|
Eeci cibalo tacili ca WLC. Eelyo notubelesya zilembedwe aabalembi balaanze lya nkamu, tusimba buyo zyeezyo zyeendelana 100% a Bbaibbele a lusyomo lwesu cino ciindi munkamu ya WLC. Aboobo eezyo zibalo inga zyalanganyigwa kuti nzya nkamu ya WLC. Twakalelekwa kapati amulimo wabalanda ba Yahuwah banjaanji. Pele tatukulwaizyi ndinywe nobeenzuma kutalika kubala zyaalembwa abantu aabo. Eezyo nzibaalemba, twakazigwisya mumalembe eesu nkaambo kanjaanji zililubide akubaa tumpenda. Cintu cuusisya ncakuti tucilangaula mbungano yamilimo iitakwe kampenda. Ikuti konyandidwe nkaambo ka [zibalo/milumbe] iitali ya WLC, kobikkila maanu ku Tusimpi 4:18. Kuteelela kwesu nkwakuti kasimpe Kakwe kalazyokoloka, eelyo mumuni nuuyaa kumwesya munzila yesu. Tulakayandisya kasimpe kwiinda buumi, nkanko tulavwuntauzya kufumbwa nkokakonzya kujanwa. |
Mufundisi wangu wakapandulula ncokuyandikila kukambauka akuyiisya makanaa Bulelo bwa Yahuwah. Walo wakaamba kuti, cilawusisya kuti, bunji bwa Zikombelo zya Bunakristu mazubaano ziyiisya kusyoma kuti banalumi boonse a bamakaintu boonse balaa muzimo uutafwi ooyo uululama kuulukila kujulu nokuba kwaanzukila mu mulilo uutamani aciindi ca kufwa. Aciindi eeco, basalali abasofweede bakalumbulwa kweendelanya mbubakali kukkala maumi aabo a Nyika. Eelyo neekacili kuyeeyela cintu eeci, mumizeezo yangu kwakabbutuka muzeezo wakuti umwi muntu inga wadadanyana kukazya kuti akataa lusyomo a ziiyo zya lweeno eezyo Cikombelo ca Bunakristu nzicaajuzya antangalala, kusyoma kuti muzimo tuufwi cinooli nce ciiyo ciinda zyoonse kusofwaazya mulimo wa Mulumbe mubotu wa Bulelo.
Lusyomo lwa muuya uutafwi lulisumpukide atalaa mulongo wa lusyomo lwiinda kupyopyongana lunayiisyidwe mu zikombelo. Kuli twaambo tuli fuka mebo ncepeda mulandu mupati ku ciiyo eeci (kutali kubikka twaambo mu mumundando wa cikkelo ca twaambo):
Kutaanguna, lusyomo lwakuti muzimo tuufwi lupa muntu icintu ncatajisi nokuba ncaatakajisi. Yahuwah wakati mubbuku lya Matalikilo 2:7 muntu ubambidwe aazintu zyobile — bulongo bwaansi amuya wa buumi. Kuswaanganya zintu zyobile eezyo, mbuli bwaambwa mu Matalikilo 2:7, muntu wakaba muzumi uupona. Bikkila maanu kapati aawa — kuti muntu muzumi, kuleka muntu ulaa muzimo. Kuzyokela musyule cilitondezyedwe mu Mukambausi 12:7, eelyo aciindi ca kufwa, bulongo bulabweeda ansi ooko nkubwaazyila alimwi muuya (ooyo uusanduludwe akuti “kuyoya”) ulabweeda kuli Yahuwah, ooyo waamupa muuya. Nokuba boobo, ninzi ncoluyiisya lusyomo lwa muuya uutafwi? Taluyiisyi kuti muntu muzumi mbuli busanduludwe mu Matalikilo 2:7 pe, pele kuti muntu ulaa cibeela citafwi mumubili wakwe eeco cipona kakwiina kufwa. Eeci cilangika aanga ceendela antoomwe aceeco Simwaaba ncaakaambila Eva mu Matalikilo 3:4 kuti: “Yebo tokafwi ncobeni.” Pele eeco taceendelani acili mu Matalikilo 2:7, nokuba cili mu Matalikilo 3:19, aayo alo nga mazwi eeni ookwa Yahuwah. Saa tusyome majwi aa Simwaaba (Dyabulosi, Ciyubunuzyo. 20:2), ooyo waamba kuti nywe tamukafwi ncobeni, naa majwi ookwa Yahuwah, ooyo waamba kuti yebo uli bulongo alimwi uyoofwa nkaambo ka cinyonyoono cako? Ikuti Eva (a Adamu; mu Matalikilo. 3:6 alo aamba kuti Adamu wakaliko aciindi aawo masunko naakacitika) nibakateelela Yahuwah kuleka Simwaaba, hena niyali kwiinda buti kubota nyika yesu?
Lusyomo lwa muzimo uutafwi luyiisya kuti kujulu (nokuba ku mulilo uutamani), kutali anyika, nkokuyooba makkalilo aa muntu. Ludyakaizya ncokuyandikila kapati kuyiisya kwa Bbaibbele kuti nyika iyoobambululwa alimwi akuti Yahuwah uyooba akati kesu.
|
Cabili, ooku kusyoma kudyakaizya kuboola kwa Bulelo bwa Yahuwah akukazya ncokuyandikila kubuka kuzwa kubafu, ooko Bbaibbele nkolizumenene kutwaambila kuti nga makanze aalangilwa a basyomi boonse (BaFilipo. 3:11). Lusyomo lwakuti muzimo tuufwi lugwisya kubikkila maanu ku julu lipya a nyika mpya (Ciyubunuzyo. 21:1). Kunze lya boobo, lukanzide kutozya mizeezo ku julu kubee nkokuli munzi wa banunudwe. Eeco ncintu ciimpene aceeco ncaamba Yahuwah mutumpango tunjaanji. Ngooyu mukonzyanyo, Yahuwah wakabamba nyika kuti kiikkalwa abantu (Matalikilo. 1:26-28). Yahuwah wakapa nyika kuti ibe lukono lwa bantu kakuli ijulu wakalibambila Nguwe (Intembauzyo. 115:16). Lusyomo lwa muuya uutafwi, nokuba boobo, luyiisya kuti ku julu (nokuba ku mulilo uutamani), kutali anyika, nkokuyooba makkalilo aa muntu. Oolu lusyomo lucesya bupati bwa kuyiisya kwa Bbaibbele kuti nyika iyoobambululwa alimwi akuti Yahuwah uyooba akati kesu akuba Yahuwah wesu (Ciyubunuzyo. 21:1, 3: bikkila maanu kuti swebo tatuunki nkwabede Yahuwah, pele kuti Yahuwah nguuyooboola kuli ndiswe). Alimwi lucesya bupati bwakuti Yahuwah uyookoma lufu kwiinda mu kubuka kuzwa kubafu. Nokuba kuti caba buti, nkaambo nzi mebo ncenga nkelipenzya nokuceya kuyeeyela kuti mubili wangu uyoobambululwa akupona kukabe kutamani anyika eelyo kuti mebo nkekkede kale kujulu munsimunsi lya mpabede Yahuwah? Alimwi ikuti Ime nkelibambide kuya ku mulilo uutamani, inga ndalipenzyezya nzi nokuba aaniini kunyoomenenwa julu lipya anyika mpya? Ncili cisyomyo cakuti basofweede bayootambula mubili mupya ooyo uukonzya kupona kukabe kutamani mu mulilo?
IBbaibbele lyaamba kuti aabo bakafwa “balalyookezya abamawisi”, aayo maambila mbali aambilizya lufu. Izaya 26:19 waamba kubuka kuzwa kubafu kumbelaa mazuba kuti: “inywe nomulede mubulongo bwaansi, amubuke akupozomoka kusekelela”. Daniele waamba cintu nceenya muli Daniele 12:2 kuti, “makunga aabaabo boona mu bulongo bwaanyika bayoobusyigwa.” Muntu umwi inga wabuzya kuti mbaani aabo bategwa “inywe nomukkala mu bulongo” alimwi mbabani aabo bategwa “makunga aabaabo boona mu bulongo bwaanyika” ikuti mizimo iitafwi kiili mizumi kale akupona kujulu!
|
Catatu, lucesya musemo wa Lusyomo lwesu ku bupaizi bwa BuJuuda kwiinda mukuyaamina ku busongo bwaci Giliki kuleka ku balembi ba Cizuminano Cakale. Yakali nzila yabu Giliki kuyiisya kuti muntu unoopona lyoonse kujulu akataa baleza nokuba kunsaa mulilo uutamani kasubulwa (inga kwaambwa akuti yakali nzila ya kubula luzyibo lwa leza kuyeeyela boobu eeyo yakasolweda Banakristu kuti batalike kusyoma muli baleza botatwe). Pele balembi ba Cizuminano Cakale tiibakalembede boobu. IBbaibbele lyaamba kuti aabo bakafwa “balalyookezya a bamawisi” (langa zilembedwe zya lufu lwa bami ba Isilayeli a Juda mu 1 a 2 Bami amubbuku lya Makani), aayo maambila mbali aambilizya lufu. Izaya waamba kubuka kuzwa kubafu kumbelaa mazuba kuti: “inywe nomulede mubulongo, amusinsimuke akupozomoka kusekelela” (Izaya. 26:19). Daniele waamba cintu nceenya muli Daniele 12:2, “makunga aabaabo boona mu bulongo bwaanyika bayoobuka.” Muntu umwi inga wabuzya kuti mbaani aabo bategwa “inywe nomulede mubulongo” alimwi mbaani baambwa kuti “makunga aabaabo boona mu bulongo bwaanyika” ikuti miya iitafwi kiili kale kujulu! Hena miya iitafwi iloona ayalo na? Yahushua, naakali kwaamba zya Lazalosi mulongwaakwe, wakati “Lazalosi uloona” (Johane 11:11), eeco ncaakasalazyila basikwiiya bakwe kuti: “Lazalosi ulifwide” (Johane 11:14). Stephen, mutaanzi kujailwa Mulumbe mubotu, wakoona eelyo naakafwa (Milimo 7:60). Alimwi, Ime ndaa mubuzyo kuti, nguni ooyo “walo” wakoona kuti kakuli muya wakwe uutafwi wakaunka kujulu aciindi eeco? Pele bunji bwa makani aaya, nokuba makani woonse, akatonkelwa kumbali eelyo nikwaasika mizeezo abusongo bwaci Giliki oobo bwakaletwa ku zikombelo akwaatula muzeezo wa BuJuuda. Muntu inga wayeeyela musela wa cikombelo ooyo wakali kweendelana a BamaJuuda mbuwakali kunga wapinduka kuti niwakazumanana kusyomeka ku Bbaibbele lya BaHebulayo, lya Cizuminano Cakale, eelyo lyakayiisya zya lufu kuleka ceeco ba Giliki ncibaayiisya.
Atweezye kuti, ikuti lusyomo lwa muzimo uutafwi kaluli masimpe, nkokuti Lazalosi naakabwentela Yahushua nkaambo wakamujosya anyika akumulesya kukomba munsaa Yahuwah akukkala munsi Lyakwe kuleka kududumunwa kujosyelwa anyika eeyi iizwide cinyonyoono, mapenzi amalwazi aanjiyo.
Cane, imuzeezo wakuti bantu balacacama kuyokwa akuumpililwa mu mulilo uuvwilima kuyaka kakwiina kuzima ncintu cipa kuti bantu bayaamuke Mulumbe mubotu alimwi baliluleme kutantamuka mulumbe ooyu aawa. Kamwi kaambo kapati basikunonga abaabo bakaka kuti nkwali leza (boonse bobile kabafubaazya, akunonga muntu mubombe moyo uuyandaula biyo masimpe) ncobasulaikila kuti Yahuwah ulapona nkakuti tabakonzyi kuzumizya muzeezo wakuti Yahuwah uulaa luyando boobu alubomba inga watonkela bantu kubusena ooko nkobaya kuyooyokwa mu mulilo, kutundululwa, kusubulwa kabalimvwide bulanga kukabe kutamani, kakwiina mamanino. Kuleka kuti Ime ndibasinse ncobayeeyela munzila eeyi, pele eeci taceendelani bwinibwini nokuba aasyoonto akuyiisya kuli mu Bbaibbele ooko kujatikizya nkobaya basofweede. Kubandauka biyo tumpango tongaye:
Ceelede kubikkilwa maanu kuti mulilo tuuli cintu ca kuyobozya pele ncintu ca kunyonyoozya. Hena kuli muntu uuninga waalide ka pepa mumulilo? Ikuti kakuli boobo, hena yebo ulakonzya kukayokolola aakale aako kapepa kuzwa mu mulilo akubala cilembedwe ali nkako na? Pe tacikonzyeki eeco, nkaambo tacisyi ncuucita mulilo. Mulilo ulanyonyoona; ulasyukuta akuumpila lyo coonse. Tuuyoboli nokuba kubambilila kufumbwa musyobo wa cintu mbocibede kubambwa pe nuuba mubili wa muntu.
Yahuwah uyoopa buumi buteeli kuli baabo bamunyonena milimo akuzunda nyika. Lwiiyo lwa muzimo uutafwi luzimaanya musemo wa lwiiyo oolu lwa Bulelo bwa Yahuwah.
|
Casanu, cipa kuti Yahuwah abe mubeji eelyo Walo naamba kuti balikke baluleme mbabayoopona lyoonse kukabe kutamani. Yahushua ulaamba ziindi zyone muli Johane 6, ngooyu mukonzyanyo, ikuti aabo bazulilwa kuli nguwe bayoobusyigwa mu buzuba bwa mamanino (kampango 39, 40, 44, a 54). Hena kuli nookamvwide Mufundisi mu cikombelo ca Bunakristu nanka mweembezi kaamba kuti, “Bantu boonse bayoopona kukabe kutamani; ipenzi lili buyo a busena nkoyoolijana”? Aaka kaambo kazyila ku lusyomo lwa muuya uutafwi. Pele BaLoma 2:7 baamba kuti, balikke aabo batonkomene kuyandaula buumi butakwe lufu abulemu mbabayoojana buumi butamani. Bikkila maanu kuti BaLoma 2:7-8 tabaambi kuti : “Aabo bazuunyene kuyandaula bulemu bwa Yahuwah, Walo uyoobapa buumi buteeli kujulu, pele aabo basikuliyanda abaabo bacimwa kasimpe, Walo uyoobapa buumi butamani mu mulilo uutamani” pe. Pele kuti Yahuwah uyoopa buyo buumi bwa kutafwa kuli baabo beelela kumubelekela akuzunda nyika. Lusyomo lwa muuya uutafwi lupyopyonganya lwiiyo oolu lwa musemo wa Bulelo bwa Yahuwah.
