Print

Ikuti Yahushua Kali Yahuwah, Caamba Nzi Eeci Kujatikizya Yahuwah?

Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.

 

“Koteelela, O Isilayeli, Yahuwah Leza wesu, Yahuwah ngumwi.” Maako 12:29

 

PELE.....

 

Ikuti-yahushua-kali-yahuwah-caamba-nzi-eeci-kujatikizya-yahuwah

Mubuzyo: Ikuti Yahushua kali Yahuwah, Caamba Nzi Eeci Kujatikizya Yahuwah?

  1. Yahuwah wakazyala [wakaleta mubuumi] Yahuwah (BaHebulayo. 1:5).
  2. Yahuwah wakalicesya (BaFilipo. 2:8).
  3. Yahuwah wakafwa (BaFilipo. 2:8b).
  4. Yahuwah [Mwana] ulacinca kubaa mubili wanyama yabuntu (Johane. 1:14).
  5. Yahuwah wakaaba bulowa bwakwe akaambo ka cinyonyoono (bulowa buli kuli?) (BaEfeso.1:7).
  6. Yahuwah wakaba cinyonyoono! Mucibaka cesu! Alimwi Yahuwah wakabamba Yahuwah ooyo watakajisi cinyonyoono kuti abe cinyonyoono mucibaka cesu kutegwa tube bululami bwa Yahuwah (2 Bakolinto. 5.21).
  7. Maliya ngo banyina Yahuwah, aboobo Yahuwah wakalaa banyina abausi alimwi wakalijisi a Leza wakwe.
  8. Yahuwah wakamusiya Yahuwah. Leza wangu, wandisiila nzi? (Mateyo.27:46). (Ulizyi kuti nsyekusiide yebo! Nokuba kuti mbocimvwika oobo.)
  9. Hena Yahuwah wakatalika kuteelela? Nguni ngwanga wateelela Yahuwah? (kusikila kulufu, BaHebulayo. 9:12. Saa Yahuwah ulakonzya kufwa na?)
  10. Yahuwah tazyi buzuba nokuba woola nayoozyokela? (Mateyo. 24:36).
  11. Yahuwah mupaizi Mupati alimwi wakaaba cituuzyo ca zinyonyoono kuli Yahuwah (BaHebulayo. 9:26).
  12. Yahuwah mushinshimi (Mateyo. 21:11).
  13. Yahuwah wakasampawulwa (BaHebulayo. 13:13).
  14. Yahuwah wakapaila kuli Yahuwah mumuunda kuti: “Kutali kuyanda kwangu pele kuyanda kwako akucitwe” (Mateyo.26:39).
  15. Yahuwah wakati kuli Yahuwah, “Yebo olikke ndonduwe Leza wamasimpe” (Jn. 17:3).
  16. Yahuwah wakalyaaba lwakwe uutakwe kampenda kuli Yahuwah (1 Petulo.1:18, 19).
  17. Yahuwah wakabbizyigwa kutegwa azuzike bululami boonse (Mateyo. 3:15).
  18. Yahuwah wakati, “Mutasyomi majwi aangu, amusyome ookwa Yahuwah” (Johane. 12:4).
  19. Yahuwah wakapa mipailo akukombesya cakoongolola amisyozyi kuli Yahuwah (BaHebulayo. 5:7).
  20. Yahuwah wakalibatamika amulemeko kuli Yahuwah (BaHebulayo. 5:7).
  21. Yahuwah wakalondolwa kwiinda mukupenzyegwa (BaHebulayo. 2:10).
  22. Yahuwah wakapenzyegwa akwaabwa kwiinda muluzyibo lwa Yahuwah (Milimo 2:23).
  23. Yahuwah wakaumwa (Mateyo.27:26).
  24. Yahuwah wakali micelo mitaanzi ya kubuka kuzwa kulufu kwa bantu (1 Bakolinto. 15:20).
  25. Yahuwah wakabusya Yahuwah kuzwa kubafu (1 Bakolinto. 15:15).
  26. Yahuwah wakali mulanda uusetekene ookwa Yahuwah ooyo Yahuwah ngwaakananika (Milimo 4:27).
  27. Yahuwah uyoopegwa cuuno cabuleli ca wisi Davida (Luuka. 1:32).
  28. Yahuwah wakali lunyungu lwa Abulahamu (Luuka.1:33), Judah (Luuka. 1:34). Davida (Luuka. 1:32) amukaintu (Matalikilo. 3:15).
  29. Yahuwah wakapegwa Muya Uusalala ookwa Yahuwah kakwiina kupiminwa (Johane. 3:34). (Mbubuti Yahuwah mbwaakabikka Yahuwah muli Yahuwah?)
  30. Yahuwah WAKAPEGWA nguzu zyoonse kujulu aanyika kuzwa kuli Yahuwah (Mateyo. 28:18).
  31. Yahuwah mupati kwiinda Yahuwah (Johane. 14:28).
  32. Yahuwah wakali kukonzya buyo kwaambaula ceeco Taata ncaakamuyiisya (Johane. 8:28).
  33. Kunyina muntu wakamubona kale Yahuwah nokuba aciindi cili buti pele Yahuwah wakali kuyiisya bantu boonse makanaa Yahuwah kali muntu (Johane. 1:18).
  34. Yahuwah wakali ADAMU wabili! (1 Bakolinto. 15:22, 45).
