|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Ninzi Kukomba Mituni?
Kukomba mituni nkukomba leza wa lweeno.
Kukomba Mituni- nkukomba muntu umwi naa cintu cimwi kunze lya Yahuwah kubaanga eeco ngo Leza. Mulawo mutaanzi akataa milawo iili kkumi yamu Bbaibbele ulakasya kukomba mituni: "Webo utabaa baleza bambi kunze lyangu."
Swebo tucita mulandu wakukomba mituni ikuti twatalika kukomba kufumbwa uuli woonse pele buyo Leza wamu Bbaibbele.
Nguni Leza wamasimpe wamu Bbaibbele?
Hena baleza Botatwe muli omwe ngo Leza wamasimpe na? Peepe.
Hena Taata alikke ngo Leza wamasimpe? Inzya!
Taata alikke ngo Leza wamasimpe wamu Bbaibbele. Johane 17:3- Alimwi oobu mbobuumi buteeli, kuti bazyibe ndiwe (Taata) o Leza wamasimpe OLIKKE,...
Mukusyoma baleza botatwe, tweelede kukaka Taata kuti ngo Leza alikke, ooko nkukaka Leza luzutu wamasimpe.
Mituni ncinyonyoono ciyootusinkila kunjila mu bulelo bwa Yahuwah.
1Bakolinto 6:9-10- Bakomba mituni tabakakoni bulelo bwa Leza.
Bakomba mituni bayoowaalilwa mu bbibi lya mulilo
Ciyubunuzyo 21:8- Bakomba mituni bayootola cibeela mu zyiba livwilima mulilo amabwe aapisya aa sulufa:..
Kaambo kapati ka kukalila kukomba baleza botatwe mu mubili omwe nkweeleba kukomba mituni.
Ezekiya. 14:6- Amweempwe, amufutatile mituni yanu; amucengulule masyu eenu kuzwa ku milimo yenu iisesemya.
Kaambo keni ncotukakila mutwe wa baleza botatwe nkweeleba kukomba mituni.
|
1Bakolinto 10:14- amwiitije mituni.
1Bakolinto 10:7- inywe mutabi basikukomba mituni.
Nkuba simituni kusyoma muli Baleza Botatwe nkaambo Baleza Botatwe babikka baleza bamwi kunembo lya Taata Yahuwah, walo uuli ngo Leza alikke.
Taata ulailila kuti swebo tweelede kukomba buyo nguwe mbuli Leza. Ooyu ngo mulawo mutaanzi.
Ciibalusyo 5:9- Webo toyelede kulikotamika lwako kuli mbabo, nanka kubanyonena: nkaambo Ime ndi Mwami Leza wako uutalekeleli,..
Ciibalusyo 5:7- Webo utabaa baleza kunze lyangu.
Ciibalusyo 11:16- Amucenjele kuti mutoongoongwi mumyoyo yenu akuya kuyoo komba baleza bambi nikuba kubabelekela.
Intembauzyo 81:9- Kutabi leza mweenzu mukati kanu; nanka kukomba leza wa bamasi.
Yahuwah tali baleza botatwe bali mumuntu omwe pe.
Woonse muzeezo wa baleza botatwe ngwa kubeja....Taata tali muntu mutaanzi akataa baleza botatwe pe, alimwi Yahushua tali muntu wabili muli botatwe. Muya uusalala tali muntu watatu akataa Baleza Botatwe.
1. Taata tali cibeela buyo ca Leza, pele ngo Leza woonse muli Lwakwe.
1Bakolinto 8:6- pele kuli ndiswe kuli buyo Leza OMWE ooyo ngu Taata,...
BaEfeso 4:6- Leza OMWE a Wisi wa boonse, uuli atalaa zyoonse,..
1Timoteo 2:5- Nkaambo kuli LEZA OMWE (Taata), a simwiima-akataa Leza a bantu, ooyo mwaalumi ngu Messiah Yahushua lwakwe.
Malaki 2:10- Sena tatuli bana ba TAATA OMWE toonse na? Saa tali LEZA OMWE wakatulenga iswe na?....
Intembauzyo 86:10- Nkaambo webo ndonduwe mupati, alimwi ulacita zintu zigambya: ndiwe Leza olikke.
Johane 17:3- Alimwi oobu mbobuumi buteeli, kuti bazyibe ndiwe (Taata) o Leza wamasimpe OLIKKE,...
2. Muya Uusalala tali muntu nsini waandeene kuzwa kuli Taata, pele Taata ngo Muya Uusalala
Taata Ulisetekene
Johane 17:11- alimwi Ime ndaboola kuli ndiwe, Taata Oosetekene...
BaLevi 11:44-45- Ime ndime Mwami Yahuwah wanu: muleelede kusalala nkaambo Ime ndasalala, alimwi amusetekane; nkaambo Ime ndilisetekene.
Taata ngo Muuya:
Johane 4:23-24- Pele woola lilazya, alimwi aawa lyasika kale, eelyo bakomba masimpe nobayookomba Taata mu muuya amukasimpe: nkaambo Taata ulangaula baabo bamukomba boobu. Leza (Taata) Muuya: mbube aabo bamukomba beelede kumukomba mu muuya a mukasimpe.
3. Yahushua tali LEZA pele MWANA OOKWA Yahuwah.
Johane 10:36- inywe mwaamba yooyo, ooyo Taata ngwaakasetekanya, akutuma munyika kuti, webo wasampaula; nkaambo Ime ndaamba kuti, NDIME MWANAA YAHUWAH?
Mateyo 16:15-16- Walo (Yahushua) wakati kuli mbabo (basikwiiya), Pele ino nywebo mwaamba kuti Ime ndime ni? Mpawo Simoni Petulo wakaingula kuti, webo nduwe Messiah, MWANAA LEZA UUPONA.
Tatukonzyi kukomba mituni kumwi akukona bulelo bwa Yahuwah.
Ciyubunuzyo 21:8- Basimituni cibeela cabo ciyoobeda mu zyiba liyaka mulilo a mabwe aapisya aa sulufa:..
1Bakolinto 6:9-10- Basimituni tabakakoni bulelo bwa Yahuwah.
Taata ulaa nkumbu kapati, Yahuwah uulaa luyando pele Walo ngu Leza ulaa bufwi uulailila kuti katukomba buyo Nguwe mbuli Leza.
Ciibalusyo 5:9- Inywe mutalikotamiki kunembo lyabo, nokuba kubabelekela: nkaambo Ime nde Leza ndime Leza wa bufwi,..
Ciibalusyo 5:7- Inywe mutabaa baleza bambi kunze lyangu.
Ciibalusyo 11:16- Amusongwaale muli lwenu, kuti myoyo yenu itacengwi, alimwi mutatobeli Baleza bambi akubanyonena, akubakomba.
Kwiinduluka cilembedwe
"TAKUKONZYI kuba kukwelana-kwelana akataa tusimpe twa Yahuwah. Mbube, kukomba Yahuwah munzila njayanda ciiminina kukaka kusyoma Baleza botatwe. Ooko nkukazya bashinshimi, Yahushua, baapositolo, alimwi a Banakristu bataanzi mbubakali kusyoma akuyiisya. Ooko nkukazya Yahuwah mbwalipandulula lwakwe mu Zwi lyakwe liyoyedwe Moza. Aboobo, walo ulailila kuti: "Amuzumine kuti Ime endikke ndendime Leza akuti kunyina uumbi mbuli ndime pe."—Izaya 46:9...Izintu Yahuwah nzyayanda takuli mukumulanganya kuti tazyibiki nanka kuti ngwa maseseke. Kunze lyaboobo, eelyo bantu nobayungizya kuzyingwa ciimo ca Yahuwah amakanze aakwe, eeco cilaindila kugwasyilizya Sinkondonyina wa Yahuwah, Saatani Dyabooli, ‘leza wa nyika eeyi.' Ngonguyooyo uukulwaizya lusyomo lwakubeja kutegwa ‘abakope maanu aabo batasyomi.' (2 Bakolinto 4:4) Luzyibo lwa Leza lukkwene luletela kukkalikila kapati. Lwaangulula ndiswe kuzwa ku ziiyo zya musyobo ooyo eezyo zikazyanya aa Jwi lya Yahuwah akumbungano zyakazanga mu lusyomo. Mbuli mbwaakaamba Yahushua: "Yebo uyookazyiba kasimpe, nkabela kasimpe kayoo kwaangulula."—Johane 8:32."
"Kozumina kuti Ime endikke ndendime Leza alimwi kunyina uumbi uuli mbuli ndime." — Izaya 46:9... Izintu Yahuwah nzyayanda takuli mukumulanganya munzila iikopa maanu akubaa maseseke. Kunze lyaboobo, eelyo bantu nobayungizya kukopwa ciimo ca Yahuwah amakanze Aakwe, eeco ncecikkomanisya Sinkondonyina wa Yahuwah, Saatani Dyabooli, ‘leza wa munyika eeyi.
|
Yahuwah uyootulumbula kweendelanya azintu nzyotusyoma.
Tatukonzyi kutaminina kuti tiitwakazyi kuti Taata alikke ngo Leza, nkaambo Mangwalo alayiisya ciindi aciindi kuti Taata ngo Leza OMWE luzutu.
Lusyomo lwakuti Taata ngo Leza alikke talusisidwe pe pele lwakayiisyigwa munzila iisalala caantangalala mu Cizuminano Cipya.
Kutali mbuli lusyomo lwa baleza botatwe muli omwe, oolo lwakuti “maseseke mapati” cakuti kunyina uukonzya kwaapandulula nokuba kwaamvwisyisya, pele mangwalo ayiisya munzila ngubauba kuteelela kuti Taata uli ALIKKE alimwi Walo ngo LEZA ALIKKE.
Masimpe ali kunembo lya meso eesu kaamwesya amimuni kuti Taata alikke ngo Leza.
1Bakolinto 8:6- pele kuli ndiswe kuli buyo Leza OMWE, ooyo ngo Taata,...
BaEfeso 4:6- OMWE Leza Taata wa boonse, uuli atalaa boonse,...
1 Timoteo 2:5- Nkaambo kuli buyo LEZA OMWE (Taata), alimwi a simwiima-akataa Leza a bantu, mwaalumi Messiah Yahushua.
Malaki 2:10- Saa toonse tatujisi TAATA OMWE na? Hena tali LEZA OMWE wakatulenga na?....
Intembauzyo 86:10- Nkaambo webo uli mupati, ulacita zintu zikankamanisya: webo nduwe Leza olikke.
Johane 17:3- Alimwi oobu mbobuumi buteeli kuti bazyibe ndiwe Taata LEZA wamasimpe olikke,...
Yahushua tali Leza----Taata ngo Leza OMWE.
Aabo Bakomba baleza botatwe bayiisya kuti tweelede kusyoma kuti Yahushua ngu Leza kutegwa tufutulwe, aayo taali masimpe.
Nzyobaamba Basyoma Baleza botatwe
"yebo weelede kuzumina buleza bwa Kristu kutegwa ufutulwe"
"Bazangi bayookaka Baleza botatwe akuti Yahushua Kristu kuti ngu Leza."
"Eelyo muntu umwi nakaka Baleza botatwe nokuba buleza bwa Kristu, ooyo waleka kuba Munakristu."
"Ikuti yebo kotasyomi kuti Yahushua ngu Leza—yebo toli Munakristu"
"Aabo bakaka buleza bwa Kristu tabali Banakristu"
"Aabo bakaka buleza bwa Kristu tabakwe lwaanguluko lwa kulyaaba kuba Bunakristu"
"Hena ulizyi kuti kusyoma mu buleza bwa Yahushua ncintu ciyandika ku lufutuko lwako? Yebo tokonzyi kufutulwa ikuti kotasyomi kuti Yahushua ngu Leza!"
"Kusyoma buleza bwa Yahushua kulayandika kutegwa ukabaa buumi buteeli kujulu."
"Buleza bwa Kristu bulayandika kutegwa ujane lufutuko."
Kulubila: Buleza bwa Kristu tacili cintu ciyandika kuti ujane lufutuko.
Buleza bwa Kristu nciiyo ca kubeja.
Cizuminano Cipya tacituyiisyi kuti katusyoma kuti Yahushua ngu Leza kutegwa tubaa lufutuko.
Cizuminano Cipya ciyiisya kuti tweelede kusyoma kuti Yahushua MWANAA Yahuwah kutegwa tufutulwe:
1 Johane 4:15- Kufumbwa uuzumina kuti Yahushua MWANAA LEZA, Leza ulikkede muli nguwe, awalo muli Leza.
1 Johane 5:5- Nguni ooyo uukoma nyika, saa tali yooyo uusyoma kuti Yahushua MWANAA LEZA?
Johane 20:31- Pele eezi zililembedwe, kutegwa inywe mukonzye kusyoma kuti Yahushua ngo Messiah, MWANAA LEZA.
Makani aakuti “iswe tweelede kusyoma kuti Yahushua ngu Leza” kutegwa tufutulwe nciiyo cizwa anze lya Bbaibbele ….ncilengwa ca bantu.
Mateyo 15: 7-9- Inywe no basikuupaupa-ameso, Izaya wakacita kabotu kushinshima ndinywe naakati, [Mateyo: 15:7
Muli buyo basikuupaupa aameso. Mbwaakasinsima Izaya kuti,, Mateyo: 15:8 “Aaba bantu balandilemeka amilomo yabo, pele myoyo yabo ili kule andime. Kundikomba kwabo nkwabuyo, nkaambo balaiisya njiisyo zyabantu mbuli kuti nzizya Leza!
Bakolose 2:8- Kutabi muntu naba omwe uumuunina mukulailila kuti bantu balibombye akukomba bangelo. Bali boobo balayanda kwaamba zyazeezyo nzyobati bakabona muzilengaano. Balalisumpula kakunyina akaambo, nkaambo balatobela zyabuntunsi kutali zya Messiah.
Cilagambya, kuti ziiyo zyakubeja zitakwe mpozijanwa mu mangwalo ziyiisyigwa abee nga masimpe.
Yahushua kunyina pe naakataminina kuba Yahuwah pele wakaambila bantu kuti Mwanaa Yahuwah.
Maako 1:1- Matalikilo aa mulumbe mubotu wa Yahushua Messiah, MWANAA LEZA.
Baapositolo a Martha tiibakali kusyoma kuti Yahushua wakali Yahuwah pe.
Baapositolo a Martha bakali kusyoma kuti Yahushua wakali Mwanaa Yahuwah.
Johane Mubbizyi wakaambila bantu kuti Yahushua wakali Mwanaa Leza:
Johane 1:34- Alimwi Ime ndakabona, akupa bumboni kuti ooyu ngo MWANAA LEZA.
Mwaapositolo Paulu wakayiisya kuti Yahushua wakali Mwanaa Leza:
Milimo 9:20- Mpoonya aawo (Paulu) wakakambauka Messiah muma sinagogwe, kuti ooyo ngo wakali MWANAA Yahuwah.
Maliya wakatumbuka Mwanaa Yahuwah kutali kuti "Yahuwah ngo Mwana."
Luuka 1:32- Walo uyokwiitwa kuti mupati, alimwi uyokwiitwa kuti MWANAA Singuzuzyoonse:...
Luuka 1:35- ooyo uusetekene uuyoozyalwa muli nduwe uyokwiitwa kuti MWANAA Yahuwah.
Aabo Basyoma baleza botatwe bapandulula nzila Yahushua mbwakonzya kuba Yahuwah nkaambo Mwanaa Yahuwah?
Aabo Bakomba baleza botatwe bayiisya kuti Yahushua ulaa zibeela zyobile (Leza-muntu) akuti cilikke biyo cibeela ca “muntu” ncecili Mwanaa Yahuwah.
Nkweena kuyiisya kuti ncibeela buyo cisyoonto ca Yahushua cimupa kuba Mwanaa Yahuwah...... Yahushua woonse mbwazulwa mubukkwene Mwanaa Yahuwah.
Aabo Bakomba baleza botatwe bayiisya kuti Yahushua ngu Leza alimwi Mwanaa Leza, ooko nkubeja. Yahushua naali bantu bobile kuti eeco nicali masimpe.
Nzyobaamba Basyoma Baleza botatwe
"Yahushua ngu Leza alimwi ngo Mwanaa Leza."
"Kristu ngu Leza ncobeni, ALIMWI walo Mwanaa Leza."
"Yahushua Messiah ngu Leza alimwi Mwanaa Leza."
"Kumamanino, ncicili cini caambwa aawa? Hena Kristu ngu Leza naa Mwanaa Leza? Baingula kuti zyoonse zyobile."
“Yahushua Mwanaa Leza, alimwi Yahushua ngu Leza. Yahushua Mwana mu ciimo cabuntu bwakwe,”
“Aboobo, eelyo Yahushua nali mwanaa Leza, mpeenya aawo Walo ngu Leza Mwana”
Kulubila: Yahushua tali Yahuwah kumwi kali Mwanaa Yahuwah, pele Mwanaa Yahuwah buyo.
Iswe tatujisi ba Yahushua bobile...Leza Yahushua a Yahushua Mwanaa Leza .
Mateyo 27:43- Walo [Yahushua] wakasyoma muli akwaamba kuti, ‘NDI MWANAA YAHUWAH.’ Leza aamununune, kuti naa kamuyanda.
Yahushua tali Yahuwah
|
1Johane 4:15- Kufumbwa uuzumina kuti Yahushua MWANAA LEZA, Yahuwah ulakkala muli nguwe, awalo muli Yahuwah.
Lusyomo lwa ziimo zyabuntu zyobile lwaandula Yahushua kuti abaange mbantu bobile.
Aabo Bakomba baleza botatwe tabakonzyi kuyiisya kuti Yahushua Mwanaa Leza kali muziimo zyobile nkaambo eeco inga caba buyanga kuyiisya kuti eeco ciimo cabu “Leza” nceca Mwanaa Leza, aboobo banyina cakwaamba pele kuyiisya buyo kuti Yahushua ngo mwanaa Leza eelyo nali buyo muciimo cakwe ca “buntu”.....ipenzi lyakuyiisya boobu ndyakuti ooku kuyiisya kwaandula Yahushua kuti abe bantu bobile......Leza Yahushua a Leza Mwanaa Yahushua.
Nzyobaamba
"Yahushua ngo Mwanaa Yahuwah. Yahushua tali Yahuwah Lwakwe nokuba cibeela ca Leza mu bantu botatwe nkaambo walo Mwanaa Yahuwah. Walo takonzyi kuba Mwanaa Yahuwah alimwi akuba Yahuwah Mwana. Wisi a Mwana tabeelene nokuba kukonzyana pe. Wisi wakali kupona kakutaninga ba Mwana. Mwana wakatambula buumi Bwakwe kuzwa kuli Wisi. Wisi mupati kwiinda Mwana. Yahushua wakazyazyigwa aa Wisi akutumbukwa kuzwa muli Maliya. Walo Mwanaa Yahuwah uupona. Cizuminano Cipya cizwide mangwalo aamba kuti Yahushua Mwanaa Yahuwah."
"Kusyoma kuti, Yahushua ngu Leza, nkaambo Walo Mwanaa Leza; kumutansyika abusena bwa kuba Leza, nkaambo Mwanaa Leza, ooko nkuyeeya kwa buntu kumaninide, kubula luzyibo, alimwi kweendelanya a mizeezo ya buntu kutali iizwa mu Jwi lya Yahuwah."
Yahushua kunyina pe naakataminina kuba Yahuwah alimwi mangwalo taayiisyi kuti Yahushua ngu Yahuwah.
Kukomba mituni
Bakomba baleza botatwe balimaninide kuzyiba kuti bakomba mituni ikuti Yahushua katali Yahuwah.
Nzyobaamba Basyoma Baleza botatwe
"Mbweenya mbucakabede kuli basikwiiya, mubuzyo uuli kumbele lyesu ngwakuti `Nguni YEBO ngoamba kuti ngu Kristu?' Kuli buyo zyuuno zyobile muntu nzyakonzya kukkala. Yahushua Messiah tali Leza uuzyaluludwe nokuba cilengwa leza cakalengwa pe. Ikuti Walo kali Leza, pele katukaka cintu eeci akusyoma kuti Walo wakali buyo cintu cakalengwa, nkokuti tiitwasyoma Messiah wamu Mangwalo aboobo tulisinganyidwe kale (Johane 3:18). Pele ikuti Walo kali cilengwa leza nkabela tulamukomba kubee ngu Leza wamasimpe, nkokuti tucita mulandu wa kukomba mituni, tulaalidwe kusyoma Messiah wamu Mangwalo, alimwi aboobo tulisinganyidwe. Aboobo, eeyo nzila mbotunga twaingula mubuzyo ooyu iyootusalila kugeme maumi eesu lyoonse kukabe kutamani – kujulu antoomwe a Leza nokuba ku Mililo uutamani antoomwe a Saatani abangele bakwe."
"Ikuti walo (Yahushua) katali Leza, mpoonya katumupa musyobo wa bulemu oobo bweelede kupegwa buyo Leza alikke, nkokuti twakomba muntu uumwi kutali Leza, alimwi ooko nkukomba mituni naa kubaa baleza banji."
"Ikuti walo (Yahushua) katali Leza, nkokuti ooyo mulandu wa kusampaula Leza akukomba mituni kukomba nguwe."
