|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Atalaa kukazya Bbaibbele, kupona kotaninga zyalwa tuuli muzeezo wa maanu. Atulangelange mibuzyo eeyi:
1) Mpaaciindi cili mumyaka yabufundisi bwa Yahushua anyika naakaibaluka kuti wakali kupona kataninga zyalwa?
2) Muunzila nzi Yahushua mbwaakali kunga wakosozya buumi mbwaakali kupona kataninga zyalwa kumwi kayelene bubambe bwa mubili mbuli Wisi, oobo mbwaakapedwe mbuli cikwelete kwa kaindi kasyoonto biyo?
3) Hena eelyo Yahushua naakazyiba muzeezo wakuyoo gagailwa aciciingano ngwaakali kutingaana, wakali muzeezo ngwaakazyi kale kacili muciimo ncaakabede kataninga zyalwa na?
4) Ncilongwe nzi cakali kunga caba akataa Taata a Mwanaakwe uutaninga zyedwe kabakonzyene ciimo cabubambe amalengelo kaatana lengwa?
5) Hena “muzeezo” wakuti Mwana uupona katana zyalwa “alisamunune” buleza, wakali muzeezo wini wakakanzigwa kucitwa kakuli bakalikonzyene kale a Taata mu ciimo abubambe bwa kupona lyoonse alyoonse?
6) Mbubuti naa cilakonzyeka kuti Mwana naakalisamununa ciimo abubambe bwakwe boonse bumupa kupona (mubili wabuntu). Ninzi cakali kunga cacaala aawo?
7) Mbwaanga Yahushua wakabusyigwa kali muciimo ca mubili wabuntu kuzwa kubafu, ino ciimo ca mubili ncaakajisi kataninga zyalwa cakaya kuli? Cakajokela kuli Taata na?
8) Akanzumina kenikeni munsi lya waawo Taata naakabumba Yahushua mwida lyokwa Maliya kwiinda munguzu zya Muya Uusalala, ino ciimo cakwe kataninga zyalwa cakali kucita nzi? Hena cakali cintu ciyandika akusandula ciimo eeco na?
9) Hena Yahushua naakabusyigwa kuzwa kubafu wakalilauka kwa mazuba aakubwene kulilila mazuba ngaakali kupona kacili Mwana uutaninga zyalwa na? Hena ucilaa mizeezo njaciibaluka ya mazuba aayo na? Mbuti mbocinga caba eeco?
Eeci cibalo citali ca-WLC cakalembwa aaba Robert Recchia
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC