Buumi a Lufu: Kasimpe kamu Bbaibbele

Mukambausi 9:5-6

5Nkaambo bacipona balizyi kuti bayoofwa; Pele bafwide kunyina pe ncobazyi, Alimwi tabacikwe bulumbu, Nkaambo mizeezo yabo ililubidwe. 6Alimwi luyando lwabo, akucimwa kwabo, akunyonokelwa kwabo lino kulilobede; Kucinyina pe anobayootola cibeela mucintu nociba buti cicitwa kunsi lya zuba.

(Bikkila maanu aawa: Ibbaibbele kwiinda ziindi zyili makumi osanwe lyaamba kuti lufu“nkoona”.)

Mukambausi
9:10

10Kufumbwa ncokonzya kucita amaanza aako, kocicita anguzu zyako zyoonse;.nkaambo kunyina mulimo uucitwa nokuba cakucita, nanka luzyibo nanka busongo, mucuumbwe ooko nkogama webo.

*Mukambausi 12:7

7Mpoonya bulongo buyoojokela munyika mbweenya mbubwaabede kutaanguna, Alimwi muuya uyoopiluka kuli Elohimu ooyo wakuupede kumuntu.

Bikkila maanu aawa: Aawa, twabona kuti eelyo notwafwa, mubili upiluka kubulongo, awalo muuya/muya wabuumi ulapiluka kuli Yahuwah. Eezyi zyobile nzyezyiswaangene kubamba “muntu muzumi uupona” kweendelanya a Matalikilo 2:7 (1- muya ookwa Yahuwah; 2- mubili) zyilaandaana aciindi cakufwa. Citobela ncakuti kucinyina kulimvwa bulanga mulufu

Koibaluka kuti: Muya ookwa Yahuwah + mubili (uubambidwe abulongo) = "Muntu muzumi uupona" (Kolanga Matalikilo 2:7, atalaa peeji eeli .)

Mukambausi 3:20

20 Boonse balabweeda kubusena bomwe: boonse bazwa kubulongo, alimwi balapiluka kubulongo.

Mukambausi 6:6

6 nokuba kuti wapona zyuulu zyamyaka zyobile...Hena boonse tabayi kumuya banji?

Intembauzyo 6:5

5Nkaambo mulufu kunyina pe kwiibaluka Nduwe; Nguni uunga wakupa kulumbaizya uuli mucuumbwe?

Bikkila maanu aawa: Aaka kampango nokatali kaambo kamaanu kuti basyomeka bokwa Yahuwah nibali kutolwa Kujulu mpeenya bamanizya kufwa biyo, nkaambo boonse bali Kujulu balamutembaula Yahuwah! Mbweenya mbuli Davida, awalo Mwami Hezekiya wakalimvwisyide makani aaya kuti kunyina pe kulimvwa bulanga mucuumbwe; ncenciceeci ncaakali kukombelezya Yahuwah kuti amulekele buumi bwakwe - Izaya 38.

Intembauzyo 17:15

15Pele ime, njoobubona busyu Bwako mubululami; Ime njookkomana ndaakusinsimuka mucinkonzya Cako.

Bikkila maanu aawa: Aawa Davida, ulangila buzuba oobo walo nayoosinsimunwa [kuzwa kukoona mulufu] kali mucinkonzya cokwa Elohimu aciindi ca Kuboola kwa Yahushua Kwabili (the Second Coming of Yahushua. - " Nobayandwa, cino ciindi tuli bana bokwa Elohimu, alimwi tacininga libonya ciimo mbotuyooba: pele tulizyi kuti, eelyo Walo aakulibonya, tunooli mbuli Nguwe; nkaambo tuyoomubona Walo mbuli mbwabede bwini." (1 Johani 3:2)

Intembauzyo 30:9

9Ino kuli mpindu nzi mubulowa bwangu, Eelyo kuti ime ndagama mumulindi [mucuumbwe]? Hena bulongo buyookutembaula webo? Hena buyakoompolola kasimpe kako?

Bikkila maanu aawa: Aawa Mwiimbi alimwi ulazumina kuti kunyina pe kulimvwa bulanga mulufu. Aciindi cakufwa, muuya wesu ulapiluka kuli Yahuwah alimwi mibili yesu ijokela kubulongo. Basyomeka bokwa Yahuwah bacinikoona (kabatalimvwide bulanga) kusikila aKuboola Kwabili kwa Yahushua. Basofweede abateempwi abalo bacinikoona (kabatalimvwide bulanga)  kusikila bakabusyigwe akunjila mulufu lwabili ( the "second death" ) caakwiinda cuulu camyaka (the millennium.)

Intembauzyo 49:15

15Elohimu uyoonununa muuya wangu kuzwa kunguzu zyacuumbwe, Nkaambo Walo uyoonditambula ime.

Intembauzyo 71:20

20Webo, ookanditondezya mapenzi mapati manjaanji, Uyoondibukulusya alimwi ime, alimwi akundileta kuzwa kunsaa nyika.

Intembauzyo 88:10-12

10Hena Webo ulabacitila maleele bafwide?
Hena bafwide inga baimikila akukutembaula Webo na?
11Hena luyando Lwako lwaluzyalo inga loompololwa mucuumbwe na?
Nanka bululami Bwako mubusena bwakudilimuna?
12Hena Maleele Aako inga azyibwa mumudima?
 Nanka bululami Bwako munyika yakulubaluba?

Intembauzyo 104:29-30

29Webo nosisa busyu Bwako mpoonya balo banjila mumapenzi;
Webo ulatola muuya wabo, mpoonya balo balafwa akujokela kubulongo.
30Webo notumina Muuya Wako, mpoonya balo balalengwa;
Alimwi ulayakulula bupya nyika yoonse.

*Intembauzyo 146:3-4

3Utabikki lusyomo lwako mubana babami, nanka mumwanaa muntu,oomo mutakwe lugwasyo.
4Muuya wakwe ulayaamuka, alimwi ulapiluka kubulongo; mubuzuba mbweenya oobo mizeezo yakwe yoonse ilaloba.

(Kweezyekanya a: Matalikilo 2:7… Mukambausi. 12:7… Joobo 27:3…)

Intembauzyo 115:17

17Bafwide tabatembauli Yahuwah, Nokuba uli woonse uunjila ansi muluumuno.

Joobo 14:12

12Mbombubo muntu mbwaona alimwi taimikili.
Kusikila majulu atakabi kabili,Tabakabuki pe
Nokuba kubusyigwa kuzwa mukoona kwabo pe.

Bikkila maannu aawa: Majulu ayooyaamuka aciindi cakuboola kwa Yahushua mubuzuba bwalubeta." (Langa  2 Petulo 3:7.)  Ndendilyo eelyo Basyomeka bokwa Yahuwah nobayoobusyigwa kuzwa kubafu (kubusyigwa kuzwa kukoona kwalufu).

Joobo 4:17

17Hena muntu uukonzya kufwa inga wabaa bululami kwiinda Eloah na? ...

Bikkila maanu aawa: Muntu ulakonzya kufwa. Yahuwah alikke, nguutakonzyi kufwa. "[Yahuwah]…walo alikke nguutakonzyi kufwa, kakkede mumumuni uutasikwi munsimunsi, ooyo uutanabwenwe amuntu alimwi uutakonzyi kubonwaa muntu, kuli nguwe kuleelede bulemu anguzu ziteeli. Akube boobo." (1 Timoteo 6:15-16)

Ezekiya 18:4

4Amulange, yoonse miiya Njiyangu;
Muuya wa wisi antoomwe a muuya wamwana musankwa Nguwangu; Muuya uucita cibi nguuyoofwa.

Bikkila maanu aawa: Kubeja kutaanzi kwa Saatani nkwaakacenga mukowa wabantu kwakali kwakuti “Webo tokafwi ncobeni.” – Matalikilo. 3:4.