  35. Yahuwah wakazumizyigwa aa Yahuwah (Johane. 6:27).
  36. Yahuwah wakakomena mubusongo akuyanda Yahuwah a bantu (Luuka.2:52).
  37. Kumamanino aabuleli bwakwe, Yahuwah uyoopa Bulelo kuli Yahuwah (1 Bakolinto. 15:24).
  38. Yahuwah wakabikka majwi aakwe mumulomo wa Yahuwah (Ciibalusyo. 18:18).
  39. Yahuwah kunyina ncajisi, cakuyiisya, pele buyo eeco Yahuwah ncaakamupa. Yahuwah kunyina ncanga wacita lwakwe mwini (Johane. 8:28).
  40. Yahuwah muya pele ulaa mubili wanyama abulowa (Johane. 4:24 kweezyekanya a BaHebulayo. 2:14).
  41. Yahuwah wakabambidwe mbuli beeninyina (BaHebulayo. 2:17).
  42. Yahuwah wakakomena ciimo akuyungizya kubaa busongo (Luuka.2:40).
  43. Yahuwah wakali mukonzyanyo wesu wa muntu uutakwe cinyonyoono (1 Bakolinto. 11:1).
  44. Yahuwah wakacesyegwa aasyoonto kunsi lya bangele (BaHebulayo. 2:9).
  45. Yahuwah wakakomba zina liinda woonse (BaHebulayo. 1:4).
  46. Yahuwah wakali mulanda uulitola ansi ookwa Yahuwah (Milimo 4:27).
  47. Yahuwah ngo Mwanaa mbelele ookwa Yahuwah (Johane. 1:36).
  48. Yahuwah wakazyalilwa mulimo wakuba Mwami (Johane. 18:37).
  49. Yahuwah wakayubunwida Yahuwah eeco cakalaafwi kutola busena (Ciyubunuzyo. 1:1).
  50. Yahuwah wakazyalwa kali kunsaa Mulawo ookwa Yahuwah (BaGalatiya. 4:4-5).
  51. Yahuwah wakazuzika mulawo woonse ookwa Yahuwah (Johane.5:17, BaEfeso. 2:15).
  52. Yahuwah wakatanta kuya kuli Yahuwah wakwe a Yahuwah wesu (Johane. 20:17).
  53. Yahuwah wakakomezyegwa akukkazyikwa acuuno kululyo lwa cuuno cokwa Yahuwah (BaHebulayo. 12:2).
  54. Yahuwah wakali 100% Yahuwah alimwi 100% muntu! =100% bufubafuba!!
  55. Yahuwah wakatempaulwa (BaHebulayo. 2:18).
  56. Yahuwah wakabambwa mbuli banabokwabo bubambe boonse (BaHebulayo. 2:17).
  57. Yahuwah mwaapositolo alimwi mupaizi mupati (BaHebulayo. 3:1).
  58. Yahuwah wakabamba bantu kuti basetekane alimwi aabo bakasetekana mba mukwasyi omwe. Aboobo Yahuwah tafwi bweemya kubaita kuti mbeeninyina (BaHebulayo. 2:11).
  59. Yahuwah wakagambwa kubula lusyomo kwa bantu ku Nazaleta (Maako. 6:6).
  60. Yahuwah wakalumba Yahuwah nkaambo ka cakulya cakwe (Milimo 27:35).
  61. Yahuwah wakali mutaanzi kuzyalwa kuzwa kubafu (Bakolose. 1:18).
  62. Yahuwah, kwiinda muli Yahuwah, wakakondwa kumvwanya zintu zyoonse kuli Nguwe (Bakolose. 1:20).
  63. Eelyo nibakali kweenda mubwato, Yahuwah wakoona (Luuka 8:23) akusinsimuka (Luuka.8:24).
  64. Yahuwah wakaanzika bulelo ali baapositolo bakwe mbweenya mbuli Wisi Yahuwah mbwaakaanzika bulelo ali nguwe (Luuka. 22:29).
  65. Yahuwah wakasumpula Yahuwah atalaa boonse (BaFilipo. 2:9).
  66. Yahuwah wakali mwaalumi waapedwe maleele, zitondezyo amasalamuzi kuzwa kuli Yahuwah (Milimo 2:22).
  67. Luzyalo lwa Yahuwah (kufwida nkumbu) kwakali ali Yahuwah (Luuka. 2:40).
  68. Yahuwah wakali Yooyo Uusetekene ookwa Yahuwah (Maako. 1:24).
  69. Yahuwah wakati, “Nkaambo nzi ncomundaamba kuti ndimubotu? Kunyina mubotu pele buyo Yahuwah alikke” (Maako. 10:18).
  70. Yahuwah wakali mwana...ookwa Adamu, ooyo wakali mwanaa Yahuwah (Luuka. 3:38).
  71. Ndiswe tukona Yahuwah alimwi tulakona antoomwe a Yahuwah (BaLoma. 8:17).
  72. Yahuwah wakeelede kunywa munkomeki eeyo Yahuwah njaakapa Yahuwah (Johane. 18:11).

Eeci cibalo citali ca-WLC cakalembwa aaba Carol Siders, Montana.

Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina as Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC