Print

Kwiimpana Akataa Yahuwah a Yahushua

Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa.

KWIIMPANA AKATAA YAHUWAH A YAHUSHUA

YAHUWAH tafwi — Yahushua, Mwanaa Yahuwah, wakafwa

1 Timoteo 1:17 Ku Mwami wa misela, uutafwi, uutalibonyi, Elohimu alikke, akube kulemekezya abulemu lyoonse alyoonse kukabe kutamani.

1 Bakolinto 15:3 Messiah wakafwida zibi zyesu kweendelanya a Mangwalo.

BaLoma 5:10

Twakayanzanyigwa Yahuwah kwiinda mu lufu lwa Mwanaakwe.

Yahuwah ulijisi kale zyoonse — Yahushua uyaamina kuli YAHUWAH

Milimo 2:36 Aboobo yoonse ŋanda ya Isilayeil izyibile limwi kuti Yahuwah wakamubamba kuba Simalelo a Messiah, ooyu Yahushua ngumwaa kankamina.

Milimo 5:31 Yahuwah wakamusumpula kujanza lyalulyo lyakwe kuti abe Musololi a Mufutuli kutegwa bana Isilayeli bapegwe kweempwa akulekelelwa zinyonyoono.

Milimo 2:33

Mbwaakasumpwidwa kujanza lyalulyo lya Yahuwah, alimwi mbwaakatambula kuli-Wisi cisyomezyo ca-Muuya Uusalala, watila eci ncomubona ancomwamvwa.

Johane 17:2

Mbubonya mbookamupa bwami kubantu boonse, kupa buumi butamani kulibaabo boonse mbookamupa.

Johane 5:27

Alimwi wakamupa bwami bwakubeteka, nkaambo ngonguwe Mwanaa Muntu.

BaLoma 2:16

Mubuzuba oobo Yahuwah nayoobeteka maseseke aabantu kwiinda muli Yahushua Mesiya kweendelanya a mulumbe wangu.

2 Bakolinto 13:4

Nkaambo nokuba kuti waakankaminwa kwiinda mukubula nguzu, pele ucipona kwiinda munguzu zya Yahuwah. Nkaambo aswebo tatukwe nguzu muli nguwe, pele tuyoopona anguwe kwiinda munguzu zya Yahuwah kuli ndinywe.

Johane 5:22

Nkaambo Taata tabeteki muntu, pele wakalekela mulimo wakubeteka mumaanza aa Mwana.

Yahuwah tamani — Yahushua wakazyalwa (= wakaletwa mu buumi)

BaGalatiya 4:4

Pele nicaasika ciindi, Yahuwah wakatuma Mwanaakwe, wakabambwa kuzwa kumukaintu, wakabambwa mumulawo.

Mateyo 1:1

Ibbuku lya mazyalane aa Yahushua Mesiya, mwanaa Davida, mwanaa, Abulahamu.

Luuka 1:31

Alimwi, langa, webo uyoomita mwida lyako, mbube uyoozyala mwana musankwa, alimwi uyoomwiita zina lyakwe kuti ngu Yahushua.

Luuka 1:32

Uyoobaa bulemu, alimwi uyokwiitwa kuti Mwanaa Simajulu: alimwi Mwami Yahuwah uyoopa nguwe cuuno cabulelo ca wisi Davida.

Milimo 17:31 Nkaambo wakasala buzuba, oomo walo nayoobeteka nyika mubulemu kwiinda mu mwaalumi ooyo ngwaakasala; aboobo wakamusyomya kubantu boonse, eelyo naakamubusya kuzwa kubafu.

1 Johane 5:1

Kufumbwa uusyoma kuti Yahushua ngu Mesiya uzyedwe aa Yahuwah: alimwi kufumbwa uumuyanda ooyo wakamuzyala ulamuyanda ayooyo wakazyalwa kuli nguwe.

YAHUWAH talibonyi — Yahushua ulalibonya

Johane 1:18

Kunyina muntu waamubona kale Yahuwah nokuba aciindi cili buti; Pele buyo Mwana Simuzyalwaalikke, ooyo uuli mu camba ca Taata, nguwakamwaambilizya.

1 Timoteo 1:17

Lino ku Mwami uuteeli, uutafwi, uutalibonyi, Yahuwah alikke uulaa busongo, akube kulemekezya abulemu lyoonse alyoonse.

Johane 17:3

Alimwi oobu mbobuumi butamani, kuti bakuzyibe webo O Yahuwah wakasimpe olikke, a Yahushua Mesiya, ooyo ngookatuma.

