|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Bunakristu bwa tunsiyansiya buganta kuti Yahuwah ngu Leza omwe uulitondezya muziimo zya bulemu kali bantu botatwe. Bulayungizya akuti aaya maseseke akali konzyanyidwe aku “banalumi” botatwe aabo bakalibonya kuli Abulahamu, mbuli mumukonzyanyo, alimwi eeci cilitondezyedwe kunembo lya “bantu babulemu” botatwe aciindi Yahushua naakabbizyigwa. Mukwiingula kukwelanakwelana kwakuti Mangwalo alayinduluka lyoonse kwaambilizya kuti kuli biyo Leza omwe, pele tunsiyansiya tulendekezya kuti ibbala lyakuti “omwe” naa “echad” muci Hebulayo inga lyateelelwa kuti ngu omwe uubambidwe aabanji, ninkamu yabantu botatwe nokuba zintu zyotatwe.
Pele ino kuzyibwa buti kuti ndilili kwaamba kuti omwe nociiminina omwe nokuba leelyo omwe nociiminina banji kwiinda omwe? Mbubuti sicikolo wa Bbaibbele we mbwanga wazyiba ikuti ibbala lya “echad” eelyo (liyeeyelwa) akubelesyegwa “mubunji” noliimina cintu comwe biyo ncobeni? Alimwi mbubuti mbotunga twaba masimpe kuti ooku kuswaanganya antoomwe zintu ciiminina zintu zili zyotatwe, kutali cisambomwe nanka zili lusele? Juda 1:4b waamba kuti: “[Nkobali] bantu batamuzyi leza aabo bapindula lweengelelo lwa Leza wesu kuba kantya akujana Simalelo wesu alikke Mwami, Yahushua Messiah.” Hena eeco ciiminina biyo muntu omwe naa ciiminina kwiinda muntu omwe mumukonzyanyo ooyo na? Ikuti kacaambilizya kwiinda muntu omwe, nkabela Mwami Yahushua Messiah kunooli ulaa ziimo zyabuntu zinjaanji. Ime nsezyi naba muntu omwe mulusyomo lwa tunsiyansiya uunga waamba kuti Juda 1:4 uyubununa bantu botatwe baswaangene muli Yahushua. Pele eelyo Yahuwah Walo nalyaamba kuti ngo Nguwe uuli alikke alikke, batamuminina kuti walo mbantu banji kwiinda 1.
Nokuba boobo, atuye ku mulimo wa cibalo eeci kutegwa tuvwuntauzye naa kubunganya zintu zyotatwe mu Mangwalo citondezya kuti Leza uli muzibeela zyotatwe. Hena cili masimpe kuti kwaamba zintu zyotatwe antoomwe ncecitondezya kuti kuli ncobeni baleza botatwe na? Hena kubunganya zintu naa bantu mutubungabunga nkubamba kkunga lya “botatwe-muli-omwe” na?
Twakabona kwaciindi cikubwene kuzumanana kwa basitunsiyansiya bazuunyana kuti Mateyo 28:19 ugwasyilizya muzeezo wakuti kuli Baleza botatwe nkaambo Yahushua wakalailila basikwiiya kuti bakabbizye “muzina lya Taata, alya Mwana alya Muya Uusalala” (NIV). Mateyo 3:16-17 (wakainduluka amuli Luuka 3:22) kulailila munzila njeenya. Nkaambo kakuti aabo “bantu” botatwe — eelyo Yahushua naakabbizyigwa, Muya wa Yahuwah kuuli muciimo ca nziba, azwi lyokwa Taata kalizwa kujulu — zilaambidwe kazyili abusena bomwe, Baleza botatwe baambwa kuti aawo bakalizyibya akulyeeta antangalala. Kunze lya tumpango tobile ooto, bamayi batunsiyansiya balakwakwalisya kapati kukapaula bumboni bwakutondezya kuti kuli botatwe-muli-omwe. Kamwi kampango nkobalozomona nka 1 Petulo 1:2. Aaka kampango kalabelesyegwa kusendekezya kusyoma muli Baleza botatwe nkaambo biyo boonse botatwe balivweledwe mukaambo komwe: “[Inywe] mwakasalwa kweendelanya a luzyibo lwa Yahuwah Taata, kwiinda mu mulimo wakusetekanya wa moza, kutegwa inywe mukonzye kuteelela Yahushua Messiah akusansailwa bulowa bwakwe.” Kunyina pe aawa ceelede kusendekezya kuti kuli “bantu” botatwe muli “Leza” omwe nkaambo biyo kakuti bakalibonya boonse antoomwe ciindi comwe.
