taliiminini ba Yahuwah botatwe pe.
Ikuti yebo wabuzya mwiyi wabuJuuda ncolyaamba bbala lyakuti echad ncoliiminina, walo Inga wakwaambila kuti lyaamba kuti omwe, kutali botatwe nanka ziimo zyotatwe zya omwe, pele buyo kuti omwe.
|
Kaambo kabili kangu nkakuti Yahushua lwakwe takwe cibeela muli Baleza Botatwe. Yahushua wakali muJuuda. Ikuti wabuzya mwiyi wabuJuuda ncolyaamba bbala lyakuti echad (bbala lyaci Hebulayo liiminina omwe) walo inga wakwaambila kuti liiminina omwe, kutali botatwe nanka ziimo zyotatwe zya omwe, pele buyo kuti omwe.
Yahushua mubbuku lya Maako (Maako 12:28-29) wakali kwaambaula aa mulembi. Mulembi wakabuzya Yahushua kuti nguli mulawo mupati kwiinda yoonse. Yahushua wakaingula mukubandauka zilembedwe mu Shema (milazyo ya Isilayeli): “Mulawo mupati kwiinda yoonse ngwakuti, ‘Koteelela O Isilayeli, Mwami Leza wesu ngu Leza omwe.’” Eeci ciiminina kuti Yahuwah Muntu omwe, kutali botatwe mbuli bantu banji mbobasyoma mazubaano. Yahushua kunyina nokuba aasyoonto naakali kulota kulisungula lwakwe kuti alyeelanye aa Yahuwah. Walo lyoonse wakali kumwiita kuti Yahuwah ngu Wisi wakwe. Alimwi Yahushua wakali kupaila ziindi zyoonse kuli Wisi, Yahuwah.
Kaambo kangu katatu nkakuti Yahuwah tasandauki pe. Eeci ciiminina kuti Yahuwah takonzyi kulicinca kuba muntu wanyama. Ibbaibbele lyaamba kuti Yahushua, cino ciindi, ulikkede kujanza lyalulyo lya Yahuwah.
Kaambo kangu kamamanino nkakuti Yahuwah takonzyi kutempaulwa. Ikuti webo walanga mu Bbaibbele lyako, lyaamba kuti Yahushua wakatempaulwa a Saatani. Ibbaibbele lyaamba kuti Yahuwah takonzyi kutempaulwa mubbuku lya Jemusi 1:13: “Ikuti watempaulwa, kutabi muntu waamba kuti, ‘Yahuwah ulanditempaula.’ Nkaambo Yahuwah takonzyi kutempaulwa acibi, alimwi kunyina naba omwe uunga wamutempaula Walo.” Kutegwa eeci cibe camasimpe Yahushua taakali kukonzya kuti abe Yahuwah nkaambo Walo wakatempaulwa ncobeni amubyaabi Saatani.
Ipenzi lyakatalika myaka minjaanji yakainda eelyo mabazu obile naakali kukazyanya kuti naa Yahuwah wakali omwe naa Mbaaleza Botatwe. Kukosozya makani kwaatola busena mu Muswaangano waku Nicea kwakali kwakuti Leza wakali Baleza Botatwe.
|
Eeli penzi lyakatalika myaka minjaanji yakainda eelyo mabazu obile naakali kukazyanya kuti naa Yahuwah wakali omwe naa Mbaaleza Botatwe. Kukosozya makani kwaatola busena mu Muswaangano waku Nicea nkwakuti Leza wakali Baleza Botatwe baswaangene muli omwe. Bunji bwabantu tiibakamvwisyisya makani aa Baleza Botatwe, abalo bapaizi bakati, “Iswe tobapaizi tulimvwisyide makani aaya aboobo inywe mutalipenzyi nkaambo tamweelede.” Eeco cakapa kuti bapaizi babaa nguzu atalaa bantu.
Ono mwalimvwida, Leza takonzyi kuba Bantu botatwe. Ncintu ciyumu citakonzyeki kucitika. Ikuti yebo wabuzya Bantu sunu kuti bakupandulwide Baleza Botatwe mbobabede, mu bantu bali kkumi, bali fuka tabakonzyi cintu eeco. Ncintu caankamika. Tacili ciyumu kapati boobo. Yahuwah ngumwi alimwi Yahushua alikke ngo Mwanaakwe.
Zilembedwe:
Eeci cibalo citali-ca-WLC cakalembwa aba Casey Hixon, bamyaka yakuzyalwa 12.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa Moza. Nkamu ya-WLC