YAHUWAH ulisetekene — Yahushua wakaba cibi mucibaka cesu

1 Petulo 1:15-16

Pele mbokuli ooyo wakamwiita ulisetekene, anywebo mbweenya mweelede kusetekana mumibandi yenu iili yoonse. Nkaambo kulembedwe kuti, “Amusetekane; nkaambo Ime ndisetekene.”

BaLevi 11:44

Nkaambo Ime Ndime Mwami Yahuwah wenu: aboobo inywe mweelede kubaa bulemu, alimwi mweelede kusetekana; nkaambo Ime ndisetekene: mutalisofwaazi acintu cikalaba ansi nociba buti pe.

2 Bakolinto 5:21

Nkaambo wakamubamba kuti abe cibi cesu, ooyo watakazyi cibi; kutegwa swebo tukonzye kuba bululami bwa Yahuwah kwiinda muli nguwe.

Yahuwah ulizyi zyoonse — Yahushua pe

Jobu 21:22

Hena kuli uunga wayiisya Yahuwah luzyibo na? Mbwaanga nguubeteka baabo bapatipati.

Intembauzyo 147:4

Walo uliizyi myeelwe ya nyenyezi; ulazyiita zyoonse amazina aazyo.

Milimo 1:7

Nkabela wakati kuli mbabo, “tuuli mulimo wenu kuzyiba ziindi nokuba ziindi zyamwaka, eezyo Taata nzyabikkide mu nguzu zyakwe mwini.”

Maako 13:32 “Pele oobo buzuba awoola eelyo kunyina muntu uubuzyi, pe, kutali bangele bali kujulu, nanka Mwana, pele Taata alikke.”

Maako 5:31

Mpawo basikwiiya bakwe bakati kuli nguwe, “Ulaabwene makunga aabantu mbobakubumbide, Inga wabuzya buti kuti, nguni wandiguma?’” (Yahushua taakazyi kuti nguni wakamuguma, Luuka 8:45)

Luuka 2:40

Alimwi mwana wakakomena, wakakula mumoza, wakazula kubaa busongo: alimwi luzyalo lwa Yahuwah lwakali ali nguwe.

Luke 2:52

Nkabela Yahushua wakayungizya kubaa busongo aciimo, alimwi akuyandwa aa Yahuwah abantu.

Yahushua muntu — YAHUWAH tali muntu

Myeelwe 23:19

Yahuwah tali muntu, uunga wabeja; alimwi tali mwanaa muntu, ncanga weempwa: hena kuli ncaakaamba, ncataciti? Naa kuli ncaakaambilizya, mpoonya tacicitiki?

Jakobo 1:17

Kufumbwa cipego cibotu acipego cilondodwe cizyila kujulu, alimwi ciboola ansi kuzwa kuli Taata wamimuni, ooyo uutapindauki, nokuba cimvwule ca kudonaika.

Luuka 4:4

Mpoonya Yahushua wakamwiingula kuti, “Kuli lembedwe kuti, Muntu takonzyi kupona acinkwa calo, pele kwiinda mujwi lili lyoonse lizwa kuli Yahuwah.’”

Milimo 2:22 “Inywe nobantu ba Isilayeli, amuteelele majwi aaya; Yahushua waku Nazaleta, uulya mwaalumi Yahuwah ngwaakazumizya akataa ndinywe kwiinda mumaleele azinyandya azitondezyo, eezyo Yahuwah nzyaakacita kwiinda muli nguwe akataa ndinywe, mbuli mbomuzyi kale anywebo lwenu:”

Luuka 4:18 “Muya wa Mwami ulaali ndime, nkaambo wakandinanika 'me kuti ndikambauke mulumbe ku bacete, wakandituma kuzyooponya batyompedwe mumyoyo, kukambauka lwaanguluko kuli baangidwe, akubonya boofweede, akwaangulula baabo baliciside.”

Luuka 10:38

Lino cakacitika kuti, nibakali kuyaa bweenda, wakanjila mumunzi umwi: umwi mukaintu wa zina lya Martha wakamutambula mu ŋanda yakwe.

Mateyo 12:18 “Amulange mulanda wangu, ooyo ngweekasala: muyandwa wangu, ooyo moyo wangu ngwakkomanina: Ime ndiyoobikka muya wangu ali nguwe, alimwi walo uyoolulamika Bantu Bamasi.”

1 Timoteo 2:5

Nkaambo kuli Yahuwah omwe, amwiiminizi omwe akataa Yahuwah abantu, mwaalumi Yahushua Messiah.

Yahushua ulapaila kuli YAHUWAH wisi wakwe

Mateyo 27:46

Munsaa woola lya fuka, Yahushua wakoongolola ajwi pati, kaamba kuti, “Leza wangu, Leza wangu, wandisiila nzi?”

Mateyo 6:9 “Mboobu mbomweelede kupaila: Taata wesu ooli kujulu.

Maako 12:29 Yahushua wakaingula kuti, “Citaanzi ncakuti, ‘Koteelela, O Isilayeli: Yahuwah Leza wesu Mwami omwe.”

YAHUWAH takonzyi kutempaulwa — Yahushua wakatempaulwa

Jakobo 1:13

Muntu ataambi kuti naasunkwa, ndasunkwa kuli Yahuwah: nkaambo Yahuwah takonzyi kusunkwa aacinyonyoono, alimwi tasunki muntu pe.

Luuka 4:1-2

Lino Yahushua kazwide Muya Uusalala wakazyokela kuzwa kumulonga wa Jodani, Mbube wakasolwedwa a Muuya kuya munkanda. Kakwiindide mazuba aali makumi one katempaulwa adyabulosi. Alimwi mumazuba aayo taakalya nokaba kantu: mpoonya naakamana mazubaayo, wakamvwa nzala.

YAHUWAH ngu Singuzuzyoonse — Yahushua Mwanaa YAHUWAH, mulanda, wakatumwa, wakasalwa, wakananikwa, wakazumizyigwa, mushinshimi, mupaizi, amwami acuuno ca Davida

Johane 20:21

Mpoonya Yahushua wakati kuli mbabo, “Luumuno lube ali ndinywe: mbubwenya Taata mbwaakandituma, ambeyo lino ndamutuma.”

1 Bakolinto 15:20-28

Pele lino Messiah wakabuka kuzwa kubafu, akuba micelo mitaanzi kuli baabo bakoona. Nkaambo mbweenya lufu mbulwakaboolela mumuntu, kwiinda mumuntu akwalo kubuka kuzwa kubafu kwakaboola. Nkaambo mbweenya muli Adamu boonse mbobafwa, amwalo muli Messiah boonse bayoobuka. Pele muntu woonse aciindi cimweelede: Messiah ngo micelo mitaanzi; mpoonya kutobela baabo ba Messiah aciindi cakuboola kwakwe. Mpoonya mamanino ayoosika, eelyo nazyootambika bulelo kuli Yahuwah, Taata mwini; eelyo nanoolesyede nguzu zya mfulumende zyoonse kulela. Nkaambo walo weelede kulela, kusikila akoozyeke basinkondonyina boonse kunsaa maulu aakwe. Sinkondonyina wamacaalizyo uyoonyonyoonwa ndufu. Nkaambo uzyoolyatila zintu zyoonse kunsaa maulu aakwe. Pele eelyo baamba kuti eezi zintu zyoonse zyakabikkwa kunsaa maulu aakwe, eeco citondezya kuti mbwalangilwa, ooyo wakabikka zintu zyoonse kunsaa nguwe. Alimwi eelyo zintu zyoonse zyaakoozyekwa kuli nguwe, mbube Mwana alakwe uyoolibatamika kuli nguwe, kutegwa Yahuwah akamaninine kuba muli zyoonse.

YAHUWAH takwe Elohimu — Yahushua ulaa Elohimu

2 Bakolinto 11:31

Yahuwah a Wisi wa Yahushua Messiah Simalelo wesu, uulelekedwe kukabe kutamani, ulizyi kuti Ime nsyeebeja.

BaEfeso 1:3

Aalelekwe Yahuwah a Wisi wa Simalelo wesu Yahushua Messiah, ooyo wakatuleleka azilekeko zya moza mumasena aa kujulu kwiinda muli Messiah.

BaEfeso 4:6

Yahuwah omwe Wisi waboonse, ulaatala lya boonse, kwiinda muli zyoonse, amuli ndinywe nyoonse.

1 Petulo 1:3

Alelekwe Yahuwah Taata wa Simalelo wesu Yahushua Messiah, ooyo kweendelanya aluzyalo lwakwe wakatuzyalulula alimwi mubulangizi bukasaala kwiinda mukubuka kwa Yahushua Messiah kuzwa kubafu.

Johane 20:17

Yahushua wakati kuli nguwe, Utandigumi: nkaambo nsyeninga tanta kuya kujulu kuli Taata wangu: pele koya ku basazima, ukabaambile kuti, Ime ndatanta kuya kuli Taata, a Taata wenu, Yahuwah wangu a Yahuwah wenu.’”
 


Eeci cibalo citali ca-WLC cakalembwa aaba Nelvan Evans.