|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Bantu banji baamba kuti Yahushua ngu Leza. Ino Yahushua lwakwe waamba kuti nzi?
Ino kuti Yahushua lwakwe kakunyina naakayiisyide Baleza botatwe? Ino kuti Bbaibbele kaliyiisya cintu ciimpene kulaale?
|
Bunji bwa Banakristu bakayiisyigwa kuti Yahushua ngu “Leza mubukkwene alimwi muntu mubukkwene” alimwi ngu Yahuwah Singuzuzyoonse uusamide mubili wabuntu. Alimwi, kwaambwa kuti kunze lya Yahushua, kuli bamwi bobile Baleza mubukkwene: Taata awumwi muntu wiitwa kuti Muya Uusalala. Boonse botatwe bantu aaba, mbokutamininwa, baleelene, kunyina mupati kwiinda umwi. Pele, boonse botatwe baleelene kubaa bulemu, boonse baleelene, kunyina mupati kwiinda umwi. Pele, nokuba kuti boonse botatwe balaa bulemu, tabali baleza botatwe. Kunze lyaboobo, baambwa kuti munzila imwi yamaseseke balaabene bubambe bwabo: muntu “uuli muzibeela zyotatwe” uutapandulukiki.
Bafundisi ba lwiiyo lwa buleza, basinku abamazubaano, bataminina kuti ooli “Lusyomo lwa Baleza botatwe” ngo musemo wa lusyomo lwa Bunakristu. Nokuba kuti zikombelo mazubaano zilakazyanya kujatikizya zibeela-beela zinji ku makanaa lusyomo oolu, alwimi bunji bwabo balazumina kuti tacikonzyekeli limwi kumvwisyisya lusyomo oolu, kanjaanji kutamininwa kuti lulayandika kuti ujane lufutuko.
Pele ino Yahushua lwakwe mwini hena wakayiisya zintu zili boobu na? Ino kuti Bbaibbele kaliyiisya cintu ciindene kulaale?
Hena inga cakonzyeka kuti mulumbe wini wa Cizuminano Cipya wakalubizya kusandululwa, akuti ooko kulubizya kusandulula kwakayambukila ku misela yakatobela? Ino kuti eezyo zintu Yahushua nzyataminina tiizyakamvwisyigwa kapati, alimwi hena ziyanza zya Cikombelo zyakakwelelezyegwa kapati abasongo bansiku bakomba mituni, kuti lusyomo lutaanzi lwa Yahushua abasikwiiya bakwe cakuti tazyizyibidwe abasyomi banji ba mazubaano na? Ino “Lusyomo lwa Baleza botatwe” ndwamu Bbaibbele bwinibwini na?
Hena ulayanda kuzyiba?
Banakristu batabaligwi bakaibaluka kwa ciindi cikubwene kuti lusyomo lwa Baleza botatwe talujanwi mu Bbaibbele. Cilagamya kuti bunji bwa basicikolo aaba Bakomba baleza botatwe! Nokuba kuti tumpango tongaye tubelesyegwa “kutondezya” Baleza botatwe kuzwa mu Mangwalo, bafundisi ba lwiiyo lwa buleza bakazumina kuti kunyina akataa mikonzyanyo eeyi uuyiisya lusyomo oolo pele kuli buyo kulombozya, maŋunuŋunu, amanjezyeezya aakoobaikwa antoomwe mukutabilila muzeezo ooyu. Ncobeni, bantu balakonzya kupindula Bbaibbele kuti libe kufumbwa cintu kuti kabayandide cinicini. Pele swebo tusyoma kuti Bbaibbele lilaa bumboni kujatikizya twaambo tuyandika kapati, kapati mbuli kakuti nguni Leza wamasimpe Tee kayi, hena inga tooyeeyela kuti kasimpe kalemu boobu inga katuminwa mumulumbe kwiinda mu Bbaibbele? Mbubuti vintu mbuli ceeco mbcinga casendekezyegwa nokuba kwaambwa buyo kubee caambidwe mu ziyanza?
Mukwiimpanya ku tunsiyansiya, IBbaibbele liyiisya kuti Yahuwah alikke, ngo Taata. Ooyu uulaalikke ngo Leza a Taata wa Mwami wesu Yahushua Kristu.
|
Mukwiimpanya ku tunsiyansiya, IBbaibbele liyiisya kuti Yahuwah ngumwi buyo, ngu Taata. Ooyu muntu omwe ngo Leza a Taata wa Mwami wesu Yahushua Kristu. Yahushua, aboobo, tali Leza omwe wamasimpe lwakwe, pele ngu simuzyalwaalikke mwanaakwe muntu.
Mazubaano ooyu muzeezo kanjaanji ulanganyigwa kuti nkusyoma muli Leza Omwe, nokuba kusyoma kuti Yahuwah muntu omwe, naa “lwakwe kumuagama.” Tubunga tunji twa Banakristu mu misela ya Cikombelo twakaimvwi atalaa muzeezo wamu Bbaibbele ooyu. Lusyomo lwakuti alikke Taata ngo Yahuwah wiiminina lusyomo lwa leza omwe oolo bamamJuuda ndubakali kusyoma kwa zyuulu zya myaka. Mozesi, Davida, Elijah bakali kusyoma kuti Yahuwah wakali buyo omwe. IBbaibbele litondezya kuti oobu mbubwakali bupaizi bwa muJuuda wamusela mutaanzi, Yahushua waku Nazaleta.
" Taata... nduwe Leza mwini-mwini, ooli olike." - Johane 17:1a, 3
Mumupailo, Yahushua wiita Taata kuti “Leza mwini-mwini ooli olikke” (Johane17:3). Mubwini, Yahushua ulyaamba lwakwe kuti awalo ulaa Leza wakwe ziindi zinjaanji (Ciyubunuzyo 3:2,12, Maako 15:34). Nokuba naakazwaa kubusyigwa kuzwa ku bafu, walo waambila Maliya kuti Yahuwah ngo “Taata akuli-Uso, kuli-Leza wangu akuli-Leza wanu” (Johane 21:17). Walo uyiisya mukaintu ku mugonti kuti “abakomba cakasimpe ncobayoomukomba Taata,” akuti aabo bacita boobu “Yahuwah ngo-Muuya, eno abamukomba balyeelede kumukomba mumuuya amubwini.” (Johane 4:23, 24). Cikankamusya cankuti, Yahushua ulazuminana a muJuuda ngubakali kukazyanya limwi kuti “Leza wesu” “ngumwi.” (Maako 12:28). Kuli Yahushua, ooyo omwe ngu Taata alikke. “ngu-Taata,” walo upandulwida bamaJuuda kuti, “ngomuamba kuti ‘Ngo Leza wesu.’ (Johane 8:54).
Saa, ninzi ncotunga twaamba ku kujatikizya zyoonse eezi? Nkaambo nzi ziyanza zya Cikombelo ncozyaamba kuti Yahuwah 'mbantu botatwe baimpene baswaangene mu mubili omwe' kakuli kunyina pe Yahushua naakaambide boobo? Tulabona kuti nobaba basikwiiya ba Yahushua bataanzi bakali kuzuminana a simalelo wabo kuti Yahuwah nguni: “Kulindiswe kuli Leza omwe buyo, Taateesu” (1 Bakolinto 8:6). Nokuba leelyo Yahushua naakaunkide kujulu, Baapositolo bakazumanana kupa kulumbaizya kuli “Leza Wisi Mwami wesu Yahushua Kristo” ( 1 Petulo 1;3, BaEfeso 1:3, BaLoma 15:6, Bakolose 1:3). Nkaambo nzi bunji bwa Banakristu mazubaano tabakanani munzila eeyi? Nkaambo nzi tubungabunga tunjaanji ncotwaamba kuti Taata, Yahushua, alimwi a muntu wamaseseke umwi wiitwa kuti Muya Uusalala antoomwe baitwa kuti ngu Leza wakasimpe, kakuli Yahushua wakaamba kuti “Leza mwini-mwini, ooli olikke ” ngo Taata? (Johane 17:3)
Kabatakubwene, zyuulunzuma zya Banakristu mumisela yoonse baalukaka Lusyomo lwa Baleza botatwe kuti taluzyili mu mangwalo.
|
Cintu citazyibidwe kuli bamwi ncakuti, zyuulunzuma zya bankristu mu misela yoonse baalukaka Lusyomo lwa Baleza botatwe kuti taluli lwamu Bbaibbele. Mazubaano, basyomi batonkomene banjaanji bayaa kuzyola akulangana aa kupyopyongana kunjaanji kutalika kuti muntu weezyekanaya lusyomo oolo ku Bbaibbele a musela wa Cikombelo. Kufumbwa bbuku lisandulula mabala inga lyakupa makani, aajatikizya misela kuti lusyomo lwa “Leza omwe mu bantu botatwe” tiilwakasika kusikila mumusela wane. Nkokuti kwakainda myaanda yotatwe ya myaka kuzwa aciindi ca Yahushua.
