|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Muli Johane 9:9, ooyo mwaalumi wakaponyegwa camaleele naakali moofu wakati, “NdeNdime,” aayo mabala eeni aaci Giliki ngeenya ngabelesya Yahushua naamba twaambo tugeme nguwe lwakwe kuti “NdeNdime” (tulembedwe mubbuku lya Johane lyoonse). Kutaanguna, cilakondelezya kubona kuti eelyo ooyo mwaalumi wakabayide naamba muci Giliki kuti “ego eimi,” kanjaanji eeco cisanduludwe bululeme kuti “NdeNdime nguwe,” mukusoleka kulipandulula kubantu kuti, “Inzya! NdeNdime; NdeNdime nguwe — yuulya wakabayide, pele lino Ime ndapona.” Pele Yahushua naamba majwi ngeenya mumundando wini mbwaatobelene mukulisandulula kuti ngu Messiah (Johane 4:26), kanjikanji kusanduludwe kuti “NDE NDIME”. Eeci nokuba kuti cilaa mpuwo, pele nkulubizya cinicini, nkaambo kusandulula boobu kugwasyilizya muzeezo wa kutamikizya Yahushua munzila imwi kuti wakali kulipeekezya kuba Yahuwah, nkaambo mu Cizuminano Cakale Yahuwah wakati kuli Mozesi “Ime NdeNdime Ndime” (Kulonga 3.14, nkokuti, “Ime ndilaba kufumbwa Ime mbwenjanda kuba”).
Eelyo Yahushua naakabandika ku mukaintu waku Samaliya wakali kuzuminizya kuti walo ngo Messiah, ooyo Kristu ngwaakali kulangila mukaintu mukampango kasolwede waawo (4:25). Alimwi abusena amwi muli Johane, Yahushua ulembedwe kulyaamba kuba “cinkwa ca buumi” (6:35) akuti ngo “kubuka kuzwa kubafu abuumi” (11:25). Pele kwaamba kuti “ego eimi cinkwa ca buumi” taceelede nokuba aniini mbuli kulyaamba kuti “Ime NdeNdime Ndime/Ime ndilaba kufumbwa Ime mbweyanda kuti Ndibe” mbuli bwakaamba Yahuwah kuli Mozesi (Kulonga. 3:14).
Bikkila maanu kuti ooku takuli kwaamba kuti “ego eimi” ooko nkwalyaamba Yahuwah naliyubununa pele mpaali maanu aabaabo baamba kuti Yahushua ngu Yahuwah. Aawa cintu cigamide kwaambwa cinicini mabala obile aatobela — “o ohn”1 — mabala aandaanya Bulemu, swebo mbotunga twaamba. Mu Bbaibbele lya NIV Yahuwah waambila Mozesi kuti: “Ime [ego eimi] NdeNdime [o ohn].” “Ime ndime Yooyo Uupona-Lwakwe.” “Nceeci ncotikabaambile bana ba Isilayeli: ‘Ime Ndime [o ohn] wandituma kuli ndinywe.’” Pele busanduluzi bwamu Cikuwa buyubununa mabala aataluleme obile; mbube, mucibaka camabala aakuti ego eimi kweelede kuba o ohn: “o ohn [uuliponena mwini] wandituma kuli ndinywe.” (cp. Philo, Life of Moses, vol. 1.75: “Ooyo uuliko”).
Balembi ba Cizuminano Cipya kunyina mpobalembede Yahushua kabelesya majwi aakuti “o ohn” mukulyaamba lwakwe mwini, ccita buyo aakuti “ego eimi o ohn.” Kuyungizya waawo, majwi nzi aamwi Yahushua nganga wabelesya kuti alyaambe lwakwe? Ngooyu mukonzyanyo, eelyo yebo nowamba kuti “Ime ndili mufundisi” naakuti “Ime ndime Bboobo” nakuba kuti “Ime endikke ndime ndilaa cijuzyo ca mulyango uulya,” ikuti yebo koyanda kulemba majwi aayo muci Giliki, inga walemba kubelesya mabala aamba nduwe munzila njeenya aakuti: “ego eimi.” Kunyina nzila ngubauba nokuba yiinda kusalala yakulyaamba omwini! Yahushua taakaamba kuti “IME NDIME” naakuti “Ime NdeNdime Ndime” naakuti “Ime ndilaba kufumbwa Ime mbweyanda kuti Ndibe” pe. Walo wakaamba biyo kuti, “Ime ndime mweembezi mubotu; Ime ndime kasimpe abuumi; Ime ndime cisyiko camasaansa”; “Ime ndime Messiah” (Johane 4:25-26), azimwi zinjaanji. Mbweenya mbuli mwaalumi wakabayide wakaponyegwa, Yahushua wakali kuyandaula biyo majwi aambilizya nguwe lwakwe kuli baabo bamubuzya nokuba bamuyandaula (kweezyekanya a Johane 18:4-8).
Kuzwa kumatalikilo Yahushua wakali kutaminina kuti walo ngo Messiah wakasyomezyedwe. Kunyina pe walo naakataminina kuba Yahuwah, Leza wa Isilayeli (ooyo ngweenya uuli ngo Leza wa Yahushua lwakwe!). Kunyina pe walo naakataminina kuba “NdeNdime Mukulukulu” wamu Cizuminano Cakale. Walo nokuba boobo, wakazumanana kulyaamba kuti Mwanaa Yahuwah waandeene, Messiah simalelo (Luuka 2.11, kristos kurios) alimwi ooyu tali Mwami Yahuwah. Yahushua mukwasyi omwe a Mwami Alikke Yahuwah wamuli Luuka 2:26 oomo walo mwategwa Uunanikidwe wa Mwami (Messiah). Luuka wakasindinganya cikondelezya kujuzya muntu mukomi “mupati” wamakani aalembedwe muzibeela zyobile muli (Luuka amu Milimo) aayo ngaakatupa swebo. Luuka wakafuma kulemba kusikila munsaa cibeela catatu ca Cizuminano Cipya.
Walelekwa ooyu wakoonda mulimo uulibotela boobu! Kunyina pe Luuka a Yahushua nokaba kaindi kaniini buti nibakasyomede kuti kuli ba Leza bobile. Eeco nicaanyonganya mulawo mupati, ooyo uukasya kuliyungizyila ba Yahuwah (Maako 12:29; Johane 17:3; 5:44; Malakayi. 2:10). Yahushua wakuukaka mulandu wakutamwa kuba YAHUWAH! (Johane 10:33-36).
Eeci cibalo citali ca-WLC cakalembwa aaba Alane Rozelle.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC