“Alimwi cakacitika kuti muNsabata imwi, wakaunka mucikombelo cabo akuyiisya, eelyo kwakali mwaalumi wakapuutide janza.Nkabela Bafalisi bakamulangilizya kuti naa ulaponya mubuzuba bwa Nsabata; aboobo kutegwa bamujanine kaambo. Pele wakali babwene kale mizeezo yabo, eelyo wakati kumuntu ooyo wakalaa janza lipuutide, Imikila, boola akati. Mpawo wakayumuka akwiimikila. Nkabela Yahushua wakati kuli mbabo, Ime ndibuzya ndinywe cintu comwe;“Sena cilizumizyidwe kucita cintu cibotu,naa cibi?kuvwuna buumi naa kubujaya?” Eelyo wakati kuli mbabo, Nguni akati kenu uujisi mbele yomwe, alimwi kuti yawida mumulindi mubuzuba bwa Nsabata, uutakonzyi kwiigwisya mumulindi oomo muyawida? Ino ono muntu ulaampindu mpati buti kwwinda mbelele? Aboobo cili mumulawo kucita cibotu mumazuba aa Nsabata. Mpawo wakati kumwaalumi ooyo, tambika janza lyako. Eelyo wakatambika ; alimwi wakaponyegwa mbuli janza limwi alyalo.” Aawa Kristu wakavwiila mubuzyo ngwaakabuzyide. Wakaamba kuti cili buyo kabotu kucita mulimo waluse awuyandika. “Cilizumizyidwe mumulawo,” mbwaakaamba, “kucita cibotu mumazuba aa Nsabata.”
Ooyu mwaalumi naakaamba kuti, “Simalelo, kwaciindi cilamfu znyekonzyi kuvwungulula jnza eeli, ino inga ndakonzya buti kulivwungulula?” Pele Kristu ngo mutalisi alimwi nguumanizya lusyomo lwesu. Mukwaambila mwaalumi kuti avwungulule janza lyakwe, wakamunjizya lusyomo ajwi lyakwe; mpawo ooyu mwaalumi wakasoleka kuteelela jwi ,kuyanda kwakwe kakweendela antoomwe aluyando lwa Kristu, buumi, akusungunuka kwakaboola mujanza lyakwe; eelyo lyakajosyegwa mubukkwene mbulyaabede janzanyina limwi.
Eelyo Kristu naakali kubuzya bantu mubuzyo wakuti, “ Hena cilizumizyidwe mumulawo kucita cibotu mumazuba aaNsabata, nokuba kucita cibi? Kuvwuna buumi, naa kubujaya?” wakali kubajana mpobaliibide. Kwaali kwaambwa kuti abamayi bamilawo,cimwi cintu ncibaali kuyandisya, kuti eelyo nibaalaa ciindi cakutita cibotu pele kabataciti oobo, nkokucita cibi,--kulilesya kuvwuna buumi nibaalaa nguzu zyakucita boobo, ncecaapa kuti babaa mulandu wabujayi. Mumubuzyo ooyu wakababuzya amakanze aabo aasofweede. Bakali kuyanda kumujanina kaambo kakumutamikizya; bakali kuweza buumi bwakwe amunyono abujayi, eelyo walo naakali kufutula buumi, akuleta kukkomana kumyoyo minjaanji. Hena caali cibotu kujaya mu Nsabata, mbuli mbbaali kukanza kucita, naa kuponya baciswa, mbuli mbwaakacita? Hena caali luleme kubaa bujayi mumoyo mubuzuba bwa Yahuwah busetekene, kutali kubaa luyando kubantu boonse oolo lujanika mukucitila luse abwaabi?
