|
Ang kasaysayan ng simbahan ay nagpapakita ng isang umuulit, lantarang pagtanggi ng banal na liwanag sa panahon ng maagang pag-unlad nito, na nagdulot sa pagtigil nito sa pagtanggap ng bagong liwanag. |
![Pagtanggi Sa Banal Na Liwanag Ng Simbahang SDA: Isang Umuulit Na Palatandaan Na Tumatak Sa Tadhana Nito. [Parte 3 Ng 3]](https://media.worldslastchance.com/tagalog/images/rejection-of-divine-light-by-the-sda-church-part-three-tagalog.png)
Kung paano ang simbahang SDA ay nakitungo kay Dr. Desmond Ford ay malinaw na nagpapakita ng pagkasuklam nito sa anumang pagtuturo na bumabagbag sa mga niyakap itong teorya at tradisyong gawa ng tao. Ang kanilang pag-ibig sa tradisyon ay mas mabigat sa kanilang pag-ibig sa patotoo.
Siya ay isang maimpluwensya na teologo at dating ministro ng simbahang SDA na naging isang sentrong tao sa isa sa mga pinakamahalagang teolohikal na kontrobersya sa kasaysayan ng Adventist. Ang paraan na tratuhin siya ng simbahang SDA, lalo na noong 1980 Glacier View na pagpupulong at matapos nito, ay inilarawan ng mga iskolar at ilan sa loob mismo ng Simbahan bilang ganap na hindi makatarungan o malupit.
Hinamon ni Dr. Ford ang doktrina ng Adventist ng Investigative Judgment, ang paniniwala na sinimulan ni Kristo ang isang espesyal na yugto ng paghahatol sa makalangit na santuwaryo noong 1844. Nagtalo siya na ang biblikal na pundasyon para sa pagtuturo na ito (pangunahing batay sa Daniel 8:14 at ang propesiya ng “2300 araw”) ay ekshegetikal na mahina at teolohikal na hindi mabuti. Dagdag pa sa pagtanggi sa Investigative Judgment, pinanindigan niya ang pagkamatuwid sa pananalig at ang kawakasan ng pagbabayad-sisi ni Kristo sa krus, kaya tinatanong ang pangangailangan para sa isa pang mausisang yugto na nagsisimula noong 1844.
Ang Simbahang SDA ay pinulong ang 120 teologo at tagapangasiwa sa Glacier View Ranch sa Colorado upang suriin ang 991 pahinang dokumento ni Ford, “Daniel 8:14, ang Araw ng Pagbabayad-sisi, at ang Investigative Judgment.” Marami sa mga dumalo ay nagkasundo na si Ford ay nagtayo ng mga lehitimong maka-iskolar na isyu; ilan pa nga sa kanila ay pumayag na ang doktrina ay nangailangan ng pagbabago. Gayunman, ang pamumuno, kapuna-puna ang General Conference President na si Neal C. Wilson, ay determinado na panindigan ang tradisyonal na doktrina. Muli, ang simbahan at ang pamumuno nito ay pinili ang tradisyon sa mabuting doktrinal na mga pagtuturo na ibinuhos ni Yahuwah Ama sa kanilang landas, sa pamamagitan ng paglilingkod ni Dr. Ford.
Marami sa mga lumahok sa huli’y ipinahiwatig na ang pamumuno ng Simbahan ay nagpasya na upang disiplinahin si Ford bago magsimula ang pagpupulong, kaya pinagkakaitan siya ng pagkakataon na ipagtanggol ang kanyang posisyon sa mga mahahalagang talakayan.
Mas malala pa, dalawang buwan lamang matapos ang Glacier View, ang mga ministeryal na katibayan ni Dr. Ford ay binawi, at siya ay pinatalsik mula sa pagtuturo sa Pacific Union College, kung saan siya ay naging respetadong propesor ng teolohiya. Ang pamumuno ng Simbahang SDA ay hindi sinubukan na magsagawa ng anumang proseso ng pakikipagkasundo kay Dr. Ford.
Ang kontrobersya na nakapaligid kay Dr. Ford ay humantong sa pag-alis ng libu-libong Adventists, kabilang ang mga pastor at mga guro. Ilang pagtaya ay nagpapahiwatig na mga 180 pastor ay nagbitiw dahil sa pagtanggi sa mga pagtuturo ni Dr. Ford at ang hindi ma-Kristyanong maling paghawak ng buong pangyayari. Maraming Adventist na mananalaysay at teologo, maging ang mga hindi sumang-ayon sa teolohiya ni Ford, ay kinilala na ang proseso ay nagkulang ng pagkamatuwid, akdemikong integridad, at pastoral na kalinga.
Ang asawa ni Dr. Ford, si Gillian Ford, ay naglathala ng isang aklat na pinamagatang: “Desmond Ford: Reformist Theologian, Gospel Revivalist” na nagdetalye ng emosyonal at propesyonal na kabayaran ng pagtrato na ito sa kanilang pamilya. Paano ang ganoong pagtrato ay humahanay sa isang simbahan na inaangkin na nalalabing simbahan ni Yahushua?
Ang pamumuno ng Simbahan ay piniling tratuhin si Dr. Ford na isang banta sa pag-iral nito sa halip na kumasundo sa maka-iskolar na dayalogo, baka sila’y masumpungan na tumatanggi sa isang banal na liwanag. Sa ganoong aksyon, sila’y sumalamin sa nakahihiyang deklarasyon ni Caifas, ang punong pari, noong binigkas niya, ‘mas mabuti para sa inyo na hayaang mamatay ang isang tao para sa bayan, kaysa hayaang mawasak ang buong bansa.’ Juan 11:50. Para sa pamumuno, ang pagpapanatili ng harapan ng istruktura ng simbahan at ang mga mayayaman nitong institusyon ay higit na mahalaga kaysa sa pakikitungo sa isang teolohikal na dayalogo na, kung tinanggap, ay maaaring yumanig sa katuwiran para sa pag-iral nito. Kung tutuusin, ang simbahan ay dumating sa pag-iral batay sa kanilang may depektong pagkakaunawa ng Daniel 8:14. Dahil dito, ang pagtanggap sa pagtuturo ni Ford ay pawawalang-bisa ang lahat ng pinaninindigan ng simbahan at nagtindig ng isang nakamamatay na hamon sa mga pagtuturo at mga angkin ni Ellen White.
Bilang isang resulta, ang pamumuno ay nagpasya hindi lamang tanggihan ang angkop na proseso kundi rin ang pakikilahok sa pagpaslang sa karakter sa pagtatak sa kanya na isang eksistensyal na ‘banta’ na kailangang pigilan. Isipin ang isang iskolar na itinuon ang kanyang buhay sa sentrong mensahe ng ebanghelyo ng pagkamatuwid sa pananalig ay tinatakan bilang isang ‘banta.’ Ang pamumuno ng Simbahang SDA ay handa na gumawa ng isang halimbawa kay Dr. Ford, upang pigilan, nang tuluyan, ang iba pang potensyal na sumasalungat.
Nakalulungkot, habang nananatiling may trabaho sa Simbahang SDA, walang lider ang dumating sa pagtanggol kay Dr. Ford. Tangi lamang matapos matiyak ang kanyang pagreretiro si Pastor William Johnsson, dating patnugot ng Adventist Review, ay isinulat ang sumusunod na pag-amin: “Si Des Ford ay tama tungkol sa maraming bagay. Ang simbahan ay may utang sa kanya na isang paghingi ng tawad.”
Kami’y may utang na loob sa hindi natitinag na pangako ni Dr. Ford sa kanyang mga matatag na pinanghahawakang paniniwala. Nagbayad siya ng sukdulang kabayaran para sa mga pananalig na ito: katiyakan ng trabaho, pagpaslang sa karakter, at napakadakilang lundo na nagbayad sa kanya at sa kanyang pamilya sapagkat hinarap nila ang mabigat na kamay ng makapangyarihang pamumuno mula sa isang lubhang mayaman na organisasyon lamang. Maaari siyang madaling makompromiso sa pamumuno upang protektahan ang kanyang trabaho bilang isang maraming hangad na propesor ng teolohiya at matiyak ang kanyang pensyon. Gayunman, ang kanyang katapatan sa katotohanan ay mas mabigat sa anumang monetaryong pagsasaalang-alang. Kaya dahil dito, siya ay isang karapat-dapat na halimbawa para sa ating lahat.
Tumanggi si Dr. Ford na tanggapin ang pananaw na ang interpretasyon ni Ellen White sa Kasulatan ay humahawak ng banal na awtoridad. Habang dakila ang respeto niya kay Ellen White, nilimitahan niya ang papel ni White sa simbahan sa isang pastoral na posisyon.
Siya ay isang marahas na Trinitaryan. Naniniwala kami na siya ay lubos na okupado sa mga teolohikal na labanan kaya ang panahon at puwang ay wala pa sa kanya upang siyasatin ang paksa ng Tatluhang Diyos. Muli, matatag kaming naniniwala na sa panig na ito ng walang hanggan, hindi tayo kailanman makakahanap ng isang plataporma [kabilang ang WLC] na 100% malaya sa kamalian. Ang kritikal na pagsusulit nating lahat ay hindi para tanggihan ang anumang pagkakataon na siyasatin ang ating mga paniniwala kapag ang bagong sinag ng banal na liwanag ay binuhos sa ating landas.
Aming itinapon ang ‘santu-santuhang’ pagtuturo ng SDA ng Investigative Judgment nang buong lakas, salamat pangunahin sa gawa ni Dr. Ford. Walang sinuman ang tumulong sa atin na pahalagahan ang Mensahe ng Ebanghelyo ng Pagkamatuwid sa Pananalig nang lubos gaya ni Dr. Ford. Kami’y walang hanggan na nagpapasalamat sa kanya.
Sa World’s Last Chance, kami’y magpapatuloy sa paglathala ng marami sa kanyang mga artikulo na humahanay sa aming pagkakaunawa ng patotoo, partikular sa napakaganda at pinakamahalagang paksa ng Pagkamatuwid sa Pananalig. I-click rito para makinig sa isa sa aming paboritong sermon sa paksang ito mismo ni Dr. Desmond Ford, hinatid nang huli sa kanyang buhay. Siya ay pinagbawalan mula sa pagtuturo sa mga pulpito ng SDA, ngunit ang makapangyarihan na Loma Linda University Church ay inimbitahan siya, at hinatid ang klasikong sermon na ito.