Daniele 12:2

2Alimwi bunji bwabaabo boona mubulongo bwaanyika bayoobuka,
Bamwi kubukila kubuumi butamani, Bamwi kubukila buumi bwansoni a kusingwa kuteeli.

Daniele 12:13

13“Pele webo, koya munzila yako njogama kusikila kumamanino; nkaambo webo uyoolyookezya, alimwi uyoolyookezya akubukila kukona kwako kumamanino aamazuba.”

Bikkila maanu aawa: Daniele wakaambilwa kuti walo “uyoobukila” kukona kwakwe “kumamanino aamazuba.” Taakaambilwa kuti uyootambula kukona eelyo aakufwa pe.

 Basyomeka bokwa Yahuwah bayootambula “kukona” aciindi ca Kuboola Kwabili kwa Yahushua: “Walelekwa Elohimu Wisi wa Simalelo wesu Yahushua Uunanikidwe, ooyo kweendelanya aluzyalo lwakwe lunji wakatuzyalulula kuti tunjile mubulangizi bwakupona alimwi kwiinda mukubuka kuzwa kubafu kokwa Yahushua Uunanikidwe, kuti tukabukile kukona kutakwe kampenda , kutasofweede, alimwi kutayabaili, ooko kuyobwedwa nduwe kujulu, Kubambililwa a nguzu zyokwa Yahuwah kwiinda mulusyomo bwa lufutuko oolo luyoocitika ciindi cicaalizya...aakulibonya Yahushua Uunanikidwe(1 Petulo 1:3-5, 7)

Izaya 26:19

19Bafu benu bayoopona alimwi; Antoomwe amubili wangu uufwide bayoobuka.
Kosinsimuka akwiimba, webo ookkede mubulongo…Alimwi nyika iyoobulula bafwide bali mumamvwu.

Bikkila maanu aawa:  Bulangizi bwa Izaya mushinshimi bwakali mukubuka kuzwa kubafu kwabaluleme kumamanino aamazuba.

Izaya 38:18-19

18Nkaambo Shilo [cuumbwe]  tacikonzyi kukulumba Webo pe, Lufu alwalo talukonzyi kukutembaula Webo pe.
Boonse banjila mumulindi [mucuumbwe] tabakonzyi kulangila kasimpe Kako.
19 Muntu muzumi uucipona, walo ulakonzya kukulumbaizya Webo, Mbuli mbwecita Ime buno buzuba;
Wisi weelede kuzyibya kasimpe Kako kubana bakwe.

Bikkila maanu aawa: Mushinshimi Izaya, Mbweenya mbuli Mwami Solomoni, aMwami Davida, abamwi boonse balembi ba Bbaibbele bakayoyelwa Moza, bakali kwiinduluka lyoonse kuzumina kuti kunyina pe kulimvwa bulanga mulufu. Balikke bazumi bacipona mbabakonzya kutembaula .Eelyo muntu nafwa...“muuya wakwe ulayaamuka, mpoonya walo ulapiluka kubulongo;  Mubuzuba bwini oobo mbwafwa mizeezo yakwe ilaloba." (Intembauzyo 146:4)

Johani 3:13

13Kunyina pe wakaimpuka kuya kujulu pele buyo Ooyo wakazyila kujulu, nkokuti Mwanaa muntu...

*Johani 5:25-29

25Ndamusyomezya masimpe, Ime ndaamwaambila kuti, lilazya woola, alimwi lyasika kale, eelyo bafwide nobayoomvwa jwi lya Mwaana Yahuwah; alimwi boonse aabo bayoolimvwa bayoopona. 26Nkaambo mbuli Taata mbwalaa buumi muli Lwakwe mwini,Walo wakapa Mwana awalo kuti abaa buumi mulilwakwe Mwini, 27alimwi wakamupa nguzu zyakubeteka azyalo, nkaambo Walo Mwanaa Muntu.28Mutanyandwi  kumakani aaya; nkaambo woola lilazya oomo boonse aabo bali muzyuumbwe nobayoolimvwa jwi Lyakwe 29aakuyumuka kuzwa muzyuumbwe—aabo bakacita zyibotu, kubukila kubuumi, alimwi aabo bakacita zisofweede, kubukila kusinganyigwa.