Nokuba kuti bamwi bataminina kuti Baleza botatwe ndolwakali lusyomo lwa Yahushua a baapositolo bakwe, pele makanaa misela atondezya kuti oolu lusyomo lwakasobaila kuyubunuka mukuya kwa misela, kuzwa ciindi lyaa lembwa Bbaibbele. Nokuba kuti mu Bbaibbele, baapositolo baamba maanaa Yahuwah, Yahushua, a Muya Uusalala, tababaambi mbuli bafundisi bana Katolika bayiisya buleza mbobacita. Taakwe ncobeni nobaamba kuti Mbaaleza botatwe pe, nanka Leza uubambidwe aa baleza baswaangene botatwe,nokuba kusyoma mu lusyomo oolu kutegwa ufutulwe. Bantu banji mu Cizuminano Cipya bakali kusyoma muli Yahushua kuti ngu Kristu bakabbizyigwa, akufutulwa kakwiina kwaambilwa kuti Leza Mbaaleza botatwe baswaangene. Zyuulu-zyuulu zya makunga aabantu bakafutulwa eelyo nibakasyoma kuti "mwaalumi Yahushua waku Nazaleta ngomwakatondekelwa Yahuwah, emilimo mipati amalele azitondezyo, Yahuwah nzyaakacita anguwe akati kanu, mbubonya mbuli mbomuzi nobeni." (Milimo 2:22).
Cintu cigambya ncakuti, tatukonzyi kujana naba omwe mu Cikombelo Citaanzi ooyo wakali kudadanyana kutabilila milazyo ya lusyomo oolo, nokuba kuti bakali kukukazyanya kujatikizya twaambo tumwi twatakalaa mulimo mupati, Bantu bakomba baleza botatwe, nokuba boobo, bakali kukazyanya kanjaanji a bamaJuuda a Bakaristu batasyomi muli baleza botatwe kujatikizya lusyomo oolu. Hena tacimvwiki kuba cintu ceenzu kuti Banakristu babuJuuda bataanzi tiibakali kubandika cintu eeco cakeelede kuba musemo wa lusyomo lwabo? Hena inga cakali biyo nkaambo kakuti tiibakaninga mvwide Lusyomom lwa Baleza botatwe?
" [ndi] muntu uumwaambila bwini, mbwendakamvwa kuli- Yahuwah."- Johane 8:40
Yahushua lwakwe ulazumanana kulipandulula kuti Mwanaa Yahuwah, mutwanga wakwe uusalidwe, alimwi ooyo Yahuwah ngwaakapa nguzu zyoonse zya mulimo akukanana muzina lyakwe.
|
Ikuti twabikkila maanu kabotukabotu ku Bbaibbele, alimwi kuti twayiisyigwa zintu zilubide nzibakali kuyiisya bafundisi bayiisya buleza, inga twatalika kubona kasimpe: Eelyo Yahushua nalyaamba kuti Walo ngu “Nduwe Kristo, Mwana a-Leza muumi,” (Mateyo 16:16-17) walo kunyina pe nataminina kuti munzila imwi ngo Leza omwe lwakwe. Eelyo basinkondonyina nibatakamuvwisyide nokuba kuyubilizya kumutaminikizya mumajwi aakwe, walo kunyina naakaambide kuti ngu Leza. Eelyo basinkondonyina nibakali kumutamikizya cintu eeci, walo wakali kubalulamika kaamba kuti: “nkaambo ndati ndi Mwana a-Yahuwah.’” (Johane 10:36). Kunze lya kutaminina kuba Yahuwah, swebo tujana kuti Yahushua mubotu, muJuuda uubamba-mulawo alimwi uutobela mulawo wa kukomba Leza a moyo wakwe woonse, Taata, Leza wa basikale Bakwe. Yahushua wakali zuunyene kulipandulula lwakwe kuti wakali Mwanaa Yahuwah, mutwanga wakwe wakasalidwe, alimwi ooyo Yahuwah ngwaakapa nguzu zyoonse zya kubeleka akukanana muzina lyakwe. Walo ulalipandulula lwakwe akuti “muntu” ooyo wakali kukambauka “bwini, mbwendakamvwa kuli-Yahuwah” (Johane 8:40). Kalaa lugwasyo lwa Yahuwah, mwaalumi Yahushua wakapona buumi butakwe cinyoynyoono akuba cituuzyo ceelede ca zinyonyoono zyesu, inzila ilikke yakusika kuli Taata. Nkaambo ka kuteelela kwakwe, Yahuwah wakamubusya Yahushua kuzwa ku bafu akumubamba kuba Mwami atalaa zyoonse, akumusumpula atalaa banngele. Cilike cintu ciinda kusumpuka atalaa Kristu cino ciindi ngu Yahuwah lwakwe (1 Bakolinto 15:27-28). Ootu tusimpe tuubauba, tuli mu Bbaibbele, twakadyakaizyigwa akuvwumbililwa aa mizeezo iilaa mpuwo mu Bunakristu bwa mazubaano.