Atulange mikonzyanyo iimbi ya Bantu botatwe babunganyidwe antoomwe mu Mangwalo. Eelyo Mozesi naakakatala kwiimikizya maboko aakwe mujulu nibakali kulwana nkondo bana Isilayeli abana Amaleki, Aaron a Hur bakaimikila umwi awumwi kubbazu lyakwe, kabamwiimikizya maboko Mozesi. Hena eeci caambilizya kuti Mozesi, Aaron a Hur bakali bantu botatwe baswaangene mumuntu omwe na? (Kulonga. 17:11-12).
Eelyo Elijah a Mozesi nibaalibonya antoomwe a Yahushua atalaa mulundu (Mateyo. 17:3), hena eeco caambilizya kuti aabo botatwe bakali bantu botatwe baswaangene mumuntu omwe na? Kunyina muntu pe uukkwene maanu uunga wasyoma bufubafuba buli boobo. Pele ncenciceeci ncotwaambilwa kuti katusyoma kufumbwa Taata Yahuwah, Mwanaakwe Yahushua, a muya uusalala nobaambwa mpobali munsimunsi lya umwi awumwi antoomwe mu Bbaibbele.
Lino atulange mangwalo aambilizya zintu zyotatwe kazyili antoomwe. Boonse bobile Tito 1:4 a 2 Johane 1:3 baamba zintu zyotatwe kazyili antoomwe — “lweengelelo, luzyalo a luumuno alubaa ndiswe.” Hena zyoonse zyotatwe eezyo zilakonzyana bubambe, zibambidwe acintu comwe na? Hena eezyo zyotatwe mbantu botatwe na — Lweengelelo, Luzyalo a Luumuno — lunokuli aandiswe, “aandiswe” mubuntu akulibonya buumbulu na? Hena eezyo nziimo zyotatwe muciimo comwe na, comwe-comwe cazyeezyo kakwiina kulubizyanya kuyeeyela cimwi mucibaka ca cimbi akati kazyo na, pele zyoonse kazyili ciimo comwe? Aabo balaa ncinko, baingula kuti aaka kaambo kali boobo nkabuyanga, pele mbweenya bwiinguzi oobo mbobapeda kuli 1 Petulo 1:2 — kuti kwaamba zintu zyotatwe ncecipa kuti ziswaangane mu mubili omwe.
Ooku nkusalauzya caali akudyakaizya mangwalo mukuyandisya kusumpauzya lusyomo lutakwe musemo. Tede inga caubauba akujana zintu zili 4 nokuba zili 7 zyaambidwe antoomwe kutegwa zitondezye kuti Yahuwah mbantu bone nanka bantu bali ciloba baswaangene mumuntu omwe. Daniele 8:22 waambilizya meja one aayiminina malelo one. Mu Tusimpi 6:16-19 kubandaukidwe zintu zili ciloba antoomwe zisesemya kuli Yahuwah. Ncintu cabufubafuba, nokuba boobo, kwaamba kuti ootu tumpango tutondezya kuti Yahuwah mbantu 4 nanka bali 7 muli Leza omwe. Ncintu cabuyanga akutaminina kuti kubunganya bantu botatwe naa zintu zyotatwe antoomwe mu Mangwalo caambilizya “mubunji muli comwe.”