Ciindi cakucita cibotu cilakonzya kusowailwa, pele mulandu ukkede amuntu ooyo uubona ciindi cibotu eeco, pele taciti cibotu muciindi eeco. Ooyu mulazyo wakasalazyigwa aKristu lwakwe. Wakatondezya kuti mubuzuba bwamamanino, muntu umwi aumwi uyakwiima kuvwiila zintu znyaakacita nokuab nzyaatakacita. Muuzintu eezi mwalo ziimo zyesu mozibambilwa. Kristu ulatondezyegwa mubuzuba oobo kaamba kuli baabo bali kujanza lyalulyo lwakwe:“Kamuboola inywe nobalelekedwe ba Taata, mukone bulelo bwakabambilwa ndinywe kuzwa kumatalikilo aanyika: nkaambo Ime ndakalaa nzala, eelyo inywe mwakandipa cakulya: Ime ndakalaa nyota, eelyo inywe mwakandipa cakunywa: Ime ndakali mweenzu, eelyo inywe mwakandipa aakukkala: Ime ndakalaa mantanda, eelyo inywe mwakandisamika: Ime ndakalicisidwe, eelyo inywe mwakandiswaya: Ime ndakali muntolongo, eelyo inywe mwakaboola kuli ndime. Nkabela baluleme bayoomwiingula kabati, Mwami, ndilili nitwaakubwene kofiwde nzala, akusanina? Naa kofwide nyota, akukupa cakunywa? Ndilili nitwaakubwene koli mweenzu, akukupa aakukkala? Naa koli mantanda akukusamika? Naa kocisidwe, nokuba kuba muntolongo, akuboola kuli nduwe? Mpoonya Mwami uyoovwiila kuti, akwaambila mbabo kuti, Ncobeni ndamwaambila kuti, kufumbwa nimwaacitila naba omwe wabaaba basazima, mwaacitila ndimwe.”
Pele kuli baabo bali kulumwesyi lwakwe uyakwaamba kuti: “Kamuzwa aawa, inywe nomusingidwe, kuya kumulilo uutamani, ooyo waabambilwa Dyabooli abangele bakwe: nkaambo ndaafwide nzala,nkabela tiimwakandipa cakulya: ndakafwide nyota; pele tiimwakandipa cakunywa: Ndakali mweenzu; nkabela tiimwakanditambula: ndakalaa mantanda, pele tiimwakandisamika: ndakalicisidwe, akuba muntolongo, pele tiimwakandiswaya pe. Mpawo bayoomwiingula kuti, Mwami, ndilili nitwaakubwene kofwide nzala, naa kofwide nyota, naa koli mweenzu, naa kolaa mantanda, naa kocisidwe, naa koli muntolongo, alimwi ndilili nitwaatakuswaya? Mpawo uyoobavwiila, kaamba kuti, Ncobeni Ime ndimwaambila kuti, kufumbwa ncimwaataacitila umwi wabaaba, timwaacitila ndime. Nkabela aaba bayoogama mukusubulwa kuteeli: pele baluleme bayoogama kubuumi butamani.”
Naakali kulanga bantu Yahushua, baali kubona aanga ulibabwene mumyoyo yabo. Bulemu bwakujulu bwakalibonya muli nguwe. Kwaali bukali mukulanga kwakwe nkaambo kakuupaupa ameso nkobaali kucita akuyuma myoyo yabo. Wakacimwa bubeji bwabo, nzila yakupelengusya kukaka kasimpe abululami. Moyo wakwe wakazula kweetela nkaambo kambabo; muya wakwe waakatazyigwa nkaambo ziiyo zyakwe, milimo yakwe, nokuba mulawo wa Yahuwah tiiwaakakonzya kuzungaanya myoyo yabo miyumu nta, akubazwisya kuyandisya kukaka mumuni.
One would suppose that such an exhibition of power as the healing of the withered hand would have filled the rulers with awe, would have overcome their prejudice and unbelief, and that they would have declared, as did Nathanael, who had far less evidence,Umwi muntu inga wayeeya kuti ooku kubaa nguzu kwamusyobo ooyu mbuli kupona muntu waala janza lipuutide kuti nikwaabazuzya kukankama, akubagwisya kutayanda kasimpe akubula lusyomo, eelyo nibakaamba bwakaamba Nataniyeli, walo waajisi bumboni busyoonto biyo,kabaamba kuti"Omwiyi, webo nduwe Mwaana Yahuwah; nduwe Mwami waisilayeli." Pele bakazwide luciso nkaambo kakuti Kristu wakayungizya kutondezya bulemu bwaciimo cakwe, eelyo mukucita boobu wakayumya mizeezo yabaabo bakaliko aawo kuti muzeezo wabamayi wakukulaika milazyo akutaminina bweelede kuba mulawo waNsabata tiiwakaluleme pe. Kristu taakabikkila maanu kunzila njibaali kwaamba kuti mulawo mbuuyelede kubambwa, aboobo wakabacima. Bakamucimwa nkaambo waabaambila kasimpe; baacimwa nguwe nkaambo kakusalala kwakwe ooku, akululama mubweende bwakwe.
Mubusondosi bwabo, kunyonokela akucimwa, bakayanda wakutamizya zyoonse eezyi. Baleli akataa bama Juuda baakamantana akuvwiya mbobaka balesya mun tu ooyu wiiminina bululami caantangalala, majwi amilimo yakwe zyakali kukwela bantu kuti baye kuli nguwe kutali kuya kuli bamayi bana Isilayeli. Nokuba kuti bakasola kumwiingilila, “inyika,” mbubakaamba ,“yatobela nguwe.” Pele bakayeeya kuti kwiinda munguzu amyeelwe yabantu inga capa kuti zintu zyeende mbobaali kuyanda; aboobo bakabandika antoomwe kuti bajane mbobakonzya kumujaya.
Eeci tulacibona kacicitika asunu mazubaano. Aabo basotoka mulawo wa Yahuwah, balo banyansya milawo yokwa Yahuwah muzilengwa antunsiyansiya twabo, mbabatamikizya akusinganya batwanga baYahuwah aabo mbatumina amulumbe wakuti balulamike zibi zyabo. Bakakatila kuti bagwisye boonse akuumuzyila limwi jwi lyabatumwa ba Yahuwah, kwiinda kuti baleke zibi eezyo zyaapa kuti Yahuwah abakalalile. Eeyi njenzila Kkaini njaakatobela liya naakajaya musazinyina Abela. Pele taakwe mpindu njaakajana Kkaini mukucita cinyonyoono eeci. Yahuwah wakati kuli nguwe, “ Ijwi lyabulowa bwamusyoonto wako lilandililila kuzwa mumamvwu ” Mamvwu aanyika aakatambula bulowa akaba bumboni bwa mujayi.
Yahushua wakalizyi kakole nkibaamuteyede, aboobo wakalizandula kuti aye kucibaka cuumwine, ooko nkwaakainzya busiku kali mumupailo. Pele kuzwa ku Jelusalema, kuzwa ku Idumeya, azyooko zyaku Taya a Sidoni, makamu mapati aabantu akaboola kuli nguwe “eelyo nibaamvwa zintu eezyo nzyaakacita.” Bantu bamisyobo—banalumi abamakaintu bavwubi alimwi balemekwa kapati, bavwubi abacete, bapona kabotu abacisidwe malwazi-- bakaboola kuli nguwe, eelyo wakabaponya boonse. Mpawo wakabaambila kuti bazyibyi nkwabaede, kutegwa cizuzikwe cakaambwa amushinshimi Izaya:"Amubone mutwanga wangu, ooyo ngwelanganya; uululeme wangu, muli nguwe moza wangu ulasekelela; Ndakabikka Moza wangu ali nguwe; uyoobaletela mbeta bantu Banamasi. Takalili, nokuba kwaambisya, nokuba kumvwika jwi lyakwe mumugwagwa. Lubu lucisidwe takalutyoli pe, nokuba bunweba busuka busi takazimyi pe:uyooleta lubeta akasimpe. Takalezyi nokuba kutyompwa, kusikila akalete lubeta anyika:tusumbu twamulwaanje tuyoolindila mulawo wakwe.”
By: Ellen White
Review and Herald
August 10, 1897