Misela, mbweenya mbuli Bbaibbele, ilisalazyide zintu zinjaanji. Kuti Bunakristu butaanzi bwakakwelelezyedwe kapati ku ziiyo zya kukomba mituni zya bamayi mbuli bwa Plato ncintu citakazyigwi. Aaya malembe atondezya kuti bamayi banji Bakatolika bansiku aabo bakaanza lusyomo lwa Baleza botatwe bakazubula mizeezo kuzwa ku BaGiliki, akulengelezya kuti Banakristu bakondoole kwaandaana akataa Yahuwah, Taata, a Mwami Messiah, Yahushua. Mukuya kwa ciindi, eeyi mizeezo yakazumizyigwa kuba botatwe-muli-omwe Yahuwah. Swebo tuzeka kuti ooku nkweenya nkokuvwelenganya busongo bwa bantu a Bunakristu ooko Mwaapositolo Paulu nkwaakazuunyene canguzu kutucenjezya kataninga fwa (Bakolose 2:8, Milimo 20:29-31, 1 Timoteo 4:1,2 , 2 Timoteo 4:3-4).
Nokuba boobo, Banakristu mazubaano bali abusena bwaandeene. Tulakonzya kujana malembe aayinda Kubota, zibelesyo zyamu Bbaibbele, abasicikolo banji aabo bakonzya kugwasya sikwiiya wa Kristu mazubaano kuti azyibe zilubide mu tunsiyansiya akujokolosya lusyomo mu Cizuminano Cipya. Yebo kolaa lugwasyo lwa Yahuwah, ulakonzya kusangana azyuulu-zyuulu zya Banakristu aabo maumi aabo aayaa kusanduka kwiinda mukubbukizya lusyomo oolu muli Yahushua Kristu.
Casika ciindi ca kubweza ntaamu. Cintu ciyandika kapati kunyina acimbi kunze lya kasimpe kajatikizya Yahuwah. Ninzi yebo nconga wasweekelwa kuti wavwuntauzya cakusindinganya makani aaya?
|
Casika ciindi cakubweza ntaamu. Cintu ciyandika kunyina acimbi pele masimpe aajatikizya Yahuwah. Ninzi nconga wasweekelwa kuti walomya kuvwuntauzya makani aaya? IBbaibbele lilakonzya kwiimikila nji kumbelaa kusanyangulwa. Lusyomo lwesu alwalo, luleelede. Mukwiimpanya ku tunsiyansiya, IBbaibbele talitwaambili kuti yebo weelede kusyoma mu lusyomo lwa Baleza botatwe kutegwa ufutulwe.Talipandululi nociceya cijatikizya lusyomo oolo pe. Pele lilatwaambila kuti Mwami Yahushua ulangila ndiswe “kukomba Yahuwah mu muuya amu bwini” kukomba Yahuwah nkaambo kakuti nguni bwinibwini masimpe. Umwi mwiyi wabuleza muna Luther wakaamba aciindi cimwi kuti:
"Leza ngu Leza wa kasimpe! Kuyanda kasimpe, kulibatamika ku nguzu zya kasimpe, kulekela lyo mizeezo ya tunsiyansiya eeyo iitakonzyi koongola mumusunko wa kasimpe, ooyo mulimo uusetekene, ncibeela ca kuyoowa Leza."- Franz Julius Delitzch (1813-1890)
Twapaila kuti Taata, Leza wa Yahushua, akuleleke yebo eelyo noyaakumuyandaula amoyo wako woonse, amizeezo yako, amuya anguzu zyako.
Eeci ncibalo citali ca-WLC. Cakazyila ku: http://theGodofJesus.com/articles/rediscovering-the-god-of-jesus
Twakagwisya mucibalo citaanzi mazina aamituni woonse ngobaulikide taata a Mwana, akubikka mucibaka cangawo mazina mataanzi ngubaapedwe. Kuyungizya waawo, twakojokolosya mu Mangwalo mazina aa Taata a Mwana, mbuli mbwaakalembedwe kutaanguna a balembi ba Bbaibbele bakayoyelwa moza. Nkamu ya-WLC