Kucenguluka kuzwa ku Mangwalo kuya ku zilengwa Leza, hena cili masimpe, mbuli mbobataminina basitunsiyansiya, kuti ooko ku “kulibonyabonya” kwa zintu zibunganyidwe zyotatwe mbuli (tubbuku twakupa biyo, misyobo ya ziimo zya cintu, azimwi zzinjaanji) akataa zilengwa Leza hena tacitondezyi akwiiminina Baleza botatwe na? Ime mazubaaya aayinda ndakaswaanya cipekupeku ceenzu mu YouTube cilaa mutwe wakuti “Trinities of Nature” naa Baleza botatwe mu Zilengwa Leza, eeco cipelengusya kutondezya Baleza botatwe kwiinda mu zintu zibunganyidwe kazyili “zyotatwe” akataa zilengwa Leza zyakalengwa munyika. Inyimbo, zifwanikiso, a mabala akabambwa cabucenjezu kuti azyibye muntu uutakwe mubuzyo nalangilizya kuti Mulengi wakabikka ciimo ca busimbo Bwakwe mu zilengwa Leza Zyakwe zyoonse. Lucengo aawa nduubauba kubbununa, nokuba boobo, kakwiina kuvwuntauzya kapati.
BALEZA BOTATWE mu lwiiyo lwa bweende bwa zibulo: tubeela tujisi magesi, tubeela tutakwe magesi, tubeela tweendelezya magesi.
MPOCAALILWA: Kuvwuntauzya cakufwamba mu Interneti kuyubunuka mulongo wa zintu zili 7 zitalisyigwa kubamba zintu.
BALEZA BOTATWE ba mumuni: misyobo iili 3 ya mumuni ilakonzya kusanganyigwa kubamba mumuni uutuba omwe.
MPOCAALILWA: Mimuni iili 3 ilasangana kubamba mumuni uusiya. Mumuni uutuba ujisi misyobo iili 7 ya fulicoongo. (Aawa- pe ma, iilya namba 7 yabbunuka alimwi.)
BALEZA BOTATWE mu misyobo ya ziimo zya cintu: ciimo ca muya naa busi, ca kudoomoka mbuli meenda, aciyumu nta.
MPOCAALILWA: Ino mbuti ciimo cilemulemu mbuli ca bunzuka, ciimo cilemulemu mbuli ca buci azimwi ziimo zya miya?
BALEZA BOTATWE mu kweendelanya zilengwa leza: lubulo, zisamu, banyama.
MPOCAALILWA: Hena mwaluba kuti kuli bantu na?
BALEZA BOTATWE mu buntu: nkamu zyotatwe zya misyobo ya bantu: Bantu basiya, Ba mweenye, a Bamakuwa.
MPOCAALILWA: Kutaanguna ali zyoonse, eezi ninkamu zitazizilwe kabotu zyakaanzwa aamuntu kutali ziyeeme mu mangwalo. Yahuwah wakalenga biyo musyobo wabantu omwe, ooyo musyobo wa bantu. Koonse kwiindana akataa bantu kulivweledwe mu LUNYUNGU lwa bantu bataanzi bobile aabo Yahuwah mbaakalenga. Cabili, mu Ciyobwedo ca Horniman ku London kuli cilengwa leza cibikkidwe antangalala cikonzyanya aamuntu cizandaudwe mu luzubo lone lwa Homo Sapienizi: imwi misyobo yotatwe yaambwa kale atalaawa, mpoonya kusanganya awa Austroloidi.
BALEZA BOTATWE mu mumukwasyi wa bantu: taata, banyina, mwana.
MPOCAALILWA: Ino mbuti kuti kabatajisi biyo mwana omwe biyo? Ino kuti, mbwaanga kuli nzubo aziyanza zinjaanji, Wisi kakwete maali? Ino kuti mukaintu uutakwetwe watambula mwana wakulela? Ino kuti kakuli bamasyaanyinazyala, bacizyi abeeninyina, abana bokwabo? Aawa mwabona kuti kuli nzila zinjaanji zya mukwasyi kwiinda biyo mukwasyi wa botatwe wisi-banyina-amwana.
BALEZA BOTATWE mu cooko ca mulengalenga #2: mweenya wa julu, zintu, ciindi.
MPOCAALILWA: Lwiiyo lwa zilengwa leza lupa mulongo uusanganizya a nguzu.
BALEZA BOTATWE mu cooko ca mulengalenga #3: bukwazeme, bulamfu kuya mujulu, bulamfu kuyaansi.
MPOCAALILWA: Basyaazyibwene ba zilengwa leza balasanganizya a ciindi kuti ncibeela cane mu kupima zintu.
(Aawa lino kwatalika kulibonya mulongo wa zintu zibunganyidwe zyone. Hmmm....)
BALEZA BOTATWE mu ciindi: kaindi, cino ciindi, ciindi ciboola.
MPOCAALILWA: Eeco kunyina pe ncocitondezya kuguminizya ciimo ca Yahuwah kuti nguni.
Kuli tunzumina tuli 60 mu mineti lyomwe, kuli ma mineti 60 mu woola lyomwe, kuli mawoola 24 mu buzuba bomwe, kuli mazuba 7 mumvwiki yomwe, kuli mvwiki zili 52 mumwaka omwe, kuli mazuba aali 365.2425 mumwaka omwe, kuli zyooko zya ciindi zili 24. Kunyina zibunganyidwe namba 3 muli zyoonse eezyo. Mukubula coolwe, aabo batakubwene, batasongweede, baide kusyoma cipekupeku ncobalangilizya nokuba musalo ngobateelezya inga bazyingwa ku zintu zyayubununwa eezi zili mutubunga twa 3 akataa zilengwa leza.
Ime ndayungizya, mukukosozya makani, kuti kuli namba zibunganyidwe zinjaanji zikonzya kujanwa kapati akataa zilengwa leza mbweenya biyo mbuli namba 3. Lusyomo lwa kubunganya zintu zyotatwe lulaa mpuwo mukusumpauzya akutondezya lusyomo lwa Baleza botatwe, pele nokuba boobo, zyuulu zyuulu zya malubaluba zilaa matuvwu aali 5, 7, nokuba manji kwiinda waawo. Ooku kubelesya kavwuna kalaa matuvwu aajatene otatwe kaitwa kuti shamuloku kubaanga nkoololola malembe.
Kuli zinjaanji zibunganyidwe kazyili zyosanwe akataa zilengwa leza. Muntu ulaa tunwe tosanwe kutansyi lyomwe-lyomwe aminwe yosanwe kucituta comwe-comwe. Kanjaanji nyenyeezi zileengwa mucifwanikiso kazilaa minwe yosanwe alimwi nswi yuulikidwe zina lya nyenyeezi ayalo ilaa minwe yosanwe. Tulaa maanu aakuzyiba cintu aali 5 alimwi kuli ntaamu zyakukomezya tubeela twa mubili zili 5 (kukomena zibeela).
Kuya kumbele mumulongo wa namba, kuli misyobo iili 7 muli fulicoongo, mazuba aali 7 aayo Yahuwah ngaakalenga, amajwi aali 7 aanyimbo. Mu Bbaibbele, maloto in ookwa Pharaoh, ngaakasandulula Josefa, azwide namba zili ciloba; bapaizi bali ciloba kabajisi myeembo iili 7 kaba zinguluka mumbalaa munzi wa Jelicho ziindi 7; alimwi busongo bulaa misemo iili 7. Ibbuku lya Ciyubunuzyo lizwide zintu zibunganyidwe kazili ciloba, kusanganya a 7 zijatyo zya malambe, miya iili 7, a zikombelo zili 7. Kajatizyo ka lambe ka Menorah, aako kacibelesyegwa mu bupaizi bwa BamaJuuda, kalaa mitabi iili 7. Inamba ya 7 mu Bbaibbele yaambwa kuti ninamba ya kukkwaninina akulondoka. Ikuti nikwali namba iikonzya kubelesyegwa kwiiminina Yahuwah, eeyo yeelede kuba namba 7 kutali 3.
Aboobo, inamba ya 3 tiikonzyi kubaa makani mapati akataa zilengwa leza kwiinda namba iili yoonse pe, alimwi eeco kwiina ncocitondezya kuguminizya Yahuwah kuti uubambidwe aa Baleza botatwe. Kunze lyaboobo, Yahuwah tali namba 4 nokuba 5 nokuba 7 pe. Atuzyokele ku mulaka uusalala wamu Mangwalo: Yahuwah ngumwi. Omwe ciiminina omwe.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
Eeci cibalo citali ca-WLC cakalembwa aaba Alane Rozelle.