Bikkila maanu aawa: Aawa majwi ookwa Yahushua alainda kusalazya. Bulangizi bwabasyomeka buli “mukubuka kuzwa kubafu kubukila kubuumi” kumamanino aamazuba. Eeci cibalo nicatali kunga caba camaanu kuti basyomeka bokwa Yahuwah nibali kale Kujulu kakutaninga sika Kuboola Kwakwe Kwabili.

Johani 11:11-13

11Eezyi zyintu Wakazyaamba, mpoonya Walo wakabaambila kuti, “Mulongwe wesu Lazalosi uloona, pele Ime ndaunka kuti ndikamubusye.” 12Mpoonya basikwiiya bakati, Simalelo wesu, kuti kaona inga ulaba kabotu.” 13Nokuba boobo, Yahushua wakali kwaamba lufu lwakwe, pele balo bakali kuti Wakali kwaamba kuti uloona akulyookezya.

Johani 11:24

24Maata wakati kuli Nguwe, “Ime ndilizyi kuti uyoobuka alimwi akubuka kuzwa kubafu mubuzuba bucaalizi.”

Bikkila maanu aawa: Maata wakalizyi kabotu kuti bulangizi bwesu buli “mukubuka kuzwa kubafu mubuzuba bucaalizi." Cilisalede kapati kuti taakali kusyoma naaba asyoonto pe kuti Lazalosi wakaya Kujulu naakafwa.

Johani 14:1-3

1 Myoyo yenu itapengi: inywe amusyome muli Elohimu, kamundisyoma ambeyo. 2Muŋanda ya Taata kuli makkalilo manjaanji: kuti nikwatali boobo , Ime nindamwaambila. 3Alimwi kuti Ime ndaunka akuyoomubambila busena, Ime njooboola alimwi, akuzyoomutambula inywe kuli ndime lwangu; kutegwa ooko nkwebede Ime, anywebo kamunooli nkukwenya ooko.

Bikkila maanu aawa: Yahushua wuumbuluzya basikwiiya bakwe aawa acisyomyo ca Kuzyokela Kwakwe.Walo ubaambila kuti Uyoopilukila kuzyoobweza mbabo, kutegwa ooko nkwabede, abalo bakabe nkuko. Aawa ncintu ceelede kumvwisyigwa kuti Yahushua taumbulizyi basikwiiya mukwaamba kuti banooli aaNguwe mpeenya buyo baakufwa.

Incito 2:29,34

29“Nobalombwana anobasazima, amundileke ime ndikanane cakwaanguluka makanaa Taata Davida, mbwafwide alimwi ulizikkidwe, alimwi cuumbwe cakwe cilaakati kesu kusikila buzuba buno.34“Nkaambo Davida taakatanta kuya kumajulu pe…

1 Bakolinto 15:6

6Kuzwa waawo Walo wakabonwa abanjaanji bainda myaanda yosanwe aciindi comwe, bamwi banjaanji nkobacili kusikila ino, pele bamwi bakoona kale[bakafwa] .

1 Bakolinto 15:20, 23

20Pele lino Kristu wakabuka kuzwa kubafu alimwi wakaba micelo mitaanzi yabaabo bakoona.23Pele umwi awumwi aciindi cakwe cimweelede: Kristu ngo micelo mitaanzi, mpoonya kutobela aabo bokwa Kristu akuboola Kwakwe.

Bikkila maanu aawa: Alimwi, bulangizi bwesu buli mukubuka kwabaluleme aKuboola kwa Yahushua Kwabili.

1 Batesalonika 4:13-18

13 Kunze lyaboobo bakwesu, tatuyandi kuti mube bantu batazyi makani aajatikizya baabo boona mulufu; kutegwa mutabi abuumba mbuli bamwi boonse batajisi bulangizi. 14Ikuti katusyoma kuti Yahushua wakafwa alimwi wakabuka, abalo aabo boona mulufu kwiinda muli Yahushua, Yahuwah uyoobabusya kutegwa bakabe anguwe.15Nkaambo kweelanya ajwi lyokwa Yahuwah tumwaambila kuti, aabo basyaalizi akati kesu ibanoopona kuciindi cakubako kwa Mwami kunyina pe nobayoosaangunina baabo iboona mulufwu; 16 nkaambo Mwami lwakwe uyooseluka kuzwa kujulu akwaambilizya ajwi lyanguzu, ijwi lyasilutwe wabangelo alimwi amweembo wa Yahuwah, eelyo aabo bafwide bakamantene a Kristu bayoosaanguna kubuka. 17 Kuzwa waawo swebo tobasyaalizi notunoopona, antoomwe ambabo, tuyookwempelwa mumakumbi kuyoocingana a Mwami mujulu; aboobo tuyookkalaa Mwami lyoonse.18 Aboobo amuzumanane kuumbulizyanya amajwi aaya.

Webo kweezyekanya: Johani 5:25-29.

Bikkila maanu aawa:Malailile ookwa Paulu aayo aakayoyelwa Moza kuli ndiswe aakuti katuumbulizyana eelyo notwasweekelwa muyandwa, taali kwaamba kuti muyandwa uufwide waunka Kujulu cino ciindi pe. Pele, Paulu ulailila ndiswe kuti katuumbulizyana acisyomyo cilelekedwe eeci cakubuka kwa basaante aKuboola Kwabili kwa Yahushua. Ncintu cilaantenda kubona bantu mbobauntuluzyila malailile aaya...akwiindilizya kwaamba lucengo lwa Sinkondoma lwakuti...'tiibakafwa ncobeni.' (Matalikilo 3:4) Bali Kujulu cino ciindi.

1 Timoteo 6:15-16

[Yahuwah]…16alikke nguutakonzyi kufwa, kakkede mumumuni uutaswenwi afwaafwi, uutanabwenwe amuntu alimwi uutakonzyi kubonwa amuntu, kuli Nguwe akube bulemu anguzu ziteeli. Akube boobo.

Bikkila maanu aawa: Yahuwah, alikke nguutakonzyi kufwa. Muntu ulakonzya kufwa. "Hena muntu uukonzya kufwa inga wainda Eloah kubaa bululami na?" (Job 4:17)

2 Timoteo 4:8

8 Kumaninizya, kuli mushini wabululami uuyobwedwe ndime, ooyo Simalelo, Mubetesi wabululami, ngwayoondipa mebo mubuzuba oobo, pele kutali ndime endikke buyo pele abaabo boonse  bayandisya kulibonya Kwakwe.

Bikkila maanu aawa: Paulu taakali kusyoma buyo kuti uyootambula bulumbu bwakwe mpeenya aakumanizya buyo kufwa pe. Pele, wakali kulangila kuyoobusyigwa eelyo Yahushua aakulibonya mubuzuba bucaalizi.

Ciyubunuzyo 20:5

5Pele bamwi boonse bakafwide [basofweede] tiibakapona alimwi kusikila cuulu camyaka nicakainda. Ooku nkokubuka kuzwa kubafu kutaanzi..

Rev 22:12

12Alimwi, amulange, Ime ndaboola cakufwambaana; alimwi bulumbu bwangu bulaa Ndime, bwakupa umwi aumwi kutobelanya amulimo wakwe mbuunoobede.

Bikkila maanu aawa: Yahushua uyooletelezya bulumbu Anguwe eelyo Walo nayoozyokela. Muntu kunyina pe natambula bulumbu (buumi butamani) mpoonya buyo mbwaamanina kufwa.