"Ikuti swebo katukomba Messiah wakubeja, tucita mulandu wakukomba mituni. Tukosola mulawo wakutaanguna musemo wa milawo yokwa Leza. Mulawo mutaanzi ookwa Leza ngwakuti, "Webo utabaa baleza bambi kunembo lyangu." Ikuti swebo twalenga nokuba kutobela leza ooyo wakalengwa buya uutayiminini Leza mbuli mbwaliyubunwide Lwakwe mu mangwalo, tatujisi lusyomo pele tulaa bupaizi bwa lweeno."
"Aabo besu balijana kabasolwedwa kukusyoma buleza bwakwe, ikuti katulubide, tweelede kuzumina kuti twacita cinyonyoono ca kukomba mituni -katuyeeyela kuti ngu Leza uumbi kunze lya Nguwe. Eeci ncintu citatambuliki mu nkuta ya Leza, nkaambo Walo wakaamba abusena bumwi kuti, Yebo toyelede kubaa baleza bambi kunembo lyangu, alimwi akubusena kumwi kuti, Ime ndime Leza wa bufwi."
Kamwi kaambo kapati kaleta kupyopyongana kumakani aa Yahushua nkakuti walo ulakombwa, alimwi bantu balibonya kuyeeyela kuti eeco cimupa kuti abe Leza.
Eelyo bantu nobakomba Yahushua, bamukomba kali Mwanaa Yahuwah kutali Leza.
Mateyo 14:33- Mpoonya balo (baapositolo) aabo bakali mu bwato bakaboola akuzyoo KUMUKOMBA, kabaamba kuti, masimpe ncobeni webo uli MWANAA LEZA.
Yahushua taakalizumizya lwakwe kukombwa mbuli Leza. Eelyo bantu nibakali kukomba Yahushua, bakali kumukomba mbwali Mwanaa Yahuwah kutali mbuli Yahuwah.
|
Mbuli mbwali “Mwanaa Leza” caambilizya kuti Yahushua tali “Leza.”
Yahushua takonzyi kuba Leza a mwanaa Leza aciindi comwe, nkaambo Yahushua tali bantu bobile muli omwe pe.
Bakomba baleza botatwe bayiisya kuti Yahushua weelede kuba Leza nkaambo bantu bakali kukomba nguwe.
Nzyobaamba Basyoma Baleza botatwe
"Nkaambo ka masimpe aakuti Yahushua Messiah wakali kuzumina kukombwa, oobo mbumboni butakazyigwi kuti walo ngu Leza Singuzuzyoonse."
Bangele bakakomba Yahushua mbuli Mwanaa Leza kutali mbuli Leza:
BaHebulayo 1:5-6- Nkaambo ino ndilili Yahuwah naakaambide kuli umwi wabangelo kuti, “Nduwe mwanaangu, sunu ndakuzyala?” Alimwi Yahuwah taakaamba zyamungelo umwi kuti, “Mebo ndiyooba wisi, awalo (Yahushua) uyooba MWANAANGU. Pele naakatumya Mwanaakwe munyika, Yahuwah wakati, “Bangelo ba Yahuwah boonse baleelede kumukomba.”
Mateyo 2:11 Nibakanjila (banalumi basongo) muĊanda bakabona mwana a Maliya banyina, mpawo bakafugama akumukomba. Mpoonya bakajula ziyobwedo zyabo, bapa zipego zyangolida, atununkilizyo twakuumpilila atwakunana....
Ibakomba baleza botatwe bataminina kuti mateyo 2:11 uyiisya kuti Yahushua wakali kukombwa aanga ngu Leza, pele Mateyo 2:11 kunyina cintu ncayiisya cili boobo pe.
Nzyobaamba Basyoma Baleza botatwe
"Banalumi basongo bakakomba mwana muvwanda Yahushua abee ngu Leza"
"Eelyo banalumi basongo nibakakomba Yahushua bakali kutupa kale citondezyo cakuti Yahushua uleelede kukombwa-nkaambo walo ngu Leza mumubili wabuntu."
Mpali aawo muli Mateyo 2:11 aatondezyedwe kuti Yahushua wakali kukombwa aanga ngu Leza? Kampango kaamba kuti banalumi basongo bakamukomba Yahushua, pele kampango aako takaambi kuti Yahushua wakali kukombwa aanga ngu Yahuwah.
Aabo Bakomba baleza botatwe beezyeezya kuti banalumi basongo bakakomba Yahushua mbuli Leza, Pele kweezyeezya kwabo kuli lubide.
Banalumi basongo bakayandaula kuti bakombe MESSIAH kutali kuti bakombe Leza.
Bala muli Mateyo 2:1-4 mpoonya yebo ulabona kuti balombwana basongo bakaboola ku Jelusalema kuzyookomba MESSIAH.
Mateyo 2:1-4- Lino Yahushua naakazyalwa mumunzi wa Betelehemu mu Judiya mwami Helodi nguwakali kulela. Kuzwa waawo baalumi basongo bazwa kujwe bakasika ku Jelusalemu. Nibakasika bakabuzya kuti, “Uli kuli ooyo wakazyalwa Mwami wa Bajuda?” Nkaambo twabona nyenyezi yakwe kujwe, nkaako twaboolela kumukomba. Ciindi mwami Helodi naakamvwa ceeci, wakapenga kapati abamu Jelusalemu boonse. Mpoonya wakabunganya bapaizi basilutwe boonse abamayi ba Mulawo, wakababuzya-buzya ooko nkwaakeelede kuzyalilwa MUNANIKE wa Yahuwah.