Ca cisambomwe, cilakonzyeka kuti oolu lusyomo lukwelelezya bantu ku kuleka kukomba Yahuwah akutalika kupaila basaante bakafwa, kapati Maliya Muumbulu. Nkaambo ka ceeco Yahushua Messiah ncaakatucitila, swebo tatubulide simwiima-akati nokuba yooyo uutuzekela akataa ndiswe anguwe. Nkaambo ka lufu akubuka kwa Messiah kuzwa ku bafu, tulakonzya kuswena munsaa cuuno ca Yahuwah akulomba luse alweengelelo (BaHebulayo. 4:16). Lusyomo lwa muzimo uutafwi, nokuba boobo, muziga zinjaanji, lugwisya kuyandisya nokuba kubula mufutuli. Atulangalange Bukatolika bwaku Loma. Buyiisya kuti miya ya basaante ili kujulu cino ciindi, akuti tulakonzya kupaila kuli mbabo kuti tulijanine mwiiminizi akati kesu a Taata Yahuwah. Ime ndakamvwa kuti Bakatolika basyoma kuti Maliya Muumbulu ngo mwiiminizi akataa ndiswe a Messiah Yahushua, akumupa mazina aa mulimo wa cuuno Cakwe mbuli lyakuti “Mwami mukaintu wa Kujulu.” Ninzi cicitika ku lusyomo lwa Bukatolika bwaku Loma ikuti muzeezo wa muya uutafwi kuutali masimpe? Ikuti Maliya kalede mubulongo bwaansi, kalindila kubuka kuzwa kubafu antoomwe abasyomi bamwi boonse (BaHebulayo. 11:39-40), ninzi ncobanga bacita Bakatolika abamwi eelyo nobapaila kuli nguwe nokuba kumwesya nkandela zya kulemekezya nguwe?
Ca ciloba, oolu lusyomo lupa kuti lufu lube mulongwenyina abantu bamwi akuba sinkondonyina wa boonse. IBbaibbele lilazumanana kwaambilizya kuti lufu ngo sinkondoma (1 Bakolinto. 15:54-56, ngooyu mukonzyanyo). Kwiimpanya alwiiyo lwa kusandauka kwa zilengwa leza, lufu ncintu cinjilila muntu. Muntu taakaboola munyika kwiinda mu lufu, pele lufu lwakaboola munyika kwiinda mu muntu (1 Bakolinto. 15:21). Lufu talujanwi mu buvwubi bwa Yahuwah. Oolo lwiiyo lulaamba akuti Dyabulosi ngonguwe uujisi nguzu atalaa lufu (BaHebulayo. 2:14). Hena kuli uunga waamba kuti cimwi cintu Dyabulosi ncalaa nguzu atalaa ncico inga caba mulongwe wa muntu umwi na, nokuba ku musyomi na? Pele kweendelanya a lwiiyo lwa muzimo uutafwi, hena lino lufu inga lwaba mweenzinyina wa baabo basyoma muli Messiah! Nkukuli nkookamvwide kakuyiisyigwa kuti lufu mulongwaako? Pele ncintu cimwi kwaamba nokuba mukusinganyigwa, kuti lufu lulakonzya kuba cileleko. Ngooyu mukonzyanyo, lufu lulakonzya kulemununa baabo bacisidwe, eeco inga caba cintu cibotu munzila imwi. Pele kuli kwiimpana kupati loko akataa kwaamba kuti Yahuwah ulakonzya kubelesya kusinganya kuti alete cileleko nokuba kulemununa muntu mpoonya akwaamba kuti lufu mulongwe wa ncobeni! Ikuti lufu kalwaangulula muya uutafwi kuti ukaakukkale antoomwe a Yahuwah kukabe kutamani, mbubuti mbolunga tiilwaba mulongwe uugwasyilila muntu munzila imwi niiceya?
Kanjaanji bantu babelesya mazwanga aa bupaizi nobazuunyene kulipenzya kuyeeya ncobacita munyika, aboobo muya uutafwi awalo ulakonzya kuyungizya kwiimina ambaakani eeyo nkaambo kuyeeyela kuti icintu cibambidwe aa muuya ncibotu. Aboobo nkaambo nzi ncotulibilika ku zintu nzyotucita a nyika notutali myuuya?
|
Ca lusele, oolu lusyomo lulengelezya kulanganya zilengwa leza zyokwa Yahuwah kubee nzintu zilesya cibotu naa zili sofweede kutali kuba zintu zibotu. Musyule, Ime ndaambide mpuwo ya busongo bwaci Giliki mbuyaakwelelezya cikombelo ca Bunakristu. Cimwi ciwa ca mizeezo ya busongo bwaci Giliki ncakuyeeyela kuti kufumbwa cikonzya kugumwa cilisofweede, akuti nyika ya muuya nimbotu, akuti muntu uleelede kukakatila kulilemununa zintu zyaanyika akukumbatila ku muuya. Eeci ncintu cilaa ntenda kapati ku Banakristu mbwaanga tulaitwa mu Bbaibbele kuti katukkala mu nyika eeyi pele tatweelede kuba baa nyika eeyi (langa, mukonzyanyo, Johane 15:19; BaLoma. 12:2; 1 Batesalonika. 4:1; a 1 Johane 2:15-17). Ikuti eeci casumpauzyigwa kapati, nokuba boobo, inga kaciyooba cintu cipa kusulaika ceeco Yahuwah ncaakaamba kuti ncibotu (1 Timoteo. 4:1-4; langa amu Mukambausi. 2:24-26; 3:12-13; 5:18-20; 9:7-10; 11:7-10). Inga kaciyoosungilizya bantu kuyeeyela kuti tacikwe mulimo kusunga nyika nokuba cintu cili coonse muli njiyo ikuti katuli buyo mibili ya bulongo. Aboobo nguni uukombelela naa katumwayaula tombe nokuba kusofwaazya muya uuli muluwo? Tede toyoofwa toonse ziyume zitete, alimwi miya yesu iitafwi iyakuuluka kuya kubusena ooko kunyina tombe alimwi ooko luwo lyoonse nkolusalala. Eeci ncintu cikazyanya aaceeco Yahuwah ncaakaambila muntu kuti acite — kulela atalaa nyika yoonse, kwiisunga, akwiibelesya kupa bulemu kuli Nguwe (Matalikilo. 1:26-28). Bantu kanjaanji babelesya mazwanga aabupaizi kuti ngo musemo uugaminina nokuba uubembeleka munzila imwi kulekela kukombelela ncobacita anyika, akuti muya uutafwi ulakonzya kuyungizya ali ceeco nkaambo muuya ncecintu ciinda kubota. Nkaambo nzi ino ncotulipenzya kuyeeya ncotucita anyika eeyi? Ooku takuli kwaamba kuti bantu bayeeye mizeezo iili boobu; ooku nkwaamba kuti ooku kusyoma mu muuya uutafwi kulakonzya kupa kuyeeyela kuli boobu.
Ca fuka alimwi camacaalizyo, oolu lusyomo lusendekezya lubeta lwa mamanino lwa Yahuwah kuti mbuyanga. Koyeeyela mundando wa ciindi uutobela: Muntu ulafwa akuya ku mulilo uutamani nkaambo ka zinyonyoono zyakwe akuteempwa kwakwe. Nasika kuya ulasubulwa akupenzyegwa mu mulilo uutamani. Mpoonya, aciindi cimwi kumbelaa mazuba, ooyo muntu balamuyokolola kuzwa mu mulilo, akumwiimikizya kunembo lya Yahuwah, ulamvwa Yahuwah nkwakosozya lubeta kupa mulandu kuli nguwe, ulamvwa Yahuwah nkwamusinganya, mpoonya balamusukuma kubweeda mu mulilo uutamani kwa ciindi citapimiki. Hena eeci cimvwika kuba cintu cilaa maanu na? Alimwi mbubuti mboceendelana aceeco mulembi wa BaHebulayo ncaakalemba mukampango 9:27: “Mbweenya muntu omwe-omwe mbwafwa ciindi comwe, kuzwa waawo nkunjila mu lubeta...”? Yahushua wakati muli Johane 5:28-29, ikuti kakuli ciindi cimwi eelyo boonse bali muzyuumbwe nobayoobuka akuzwa anze, bamwi kubuumi bwa musela uuboola alimwi bamwi ku lubeta, (muntu umwi weelede kulibuzya alimwi kuti: Mbaabani “boonse” bali muzyuumbwe ikuti miya yabo iitafwi kiili kale kujulu nokuba ku mulilo uutamani?). Kuli ciindi comwe buyo ca lubeta. Pele kweendelanya a lusyomo lwa muuya uutafwi, kuli ziindi zyobile zya lubeta. Mbuti eeci mbocinga ceelanyigwa ku kasimpe kamu Bbaibbele?
Kufumbwa muzeezo akataa mizeezo eeyi, mubi kapati alimwi usinkilila Mulumbe mubotu wa Bulelo. Aboobo omwe-omwe akataa mizeezo eeyi tuululeme kapati cakunga inga wasinkila Mulumbe mubotu wa Bulelo. Eelyo kuti wasanganya twaambo tuli fuka toonse ootu antoomwe, nokuba boobo, eeci citondeka ku kunyonganya akunyonyoona kufumbwa ncotunga twaamba kuti nca mulumbe uuvwuna buumi — kuti Yahuwah wakiibamba kubota nyika eeyi, alimwi, nokuba kuti ilipoide kapati nkaambo ka kusinganyigwa mu cinyonyoono cesu, Walo bumwi buzuba uya kwiibambulula kuti ikabe mbuli mboyeelede kuba; kuti Yahushua wakafwa mbweenya mbuli ndiswe mbotufwa; kuti Yahushua muzumi mbweenya mbuli ndiswe bumwi buzuba mbotuyooba bazumi; akuti Yahushua uyooba muleli wanyika eeyi mbweenya andiswe mbotuyooba (mubuleli bwa Yahushua! Daniele. 7:22, 27). Aboobo swebo tweelede kulibuzya mubuzyo winiwini kuti: Hena tulateelela caamba Mangwalo kuti Yahuwah nguni, nguni mwaalumi ooyu, alimwi nkuli kugeme buumi bwesu? Naa tuswiilile caamba nyika?
Ooyu, mubuzyo uugeme ku bweendelezi, nguzu zya bweendelezi bwa Yahuwah kweezyekanya aa nguzu zya muntu.
Simwaaba wakaambila Eva kuli, “Yebo tokafwi.”
Yahuwah utwaambila kuti, “Yebo uyoofwa, pele bumwi buzuba uyoopona kuti ukkalilile mu Mwanaangu amuli Ndime.”
Ncicili aawa ciyoocitika?
“Ime ndizyi kuti Munununi wangu ulapona, akuti kumamanino walo uyokwiimikila atalaa nyika. Alimwi eelyo mubili wangu waakunyonyooka, pele nkeli mumubili ooyu Ime njoomubona Yahuwah” (Jobo 19:25-26).
Koibaluka kuubauba bumvwika Intembauzyo 37, tumpango 9, 11, 22, 29, 34, alimwi aceeco ciyoocitika kuli baabo basofweede, mu kampango 20.
Intembauzyo 37:9 Nkaambo basofweede bayoonyonyoonwa; Pele aabo basyoma muli Yahuwah,
|
Eeci cibalo citali ca-WLC cakalembwa aaba Lonnie Craig.
Twakagwisya mucibalo citaanzi mazina aabakomba mituni ngobayita Taata a Mwana, akubikka mucibaka cangawo mazina mataanzi ngubaapedwe. Kuyungizya waawo twakajokolosya mutumpango ntotulembulude akubikka mazina aa Taata a Mwana, mbuli mbwaakalembedwe kutaanguna abalembi bamu Bbaibbele bakayoyelwa moza. Nkamu ya-WLC
