|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
“Kukkazyika camba mukwiiminina kasimpe ncibotu kwiinda kuumuna biyo nkaambo kakuyandisya kumvwana” (Aviel Schneider, Israel Today, Mukubwe kaangala 2012).
Mumakani aa Israel Today aaya, Ouriel Zohar ubandauka misyobo-misyobo ya “kusandulula” Yahushua kwamaseseke. Nokuba boobo, Zohar, mbweenya mbuli bunjaanji bwa balembi abakambausi, ulayimpya makani eeni aali mumulumbe ookwa Yahushua kuti tiiwakali wa “luyando,” nokuba kuti eeco cakali cibeela camulumbe ciyandisi.
Mulumbe wa Yahushua wakali wa kuboola kwa Bulelo bwa Yahuwah, Mumazuba aacizya, anyika eeyi, nzila yakulibambila cino ciindi “bwa kuyakweendelezya nyika” antoomwe a Yahushua (1 Bakolinto. 6:2; Daniele 7:18, 22, 27, atumwi tumpango.) Mbuli mulimo wesu, walo wakatuyiisya kupaila kuti, “Bulelo Bwako abusike.”
Taakwe magolelo aazintu zinga zyatola busena amanjezyeezya mumizeezo yabuntu eelyo notwaambilwa kuti Mangwalo maseseke aayandika “busanduluzi” bwa basicikolo “bayiide”. Pe takuli boobo! Mulumbe ookwa Yahuwah ngwa boonse bayanda kuzyiba kasimpe. William Tyndale, ooyo Cikombelo ngucaawumpila a citanda nkaambo ka lusyomo lwakwe — Dyabooli wakali cimidwe kuli ncaakaamba —kuti, “iBbaibbele lyeelede kubalwa lyoonse mbolikkwene, alimwi majwi aalyo ayelede kutambulwa mbweenya mbwaabede; nkaambo litwaambila kaano aako mwaalumi naba mwanakazi nkakonzya kuteelela, kakwiina kunjila bufundisi, nokuba kwiiya makanaa buleza.”1
Nkaambo nzi ncotutatambulili majwi maubauba aamu Bbaibbele aapandulula Yahushua waku Nazaleta mbuli bulembwe muli Luuka (1:31-35) a Mateyo (1:18-21), kakwiina kuvwelanya busongo bwaci Giliki oobo bwakali “ciwa cabili” kuli bamatata bacikombelo bataanzi? Kuteelela kwa “Bamatata ba Cikombelo” kwaabakwelelezya (akubapoizya) kuti babambe milazyo iitamvwiki kubaa maanu eeyo yakasofwaazya Musela wa Cikombelo akuletelezya kupyopyongana kumakani aa ciwa ca Yahuwah OMWE wamasimpe a Mwanaakwe Simuzyalwaalikke.
Kusikila buzuba obuno,) “mulazyo uuzumizyidwe mumulawo” utabilidwe akubaa mpuwo, nkulubizya caali kusandulula, manjezyeezya akulesya caali. Kuzwa kumakani aa Mangwalo, zyoonse eezyo kazikwabilidwe “aanguzu” zidyaaminina bantu, akuyoosya basyomi kuti beelede kusyoma cintu citakonzyj kusyomwa kutegwa bafutulwe!
Ooku kutola buzike munzila eeyi kwakasinikizyigwa atalaa zyuulunzuma zya bantu akutalisya kulisakatizya muli ceeco citakwaa mulimo pele bufubafuba bwalo!
Casika ciindi cakuti Banakristu banjaanji babale ma Bbaibbele aabo akukkazyika camba mu kasimpe kwiinda kuumuna biyo nkaambo kakuyandisya kumvwana! Atwaambe kuti naa twatobela majwi maubauba ookwa Yahushua mumazuba eesu. Mukaambo aako, tatweelede kuyoowa majwi aakutukonga aabapaizi bazumanana kulinjizya bufundisi akulisumpula, aabo bakawumpa baabo batakali kumvwana aambabo muziindi zyakainda. Balo bakalitondezya biyo kuti mbajayi!
1 Mumbaakani eeyi, Tyndale awalo wakalemba kataninga jayigwa calunya kuti: “Jatilisya kapati ku bbwe lya lugwasyo lwa Yahuwah alimwi kobikka mamanino aazintu zyoonse kuli Nguwe” alimwi “Utazundwi mukukwelelezyegwa kwa bantu.” Walo wakaamba akuti: “Mangwalo mumuni wamasimpe uutondezya ndiswe ‘ncotweelede kucita acakulangila; ooku nkokulikwabilila kuzwa mukulubila koonse, kukkala cakulikwaya amukuumbulizyigwa.” Ooku kulikwaya, Tyndale wakati, kwakeelede kujanwa mu malembo aatavweledwe mubwini. “Jatilisya ku Mangwalo amakani aatavweledwe,” Walo mbwaakalailila baabo babala. Aaka nkaambo kalemu. Kwamyaka iili cuulu akwiinda waawo, mbungano ya Bunakristu yakali kuteelela Mangwalo mu zibeelabeela zya tumpango ziteendelani aawo mupaizi mpaakali kugansyika mulumbe wakwe. Milumbe milamfu loko yakali kunungililwa kukampango komwe biyo nakuba kumakani omwe. Basicikolo bakali kukazyanya ncintu ciimininwa kunzaa zintu zyaambwa: “balakazyanya batolo abaabo baide kubwaabwa majwi aabuyo,” Tyndale mbwakaamba, “lyoonse banyeela cikwa cilula atala kakwiina kusika amunyemfu uulweela uuli mukati” (William Tyndale: If Yahuwah Spare my Life, by Brian Moynahan).
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
Eeci cibalo citali ca-WLC cakalembwa aaba Keith Relf.