Kukomba Yahushua mbuli Messiah tacili cintu cikonzyene aa kukomba Yahushua kubee ngu Yahuwah.
"Messiah" tacaambilizyi kuti ngu "Leza"
"Messiah" ciiminina "yooyo uunanikidwe" ookwa Yahuwah.
Yahushua ngo MESSIAH ookwa Yahuwah.
Luuka 9:20- ino nywebo mwaamba kuti Ime ndime? Petulo wakaingula kuti, nduwe MESSIAH OOKWA YAHUWAH.
Mateyo 16:20- Mpawo (Yahushua) wakalailisya basikwiiya bakwe kuti bataambili naba muntu omwe kuti Yahushua ngo MESSIAH.
Maako 14:61-62- Mwati ndonduwe MESSIAH, mwanaa uulelekedwe? Mpawo Yahushua wakati, Ndime:....
Aabo Bakomba baleza botatwe bataminina kuti Yahushua weelede kuba Yahuwah nkaambo walo wakazumizya bantu kukomba nguwe.
Nzyobaamba Basyoma Baleza botatwe
"Walo wakazumizya bantu kukomba nguwe, pele Yahuwah alikke nguuyelede kukombwa."
"Kristu taakakaka kukombwa kuzwa ku bantu, nkaambo walo wakali Yahuwah."
"Yahushua wakazumizya bantu kukomba nguwe, eeco ncintu cakusampauzya kuti walo naatakali Yahuwah."
Cilubide: Yahushua taakalizumizya kukombwa aanga ngu Leza.
Eelyo bantu nibakakomba Yahushua, bakamukomba aanga Mwanaa Yahuwah kutali kuti wakali Yahuwah.
Mateyo 14:33- Mbube balo (baapositolo) aabo bakali mu bwato baleza akuzyookomba nguwe, kabaamba kuti, masimpe ncobeni webo ndonduwe MWANAA YAHUWAH.
Johane 9:35-38- Hena ulasyoma mu MWANAA YAHUWAH? Walo wakaingula kaamba kuti, nguni ooyo, Mwami, kutegwa Ime ndisyome muli nguwe? Mpoonya Yahushua wakati kuli nguwe, webo wamubona, alimwi ngonguwe uubandika aanduwe. Mpoonya wakati, Mwami, ndasyoma. Mpoonya walo wakakomba nguwe.
Ikuti Yahushua naakali Leza nkaambo kakuti wakakombwa, nkokuti Mwami Davida a Daniele Mushinshimi abalo beelede kubaa bulemu bwakujulu nkaambo abalo bakakombwa.
Imbungano yakakotama akukomba Mwami a Mwami Davida:
1Makani 29:20- Kuzwa waawo wakalailila mbungano yoonse kuti, “Amulumbaizye Mwami Yahuwah wanu.” Aboobo boonse bakalumbaizya Mwami Yahuwah wabasikale babo, bakavwuntama mukulemeka Mwami Yahuwah A MWAMI (Davida).
Araunah wakakotama ansi akukomba Mwami Davida:
2 Samuele 24:20- Nkabela Alauna naakabona mwami ababelesi bakwe kabaza buza kulinguwe, Alauna wakaya WAKOTAMINA MWAMI mukumulemeka kalanzyide busyu ansi.
Batisheba wakakotama ansi akukomba Mwami Davida:
1Bami 1:16- Batisyeba wakavwuntama kumbele lya Davida, mwami wakamubuzya kuti, “Ino mbuti?”
Natani mushinshimi wakavwuntama akukomba mwami.
1Bami 1:23- Natani wakasika, lino mwami wakaambilwa kuti Natani mushinshimi wasika. Eelyo Natani wakanjila akukotamina kunembo lya mwami akuvwuntama busyu ansi.
Nebukadinezala wakakomba Daniele mushinshimi:
Daniele 2:46- Mpoonya Mwami Nebukadinezala wakavwuntama abusyu bwakwe, AKUKOMBA DANIELE,...
Yahushua tali Yahuwah nkaambo wakali kukombwa, mbweenya mbuli Mwami Davida mbwatali Yahuwah nkaambo wakali kukombwa, alimwi, Daniele tali YAHUWAH nkaambo biyo kakuti wakali kukombwa.
Davida wakakombwa mbuli Mwami kutali mbuli Yahuwah.
Daniele wakakombwa mbuli mushinshimi ookwa Yahuwah mupati kutali mbuli Yahuwah Lwakwe.
Yahushua wakakombwa mbuli Mwana ookwa Yahuwah alimwi kutali mbuli Yahuwah.
Baleza botatwe Basampaula Zina lya Leza.
Levitiko 19:12- Utakonki cintu muzina lyangu ncotakonzyi kucita, nokuba kusampauzya zina lya Yahuwah wako: nkaambo ndime MWAMI.
Ezekiya 36:23- Njootondezya kusalala kwazina lyangu pati, eelyo lyakasofwaazigwa akati kabamasi, zina eelyo ndimwakasofwaazya akati kabo. Ndendilyo bamasi nobayooziba kuti ndendime Mwami Leza, mbwaamba Mwami Leza, ndaakulitondezya kuti ndasalala kwiindila mulindinywe kabalibwenene.
Izaya 48:11- Akaambo kabulemu bwangu, bulemu bwangu bulikke ncindacitila ceeci. Ino inga ndalilekelela buti nkesampaulwa zina lyangu? Nsiyandi kupa bulemu bwangu kuli uumbi.
Mutwe wa baleza botatwe uusampauzya zina lya Yahuwah Taata mukumudyakaizya kuti abe cibeela buyo ca Leza.
Aabo Bakomba baleza botatwe bayiisya kuti Taata teesyi Leza alikke, pele kuti Taata ncibeela buyo cimwi ca Leza.
Bakomba baleza botatwe
"Leza Taata, muntu mutaanzi mu mutwe wa Buleza"
"Swebo twasyomezya kuti Taata ngo mutaanzi mu mutwe wa Buleza"
"Taata" ndi zina lya cuuno ca muntu mutaanzi mu mutwe wa Buleza"
"Taata tali buyo Leza alikke"
"taciluleme kwaamba kuti, "Leza alikke ngo Taata,"
"Leza tali buyo muntu omwe, pele Walo mbantu botatwe"
KULUBILA: Taata tali buyo "cipaanzi" ca Yahuwah, pele ngu Yahuwah mubuzwide...
Alimwi tacilubide kwaamba kuti “Yahuwah ngo Taata alikke.”......mangwalo ayiisya kuti Taata ngu Leza OMWE
1Bakolinto 8:6- pele kuli ndiswe kuli buyo Leza OMWE, ooyo ngu Taata,...
BaEfeso 4:6- OMWE Leza a Wisi wa boonse, uuli atalaa zyoonse,..
1Timoteo 2:5- Nkaambo kuli biyo LEZA OMWE (Taata), a simwiima-akataa Leza a bantu, mwaalumi Messiah Yahushua.
Malaki 2:10- Saa toonse tatujisi TAATA OMWE na? Hena tali LEZA OMWE wakatulenga na?....
Muzeezo wa Mutwe wa Buleza unyanga Taata bulemu boonse bwa kukombwa mbuli Leza alikke.
Izaya 48:1- Amuswiilile makani aaya nywebo nolunyungu lwa Jakobo, nywebo nomwiitwa zina lya Isilayeli, nobaciinga ca Juda, nywebo nomubelesya zina lya Mwami Yahuwah mukukonkezya kwanu nomulibanda muzina lya Leza wa Isilayeli, pele kutali mubwini nimuba mubululami.
Mutwe wa Baleza botatwe muli omwe unyanga Taata bulemu bwa kukombwa mbuli Leza alikke luzutu. Kukomba Taata kubee muntu mutaanzi mu mutwe wa baleza botatwe takuli kukomba Taata camasimpe. Taata alikke ngo Leza, alimwi kukomba Taata kwamasimpe nkumukomba ku Walo alikke ngo Leza luzutu.
|
Izaya 42:8- Ndime Mwami Yahuwah, eeli ndezina lyangu! Akaambo kabulemu bwangu, bulemu bwangu bulikke ncindacitila ceeci. Ino inga ndalilekelela buti nkesampaulwa? NSIYANDI KUPA BULEMU BWANGU KULI UUMBI,...
Kukomba Taata mbuli muntu mutaanzi mu mutwe wa baleza takuli kukomba Taata mu kasimpe.
Swebo tukomba Taata munzila yabweelenzi ikuti katumukomba abee ncipaanzi buyo ca Leza.
Taata alikke ngo Leza, alimwi kukomba Taata kwa masimpe nkumukomba aanga ngu Leza alikke.
Inzila ya kasimpe.
2 Petulo. 2:2- Banji bayooccilila busofwaazi bwabo, alimwi akaambo kabo bantu banji-banji bayoosampaula nzila ya kasimpe.
Intembauzyo 119:30- Ndakasala kutobela nzila zyabwini, ndabamba milawo yako.
Luyando lwa Kasimpe
Tusimpi. 23:23- Koula kasimpe, pele utakauzyi; jana busongo, kuteelela malailile,akumvwisyisya zintu.
1 Johane 2:21- bubeji tabuzwi mu masimpe.
2 Bakolinto. 13:8- Nkaambo swebo tatukonzyi kucita cintu citeendelani azyabwini, tuleelede kucita zyabwini.
Johane 8:32- kasimpe kayoo mwaangulula.
Kupaila kwa Bubeji
Aabo Bakomba baleza botatwe bayiisya kuti iswe tupailila Leza wakubeja kuti katukaka mutwe wa baleza botatwe akukomba Taata kuti ngo Leza luzutu.
Taata Leza mwini alikke ngu Leza wakubeja kuli baabo Bakomba baleza botatwe.
Nzyobaamba Bakomba baleza botatwe
"ikuti twakaka mutwe wa Baleza botatwe, tulaa mulandu wa kukomba Leza wakubeja"
"Kuli buyo Leza wamasimpe omwe, Baleza botatwe muli omwe. Walo ngu Leza omwe mu bantu botatwe, Taata, Mwana, a Muya Uusalala. Kufumbwa uutakombi Leza ooyu ukomba Leza wakubeja."
"Lusyomo lwa Baleza botatwe lulayandika cinicini ku Bunakristu—kakwiina lusyomo oolo, yebo inga walijana ukomba Leza wakubeja."
"Kufumbwa muntu uukaka kukomba Baleza botatwe takombi Leza wamu Bbaibbele nokuba kuti wataminina cili buti."
Kulubila: Swebo tatukombi Leza wakubeja ikuti katukomba Taata kuti ngo Leza alikke luzutu.
Taata ngo Leza alikke wa Bunakristu kweendelanya bwaamba Yahushua.
Johane 17:3- Alimwi oobu mbobuumi buteeli kuti bazyibe ndiwe (Taata) O Leza wamasimpe OLIKKE…
Ikuti kakuli kukomba mituni nkukomba mutwe wa Baleza botatwe, ino nkaambo nzi Yahushua ncaakayiisya kuti tweelede kukomba buyo Taata alikke mu kasimpe kutegwa tube bantu bakomba ca masimpe?
Ncobeni Yahushua taakaamba kuti tweelede kukomba Leza uuli mu bantu botatwe mu kasimpe kutegwa tube bantu bakomba ca masimpe, pele Yahushua wakati iswe tweelede kukomba Taata alikke mu kasimpe kutegwa tube bantu bakomba ca masimpe.
Johane 4:22-24- Nywebo mukomba ncomutazi, pele swebo tukomba ncotuzi nkaambo lufutuko luzwa ku Bajuda. Pele ciindi cilasika, kwalo casika kale, aawo aabo bakomba cakasimpe bayookomba Taata mumuuya amubwini. Mbambabaabo Taata mbayanda, kuti kabamukomba. Leza Muuya, aboobo aabo bamukomba baleelede kumukomba (Taata) mumuuya amubwini.”
Ooku kuyuminina kukaka Taata mbokubede kuyiisya mulandu wakukomba mituni ikuti katutakombi Taata mbuli Leza alikke luzutu.
Aabo Bakomba baleza botatwe balipindukide......takuli kukomba mituni ikuti twakaka mutwe wa baleza botatwe, pele nkukomba mituni ikuti twazumina mutwe wa baleza botatwe.
Ooku nkuyuminina kukaka ncaayiisya mangwalo kwaamba kuti tukomba Leza wakubeja ikuti katukomba Taata kuti ngo Leza alikke.
Mutwe wa Baleza botatwe ngu Leza wa kupunga... Leza wa kubeja
Swebo tatweelede kubikka baleza bambi kunembo lya Taata, ooyo Walo ngo Leza alikke luzutu.
Swebo tweelede kusongwaala kapati kulangisya yooyo ngotuzumizya kutuyiisya lusyomo, nkaambo kuti twazumizya mwiyi wakubeja kuti atusolwede, nkokuti walo inga watusweesya kuzwa ku kasimpe kuya ku lusyomo lwakubeja akukomba mituni.
Yahushua wakatwaambila kuti tubacenjelele bamayi bakubeja.
Mateyo 7:15-20-“Amucenjele abasinsimi babeji. Aabo baboola kulindinywe kababombede mbuli mbelele anukuti mukati mbaaumpe babutambo. Muyoobaziba mumicelo yamilimo yabo. Sena nsaansa zilacelwa kuzwa kumuunga naa nkuyu kuzwa kumutubetube? Musamu mubotu tuukonzyi kuzyala micelo mibi, awalo musamu mubi uzyala micelo mibi. Musamu mubotu tuukonzyi kuzyala micelo mibi, awalo musamu mubi tuukonzyi kuzyala micelo mibotu. Musamu uuli woonse uutabi aamicelo mibotu ulatemwa akuwaalwa mumulilo. Nkaako muyoobaziba muli nzyobacita (bamayi babeji)
Bamayi babeji bakambauka mulumbe wakubeja.
BaLoma 16:17-18- Lino ndamukumbila, nobakwesu, amubacenjelele aabo BAANDAANYA beenzinyina akubacitya kuti babisye. Mukucita boobo balasiya njiisyo nzimwakaiya. MUBATANTAMUKE, nkaambo bantu bali boobo tababelekeli Mwami Yahushua Messiah wesu pe. Babelekela buyo nzobayanda kuti zibakkutye. Amajwi mabotu aabumpelenge balacenga batasimide mulusyomo.
Nkobali bamayi babeji banjaanji munyika bayiisya lusyomo lwa kupangilila akweena bantu
1 Johane 4:1-Nobayandwa, mutali kusyomi kufumbwa muntu waamba kuti ulijisi Muuya Uusalala. Pele mumusole muntu ooyo kuti mubone kuti naa muuya ngwajisi nguwa Leza ncobeni. Nkaambo basinsimi babeji balimwaikide koonse-koonse.
Luuka 21:8-Nkabela Yahushua wakabaambila kuti, “Amucenjele kuti mutacengwi. Nkaambo bantu banji bayooboola muzina lyangu kabati, ‘Ndendime nguwe!’ akuti ‘Ciindi casika!’ Mutakabatobeli pe.
2 Bakolinto 2:17-Tatuli mbuli banji baulisya Majwi aa Yahuwah: Pele mukuti tuli muli Messiah, tulakambauka zyabwini. Twakatumwa a Yahuwah kuti mukuyanda kwakwe tukaambe Mulumbe wa Messiah.
2 Bakolinto 4:1-2-Lino Yahuwah muluse lwakwe wakatupa mulimo ooyu, ncencico eeco ncotutalengaani pe. Twakasowa zyoonse zyakusisikizya zijazya nsoni. Tatucengi naa kusandula Majwi aa Yahuwah, pele Yahuwah ulizi kuti tulaamba zyabwini. Aboobo tulayanda kuti bantu boonse batuzuminine mumyoyo yabo kunembo lya Yahuwah.
Cakafwiinsyigwa kuzwa ku http://bibleteachings.atspace.com/thetrinityisidolatry.html.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
